02.02.2024           Morning Malayalam Murli       Om Shanti           BapDada Madhuban


മധുരമായ കുട്ടികളെ- ഉയര്ന്ന പദവി നേടുന്നതിനുവേണ്ടി അച്ഛന് നിങ്ങളെ എന്താണോ പഠിപ്പിക്കുന്നത് അതേ രീതിയില് ധാരണ ചെയ്യൂ, സദാ ശ്രീമതം അനുസരിച്ച് നടന്നുകൊണ്ടിരിക്കൂ.

ചോദ്യം :-
ഒരിയ്ക്കലും വിഷമം വരാതിരിക്കാന് ഏതൊരു കാര്യത്തെക്കുറിച്ചാണ് നല്ല രീതിയില് മനനംചെയ്യേണ്ടത്?

ഉത്തരം :-
ഓരോ ആത്മാവും അഭിനയിക്കുന്ന പാര്ട്ട് ഡ്രാമയില് കൃത്യമായി അടങ്ങിയിട്ടുള്ളതാണ്. ഇത് അനാദിയും അവിനാശിയുമായ ഡ്രാമയാണ്. ഈ കാര്യത്തെക്കുറിച്ച് ചിന്തിക്കുകയാണെങ്കില് ഒരിയ്ക്കലും വിഷമം ഉണ്ടാകില്ല. ഡ്രാമയുടെ ആദി മദ്ധ്യ അന്ത്യത്തെ ആരാണോ യഥാര്ത്ഥ രീതിയില് തിരിച്ചറിയാത്തത് അവരാണ് വിഷമിക്കുന്നത്. നിങ്ങള് കുട്ടികള്ക്ക് ഈ ഡ്രാമ എങ്ങനെയാണോ അതേപോലെ സാക്ഷിയായിരുന്ന് കാണണം, ഇതില് കരയേണ്ടതായോ പിണങ്ങേണ്ടതായോ ഉളള കാര്യമില്ല.

ഓംശാന്തി.  
ആത്മീയ അച്ഛന് ആത്മീയ കുട്ടികള്ക്ക് മനസ്സിലാക്കിത്തരികയാണ് അതായത് ആത്മാവ് എത്ര ചെറുതാണ്. ആത്മാവ് വളരെ ചെറുതാണ് എന്നാല് ചെറിയ ആത്മാവിനേക്കാള് ശരീരം എത്ര വലുതായാണ് കാണാന് കഴിയുന്നത്. ഈ ചെറിയ ആത്മാവ് ശരീരത്തില് നിന്നും വേറിട്ടാല് പിന്നെ ശരീരത്തിലൂടെ ഒന്നും തന്നെ കാണാന് സാധിക്കില്ല. ആത്മാവിനെക്കുറിച്ച് ചിന്തനം ചെയ്യണം. ഇത്രയും ചെറിയ ബിന്ദു എന്തെല്ലാം കാര്യങ്ങളാണ് ചെയ്യുന്നത്. ഭൂതക്കണ്ണാടിയിലൂടെ ചെറിയ ചെറിയ വജ്രത്തേപ്പോലും കാണാന് സാധിക്കും. കറയൊന്നും ഇല്ലല്ലോ എന്ന് പരിശോധിക്കും. എങ്കില് ആത്മാവും എത്ര ചെറുതാണ്. എങ്ങനെയുളള ഭൂതക്കണ്ണാടി ഉപയോഗിച്ചാണ് ആത്മാവിന്റെ വാസസ്ഥാനം കാണാന് സാധിക്കുക? ആത്മാവും ശരീരവും തമ്മിലുളള ബന്ധമെന്താണ്? ഈ കണ്ണുകളിലൂടെ എത്ര വലിയ ഭൂമിയും ആകാശവുമാണ് കാണാന് കഴിയുന്നത്! അഥവാ ആത്മബിന്ദു വേറിടുകയാണെങ്കില് ഇതൊന്നും തന്നെ കാണാന് സാധിക്കില്ല. എങ്ങനെയാണോ പരമാത്മാവ് ബിന്ദു അതുപോലെ ആത്മാവും ബിന്ദുവാണ്. ഇത്രയും ചെറിയ ആത്മാവാണ് പവിത്രവും അപവിത്രവുമാകുന്നത്. ഇതെല്ലാം നല്ല രീതിയില് ചിന്തനം ചെയ്യേണ്ട വിഷയമാണ്. ആത്മാവിനെക്കുറിച്ചും പരമാത്മാവിനെക്കുറിച്ചും മറ്റാര്ക്കും തന്നെ അറിയില്ല. ഇത്രയും ചെറിയ ആത്മാവ് ശരീരത്തില് ഇരുന്ന് എന്തെല്ലാമാണ് ചെയ്യുന്നത്, എന്തെല്ലാമാണ് കാണുന്നത്. ആ ആത്മാവില് 84 ജന്മങ്ങളുടെ മുഴുവന് പാര്ട്ടും അടങ്ങിയിട്ടുണ്ട്. ആത്മാവ് എങ്ങനെയാണ് പ്രവര്ത്തിക്കുന്നത് എന്ന കാര്യം അത്ഭുതമാണ്. ഇത്രയും ചെറിയ ബിന്ദുവില് 84 ജന്മങ്ങളുടെ പാര്ട്ട് അടങ്ങിയിട്ടുണ്ട്. ഒരു ശരീരം ഉപേക്ഷിച്ച് അടുത്തത് എടുക്കുന്നു. ശരീരത്തില് നിന്ന് ആത്മാവ് വേര്പെട്ടാല് ശരീരം ജഡമായി. ശരീരം എത്ര വലുതാണ് എന്നാല് ആത്മാവ് എത്ര ചെറുതാണ്. ഈ സൃഷ്ടി ചക്രം ഓരോ 5000 വര്ഷങ്ങള്ക്കുശേഷവും ആവര്ത്തിക്കും എന്ന് മനുഷ്യര്ക്ക് എങ്ങനെ മനസ്സിലാക്കിക്കൊടുക്കണമെന്നതിനെക്കുറിച്ച് ബാബ വളരെയധികം തവണ പറഞ്ഞു തന്നിട്ടുണ്ട്. ഇന്നയാള് മരിച്ചു എന്നത് ഒരു പുതിയ കാര്യമൊന്നുമല്ല. അവരുടെ ആത്മാവ് ഈ ശരീരം ഉപേക്ഷിച്ച് മറ്റൊന്ന് എടുത്തു. 5000 വര്ഷങ്ങള്ക്കു മുമ്പും ഇതേ നാമരൂപത്തില് തന്നെ ഇതേ സമയത്ത് ശരീരം ഉപേക്ഷിച്ചിരുന്നു. ഞാന് ഒരു ശരീരം വിട്ട് മറ്റൊന്നില് പ്രവേശിക്കുന്നു എന്ന് ആത്മാവിന് അറിയാം.

ഇപ്പോള് നിങ്ങള് ശിവജയന്തി ആഘോഷിക്കുന്നു. 5000 വര്ഷങ്ങള്ക്കു മുമ്പും ശിവജയന്തി ആഘോഷിച്ചിരുന്നു. വജ്രതുല്യമായ ശിവജയന്തി ഓരോ 5000 വര്ഷങ്ങള്ക്കുശേഷവും ആഘോഷിച്ചു വന്നു. ഇത് സത്യമായ കാര്യമാണ്. മറ്റുള്ളവര്ക്ക് മനസ്സിലാക്കിക്കൊടുക്കാന് വിചാരസാഗര മഥനം ചെയ്യേണ്ടതുണ്ട്. ഏത് ഉത്സവം ആഘോഷിക്കുകയാണെങ്കിലും നിങ്ങള്ക്കറിയാം ഇത് പുതിയ കാര്യമല്ല, ചരിത്രം ആവര്ത്തിച്ചുകൊണ്ടിരിക്കും 5000 വര്ഷങ്ങള്ക്കു ശേഷവും ഏതെല്ലാം പാര്ട്ട്ധാരികളുണ്ടോ അവര് അവരവരുടേതായ ശരീരം വീണ്ടും എടുക്കും. ഓരോ നാമ രൂപ കാല ദേശത്തെയും ഉപേക്ഷിച്ച് മറ്റൊന്ന് മാറ്റിയെടുക്കുന്നു. ഇതിനെക്കുറിച്ച് വിചാരസാഗര മഥനം ചെയ്ത്, മനുഷ്യര്ക്ക് അത്ഭുതം തോന്നുന്ന രീതിയില് എഴുതണം. കുട്ടികളോട് ബാബ ചോദിക്കാറുണ്ടല്ലോ- ഇതിനുമുമ്പ് എപ്പോഴാണ് ബാബയുമായി മിലനം ചെയ്തത്? ഇത്രയും ചെറിയ ആത്മാവിനോടുതന്നെയാണ് ചോദിക്കുന്നത്. നിങ്ങള് ഇതേ നാമ രൂപ കാല ദേശത്തില് മുമ്പ് എപ്പോഴാണ് കണ്ടുമുട്ടിയത്? ആത്മാവ് തന്നെയാണ് ഇത് കേട്ടത്. അപ്പോള് വളരെയധികം പേര് പറയും അതേ ബാബാ, ഞങ്ങള് അങ്ങുമായി