മധുരമായ കുട്ടികളെ -
നിങ്ങള് ഇവിടെ ഓര്മ്മയിലിരുന്ന് പാപം ഭസ്മമാക്കാന് വേണ്ടിയാണ് വന്നിരിക്കുന്നത്
അതുകൊണ്ട് ബുദ്ധിയോഗം നിഷ്ഫലമായി പോകരുത്, ഈ കാര്യത്തില് പൂര്ണ്ണമായ ശ്രദ്ധ
വെയ്ക്കണം
ചോദ്യം :-
ഏതൊരു സൂക്ഷ്മ വികാരം പോലുമാണ് അന്തിമത്തില് പ്രശ്നമായി നില്ക്കുക?
ഉത്തരം :-
അഥവാ
സൂക്ഷ്മത്തിലെങ്കിലും ആസക്തിയുടെ വികാരമുണ്ട്, ഏതെങ്കിലും വസ്തു അത്യാഗ്രഹം
കൊണ്ട് തന്റെ കൈവശം കൂട്ടി വെച്ചിട്ടുണ്ടെങ്കില് അത് തന്നെ അന്തിമ സമയത്ത്
പ്രശ്നരൂപത്തില് ഓര്മ്മ വരുന്നു, അതുകൊണ്ട് ബാബ പറയുന്നു - കുട്ടികളെ, തന്റെ
കൈവശം ഒന്നും വെയ്ക്കരുത്. നിങ്ങള്ക്ക് എല്ലാ സങ്കല്പങ്ങളെപ്പോലും ഒതുക്കി
ബാബയുടെ ഓര്മ്മയില് കഴിയുന്നതിന്റെ ശീലം ഉണ്ടാക്കണം അതുകൊണ്ട്
ദേഹീ-അഭിമാനിയാകുന്നതിന്റെ അഭ്യാസം ചെയ്യണം.
ഓംശാന്തി.
കുട്ടികള്ക്ക് ദിവസവും ഓര്മ്മ ഉണര്ത്തുന്നു- ദേഹീ അഭിമാനിയായി മാറൂ കാരണം ബുദ്ധി
അവിടെയും ഇവിടെയും പോകുന്നുണ്ട്. അജ്ഞാന കാലത്തിലും കഥകളും വാര്ത്തകളും
കേള്ക്കുമ്പോള് ബുദ്ധി പുറമെ അലയുന്നു ഇവിടെയും അലയുന്നുണ്ട് അതുകൊണ്ടാണ് ബാബ
ദിവസേന പറയുന്നത് ദേഹീ- അഭിമാനിയായി മാറൂ. മറ്റുളളവര് പറയുന്നു ഞങ്ങള് എന്താണോ
കേള്പ്പിക്കുന്നത് അതിന് മേല് ശ്രദ്ധിക്കൂ, ധാരണ ചെയ്യൂ, ശാസ്ത്രത്തില് എന്താണോ
കേള്പ്പിക്കുന്നത് ആ വാക്കുകള്ക്ക് ശ്രദ്ധ നല്കൂ. ഇവിടെ ബാബ ആത്മാക്കള്ക്കാണ്
മനസ്സിലാക്കി തരുന്നത്, നിങ്ങള് എല്ലാ വിദ്യാര്ത്ഥികളും ആത്മാഭിമാനിയായിരിക്കൂ.
ശിവബാബ വരുന്നത് പഠിപ്പിക്കുന്നതിന് വേണ്ടിയാണ്. ശിവബാബയാണ് പഠിപ്പിക്കാന്
വരുന്നത് എന്ന് മനസ്സിലാക്കുന്ന ഒരു കോളേജും ഉണ്ടായിരിക്കില്ല. പുരുഷോത്തമ
സംഗമയുഗത്തിലാണ് ഇങ്ങനെയൊരു വിദ്യാലയം ഉണ്ടാകുന്നത്. ഇവിടെയിരിക്കുന്ന
വിദ്യാര്ത്ഥികള് മനസ്സിലാക്കുന്നു പരമപിതാ പരമാത്മാവ് നമ്മെ പഠിപ്പിക്കാനാണ്
വരുന്നത്. ശിവബാബ വരുന്നത് തന്നെ നമ്മെ പഠിപ്പിക്കാനാണ്. ഏറ്റവും ആദ്യത്തെ
കാര്യം തന്നെ മനസ്സിലാക്കി തരുന്നത് നിങ്ങള്ക്ക് പാവനമാകണമെങ്കില് എന്നെ മാത്രം
ഓര്മ്മിക്കൂ, പക്ഷേ മായ ഇടക്കിടെ മറപ്പിക്കുന്നു, അതുകൊണ്ടാണ് ബാബ മുന്നറിയിപ്പ്
നല്കുന്നത്. ആര്ക്കെങ്കിലും മനസ്സിലാക്കി കൊടുക്കുന്നുവെങ്കിലും ഭഗവാനാരാണെന്ന
കാര്യം ആദ്യം മനസ്സിലാക്കി കൊടുക്കൂ. പതിതപാവനനും ദുഃഖഹര്ത്താവും സുഖ
കര്ത്താവുമായ ഭഗവാന് എവിടെയാണ്? ഭഗവാനെ എല്ലാവരും ഓര്മ്മിക്കുന്നുണ്ട്.
