01.02.2024           Morning Malayalam Murli       Om Shanti           BapDada Madhuban


മധുരമായ കുട്ടികളേ - ഇതുവരെ എന്തെല്ലാമാണോ പഠിച്ചത് അതെല്ലാം തന്നെ മറന്നേക്കൂ, തികച്ചും കുട്ടിക്കാലത്തേക്ക് പോകൂ, അപ്പോള് ഈ ആത്മീയ പഠിപ്പില് പാസ്സാവാന് സാധിക്കും.

ചോദ്യം :-
ഏതു കുട്ടികള്ക്കാണോ ദിവ്യബുദ്ധി ലഭിച്ചിരിക്കുന്നത് അവരുടെ അടയാളങ്ങള് എന്തെല്ലാമാണ്?

ഉത്തരം :-
അവര് ഈ പഴയ ലോകത്തെ കണ്ണുകള് കൊണ്ട് കണ്ടിട്ടും കാണാതിരിക്കുന്നു. അവരുടെ ബുദ്ധിയില് സദാ ഉണ്ടായിരിക്കും ഈ പഴയലോകം നശിച്ചുകഴിഞ്ഞു. ഈ ശരീരം പഴയതും തമോപ്രധാനവുമാണ്, ആത്മാവും തമോപ്രധാനമാണ്, ഇതിനോട് എന്ത് പ്രീതി വെക്കാനാണ്. ഇങ്ങനെയുളള ദിവ്യബുദ്ധികളായ കുട്ടികളോട് മാത്രമേ ബാബയ്ക്കും ഹൃദയം കൊണ്ടുളള പ്രീതിയുണ്ടാവൂ. അങ്ങനെയുളള കുട്ടികള്ക്കു മാത്രമേ ബാബയുടെ ഓര്മ്മയില് നിരന്തരം ഇരിക്കാന് സാധിക്കൂ. സേവനത്തിലും മുന്നേറുവാന് സാധിക്കൂ.

ഓംശാന്തി.  
മധുര-മധുരമായ ആത്മീയ കുട്ടികള്ക്ക് ആത്മീയ അച്ഛന് മനസ്സിലാക്കിത്തരുകയാണ്. പരിധിയുളള സന്യാസിമാര്, അവര് വീടും കുടുംബവും ഉപേക്ഷിക്കുന്നു, എന്തുകൊണ്ടെന്നാല് അവര് മനസ്സിലാക്കുന്നു ബ്രഹ്മത്തില് പോയി ലയിക്കുമെന്ന്, അതുകൊണ്ട് ലോകത്തില് നിന്നുമുളള ആസക്തി ഉപേക്ഷിക്കേണ്ടതായുണ്ട്. അഭ്യാസവും അതുപോലെത്തന്നെ ചെയ്യുന്നുണ്ടാവും. പോയി ഏകാന്തതയിലിരിക്കുന്നു. അവര് ഹഠയോഗികളാണ്, തത്വജ്ഞാനികളാണ്. ബ്രഹ്മത്തില് പോയി ലയിക്കുമെന്ന് മനസ്സിലാക്കുന്നു അതുകൊണ്ട് മമത്വത്തെ ഇല്ലാതാക്കുന്നതിനായി വീടും കുടുംബവും ഉപേക്ഷിക്കുന്നു. വൈരാഗ്യം ഉണ്ടാകുന്നു. പക്ഷേ പെട്ടെന്നൊന്നും മമത്വത്തെ ഇല്ലാതാക്കാന് സാധിക്കില്ല. തന്റെ പത്നിയെയും കുട്ടികളെയും ഓര്മ്മ വന്നുകൊണ്ടിരിക്കുന്നു. ഇവിടെയാണെങ്കില് നിങ്ങള്ക്ക് ജ്ഞാനത്തിന്റെ ബുദ്ധിയിലൂടെ എല്ലാംതന്നെ മറക്കേണ്ടതായുണ്ട്. ഏതൊരു വസ്തുവും പെട്ടെന്നു തന്നെ മറക്കില്ല. ഇപ്പോള് നിങ്ങള് പരിധിയില്ലാത്ത സന്യാസം ചെയ്യുന്നു. എല്ലാ സന്യാസിമാര്ക്കും ഓര്മ്മയുണ്ടാവുക തന്നെ ചെയ്യും. പക്ഷേ ബുദ്ധികൊണ്ട് മനസ്സിലാക്കുന്നു ഞങ്ങള്ക്ക് ബ്രഹ്മത്തില് പോയി ലയിക്കണമെന്ന്. അതുകൊണ്ട് നമുക്ക് ദേഹാഭിമാനം പാടില്ല. അത് ഹഠയോഗത്തിന്റെ മാര്ഗ്ഗമാണ്. മനസ്സിലാക്കുന്നു