കല്പം മുമ്പും മിലനം നടത്തിയിരുന്നു. ഡ്രാമയുടെ മുഴുവന് പാര്ട്ടും ബുദ്ധിയിലുണ്ട്. പരിധിയുള്ള നാടകത്തിലെ അഭിനേതാക്കളുണ്ട്. ഇത് പരിധിയില്ലാത്ത നാടകമാണ്. ഈ നാടകം വളരെ കൃത്യമാണ്, ഇതില് അല്പം പോലും വ്യത്യാസമുണ്ടാവുക സാധ്യമല്ല. മറ്റു സിനിമകള് പരിധിയുള്ളതാണ്, അത് യന്ത്രം ഉപയോഗിച്ച് പ്രവര്ത്തിക്കുന്നതാണ്. അതില് രണ്ടോ നാലോ റോളുവരെ കറങ്ങിക്കൊണ്ടിരിക്കും. ഇത് അനാദിയും അവിനാശിയുമായ ഒരേ ഒരു പരിധിയില്ലാത്ത നാടകമാണ്. ഇതില് എത്ര ചെറിയ ആത്മാവാണ് ഒരു പാര്ട്ട് അഭിനയിച്ച ശേഷം പിന്നീട് അടുത്ത ശരീരമെടുത്ത് പാര്ട്ട് അഭിനയിക്കുന്നത്. 84 ജന്മങ്ങളുടേത് എത്ര വലിയ ഫിലിം റോളായിരിക്കും. ഇത് പ്രകൃതിയുടെ അത്ഭുതമാണ്. ചിലരുടെ ബുദ്ധിയിലേ ഇരിക്കൂ! ഇത് റെക്കോര്ഡ് പോലെയാണ്, വളരെ അത്ഭുതകരമാണ്. 84 ലക്ഷമുണ്ടാവുക സാധ്യമല്ല. 84 ന്റെ ചക്രം തന്നെയാണ് പക്ഷേ ഇതിന്റെ പരിചയം എങ്ങനെ നല്കും. പത്രപ്രവര്ത്തകര്ക്ക് മനസ്സിലാക്കിക്കൊടുത്താലും അവര് പത്രത്തിലിടും. മാസികകളിലും ഇടയ്ക്കിടയ്ക്ക് ഇടാവുന്നതാണ്. നമ്മള് ഈ സംഗമസമയത്തിന്റെ കാര്യം തന്നെയാണ് പറയുന്നത്. സത്യയുഗത്തില് ഈ കാര്യങ്ങളൊന്നും ഉണ്ടാകില്ല. കലിയുഗത്തിലും ഉണ്ടാകില്ല. മൃഗങ്ങള് ഉള്പ്പെടെ സര്വ്വതിനെയും 5000 വര്ഷങ്ങള്ക്കുശേഷം വീണ്ടും കാണപ്പെടും. ഒരു വ്യത്യാസവും ഉണ്ടാകില്ല. ഡ്രാമയില് എല്ലാം അടങ്ങിയിട്ടുണ്ട്. സത്യയുഗത്തിലുളള മൃഗങ്ങള് പോലും വളരെ സുന്ദരമായിരിക്കും. ഈ മുഴുവന് വിശ്വത്തിന്റേയും ചരിത്രവും ഭൂമിശാസ്ത്രവും ആവര്ത്തിക്കും. ഡ്രാമ ഷൂട്ട് ചെയ്തിട്ടുളളതു പോലെ വീണ്ടും ആവര്ത്തിക്കുന്നു. ഈച്ച പറന്നക്കുന്നത് പെട്ടാല് അതും ഷൂട്ട് ചെയ്യപ്പടും പിന്നീട് ആവര്ത്തിക്കപ്പെടും. ഇപ്പോള് നമുക്ക് ഈ ചെറിയ ചെറിയ കാര്യങ്ങളെക്കുറിച്ചൊന്നും ചിന്തിക്കേണ്ടതായ ആവശ്യമില്ല. ഏറ്റവുമാദ്യം സ്വയം ബാബ പറയുന്നു ഞാന് കല്പ കല്പത്തിലെ സംഗമയുഗത്തില് ഈ ഭാഗ്യശാലീ രഥത്തിലാണ് വരുന്നത്. ഇത്രയും ചെറിയ ബിന്ദുവായ ആത്മാവ് ഈ ശരീരത്തിലേയ്ക്ക് എങ്ങനെ പ്രവേശിക്കുന്നു എന്നതിനെക്കുറിച്ച് പറഞ്ഞു തന്നിട്ടുണ്ട്. ബാബയെ ജ്ഞാനസാഗരന് എന്നും വിളിക്കുന്നു. ഈ കാര്യങ്ങളെല്ലാം നിങ്ങള് കുട്ടികളിലും