മധുരമായ കുട്ടികളേ-
ഗൃഹസ്ഥവ്യവഹാരത്തില് ഇരുന്നുകൊണ്ടും പാരലൗകിക പിതാവില് നിന്നും പൂര്ണ്ണ സമ്പത്ത്
നേടണം, അതിനാല് തന്റെ എല്ലാം കൈമാറ്റം ചെയ്യൂ, ഇത് വളരെ വലിയ വ്യാപാരമാണ്.
ചോദ്യം :-
ഡ്രാമയുടെ ജ്ഞാനം ഏതൊരു കാര്യത്തിലാണ് നിങ്ങള് കുട്ടികളെ വളരെ അധികം
സഹായിക്കുന്നത്?
ഉത്തരം :-
എപ്പോഴാണോ
ശരീരത്തിന് എന്തെങ്കിലും അസുഖങ്ങള് വരുന്നത് അപ്പോള് ഡ്രാമയുടെ ജ്ഞാനം വളരെ
അധികം സഹായിക്കുന്നു എന്തുകൊണ്ടെന്നാല് നിങ്ങള്ക്ക് അറിയാം ഈ ഡ്രാമ അതേപടി
ആവര്ത്തിക്കുന്നതാണ്. ഇതില് കരയുകയോ വിഷമിക്കുകയോ ചെയ്യേണ്ട ഒരാവശ്യവുമില്ല.
കര്മ്മങ്ങളുടെ കണക്കുവഴക്കുകള് തീര്പ്പാകണം. 21 ജന്മങ്ങളിലെ സുഖവുമായി താരതമ്യം
ചെയ്യുമ്പോള് ഈ ദുഃഖം ഒന്നുമല്ല. ജ്ഞാനം പൂര്ണ്ണമായി ഇല്ലെങ്കില് വിഷമിക്കുന്നു.
ഓംശാന്തി.
ഭഗവാന്റെ വാക്കുകളാണ്. സ്വന്തമായി ശരീരമില്ലാത്തതാരാണോ അവരെയാണ് ഭഗവാന് എന്ന്
വിളിക്കുന്നത്. ഭഗവാന് നാമം, രൂപം, കാലം, ദേശം എന്നിവയില്ല എന്നല്ല. ഭഗവാന്
ശരീരമാണ് ഇല്ലാത്തത്. ബാക്കി സര്വ്വആത്മാക്കള്ക്കും തന്റേതായി ശരീരമുണ്ട്.
ഇപ്പോള് അച്ഛന് പറയുന്നു മധുര മധുരമായ ആത്മീയ കുട്ടികളേ, സ്വയം ആത്മാവാണെന്ന്
മനസ്സിലാക്കി ഇരിക്കൂ. എന്തായാലും ആത്മാവുതന്നെയാണ് കേള്ക്കുന്നത്, പാര്ട്ട്
അഭിനയിക്കുന്നത്, ശരീരത്തിലൂടെ കര്മ്മം ചെയ്യുന്നത്. സംസ്ക്കാരം
എടുത്തുകൊണ്ടുപോകുന്നത് ആത്മാവാണ്. നല്ലതും മോശവുമായ കര്മ്മങ്ങളുടെ ഫലം
അനുഭവിക്കുന്നതും ആത്മാവുതന്നെയാണ് അതും ശരീരത്തോടൊപ്പം. ശരീരമില്ലാതെ ഒരു
കണക്കും അനുഭവിക്കാന് സാധിക്കില്ല അതിനാലാണ് ബാബ പറയുന്നത് സ്വയം ആത്മാവാണെന്നു
മനസ്സിലാക്കി ഇരിക്കൂ. അച്ഛന് നമ്മളെ കേള്പ്പിക്കുകയാണ്. നമ്മള് ആത്മാക്കള് ഈ
ശരീരത്തിലൂടെ കേട്ടുകൊണ്ടിരിക്കുകയാണ്. ഭഗവാന്റെ വാക്കുകളാണ് എന്നെ മാത്രം
ഓര്മ്മിക്കു. ദേഹ സഹിതം ദേഹത്തിന്റെ മുഴുവന് സംബന്ധങ്ങളേയും ത്യാഗം ചെയ്ത് സ്വയം
ആത്മാവാണെന്ന് മനസ്സിലാക്കി അച്ഛനെ ഓര്മ്മിക്കു. ഗീതയുടെ ഭഗവാനായ ബാബ ഈ ഒരു