നമ്മള് ഈ ശരീരം ഉപേക്ഷിച്ച് ബ്രഹ്മത്തില് പോയി ലയിക്കുമെന്ന്. അവര്ക്ക് ഇത് അറിയുക പോലും ഇല്ല നമുക്ക് എങ്ങനെ ശാന്തിധാമത്തിലേക്ക് പോകാന് സാധിക്കുമെന്ന്. നിങ്ങള്ക്ക് അറിയാം നമുക്കിപ്പോള് വീട്ടിലേക്ക് പോകണമെന്ന്. എങ്ങനെയാണോ വിദേശത്തു നിന്നും വരുമ്പോള് ഇങ്ങനെ മനസ്സിലാക്കുന്നത്, നമുക്ക് ഇന്ന വഴി ബോംബെയിലേക്ക് പോകണം........ ഇപ്പോള് നിങ്ങള് കുട്ടികള്ക്ക് പക്കാ നിശ്ചയമാണ്. വളരെ പേര് പറയുന്നുണ്ട് ഇവരുടെ പവിത്രത നല്ലതാണ്, ജ്ഞാനം നല്ലതാണ്, പ്രസ്ഥാനം നല്ലതാണ് എന്നൊക്കെ. മാതാക്കള് ധാരാളം പ്രയത്നിക്കുന്നുണ്ട്, കാരണം വളരെ അക്ഷീണമായി മനസ്സിലാക്കി കൊടുക്കുന്നുണ്ട്. തന്റെ ശരീരവും മനസ്സും ധനവും ഉപയോഗിക്കുന്നതുകൊണ്ട് വളരെ നന്നായി തോന്നുന്നുണ്ട്. പക്ഷേ നമുക്കും അങ്ങനെ അഭ്യസിക്കണം എന്ന ചിന്ത പോലും ചിലര്ക്ക് വരുന്നില്ല. വിരളം പേരെ ഇതിനുവേണ്ടി ശ്രമിക്കുന്നുളളൂ. അത് ബാബയും പറയാറുണ്ട് കോടിയില് ചിലര്, അതായത് ആര് നിങ്ങളുടെ അടുത്തേക്ക് വരുന്നുവോ അവരിലും ചിലരു മാത്രമേ തുടരുകയുളളൂ. ബാക്കി ഈ പഴയ ലോകം നശിക്കാന് പോവുകയാണ്. നിങ്ങള്ക്ക് അറിയാം ഇപ്പോള് ബാബ വന്നു കഴിഞ്ഞു. സാക്ഷാത്കാരം ഉണ്ടായാലും ഇല്ലെങ്കിലും, വിവേകം പറയുന്നു നിങ്ങള്ക്ക് അറിയാം പരിധിയില്ലാത്ത അച്ഛന് വന്നു കഴിഞ്ഞു എന്ന്. ഇതും നിങ്ങള്ക്ക് അറിയാം ബാബ ഒന്നേയുളളൂ, ആ പാരലൗകിക അച്ഛന് തന്നെയാണ് ജ്ഞാനസാഗരന്. ലൗകിക പിതാവിനെ ജ്ഞാനസാഗരന് എന്നു പറയില്ല. ഇതും ബാബ തന്നെയാണ് വന്ന് നിങ്ങള് കുട്ടികള്ക്ക് പരിചയം നല്കുന്നത്. നിങ്ങള്ക്ക് അറിയാം ഇപ്പോള് പഴയ ലോകം നശിക്കാന് പോവുകയാണ്. നമ്മള് 84 ജന്മങ്ങളുടെ ചക്രം പൂര്ത്തിയാക്കി. ഇപ്പോള് നമ്മള് പുരുഷാര്ത്ഥം ചെയ്യുകയാണ് തിരിച്ച് ശാന്തിധാമം വഴി സുഖധാമത്തിലേക്ക് പോകാന്. ശാന്തിധാമത്തിലേക്ക് തീര്ച്ചയായും പോകണം. അവിടെ നിന്നും തിരിച്ച് ഇങ്ങോട്ട് വരണം. മനുഷ്യര് ഈ കാര്യങ്ങളില് ആശയക്കുഴപ്പത്തിലാണ്. ആരെങ്കിലും മരിക്കുകയാണെങ്കില് പറയും വൈകുണ്ഡത്തിലേക്ക് പോയി എന്ന്. പക്ഷേ വൈകുണ്ഡം എവിടെയാണ്? ഭാരതവാസികള്ക്കേ ഈ വൈകുണ്ഡത്തിന്റെ പേര് അറിയൂ. മറ്റുളള ധര്മ്മത്തിലുളളവര്ക്ക് വൈകുണ്ഡത്തെക്കുറിച്ച് അറിയില്ല. കേവലം പേര് കേട്ടിട്ടുണ്ട്, ചിത്രങ്ങളും കണ്ടിട്ടുണ്ട്. ദേവതകളുടെ ക്ഷേത്രങ്ങളെല്ലാം ധാരാളം കണ്ടിട്ടുണ്ട്. ഈ ദില്വാഡാ ക്ഷേത്രമുണ്ട്, ലക്ഷക്കണക്കിന് കോടിക്കണക്കിനു രൂപ ചിലവാക്കിയാണ് ഉണ്ടാക്കിയത്, ഉണ്ടാക്കി കൊണ്ടേയിരിക്കുന്നുണ്ട്. ദേവീദേവതകളെ വൈഷ്ണവരെന്നു പറയാറുണ്ട്. അവര് വിഷ്ണുവിന്റെ വംശാവലിയാണ്. അവര് പവിത്രമായവരാണ്. സത്യയുഗത്തെ പാവനലോകമെന്നു പറയുന്നു. ഇത് പതിതലോകമാണ്. സത്യയുഗത്തിലെ വൈഭവങ്ങളൊന്നും തന്നെ ഇവിടെയുണ്ടാവില്ല. ഇവിടെ ധാന്യങ്ങളെല്ലാം തന്നെ തമോപ്രധാനമായിരിക്കുകയാണ്. സ്വാദും തമോപ്രധാനമാണ്. കുട്ടികള്ക്ക് സാക്ഷാത്കാരം ലഭിക്കുമ്പോള് പറയും ഞങ്ങള് മാമ്പഴച്ചാറ് കുടിച്ചു വരികയാണ്. വളരെ സ്വാദുണ്ടായിരുന്നു. ഇവിടെയും നിങ്ങളുടെ കൈകൊണ്ട് ഉണ്ടാക്കുമ്പോള് പറയുന്നു വളരെ സ്വാദുണ്ടെന്ന്, കാരണം നിങ്ങള് നന്നായി ഉണ്ടാക്കുന്നുണ്ട്. സര്വ്വരും മനസ്സ് നിറച്ച് കഴിക്കുന്നു. നിങ്ങള് യോഗത്തിലിരുന്നുകൊണ്ട് ഉണ്ടാക്കുമ്പോള് എല്ലാം സ്വാദുളളതായിത്തീരുന്നു എന്നല്ല, എല്ലാത്തിനും അഭ്യാസം ആവശ്യമാണ്. ചിലര് വളരെ നന്നായി ഭോജനം ഉണ്ടാക്കുന്നു. അവിടെയാണെങ്കില് ഓരോ വസ്തുവും സതോപ്രധാനമായിരിക്കും. അതുകൊണ്ട് വളരെയധികം ശക്തിയുണ്ടായിരിക്കും. തമോപ്രധാനമാകുന്നതോടെ എല്ലാത്തിന്റെയും ശക്തി കുറയുന്നു, പിന്നീട് അതില് നിന്നും ദു:ഖങ്ങളും അസുഖങ്ങളും എല്ലാം ഉണ്ടാകുന്നു. പേരു തന്നെ ദു:ഖധാമം എന്നാണ്. സുഖധാമത്തില് ദു:ഖത്തിന്റെ കാര്യമില്ല. നമ്മള് ഇത്രയ്ക്കും സുഖത്തിലേക്കാണ് പോകുന്നത്, ഇതിനെയാണ് സ്വര്ഗ്ഗീയ സുഖമെന്ന് പറയുന്നത്. കേവലം നിങ്ങള്ക്ക് പവിത്രമായിത്തീരണം അതും കേവലം ഈയൊരു ജന്മത്തേക്കു വേണ്ടി. പിന്നീടുളള ചിന്ത വേണ്ട ഇപ്പോള് നിങ്ങള് പവിത്രമായിത്തീരൂ. ആദ്യം, ആരാണ് ഇത് പറയുന്നത് എന്ന് ചിന്തിക്കൂ. പരിധിയില്ലാത്ത അച്ഛന്റെ പരിചയം നല്കേണ്ടതായി വരും. പരിധിയില്ലാത്ത അച്ഛനില് നിന്നും സുഖത്തിന്റെ സമ്പത്ത് ലഭിക്കുന്നു. ലൗകിക അച്ഛനും പാരലൗകിക അച്ഛനെ ഓര്മ്മിക്കുന്നു. ബുദ്ധി മുകളിലേക്ക് പോകുന്നു. നിങ്ങള് കുട്ടികളിലും ആരാണോ പക്കാ നിശ്ചയബുദ്ധികള്, അവരുടെ ഉളളിലുണ്ടാവും ഇനി ഈ ലോകത്തില് കുറച്ച് ദിവസം മാത്രമേ ബാക്കിയുളളൂ. ഇത് കക്കയ്ക്കു സമാനമായ ശരീരമാണ്. ആത്മാവും കക്കയ്ക്കു സമാനമായി മാറിയിരിക്കുകയാണ്, ഇതിനെയാണ് വൈരാഗ്യം എന്ന് പറയുന്നത്.