ആരാണോ വിവേകശാലികള് അവര്ക്കേ മനസ്സിലാക്കാന് സാധിക്കൂ. ഓരോ 5000 വര്ഷങ്ങള്ക്ക് ശേഷവും ഞാന്വരുന്നുണ്ട്. ഇത് എത്ര മൂല്യമുള്ള പഠിപ്പാണ്. ബാബയിലുളള കൃത്യമായ ജ്ഞാനമാണ് കുട്ടികള്ക്ക് നല്കുന്നത്. നിങ്ങളോട് ആരെങ്കിലും ചോദിക്കുകയാണെങ്കില് നിങ്ങള് ഉടനെ പറയണം സത്യയുഗത്തിന്റെ ആയുസ്സ് 1250 വര്ഷമാണ്, അതിലെ ഓരോരോ ജന്മത്തിലും 150 വയസ്സ് ആയുസ്സുണ്ടാകും, അതില് ഇത്ര പാര്ട്ട് അഭിനയിക്കുന്നു. ബുദ്ധിയില് മുഴുവന് ചക്രവും കറങ്ങുന്നു. നമ്മള് 84 ജന്മങ്ങളാണ് എടുക്കുന്നത്. മുഴുവന് സൃഷ്ടിയും ചക്രം പോലെ കറങ്ങിക്കൊണ്ടിരിക്കും. ഇത് പൂര്വ്വ നിശ്ചിതമായ അനാദി അവിനാശി ഡ്രാമയാണ്. ഇതില് പുതിയത് കൂട്ടിച്ചേര്ക്കാന് സാധിക്കില്ല. സംഭവിക്കാത്ത കാര്യത്തെക്കുറിച്ച് എന്തിന് ചിന്തിക്കണം! എന്ന് പറയാറുണ്ട്. ഡ്രാമയില് അടങ്ങിയിട്ടുളള കാര്യങ്ങളാണ് സംഭവിക്കുന്നത്. അതിനെയെല്ലാം സാക്ഷിയായി നോക്കിക്കാണണം. മറ്റു നാടകത്തില് എന്തെങ്കിലും ദുഃഖിപ്പിക്കുന്ന ദൃശ്യം കണ്ടാല് ദുര്ബ്ബലഹൃദയമുള്ളവര് കരയുന്നു. അത് സാധാരണ ഒരു നാടകമല്ലേ. എന്നാല് ഇത് യഥാര്ത്ഥമാണ്, ഈ നാടകത്തില് ഓരോ ആത്മാവും അവരവരുടേതായ പാര്ട്ട് അഭിനയിക്കുന്നു. ഡ്രാമ ഒരിയ്ക്കലും അവസാനിക്കുന്നില്ല. ഇതില് കരയുകയോ പിണങ്ങുകയോ ചെയ്യേണ്ട ആവശ്യമില്ല. ഒന്നും പുതിയ കാര്യമല്ലല്ലോ. ഡ്രാമയുടെ ആദി മദ്ധ്യ അന്ത്യത്തെ തിരിച്ചറിയാത്തവരാണ് വിഷമിക്കുന്നത്. ഈ സമയത്ത് ഈ ജ്ഞാനത്തിലൂടെ നമ്മള് എന്ത് പദവിയാണോ നേടുന്നത്, ചക്രം കറങ്ങി വീണ്ടും ഇതു തന്നെ നേടുമെന്നുളളത് നിങ്ങള്ക്കറിയാം. ഇതെല്ലാം വളരെ ആശ്ചര്യത്തോടെ വിചാരസാഗര മഥനം ചെയ്യേണ്ട കാര്യങ്ങളാണ്. ഒരു മനുഷ്യനും ഈ കാര്യങ്ങളെക്കുറിച്ച് അറിയില്ല. ഋഷി മുനിമാരും പറയുമായിരുന്നു- ഞങ്ങള്ക്ക് രചയിതാവിനേയും രചനയേയും അറിയുകയില്ല. രചയിതാവ് ഇത്രയും ചെറിയ ബിന്ദുവാണെന്ന് അവര്ക്ക് എങ്ങനെ അറിയും. ബാബ തന്നെയാണ് പുതിയ സൃഷ്ടിയുടെ രചയിതാവ്. ഒപ്പം നിങ്ങള് കുട്ടികളെ പഠിപ്പിക്കുന്ന ജ്ഞാനസാഗരനുമാണ്. ഈ കാര്യങ്ങള് നിങ്ങള് കുട്ടികളേ മനസ്സിലാക്കു. ഞങ്ങള്ക്ക് അറിയില്ല എന്ന് ഇനി നിങ്ങള് പറയില്ല. നിങ്ങള്ക്ക് അച്ഛന് ഈ സമയത്ത് എല്ലാം മനസ്സിലാക്കിത്തരുകയാണ്.

