06.02.2024           Morning Malayalam Murli       Om Shanti           BapDada Madhuban


മധുരമായ കുട്ടികളെ, തന്റെ ജയ പരാജയത്തിന്റെ ചരിത്രത്തെ ഓര്മ്മിക്കൂ. ഇത് സുഖ-ദുഃഖത്തിന്റെ കളിയാണ്. ഇതില് മുക്കാല് ഭാഗം സുഖവും കാല് ഭാഗം ദുഃഖവുമാണ്. ഒരേപോലെയല്ല.

ചോദ്യം :-
ഈ പരിധിയില്ലാത്ത നാടകം വളരെ അത്ഭുതകരമാണ് -എങ്ങനെ?

ഉത്തരം :-
ഈ പരിധിയില്ലാത്ത ഡ്രാമ ഇത്രയും അത്ഭുതകരമാണ്, ഓരോ സെക്കന്റും മുഴുവന് സൃഷ്ടിയിലും എന്താണോ നടന്നുകൊണ്ടിരിക്കുന്നത്, അത് വീണ്ടും അതേപോലെ ആവര്ത്തിക്കും. ഈ ഡ്രാമ പേനിനെപ്പോലെ ചലിച്ചുകൊണ്ടിരിക്കും, ടിക് ടിക് എന്നടിച്ചുകൊണ്ടിരിക്കും. ഒരു നിമിഷം പോലെയല്ല അടുത്തത് അതുകൊണ്ട് ഇത് വളരെ അത്ഭുതകരമായ ഡ്രാമയാണ്. മനുഷ്യരുടെ നല്ലതും മോശമായതുമായ എല്ലാ പാര്ട്ടുകളും ഇതില് അടങ്ങിയിട്ടുണ്ട്. ഈ കാര്യം നിങ്ങള് കുട്ടികള് തന്നെയാണ് മനസ്സിലാക്കുന്നത്.

ഓംശാന്തി.  
ഓം ശാന്തിയുടെ അര്ത്ഥം കുട്ടികള്ക്ക് മനസ്സിലാക്കിത്തന്നിട്ടുണ്ട് എന്തെന്നാല് ഇപ്പോള് ആത്മാഭിമാനിയായി മാറിയിരിക്കുകയാണ്. ആത്മാവ് തന്റെ പരിചയം നല്കുകയാണ്, നമ്മള് ആത്മാവാണ്. ആത്മാവിന്റെ സ്വധര്മ്മമാണ് ശാന്തി. ഇപ്പോള് എല്ലാ ആത്മാക്കളും വീട്ടില് പോകുന്നതിനുള്ള പരിപാടിയിലാണ്. വീട്ടില് പോകുന്നതിനുള്ള ഈ പ്രോഗ്രാം ആരാണ് പറഞ്ഞുതരുന്നത്? തീര്ച്ചയായും ബാബ തന്നെ പറഞ്ഞുതരും. അല്ലയോ ആത്മാക്കളെ, ഇപ്പോള് പഴയ ലോകം അവസാനിക്കണം. എല്ലാ അഭിനേതാക്കളും വന്നുകഴിഞ്ഞു. കുറച്ചുപേര് കൂടി ബാക്കിയുണ്ട്. ഇപ്പോള് എല്ലാവര്ക്കും തിരിച്ചുപോകണം. പിന്നീട് പാര്ട്ട് ആവര്ത്തിക്കണം. നിങ്ങള് കുട്ടികള് ശരിക്കും ആദിസനാതന ദേവീദേവതാ ധര്മ്മത്തിലുള്ളവരായിരുന്നു. ആദ്യമാദ്യം സത്യയുഗത്തില് വന്നു പിന്നീട് പുനര്ജ്ജന്മം എടുത്തെടുത്ത് ഇപ്പോള് അന്യന്റെ രാജ്യത്തില് വന്നു പെട്ടിരിക്കുന്നു. ഇത് കേവലം നിങ്ങള് ആത്മാക്കള് മാത്രമേ അറിയുന്നുള്ളു, മറ്റാരും അറിയുന്നില്ല. നിങ്ങള് ഒരു ബാബയുടെ കുട്ടികളാണ്. മധുര മധുരമായ കുട്ടികളോട് ബാബ പറയുന്നു - കുട്ടികളെ, നിങ്ങളിപ്പോള് അന്യന്റെ ദേശമായ രാവണന്റെ രാജ്യത്തില് വന്നുപെട്ടു. തന്റെ രാജ്യഭാഗ്യത്തെ നഷ്ടപ്പെടുത്തിയിരിക്കുകയാണ്. 