ഇപ്പോള് നിങ്ങള് കുട്ടികള് ഡ്രാമയെ അറിഞ്ഞു കഴിഞ്ഞു. ഭക്തിമാര്ഗ്ഗത്തിലെ പാര്ട്ട് നടക്കുക തന്നെ ചെയ്യും. എല്ലാവരും ഭക്തിയില് തന്നെയാണ്, ഇതില് വെറുക്കേണ്ടതായ ആവശ്യമില്ല. സന്യാസിമാര് സ്വയം വെറുപ്പ് ഉണര്ത്തുകയാണ്. വീട്ടില് എല്ലാവരും ദു:ഖികളായിരിക്കും, അവര് സ്വയത്തെ സുഖിയാക്കുന്നതിനായി പോവുകയാണ്. പക്ഷേ തിരിച്ച് ആര്ക്കും തന്നെ മുക്തിധാമത്തിലേക്കു പോകാന് സാധിക്കില്ല. ആരെല്ലാമാണോ താഴേക്കു വന്നിരിക്കുന്നത് അവര് ആരും തന്നെ മുകളിലേക്ക് പോയിട്ടില്ല. എല്ലാവരും ഇവിടെത്തന്നെയുണ്ട്. ഒരാള് പോലും നിര്വ്വാണധാമത്തില് അഥവാ ബ്രഹ്മത്തിലേക്ക് പോയിട്ടില്ല. അവര് മനസ്സിലാക്കുന്നു ഇന്നയാള് ബ്രഹ്മത്തിലേക്ക് ലയിച്ചു എന്ന്. ഇതെല്ലാം തന്നെ ഭക്തിമാര്ഗ്ഗത്തിലെ ശാസ്ത്രങ്ങളിലുണ്ട്. ബാബ പറയുന്നു ഈ ശാസ്ത്രങ്ങളിലെല്ലാം എന്തൊക്കെയുണ്ടോ അതൊക്കെ ഭക്തിമാര്ഗ്ഗത്തിലേതാണ്. നിങ്ങള് കുട്ടികള്ക്കിപ്പോള് ജ്ഞാനം ലഭിച്ചുകൊണ്ടിരിക്കുകയാണ്, അതുകൊണ്ട് നിങ്ങള്ക്കിപ്പോള് ഒന്നും തന്നെ വായിക്കേണ്ടതായ ആവശ്യമില്ല. പക്ഷേ ചിലര്ക്ക് നോവലുകളെല്ലാം വായിക്കുന്ന സ്വഭാവമുണ്ട്. പൂര്ണ്ണ ജ്ഞാനമില്ല. അവരെ പറയുന്ന പേരാണ്, നാമധാരി(പേരിനുമാത്രമുളള) ജ്ഞാനിയെന്ന്. രാത്രിയില് നോവലും വായിച്ച് ഉറങ്ങിക്കഴിഞ്ഞാല് അവരുടെ ഗതി എന്തായിത്തീരും? ഇവിടെ ബാബ പറയുന്നത് ഇതാണ് എന്തെല്ലാം തന്നെ പഠിച്ചിട്ടുണ്ടോ അതെല്ലാം തന്നെ മറന്നേക്കൂ. ഈ ആത്മീയ പഠിപ്പില് മുഴുകൂ. ഇവിടെ ഭഗവാനാണ് പഠിപ്പിക്കുന്നത്, ഇതിലൂടെ നിങ്ങള് ദേവതയായിത്തീരുന്നു, 21 ജന്മത്തേക്കുവേണ്ടി. ബാക്കി എന്തെല്ലാമാണോ പഠിച്ചിട്ടുളളത് അതെല്ലാം തന്നെ മറന്നേക്കൂ. തീര്ത്തും കുട്ടിക്കാലത്തേക്ക് പോകൂ. സ്വയത്തെ ആത്മാവാണെന്നു മനസ്സിലാക്കൂ. ഈ കണ്ണുകളിലൂടെ കാണുന്നുണ്ടെങ്കിലും കണ്ടിട്ടും കാണാതിരിക്കൂ. നിങ്ങള്ക്ക് ദിവ്യദൃഷ്ടിയും ദിവ്യബുദ്ധിയും ലഭിച്ചിട്ടുണ്ട്, അപ്പോള് മനസ്സിലാക്കണം ഇത് പഴയ ലോകമാണെന്ന്. എല്ലാം നശിക്കാന് പോവുകയാണ്. ഇതെല്ലാം തന്നെ ശ്മശാനമാണ്, ഇതിനോട് എന്ത് പ്രീതി വെക്കാനാണ്. ഇപ്പോള് സ്വര്ഗ്ഗമായിത്തീരണം. നിങ്ങളിപ്പോള് ശ്മശാനത്തിന്റെയും സ്വര്ഗ്ഗത്തിന്റെയും മദ്ധ്യത്തിലാണ് വസിക്കുന്നത്. ഇപ്പോള് സ്വര്ഗ്ഗം സ്ഥാപിച്ചുകൊണ്ടിരിക്കുകയാണ്. ഇപ്പോള് പഴയ ലോകത്തില് ഇരിക്കുന്നു. പക്ഷേ ഇടയ്ക്ക് ബുദ്ധിയുടെ യോഗം അങ്ങോട്ട്(സ്വര്ഗ്ഗം) പോകണം. നിങ്ങള് പുതിയ ലോകത്തിനു വേണ്ടിയുളള പുരുഷാര്ത്ഥമാണ് ചെയ്യുന്നത്. ഇപ്പോള് പുരുഷോത്തമനായിത്തീരുന്നതിനുവേണ്ടി രണ്ടിന്റേയും മദ്ധ്യത്തിലാണ്. ഈ പുരുഷോത്തമ സംഗമയുഗത്തെക്കുറിച്ച് ആര്ക്കും തന്നെ അറിയുന്നില്ല. പുരുഷോത്തമ മാസം, പുരുഷോത്തമ വര്ഷം ഇതിന്റെയും അര്ത്ഥത്തെക്കുറിച്ച് മനസ്സിലാക്കുന്നില്ല. പുരുഷോത്തമസംഗമയുഗത്തിന് വളരെ കുറച്ച് സമയം മാത്രമേ യുളളൂ. ഈ സര്വ്വകലാശാലയിലേക്ക് വൈകി വരുകയാണെങ്കില് വളരെയധികം പ്രയത്നിക്കേണ്ടതായി വരും. ഓര്മ്മ നിലനില്ക്കാന് ബുദ്ധിമുട്ടാണ്, ഇടയ്ക്ക് മായ വിഘ്നമുണ്ടാക്കി കൊണ്ടിരിക്കുന്നു. അപ്പോള് ബാബ മനസ്സിലാക്കിത്തരുന്നു ഈ പഴയ ലോകം നശിക്കാന് പോവുകയാണ്. ബാബ ഇവിടെ ഇരിക്കുന്നുണ്ടെങ്കിലും, എല്ലാം കാണുന്നുണ്ടെങ്കിലും ബുദ്ധിയിലുണ്ട് ഇതെല്ലാം തന്നെ നശിക്കാന് പോവുകയാണെന്ന്. ഒന്നും തന്നെ അവശേഷിക്കില്ല. ഇത് പഴയ ലോകമാണ് ഇതിനോട് വൈരാഗ്യം തോന്നണം. ശരീരധാരികളും എല്ലാം പഴയതാണ്. ശരീരം പഴയതും തമോപ്രധാനവുമാണെങ്കില് ആത്മാവും തമോപ്രധാനമാണ്. ഇങ്ങനെയുളള സാധനത്തെ നമ്മള് കണ്ടിട്ടുതന്നെ എന്താണ് പ്രയോജനം. ഇതൊന്നും തന്നെ അവശേഷിക്കാന് പോകുന്നില്ല, ഒന്നിനോടും പ്രീതി വേണ്ട. ബാബയുടെ ഹൃദയത്തില് ഇങ്ങനെയുളള കുട്ടികളാണ് ഉണ്ടാവുക ആരാണോ ബാബയെ നല്ല രീതിയില് ഓര്മ്മിക്കുന്നത്, സേവനം ചെയ്യുന്നത്. ബാക്കി എല്ലാവരും കുട്ടികള് തന്നെയാണ്. എത്രയധികം കുട്ടികളാണ്. എല്ലാവരും ഒരിക്കലും കണ്ടിട്ടുപോലുമുണ്ടാവില്ല. പ്രജാപിതാവായ ബ്രഹ്മാവിനെയും അവര്ക്ക് അറിയില്ല. പ്രജാപിതാ ബ്രഹ്മാവ് എന്ന പേര് കേട്ടിട്ടുണ്ട് പക്ഷേ അവരില് നിന്നും എന്താണ് ലഭിക്കുക എന്നുളളത് അറിയില്ല. ബ്രഹ്മാവിന്റെ ക്ഷേത്രവുമുണ്ട്, താടിയുളള ചിത്രത്തെയും കാണിക്കുന്നുണ്ട്. പക്ഷേ അവരെ ആരും തന്നെ ഓര്മ്മിക്കില്ല, കാരണം അവരില് നിന്നും സമ്പത്ത് ലഭിക്കില്ലല്ലോ. ആത്മാക്കള്ക്ക് സമ്പത്ത് ലഭിക്കുന്നത് ഒരേയൊരു ലൗകിക അച്ഛനില് നിന്ന്, രണ്ടാമതായി പാരലൗകിക അച്ഛനില് നിന്ന്. പ്രജാപിതാവായ ബ്രഹ്മാവിനെക്കുറിച്ച് ആര്ക്കും തന്നെ അറിയുന്നില്ല. ഇത് അത്ഭുതകരമാണ്. അച്ഛനായി സമ്പത്ത് നല്കുന്നില്ലെങ്കില് അലൗകികമായല്ലോ. പരിധിക്കുളളതും പരിധിയില്ലാത്തതുമായ സമ്പത്താണ് ഉളളത്. അതിനിടയിലുളള