മധുരമായ കുട്ടികളെ -
നിങ്ങളെല്ലാവരും പരസ്പരം ആത്മീയ സഹോദര- സഹോദരരാണ്, നിങ്ങളുടെ സ്നേഹം
ആത്മീയമായിരിക്കണം, ആത്മാവിന്റെ സ്നേഹം ആത്മാവിനോടായിരിക്കണം, ശരീരത്തോടല്ല.
ചോദ്യം :-
ബാബ തന്റെ വീടിനെ സംബന്ധിച്ച അദ്ഭുതകരമായ ഏതൊരു കാര്യമാണ് കേള്പ്പിച്ചിട്ടുള്ളത്?
ഉത്തരം :-
ഏതെല്ലാം
ആത്മാക്കളാണോ എന്റെ വീട്ടിലേക്ക് വരുന്നത്, അവര് അവരവരുടെ സെക്ഷനില് അവരുടെ
നമ്പറില് നിശ്ചയിക്കപ്പെട്ടതാണ്. അതൊരിക്കലും ഇളകുകയോ മാറുകയോ ഇല്ല. അവിടെ എല്ലാ
ധര്മ്മത്തിലുള്ള ആത്മാക്കളും എന്റെ സമീപത്താണ് ഇരിക്കുന്നത്. അവിടെ നിന്ന്
ഓരോരുത്തരുടെയും നമ്പറനുസരിച്ച് അവരവരുടെ സമയത്ത് വേഷമഭിനയിക്കാന് വരുന്നു. ഈ
അദ്ഭുതകരമായ അറിവ് ഈ സമയം കല്പത്തില് ഒരു പ്രാവശ്യം മാത്രമാണ് നിങ്ങള്ക്ക്
ലഭിക്കുന്നത്. മറ്റൊരാള്ക്കും ഈ ജ്ഞാനം നല്കാന് സാധിക്കില്ല.
ഓംശാന്തി.
ബാബയിരുന്നു കുട്ടികള്ക്ക് മനസ്സിലാക്കി തരുന്നു. കുട്ടികള്ക്കറിയാം നമ്മള്
ആത്മാക്കള്ക്ക് അച്ഛന് മനസ്സിലാക്കി തരുന്നു. ബാബക്ക് താന് ആത്മാക്കളുടെ
അച്ഛനാണെന്നും അറിയാം. ഇങ്ങനെ മറ്റാരും മനസ്സിലാക്കുന്നുമില്ല അതുപോലെ സ്വയം
ആത്മാവെന്ന് മനസ്സിലാക്കൂ എന്ന് ആരും ഒരിക്കലും മനസ്സിലാക്കി തരുന്നുമില്ല. ഇത്
ബാബ മാത്രമാണ് ആത്മാക്കള്ക്ക് മനസ്സിലാക്കി തരുന്നത്. ഈ ജ്ഞാനത്തിന്റെ പ്രാലബ്ധം
നമ്പര് വൈസ് പുരുഷാര്ത്ഥമനുസരിച്ച് ഭാവിയില് നേടുന്നവരാണ് നിങ്ങള്. ഇതും ആര്ക്കും
ഓര്മ്മയിരിക്കുന്നുമില്ല, അതായത് ഈ ലോകം പരിവര്ത്തനപ്പെടാനുള്ളതാണ്,
പരിവര്ത്തനപ്പെടുത്തുന്നത് ബാബയാണ് എന്നെല്ലാം. ഇവിടെയാണെങ്കല്
സന്മുഖത്താണിരിക്കുന്നത്, വീട്ടിലേക്ക് പോകുമ്പോള് മുഴുവന് ദിവസവും തന്റെ ജോലി
മുതലായവയില് തന്നെ മുഴുകി പോകുന്നു. ബാബയുടെ ശ്രീമത്താണ്-കുട്ടികളെ, എവിടെ
വസിക്കുന്നുവോ അവിടെയിരുന്ന് എന്നെ ഓര്മ്മിക്കൂ. ഏതുപോലെയാണോ
കന്യകയായിരിക്കുമ്പോള് പതി ആരായിരിക്കും എന്നറിയാത്തത്, ഫോട്ടോ കാണുമ്പോള്
അവരുടെ ഓര്മ്മ വരുന്നു. എവിടെ കഴിഞ്ഞുകൊണ്ടും പരസ്പരം ഓര്മ്മിക്കുന്നു,
ഇതിനെയാണ് പറയുന്നത് ഭൗതീക സ്നേഹം. ഇവിടെ ആത്മീയ സ്നേഹമാണ്. ആത്മീയ സ്നേഹം
ആരോടൊപ്പമാണ്? കുട്ടികള്ക്ക് ആത്മീയ അച്ഛനോടും പരസ്പരവും. നിങ്ങള് കുട്ടികള്ക്കും
പരസ്പരം വളരെ സ്നേഹമുണ്ടായിരിക്കണം അതായത് ആത്മാക്കള്ക്ക് ആത്മാക്കളോടൊപ്പം
സ്നേഹമുണ്ടാ യിരിക്കണം. ഈ ശിക്ഷണവും നിങ്ങള് കുട്ടികള്ക്ക് ഇപ്പോഴാണ്
