മധുരമായകുട്ടികളേ -
ദിവസവുംരാത്രിയില്തന്റെകണക്ക്പരിശോധിക്കൂ,
ഡയറിവെക്കുകയാണെങ്കില്നഷ്ടമൊന്നുംഉണ്ടാ
കരുത്എന്നപേടിഉണ്ടായിരിക്കും.
ചോദ്യം :-
കല്പം മുമ്പുള്ള ഭാഗ്യശാലി കുട്ടികള്ക്ക് ബാബയുടെ ഏതൊരു കാര്യം പെട്ടെന്ന്
മനസ്സിലാകും?
ഉത്തരം :-
ബാബ ദിവസവും
പറഞ്ഞുതരുന്ന ഓര്മ്മയുടെ യുക്തികള് ഭാഗ്യശാലികളായ കുട്ടികള്ക്കു മാത്രമേ
മനസ്സിലാകുകയുള്ളു. അവര് അതിനെ പെട്ടെന്നു തന്നെ പ്രയോഗത്തില് കൊണ്ടുവരും. ബാബ
പറയുന്നു, കുട്ടികളേ കുറച്ചു സമയം ഏകാന്തമായി പൂന്തോട്ടത്തില് ചെന്നിരിക്കൂ,
ബാബയോട് മധുര- മധുരമായ കാര്യങ്ങള് സംസാരിക്കൂ, തന്റെ ചാര്ട്ട് വെക്കൂ, എങ്കില്
ഉന്നതി ഉണ്ടായിക്കൊണ്ടേയിരിക്കും.
ഓംശാന്തി.
പട്ടാളക്കാര്ക്ക് ആദ്യമാദ്യം അറിയിപ്പ് കൊടുക്കാറുണ്ട് - അറ്റന്ഷന് പ്ലീസ്.
ബാബയും കുട്ടികളോട് പറയുന്നു സ്വയത്തെ ആത്മാവാണെന്ന് നിശ്ചയിച്ച് ബാബയെ
ഓര്മ്മിച്ചുകൊണ്ടിരിക്കുന്നുണ്ടോ? കുട്ടികള്ക്ക് മനസ്സിലാക്കിത്തന്നിട്ടുണ്ട് ഈ
ജ്ഞാനം ബാബ ഈ സമയത്തു തന്നെയാണ് നല്കുന്നത്. ബാബ തന്നെയാണ് പഠിപ്പിക്കുന്നത്.
ഭഗവാന്റെ വാക്കുകളാണല്ലോ - മുഖ്യമായ കാര്യമുള്ളത് തന്നെ ഭഗവാന് ആരാണ്, ആരാണ്
പഠിപ്പിക്കുന്നത് എന്നതാണ്? ഈ കാര്യം ആദ്യം മനസ്സിലാക്കേണ്ടതും നിശ്ചയം
ചെയ്യാനുമുള്ളതാണ്. പിന്നീട് അതീന്ദ്രിയ സുഖത്തിലും കഴിയണം. ആത്മാവിന് ഒരുപാട്
സന്തോഷമുണ്ടാകണം, നമുക്ക് പരിധിയില്ലാത്ത ബാബയെ ലഭിച്ചിരിക്കുകയാണ്. ബാബ ഒരു
തവണ മാത്രമാണ് സമ്പത്ത് നല്കാന് വേണ്ടി വരുന്നത്. ഏത് സമ്പത്ത്? വിശ്വത്തിന്റെ
ചക്രവത്തിപദവിയുടെ സമ്പത്താണ് നല്കുന്നത്, അയ്യായിരം വര്ഷം മുമ്പത്തെപോലെ . ഇത്
ഉറച്ച നിശ്ചയമുണ്ട് - ബാബ വന്നിരിക്കുകയാണ്. വീണ്ടും സഹജ രാജയോഗം പഠിപ്പിക്കാന്,
പഠിപ്പിക്കേണ്ടി വരുകയാണ്. മക്കളെ ആരും പഠിപ്പിക്കേണ്ടതില്ല. സ്വയം തന്നെ
വായിലൂടെ അമ്മ, അച്ഛന് എന്ന് വന്നുകൊണ്ടിരിക്കും, എന്തുകൊണ്ടെന്നാല്
വാക്കുകളെല്ലാം കേള്ക്കുന്നുണ്ടല്ലോ. ഇതാണ് ആത്മീയ അച്ഛന്. ആത്മാവിന്
ആന്തരീകമായ ഗുപ്തലഹരി ഉണ്ടായിരിക്കും. ആത്മാവിനു തന്നെയാണ് പഠിക്കേണ്ടത്.