സമ്പത്തില്ല. പ്രജാപിതാവെന്നു പറയുന്നുണ്ടെങ്കിലും സമ്പത്ത് നല്കുന്നില്ല. ഈ അലൗകിക അച്ഛനു പോലും സമ്പത്ത് ലഭിക്കുന്നത് പാരലൗകിക പിതാവില് നിന്നാണ്. പിന്നെ അവര് എങ്ങനെ നല്കാനാണ്. പാരലൗകിക അച്ഛന് ഇവരിലൂടെയാണ് നല്കുന്നത്. ഇത് രഥമാണ്. ഇവരെ എന്തിന് ഓര്മ്മിക്കാനാണ്. ഇവര്ക്ക് സ്വയം തന്നെ ആ ബാബയെ ഓര്മ്മിക്കേണ്ടതായുണ്ട്. മറ്റുളള മനുഷ്യര് മനസ്സിലാക്കുന്നു ഈ ബ്രഹ്മാവു തന്നെയാണ് പരമാത്മാവെന്ന്. പക്ഷേ നമുക്ക് ഇദ്ദേഹത്തില് നിന്നും സമ്പത്ത് ലഭിക്കില്ല. ശിവബാബയില് നിന്നാണ് സമ്പത്ത് ലഭിക്കുക. ഇദ്ദേഹം മദ്ധ്യത്തില് ഇടനിലക്കാരനാണ്. ഇദ്ദേഹവും നമ്മെ പോലെ വിദ്യാര്ത്ഥിയാണ്. ഭയപ്പെടേണ്ടതായ കാര്യമില്ല.

ബാബ പറയുന്നു ഈ സമയം മുഴുവന് ലോകവും തമോപ്രധാനമാണ്. നിങ്ങള്ക്ക് യോഗബലത്തിലൂടെ സതോപ്രധാനമായി മാറണം. ലൗകിക പിതാവില് നിന്നും പരിധിയുളള സമ്പത്താണ് ലഭിക്കുന്നത്. നിങ്ങള്ക്കിപ്പോള് പരിധിയില്ലാത്തതിലേക്ക് ബുദ്ധി വെക്കണം. ബാബ പറയുന്നു കേവലം ബാബയില് നിന്നല്ലാതെ മറ്റാരില് നിന്നും ഒന്നും തന്നെ ലഭിക്കാനില്ല. അത് ദേവതകളായാലും ശരി. ഈ സമയത്ത് എല്ലാവരും തമോപ്രധാനമാണ്. ലൗകിക അച്ഛനില് നിന്നും സമ്പത്ത് ലഭിക്കുകതന്നെ ചെയ്യും. ബാക്കി ഈ ലക്ഷ്മി-നാരായണനില് നിന്നും നിങ്ങള് എന്താണ് ആഗ്രഹിക്കുന്നത്? മറ്റുളള മനുഷ്യര് മനസ്സിലാക്കുന്നു ഇവര് അമരനാണ്, ഒരിക്കലും മരിക്കുന്നില്ല, തമോപ്രധാനമാകുന്നില്ല. പക്ഷേ നിങ്ങള്ക്ക് അറിയാം ആരാണോ സതോപ്രധാനമായിരുന്നത്, അവര്ക്ക് തീര്ച്ചയായും തമോപ്രധാനമാകണം. ശ്രീകൃഷ്ണനെ ലക്ഷ്മി-നാരായണനെക്കാളും ഉയര്ന്നതാണെന്ന് മനസ്സിലാക്കുന്നു, കാരണം അവര് വിവാഹം കഴിച്ചവരാണ്. കൃഷ്ണന് ജന്മനാ പവിത്രമാണ്, അതുകൊണ്ടാണ് കൃഷ്ണന്റെ മഹിമ പാടുന്നത്. കൃഷ്ണനെയാണ് ഊഞ്ഞാലാട്ടുന്നതും. കൃഷ്ണന്റെ ജയന്തിയാണ് ആഘോഷിക്കുന്നത്. ലക്ഷ്മി-നാരായണന്റെ എന്തുകൊണ്ട് ആഘോഷിക്കുന്നില്ല? ജ്ഞാനമില്ലാത്തതു കാരണം കൃഷ്ണനെ ദ്വാപരയുഗത്തിലേക്കു കൊണ്ടുവന്നു. പറയാറുണ്ട് ഗീതാജ്ഞാനം ദ്വാപരയുഗത്തില് നല്കിയെന്ന്. ആര്ക്കെങ്കിലും മനസ്സിലാക്കി കൊടുക്കാന് എത്ര കഠിനമാണ്. പറയുന്നത്, ജ്ഞാനം പരമ്പരാഗതമായി ഉണ്ടെന്നുളളതാണ്. പക്ഷേ പരമ്പരാഗതം അര്ത്ഥം എപ്പോള് മുതല്ക്ക്? ഇത് ആര്ക്കും തന്ന അറിയുന്നില്ല. പൂജ എപ്പോള് മുതല്ക്ക് ആരംഭിച്ചു എന്നുളളതും