5000 വര്ഷങ്ങള്ക്കു മുമ്പ് സത്യയുഗത്തില് ദേവീദേവതാ ധര്മ്മമായിരുന്നു. പകുതി കല്പം നിങ്ങള് രാജ്യം ഭരിച്ചു. കാരണം പടികള് താഴേക്കിറങ്ങുകതന്നെ വേണം. സത്യയുഗത്തിലും ത്രേതായുഗത്തിലും പിന്നീട് ദ്വാപരകലിയുഗങ്ങളിലേയ്ക്കും വരണം - ഇത് മറക്കരുത്. തന്റെ ജയപരാജയത്തിന്റെ ചരിത്രത്തെ ഓര്മ്മിക്കൂ. കുട്ടികള്ക്കറിയാം നമ്മള് സത്യയുഗത്തില് സതോപ്രധാനവും, സുഖധാമത്തില് വസിക്കുന്നവരുമായിരുന്നു. പിന്നീട് പുനര്ജ്ജന്മം എടുത്ത് ദുഃഖധാമത്തില് ജീര്ണ്ണിച്ച അവസ്ഥയില് എത്തിച്ചേര്ന്നു. ഇപ്പോള് വീണ്ടും നിങ്ങള് ആത്മാക്കള്ക്ക് ബാബയില്നിന്നും ശ്രീമത്ത് ലഭിച്ചിരിക്കുകയാണ്. കാരണം ആത്മാക്കളും പരമാത്മാവും വേര്പിരിഞ്ഞിരിക്കുകയായിരുന്നു... നിങ്ങള് കുട്ടികള് വളരെയധികം കാലം വേര്പിരിഞ്ഞിരുന്നവരാണ്. ആദ്യം നിങ്ങള് വേര്പെട്ട് സുഖത്തിന്റെ പാര്ട്ട് അഭിനയിക്കാന് വന്നു. പിന്നീട് നിങ്ങളുടെ രാജ്യഭാഗ്യം നഷ്ടപ്പെട്ടു. ദുഃഖത്തിന്റെ പാര്ട്ടിലേക്ക് വന്നു. ഇപ്പോള് നിങ്ങള് കുട്ടികള്ക്ക് വീണ്ടും സുഖശാന്തിയുടെ രാജ്യഭാഗ്യം നേടണം. ആത്മാക്കള് പറയാറുണ്ട് വിശ്വത്തില് ശാന്തിയുണ്ടാകണം. ഈ സമയം തമോപ്രധാനമായതുകാരണം വിശ്വത്തില് അശാന്തിയാണ്. ഇത് ശാന്തിയുടേയും അശാന്തിയുടേയും, സുഖ-ദുഃഖത്തിന്റേയും കളിയാണ്. നിങ്ങള്ക്കറിയാം 5000 വര്ഷത്തിനുമുമ്പ് വിശ്വത്തില് ശാന്തിയുണ്ടായിരുന്നു. മൂലവതനം തന്നെയാണ് ശാന്തിധാമം. അവിടെയാണ് ആത്മാക്കള് വസിക്കുന്നത്. മൂലവതനത്തില് അശാന്തിയുടെ പ്രശ്നമേയില്ല. സത്യയുഗത്തില് ശാന്തിയുണ്ടായിരുന്നു. പിന്നീടുള്ള വീഴ്ചയില് അശാന്തിയുണ്ടായി. ഇപ്പോള് വിശ്വത്തില് മുഴുവനും ശാന്തി ആഗ്രഹിക്കുന്നു. ബ്രഹ്മതത്വത്തെ വിശ്വം എന്ന് പറയില്ല. അതിനെ ബ്രഹ്മാണ്ഡമെന്നാണ് പറയുന്നത്, ബ്രഹ്മാണ്ഡത്തിലാണ് നിങ്ങള് ആത്മാക്കള് വസിക്കുന്നത്. ആത്മാവിന്റെ സ്വധര്മ്മമാണ് ശാന്തി. ആത്മാവ് ശരീരത്തില്നിന്നും വേറിടുന്നതിലൂടെ ശാന്തമാകുന്നു. പിന്നീട് ശരീരം എടുക്കുന്നതിലൂടെ ശബ്ദത്തിലേക്ക് വരുന്നു. ഇപ്പോള് നിങ്ങള് കുട്ടികള് ഇവിടേക്ക് എന്തിനുവേണ്ടിയാണ് വന്നിരിക്കുന്നത്? പറയാറുണ്ട് - ബാബാ, ഞങ്ങളെ ശാന്തിധാമത്തിലേക്കും, സുഖധാമത്തിലേക്കും കൊണ്ടുപോകൂ. ശാന്തി ധാമത്തില് അഥവാ മുക്തിധാമത്തില് സുഖ-ദു:ഖത്തിന്റെ പാര്ട്ടില്ല. സത്യയുഗമാണ് സുഖധാമം. കലിയുഗമാണ് ദു:ഖധാമം. ഇറങ്ങുന്നത് എങ്ങിനെയാണ്? പടിയുടെ ചിത്രത്തില് കാണിച്ചിട്ടുണ്ട്. നിങ്ങള് പടികള് ഇറങ്ങിവന്നു വീണ്ടും ഒരു പ്രാവശ്യം കയറണം. പാവനമായി മാറുമ്പോള് കയറുന്നു. പതീതമായി മാറുമ്പോള് ഇറങ്ങുന്നു. പാവനമായി മാറാതെ കയറാന് സാധിക്കില്ല, അതുകൊണ്ടാണ് വിളിക്കുന്നത് - ബാബാ അങ്ങ് വന്ന് വീണ്ടും ഞങ്ങളെ പാവനമാക്കി മാറ്റൂ.