പരംപിതാ പരമാത്മാവ് ജ്ഞാനത്തിന്റെ സാഗരന് തന്നെയാണ്. ബാബയാണെങ്കില്
പഠിച്ചിട്ടൊന്നുമില്ല. ബാബയില് ജ്ഞാനമുണ്ട്, ഏതിന്റെ ജ്ഞാനം? ഇതും നിങ്ങളുടെ
ആത്മാവ് മനസ്സിലാക്കുന്നുണ്ട്. ബാബയില് മുഴുവന് സൃഷ്ടിയുടെ ആദി-മദ്ധ്യ-
അന്ത്യത്തിന്റെ ജ്ഞാനമുണ്ട്. എങ്ങനെയാണ് ഒരു ധര്മ്മത്തിന്റെ സ്ഥാപനയും അനേക
ധര്മ്മത്തിന്റെ വിനാശവുമുണ്ടാകുന്നത്, ഇതെല്ലാം അറിയാം- അതുകൊണ്ടാണ് ബാബയെ എല്ലാം
അറിയുന്നവനെന്നു പറയുന്നത്. എല്ലാം അറിയുന്നവന് എന്നതിന്റെ അര്ത്ഥമെന്താണ്?
ഇതാര്ക്കും അറിയില്ല. ഇപ്പോള് നിങ്ങള് കുട്ടികള്ക്ക് ബാബ മനസ്സിലാക്കിത്തന്നു
കഴിഞ്ഞു, ഈ സ്ലോഗനും തീര്ച്ചയായും വെക്കൂ, എന്തെന്നാല് മനുഷ്യനായിട്ട്
രചയിതാവിന്റെയും രചനയുടെയും ആദി - മദ്ധ്യ- അന്ത്യത്തിന്റെ കാലാവധിയും,
ആവര്ത്തനവും അറിഞ്ഞില്ല എന്നുണ്ടെങ്കില് എന്താണ് പറയുക..ഈ ആവര്ത്തനമെന്ന വാക്കും
വളരെ അത്യാവശ്യമാണ്. തിരുത്തലുകളെല്ലാം ഉണ്ടായിക്കൊണ്ടേയിരിക്കുമല്ലോ. ഗീതയുടെ
ഭഗവാന് ആരാണ്... ഈ ചിത്രം വളരെ ഒന്നാന്തരമാണ്. മുഴുവന് വിശ്വത്തിലും ഇതാണ്
ഏറ്റവും വലിയ തെറ്റ്. പരംപിതാ പരമാത്മാവിനെ അറിയാത്തതു കാരണം പിന്നീട് എല്ലാം
ഭഗവാന്റെ രൂപമാണെന്ന് പറയുന്നു. ഏതുപോലെയാണോ ഒരു ചെറിയ കുട്ടിയോട് ചോദിക്കുന്നത്
നീ ആരുടെ കുട്ടിയാണ്? ഇന്നയാളുടെ കുട്ടിയാണ്.. അയാള് ആരുടെ കുട്ടിയാണ്?
ഇന്നയാളുടെ കുട്ടി. പിന്നീട് പറയും ഇത് നമ്മുടെ കുട്ടിയെന്ന്. അതുപോലെ ഇവര്ക്കും
ഭഗവാനെ അറിയില്ല, അപ്പോള് പറയും ഞങ്ങള് ഭഗവാനാണെന്ന്. ഇത്രയും പൂജയെല്ലാം
ചെയ്യുന്നുണ്ട് എന്നിട്ടും മനസ്സിലാക്കുന്നില്ല. പറയാറുണ്ട് ബ്രഹ്മാവിന്റെ
രാത്രിയാണെങ്കില് ബ്രാഹ്മണരുടെയും ബ്രാഹ്മണിമാരുടെയും രാത്രിയായിരിക്കും.
ഇതെല്ലാം ധാരണ ചെയ്യാനുള്ള കാര്യമാണ്. ആരാണോ യോഗത്തില് ഇരിക്കുന്നത് അവര്ക്കേ ഈ
ധാരണ ഉണ്ടായിരിക്കുകയുള്ളൂ. ഓര്മ്മയെത്തന്നെയാണ് ബലമെന്ന് പറയുന്നത്. ജ്ഞാനമാണ്
വരുമാന മാര്ഗ്ഗം. ഓര്മ്മയിലൂടെ ശക്തി ലഭിക്കുന്നു അതിലൂടെ വികര്മ്മം
വിനാശമാകുന്നു. നിങ്ങള്ക്ക് ബുദ്ധിയുടെ യോഗം ബാബയുമായി വെക്കണം. ഈ ജ്ഞാനം ബാബ
ഇപ്പോള് ത്തന്നെയാണ് നല്കുന്നത് പിന്നീട് ഒരിക്കലും ലഭിക്കുന്നേയില്ല.