ലഭിക്കുന്നത്. ലോകത്തിലെ മനുഷ്യര്ക്ക് ഒന്നും അറിയില്ല. നിങ്ങളെല്ലാവരും
സഹോദര-സഹോദരങ്ങളാണ് അതുകൊണ്ട് പരസ്പരം തീര്ച്ചയായും സ്നേഹമുണ്ടായിരിക്കണം കാരണം
ഒരച്ഛന്റെ മക്കളല്ലേ. ഇതിനെയാണ് പറയുന്നത് ആത്മീയ സ്നേഹം. ഡ്രാമാ പ്ലാനനുസരിച്ച്
കേവലം പുരുഷോത്തമ സംഗമയുഗത്തില് മാത്രമാണ് ആത്മീയ അച്ഛന് വന്ന് ആത്മീയ
കുട്ടികള്ക്ക് സന്മുഖത്ത് മനസ്സിലാക്കി തരുന്നത്. കുട്ടികള്ക്കറിയാം ബാബ
വന്നിരിക്കുകയാണ്. നമ്മള് കുട്ടികളെ പുഷ്പത്തെപ്പോലെ പവിത്രവും പതിതത്തില്
നിന്ന് പാവനവുമാക്കി കൂടെ കൊണ്ട് പോകും. കൈയില് പിടിച്ച് കൊണ്ട് പോകുകയല്ല.
എല്ലാ ആത്മാക്കളും വെട്ടുകിളി കൂട്ടം പോകുന്നതുപോലെ പറന്നു പോകും. അവര്ക്കും
ഏതെങ്കിലും വഴികാട്ടിയുണ്ടാകും. വഴികാട്ടിയോടൊപ്പം മുന്നില് വേറെയും
വഴികാട്ടികളുണ്ടായിരിക്കും. മുഴുവന് കൂട്ടവും എപ്പോഴാണോ ഒരുമിച്ച് പോകുന്നത്
അപ്പോള് വളരെ ശബ്ദമുണ്ടാകുന്നു. സൂര്യന്റെ പ്രകാശത്തെ പോലും മറയ്ക്കുന്നു,
ഇത്രയും വലിയ കുട്ടമായിരിക്കും. നിങ്ങള് ആത്മാക്കളുടേതാണെങ്കില് എത്ര വലിയ
എണ്ണാനാവാത്ത കൂട്ടമാണ്. ഒരിക്കലും എണ്ണാന് സാധിക്കില്ല. ഇവിടെ മനുഷ്യരുടെ
എണ്ണമെടുക്കാന് സാധിക്കില്ല. ജനസംഖ്യയെല്ലാം കണക്കെടുക്കുന്നുണ്ടെങ്കിലും അത്
കൃത്യമായതൊന്നുമല്ല. ആത്മാക്കള് എത്രയുണ്ട്, ഈ കണക്ക് ഒരിക്കലും എടുക്കാന്
സാധിക്കില്ല. സത്യയുഗത്തില് ഏകദേശം ഇത്ര മനുഷ്യരുണ്ടായിരിക്കും എന്നു പറയാം
എന്തുകൊണ്ടെന്നാല് ഭാരതം മാത്രമായിരിക്കും ഉണ്ടായിരിക്കുക. നിങ്ങളുടെ
ബുദ്ധിയിലുണ്ട് നമ്മള് വിശ്വത്തിന്റെ അധികാരികളായിക്കൊണ്ടിരിക്കുകയാണ്. ആത്മാവ്
എപ്പോഴാണോ ശരീരത്തിലിരിക്കുന്നത് അപ്പോള് ജീവാത്മാവാണ്, അതുകൊണ്ട് രണ്ടും
ഒരുമിച്ച് സുഖം അഥവാ ദുഃഖം അനുഭവിക്കുന്നു. വളരെ ആളുകള് ഇങ്ങനെ
മനസ്സിലാക്കുന്നുണ്ട് അതായത് ആത്മാവ് തന്നെയാണ് പരമാത്മാവ്, അതൊരിക്കലും
ദുഃഖമനുഭവിക്കുന്നില്ല, നിര്ലേപമാണ് എന്ന്. നമ്മള് ആത്മാക്കളാണെന്ന് നിശ്ചയം
ചെയ്യാം പക്ഷെ അച്ഛനെ എവിടെ ഓര്മ്മിക്കും എന്ന കാര്യത്തില് വളരെ കുട്ടികള്
ആശയക്കുഴപ്പത്തിലാകുന്നു. ഇതറിയാമല്ലോ ബാബ പരംധാം നിവാസിയാണ്. ബാബ തന്റെ പരിചയം
തന്നിട്ടുണ്ട്. എവിടെ നടന്നും കറങ്ങിയും ബാബയെ ഓര്മ്മിക്കൂ. ബാബ നിവസിക്കുന്നത്
പരംധാമത്തിലാണ്. നിങ്ങളുടെ ആത്മാവും അവിടുത്തെ നിവാസിയാണ് പിന്നീടിവിടെ
പാര്ട്ടഭിനയിക്കാന് വരുന്നതാണ്. ഈ ജ്ഞാനവും ഇപ്പോള് ലഭിച്ചതാണ്.
