മധുരമായ കുട്ടികളേ-
നിങ്ങള് പ്രഭുകുമാരന്മാരും രാജകുമാരന്മാരും ആകാന് പോകുന്നവരാണ്, നിങ്ങള്ക്ക് ഒരു
വസ്തുവിനോടും ആഗ്രഹം ഉണ്ടാകരുത്, ആരോടും ഒന്നും യാചിക്കരുത്.
ചോദ്യം :-
ആരോഗ്യം സംരക്ഷിക്കുന്നതിന് വേണ്ടി ഏതൊരു കാര്യത്തെ ആധാരമാക്കരുത്?
ഉത്തരം :-
ചില
കുട്ടികള് കരുതുന്നു വൈഭവങ്ങളുടെ ആധാരത്തില് ആരോഗ്യം ശരിയാക്കിവെക്കാമെന്ന്.
പക്ഷേ ബാബ പറയുന്നു ഇവിടെ നിങ്ങള്ക്ക് വൈഭവങ്ങളുടെ ഇച്ഛ വെയ്ക്കേണ്ടതില്ല.
വൈഭവങ്ങളിലൂടെ ആരോഗ്യം ലഭിക്കില്ല. ആരോഗ്യം ശരിയാക്കിവെക്കുന്നതിന് വേണ്ടി
ഓര്മ്മയുടെ യാത്ര ചെയ്യണം. പറയാറുണ്ട് സന്തോഷം പോലൊരു ടോണിക്കില്ല. നിങ്ങള്
സന്തോഷത്തോടെയിരിക്കൂ, ലഹരിയില് ഇരിക്കൂ. നിങ്ങള് ദധീചി ഋഷിയെപ്പോലെ അസ്ഥികള്
നല്കൂ എങ്കില് ആരോഗ്യം ശരിയാക്കി വെക്കാം.
ഓംശാന്തി.
ബാബയെ ചെയ്യുന്നവനും ചെയ്യിപ്പിക്കുന്നവനും എന്നാണ് പറയുന്നത്. നിങ്ങള്
പ്രഭുകുമാരന്മാരാണ്. ഈ സൃഷ്ടിയില് നിങ്ങളുടേത് ഉയര്ന്നതിലും ഉയര്ന്ന സ്ഥാനമാണ്.
നിങ്ങള് കുട്ടികള്ക്ക് ലഹരിയുണ്ടാകണം നമ്മള് പ്രഭുകുമാരന്മാരാണ്, പ്രഭുവിന്റെ
മതപ്രകാരം ഇപ്പോള്വീണ്ടും തന്റെ രാജ്യഭാഗ്യം സ്ഥാപിക്കുകയാണ്. ഇത് ആരുടേയും
ബുദ്ധിയില് ഓര്മ്മ നില്ക്കുന്നില്ല. ബാബ എല്ലാ സെന്ററിലുമുള്ള
കുട്ടികള്ക്കുവേണ്ടിയാണ് പറയുന്നത്. അനേകം സെന്ററുകളുണ്ട്, അനേകം കുട്ടികള്
വരുന്നുണ്ട്. ഓരോരുത്തരുടേയും ബുദ്ധിയില് സദാ ഓര്മ്മയുണ്ടായിരിക്കണം നമ്മള്
ബാബയുടെ ശ്രീമതം അനുസരിച്ച് വീണ്ടും വിശ്വത്തില് ശാന്തിയുടേയും സുഖത്തിന്റേയും
രാജ്യം സ്ഥാപന ചെയ്യുകയാണ്. സുഖം ശാന്തി എന്നീ രണ്ടു വാക്കുകളാണ്
ഓര്മ്മവെയ്ക്കേണ്ടത്. നിങ്ങള് കുട്ടികള്ക്ക് എത്ര ജ്ഞാനം ലഭിക്കുന്നു, നിങ്ങളുടെ
ബുദ്ധി എത്ര വിശാലമായിരിക്കണം, ഇവിടെ ഭ്രാന്തന് ബുദ്ധി പറ്റില്ല. സ്വയം
പ്രഭുകുമാരനാണ് എന്ന് മനസ്സിലാക്കു എങ്കില് പാപം അവസാനിക്കും. മുഴുവന്