ബാബക്കല്ലാതെ മറ്റാര്ക്കും നല്കാന് സാധിക്കില്ല. ബാക്കിയെല്ലാം ഭക്തി
മാര്ഗ്ഗത്തിലെ ശാസ്ത്രങ്ങളാണ്, കര്മ്മകാണ്ഡത്തിലെ ക്രിയകളാണ്. അതിനെ ജ്ഞാനമെന്ന്
പറയില്ല. ആത്മീയ ജ്ഞാനം ഒരു ബാബയില് മാത്രമേയുള്ളൂ പിന്നീട് അത് ബ്രാഹ്മണര്ക്കു
മാത്രമേ നല്കുന്നുള്ളൂ. മറ്റാരിലും ആത്മീയ ജ്ഞാനമുണ്ടാകുന്നില്ല. ലോകത്തില്
എത്ര ധര്മ്മങ്ങളും മഠങ്ങളും ജാതികളുമാണ്, എത്ര അഭിപ്രായങ്ങളാണ്. കുട്ടികള്ക്ക്
മനസ്സിലാക്കിക്കൊടുക്കാന് എത്ര പരിശ്രമിക്കേണ്ടി വരുന്നു. എത്ര കൊടുങ്കാറ്റാണ്
വരുന്നത്. പാടുന്നുണ്ട്- എന്റെ തോണി അക്കരെ എത്തിക്കൂ. എല്ലാവരുടെ തോണിയും
അക്കരെയെത്തില്ല. ചിലതാണെങ്കില് മുങ്ങിപ്പോകുകയും ചെയ്യും, ചിലതാണെങ്കില് അങ്ങനെ
നില്ക്കും. 2-3 വര്ഷമായാല് പിന്നെ പലരെയും കാണാനേയില്ല. ചിലരാണെങ്കില്
തുണ്ടു-തുണ്ടായി മാറുന്നു. ചിലരാണെങ്കില് അവിടെത്തന്നെ നില്ക്കും, ഇതില്
പരിശ്രമം ഒരുപാടുണ്ട്. കൃത്രിമ യോഗവും എത്രയാണ്. എത്ര യോഗ ആശ്രമങ്ങളാണ്. ആത്മീയ
യോഗാശ്രമം ഒന്നുപോലുമില്ല. ബാബ തന്നെയാണ് വന്ന് ആത്മാക്കള്ക്ക് ആത്മീയ യോഗം
പഠിപ്പിക്കുന്നത്. ബാബ പറയുന്നു ഇതാണെങ്കില് വളരെ സഹജമായ യോഗമാണ്. ഇതു പോലെ
എളുപ്പം വേറെ ഒന്നും തന്നെയില്ല. ആത്മാവു തന്നെയാണ് ശരീരത്തില് വന്ന് പാര്ട്ട്
അഭിനയിക്കുന്നത്. കൂടിയാല് 84 ജന്മം, ബാക്കി പിന്നെ കുറഞ്ഞു - കുറഞ്ഞു
പൊയ്ക്കൊണ്ടേയിരിക്കും. ഈ കാര്യങ്ങളും നിങ്ങള് കുട്ടികളില് ചിലരുടെ
ബുദ്ധിയിലുണ്ട്. ബുദ്ധിയിലാണെങ്കില് ധാരണ വളരെ ബുദ്ധിമുട്ടിയാണ് ഉണ്ടാകുന്നത്.
ആദ്യത്തെ കാര്യം ബാബ മനസ്സിലാക്കിത്തരുന്നു എവിടെ പോകുകയാണെങ്കിലും ആദ്യമാദ്യം
ബാബയുടെ പരിചയം നല്കൂ. ബാബയുടെ പരിചയം എങ്ങനെ നല്കും, ഇതിനു വേണ്ടി യുക്തികള്
രചിക്കാറുണ്ട്. എപ്പോഴാണോ നിശ്ചയമുണ്ടാകുന്നത് അപ്പോള് ബാബ സത്യമാണെന്ന്
മനസ്സിലാക്കുന്നു. ബാബ തീര്ച്ചയായും സത്യമായ കാര്യങ്ങളായിരിക്കും പറഞ്ഞു തരിക.
ഇതില് സംശയം ഉന്നയിക്കരുത്. ഓര്മ്മയില് തന്നെയാണ് പരിശ്രമമുള്ളത്, ഇതിലാണ് മായ
എതിരിടുന്നത്. ഇടക്കിടക്ക് ഓര്മ്മ മറപ്പിക്കുന്നു അതുകൊണ്ട് ബാബ പറയുന്നു-
ചാര്ട്ട് എഴുതൂ. അപ്പോള് ബാബയും നോക്കും ആര് എത്ര ഓര്മ്മിക്കുന്നുണ്ട്. 25
ശതമാനം പോലും ചാര്ട്ട് വയ്ക്കുന്നില്ല. ചിലര് പറയും ഞങ്ങളാണെങ്കില് മുഴുവന്
ദിവസം ഓര്മ്മയില് ഇരിക്കുന്നുണ്ട്. ബാബ പറയുന്നു ഇത് വളരെ ബുദ്ധിമുട്ടാണ്. അടി
കൊള്ളുന്ന ബന്ധനത്തിലുള്ളവര് ആരാണോ അവര് മുഴുവന് രാത്രിയും പകലും