നിങ്ങള് ദേവതയായിരിക്കുമ്പോള് ഇന്ന-ഇന്ന ധര്മ്മത്തിലെ ആത്മാക്കള് മുകളിലുണ്ട്
എന്ന് നിങ്ങള്ക്ക് ഓര്മ്മ ഉണ്ടായിരിക്കില്ല. മുകളില് നിന്ന് വന്ന് ഇവിടെ ശരീരം
ധാരണ ചെയ്ത് പാര്ട്ടഭിനയിക്കുന്നു, ഈ ചിന്തനം അവിടെ നടക്കില്ല. മുന്പും
ഇതറിഞ്ഞിരുന്നില്ല അതായത് ബാബയും പരംധാമത്തിലാണ് നിവസിക്കുന്നത്, അവിടെ നിന്ന്
ഇവിടെ വന്ന് ശരീരത്തില് പ്രവേശിക്കുന്നുവെന്ന്. ഇപ്പോള് ബാബ ഏത് ശരീരത്തിലാണ്
പ്രവേശിക്കുന്നത്, ബാബ തന്റെ വിലാസം പറയുന്നു. നിങ്ങള് അഥവാ ശിവബാബ കെയര് ഓഫ്
പരംധാമം എന്ന് എഴുതുകയാണെങ്കില് പരംധാമത്തിലേക്ക് കത്ത് പോകുകയില്ല, അതുകൊണ്ടാണ്
തന്നെയാണ് ഇങ്ങനെ എഴുതുന്നത്- ശിവബാബ കെയര് ഓഫ് ബ്രഹ്മാ, പിന്നെ ഇവിടുത്തെ
വിലാസം എഴുതുന്നു എന്തുകൊണ്ടെന്നാല് നിങ്ങള്ക്കറിയാം ബാബ ഇവിടെ തന്നെ
വരുന്നുണ്ട്, ഈ രഥത്തില് പ്രവേശിക്കുന്നു. അതുപോലെത്തന്നെ ആത്മാക്കളും മുകളില്
നിവസിക്കുന്നവരാണ്. നിങ്ങള് സഹോദര- സഹോദരരാണ്. എപ്പോഴും മനസ്സിലാക്കൂ ഇത്
ആത്മാവാണ്, ഇവരുടെ പേര് ഇന്നതാണ്. ആത്മാവിനെയാണ് ഇവിടെ കാണുന്നത് എന്നാല്
മനുഷ്യന് ദേഹാഭിമാനത്തിലേക്ക് വരുന്നു. ബാബ ദേഹീ-അഭിമാനിയാക്കുന്നു. ബാബ
പറയുന്നു നിങ്ങള് നിങ്ങളെ ആത്മാവെന്ന് മനസ്സിലാക്കൂ എന്നിട്ട് എന്നെ ഓര്മ്മിക്കൂ.
ഈ സമയം ബാബ മനസ്സിലാക്കി തരികയാണ് എപ്പോഴാണോ ഞാന് ഇവിടെ വരുന്നത്, വന്ന്
കുട്ടികള്ക്ക് ജ്ഞാനവും തരുന്നു. പഴയ ശരീരം എടുത്തിരിക്കുന്നു, അതില് ഏറ്റവും
മുഖ്യമായുള്ളത് ഈ വായാണ്. കണ്ണുകളുമുണ്ട്, എന്നാല് ജ്ഞാനാമൃതം വായിലൂടെയാണ്
ലഭിക്കുന്നത്. ഗോമുഖമെന്ന് പറയുന്നില്ലേ അര്ത്ഥം അമ്മയുടെ ഈ വായാണ്. വലിയ
അമ്മയിലൂടെ നിങ്ങളെ ദത്തെടുക്കുന്നു. അപ്പോള് ഇത് അമ്മയുമായി. പാടുന്നുമുണ്ട്
നീ മാതാ-പിതാവാണ് ഞങ്ങള് നിന്റെ കുട്ടികളാണ്....... അതുകൊണ്ട് അത് എല്ലാ
ആത്മാക്കളുടെയും പിതാവാണ്. ബാബയെ അമ്മയെന്ന് പറയില്ല. അച്ഛനാണ്. അച്ഛനില്
നിന്നാണ് സമ്പത്ത് ലഭിക്കുന്നത്, അപ്പോള് അമ്മയും വേണം. ആ അച്ഛന് ഇദ്ദേഹത്തിലാണ്
വരുന്നത്. ഇപ്പോള് നിങ്ങള് അറിഞ്ഞിരിക്കുന്നു ബാബ മുകളിലാണ് നിവസിക്കുന്നത്.