നിങ്ങള് ആദ്യം പാവനമായ ശാന്തിധാമത്തിലേയ്ക്കാണ് പോകുന്നത് പിന്നീട് സുഖധാമത്തിലേക്ക് വരുന്നു. ആദ്യം സുഖമാണ്, പിന്നീട് ദു:ഖമാണ്. ഈ സുഖത്തിന്റെ അളവ് കൂടുതലാണ്. തുല്യമാണെങ്കില് യാതൊരു പ്രയോജനവുമില്ല. ബാബ മനസ്സിലാക്കിത്തരികയാണ് ഈ ഡ്രാമ ഉണ്ടാക്കിയിരിക്കുന്നതില്മുക്കാല് ഭാഗം സുഖവും ബാക്കി കാല് ഭാഗം കുറച്ചു കുറച്ച് ദുഃഖവുമാണ്. അതുകൊണ്ടാണ് സുഖദുഃഖത്തിന്റെ കളിയെന്ന് പറയുന്നത്. ബാബയ്ക്കറിയാം എന്നെ നിങ്ങള് കുട്ടികള്ക്കല്ലാതെ വേറെ ആര്ക്കും അറിയാന് സാധിക്കില്ല. ഞാനാണ് നിങ്ങള്ക്ക് എന്റെ പരിചയം നല്കുന്നത് ഒപ്പം സൃഷ്ടിചക്രത്തിന്റെ ആദി മദ്ധ്യ അന്ത്യത്തിന്റെ പരിചയവും നല്കുന്നു. നിങ്ങളെ നാസ്തികരില്നിന്ന് ആസ്തികരാക്കി മാറ്റന്നു. 3 ലോകത്തേയും നിങ്ങള്ക്കറിയാം. ഭാരതവാസികള് കല്പത്തിന്റെ ആയുസ്സുപോലും അറിയുന്നില്ല. ഇപ്പോള് നിങ്ങള് മനസ്സിലാക്കി ബാബ നമ്മളെ വീണ്ടും പഠിപ്പിക്കുകയാണ്. ബാബ ഗുപ്തവേഷത്തില് അന്യന്റെ ദേശത്തേയ്ക്ക് വന്നിരിക്കുകയാണ്. ബാബയും ഗുപ്തമാണ്. മനുഷ്യന് തന്റെ ശരീരത്തെ അറിയുന്നുണ്ട് ആത്മാവിനെ അറിയുന്നില്ല. ആത്മാവ് അവിനാശിയാണ്, ദേഹം വിനാശിയാണ്. ആത്മാവിനേയും ആത്മാവിന്റെ പിതാവിനേയും നിങ്ങള് ഒരിക്കലും മറക്കാന് പാടില്ല. നമ്മള് പരിധിയില്ലാത്ത ബാബയില്നിന്ന് സമ്പത്ത് നേടിക്കൊണ്ടിരിക്കുകയാണ്. പവിത്രമായി മാറുമ്പോഴാണ് സമ്പത്ത് ലഭിക്കുക. ഈ രാവണന്റെ രാജ്യത്തില് നിങ്ങള് പതീതമായി. അതുകൊണ്ടാണ് ബാബയെ വിളിക്കുന്നത്. രണ്ട് അച്ഛന്മാരുണ്ട്. പരമപിതാ പരമാത്മാവ് എല്ലാ ആത്മാക്കളുടേയും ഒരേയൊരു പിതാവാണ്. സഹോദരങ്ങള് എല്ലാവരുടേയും പിതാവാകുന്നില്ല. എപ്പോഴാണോ ഭാരതത്തില് ധര്മ്മത്തിന് അതിഗ്ലാനിയുണ്ടാകുന്നത്, അപ്പോള് എല്ലാ ധര്മ്മത്തിലുളളവരും പാരലൗകിക പിതാവിനെ മറക്കുന്നു, അപ്പോഴാണ് ബാബ വരുന്നത്. ഇതും കളിയാണ്. കളിയില് എന്ത് സംഭവിക്കുന്നുവോ അത് വീണ്ടും ആവര്ത്തിച്ചുകൊണ്ടിരിക്കുന്നു. നിങ്ങള് ആത്മാക്കള് എത്ര പ്രാവശ്യം