ഓര്മ്മയിലിരിക്കുന്നുണ്ടാകും, ശിവബാബാ എപ്പോഴാണ് ഈ ബന്ധുക്കളുടെ അടുത്തു നിന്ന്
ഞങ്ങള് മുക്തമാകുക? ആത്മാവാണ് വിളിക്കുന്നത് - ബാബാ, ഞങ്ങള് ബന്ധനത്തില് നിന്ന്
എങ്ങനെയാണ് മുക്തമാകുന്നത്. അഥവാ ആരെങ്കിലും വളരെയധികം
ഓര്മ്മയിലിരിക്കുന്നുണ്ടെങ്കില് ബാബക്ക് ചാര്ട്ട് അയക്കണം. നിര്ദേശം
ലഭിക്കുന്നുണ്ട് ദിവസവും രാത്രി തന്റെ കണക്കുപുസ്തകം തുറക്കൂ, ഡയറി വെക്കൂ. ഡയറി
വെക്കുന്നതിലൂടെ പേടി ഉണ്ടായിരിക്കും, നമ്മള്ക്ക് നഷ്ടമൊന്നും ഉണ്ടാകരുത്. ബാബ
കാണുമ്പോള് എന്തു പറയും- ഇത്രയും ഉയര്ന്ന സ്നേഹിയായ ബാബയെ ഇത്ര സമയമേ
ഓര്മ്മിക്കുന്നുള്ളൂ ! ലൗകിക അച്ഛനെ, ഭാര്യയെ നിങ്ങള് ഓര്മ്മിക്കുന്നുണ്ട്,
എന്നെ ഇത്രയും കുറച്ചുപോലും ഓര്മ്മിക്കുന്നില്ല. ചാര്ട്ട് എഴുതൂ അപ്പോള് സ്വയം
തന്നെ ലജ്ജ വരും. ഈ അവസ്ഥയില് എനിക്ക് പദവി പ്രാപ്തമാക്കാന് സാധിക്കില്ല,
അതുകൊണ്ടാണ് ബാബ ചാര്ട്ടില് ഊന്നല് കൊടുക്കുന്നത്. ബാബയെയും 84 ജന്മങ്ങളുടെ
ചക്രത്തെയും ഓര്മ്മിക്കണം എന്നാല് പിന്നെ ചക്രവര്ത്തി രാജാവായി മാറും. തനിക്ക്
സമാനമാക്കി മാറ്റുമ്പോഴല്ലെ പ്രജയുടെ മേല് രാജ്യം ഭരിക്കാന് സാധിക്കുകയുള്ളൂ.
ഇത് നരനില് നിന്നും നാരായണനായി മാറാനുള്ള രാജയോഗമാണ്. ലക്ഷ്യം ഇതാണ്.
ഏതുപോലെയാണോ ആത്മാവിനെ കാണാന് സാധിക്കാത്തത്, മനസ്സിലാക്കാന് സാധിക്കുന്നു.
ഇവരില് ആത്മാവുണ്ട്, ഇതും മനസ്സിലാക്കാന് സാധിക്കുന്നു. ലക്ഷ്മീ-നാരായണന്റെ
രാജധാനി തീര്ച്ചയായും ഉണ്ടായിരിക്കും. ഇവരാണ് ഏറ്റവും കൂടുതല് പരിശ്രമിച്ചത്
അതിനാലാണ് സ്കോളര്ഷിപ്പ് പ്രാപ്തമാക്കിയത്. ഇവര്ക്ക് പ്രജകളും തീര്ച്ചയായും
ധാരാളം ഉണ്ടായിരിക്കും.ഉയര്ന്നതിലും വെച്ച് ഉയര്ന്ന പദവിയാണ് പ്രാപ്തമാക്കിയത്,
തീര്ച്ചയായും ഒരുപാട് യോഗം ചെയ്തിട്ടുണ്ട് അപ്പോഴാണ് പദവിയോടു കൂടി പാസായത്.
എനിക്ക് യോഗം എന്തുകൊണ്ട് കിട്ടുന്നില്ല? ഇതിന്റെയും കാരണവും കണ്ടെത്തണം. ജോലി
കാര്യങ്ങളുടെ തിരക്കില് ഒരുപാട് ബുദ്ധി പോകുന്നു. അതില് നിന്ന് സമയം കണ്ടെത്തി
ഇതിലേക്ക് കൂടുതല് ശ്രദ്ധ നല്കണം. കുറച്ച് സമയം കണ്ടെത്തി പൂന്തോട്ടത്തില്
ചെന്ന് ഇരിക്കണം. സ്ത്രീകള്ക്കാണെങ്കില് പോകാന് സാധിക്കില്ല. അവര്ക്കാണെങ്കില്
വീട് സംരക്ഷിക്കണം. പുരുഷന്മാര്ക്ക് സഹജമാണ്. കല്പം മുന്പത്തെ ഭാഗ്യശാലി ആരാണോ
അവര്ക്കേ ഇത് മനസ്സിലാകുകയുള്ളൂ. പഠിപ്പ് വളരെ നല്ലതാണ്. പിന്നെ ഓരോരുത്തരുടെയും
ബുദ്ധി അവനവന്റേതാണ്. എങ്ങനെയാണെങ്കിലും ബാബയില് നിന്ന് സമ്പത്തെടുക്കണം. ബാബ