നമ്മള് ആത്മാക്കളും മുകളിലാണ് നിവസിക്കുന്നത്. പിന്നീട് ഇവിടെ
പാര്ട്ടഭിനയിക്കാന് വരുന്നു. ലോകത്തിലുള്ളവര്ക്ക് ഈ കാര്യങ്ങളൊന്നും തന്നെ
അറിയില്ല. അവരാണെങ്കില് കല്ലിലും മുള്ളിലും പരമാത്മാവുണ്ടെന്ന് പറയുന്നു ,
അങ്ങനെയാണെങ്കില് എണ്ണമില്ലാത്തത്രയുമാകും. ഇതിനെയാണ് പറയുന്നത് ഘോരമായ അന്ധകാരം.
മഹിമയുമുണ്ട്, ജ്ഞാനസൂര്യനുദിച്ചു അജ്ഞാന അന്ധകാരം ഇല്ലാതായി. ഈ സമയം
നിങ്ങള്ക്ക് ജ്ഞാനമുണ്ട്- ഇതാണ് രാവണ രാജ്യം, ആ കാരണത്താലാണ് അന്ധകാരം.
അവിടെയാണെങ്കില് രാവണ രാജ്യം ഉണ്ടാകുന്നില്ല അതുകൊണ്ട് ഒരുവികാരവുമില്ല.
ദേഹ-അഭിമാനവുമില്ല. അവിടെ ആത്മ-അഭിമാനി ആയാണ് കഴിയുന്നത്. ആത്മാവിന്
ജ്ഞാനമുണ്ട്-ഇപ്പോള് ചെറിയ കുട്ടിയാണ്, ഇപ്പോള് ഞാന് യുവാവായിരിക്കുന്നു,
ഇപ്പോള് വൃദ്ധശരീരമായിരിക്കുന്നു അതുകൊണ്ട് ഇപ്പോള് ഈ ശരീരം ഉപേക്ഷിച്ച്
പുതിയതെടുക്കണം. അവിടെ ഇന്നയാള് മരിച്ച് പോയി എന്ന് ഒരിക്കലും പറയില്ല. ആ ലോകം
തന്നെ അമരലോകമാണ്. സന്തോഷത്തോടെ ഒരു ശരീരം ഉപേക്ഷിച്ച് അടുത്തതെടുക്കുന്നു.
ഇപ്പോള് ആയുസ്സ് പൂര്ത്തിയായിരിക്കുന്നു, ഇതുപേക്ഷിച്ച് പുതിയതെടുക്കണം
അതുകൊണ്ടാണ് സന്യാസിമാര് സര്പ്പത്തിന്റെ ഉദാഹരണം നല്കുന്നത്. ഉദാഹരണം
വാസ്തവത്തില് ബാബ നല്കിയതാണ്. അത് പിന്നീട് സന്യസിമാര് എടുക്കുന്നതാണ്.
അതുകൊണ്ടാണ് ബാബ പറയുന്നത് ഈ ഏതൊരു ജ്ഞാനമാണോ ഞാന് നിങ്ങള്ക്ക് തരുന്നത് ഇത്
പ്രായഃലോപമാകുന്നു. ബാബയുടെ വാക്കുകളുമുണ്ട്, ചിത്രവുമുണ്ട് പക്ഷെ ആട്ടയിലെ
ഉപ്പ് പോലെ. അതുകൊണ്ട് ബാബയിരുന്ന് അര്ത്ഥം മനസ്സിലാക്കി തരികയാണ് - ഏതുപോലെയാണോ
സര്പ്പം പഴയ തോല് ഉപേക്ഷിക്കുന്നത് അപ്പോള് പുതിയത് വരുന്നു. അതിനെ ഒരു ശരീരം
ഉപേക്ഷിച്ച് അടുത്തതില് പ്രവേശിക്കുന്നു എന്ന് പറയില്ല. തോല് മാറ്റുന്നത് ഒരു
സര്പ്പത്തിന്റെ മാത്രം ഉദാഹരണമാണ്. ആ തോല് അതിന് കാണാനും സാധിക്കും. ഏതുപോലെയാണോ
വസ്ത്രം അഴിക്കുന്നത് അതുപോലെ സര്പ്പവും തോലുപേക്ഷിക്കുന്നു, അപ്പോള് അടുത്തത്
ലഭിക്കുന്നു. സര്പ്പം അത് അപ്പോഴും ജീവനോടെ തന്നെ ഇരിക്കുന്നു, എന്ന് വിചാരിച്ച്
സദാ മരിക്കാതിരിക്കും എന്നല്ല. 2-3 തോല് മാറ്റിയതിന് ശേഷം പിന്നീട് മരിക്കും.