പാര്ട്ട് അഭിനയിക്കാന് വന്നുപോകുന്നു, ഈ നാടകം അനാദിയായി പേനിനെപ്പോലെ ചലിച്ചുകൊണ്ടേയിരിക്കുന്നു. ഒരിയ്ക്കലും അവസാനിക്കുന്നില്ല. ടിക് ടിക് എന്നടിച്ചുകൊണ്ടിരിക്കുന്നു. പക്ഷേ ഒരു സെക്കന്റിന് മറ്റൊന്നിനോട് സാമ്യമില്ല. വണ്ടര്ഫുള് നാടകമാണ്. ഓരോ സെക്കന്റും എന്ത് സൃഷ്ടിയില് സംഭവിക്കുന്നുവോ അത് വീണ്ടും ആവര്ത്തിക്കുന്നതാണ്. ഓരോ ധര്മ്മത്തിന്റേയും മുഖ്യ പാര്ട്ട്ധാരികള് ആരെല്ലാമാണോ അവരെല്ലാം തന്റേതായ ധര്മ്മം സ്ഥാപിക്കുന്നു. രാജധാനിയുടെ സ്ഥാപന ചെയ്യുന്നില്ല. ഒരേയൊരു പരമപിതാ പരമാത്മാവാണ് ധര്മ്മത്തിന്റെ സ്ഥാപന ചെയ്യുന്നത്, രാജധാനി അഥവാ രാജവംശത്തിന്റെ സ്ഥാപന ചെയ്യുന്നു. ധര്മ്മസ്ഥാപകര് അവരുടെ ധര്മ്മത്തെ സ്ഥാപിക്കുന്നു, അവരുടെ പിന്നാലെ ബാക്കിയുള്ളവര് വരുന്നു. എല്ലാവരേയും കൂട്ടിക്കൊണ്ടു പോകുന്നത് ആരാണ്? ബാബ. ചിലര് വളരെ കുറച്ച് പാര്ട്ടേ അഭിനയിക്കുന്നുള്ളു അതോടെ അവസാനിച്ചു. ചില ജീവികള് ഉണ്ടായി ഉടന്തന്നെ നശിക്കുകയും ചെയ്യുന്നു. അവര്ക്ക് ഡ്രാമയുടെ കാര്യമേ ഇല്ല. ശ്രദ്ധ ഏത് ഭാഗത്തേക്കാണ് പോകേണ്ടത്? ഒന്ന് രചയിതാവിന്റെ ഭാഗത്തേക്ക് പോകണം, രചയിതാവിനെത്തന്നെയാണ് പറയുന്നത് അല്ലയോ ഗോഡ് ഫാദര്, അല്ലയോ പരമപിതാ പരമാത്മാവേ. ബാബ സര്വ്വ ആത്മാക്കളുടേയും പിതാവാണ്. ആദ്യം ആദിസനാതനദേവീദേവതാധര്മ്മം ഉണ്ടായിരുന്നു. സൃഷ്ടി എത്ര വലിയ പരിധിയില്ലാത്ത വൃക്ഷമാണ്. എത്ര മതങ്ങളാണ്, എത്ര വൈവിധ്യം നിറഞ്ഞ വസ്തുക്കള് ഉണ്ടാകുന്നു. എണ്ണമെടുക്കാന് പ്രയാസമാകുന്നു. മനുഷ്യ സൃഷ്ടി വൃക്ഷത്തിന്റെ അടിത്തറയില്ല. ബാക്കി ശാഖകള് മാത്രമാണ്. ബാബ പറയുകയാണ് - മധുര മധുരമായ കുട്ടികളേ, ഞാന് വരുന്നത് അനേകധര്മ്മങ്ങള് ഉണ്ടാകുമ്പോഴാണ്. അടിത്തറയാകുന്ന ധര്മ്മത്തിന് പ്രായലോപം സംഭവിക്കുമ്പോള്. ഒരേയൊരു ആദിസനാതന ധര്മ്മം മാത്രമാണ് ഉണ്ടായിരുന്നത്. ബാക്കിയെല്ലാ ധര്മ്മങ്ങളും പിന്നീടാണ് വരുന്നത്. ത്രേതായുഗത്തില് വളരെയധികം പേരുണ്ട്. അവര് സ്വര്ഗ്ഗത്തിലേക്ക് വരുന്നില്ല.