എല്ലാ നിര്ദേശങ്ങളും നല്കുന്നുണ്ട്. ചെയ്യേണ്ടത് കുട്ടികള് തന്നെയാണ്. ബാബ
പൊതുവായാണ് നിര്ദേശങ്ങള് നല്കുക. ഓരോരുത്തരും പ്രത്യേകം- പ്രത്യേകമായി വന്നു
ചോദിച്ചാലും നിര്ദേശങ്ങള് നല്കാന് സാധിക്കും. തീര്ത്ഥസ്ഥാനത്ത് വലിയ - വലിയ
പര്വ്വതങ്ങളിലേക്കെല്ലാം പോകാറുണ്ട്, അപ്പോള് വഴികാട്ടികള് ശ്രദ്ധിക്കാന്
പറയാറുണ്ട്. വളരെ ബുദ്ധിമുട്ടിയിട്ടാണ് പോകുന്നത്. നിങ്ങള്
കുട്ടികള്ക്കാണെങ്കില് ബാബ വളരെ സഹജമായ യുക്തികളാണ് പറഞ്ഞുതരുന്നത്. ബാബയെ
ഓര്മ്മിക്കണം. ശരീരബോധം ഇല്ലാതാക്കണം. ബാബ പറയുന്നു എന്നെ ഓര്മ്മിക്കൂ... ബാബ
വന്ന് ജ്ഞാനം നല്കി തിരിച്ചുപോകുന്നു. ആത്മാവിനെപ്പോലെ ശക്തിയായ റോക്കറ്റ്
വേറെയില്ല. ഉണ്ടാക്കാനും സാധിക്കില്ല. അവര് ചന്ദ്രനിലേക്കെല്ലാം പോകാന് എത്ര
സമയമാണ് പാഴാക്കുന്നത്. ഇതും നാടകത്തില് അടങ്ങിയിട്ടുണ്ട്. ഈ സയന്സിന്റെ കലയും
വിനാശത്തിന് വളരെയധികം സഹായിക്കുന്നു. അതാണ് സയന്സ്, നിങ്ങളുടേത് സൈലന്സും.
സ്വയത്തെ ആത്മാവാണെന്ന് മനസ്സിലാക്കി ബാബയെ ഓര്മ്മിക്കുക - ഇതാണ് സമ്പൂര്ണ്ണ
സൈലന്സ്. ഞാന് ശരീരത്തില് നിന്നും വേറെയാണ്. ഈ ശരീരം പഴയ ചെരുപ്പാണ്.
സര്പ്പത്തിന്റെയും ആമയുടെയും ഉദാഹരണവും നിങ്ങളെക്കുറിച്ചാണുള്ളത്, നിങ്ങള്
തന്നെയാണ് കീടങ്ങളെപ്പോലെയുള്ള മനുഷ്യരെ ഊതി-ഊതി മനുഷ്യനില് നിന്നും ദേവതയാക്കി
മാറ്റുന്നത്. വിഷയ സാഗരത്തില് നിന്നും ക്ഷീരസാഗരത്തിലേക്ക് കൊണ്ടുപോകുന്നത്
നിങ്ങളുടെ ജോലിയാണ്. സന്യാസിമാര്ക്ക് ഈ യജ്ഞം, തപം മുതലായവയൊന്നും ചെയ്യേണ്ട.
ഭക്തിയും ജ്ഞാനവുമുള്ളത് ഗൃഹസ്ഥികള്ക്കു വേണ്ടിയാണ്. അവര്ക്കാണെങ്കില്
സത്യയുഗത്തില് വരുകയേവേണ്ട. ഈ കാര്യങ്ങളെക്കുറിച്ച് അവര്ക്കെന്തറിയാം. ഈ
നിവൃത്തി മാര്ഗ്ഗത്തിലുള്ളവരും നാടകത്തില് അടങ്ങിയിട്ടുണ്ട്. ആരാണോ പൂര്ണ്ണമായി
84 ജന്മം എടുത്തിട്ടുള്ളത് - അവര് മാത്രമേ നാടകമനുസരിച്ച്
വന്നുകൊണ്ടിരിക്കുകയുള്ളൂ. ഇതിലും നമ്പര്വൈസായി തന്നെ വന്നുകൊണ്ടിരിക്കും. മായ
വളരെ ശക്തിശാലിയാണ്. കണ്ണുകള് വളരെ ക്രിമിനലാണ്. ഇതാണ് വളരെ ചതിക്കുന്നത്.
നിങ്ങള് എത്രത്തോളം ബാബയെ ഓര്മ്മിക്കുന്നുവോ അത്രത്തോളം കര്മ്മേന്ദ്രിയങ്ങള്
ശീതളമാകും. പിന്നീട് 21 ജന്മത്തേക്ക് കര്മ്മേന്ദ്രിയങ്ങള്ക്ക് ചഞ്ചലതയില്
വരേണ്ടി വരുന്നില്ല. അവിടെ കര്മ്മേന്ദ്രിയങ്ങളില് ചഞ്ചലത ഉണ്ടാകുന്നില്ല. എല്ലാ
കര്മ്മേന്ദ്രിയങ്ങളും ശാന്തവും സതോഗുണിയുമായിരിക്കും. ശരീരബോധത്തില് തന്നെയാണ്
എല്ലാ മോശത്തരവും പുറത്തുവരുന്നത്. ബാബ നിങ്ങളെ ദേഹി- അഭിമാനിയാക്കി മാറ്റുന്നു.