അവിടെയും നിങ്ങള് കൃത്യസമയത്തില് ഒരു തോല് ഉപേക്ഷിച്ച് അടുത്തതെടുക്കുന്നു.
മനസ്സിലാകുന്നു ഇപ്പോള് എനിക്ക് ഗര്ഭത്തിലേക്ക് പോകണം. അവിടെ യോഗബലത്തിന്റെ
കാര്യം മാത്രമാണുള്ളത്. യോഗബലത്തിലൂടെയാണ് നിങ്ങള് ജനിക്കുന്നത്. അതുകൊണ്ടാണ്
അമരമെന്ന് പറയുന്നത്. ആത്മാവ് പറയുന്നു ഇപ്പോള് ഞാന് വൃദ്ധനായിരിക്കുന്നു, ശരീരം
പഴയതായിരിക്കുന്നു. സാക്ഷാത്ക്കാരമുണ്ടാകുന്നു ഇപ്പോള് ഞാന് പോയി ചെറിയ
കുട്ടിയാകും. സ്വയം തന്നെ ശരീരം ഉപേക്ഷിച്ച് ആത്മാവ് തീവ്രഗതിയില് ചെറിയ
കുട്ടിയില് പ്രവേശിക്കുന്നു. ആ ഗര്ഭത്തെ ജയിലെന്നല്ല, കൊട്ടാരമെന്ന് പറയുന്നു.
അനുഭവിക്കാനായി പാപമൊന്നും ഉണ്ടാകുന്നില്ല. ഗര്ഭ കൊട്ടാരത്തില് വിശ്രമത്തോടെ
കഴിയുന്നു, ദുഃഖത്തിന്റെ ഒരു കാര്യവുമില്ല. ഇനി രോഗമുണ്ടാകാനാണെങ്കില്
അത്തരത്തിലുള്ള ഒരു മോശമായ വസ്തുവും കഴിക്കുന്നുമില്ല.
ഇപ്പോള് ബാബ പറയുന്നു-കുട്ടികളെ, നിങ്ങള്ക്ക് നിര്വ്വാണധാമത്തിലേക്ക് പോകണം, ഈ
ലോകം പരിവര്ത്തനപ്പെടണം. പഴയതില് നിന്ന് വീണ്ടും പുതിയതാകും. ഓരോരോ വസ്തുവിനും
മാറ്റം സംഭവിക്കുന്നുണ്ട്. വൃക്ഷത്തില് നിന്ന് വിത്ത് വരുന്നു, വീണ്ടും വിത്ത്
നടുകയാണെങ്കില് എത്ര ഫലമാണ് ലഭിക്കുന്നത്. ഒരു വിത്തില് നിന്ന് എത്ര കായ്കളാണ്
വരുന്നത്. സത്യയുഗത്തില് ഒരുകുട്ടി മാത്രമാണ് ഉണ്ടാകുക - യോഗബലത്തിലൂടെ. ഇവിടെ
വികാരത്തിലൂടെ 4-5 കുട്ടികളെ ജനിപ്പിക്കുന്നു. സത്യയുഗത്തിലും കലിയുഗത്തിലും
വളരെ വ്യത്യാസമുണ്ട് അത് ബാബ പറഞ്ഞ് തരുന്നു. പുതിയ ലോകം പിന്നീടെങ്ങനെയാണ്
പഴയതാകുന്നത്, അതില് ആത്മാവെങ്ങനെയാണ് 84 ജന്മങ്ങളെടുക്കുന്നത്- ഇതും ബാബ
മനസ്സിലാക്കി തന്നിട്ടുണ്ട്. ഓരോ ആത്മാവും അവരവരുടെ പാര്ട്ടഭിനയിച്ച് പിന്നീട്
എപ്പോള് തിരിച്ച് പോകുന്നോ അപ്പോള് അവരവരുടെ തന്നെ സ്ഥാനത്ത് പോയി നില്ക്കുന്നു.