നിങ്ങള് ഇപ്പോള് പുരുഷാര്ത്ഥം ചെയ്യുന്നു നമുക്ക് സ്വര്ഗ്ഗത്തില് പുതിയ ലോകത്തിലേക്ക് പോകണം. ബാബ പറയുകയാണ് നിങ്ങള് സ്വര്ഗ്ഗത്തിലേക്ക് പോകുന്നത് എന്നെ ഓര്മ്മിച്ച് പാവനമായി മാറി ദൈവീകഗുണങ്ങള് ധാരണ ചെയ്യുമ്പോഴാണ്. വൃക്ഷത്തിന് അനേകം ശാഖകളുമുണ്ട്. കുട്ടികള്ക്ക് വൃക്ഷത്തെക്കുറിച്ചറിയാം നമ്മള് ആദിസനാതനദേവീദേവതാധര്മ്മത്തില് ഉള്ളവരായിരുന്നു. ഇപ്പോള് സ്വര്ഗ്ഗമില്ല ഇപ്പോള് നരകമാണ്. ഇപ്പോള് ബാബ ചോദ്യങ്ങള് ഉണ്ടാക്കിയിട്ടുണ്ട് തന്റെ ഹൃദയത്തോട് ചോദിക്കൂ - നമ്മള് സത്യയുഗത്തിലെ സ്വര്ഗ്ഗവാസികളായിരുന്നോ അതോ കലിയുഗത്തിലെ നരകവാസികളായിരുന്നോ? സത്യയുഗത്തില്നിന്നും നേരെ കലിയുഗത്തിലേക്ക് ഇറങ്ങി വന്നവരാണോ? പിന്നീട് മുകളിലേക്ക് എങ്ങനെ പോകും? ബാബ പഠിപ്പിക്കുകയാണ് നിങ്ങള് എങ്ങനെ തമോപ്രധാനത്തില്നിന്നും സതോപ്രധാനമായി മാറും? സ്വയം ആത്മാവാണെന്ന് മനസ്സിലാക്കി എന്നെ ഓര്മ്മിക്കൂ. എങ്കില് യോഗാഗ്നിയിലൂടെ നിങ്ങളുടെ പാപങ്ങള് ഭസ്മമാകും. കഴിഞ്ഞ കല്പത്തിലും നിങ്ങളെ ജ്ഞാനം പഠിപ്പിച്ച് ദേവതയാക്കി മാറ്റിയതായിരുന്നു, ഇപ്പോള് നിങ്ങള് തമോപ്രധാനമായി മാറിയിരിക്കുന്നു. തീര്ച്ചയായും ആരെങ്കിലും സതോപ്രധാനമാക്കി മാറ്റാന് ഉണ്ടാകും. ഒരിക്കലും മനുഷ്യന് പതീതപാവനനാകാന് കഴിയില്ല. അല്ലയോ പതീത പാവനാ, ഭഗവാനേ എന്ന് എപ്പോഴെല്ലാം വിളിക്കുന്നുവോ അപ്പോഴെല്ലാം ബുദ്ധി മുകളിലേക്കാണ് പോകുന്നത്. ബാബ നിരാകാരനാണ്. ബാക്കിയെല്ലാവരും ദേഹധാരികളാണ്. എല്ലാവരും പുനര്ജ്ജന്മം എടുത്തുകൊണ്ടിരിക്കുന്നു എന്നാല് ഞാന് മാത്രം പുനര്ജ്ജന്മരഹിതനാണ്. ഈ ഡ്രാമ ഉണ്ടാക്കപ്പെട്ടതാണ്, ഇതാരും അറിയുന്നില്ല. നിങ്ങളും അറിഞ്ഞിട്ടുണ്ടായിരുന്നില്ല. ഇപ്പോള് നിങ്ങളെ സ്വദര്ശനചക്രധാരിയെന്ന് പറയും. നിങ്ങള് തന്റെ ആത്മാവിന്റെ സ്വധര്മ്മത്തില് ഇരിക്കൂ. സ്വയത്തെ ആത്മാവാണെന്ന് നിശ്ചയം ചെയ്യൂ. ബാബ മനസ്സിലാക്കിത്തരികയാണ് ഈ സൃഷ്ടിചക്രം എങ്ങിനെയാണ് കറങ്ങുന്നത്. നിങ്ങളുടെ പേര് സ്വദര്ശനചക്രധാരിയെന്നാണ്. ഈ ജ്ഞാനം മറ്റാര്ക്കുമില്ല. നിങ്ങള്ക്ക് വളരെ സന്തോഷമുണ്ടായിരിക്കണം. ബാബ നമ്മുടെ ടീച്ചറുമാണ്. വളരെ മധുരമായ ബാബയാണ്. ബാബയെപ്പോലെ മധുരമായി ആരുമില്ല. നിങ്ങള് പാരലൗകിക ബാബയുടെ കുട്ടികള് പരലോകത്തില് വസിച്ചിരുന്ന ആത്മാക്കളാണ്. ബാബയും പരമധാമത്തിലാണ് വസിക്കുന്നത്. എങ്ങനെയാണോ ലൗകിക പിതാവ് കുട്ടിക്ക് ജന്മം കൊടുത്തതിനുശേഷം പാലിക്കുന്നത് അവസാനം എല്ലാ സമ്പത്തും കൊടുക്കുന്നത് അതുപോലെയാണ്. കാരണം കുട്ടി അവകാശിയാണ്, ഇത് നിയമമാണ്. നിങ്ങള് പരിധിയില്ലാത്ത ബാബയുടെ കുട്ടികളായി മാറിയിരിക്കുന്നു, ബാബ പറയുകയാണ് ഇപ്പോള് നിങ്ങളെല്ലാവര്ക്കും ശബ്ദത്തിനുപരിയായ വീട്ടിലേക്ക് തിരിച്ചുപോകണം. പരമധാമത്തില് ശാന്തിയാണ്. പിന്നീട് ചലനത്തിന്റെ ലോകം. അതും കഴിഞ്ഞ് ശബ്ദത്തിന്റെ ലോകം. കുട്ടികള് സൂക്ഷ്മവതനത്തിലേക്ക് പോകാറുണ്ട്, സാക്ഷാത്ക്കാരം ഉണ്ടാകാറുണ്ട്. ആത്മാവ് വിട്ടുപോകുന്നില്ല. ഡ്രാമയില് എന്ത് അടങ്ങിയിട്ടുണ്ടോ അത് സെക്കന്റ് ബൈ സെക്കന്റ് ആവര്ത്തിച്ചുകൊണ്ടിരിക്കും. ഒരു സെക്കന്റുപോലെയല്ല അടുത്തത്. മനുഷ്യരുടെ എന്തെല്ലാം പാര്ട്ട് നടക്കുന്നുണ്ടോ, നല്ലതും ചീത്തയായതും. എല്ലാം ഡ്രാമയില് അടങ്ങിയതാണ്. സത്യയുഗത്തില് നല്ലതും കലിയുഗത്തില് മോശമായതുമായ പാര്ട്ട് അഭിനയിക്കുന്നു. കലിയുഗത്തില് മനുഷ്യര് ദുഃഖികളാകുന്നു. രാമരാജ്യത്തില് മോശമായ കാര്യങ്ങളൊന്നും നടക്കുന്നില്ല. രാമരാജ്യവും രാവണരാജ്യവും ഒരുമിച്ചല്ല. ഡ്രാമയെക്കുറിച്ചുള്ള അറിവില്ലാത്തതു കാരണം പറയുന്നു സുഖ-ദുഃഖം പരമാത്മാവാണ് നല്കുന്നത്. എങ്ങനെയാണോ ശിവബാബയെ ആരും അറിയാത്തത്, അതേപോലെ രാവണനേയും ആരും അറിയുന്നില്ല. ശിവജയന്തി ഓരോ വര്ഷവും ആഘോഷിക്കുന്നുണ്ട്. രാവണന്റെ കോലമുണ്ടാക്കി നശിപ്പിക്കുന്നതും ഓരോ വര്ഷവും ആഘോഷിക്കുന്നു. ഇപ്പോള് പരിധിയില്ലാത്ത ബാബ തന്റെ പരിചയം തന്നുകൊണ്ടിരിക്കുകയാണ് സ്വയം ആത്മാവാണെന്ന് മനസ്സിലാക്കി അച്ഛനായ എന്നെ ഓര്മ്മിക്കൂ. ബാബ വളരെ മധുരമാണ്. ബാബ സ്വയം തന്റെ മഹിമ ചെയ്യുന്നില്ല, ആര്ക്കാണോ ബാബയില്നിന്നും സുഖം ലഭിക്കുന്നത്, അവരാണ് ബാബയുടെ മഹിമ ചെയ്യുന്നത്.