ദിവസത്തിലും ബാബയുടെ ഓര്മ്മയില്ലാത്തവരും ഒരുപാടുപേരുണ്ട്. നിങ്ങളുടെ ബുദ്ധി
എന്തുകൊണ്ടാണ് മങ്ങുന്നത്? സെന്ററില് ഇങ്ങനെ ഇങ്ങനെയുള്ള കുട്ടികള് വരുന്നു,
അവരുടെ ബുദ്ധിയില് ഒട്ടും ഇല്ല നമ്മള് ശ്രീമത്തിലൂടെ വിശ്വത്തില് തന്റെ ദൈവീക
രാജ്യം സ്ഥാപിക്കുകയാണെന്നത്. ഉള്ളില് ആ ലഹരിയും തിളക്കവും ഉണ്ടാകണം. മുരളി
കേള്ക്കുമ്പോള്ത്തന്നെ രോമാഞ്ചം ഉണ്ടാകണം. ഇവിടെ ബാബ നോക്കുമ്പോള് കുട്ടികളുടെ
രോമാഞ്ചം തീര്ത്തും മരിച്ചിരിക്കുന്നു, വളരെ അധികം കുട്ടികളുണ്ട് അവരുടെ
ബുദ്ധിയില് ഇത് ഓര്മ്മയേ വരുന്നില്ല അതായത് നമ്മള് ശ്രീമതം അനുസരിച്ച് ബാബയുടെ
ഓര്മ്മയിലൂടെ വികര്മ്മത്തെ വിനാശമാക്കി തന്റെ രാജധാനി സ്ഥാപിക്കുകയാണ്. ബാബ
ദിവസവും മനസ്സിലാക്കിത്തരുന്നു- കുട്ടികളേ, നിങ്ങള് യോദ്ധാക്കളാണ്, രാവണനുമേല്
വിജയം നേടുന്നവരാണ്. ബാബ നിങ്ങളെ ക്ഷേത്രത്തിലിരിക്കാന് യോഗ്യരാക്കി മാറ്റുകയാണ്
എന്നാല് അത്രയും ലഹരിയും സന്തോഷവും കുട്ടികള്ക്കുണ്ടോ, ഏതെങ്കിലും സാധനം
ലഭിച്ചില്ലെങ്കില് ഉടനെ പിണങ്ങുന്നു. കുട്ടികളുടെ അവസ്ഥ കണ്ട് ബാബയ്ക്ക് അത്ഭുതം
തോന്നുന്നു. മായയുടെ ചങ്ങലകളില് കുടുങ്ങിയിരിക്കുന്നു. നിങ്ങളുടെ സ്വമാനം,
നിങ്ങളുടെ ജോലി, നിങ്ങളുടെ സന്തോഷം എല്ലാം അത്ഭുതകരമായിരിക്കണം. ആരാണോ മിത്ര
സംബന്ധികളെ മറക്കാത്തത് അവര്ക്ക് ബാബയെ ഓര്മ്മിക്കാന് സാധിക്കില്ല. പിന്നീട്
എന്ത് പദവി നേടും! അത്ഭുതം തോന്നുന്നു.
നിങ്ങള് കുട്ടികള്ക്ക് വളരെ അധികം ലഹരിയുണ്ടാകണം. സ്വയം പ്രഭുകുമാരനാണ് എന്ന്
മനസ്സിലാക്കു എങ്കില് ഒന്നും യാചിക്കേണ്ടതായ അവസ്ഥ വരില്ല. ബാബ ഇത്രയും
അളവില്ലാത്ത ഖജനാവ് നല്കുകയാണ് പിന്നീട് 21 ജന്മങ്ങളിലേയ്ക്ക് ഒന്നും
യാചിക്കേണ്ടി വരില്ല, ഇത്രയും ലഹരിയുണ്ടായിരിക്കണം. പക്ഷേ തീര്ത്തും മങ്ങിയ,
ഇടുങ്ങിയ ബുദ്ധിയാണ്. നിങ്ങള് കുട്ടികളുടെ ബുദ്ധി 7 അടി നീളമുള്ളതായിരിക്കണം.