എന്തെങ്കിലും ആപത്തുകള് വരുമ്പോള് പറയുന്നു അല്ലയോ ഭഗവാനെ ദയകാണിക്കൂ.
ആരെയെങ്കിലും രക്ഷിക്കണമെങ്കിലും പറയുന്നു അല്ലയോ ഭഗവാനെ, ഞങ്ങളെ ദുഃഖത്തില്
നിന്നും മുക്തമാക്കൂ. എല്ലാവര്ക്കും ദുഃഖമുണ്ട് ഇത് പക്കയായി അറിയാം
സത്യയുഗത്തെയാണ് സുഖധാമം എന്ന് പറയുന്നത്, കലിയുഗത്തെ ദുഃഖധാമം എന്ന് പറയുന്നു.
ഇത് കുട്ടികള്ക്കറിയാം എന്നാലും മായ മറപ്പിക്കുന്നു. ഇതെല്ലാം ഓര്മ്മയില്
ഇരുത്താനുള്ള രീതിയും ഡ്രാമയിലുണ്ട് കാരണം വളരെ പേര് മുഴുവന് ദിവസവും
ഓര്മ്മിക്കുന്നില്ല, ഒരു നിമിഷം പോലും ഓര്മ്മയിലിരിക്കുന്നില്ല അതുകൊണ്ട്
ഓര്മ്മ ഉണര്ത്തുന്നതിന് വേണ്ടിയാണ് ഇവിടെ ഇരുത്തുന്നത്. ഓര്മ്മിക്കാനുള്ള യുക്തി
പറഞ്ഞ് തരുമ്പോള് ഓര്മ്മ പക്കയാകുന്നു. ബാബയുടെ ഓര്മ്മയിലൂടെ തന്നെ നമുക്ക്
സതോപ്രധാനമാകണം. സതോപ്രധാനമാകുന്നതിന് ബാബ ഒന്നാന്തരം യഥാര്ത്ഥ യുക്തിയാണ്
പറഞ്ഞ് തുരുന്നത്. പതിതപാവനന് ഒരാള് മാത്രമാണ് ആ ബാബ വന്ന് യുക്തി പറഞ്ഞ്
തരുന്നു. ഇവിടെ നിങ്ങള് കുട്ടികള്ക്ക് എപ്പോഴാണോ ബാബയുമായി യോഗമുള്ളത് അപ്പോഴാണ്
നിങ്ങള് ശാന്തിയിലിരിക്കുന്നത്. അഥവാ ബുദ്ധിയുടെ യോഗം അങ്ങോട്ടുമിങ്ങോട്ടും പോയി
എങ്കില് അതിനര്ത്ഥം ശാന്തിയിലല്ല, അശാന്തിയിലാണെന്നാണ്. എത്ര സമയം
അങ്ങോട്ടുമിങ്ങോട്ടും ബുദ്ധിയോഗം പോകുന്നുവോ അതെല്ലാം തന്നെ നിഷ്ഫലമാകുകയാണ്
കാരണം പാപം നശിക്കുന്നില്ല. ലോകത്തിലുളള മനുഷ്യര്ക്ക് ഇത് അറിയില്ല എങ്ങനെ പാപം
നശിക്കുമെന്ന്! ഇതെല്ലാം തന്നെ വളരെയധികം സൂക്ഷ്മായ കാര്യങ്ങളാണ്. ബാബ പറയുന്നു
എന്റെ ഓര്മ്മയിലിരിക്കൂ, എത്രത്തോളം ഓര്മ്മയുടെ ചരട് ബാബയുമായി
ബന്ധിച്ചിരിക്കുന്നുവോ അത്രയും സമയം സഫലമാകുന്നു. അല്പം പോലും ബുദ്ധി
അങ്ങോട്ടുമിങ്ങോട്ടും പോയി എങ്കില് ആ സമയം വ്യര്ത്ഥമായി, നിഷ്ഫലമായി. ബാബയുടെ
നിര്ദ്ദേശമാണ്, കുട്ടികളേ എന്നെ മാത്രം ഓര്മ്മിക്കൂ. അഥവാ ഓര്മ്മിച്ചില്ലെങ്കില്
നിഷ്ഫലമായി. ഇതിലൂടെ എന്ത് സംഭവിക്കുന്നു? നിങ്ങള് പെട്ടെന്നൊന്നും
സതോപ്രധാനമാകുകയില്ല, എന്നാല് ഇതൊരു സംസ്കാരമായിത്തീരുന്നു. ഇത് നടന്ന്
കൊണ്ടേയിരിക്കും. ആത്മാവിന് ഈയൊരു ജന്മത്തിലെ പാപങ്ങളെക്കുറിച്ച് അറിയാം. ചിലര്
ഞങ്ങള്ക്ക് ഓര്മ്മയില്ലെന്ന് പറയുന്നുണ്ടെങ്കിലും, ബാബ പറയുന്നു 3-4 വയസ്സു
മുതല്ക്കുളളത് തീര്ച്ചയായും ഓര്മ്മയുണ്ടാകുമെന്ന്. ചെറുപ്പത്തിലൊന്നും
അത്രയ്ക്ക് പാപങ്ങള് ഉണ്ടാകുന്നില്ല, അതിനുശേഷമാണ് ഉണ്ടാകുന്നത്. ഓരോ ദിവസം
കൂടുന്തോറും വികാരി ദൃഷ്ടിയുണ്ടാകുന്നു, ത്രേതാ യുഗത്തില് രണ്ട് കല കുറയുന്നു.