കാര്യം മാത്രമാണ് പറയുന്നത്. ഭഗവാന് അര്ത്ഥം ജനന-മരണ രഹിതന്. അച്ഛന് പറയുന്നു-
എന്റെ ജന്മം അലൗകികമാണ്. ഞാന് എങ്ങനെയാണോ ഇവരില് പ്രവേശിക്കുന്നത് അതുപോലെ
മറ്റാരും ജന്മമെടുക്കുന്നില്ല. ഇത് വളരെ നല്ലരീതിയില് ഓര്മ്മിക്കണം. എല്ലാം
ഭഗവാനാണ് ചെയ്യുന്നത്, പൂജ്യനും പൂജാരിയും ഭഗവാനാണ്, തൂണിലും തുരുമ്പിലും
ഭഗവാനുണ്ട്, അങ്ങനെയല്ല. 24 അവതാരങ്ങള്, മത്സ്യ കൂര്മ്മ അവതാരം പരശുരാമന്റെ
അവതാരം എന്നിങ്ങനെ കാണിക്കുന്നു. എന്താ ഭഗവാന് പരശുരാമന്റെ അവതാരമെടുത്ത് കോടാലി
എടുത്ത് ഹിംസ ചെയ്യുമോ! ഇതെല്ലാം ഇപ്പോള് മനസ്സിലായി. അത് തെറ്റാണ്.
പരമാത്മാവിനെ സര്വ്വവ്യാപി എന്നു പറഞ്ഞതുപോലെ കല്പത്തിന്റെ ആയുസ്സിനേയും
ലക്ഷക്കണക്കിന് വര്ഷങ്ങളാക്കി, ഇതിനെയാണ് ഘോരാന്ധകാരം എന്നു പറയുന്നത് അര്ത്ഥം
ജ്ഞാനം തീരെയില്ല. ജ്ഞാനത്തിലൂടെയാണ് പ്രകാശമുണ്ടാകുന്നത്. ഇപ്പോള്
അജ്ഞാനത്തിന്റെ ഘോരാന്ധകാരമാണ്. ഇപ്പോള് നിങ്ങള് കുട്ടികള് തീവ്രമായ
പ്രകാശത്തിലാണ്. നിങ്ങള്ക്ക് എല്ലാകാര്യവും നന്നായി അറിയാം. ആര്ക്കാണോ
അറിയാത്തത് അവര് പൂജചെയ്തുകൊണ്ടിരിക്കുന്നു. നിങ്ങള് എല്ലാം അറിഞ്ഞു കഴിഞ്ഞു
അതിനാല് നിങ്ങള്ക്ക് പൂജ ചെയ്യേണ്ട ആവശ്യമില്ല. നിങ്ങള് ഇപ്പോള് പൂജചെയ്യുന്ന
സമ്പ്രദായത്തില് നിന്നും മുക്തമായി. പൂജ്യരായ ദേവീ ദേവതയായി മാറുന്നതിനുവേണ്ടി
നിങ്ങള് പുരുഷാര്ത്ഥം ചെയ്യുകയാണ്. നിങ്ങള് തന്നെയായിരുന്നു പൂജ്യദേവീദേവത
പിന്നീട് പൂജാരീ മനുഷ്യരായി മാറി. മനുഷ്യനില് ആസുരീയ അവഗുണങ്ങളുണ്ട് അതിനാലാണ്
പാട്ടുള്ളത്- മനുഷ്യനെ ദേവതയാക്കി മാറ്റി. യുദ്ധം ചെയ്യാതെ മനുഷ്യനെ ദേവതയാക്കി
മാറ്റി..... ഒരു സെക്കന്റില് ദേവതയാക്കി മാറ്റുന്നു. അച്ഛനെ മനസ്സിലാക്കിയ ഉടന്
ശിവബാബാ എന്ന് വിളിക്കാന് തുടങ്ങി. ബാബാ എന്ന് പറയുമ്പോള്ത്തന്നെ നമ്മള്
വിശ്വത്തിന്റെ അധികാരി, സ്വര്ഗ്ഗത്തിന്റെ അധികാരിയായി മാറുന്നു. ഇതാണ്
പരിധിയില്ലാത്ത അച്ഛന്. ഇപ്പോള് നിങ്ങള് പെട്ടെന്ന് വന്ന് പാരലൗകിക
പിതാവിന്റേതായിരിക്കുന്നു. അച്ഛന് പിന്നീട് പറയുന്നു ഗൃഹസ്ഥവ്യവഹാരത്തില്
ഇരുന്നുകൊണ്ടും ഇപ്പോള് പാരലൗകിക പിതാവില് നിന്നും സമ്പത്ത് എടുക്കൂ. ലൗകിക
സമ്പത്ത് നിങ്ങള് എടുത്തുവന്നു, ഇപ്പോള് ലൗകിക സമ്പത്തിനെ പാരലൗകിക സമ്പത്തുമായി
എക്സ്ചേഞ്ച് ചെയ്യൂ. എത്ര നല്ല വ്യാപാരമാണ്! ലൗകിക സമ്പത്ത് എന്തുണ്ട്? ഇതാണ്
പരിധിയില്ലാത്ത സമ്പത്ത്, അതും പാവങ്ങള് പെട്ടെന്ന് എടുക്കും. പാവങ്ങളെ
ദത്തെടുക്കുന്നു. അച്ഛനും ഏഴകളുടെ തോഴനല്ലേ. ഞാന് ഏഴകളുടെ തോഴനാണ് എന്ന്
പാട്ടുമുണ്ട്. ഭാരതമാണ് ഏറ്റവും ദരിദ്രം. ഞാന് വരുന്നതും ഭാരതത്തിലാണ്, വന്ന്
ഭാരതത്തെ സമ്പന്നമാക്കുന്നു. ഭാരതത്തിന്റെ മഹിമ വളരെ ഉയര്ന്നതാണ്. ഇത് വളരെ
വലിയ തീര്ത്ഥസ്ഥാനമാണ്. പക്ഷേ കല്പത്തിന്റെ ആയുസ്സിനെ വളരെ നീട്ടിയതിനാല് എല്ലാം
മറന്നുപോയി. മനസ്സിലാക്കുന്നു ഭാരതം വളരെ സമ്പന്നമായിരുന്നു, ഇപ്പോള് ദരിദ്രമായി
മാറി. മുമ്പ് ധാന്യങ്ങള് ഇവിടെ നിന്ന് വിദേശത്തേയ്ക്ക് കൊണ്ടുപോയിരുന്നു.
ഇപ്പോള് ഭാരതം ഏറ്റവും ദരിദ്രമാണെന്ന് മനസ്സിലാക്കി ഇവിടേയ്ക്ക് സഹായം നല്കുന്നു.
ഇങ്ങനെ സംഭവിക്കുന്നു- ഏതെങ്കിലും വലിയ വ്യക്തി തോറ്റുപോയാല് ഒന്നിച്ച്
തീരുമാനമെടുത്ത് അവരെ സഹായിക്കുന്നു. ഈ ഭാരതമാണ് ഏറ്റവും പ്രാചീനമായത്. ഭാരതം
തന്നെയായിരുന്നു സ്വര്ഗ്ഗമായിരുന്നത്. ആദ്യമാദ്യം ആദി സനാതന ദേവീദേവതാ
ധര്മ്മമായിരുന്നു. കേവലം സമയത്തെ വലിച്ചുനീട്ടി, അതിനാല് ആശയക്കുഴപ്പത്തിലായി.
ഭാരതത്തിന് എത്ര സഹായമാണ് നല്കുന്നത്. അച്ഛനും ഭാരതത്തില്ത്തന്നെയാണ് വരേണ്ടത്.
നിങ്ങള് കുട്ടികള്ക്ക് അറിയാം നമ്മള് അച്ഛനില് നിന്നും സമ്പത്ത് എടുക്കുകയാണ്.
ലൗകിക പിതാവിന്റെ സമ്പത്തിനെ പാരലൗകികവുമായി എക്സ്ചേഞ്ച് ചെയ്യുകയാണ്.
എങ്ങനെയാണോ ബ്രഹ്മാവ് ചെയ്തത് അതുപോലെ. കണ്ടു, പാരലൗകിക പിതാവില് നിന്നും
കിരീടവും സിംഹാസനവും ലഭിക്കുന്നു- ആ ചക്രവര്ത്തീ പദവി എവിടെ ഈ തുച്ഛമായ
സമ്പാദ്യം എവിടെ. ഫോളോ ഫാദര് എന്നും പറയാറുണ്ട്. വിശന്ന് മരിക്കേണ്ട കാര്യമില്ല.