പകുതി കല്പത്തിലേക്ക് വേണ്ടി നിങ്ങള്ക്ക് സമ്പത്ത് ലഭിക്കുന്നു. ആര് എത്രത്തോളം
പരിശ്രമിക്കുന്നുവോ, അത്രത്തോളം ഉയര്ന്ന പദവി പ്രാപ്തമാക്കും. ദേഹി-
അഭിമാനിയാകാന്- പരിശ്രമിക്കണം, പിന്നീട് കര്മ്മേന്ദ്രിയങ്ങള് ഒരിക്കലും
ചതിക്കില്ല. അവസാനം വരെ യുദ്ധം തുടര്ന്നുകൊണ്ടേയിരിക്കും. എപ്പോഴാണോ കര്മ്മാതീത
അവസ്ഥ പ്രാപ്തമാക്കുന്നത് അപ്പോള് ആ യുദ്ധവും തുടങ്ങും. ദിവസന്തോറും ശബ്ദം
ഉയര്ന്നുകൊണ്ടേയിരിക്കും, മരണഭയമുണ്ടാകും.
ബാബ പറയുന്നു, ഈ ജ്ഞാനം എല്ലാവര്ക്കും വേണ്ടിയാണ്. കേവലം ബാബയുടെ പരിചയം
കൊടുക്കണം. നമ്മള് ആത്മാക്കള് എല്ലാവരും സഹോദര- സഹോദരങ്ങളാണ്. എല്ലാവരും ഒരു
ബാബയെയാണ് ഓര്മ്മിക്കുന്നത്. ഗോഡ് ഫാദര് എന്നു പറയുന്നു. കൂടിയാല് ചിലര്
പ്രകൃതിയെ അംഗീകരിക്കുന്നരുണ്ടാകും. പക്ഷെ ഈശ്വരനുണ്ടല്ലോ. മുക്തി-
ജീവന്മുക്തിക്കുവേണ്ടിയാണ് ഈശ്വരനെ ഓര്മ്മിക്കുന്നത്. മോക്ഷമാണെങ്കില് ഇല്ല.
ലോകത്തിന്റെ ചരിത്രവും- ഭൂമിശാസ്ത്രവും ആവര്ത്തിക്കണം. ബുദ്ധിയും പറയുന്നുണ്ട്
എപ്പോഴാണോ സത്യയുഗമുണ്ടായിരുന്നത് അപ്പോള് ഒരു ഭാരതം തന്നെയായിരുന്നു.
മനുഷ്യര്ക്കാണെങ്കില് ഒന്നും അറിയില്ല. ഈ ലക്ഷ്മീ നാരായണന്റെ രാജ്യമായിരുന്നല്ലോ.
ലക്ഷക്കണക്കിനു വര്ഷത്തിന്റെ കാര്യമാകാന് സാധിക്കില്ല. ലക്ഷക്കണക്കിനു
വര്ഷമാണെങ്കില് എത്ര വലിയ സംഖ്യയായി മാറും. ബാബ പറയുന്നു ഇപ്പോള് കലിയുഗം
പൂര്ത്തിയായി സത്യയുഗത്തിന്റെ സ്ഥാപന നടന്നുകൊണ്ടിരിക്കുകയാണ്. അവര്
മനസ്സിലാക്കുന്നു കലിയുഗം ഇപ്പോള് കുട്ടിയാണ്, ഇത്ര ആയിരം വര്ഷത്തിന്റെ
ആയുസ്സാണ്. നിങ്ങള് കുട്ടികള്ക്കറിയാം ഈ കല്പം തന്നെ അയ്യായിരം വര്ഷത്തിന്റേതാണ്.
ഈ സ്ഥാപന ഭാരതത്തില്ത്തന്നെയാണ് നടന്നുകൊണ്ടിരിക്കുന്നത്. ഭാരതം തന്നെയാണ്
ഇപ്പോള് സ്വര്ഗ്ഗമായി മാറുന്നത്. ഇപ്പോള് നമ്മള് ശ്രീമതത്തിലൂടെ ഈ രാജ്യം
സ്ഥാപിച്ചുകൊണ്ടിരിക്കുകയാണ്. ഇപ്പോള് ബാബ പറയുന്നു എന്നെ മാത്രം ഓര്മ്മിക്കൂ.
ആദ്യമാദ്യം ഈ വാചകം തന്നെ പറയൂ. ഏതുവരെ ബാബയെക്കുറിച്ച് നിശ്ചയമുണ്ടാകുന്നില്ലയോ
അതു വരെ ചോദ്യങ്ങള് ചോദിച്ചുകൊണ്ടേയിരിക്കും. പിന്നീട് ഒരു കാര്യത്തിന്റെയും
ഉത്തരം ലഭിക്കുകയില്ല അപ്പോള് മനസ്സിലാകും ഇവര്ക്കൊന്നും അറിയില്ല എന്ന്. പിന്നെ
പറയും ഭഗവാനാണ് നമ്മളെ പഠിപ്പിക്കുന്നത് അതുകൊണ്ട് ആദ്യമാദ്യം ഒരേ ഒരു
കാര്യത്തില് തന്നെ നില്ക്കൂ. ആദ്യം ബാബയുടെ മേല് നിശ്ചയം ഉണ്ടാകട്ടെ.