ചന്ദ്രന്റെ 2 കല എത്ര ദിവസത്തിലാണ് കുറയുന്നത്. പതുക്കെ-പതുക്കെയാണ് കുറയുന്നത്
പിന്നീട് 16 കലാ സമ്പൂര്ണ്ണമെന്നും ചന്ദ്രനെയാണ് പറയുന്നത്, സൂര്യനെ പറയാറില്ല.
ചന്ദ്രന്റേത് ഒരുമാസത്തെ കാര്യമാണ്, ഇത് കല്പത്തിന്റെ കാര്യമാണ്. ദിനം-പ്രതിദിനം
ഇറങ്ങി വരുന്നു പിന്നീട് ഓര്മ്മയുടെ യാത്രയിലൂടെ മുകളിലേക്ക് കയറാന് സാധിക്കും.
പിന്നെ മുകളിലേക്ക് കയറാനായി ഓര്മ്മിക്കേണ്ട ആവശ്യം വരുന്നില്ല. സത്യയുഗത്തിന്
ശേഷം പിന്നീട് ഇറങ്ങണം. സത്യയുഗത്തിലും നിങ്ങള് ഓര്മ്മിക്കുകയാ ണെങ്കില് പിന്നെ
താഴേക്ക് ഇറങ്ങുകയേയില്ലല്ലോ. ഇറങ്ങേണ്ടതും ആവശ്യമാണ് പിന്നീട്
ഓര്മ്മിക്കാനുള്ള ഉപായം ബാബ തന്നെയാണ് പറഞ്ഞ് തരുന്നത്. എന്തുകൊണ്ടെന്നാല്
മുകളിലേക്ക് പോകണം. സംഗമത്തില് തന്നെയാണ് ബാബ വന്ന് പഠിപ്പിക്കുന്നത് അതായത്
ഇപ്പോള് കയറുന്ന കല ആരംഭിക്കുകയാണ്. നമുക്ക് വീണ്ടും നമ്മുടെ സുഖധാമത്തിലേക്ക്
പോകണം. ബാബ പറയുന്നു ഇപ്പോള് സുഖധാമത്തിലേക്ക് പോകണമെങ്കില് എന്നെ ഓര്മ്മിക്കൂ.
ഓര്മ്മയിലൂടെ നിങ്ങളുടെ ആത്മാവ് സതോപ്രധാനമാകും.
നിങ്ങള് ഈ ലോകത്തില് നിന്നും വ്യത്യസ്തരാണ്, വൈകുണ്ഠം ഈ ലോകത്തില് നിന്നും
തീര്ത്തും വ്യത്യസ്തമാണ്. വൈകുണ്ഠമുണ്ടായിരുന്നു, ഇപ്പോള് ഇല്ല. കല്പത്തിന്റെ
ആയുസ്സ് ദീര്ഘിപ്പിച്ചിരിക്കുന്നത് കാരണം മറന്നിരിക്കുന്നു. ഇപ്പോള് നിങ്ങള്
കുട്ടികള്ക്കാണെങ്കില് വൈകുണ്ഠം വളരെ അടുത്ത് കാണുന്നു. ബാക്കി കുറച്ച്
സമയമാണുള്ളത്. ഓര്മ്മയുടെ യാത്രയില് തന്നെയാണ് കുറവുള്ളത് അതുകൊണ്ടാണ്
കരുതുന്നത് ഇനിയും സമയമുണ്ടെന്ന്. ഓര്മ്മയുടെ യാത്ര എത്രത്തോളം ഉണ്ടായിരിക്കണമോ
അത്രത്തോളം ഇല്ല. നിങ്ങള് ഡ്രാമാ പ്ലാനനനുസരിച്ച് സന്ദേശം എത്തിക്കുന്നു,
ആര്ക്കും സന്ദേശം നല്കുന്നില്ലെങ്കില് സേവനം ചെയ്യുന്നില്ല എന്നാണ് അര്ത്ഥം.