അച്ഛന് പറയുന്നു സൂക്ഷിപ്പുകാരനായി സംരക്ഷിക്കൂ. അച്ഛന് വന്ന് സഹജമായ വഴി
പറഞ്ഞുതരികയാണ്. കുട്ടികള് വളരെ അധികം ബുദ്ധിമുട്ടുകള് അനുഭവിച്ചവരാണ് അതിനാലാണ്
അച്ഛനെ വിളിച്ചത്- അല്ലയോ പരമപിതാ പരമാത്മാവേ, ദയ കാണിക്കൂ. സുഖത്തില് ഒരാള്പോലും
അച്ഛനെ ഓര്മ്മിക്കുന്നില്ല, ദുഃഖത്തില് എല്ലാവരും ഓര്മ്മിക്കുന്നു. ഇപ്പോള്
അച്ഛന് പറഞ്ഞുതരുകയാണ് എങ്ങനെ ഓര്മ്മിക്കണം. നിങ്ങള്ക്കാണെങ്കില് ഓര്മ്മിക്കാന്
പോലും അറിയില്ല. ഞാന് തന്നെയാണ് വന്ന് നിങ്ങള്ക്ക് പറഞ്ഞുതരുന്നത്. കുട്ടികളേ
സ്വയം ആത്മാവാണെന്നു മനസ്സിലാക്കു എന്നിട്ട് പാരലൗകിക പിതാവിനെ ഓര്മ്മിക്കു
എങ്കില് നിങ്ങളുടെ പാപങ്ങള് ഇല്ലാതാകും. ഓര്മ്മിച്ച് ഓര്മ്മിച്ച് സുഖം നേടൂ,
ശരീരത്തിന്റെ ദുഃഖങ്ങളും വേദനകളും ഇല്ലാതാകട്ടെ. ശരീരത്തിന്റെ എന്തെല്ലാം
ദുഃഖങ്ങളുണ്ടോ അതെല്ലാം ഇല്ലാതാകും. നിങ്ങളുടെ ആത്മാവ്, ശരീരം രണ്ടും പവിത്രമായി
മാറും. നിങ്ങള് ഇങ്ങനെയുള്ള സ്വര്ണ്ണമായിരുന്നു. പിന്നീട് പുനര്ജന്മങ്ങള്
എടുത്ത് എടുത്ത് ആത്മാവില് അഴുക്ക് കയറുന്നു, പിന്നീട് ശരീരവും പഴയത്
ലഭിക്കുന്നു. സ്വര്ണ്ണത്തില് കലര്പ്പ് ചേര്ക്കുന്നതുപോലെ. പവിത്രമായ
സ്വര്ണ്ണംകൊണ്ടു നിര്മ്മിക്കുന്ന ആഭരണവും പവിത്രമായിരിക്കും. അതില്
തിളക്കമുണ്ടാകും. കലര്പ്പ് ചേര്ത്ത സ്വര്ണ്ണം കറുത്തുപോകുന്നു. അച്ഛന് പറയുന്നു
നിങ്ങളിലും അഴുക്ക് നിറഞ്ഞിരിക്കുന്നു, അതിനെ ഇപ്പോള് ഇല്ലാതാക്കണം. എങ്ങനെ
എടുത്ത് കളയും? അച്ഛനുമായി യോഗം വെയ്ക്കു. പഠിപ്പിക്കുന്ന ആളുമായി യോഗം
വെയ്ക്കണമല്ലോ. ബാബയാണെങ്കില് അച്ഛന്, ടീച്ചര്, സദ്ഗുരു എല്ലാമാണ്. ബാബയെ
ഓര്മ്മിക്കുകയാണെങ്കില് നിങ്ങളുടെ വികര്മ്മം വിനാശമാകും മാത്രമല്ല ബാബ നിങ്ങളെ
പഠിപ്പിക്കുന്നുമുണ്ട്. നിങ്ങള് എന്നെത്തന്നെയാണ് പതിത പാവനന് സര്വ്വശക്തിവാന്
എന്നു വിളിക്കുന്നത്. കല്പ കല്പം ബാബ ഇങ്ങനെത്തന്നെയാണ് മനസ്സിലാക്കിത്തരുന്നത്.