അറിയുന്നില്ല. അതുകൊണ്ടാണ് പറയുന്നത്, രചയിതാവിനെക്കുറിച്ചും രചനയുടെ ആദി മദ്ധ്യ അന്ത്യത്തെക്കുറിച്ചും അറിയുന്നില്ലെന്ന്. കല്പത്തിന്റെ ആയുസ്സ് ലക്ഷക്കണക്കിനു വര്ഷം എന്നു പറഞ്ഞതിലൂടെ പരമ്പരാഗതമായി. തിയ്യതിയും ദിവസവുമൊന്നും അറിയില്ല. ലക്ഷ്മി-നാരായണന്റെയും ജന്മദിവസം ആഘോഷിക്കുന്നില്ല. ഇതിനെയാണ് ജ്ഞാനാന്ധകാരമെന്നു പറയുന്നത്. നിങ്ങളില് പലര്ക്കും ഈ കാര്യങ്ങളെക്കുറിച്ച് യഥാര്ത്ഥ രീതിയില് അറിയുന്നില്ല. അതുകൊണ്ടാണ് പറയുന്നത് - മഹാരഥി, കുതിരസവാരിക്കാര്, കാലാള്പട എന്നെല്ലാം. ആനയെ മുതല വിഴുങ്ങി എന്നു പറയാറുണ്ട്, മുതല വലുതാണ്, ഒറ്റയടിക്ക് വിഴുങ്ങുന്നു, സര്പ്പം തവളയെ വിഴുങ്ങുന്നത് പോലെ.

ഭഗവാനെ എന്തുകൊണ്ടാണ് തോട്ടക്കാരന്, തോണിക്കാരന് എന്നൊക്കെ പറയുന്നത്? ഇതും നിങ്ങള് ഇപ്പോഴാണ് മനസ്സിലാക്കുന്നത്. ബാബ വന്ന് വിഷയസാഗരത്തില് നിന്നും അക്കര കൊണ്ടുപോകുന്നു. അതുകൊണ്ടാണ് പറയുന്നത്, എന്റെ തോണി അക്കര കടത്തൂ എന്ന്. നിങ്ങള്ക്കും ഇപ്പോള് അറിഞ്ഞു കഴിഞ്ഞു നമ്മള് എങ്ങനെ അക്കര കടക്കുന്നു എന്ന്. ബാബ നമ്മെ ക്ഷീരസാഗരത്തിലേക്ക് കൊണ്ടുപോകുന്നു. അവിടെ ദു:ഖത്തിന്റെയും വേദനയുടെയും കാര്യം തന്നെയില്ല. നിങ്ങള് കേട്ടതിനുശേഷം മറ്റുളളവരോടും പറയുന്നു തോണിയെ അക്കര കടത്തുന്ന തോണിക്കാരന് പറയുകയാണ് - അല്ലയോ കുട്ടികളേ, നിങ്ങള് എല്ലാവരും സ്വയത്തെ ആത്മാവാണെന്നു മനസ്സിലാക്കൂ. നിങ്ങള് എല്ലാവരും ആദ്യം ക്ഷീര സാഗരത്തിലായിരുന്നു, ഇപ്പോള് വിഷയസാഗരത്തിലേക്ക് എത്തിയിരിക്കുകയാണ്. ആദ്യം നിങ്ങള് ദേവതയായിരുന്നു. സ്വര്ഗ്ഗമാണ് ലോകത്തിലെ മഹാത്ഭുതം. മുഴുവനും ലോകത്തില് വെച്ചുളള ആത്മീയ അത്ഭുതമാണ് സ്വര്ഗ്ഗം. പേരു കേള്ക്കുമ്പോള് തന്നെ സന്തോഷിക്കുന്നു. സ്വര്ഗ്ഗത്തില് നിങ്ങളാണ് വസിച്ചിരുന്നത്. ഇവിടെ ഏഴു മഹാത്ഭുതങ്ങളെ കാണിക്കുന്നുണ്ട്. താജ്മഹലിനെയും അത്ഭുതമെന്നു പറയുന്നുണ്ട്. പക്ഷേ അവിടെ വസിക്കാനൊന്നും സാധിക്കില്ല. നിങ്ങള് ലോകമഹാത്ഭുതത്തിലെ അധികാരിയായിത്തീരുന്നു. നിങ്ങള്ക്കു വസിക്കുന്നതിനായി ബാബ എത്ര അത്ഭുതകരമായ വൈകുണ്ഡത്തെയാണ് ഉണ്ടാക്കിയത്, 21 ജന്മത്തേക്കു കോടിപതിയായിത്തീരുന്നു. അപ്പോള് നിങ്ങള് കുട്ടികള്ക്ക് എത്രത്തോളം സന്തോഷം ഉണ്ടായിരിക്കണം, ഞങ്ങള് മറുകരയിലേക്ക് പൊയ്ക്കൊണ്ടിരിക്കുകയാണ്. അനേകതവണ നിങ്ങള് കുട്ടികള് സ്വര്ഗ്ഗത്തിലേക്ക് പോയിട്ടുണ്ടാവും. ഈ ചക്രം നിങ്ങള് കറങ്ങിക്കൊണ്ടിരിക്കും. പുതിയ ലോകത്തേക്ക് ആദ്യമാദ്യം വരുന്നതിനുളള പുരുഷാര്ത്ഥം ചെയ്യണം. മനസ്സിനുളളില് പഴയ കെട്ടിടത്തിലേക്ക് പോകുന്നതിനായുളള താല്പര്യം ഉണ്ടകില്ലല്ലോ. ബാബ ശക്തി നല്കുകയാണ്, പുരുഷാര്ത്ഥം ചെയ്ത് പുതിയ ലോകത്തേക്ക് പോകൂ. ബാബ നമ്മെ ലോകമഹാത്ഭുതത്തിലെ അധികാരിയാക്കിത്തീര്ക്കുകയാണ്. അപ്പോള് അങ്ങനെയൊരു പിതാവിനെ എന്തുകൊണ്ട് ഓര്മ്മിച്ചൂടാ. വളരെയധികം പ്രയത്നിക്കണം. ഈ ലോകത്തെ കണ്ടുകൊണ്ടും കാണാതിരിക്കൂ. ബാബ പറയുന്നു, ഞാന് കാണുന്നുണ്ടെങ്കിലും, എന്നില് ജ്ഞാനമുണ്ട്- ഞാന് അല്പദിവസത്തേക്കുളള വഴിയാത്രക്കാരനാണ്. അതേപോലെ നിങ്ങളും ഇവിടേക്ക് പാര്ട്ട് അഭിനയിക്കുന്നതിനായി വന്നിരിക്കുകയാണ്. അതുകൊണ്ട് ഇതിനോടുളള മമത്വത്തെ ഉപേക്ഷിക്കൂ. ശരി.

വളരെക്കാലത്തെ വേര്പാടിന്നുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1. ആത്മീയ പഠിപ്പില് സദാ ബിസിയായിരിക്കണം. ഒരിക്കലും നോവലുകളൊന്നും തന്നെ പഠിക്കുന്ന മോശമായ സ്വഭാവത്തെ ഉണ്ടാക്കരുത്. ഇപ്പോള് വരെയ്ക്കും എന്തെല്ലാമാണോ പഠിച്ചത്, അതെല്ലാം മറന്ന് ബാബയെ ഓര്മ്മിക്കണം.

2. ഈ പഴയ ലോകത്തില് സ്വയത്തെ അതിഥിയാണെന്ന് മനസ്സിലാക്കണം. ഇതിനോട് പ്രീതി വെക്കരുത്, കണ്ടിട്ടും കാണാതിരിക്കൂ.

വരദാനം :-
ധൈര്യത്തിന്റെയും ഉന്മേഷ-ഉത്സാഹത്തിന്റെയും ചിറകുകളിലൂടെ പറക്കുന്ന കലയില് പറന്നുകൊണ്ടിരിക്കുന്ന തീവ്രപുരുഷാര്ത്ഥിയായി ഭവിക്കട്ടെ.

പറക്കുന്ന കലയുടെ രണ്ട് ചിറകുകളാണ്-ധൈര്യവും ഉന്മേഷ-ഉത്സാഹവും. ഏതൊരു കാര്യത്തിനും സഫലത പ്രാപ്തമാക്കുന്നതിന് വേണ്ടി ധൈര്യത്തിന്റെയും ഉന്മേഷ- ഉത്സാഹത്തിന്റെയും വളരെ ആവശ്യകതയുണ്ട്. എവിടെ ഉന്മേഷ-ഉത്സാഹം ഇല്ലയോ അവിടെ ക്ഷീണം അനുഭവപ്പെടും മാത്രമല്ല ക്ഷീണിച്ചാല് ഒരിക്കലും സഫലമാവുകയില്ല. വര്ത്തമാന സമയമനുസരിച്ച് പറക്കുന്ന കലയില്ലാതെ ലക്ഷ്യത്തിലെത്തിച്ചേരാന് സാദ്ധ്യമല്ല എന്തുകൊണ്ടെന്നാല് പുരുഷാര്ത്ഥം ഒരു ജന്മത്തേക്കും പ്രാപ്തി 21 ജന്മങ്ങളിലേക്കും മാത്രമല്ല മുഴുവന് കല്പത്തേക്കുമാണ്. അതിനാല് എപ്പോള് സമയത്തിന്റെ തിരിച്ചറിവ് സ്മൃതിയിലുണ്ടാകുന്നുവോ അപ്പോള് പുരുഷാര്ത്ഥം സ്വതവേ തീവ്രഗതിയുടേതാകും.

സ്ലോഗന് :-
സര്വ്വരുടേയും മനോകാമനകള് പൂര്ത്തീകരിക്കുന്നവര് തന്നെയാണ് കാമധേനു.