മുഴുവന് ലോകത്തിലും സന്ദേശം എത്തിക്കണം അതായത് ബാബ പറയുന്നു എന്നെ മാത്രം
ഓര്മ്മിക്കൂ. ഗീത പഠിപ്പിക്കുന്നവര്ക്കറിയാം, ഒരേ ഒരു ഗീതാ ശാസ്ത്രമാണുള്ളത്,
അതില് ഈ മഹാവാക്യമുണ്ട്. എന്നാല് അതില് കൃഷ്ണ ഭഗവാനുവാചാ
എന്നെഴുതിവച്ചിരിക്കുന്നതിനാല് ആരെ ഓര്മ്മിക്കും. ഇനി ശിവന്റെ ഭക്തിയും
ചെയ്യുന്നുണ്ട് എന്നാല് ശ്രീമത്തിലൂടെ നടക്കണമെന്നുള്ള യഥാര്ത്ഥ ജ്ഞാനമില്ല. ഈ
സമയം നിങ്ങള്ക്ക് ഈശ്വരീയ മതം ലഭിക്കുന്നു, ഇതിന് മുന്പുണ്ടായിരുന്നത് മാനവ
മതമാണ്. രണ്ടിലും രാത്രിയും-പകലും തമ്മിലുള്ള വ്യത്യാസമുണ്ട്. മനുഷ്യ മതം
പറയുന്നു ഈശ്വരന് സര്വ്വവ്യാപിയാണെന്ന്. ഇങ്ങനെ ഈശ്വരീയ മതം പറയുന്നില്ല. ബാബ
പറയുന്നു ഞാന് വന്നിരിക്കുന്നു സ്വര്ഗ്ഗത്തിന്റെ സ്ഥാപന ചെയ്യുന്നതിനായി അപ്പോള്
തീര്ച്ചയായും ഇത് നരകമാണ്. ഇവിടെ 5 വികാരം എല്ലാവരിലും പ്രവേശിച്ചിട്ടുണ്ട്.
വികാരിലോകമാണ് അപ്പോഴാണ് ഞാന് വരുന്നത് നിര്വ്വികാരിയാക്കാന് വേണ്ടി. ആരാണോ
ഈശ്വരന്റെ കുട്ടികളായിട്ടുള്ളത് അവരില്, വികാരമുണ്ടായിരിക്കുക സാധ്യമല്ല.
രാവണന്റെ ചിത്രം 10 തലയുള്ളത് കാണിക്കുന്നുണ്ട്. ഒരിക്കലും ആര്ക്കും പറയാന്
സാധിക്കില്ല രാവണന്റെ സൃഷ്ടി നിര്വ്വികാരിയാണെന്ന്. നിങ്ങള്ക്കറിയാം ഇപ്പോള്
രാവണ രാജ്യമാണ് എല്ലാവരിലും 5 വികാരങ്ങളുണ്ട്. സത്യയുഗത്തില് രാമരാജ്യമാണ്
യാതൊരു വികാരവുമില്ല. ഈ സമയം മനുഷ്യന് എത്ര ദുഃഖിയാണ് ശരീരത്തിന് എത്ര ദുഃഖമാണ്
ഉണ്ടാകുന്നത്, ഇത് ദുഃഖധാമമാണ്, സുഖധാമത്തില് ശാരീരിക ദുഃഖവും ഉണ്ടാകില്ല. ഇവിടെ
എത്ര ആശുപത്രികളാണ് നിറഞ്ഞിരിക്കുന്നത്, ഇതിനെ സ്വര്ഗ്ഗം എന്ന് പറയുന്നത് വളരെ
വലിയ തെറ്റാണ്. ഇത് മനസ്സിലാക്കി മറ്റുള്ളവര്ക്ക് മനസ്സിലാക്കി കൊടുക്കണം, ആ
പഠിപ്പ് മറ്റുള്ളവര്ക്ക് മനസ്സിലാക്കി കൊടുക്കാനുള്ളതല്ല. പരീക്ഷ ജയിച്ചു
ജോലിയില് പ്രവേശിക്കുന്നു. ഇവിടെ നിങ്ങള്ക്ക് എല്ലാവര്ക്കും സന്ദേശം നല്കണം.
കേവലം ഒരു ബാബ നല്കില്ല. ആരാണോ വളരെ സമര്ത്ഥര് അവരെയാണ് ടീച്ചറെന്ന് പറയുന്നത്.
സമര്ത്ഥത കുറഞ്ഞവരാണെങ്കില് വിദ്യാര്ത്ഥിയെന്ന് പറയും നിങ്ങള്ക്ക് എല്ലാവര്ക്കും
സന്ദേശം നല്കണം ഭഗവാനെ അറിയുമോ എന്ന് ചോദിക്കണം? ബാബ എല്ലാവരുടെയും അച്ഛനാണ്
അപ്പോള് മുഖ്യമായ കാര്യം തന്നെ ഇതാണ് ബാബയുടെ പരിചയം നല്കുക കാരണം ഇത് ആര്ക്കും
തന്നെ അറിയില്ല. മുഴുവന് വിശ്വത്തെയും പാവനമാക്കി മാറ്റുന്നത് ഉയര്ന്നതിലും
ഉയര്ന്ന ബാബയാണ്. മുഴുവന് വിശ്വവും പാവനമായിരുന്നപ്പോള് ആ സമയം ഭാരതം
മാത്രമായിരുന്നു. മറ്റൊരു ധര്മ്മത്തിലുള്ളവര്ക്കും ഇങ്ങനെ പറയാന് സാധിക്കില്ല
ഞങ്ങള് പുതിയ ലോകത്തില് വന്നിരിക്കുകയാണെന്ന്. അവര് ഇങ്ങനെ മനസ്സിലാക്കുന്നുണ്ട്
ഞങ്ങളെക്കാളും മുന്പും ചിലര് ഉണ്ടായിരുന്നു. ക്രിസ്തുവും തീര്ച്ചയായും
ആരിലെങ്കിലുമായിരിക്കും പ്രവേശിക്കുക. ക്രിസ്തുവിനു മുന്പും തീര്ച്ചയായും
ചിലരുണ്ടായിരുന്നു. ബാബ മനസ്സിലാക്കി തരുന്നു ഞാന് ഈ ബ്രഹ്മാ ശരീരത്തിലാണ്
പ്രവേശിക്കുന്നത്. ഇതും ചിലര് അംഗീകരിക്കുന്നില്ല ബ്രഹ്മാവിന്റെ ശരീരത്തിലേക്ക്
വരുന്നു എന്ന്. തീര്ച്ചയായും ബ്രാഹ്മണര് വേണമല്ലോ ബ്രാഹ്മണര് എവിടെ നിന്ന് വരും
തീര്ച്ചയായും ബ്രഹ്മാവില് നിന്ന് തന്നെ വരണം. ശരി, ബ്രഹ്മാവിന്റെ
അച്ഛനെക്കുറിച്ച് എപ്പോഴെങ്കിലും കേട്ടിട്ടുണ്ടോ? ബ്രഹ്മാവ് മുതുമുത്തച്ഛനാണ്
ബ്രഹ്മാവിന് സാകാര പിതാവില്ല. ബ്രഹ്മാവിന്റെ സാകാര പിതാവാരാണ,് ഇത് ആര്ക്കും
തന്നെ പറയാന് സാധിക്കില്ല. ബ്രഹ്മാവിന്റെ മഹിമയുണ്ട്, പ്രജാപിതാവാണ്.
ഏതുപോലെയാണോ നിരാകാരനായ ശിവബാബയുടെ അച്ഛനാരാണെന്ന് ചോദിക്കുന്നത് അതുപോലെ
തന്നെയാണ് സാകാര പ്രജാപിതാവിന്റെ അച്ഛനെക്കുറിച്ചും ചോദിക്കുന്നത്. ശിവബാബ
ദത്തെടുക്കപ്പെട്ടതല്ല ബ്രഹ്മാവ് ദത്തെടുക്കപ്പെട്ടതാണ,് പറയുന്നു ബ്രഹ്മാവിനെ
പോലും ശിവബാബയാണ് ദത്തെടുത്തത് അല്ലാതെ വിഷ്ണുവിനെ ശിവബാബ ദത്തെടുത്തു എന്ന്
പറയില്ല. ഇത് നിങ്ങള്ക്കറിയാം ബ്രഹ്മാവ് തന്നെയാണ് വിഷ്ണുവായി മാറുന്നത്.