മധുര മധുരമായ കളഞ്ഞുപോയി തിരികെക്കിട്ടിയ കുട്ടികളേ, 5000 വര്ഷങ്ങള്ക്കുശേഷം
നിങ്ങള് വന്ന് കാണുകയാണ്. അതിനാലാണ് നിങ്ങളെ കളഞ്ഞുപോയി തിരികെക്കിട്ടിയ ഓമനകള്
എന്നു പറയുന്നത്. ഇപ്പോള് ഈ ദേഹത്തിന്റെ അഹങ്കാരത്തെ ഉപേക്ഷിച്ച്
ആത്മാഭിമാനിയായി മാറൂ. ആത്മാവാണെന്ന ജ്ഞാനവും നല്കി, അത് ബാബയ്ക്കല്ലാതെ
മറ്റാര്ക്കും നല്കാന് സാധിക്കില്ല. ആത്മജ്ഞാനമുള്ള ഒരു മനുഷ്യന് പോലുമില്ല.
സന്യാസി, ഗുരു, ഗോസായി ആര്ക്കും അറിയില്ല. ഇപ്പോള് ആ പഴയ ശക്തിയില്ല.
എല്ലാവരുടേയും ശക്തി ഇല്ലാതായി. മുഴുവന് വൃക്ഷവും ജീര്ണ്ണിച്ച
അവസ്ഥയിലെത്തിയിരിക്കുന്നു. ഇപ്പോള് വീണ്ടും പുതിയതിന്റെ സ്ഥാപനയുണ്ടാകുന്നു.
അച്ഛന് വന്ന് വ്യത്യസ്തമായ വൃക്ഷത്തിന്റെ രഹസ്യം മനസ്സിലാക്കിത്തരുകയാണ്.
പറയുന്നു ആദ്യം നിങ്ങള് രാമരാജ്യത്തിലായിരുന്നു, പിന്നീട് നിങ്ങള് എപ്പോള്
വാമമാര്ഗ്ഗത്തിലേയ്ക്ക് പോയോ അപ്പോള് രാവണരാജ്യം ആരംഭിച്ചു പിന്നീട് മറ്റ്
ധര്മ്മങ്ങള് വരുന്നു. ഭക്തിമാര്ഗ്ഗം ആരംഭിക്കുന്നു. മുമ്പ് നിങ്ങള്ക്ക്
അറിയില്ലായിരുന്നു. ആരോട് വേണമെങ്കിലും പോയി ചോദിച്ചോളൂ- നിങ്ങള്ക്ക്
രചയിതാവിനേയും രചനയുടെ ആദി മദ്ധ്യ അന്ത്യത്തേയും അറിയാമോ? അപ്പോള് ആര്ക്കും
പറയാന് കഴിയില്ല. അച്ഛന് ഭക്തരോട് പറയുന്നു ഇപ്പോള് നിങ്ങള് തീരുമാനമെടുക്കു.
ബോര്ഡിലും എഴുതൂ- അഭിനേതാവായിട്ടും ഡ്രാമയുടെ സംവിധായകനേയും രചയിതാവിനേയും
മുഖ്യ അഭിനേതാവിനേയും അറിയുകയില്ലെങ്കില് ഇങ്ങനെയുള്ള അഭിനേതാവിനെ എന്തു പറയും?
നമ്മള് ആത്മാക്കള് ഇവിടേയ്ക്ക് ഭിന്ന ഭിന്ന ശരീരം ധാരണ ചെയ്ത് പാര്ട്ട്
അഭിനയിക്കാനായി വരുന്നു എങ്കില് തീര്ച്ചയായും ഇത് നാടകമല്ലേ.
ഗീതയാണ് മാതാവ്, ശിവനാണ് പിതാവ്. ബാക്കി എല്ലാം രചനകളാണ്. ഗീത പുതിയ ലോകത്തെ
നിര്മ്മിക്കുന്നു. പുതിയ ലോകം നിര്മ്മിക്കുന്നത് എങ്ങനെയാണ് എന്നതും ആര്ക്കും
അറിയില്ല. പുതിയ ലോകത്തില് ആദ്യമാദ്യം നിങ്ങളായിരിക്കും. ഇപ്പോള് ഇത്
പുരുഷോത്തമ സംഗമയുഗീ ലോകമാണ്. ഇത് പഴയ ലോകവുമല്ല പുതിയ ലോകവുമല്ല. ഇത് സംഗമമാണ്.