സ്ഥാനം മാറുകയില്ല. അവരവരുടെ ധര്മ്മത്തില് അവരരവരുടെ സ്ഥാനത്ത് നമ്പര്
അനുസരിച്ച് നില്ക്കും, പിന്നീട് നമ്പര് അനുസരിച്ച് തന്നെയാണ് താഴേക്ക് വരേണ്ടത്
അതുകൊണ്ടാണ് മൂലവതനത്തിന്റെ ചെറിയ-ചെറിയ മോഡലുകള് ഉണ്ടാക്കി വയ്ക്കുന്നത്. എല്ലാ
ധര്മ്മങ്ങള്ക്കും അവരവരുടെ സെക്ഷനുണ്ട്. ആദ്യത്തെ ധര്മ്മം ദേവീ-ദേവതകളുടേതാണ്,
പിന്നീട് നമ്പറനുസരിച്ച് ഓരോരുത്തരും വരുന്നു. പോയിരിക്കുന്നതും നമ്പര്
അനുസരിച്ച് തന്നെയാണ്. നിങ്ങളും നമ്പര് അനുസരിച്ചാണ് പാസ്സാകുന്നത്,
മാര്ക്കിനനുസരിച്ചാണ് സ്ഥാനം നേടുന്നത്. ബാബയുടെ ഈ പഠിപ്പ് കല്പത്തില് ഒരേയൊരു
പ്രാവശ്യം മാത്രമാണ് ഉണ്ടാകുന്നത്. നിങ്ങള് ആത്മാക്കളുടേത് എത്ര ചെറിയ
കുലമായിരിക്കും. എന്നാല് നിങ്ങളുടെ വൃക്ഷം ഇത്രയും വലുതാണ്. നിങ്ങള് കുട്ടികള്
ദിവ്യദൃഷ്ടിയിലൂടെ കണ്ട് പിന്നീട് ഇവിടെ ഇരുന്ന് ചിത്രം മുതലായവയെല്ലാം
ഉണ്ടാക്കിയിട്ടുണ്ട്. ആത്മാവ് എത്ര ചെറുതാണ്, ശരീരം എത്ര വലുതാണ്. എല്ലാ
ആത്മാക്കളും അവിടെ പോയി ഇരിക്കും. വളരെ കുറച്ച് സ്ഥലത്ത് സമീപത്ത് പോയിരിക്കും.
മനുഷ്യരുടെ വൃക്ഷം എത്ര വലുതാണ്. മനുഷ്യര്ക്ക് സ്ഥലം വേണ്ടേ - നടക്കാനും
കറങ്ങാനും, കളിക്കാനും, ജോലി ചെയ്യാനും. എല്ലാം ചെയ്യാന് സ്ഥലം വേണം. നിരാകാരി
ലോകത്തില് ആത്മാക്കള്ക്ക് ചെറിയ സ്ഥലമായിരിക്കും അതുകൊണ്ടാണ് ഈ ചിത്രങ്ങളിലും
കാണിച്ചിട്ടുള്ളത്. ഉണ്ടായതും- ഉണ്ടാക്കപ്പെട്ടതുമായ നാടകമാണ്, ശരീരം
ഉപേക്ഷിച്ച് ആത്മാക്കള്ക്ക് അവിടേക്ക് പോകണം. നിങ്ങള് കുട്ടികളുടെ
ബുദ്ധിയിലുണ്ട് നമ്മള് അവിടെ എങ്ങനെയാണ് കഴിയുന്നത് അതുപോലെ മറ്റ്
ധര്മ്മത്തിലുള്ളവര് എങ്ങനെയാണ് കഴിയുന്നത്. പിന്നീട് എങ്ങനെയാണ് നമ്പര്വൈസ്
അനുസരിച്ച് വേറെ-വേറെയാകുന്നത്. ഈ എല്ലാ കാര്യങ്ങളും നിങ്ങളെ കല്പ-കല്പം ഒരു
ബാബ മാത്രമാണ് വന്ന് കേള്പ്പിക്കുന്നത്. ബാക്കി എല്ലാം തന്നെ ഭൗതീക
പഠിത്തങ്ങളാണ്. അതിനെ ആത്മീയ പഠിത്തമെന്ന് പറയാന് സാധിക്കില്ല.
ഇപ്പോള് നിങ്ങള്ക്കറിയാം നമ്മള് ആത്മാക്കളാണ്. ഞാന് എന്നാല് ആത്മാവ്,
എന്റേതെന്നാല് എന്റേതാണ് ഈ ശരീരം. മനുഷ്യര് ഇതറിയുന്നില്ല. അവര്ക്കെപ്പോഴും
ദേഹത്തിന്റെ സംബന്ധമാണുള്ളത്. സത്യയുഗത്തിലും ദേഹത്തിന്റെ സംബന്ധമായിരിക്കും.