വിഷ്ണുവിനെ ദത്തെടുക്കേണ്ട കാര്യമില്ല. ശങ്കരനെക്കുറിച്ചും പറയാറുണ്ട് അവര്ക്ക്
യാതൊരു പാര്ട്ടും ഇല്ല. ബ്രഹ്മാവ് തന്നെ വിഷ്ണുവാകുന്നു, വിഷ്ണു തന്നെ
ബ്രഹ്മാവാകുന്നു ഇതാണ് 84 ജന്മങ്ങളുടെ ചക്രം പിന്നെ ശങ്കരന് എവിടെ നിന്ന് വന്നു
ശങ്കരന്റെ രചന എവിടെയാണ്. ബാബയുടെ രചനയുണ്ട്, ബാബ എല്ലാ ആത്മാക്കളുടെയും
അച്ഛനാണ്. ബ്രഹ്മാവിന്റെ രചനയാണ് മുഴുവന് മനുഷ്യ സൃഷ്ടിയും. ശങ്കരന്റെ രചന
എവിടെയാണ്? ശങ്കരനിലൂടെ മനുഷ്യ ലോകം ഒരിക്കലും രചിക്കുന്നില്ല. ബാബ വന്ന് ഈ
കാര്യങ്ങളെല്ലാം മനസ്സിലാക്കി തരുന്നു എന്നിട്ടും കുട്ടികള് ഇടക്കിടെ മറന്ന്
പോകുന്നു. ഓരോരുത്തരുടെയും ബുദ്ധി നമ്പര്വൈസല്ലേ എത്രത്തോളം ബുദ്ധിയുണ്ടോ
അത്രയ്ക്കും ടീച്ചറുടെ പഠിപ്പിനെ ധാരണ ചെയ്യാന് സാധിക്കും ഇത് പരിധിയില്ലാത്ത
പഠിപ്പാണ്. പഠിപ്പനുസരിച്ചാണ് നമ്പര്വൈസ് പദവി നേടുന്നത്. മനുഷ്യനില് നിന്നും
ദേവതയായി മാറാനുള്ള പഠിപ്പ് ഒന്ന് തന്നെയാണ് പക്ഷേ രാജധാനിയുടെ സ്ഥാപനയല്ലേ
നമ്മള് ഏത് പദവി നേടും എന്നുള്ളതും ബുദ്ധിയിലുണ്ടാകണം. രാജാവായി മാറണമെങ്കില്
പ്രയത്നമുണ്ട്. രാജാക്കന്മാരുടെ പക്കല് ദാസ-ദാസിമാര് ആവശ്യമാണ്. ആരാണ്
ദാസ-ദാസിമാരായി തീരുന്നത് ഇതും നിങ്ങള്ക്ക് മനസ്സിലാക്കാന് സാധിക്കും.
നമ്പര്വൈസ് പുരുഷാര്ത്ഥമനുസരിച്ച് ഓരോരുത്തര്ക്കും ദാസിമാരെ ലഭിക്കും.
ജന്മ-ജന്മാന്തരം ദാസ-ദാസിമാരായി തീരുന്ന വിധത്തില് പഠിക്കരുത്. ഉയര്ന്ന പദവി
നേടാനുള്ള പുരുഷാര്ത്ഥം ചെയ്യണം. അപ്പോള് സത്യമായ ശാന്തി ബാബയുടെ ഓര്മ്മയിലാണ്.
അല്പം പോലും ബുദ്ധി അവിടേക്കും ഇവിടേക്കും പോവുകയാണെങ്കില് സമയം വ്യര്ത്ഥമായി.
സമ്പാദ്യം കുറവാകുന്നു. സതോപ്രധാനമായിത്തീരാന് സാധിക്കില്ല. ഇതും
മനസ്സിലാക്കിത്തന്നിട്ടുണ്ട് കൈകളിലൂടെ ജോലികള് ചെയ്തുകൊണ്ടിരിക്കൂ, ഹൃദയത്തില്
ഭഗവാനെ ഓര്മ്മിക്കൂ. ശരീരത്തെ ആരോഗ്യശാലിയാക്കി വെക്കുന്നതിനായി നടക്കാനും
കറങ്ങാനുമെല്ലാം പൊയ്ക്കോളൂ, പക്ഷേ ബുദ്ധിയില് ബാബയെ ഓര്മ്മിക്കണം. അഥവാ കൂടെ
ആരെങ്കിലുമുണ്ടെങ്കില് വ്യര്ത്ഥങ്ങള് സംസാരിക്കരുത്. ഇതിലൂടെ ഓരോരുത്തരുടെയും
ഹൃദയത്തെ കേടുവരുത്തുകയാണ് ചെയ്യുന്നത്. ബാബ മനസ്സിലാക്കിത്തരുന്നു ഇങ്ങനെയുളള
അവസ്ഥയില് വേണം കറങ്ങാന് പോകാന്. പാദിരിമാര് വളരെ നിശ്ശബ്ദരായിട്ടാണ് നടക്കാന്
പോകുന്നത്, നിങ്ങള് കുട്ടികള് മുഴുവന് സമയവും ജ്ഞാനത്തിന്റെ കാര്യങ്ങള്
സംസാരിക്കുന്നില്ല, അപ്പോള് നാവിനെ ശാന്തമാക്കി ശിവബാബയുടെ ഓര്മ്മയിലിരിക്കാന്
അഭ്യസിക്കൂ. കഴിക്കുന്ന സമയത്ത് ബാബ പറയാറുണ്ട് - ഓര്മ്മയിലിരുന്നു കൊണ്ട്
കഴിക്കൂ, തന്റെ ചാര്ട്ട് നോക്കൂ. ബ്രഹ്മാബാബ തന്റെ അനുഭവം പറയാറുണ്ട് എനിക്ക്
കൂടി മറന്ന് പോകുന്നു. പരിശ്രമിക്കുന്നുണ്ട്, ബാബയോട് പറയുന്നു ഞാന് പൂര്ണ്ണമായും
ഓര്മ്മയിലിരിക്കും. അങ്ങ് എന്റെ ചുമയെ ഇല്ലാതാക്കൂ, ഷുഗര്(പ്രമേഹം) കുറക്കൂ.