ബ്രാഹ്മണര് കുടുമയാണ്. വിരാടരൂപത്തില് ശിവബാബയേയും കാണിക്കുന്നില്ല കുടുമയായ
ബ്രാഹ്മണരേയും കാണിക്കുന്നില്ല. നിങ്ങള് മുകളില് കുടുമ കാണിച്ചിട്ടുണ്ട്.
നിങ്ങള് ബ്രാഹ്മണര് ഇരിക്കുകയാണ്. ദേവതകള്ക്കു പിന്നില് ക്ഷത്രിയരാണ്.
ദ്വാപരത്തില് വൃക്ഷങ്ങളുടെ പൂജചെയ്യുന്നു, പിന്നീട് ശൂദ്രനാകുന്നു. ഇത്
ഉരുണ്ടുകളിയാണ്. നിങ്ങള് ഉരുണ്ടുകളിക്കുന്നതിനെ ഓര്മ്മിക്കു. ഇതാണ് 84
ജന്മങ്ങളുടെ നിങ്ങളുടെ യാത്ര. സെക്കന്റില് എല്ലാം ഓര്മ്മവരും. നമ്മള് ഇങ്ങനെ
ചക്രം കറങ്ങുന്നു. ഇത് ശരിയായ ചിത്രമാണ്, അത് തെറ്റാണ്. അച്ഛനല്ലാതെ മറ്റാര്ക്കും
ശരിയായ ചിത്രം നിര്മ്മിക്കാന് സാധിക്കില്ല. ബ്രഹ്മാവിലൂടെ അച്ഛന്
മനസ്സിലാക്കിത്തരുകയാണ്. നിങ്ങള് ഇങ്ങനെ ഉരുണ്ടുകളിക്കുകയാണ്. സെക്കന്റിലാണ്
നിങ്ങളുടെ യാത്രയുണ്ടാകുന്നത്. ബുദ്ധിമുട്ടിന്റെ കാര്യമേയില്ല. ആത്മീയ കുട്ടികള്
മനസ്സിലാക്കുന്നുണ്ട് അച്ഛന് നമ്മളെ പഠിപ്പിക്കുകയാണ്. ഈ സത്സംഗം സത്യമായ
അച്ഛനുമൊത്താണ്. അത് അസത്യമായ സംഗമാണ്. സത്യഖണ്ഢം അച്ഛനാണ് സ്ഥാപിക്കുന്നത്.
മനുഷ്യനില് അതിനുള്ള ശക്തിയില്ല. ഭഗവാനു മാത്രമേ ചെയ്യാന് സാധിക്കൂ. ഭഗവാനെയാണ്
ജ്ഞാനസാഗരന് എന്ന് വിളിക്കുന്നത്. സാധു സന്യാസിമാര്ക്ക് ഇത് പരമാത്മാവിന്റെ
മഹിമയാണ് എന്നത് അറിയില്ല. ശാന്തിസാഗരനായ അച്ഛന് നിങ്ങള്ക്ക് ശാന്തി നല്കുകയാണ്.
അതിരാവിലെ നിങ്ങള് ഡ്രില് ചെയ്യുന്നുണ്ട്. ശരീരത്തില് നിന്നും വേറിട്ട് അച്ഛന്റെ
ഓര്മ്മയില് ഇരിക്കുന്നു. ഇവിടേയ്ക്ക് നിങ്ങള് വന്നത് ജീവിച്ചിരിക്കെ
മരിക്കുന്നതിനാണ്. അച്ഛനില് സമര്പ്പണമാകുന്നു. ഇത് പഴയ ലോകം, പഴയ ശരീരമാണ്,
ഇതിനോട് വെറുപ്പ് തോന്നുന്നു, ഇതിനെ ഉപേക്ഷിച്ചാല് മതി. ഒന്നും ഓര്മ്മവരരുത്.
എല്ലാം മറക്കണം. നിങ്ങള് പറയാറുമുണ്ട് ഭഗവാന് എല്ലാം നല്കി എങ്കില്ഇപ്പോള്
ഭഗവാന് നല്കു. ഭഗവാന് നിങ്ങളോട് പറയുന്നു നിങ്ങള് ട്രസ്റ്റിയായി മാറു. ഭഗവാന്
ട്രസ്റ്റിയാവില്ല. ട്രസ്റ്റിയാവുന്നത് നിങ്ങളാണ്. പിന്നീട് പാപം ചെയ്യില്ല.