വാസ്തവത്തില് എല്ലാ ആത്മാക്കളുടെയും പിതാവ് ഒരു ബാബ തന്നെയാണ് ഒപ്പം രചയിതാവും
കൂടിയാണ്. അപ്പോള് തീര്ച്ചയായും സംഗമത്തിലേ വരികയുള്ളൂ. ബാബ പറയുന്നു ഞാന് ഓരോ
യുഗത്തിലുമല്ല, കല്പത്തിലെ സംഗമയുഗത്തിലാണ് വരുന്നത്. ഞാന് തന്നെയാണ് പുതിയ
സൃഷ്ടിയുടെ രചയിതാവ്. അപ്പോള് എങ്ങനെ ഇടയില് വരും. ഞാന് വരുന്നതു തന്നെ
പഴയതിന്റെയും പുതിയതിന്റെയും ഇടയിലാണ്. ഇതിനെ പുരുഷോത്തമ സംഗമയുഗമെന്നാണ്
പറയുന്നത്. നിങ്ങളും ഇപ്പോഴാണ് പുരുഷോത്തമരായി മാറുന്നത്. ഏറ്റവും നല്ല
പുരുഷോത്തമന്മാര് ഈ ലക്ഷ്മീ- നാരായണനാണ്. ലക്ഷ്യം എത്ര സഹജമാണ്. എല്ലാവരോടും
പറയൂ ഈ സ്ഥാപന നടന്നുകൊണ്ടിരിക്കുകയാണ്. ബാബ പറഞ്ഞിട്ടുണ്ട് പുരുഷോത്തമം എന്ന
വാക്ക് തീര്ച്ചയായും പറയണം, എന്തുകൊണ്ടെന്നാല് ഇവിടെ നിങ്ങള് ഒരു
മൂല്യങ്ങളുമില്ലാത്തതില് നിന്ന് പുരുഷോത്തമരായി മാറുകയാണ്. ഇങ്ങനെ- ഇങ്ങനെയുള്ള
മുഖ്യമായ കാര്യങ്ങള് മറക്കരുത്. ഒപ്പം വര്ഷത്തിലെ തിയതിയും തീര്ച്ചയായും വെക്കണം.
ഇവിടെ നിങ്ങളുടെ രാജ്യഭാഗ്യം ആദ്യമേ തുടങ്ങുകയാണ്, മറ്റുള്ളവരുടെ രാജ്യഭാഗ്യം
ആദ്യമേ തുടങ്ങുന്നില്ല. ധര്മ്മസ്ഥാപകര് വന്നാലേ അവര്ക്കുശേഷം അവരുടെ
ധര്മ്മത്തിന്റെ അഭിവൃദ്ധിയുണ്ടാകുകയുള്ളൂ. കോടികളായാലേ രാജ്യപദവി ഉണ്ടാവുകയുള്ളൂ.
നിങ്ങളുടേതാണെങ്കില് തുടക്കം മുതല് സത്യയുഗത്തിലായിരിക്കും രാജ്യപദവി. ഇതാര്ക്കും
ബുദ്ധിയില് വരുന്നില്ല എങ്ങനെയാണ് സത്യയുഗത്തില് ഇത്രയും രാജ്യഭാഗ്യം വന്നത്.
കലിയുഗത്തിന്റെ അവസാനം ഇത്രയധികം ധര്മ്മങ്ങളുണ്ട്, പിന്നീട് സത്യയുഗത്തില് ഒരു
ധര്മ്മം, ഒരു രാജ്യമായി മാറിയത് എങ്ങിനെയാണ്? എത്ര വജ്രത്തിന്റെയും
വൈഢൂര്യത്തിന്റെയും കൊട്ടാരങ്ങളാണ്. ഭാരതം ഇങ്ങനെയായിരുന്നു, അതിനെ
സ്വര്ഗ്ഗമെന്നാണ് പറഞ്ഞിരുന്നത്. അയ്യായിരം വര്ഷത്തിന്റെ കാര്യമാണ്.
ലക്ഷക്കണക്കിനു വര്ഷത്തിന്റെ കണക്കെങ്ങനെ വന്നു. മനുഷ്യര് എത്ര
ആശയക്കുഴപ്പത്തിലാണ്. ഇപ്പോഴാണെങ്കില് അവര്ക്ക് ആരാണ് മനസ്സിലാക്കിക്കൊടുക്കുക.