സ്വയം എന്ത് പ്രയത്നമാണോ ചെയ്യുന്നത് അത് പറയുന്നു പക്ഷേ ബ്രഹ്മാബാബ തന്നെ സ്വയം
മറക്കുന്നു അപ്പോള് എങ്ങനെ ചുമ കുറയും. എന്തെല്ലാം കാര്യങ്ങളാണോ ബാബയോടൊപ്പം
സംസാരിക്കുന്നത്, അത് സത്യമായി കേള്പ്പിക്കുന്നു. ബാബ എല്ലാം തന്നെ കുട്ടികളോട്
പറയുന്നുണ്ട് പക്ഷേ കുട്ടികള് ബാബയോട് കേള്പ്പിക്കുന്നില്ല, ലജ്ജിക്കുന്നു.
അടിച്ച് വാരുമ്പോഴും ഭക്ഷണമുണ്ടാക്കുമ്പോഴും ശിവബാബയുടെ ഓര്മ്മയിലിരുന്ന്
ഉണ്ടാക്കൂ എന്നാല് ശക്തി വരും. ഇതിനും യുക്തി ആവശ്യമാണ്. ഇതിലൂടെ നിങ്ങളുടെ
തന്നെയാണ് നന്മ ഉണ്ടാകുക. പിന്നീട് നിങ്ങള് ഓര്മ്മയിലിരിക്കുകയാണെങ്കില്
മറ്റുള്ളവര്ക്കും ആകര്ഷണമുണ്ടാകും. പരസ്പരം പ്രഭാവമുണ്ടാകുമല്ലോ. എത്രത്തോളം
നിങ്ങള് കൂടൂതല് ഓര്മ്മയിലിരിക്കുന്നോ അത്രത്തോളം ചുറ്റുപാട് വളരെ ശാന്തമാകും.
ഡ്രാമയനുസരിച്ച് മറ്റുള്ളവര്ക്ക് പ്രഭാവം ഉണ്ടാകുന്നു ഓര്മ്മയുടെ യാത്ര വളരെ
മംഗളകാരിയാണ് ഇതില് അസത്യം പറയേണ്ട ആവശ്യം ഇല്ല. സത്യമായ ബാബയുടെ
കുട്ടികളാണെങ്കില് സത്യമായി ജീവിക്കണം. കുട്ടികള്ക്ക് സര്വ്വതും ഇവിടെ
ലഭിക്കുന്നുണ്ട് വിശ്വത്തിന്റെ ചക്രവര്ത്തീ പദവി ലഭിക്കുന്നുവെങ്കില് പിന്നെ
ലോഭത്തിലേക്ക് വന്ന് 10-20 സാരികള് എന്തിനാണ് കൂട്ടി വയ്ക്കുന്നത് അഥവാ ഒരുപാട്
വസ്തുക്കള് കൂട്ടി വയ്ക്കുകയാണെങ്കില് മരണ സമയത്തും അത് തന്നെ ഓര്മ്മ വരും.
അതുകൊണ്ടാണ് ഇങ്ങനെ ഒരു ഉദാഹരണം പറയുന്നത് ഊന്ന് വടികൂടി ഉപേക്ഷിക്കൂ
ഇല്ലെങ്കില് അതും ഓര്മ്മവരും. ഒന്നും തന്നെ ഓര്മ്മവരരുത് ഇല്ലെങ്കില് അവനവനെ
ബുദ്ധിമുട്ടിലേക്ക് കൊണ്ട് വരികയാണ്. അസത്യം പറയുന്നതിലൂടെ നൂറുമടങ്ങ് പാപം
വര്ദ്ധിക്കും. ശിവബാബയുടെ ഭണ്ഢാരം സദാ നിറഞ്ഞിരിക്കും, കൂടുതല് എന്തിനാണ്
എടുത്തുവയ്ക്കേണ്ട ആവശ്യം. ആരുടെയെങ്കിലും എന്തെങ്കിലും മോഷണം പോവുകയാണെങ്കില്
അവര്ക്ക് അതിനു പകരമായി എല്ലാം നല്കാറുണ്ട്. നിങ്ങള് കുട്ടികള്ക്കാണെങ്കില്
ബാബയില് നിന്നും രാജപദവി ലഭിക്കുന്നു, അപ്പോള് വസ്ത്രമൊന്നും ലഭിക്കില്ലെന്നാണോ!