നിങ്ങള് കുട്ടികള്ക്ക് ബാബയില്നിന്നും സമ്പത്ത് ലഭിക്കുന്നു ബാബ സ്നേഹസാഗരനാണ്. സത്യയുഗത്തില് നിങ്ങള് വളരെ മധുരമായിരിക്കും. ചിലര് പറയും സത്യയുഗത്തിലും വികാരങ്ങളെല്ലാം ഉണ്ട്, നിങ്ങള് പറയൂ അവിടെ രാവണന്റെ രാജ്യമില്ല. രാവണരാജ്യം ദ്വാപരയുഗത്തിലാണ് ഉണ്ടാകുന്നത്. എത്ര നല്ലരീതിയിലാണ് ബാബ മനസ്സിലാക്കിത്തരുന്നത്. ലോകത്തിന്റെ ഹിസ്റ്ററി, ജ്യോഗ്രഫി ആരും അറിയുന്നില്ല. ഈ സമയം നിങ്ങള്ക്ക് മനസ്സിലാക്കിത്തരികയാണ്. വീണ്ടും നിങ്ങളാണ് ദേവതയായി മാറുന്നത്. ദേവതകളേക്കാള് ഉയര്ന്നവരായി വേറെ ആരുംതന്നെയില്ല, അതുകൊണ്ടാണ് അവിടെ ഗുരുവിന്റെ ആവശ്യമില്ലാത്തത്. ഇവിടെയാണെങ്കില് അനവധി ഗുരുക്കന്മാരുണ്ട്. സദ്ഗുരു ഒരാളാണ്. സിക്ക് ധര്മ്മത്തിലുള്ളവര് പോലും പറയും സദ്ഗുരു അകാലമൂര്ത്തിയാണ്. ബാബ കാലന്റെയും കാലന് മഹാകാലനാണ്. ബാബ പറയുന്നു ഞാനാണ് എല്ലാവരേയും കൂട്ടിക്കൊണ്ടുപോകുന്നത്. പവിത്രമാക്കി മാറ്റി എല്ലാവരേയും ആദ്യം ശാന്തിധാമത്തിലേക്കും പിന്നീട് സുഖധാമത്തിലേക്കും കൂട്ടിക്കൊണ്ടുപോകുന്നു. അഥവാ എന്റേതായി മാറിയിട്ട് പിന്നീട് മായയുടേതായി മാറിയാല്, പറയാറില്ലേ ഗുരുവിന്റെ നിന്ദകന് ഗതി പ്രാപിക്കില്ല. അവര്ക്ക് സ്വര്ഗ്ഗത്തിന്റെ സമ്പൂര്ണ്ണ സുഖം അനുഭവിക്കാന് സാധിക്കില്ല. പ്രജയായി മാറും. ബാബ പറയുന്നു - കുട്ടികളേ, എന്നെ നിന്ദിക്കാതിരിക്കൂ. ഞാന് നിങ്ങളെ സ്വര്ഗ്ഗത്തിന്റെ അധികാരിയാക്കി മാറ്റുകയാണ്. ദൈവീകഗുണങ്ങളും ധാരണ ചെയ്യണം. ആര്ക്കും ദുഃഖം കൊടുക്കരുത്. ബാബ പറയുകയാണ് ഞാന് വന്നിരിക്കുകയാണ് നിങ്ങളെ സുഖധാമത്തിന്റെ അധികാരിയാക്കി മാറ്റാന്. ബാബ സ്നേഹത്തിന്റെ സാഗരനാണ്, മനുഷ്യര് ദുഃഖം കൊടുക്കുന്ന കാര്യത്തില് സാഗരനാണ്. കാമവികാരത്തില് പെട്ട് പരസ്പരം ദുഃഖം കൊടുക്കുന്നു. സത്യയുഗത്തില് ഈ കാര്യമേ ഇല്ല. സത്യയുഗം രാമരാജ്യമാണ്. യോഗബലത്തിലൂടെയാണ് കുട്ടികള് ജന്മമെടുക്കുന്നത്. യോഗബലത്തിലൂടെ നിങ്ങള് മുഴുവന് വിശ്വത്തേയും പവിത്രമാക്കി മാറ്റുന്നു. നിങ്ങള് യുദ്ധവീരന്മാരാണ് പക്ഷേ ആരും അറിയുന്നില്ല. നിങ്ങള് വളരെ പ്രശസ്തരായി മാറും. ഭക്തിമാര്ഗ്ഗത്തില് നിങ്ങള് ദേവിമാര്ക്ക് എത്ര ക്ഷേത്രങ്ങളുണ്ടാക്കുന്നു. പറയാറുണ്ടല്ലോ അമൃത കലശം മാതാക്കളുടെ ശിരസ്സില് വച്ചു. ഗോമാതാ എന്നല്ലേ പറയുന്നത്, ഇതാണ് ജ്ഞാനം. വെള്ളത്തിന്റെ കാര്യമല്ല. നിങ്ങള് ശിവശക്തിസേനകളാണ്. ബാക്കിയുള്ളവര് കോപ്പിയടിച്ച് ഗുരുവായി മാറുന്നു. നിങ്ങള് സത്യമായ തോണിയിലാണിരിക്കുന്നത്. പാടാറുണ്ടല്ലോ ഞങ്ങളുടെ തോണിയെ അക്കരെയെത്തിക്കൂ.. ഇപ്പോള് തോണിക്കാരനെ ലഭിച്ചിരിക്കുകയാണ്. അക്കരെ കൂട്ടിക്കൊണ്ടുപോകാന്. വേശ്യാലയത്തില്നിന്നും ശിവാലയത്തിലേക്കാണ് കൂട്ടിക്കൊണ്ടുപോകുന്നത്. ബാബയെ തോട്ടക്കാരനെന്നും പറയും, മുള്ക്കാടിനെ പൂന്തോട്ടമാക്കി മാറ്റുന്നു. സത്യയുഗത്തില് സുഖം മാത്രമാണുള്ളത്. ഇവിടെയാണെങ്കില് ദുഃഖമാണ്. ബാബ നോട്ടീസ് അച്ചടിക്കുന്നതിനുവേണ്ടി പറയാറുണ്ട്. അതിലെഴുതണം - തന്റെ ഹൃദയത്തോടു ചോദിക്കൂ സ്വര്ഗ്ഗവാസിയാണോ നരകവാസിയാണോ വളരെ ചോദ്യങ്ങള് ചോദിക്കാന് സാധിക്കും. എല്ലാവരും പറയുന്നുണ്ടല്ലോ ഭ്രഷ്ടാചാരികളെന്ന് അതിനര്ത്ഥം ഏതോ സമയത്ത് ശ്രേഷ്ഠാചാരികള് ഉണ്ടായിരുന്നു!. അത് ദേവതകളായിരുന്നു, അവര് ഇപ്പോഴില്ല. ഇപ്പോള് ദേവീദേവതാധര്മ്മം പ്രായലോപമായി അപ്പോഴാണ് ഭഗവാന് വരേണ്ടിവരുന്നത്, ഒരു ധര്മ്മത്തിന്റെ സ്ഥാപന ചെയ്യാന്. നിങ്ങള് സ്വയത്തിനുവേണ്ടി സ്വര്ഗ്ഗത്തിന്റെ സ്ഥാപന ചെയ്യുകയാണ് ശ്രീമതത്തിലൂടെ. ശരി,

വളരെക്കാലത്തെ വേര്പാടിനുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1. ബാബയ്ക്കുസമാനം സ്നേഹത്തിന്റെ സാഗരമായി മാറണം. ദുഃഖത്തിന്റെ സാഗരമല്ല. ബാബയെ നിന്ദിക്കുന്ന തരത്തിലുള്ള ഒരു കര്മ്മവും ചെയ്യരുത്. വളരെ മധുരവും സ്നേഹിയുമായി മാറണം.

2. യോഗബലത്തിലൂടെ പവിത്രമായി മാറി മറ്റുള്ളവരേയും പവിത്രമാക്കി മാറ്റണം. മുള്ക്കാടിനെ പൂന്തോട്ടമാക്കി മാറ്റാനുള്ള സേവനം ചെയ്യണം. സദാ സന്തോഷത്തിലിരിക്കണം നമ്മുടെ മധുരമായ ബാബ അച്ഛനും ടീച്ചറുമാണ്. ബാബയെപ്പോലെ മധുരമായി വേറെ ആരും തന്നെയില്ല.

വരദാനം :-
പരമാത്മാ ലാളന പ്രാപ്തമാക്കുന്ന ഇപ്പോഴത്തെയും ഭാവിയിലെയും രാജ ലാളനക്ക് പാത്രമായി ഭവിക്കട്ടെ.

സംഗമയുഗത്തില് താങ്കള് കുട്ടികള് തന്നെയാണ് ദിലാരാമന്റെ ലാളനക്ക് പാത്രമാകുന്നത് . ഈ പരമാത്മാ ലാളന കോടിയിലും ചില ആത്മാക്കള്ക്കാണ് ലഭിക്കുന്നത്. ഈ ദിവ്യ ലാളനയിലൂടെ രാജ ലാളനക്ക് പാത്രമാകുന്നു. രാജലാളന അര്ത്ഥം ഇപ്പോഴും രാജാവ്, ഭാവിയിലും രാജാവ്. ഭാവിക്ക് മുമ്പേതന്നെ ഇപ്പോള് സ്വരാജ്യ അധികാരിയായി മാറി. എപ്രകാരം ഭാവിയിലെ രാജാവിന് മഹിമയുണ്ടോ ഒരു രാജാവ് ,ഒരു ധര്മ്മം...അതേപോലെ ഇപ്പോള് സര്വ്വ കര്മ്മേന്ദ്രിയങ്ങള്ക്ക്മേല് ആത്മാവിന്റെ ഒരു കുടക്കീഴിലുള്ള രാജ്യമാണ്.

സ്ലോഗന് :-
തന്റെ മുഖത്തിലൂടെ ബാബയുടെ സംസ്കാരം കാണിക്കുന്നവര് തന്നെയാണ് പരമാത്മാ സ്നേഹി.