മുമ്പ് പാപാത്മാക്കളിലും പാപാത്മാക്കളുമായാണ് കൊടുക്കല് വാങ്ങല് നടത്തിയിരുന്നത്.
ഇപ്പോള് സംഗമയുഗത്തില് പാപാത്മാക്കളുമായി നിങ്ങള്ക്ക് കൊടുക്കല് വാങ്ങല്
നടത്തേണ്ടതില്ല. പാപാത്മാക്കള്ക്ക് ദാനം നല്കിയാല് പാപം തലയില് വരും.
ഈശ്വരാര്ത്ഥമാണ് ചെയ്യുന്നത് പക്ഷേ നല്കുന്നത് പാപാത്മാക്കള്ക്കാണ്. അച്ഛന്
എന്തെങ്കിലും എടുക്കുന്നുണ്ടോ. അച്ഛന് പറയും പോയി സെന്റര് തുറക്കൂ എങ്കില് അനേകം
ആളുകളുടെ മംഗളം ഉണ്ടാകും.
അച്ഛന് മനസ്സിലാക്കിത്തരുന്നു എന്തെല്ലാം സംഭവിക്കുന്നുണ്ടോ അതെല്ലാം ഡ്രാമ
അനുസരിച്ച് അതേപോലെ ആവര്ത്തിക്കും. പിന്നീട് ഇതില് കരയുകയോ ദുഃഖിക്കുകയോ
ചെയ്യേണ്ടതില്ല. കര്മ്മങ്ങളുടെ കണക്കുവഴക്കുകള് ഇല്ലാതാവുന്നത് നല്ലതാണ്.
വൈദ്യന്മാര് പറയും- മുഴുവന് അസുഖവും പുറത്തുവരും. അച്ഛനും പറയുന്നു ബാക്കിയുള്ള
കണക്കു വഴക്കുകള് ഇല്ലാതാക്കണം. യോഗം ചെയ്ത് ഇല്ലാതാക്കാം ഇല്ലെങ്കില് ശിക്ഷകള്
അനുഭവിക്കേണ്ടതായിവരും. ശിക്ഷകള് വളരെ കടുത്തതാണ്. അതിനെക്കാള് നല്ലത് അസുഖങ്ങള്
വന്ന് ഇല്ലാതാകുന്നതാണ്. 21 ജന്മങ്ങളുടെ സുഖത്തിന്റെ മുന്നില് ഈ ദുഃഖം
ഒന്നുമല്ല കാരണം സുഖം വളരെ അധികമാണ്. ജ്ഞാനം പൂര്ണ്ണമായില്ലെങ്കില് അസുഖം കാരണം
പിടഞ്ഞുകൊണ്ടിരിക്കും. അസുഖം വന്നാല് ഭഗവാനെ ഒരുപാട് ഓര്മ്മിക്കുന്നു. അതും
നല്ലതാണ്. ഒരാളെ മാത്രം ഓര്മ്മിക്കണം. അതും
മനസ്സിലാക്കിത്തന്നുകൊണ്ടിരിക്കുകയാണ്. അവര്ഗുരുക്കന്മാരെ
ഓര്മ്മിച്ചുകൊണ്ടിരിക്കുന്നു, ഗുരുക്കന്മാര് അനേകമുണ്ട്. ഒരേ ഒരു സദ്ഗുരുവിനെ
നിങ്ങള് മാത്രമേ അറിയുന്നുള്ളു. ബാബ സര്വ്വശക്തിവാനാണ്. അച്ഛന് പറയുന്നു- ഞാന്
ഈ വേദ ഗ്രന്ഥങ്ങളെയെല്ലാം അറിയുന്നു. ഇത് ഭക്തിയുടെ സാമഗ്രിയാണ് ഇതിലൂടെ ആര്ക്കും
എന്നെ പ്രാപ്തമാക്കാന് സാധിക്കില്ല. അച്ഛന് വരുന്നതുതന്നെ പാപാത്മാക്കളുടെ
ലോകത്തിലേയ്ക്കാണ്. അവിടെ പൂണ്യാത്മാക്കള് എവിടെ നിന്നും വന്നു. ആരാണോ
പൂര്ണ്ണമായും 84 ജന്മങ്ങള് എടുത്തത് അവരുടെ ശരീരത്തിലാണ് പ്രവേശിക്കുന്നത്.