നിങ്ങള്ക്ക് ഒരു കാര്യത്തിലും വിഷമിക്കേണ്ട ആവശ്യമില്ല. സദാ ഹര്ഷിതമായിരിക്കണം. മറ്റു നാടകത്തിലെ ഫിലിം പോകെപ്പോകെ മാഞ്ഞുപോകുന്നു, പഴയതായി മാറിയാല് പിന്നീട് അതിനെ മാറ്റിയിടുന്നു. പഴയതിനെ നശിപ്പിച്ചുകളയുന്നു. ഇത് പരിധിയില്ലാത്ത അവിനാശിയായ നാടകമാണ്. ഇങ്ങനെയുള്ള കാര്യങ്ങളെ വിചാരസാഗര മഥനം ചെയ്ത് പക്കയാക്കണം. ഇത് ഡ്രാമയാണ്. നമ്മള് അച്ഛന്റെ ശ്രീമതത്തിലൂടെ പതിതത്തില് നിന്ന് പാവനമാവുകയാണ് ബാക്കി മറ്റൊരു തരത്തിലും നമുക്ക് പതിതത്തില് നിന്ന് പാവനം അഥവാ തമോപ്രധാനത്തില് നിന്ന് സതോപ്രധാനമാകാന് സാധിക്കില്ല. പാര്ട്ട് അഭിനയിച്ച്-അഭിനയിച്ച് നമ്മള് സതോപ്രധാനത്തില് നിന്ന് തമോപ്രധാനമായിരിക്കുന്നു ഇനി വീണ്ടും സതോപ്രധാനമായി മാറണം. ആത്മാവിനും വിനാശം സംഭവിക്കില്ല അതുപോലെ അതില് അടങ്ങിയിരിക്കുന്ന പാര്ട്ടിനും വിനാശം സംഭവിക്കില്ല. ഇങ്ങനെയുള്ള കാര്യങ്ങളിലേയ്ക്ക് ആരുടേയും ചിന്ത പോകുന്നില്ല. മനുഷ്യരാണെങ്കില് ഈ ജ്ഞാനം കേട്ട് അത്ഭുതപ്പെടുന്നു. അവര് ഭക്തിമാര്ഗ്ഗത്തിലെ ശാസ്ത്രങ്ങള് മാത്രമാണ് പഠിക്കുന്നത്. രാമായണം, ഭാഗവതം, ഗീത എല്ലാം അതുതന്നെയാണ്. ഇതിനെക്കുറിച്ച് നിങ്ങള് വിചാരസാഗര മഥനം ചെയ്യണം. പരിധിയില്ലാത്ത അച്ഛന് മനസ്സിലാക്കിത്തരുന്നത് അതുപോലെത്തന്നെ ധാരണ ചെയ്യുകയാണെങ്കില് നല്ല പദവി നേടാം. എല്ലാവരും ഒരുപോലെ ധാരണ ചെയ്യുകയില്ല. ചിലര് വളരെ സൂക്ഷ്മതയോടെ മനസ്സിലാക്കിക്കൊടുക്കും. ഇന്നുകാലങ്ങളില് ജയിലിലും പ്രഭാഷണം ചെയ്യാന് പോകുന്നുണ്ട്. വേശ്യകളുടെ അടുത്തേയ്ക്കും പോകുന്നുണ്ട്, ബധിരരും മൂകരും എല്ലാവരുടേയും അടുത്തേയ്ക്ക് കുട്ടികള് പോകുന്നുണ്ടാകും എന്തെന്നാല് അവര്ക്കും അവകാശമുണ്ട്. ആംഗ്യ ഭാഷയിലൂടെ മനസ്സിലാക്കാന് സാധിക്കുന്നു. മനസ്സിലാക്കുന്നത് ഉളളിലിരിക്കുന്ന ആത്മാവാണല്ലോ. ചിത്രം മുന്നില് വെയ്ക്കൂ, വായിക്കുകയെങ്കിലും ചെയ്യാമല്ലോ. ആത്മാവിലാണല്ലോ ബുദ്ധിയുള്ളത്. അന്ധരോ വികലാംഗരോ ആരായാലും ഏതെങ്കിലും പ്രകാരത്തില് മനസ്സിലാക്കാന് സാധിക്കുമല്ലോ. അന്ധനാണെങ്കിലും കേള്ക്കാന് ചെവികളുണ്ടല്ലോ. നിങ്ങളുടെ ഏണിപ്പടിയുടെ ചിത്രം വളരെ നല്ലതാണ്. ഈ ജ്ഞാനം ആര്ക്ക് വേണമെങ്കിലും മനസ്സിലാക്കിക്കൊടുത്ത് അവരെ സ്വര്ഗ്ഗത്തിലേയ്ക്ക് പോകുന്നതിന് യോഗ്യരാക്കി മാറ്റാന് സാധിക്കും. ആത്മാവ് അച്ഛനിലൂടെയാണ് സമ്പത്തെടുക്കുന്നത്. വികലാംഗരാണെങ്കിലും സ്വര്ഗ്ഗത്തിലേയ്ക്ക് പോകാന് കഴിയും. അവിടെ അംഗവൈകല്യമുള്ളവര് ഉണ്ടാകില്ല. അവിടെ ആത്മാവും ശരീരവും രണ്ടും സ്വര്ണ്ണ സമാനമായിരിക്കും. പ്രകൃതിയും സതോപ്രധാനമായിരിക്കും, പുതിയ വസ്തുക്കള് തീര്ച്ചയായും സതോപ്രധാനമായിരിക്കുമല്ലോ. ഇതും ഡ്രാമയില് അടങ്ങിയിട്ടുള്ളതാണ്. ഒരു സെക്കന്റ് പോലും മറ്റൊന്നുമായി സാമ്യമുണ്ടാകില്ല. എന്തെങ്കിലുമൊക്കെ വ്യത്യാസം ഉണ്ടായിരിക്കും. ഇങ്ങനെയുള്ള ഡ്രാമയെ അതേ രീതിയില് സാക്ഷിയായി കണ്ടുകൊണ്ടിരിക്കണം. ഈ ജ്ഞാനം നിങ്ങള്ക്ക് ഇപ്പോഴാണ് ലഭിക്കുന്നത് പിന്നീടൊരിക്കലും ലഭിക്കുകയില്ല. ഇതിനുമുമ്പ് ഈ ജ്ഞാനം ഉണ്ടായിരുന്നില്ല, ഇതിനെയാണ് പൂര്വ്വ നിശ്ചിതമായ അനാദി അവിനാശീ ഡ്രാമ എന്ന് പറയുന്നത്. ഇതിനെ നല്ലരീതിയില് മനസ്സിലാക്കി ധാരണചെയ്ത് പിന്നീട് മറ്റുള്ളവര്ക്കും മനസ്സിലാക്കിക്കൊടുക്കണം.