എന്നാല് അവിടെ നിങ്ങള് ആത്മാഭിമാനിയായിരിക്കും. ഇതറിയുന്നു ഞാന് ആത്മാവാണ്,
എന്റെ ഈ ശരീരം ഇപ്പോള് വൃദ്ധനായിരിക്കുന്നു, അതുകൊണ്ട് ഞാന് ആത്മാവ് ഒരു ശരീരം
ഉപേക്ഷിച്ച് അടുത്തതെടുക്കുന്നു. ഇതില് ആശയക്കുഴപ്പത്തിലാകേണ്ട ഒരു കാര്യം
പോലുമില്ല. നിങ്ങള് കുട്ടികള്ക്ക് ബാബയില് നിന്ന് രാജ്യ പദവി നേടണം. തീര്ച്ചയായും
പരിധിയില്ലാത്ത അച്ഛനല്ലേ. മനുഷ്യര് ഏതുവരെ ജ്ഞാനത്തെ പൂര്ണ്ണമായും
മനസ്സിലാക്കുന്നില്ലയോ അതുവരെ അനേക ചോദ്യങ്ങള് ചോദിക്കുന്നു. ജ്ഞാനമുള്ളത്
നിങ്ങള് ബ്രാഹ്മണര്ക്കാണ്. നിങ്ങള് ബ്രാഹ്മണരുടെ ക്ഷേത്രം വാസ്തവത്തില്
അജ്മീറിലുണ്ട്. ഒന്നാണ് പുഷ്കരണി ബ്രാഹ്മണര് അടുത്തതാണ് സാരസിദ്ധ ബ്രാഹ്മണര്.
അജ്മീറില് ബ്രഹ്മാവിന്റെ ക്ഷേത്രം കാണാന് പോകാറുണ്ട്. ബ്രഹ്മാവിരിക്കുന്നുണ്ട്,
താടിയെല്ലാം നല്കിയിട്ടുണ്ട്. അദ്ദേഹത്തെ മനുഷ്യന്റെ രൂപത്തിലാണ്
കാണിച്ചിട്ടുള്ളത്. നിങ്ങള് ബ്രാഹ്മണരും മനുഷ്യന്റെ രൂപത്തിലാണ്. ബ്രാഹ്മണരെ
ദേവതയെന്ന് പറയില്ല. ബ്രഹ്മാവിന്റെ സന്താനം സത്യ-സത്യമായ ബ്രാഹ്മണര് നിങ്ങളാണ്.
അവര് ബ്രഹ്മാവിന്റെ സന്താനമൊന്നുമല്ല, അവസാനം വരുന്നവര്ക്ക് ഇതറിയില്ല. ഈ വിരാട
രൂപം നിങ്ങളുടേതാണ്. ഇത് ബുദ്ധിയിലുണ്ടായിരിക്കണം. ഇത് മുഴുവന് ജ്ഞാനമാണ് ഇത്
നിങ്ങള്ക്ക് ആര്ക്കും മനസ്സിലാക്കി കൊടുക്കാന് സാധിക്കും. നമ്മള് ആത്മാക്കളാണ്,
ബാബയുടെ മക്കളാണ്, ഇത് യഥാര്ത്ഥ രീതിയില് മനസ്സിലാക്കി, ഇതില് ഉറച്ച
നിശ്ചയമുണ്ടായിരിക്കണം. ഇത് യഥാര്ത്ഥ കാര്യമാണ്, എല്ലാ ആത്മാക്കളുടെയും അച്ഛന്
ഒരു പരമാത്മാവാണ്. എല്ലാവരും ആ അച്ഛനെയാണ് ഓര്മ്മിക്കുന്നത്. അല്ലയോ ഭഗവാന്
എന്ന് മനുഷ്യരുടെ വായില് നിന്ന് തീര്ച്ചയായും വരുന്നുണ്ട്. പരമാത്മാവ് ആരാണ്-
ഏതുവരെ ബാബ വന്ന് മനസ്സിലാക്കി തരുന്നില്ലയോ അത് വരെ ഇതാരും അറിയുന്നില്ല. ബാബ
മനസ്സിലാക്കി തന്നിട്ടുണ്ട് ഈ ലക്ഷ്മീ-നാരായണന് ഇവര് വിശ്വത്തിന്റെ
അധികാരികളായിരുന്നു, ഇവര്ക്കേ അറിയില്ലായിരുന്നെങ്കില് പിന്നെ ഋഷിക്കും,
മുനിക്കും എങ്ങനെ അറിയാന് സാധിക്കും! ഇപ്പോള് നിങ്ങള് ബാബയിലൂടെ
അറിഞ്ഞിരിക്കുന്നു. നിങ്ങളാണ് ആസ്തികര്, എന്തുകൊണ്ടെന്നാല് നിങ്ങള്ക്ക്
രചയിതാവിന്റെയും രചനയുടെയും ആദി-മദ്ധ്യ-അന്ത്യത്തെ അറിയാം. ചിലര് നന്നായി
അറിയുന്നുണ്ട്, ചിലര് കുറച്ച്. ബാബ സന്മുഖത്ത് വന്ന് പഠിപ്പിക്കുന്നു ചിലര്
നന്നായി ധാരണ ചെയ്യുന്നു, ചിലര് കുറച്ച് ധാരണ ചെയ്യുന്നു. പഠിപ്പ് തീര്ത്തും
എളുപ്പവുമാണ്, വലുതുമാണ്. ബാബയില് ഇത്രയും ജ്ഞാനമുണ്ട് അതിന്റെ അറ്റം സാഗരത്തെ
മഷിയാക്കുകയാണെങ്കില് പോലും എഴുതാന് സാധിക്കില്ല. ബാബ സഹജമാക്കി മനസ്സിലാക്കി
തരികയാണ്. ബാബയെ അറിയണം, സ്വദര്ശന ചക്രധാരിയാകണം. അത്രമാത്രം!