ഏറ്റവും ആദ്യം ബ്രഹ്മാവാണ് കേള്ക്കുന്നത്. അച്ഛന് പറയുന്നു ഇവിടെ നിങ്ങളുടെ
ഓര്മ്മയുടെ യാത്ര വളരെ നന്നായി നടക്കുന്നു. കൊടുങ്കാറ്റുകള് ഇവിടെയും വരും പക്ഷേ
അച്ഛന് മനസ്സിലാക്കിത്തന്നുകൊണ്ടിരിക്കുന്നു സ്വയം ആത്മാവാണെന്നു മനസ്സിലാക്കി
അച്ഛനെ ഓര്മ്മിക്കു. കല്പം മുമ്പും നിങ്ങള് ഇങ്ങനെതന്നെയാണ് ജ്ഞാനം കേട്ടത്.
ദിനംപ്രതിദിനം നിങ്ങള് കേട്ടുകൊണ്ടിരിക്കുകയാണ്. രാജധാനി
സ്ഥാപിച്ചുകൊണ്ടിരിക്കുകയാണ്. പഴയ ലോകത്തിന്റെ വിനാശവും സംഭവിക്കേണ്ടതുതന്നെയാണ്.
ശരി!
വളരെക്കാലത്തെ വേര്പാടിനു ശേഷം തിരികെക്കിട്ടിയ മധുര മധുരമായ ഓമന
സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും പുലര്കാല
വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്തേ.
ധാരണയ്ക്കുള്ള മുഖ്യ സാരം:-
1.
അതിരാവിലെ ഉണര്ന്ന് ശരീരത്തില് നിന്നും വേറിടുന്നതിനുള്ള ഡ്രില് ചെയ്യണം.
പഴയലോകം, പഴയശരീരം ഒന്നും ഓര്മ്മവരരുത്. എല്ലാം മറന്നിരിക്കണം.
2. സംഗമയുഗത്തില്
പാപാത്മാക്കളുമായി കൊടുക്കല് വാങ്ങല് നടത്തരുത്. കര്മ്മത്തിന്റെ കണക്കു
വഴക്കുകളെ സന്തോഷത്തോടുകൂടി ഇല്ലാതാക്കണം. കരയുകയോ ദുഃഖിക്കുകയോ വേണ്ട. എല്ലാം
അച്ഛനില് സമര്പ്പിച്ച് പിന്നീട് ട്രസ്റ്റിയായി സംരക്ഷിക്കണം.
വരദാനം :-
അനുഭവത്തിന്റെ ശക്തിയിലൂടെ സ്വ പരിവര്ത്തനം ചെയ്യുന്ന തീവ്രപുരുഷാര്ത്ഥിയായി
ഭവിക്കട്ടെ.
ഏതൊരു
പരിവര്ത്തനത്തിന്റെയും സഹജമായ ആധാരം അനുഭവത്തിന്റെ ശക്തിയാണ്. ഏതുവരെ
അനുഭവത്തിന്റെ ശക്തി വരുന്നില്ലയോ അതുവരെ അനുഭൂതിയുണ്ടാകില്ല മാത്രമല്ല ഏതുവരെ
അനുഭൂതിയില്ലയോ അതുവരെ ബ്രാഹ്മണ ജീവിതത്തിന്റെ വിശേഷതയുടെ ഫൗണ്ടേഷന്
ഉറപ്പുള്ളതല്ല. ഉന്മേഷ-ഉത്സാഹത്തിന്റെ ലക്ഷണമില്ല. എപ്പോള് അനുഭവത്തിന്റെ ശക്തി
ഓരോ കാര്യത്തിന്റെയും അനുഭവിയാക്കി മാറ്റുന്നുവോ അപ്പോള് തീവ്രപുരുഷാര്ത്ഥിയായി
മാറുന്നു. അനുഭവത്തിന്റെ ശക്തി സദാ കാലത്തേക്ക് സഹജ പരിവര്ത്തനം
ചെയ്യിപ്പിക്കുന്നു.
സ്ലോഗന് :-
സ്നേഹത്തിന്റെ സ്വരൂപത്തെ സാകാരത്തില് പുറത്തെടുത്ത് ബ്രഹ്മാബാബക്ക് സമാനമാകൂ.