നിങ്ങള് ബ്രാഹ്മണരിലേ ഈ ജ്ഞാനമുള്ളൂ. നിങ്ങള്ക്ക് ശക്തി വര്ദ്ധിപ്പിക്കുന്നതിനുള്ള മരുന്നാണ് ലഭിക്കുന്നത്. നല്ലതിലും നല്ല വസ്തുക്കളുടെ മഹിമ ചെയ്യുന്നു. പുതിയ ലോകം എങ്ങനെ സ്ഥാപിക്കപ്പെടുന്നു, വീണ്ടും ഈ രാജ്യം എങ്ങനെയുണ്ടാകും എന്നതിനെക്കുറിച്ച് നിങ്ങളിലും നമ്പര്വൈസായാണ് മനസ്സിലാക്കുന്നത്. ആര്ക്കാണോ അറിയുന്നത്, അവര്ക്ക് ഈ ജ്ഞാനത്തെ മറ്റുള്ളവര്ക്ക് മനസ്സിലാക്കിക്കൊടുക്കാനും സാധിക്കും. വളരെ അധികം സന്തോഷം ഉണ്ടാകും. ചിലര്ക്കാണെങ്കില് ഇവിടെ അണാപൈസയുടെ പോലും സന്തോഷമില്ല. എല്ലാവര്ക്കും അവരവരുടേതായ പാര്ട്ടുണ്ട്. ആരുടെ ബുദ്ധിയിലാണോ ഈ ജ്ഞാനം നിലനില്ക്കുന്നത്, അവര് വിചാര സാഗര മഥനം ചെയ്യുകയും, തീര്ച്ചയായും മറ്റുള്ളവര്ക്ക് മനസ്സിലാക്കിക്കൊടുക്കുകയും ചെയ്യുന്നു. ഈ പഠിപ്പിലൂടെയാണ് നിങ്ങള് ദേവതയായി മാറുന്നത്. താങ്കള് ആത്മാവാണെന്നുളള കാര്യം നിങ്ങള് ആര്ക്ക് വേണമെങ്കിലും മനസ്സിലാക്കിക്കൊടുക്കൂ. ആത്മാവ് തന്നെയാണ് പരമാത്മാവിനെ ഓര്മ്മിക്കുന്നത്. ആത്മാക്കളെല്ലാവരും സഹോദരങ്ങളാണ്. ഈശ്വരന് ഒന്നേയുള്ളു എന്ന് പറയാറുണ്ട്. ബാക്കി എല്ലാവരും മനുഷ്യാത്മാക്കളാണ്. സര്വ്വാത്മാക്കളുടേയും പാരലൗകിക പിതാവ് ഒരേയൊരാളാണ്. ആരാണോ പക്കാ നിശ്ചയബുദ്ധിയായ കുട്ടികള് അവരുടെ തലകേടുവരുത്താന് ആര്ക്കും സാധിക്കില്ല. പക്കയല്ലെങ്കില് വേഗം ബുദ്ധി തിരിയും. സര്വ്വവ്യാപി എന്ന കാര്യത്തില് എത്രത്തോളം വാദിക്കുന്നു. അവര് നമ്മുടെ ജ്ഞാനത്തിലുള്ളവരല്ല എന്നാലും അവര് അവരുടെ ജ്ഞാനത്തില് പക്കയാണ്. അവരെ ദേവതാ ധര്മ്മത്തിലുള്ളവര് എന്ന് എങ്ങനെ പറയാന് കഴിയും. ആദി സനാതന ദേവീ ദേവതാ ധര്മ്മമാണെങ്കില് പ്രായലോപമായിരിക്കുന്നു. നിങ്ങള് കുട്ടികള്ക്ക് അറിയാം നമ്മുടെ ആദി സനാതന ധര്മ്മം പവിത്ര പ്രവൃത്തീമാര്ഗ്ഗത്തിലുളളവരുടേതായിരുന്നു. ഇപ്പോള് അപവിത്രമായിരിക്കുന്നു. ആരാണോ ആദ്യം പൂജ്യരായിരുന്നത് അവര് പിന്നീട് പൂജാരികളായി. വളരെ അധികം പോയിന്റുകള് മനനം ചെയ്താല് മനസ്സിലാക്കി കൊടുത്തുകൊണ്ടിരിക്കും. ഈ സൃഷ്ടിയുടെ ചക്രം എങ്ങനെയാണ് കറങ്ങുന്നതെന്ന് ബാബ നിങ്ങള്ക്ക് മനസ്സിലാക്കി തന്നു. ഇനി നിങ്ങള് മറ്റുള്ളവര്ക്ക് മനസ്സിലാക്കിക്കൊടുക്കണം. നിങ്ങള്ക്കല്ലാതെ മറ്റാര്ക്കും അറിയില്ല. നിങ്ങളിലും നമ്പര്വൈസാണ്.