വളരെക്കാലത്തെ വേര്പാടിന്നുശേഷം തിരിച്ചു കിട്ടിയ മധുരമധുരമായകുട്ടികളെ പ്രതി
മാതാവും പിതാവുമായ ബാപ്ദാദയുടെ സ്നേഹസ്മരണയും പുലര്കാല വന്ദനവും ആത്മീയ അച്ഛന്റെ
ആത്മീയ കുട്ടികള്ക്ക് നമസ്കാരം
ധാരണയ്ക്കുള്ള മുഖ്യ സാരം:-
1. സദാ
ഓര്മ്മ സഹജമായി ഉണ്ടായിരിക്കണം അതിന് വേണ്ടി നടക്കുമ്പോഴും കറങ്ങുമ്പോഴും ഈ
ചിന്തനം ചെയ്യണം നമ്മള് ആത്മാവാണ്, പരംധാമ നിവാസിയായ ആത്മാവ് ഇവിടെ
പാര്ട്ടഭിനയിക്കാന് വന്നിരിക്കുന്നു. ബാബയും പരംധാമത്തിലാണ് വസിക്കുന്നത്, ബാബ
ബ്രഹ്മാ ശരീരത്തില് വന്നിരിക്കുന്നു.
2. ഏതുപോലെയാണോ ആത്മീയ
അച്ഛനോട് ആത്മാവിന് സ്നേഹമുള്ളത്, അതുപോലെ പരസ്പരവും ആത്മീയ സ്നേഹത്തോടെ കഴിയണം.
ആത്മാവിന്റെ സ്നേഹം ആത്മാവിനോടായിരിക്കണം, ശരീരത്തോടല്ല.
ആത്മ-അഭിമാനിയാകുന്നതിന്റെ പരിപൂര്ണ്ണ അഭ്യാസം ചെയ്യണം.
വരദാനം :-
പരിധിയുള്ള
പ്രതീക്ഷകളില് നിന്ന് മുക്തമായിരുന്ന് സര്വ്വ പ്രശ്നങ്ങളില് നിന്നും
ദൂരെയിരിക്കുന്ന പ്രസന്നചിത്തരായി ഭവിക്കട്ടെ.
പരിധിയുള്ള പ്രതീക്ഷകളില്
നിന്ന് മുക്തമായിരിക്കുന്നവരുടെ മുഖത്ത് സദാ പ്രസന്നതയുടെ തിളക്കം കാണപ്പെടുന്നു.
പ്രസന്നചിത്തരായവര് ഒരു കാര്യത്തിലും പ്രശ്നചിത്തരായിരിക്കില്ല. അവര് സദാ നി-സ്വാര്ത്ഥികളും
സദാ എല്ലാവര്ക്കും നിര്ദ്ദോഷ അനുഭവം ചെയ്യുന്നവരുമായിരിക്കും, ഒരാള്ക്ക് മേലും
ദോഷം ചെയ്യില്ല. ഏതൊരു പരിതസ്ഥിതി വന്നാലും ഏതൊരു ആത്മാവ് കര്മ്മക്കണക്ക്
തീര്പ്പാക്കുന്നതിന് വേണ്ടി നേരിടാന് വന്നാലും, ശരീരത്തിന്റെ കര്മ്മഭോഗം
നേരിടാന് വന്നുകൊണ്ടിരുന്നാലും സന്തുഷ്ടതയുള്ളത് കാരണം അവര് സദാ
പ്രസന്നചിത്തരായിരിക്കും.
സ്ലോഗന് :-
വ്യര്ത്ഥത്തിന്റെ ചെക്കിങ്ങ് ശ്രദ്ധയോടെ ചെയ്യൂ, അശ്രദ്ധയോടെയല്ല.