നമ്മള് ആസുരീയ രാജ്യത്തിലാണെന്ന് അവര് മനസ്സിലാക്കുന്നില്ലല്ലോ. ഇവരുടെ
മഹിമയാണെങ്കില് സര്വ്വഗുണ സമ്പന്നന്.. ആണ്, ഇവരില് 5 വികാരങ്ങളില്ല
എന്തുകൊണ്ടെന്നാല് ദേഹി- അഭിമാനിയാണ്, ബാബ പറയുന്നു മുഖ്യമായ കാര്യം
ഓര്മ്മയുടേതാണ്. 84 ജന്മം എടുത്തെടുത്ത് നിങ്ങള് പതിതമായി മാറിയിരിക്കുകയാണ്,
ഇപ്പോള് വീണ്ടും പവിത്രമായി മാറണം. ഇത് നാടകത്തിന്റെ ചക്രമാണ്.
വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക്
മാതാവും പിതാവുമായ ബാപ്ദാദയുടെ സ്നേഹസ്മരണകളും പുലര്കാലവന്ദനവും. ആത്മീയ
പിതാവിന്റെ ആത്മീയ കുട്ടികള്ക്ക് നമസ്ക്കാരം.
ധാരണയ്ക്കുള്ള മുഖ്യ സാരം:-
1.
ജ്ഞാനത്തിലൂടെ മൂന്നാമത്തെ നേത്രത്തെ ധാരണ ചെയ്ത് തന്റെ ചതിക്കുന്ന കണ്ണുകളെ
സിവില് ആക്കി മാറ്റണം. ഓര്മ്മയിലൂടെ തന്നെയാണ് കര്മ്മേന്ദ്രിയങ്ങള് ശീതളവും,
സതോഗുണിയുമായി മാറുന്നത്, അതിനാല് ഈ പരിശ്രമം തന്നെ ചെയ്യണം.
2. ജോലി കാര്യങ്ങളില്
നിന്ന് സമയം കണ്ടെത്തി ഏകാന്തമായിരുന്ന് ഓര്മ്മയിലിരിക്കണം. നോക്കണം നമുക്ക്
എന്തുകൊണ്ട് യോഗം ചെയ്യാന് പറ്റുന്നില്ല. തന്റെ ചാര്ട്ട് തീര്ച്ചയായും വെക്കണം.
വരദാനം :-
സഹനശക്തിയിലൂടെ അവിനാശിയായതും മധുരമുള്ളതുമായ ഫലത്തെ പ്രാപ്തമാക്കുന്ന
സര്വരുടേയും സ്നേഹിയായി ഭവിക്കട്ടെ.
സഹിക്കുക എന്നാല്
മരിക്കുകയല്ല മറിച്ച് എല്ലാവരുടേയും ഹൃദയത്തില് സ്നേഹത്തോടെ ജീവിക്കുകയാണ്.എത്ര
വലിയ വിരോധിയാണെങ്കിലും രാവണനേക്കാള് ബലവാനാണെങ്കിലും ഒരു തവണയല്ല പത്ത് തവണ
സഹിക്കേണ്ടി വന്നാലും സഹനശക്തിയുടെ ഫലം അവിനാശിയും മാധുര്യമുള്ളതുമാണ്.ഞാന്
ഇത്രയും സഹിച്ചില്ലേ ഇനി അവരും സഹിക്കട്ടെ എന്ന് കരുതരുത്, അല്പകാലഫലത്തിന്റെ
ഭാവന വെക്കരുത്,ദയാഭാവം വെക്കണം. അതുതന്നെയാണ് സേവന മനോഭാവം.സേവനമനോഭാവമുള്ളവര്
സര്വരുടേയും ദുര്ബലതകളെ ഉള്ളിലൊതുക്കുന്നു.
സ്ലോഗന് :-
കഴിഞ്ഞുപോയതിനെ മറക്കൂ,കഴിഞ്ഞകാര്യങ്ങളില് നിന്നും പാഠം ഉള്ക്കൊണ്ട് ഭാവിയില്
ജാഗ്രതയുള്ളവരായി മാറൂ.
അവ്യക്തസൂചന-സ്വയത്തിനും
മറ്റുള്ളവര്ക്കും വേണ്ടി മനസ്സുകൊണ്ട് യോഗത്തിന്റെ ശക്തികളുടെ പ്രയോഗം ചെയ്യൂ.
എങ്ങിനെയാണോ ബാപ്ദാദക്ക്
ദയ തോന്നുന്നത് അതുപോലെ താങ്കള് കുട്ടികളും മാസ്റ്റര് ദയാഹൃദയരായി മാറി തന്റെ
മനോവൃത്തിയിലൂടെയും വായുമണ്ഢലത്തിലൂടെയും ആത്മാക്കള്ക്ക് ബാബയിലൂടെ ലഭിച്ച
ശക്തികളെ നല്കൂ.കുറച്ചുസമയത്തിനുള്ളില്ത്തന്നെ വിശ്വസേവനകാര്യത്തെ സഫലമാക്കുകയും
പഞ്ചതത്വങ്ങള് ഉള്പ്പെടെ എല്ലാവരേയും പാവനമാക്കുകയും ചെയ്യണമെങ്കില് തീവ്രമായ
മനസാസേവനം ചെയ്യൂ,യോഗത്തിന്റെ ശക്തികളെ ഉപയോഗിക്കൂ.