ബാബയ്ക്ക് ഇടയ്ക്കിടെ പോയിന്റുകള് ആവര്ത്തിക്കേണ്ടി വരുന്നുണ്ട് എന്തുകൊണ്ടെന്നാല് പുതിയവര് വന്നുകൊണ്ടിരിക്കുന്നുണ്ട്. ആരംഭത്തില് എങ്ങനെയാണ് സ്ഥാപനയുണ്ടായത് എന്ന് നിങ്ങളോട് ആരെങ്കിലും ചോദിക്കുമ്പോള് നിങ്ങള്ക്കും ആവര്ത്തിക്കേണ്ടതായിവരും. നിങ്ങള് വളരെ ബിസിയായിരിക്കും. ചിത്രം ഉപയോഗിച്ചും നിങ്ങള്ക്ക് മനസ്സിലാക്കിക്കൊടുക്കാന് സാധിക്കും. എന്നാല് ജ്ഞാനത്തിന്റെ ധാരണ എല്ലാവരിലും ഏകരസമായിരിക്കില്ല. ഇവിടെ ജ്ഞാനം വേണം, ഓര്മ്മ വേണം, ധാരണയും വളരെ നല്ല രീതിയില് ഉണ്ടാവണം. സതോപ്രധാനമായി മാറുന്നതിന് തീര്ച്ചയായും അച്ഛനെ ഓര്മ്മിക്കണം. ചില കുട്ടികള് അവനവന്റെ ജോലികളില് കുടുങ്ങിയിരിക്കുന്നു. പുരുഷാര്ത്ഥം ഒട്ടുംതന്നെ ചെയ്യുന്നില്ല. ഇതും ഡ്രാമയില് അടങ്ങിയതാണ്. കല്പം മുമ്പ് ആര് എത്ര പുരുഷാര്ത്ഥം ചെയ്തുവോ അതേ ചെയ്യൂ. അവസാന സമയത്ത് നിങ്ങള്ക്ക് പൂര്ണ്ണമായും സഹോദര ഭാവനയില് കഴിയണം. അശരീരിയായാണ് വന്നത്, അശരീരിയായിത്തന്നെ തിരികെ പോവുകയും വേണം. അവസാന സമയത്ത് മറ്റാരെയും ഓര്മ്മവരരുത്. ഇപ്പോള് ആര്ക്കും തിരിച്ച് പോകാന് സാധിക്കില്ല. ഏതുവരെ വിനാശം സംഭവിക്കുന്നില്ലയോ അതുവരേയ്ക്കും സ്വര്ഗ്ഗത്തിലേയ്ക്ക് എങ്ങനെ പോകാന് കഴിയും. ഒന്നുകില് സൂക്ഷ്മവതനത്തില് പോയിരിക്കും അല്ലെങ്കില് ഇവിടെത്തന്നെ വീണ്ടും ജന്മമെടുക്കും. സമ്പൂര്ണ്ണമാകുന്നതിന് ബാക്കി ഇനി എന്തിന്റെ കുറവാണോ ഉള്ളത് അതിനായുളള പുരുഷാര്ത്ഥം അവസാന ജന്മത്തില് ചെയ്യും. അതും അവര് വലുതാകുമ്പോഴേ മനസ്സിലാക്കാന് സാധിക്കൂ. ഇതുമുഴുവനും ഡ്രാമയിലുള്ള കാര്യങ്ങളാണ്. നിങ്ങളുടെ ഏകരസ അവസ്ഥ അവസാന സമയത്തേ ഉണ്ടാകൂ. എഴുതുന്നത് കൊണ്ട് എല്ലാം ഓര്മ്മയില് വരണമെന്നൊന്നുമില്ല. എങ്കില് പിന്നെ പുസ്തകശാലയില് എന്തിനാണ് ഇത്രയും പുസ്തകങ്ങള് ശേഖരിച്ചുവെയ്ക്കുന്നത്. ഡോക്ടര്മാരും വക്കീല്മാരും തങ്ങളുടെ പക്കല് ധാരാളം പുസ്തകങ്ങള് വെക്കുന്നു. പഠിച്ചുകൊണ്ടേയിരിക്കുന്നു, ആ മനുഷ്യര് മനുഷ്യരുടെ വക്കീലാകുന്നു. നിങ്ങള് ആത്മാക്കള് ആത്മാക്കളുടെ വക്കീലാകുന്നു. ആത്മാക്കള് ആത്മാക്കളെ പഠിപ്പിക്കുന്നു. അത് ഭൗതീക പഠിപ്പാണ്. ഇതാണ് ആത്മീയ പഠിപ്പ്. ഈ പഠിപ്പിലൂടെ നിങ്ങള് 21 ജന്മങ്ങളിലേയ്ക്ക് തെറ്റുകുറ്റങ്ങളില് നിന്നും മുക്തരായി മാറും. മായയുടെ രാജ്യത്തില് വളരെ അധികം തെറ്റുകളും കുറ്റങ്ങളും സംഭവിച്ചുകൊണ്ടിരിക്കുന്നു, അതിനാല് ധാരാളം സഹിക്കേണ്ടതായി വരുന്നു. ആരാണോ പൂര്ണ്ണമായും പഠിക്കാതിരിക്കുന്നത്, കര്മ്മാതീത അവസ്ഥ പ്രാപ്തമാക്കാതിരിക്കുന്നത് അവര്ക്ക് തീര്ച്ചയായും സഹിക്കേണ്ടതായി വരിക തന്നെ ചെയ്യും. പിന്നീട് പദവിയും കുറഞ്ഞുപോകും. വിചാര സാഗര മഥനം ചെയ്ത് മറ്റുള്ളവരെ കേള്പ്പിച്ചുകൊണ്ടിരിക്കു എങ്കില് ചിന്തനം നടന്നുകൊണ്ടിരിക്കും. കുട്ടികള്ക്ക് അറിയാം കല്പം മുമ്പും ഇങ്ങനെയൊരു അച്ഛന് വന്നിരുന്നു, അതിനാലാണ് ശിവജയന്തി ആഘോഷിക്കുന്നത്. ബാക്കി യുദ്ധമൊന്നും തന്നെ സംഭവിച്ചിട്ടില്ല. അതെല്ലാം ശാസ്ത്രങ്ങളിലെ കാര്യങ്ങളാണ്. ഇത് പഠിപ്പാണ്. പ്രാപ്തിയിലാണ് സന്തോഷമുണ്ടാകുക. ആര്ക്കാണോ ലക്ഷങ്ങള് ലഭിക്കുന്നത് അവര്ക്ക് സന്തോഷവും കൂടുതലായിരിക്കും. ചിലര് ലക്ഷാധിപതികളായിരിക്കും, എന്നാല് ചിലര് കക്കകള്ക്ക് അധിപതിയായിരിക്കും അതായത് കുറച്ചുമാത്രം പൈസയുള്ളവരും ഉണ്ടാകും. അതുപോലെ ആരുടെ പക്കലാണോ ഇത്രയും ജ്ഞാനരത്നങ്ങളുള്ളത് അത്രയും അവര്ക്ക് സന്തോഷവും ഉണ്ടാകും. ശരി!

വളരെക്കാലത്തെ വേര്പാടിനുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1. വിചാരസാഗര മഥനം ചെയ്ത് സ്വയത്തെ ജ്ഞാനരത്നങ്ങളാല് നിറക്കണം. ഡ്രാമയുടെ രഹസ്യത്തെ നല്ലരീതിയില് മനസ്സിലാക്കി മറ്റുള്ളവര്ക്ക് മനസ്സിലാക്കിക്കൊടുക്കണം. ഏതൊരു കാര്യത്തിലും വിഷമിക്കാതെ സദാ ഹര്ഷിതമായിരിക്കണം.

2. അവസാന സമയത്ത് ഒരേയൊരു ബാബയെ അല്ലാതെ മറ്റാരുടേയും ഓര്മ്മ വരാതിരിക്കാന് തന്റെ അവസ്ഥ വളരെക്കാലത്തേയ്ക്ക് ഏകരസമാക്കി മാറ്റണം. നമ്മള് സഹോദരങ്ങളാണ്, ഇപ്പോള് തിരിച്ചുപോകണം എന്ന് അഭ്യസിക്കണം.

വരദാനം :-
ആലസ്യത്തിന്റെ തരംഗങ്ങള്ക്ക് വിട നല്കി സദാ ഉന്മേഷ- ഉത്സാഹത്തിലിരിക്കുന്ന വിവേകശാലി ആത്മാവായി ഭവിക്കട്ടെ

പല കുട്ടികളും മറ്റുള്ളവരെ കണ്ട് സ്വയം അലസരായിപ്പോകുന്നു. ചിന്തിക്കുന്നു- ഇത് നടക്കുകതന്നെ ചെയ്യും... നടന്നുകൊണ്ടേയിരിക്കും... എന്താ ഒരാള് ഇങ്ങനെ ഇടറിപ്പോയാല് അയാളെക്കണ്ട് സ്വയം തന്നെ ഇടറിപ്പോകുക- ഇത് വിവേകമാണോ? ബാപ്ദാദക്ക് ദയ തോന്നുന്നു അതായത് അങ്ങനെ അലസരായിരിക്കുന്നവര്ക്ക് പശ്ചാത്താപത്തിന്റെ നിമിഷങ്ങള് എത്ര കഠിനമായിരിക്കും, അതിനാല് വിവേകശാലികളായി മാറി അലസതയുടെ തരംഗങ്ങള്ക്ക്, മറ്റുള്ളവരെ നോക്കുന്ന തരംഗങ്ങള്ക്ക് മനസ്സ് കൊണ്ട് വിട നല്കൂ. മറ്റുള്ളവരെ നോക്കാതെ ബാബയെ നോക്കൂ.

സ്ലോഗന് :-
അവകാശീ ക്വാളിറ്റിയുള്ളവരെ തയ്യാറാക്കൂ അപ്പോള് പ്രത്യക്ഷതയുടെ പെരുമ്പറ മുഴങ്ങും.