കേവലം വ്യര്ത്ഥമായ ചിലവ് ചെയ്യരുത് എന്തുകൊണ്ടെന്നാല് സ്വര്ഗ്ഗത്തിന്റെ
സ്ഥാപനയുടെ കാര്യത്തില് അബലകള് തന്നെയാണ് സഹായിക്കുന്നത്. അവരുടെ പണം ഇങ്ങനെ
പാഴാക്കരുത്. അവര് നിങ്ങളെ പാലിക്കുന്നുണ്ടെങ്കില് നിങ്ങളുടെ ജോലിയാണ് അവരെ
പാലിക്കുക എന്നത്. അല്ലെങ്കില് നൂറിരട്ടി പാപം തലയില് കയറുന്നു. ശരി!
വളരെക്കാലത്തെ വേര്പാടിന്നുശേഷം തിരിച്ചു കിട്ടിയ മധുരമധുരമായകുട്ടികളെ പ്രതി
മാതാവും പിതാവുമായ ബാപ്ദാദയുടെ സ്നേഹസ്മരണയും പുലര്കാല വന്ദനവും ആത്മീയഅച്ഛന്റെ
ആത്മീയകുട്ടികള്ക്ക് നമസ്കാരം
ധാരണയ്ക്കുള്ള മുഖ്യ സാരം:-
1. ബാബയുടെ
ഓര്മ്മയിലിരിക്കുന്ന സമയം അല്പം പോലും ബുദ്ധി അവിടെയും-ഇവിടെയും അലയരുത്. സദാ
സമ്പാദ്യം വര്ദ്ധിപ്പിച്ചുകൊണ്ടിരിക്കണം. ഓര്മ്മ ഇങ്ങനെയായിരിക്കണം അതിലൂടെ
ശാന്തി വ്യാപിപ്പിക്കണം.
2. ശരീരത്തെ
ആരോഗ്യമുള്ളതാക്കി വയ്ക്കുന്നതിനായി ചുറ്റികറങ്ങാന് പോകുന്നുണ്ടെങ്കിലും പരസ്പരം
വ്യര്ത്ഥങ്ങള് സംസാരിക്കരുത്. നാവിനെ ശാന്തമാക്കി വെച്ച് ബാബയെ
ഓര്മ്മിക്കുന്നതിന്റെ മത്സരം നടത്തണം. ഭോജനവും ബാബയുടെ ഓര്മ്മയില് കഴിക്കണം.
വരദാനം :-
നിശ്ചയബുദ്ധിയായി ദുര്ബ്ബലമായ സങ്കല്പങ്ങളുടെ വലയെ സമാപ്തമാക്കുന്ന സഫലതാ
സമ്പന്നരായി ഭവിക്കട്ടെ
ഇപ്പോഴും ഭൂരിപക്ഷം
കുട്ടികളും ദുര്ബ്ബല സങ്കല്പ്പങ്ങളെ തന്നെത്താന് എമര്ജ് ചെയ്യുന്നു, ഇങ്ങനെ
ചിന്തിക്കുന്നു- അറിയില്ല നടക്കുമോ ഇല്ലയോ, എന്താകുമോ ആവോ.... ഈ ദുര്ബ്ബല
സങ്കല്പ്പങ്ങള് തന്നെയാണ് മതില് സൃഷ്ടിക്കുന്നത്, അതോടെ സഫലത ആ മതിലിന് പിന്നില്
മറഞ്ഞുപോകുന്നു. മായ ദുര്ബ്ബല സങ്കല്പ്പങ്ങളുടെ വല വിരിക്കുന്നു, പിന്നെ ആ
വലയില്ത്തന്നെ കുടുങ്ങിപ്പോകുന്നു. അതിനാല് ഞാന് നിശ്ചയബുദ്ധി വിജയിയാണ്, സഫലത
എന്റെ ജന്മസിദ്ധ അധികാരമാണ്- ഈ സ്മൃതിയിലൂടെ ദുര്ബ്ബല സങ്കല്പ്പങ്ങളെ
സമാപ്തമാക്കൂ.
സ്ലോഗന് :-
മൂന്നാമത്തെ
ജ്വാലാമുഖീ നേത്രം തുറന്ന് വെക്കൂ എങ്കില് മായ ശക്തിഹീനമാകും.