മനുഷ്യര്ക്ക് കൂടിവന്നാല് 6-7 അടി നീളമുണ്ടാകും. ബാബ നിങ്ങളെ എത്ര
ഉത്സാഹത്തിലേയ്ക്ക് കൊണ്ടുവരുന്നു- നിങ്ങള് പ്രഭുകുമാരന്മാരാണ്, ലോകത്തിലെ
മനുഷ്യര് ഒന്നും മനസ്സിലാക്കുന്നില്ല. അവര്ക്ക് നിങ്ങള്
മനസ്സിലാക്കിക്കൊടുക്കുന്നുണ്ട്- നിങ്ങള് കേവലം ഇത് മനസ്സിലാക്കൂ അതായത് നമ്മള്
ബാബയുടെ മുന്നില് ഇരിക്കുകയാണ്, ബാബയെ ഓര്മ്മിക്കുകയാണെങ്കില് വികര്മ്മം
വിനാശമാകും. ബാബ മനസ്സിലാക്കിത്തരുന്നു, കുട്ടികളേ, മായ നിങ്ങളുടെ വളരെ വലിയ
ശത്രുവാണ്, എത്രത്തോളം നിങ്ങളുടെ ശത്രുവാണോ അത്രയും വലിയ ശത്രുവല്ല
മറ്റുള്ളവര്ക്ക്. മനുഷ്യര്ക്കാണെങ്കില് അറിയുകയേയില്ല, തുച്ഛബുദ്ധികളാണ്. ബാബ
ദിവസവും നിങ്ങള് കുട്ടികളോട് പറയുന്നു നിങ്ങള് പ്രഭുകുമാരന്മാരാണ്, ബാബയെ
ഓര്മ്മിക്കു ഒപ്പം മറ്റുള്ളവരേയും തനിക്കു സമാനമാക്കി മാറ്റിക്കൊണ്ടിരിക്കു.
ഭഗവാന് സത്യമായ പ്രഭുഅല്ലേ, ഇതും മറ്റുള്ളവര്ക്ക് മനസ്സിലാക്കിക്കൊടുക്കാന്
നിങ്ങള്ക്ക് സാധിക്കും. അതിനാല് നമ്മള് ഭഗവാന്റെ കുട്ടികള് പ്രഭുകുമാരന്മാരാണ്,
നിങ്ങള് കുട്ടികളുടെ ബുദ്ധിയില് നടക്കുമ്പോഴും കറങ്ങുമ്പോഴും ഇതുണ്ടാകണം.
സേവനത്തില് ദധീചീ ഋഷിയ്ക്കു സമാനം അസ്ഥികള് സമര്പ്പിക്കണം. ഇവിടെ അസ്ഥികള്
നല്കുകയല്ല ഇനിയും അളവില്ലാത്ത സുഖവും വൈഭവങ്ങളും വേണം. ഈ സാധനങ്ങള് കൊണ്ട്
ആരോഗ്യം ശരിയാകുകയേയില്ല. ആരോഗ്യത്തിന് ആവശ്യം ഓര്മ്മയുടെ യാത്രയാണ്. ഈ സന്തോഷം
ഉണ്ടാകണം. നമ്മള് കല്പ കല്പം മായയോട് തോറ്റുവന്നു, ഇപ്പോള് മായയുടെമേല് വിജയം
നേടുകയാണ്. ബാബ വന്ന് വിജയം നേടിത്തരുന്നു. ഇപ്പോള് ഭാരതത്തില് എത്ര ദുഃഖമാണ്,
അളവില്ലാത്ത ദുഃഖം നല്കുന്നയാള് രാവണനാണ്. ലോകര് കരുതുന്നത് വിമാനമുണ്ട്,
വാഹനങ്ങളുണ്ട്, കൊട്ടാരങ്ങളുണ്ട്, ഇതുമതി ഇതുതന്നെയാണ് സ്വര്ഗ്ഗം. ഈ ലോകം തന്നെ
നശിക്കാനുള്ളതാണ് എന്നത് മനസ്സിലാക്കുന്നില്ല. ലക്ഷങ്ങളും കോടികളും
ചിലവാക്കുന്നു, എത്ര ബോംബുകള് ഉണ്ടാക്കുന്നു, യുദ്ധത്തിനുള്ള ആയുധങ്ങള് എത്രയാണ്
വാങ്ങുന്നത്. ഇത് പരസ്പരം അവസാനിപ്പിക്കുന്നതിനുള്ളതാണ്, വിവേക ശൂന്യരല്ലേ.
എത്രത്തോളും വഴക്കുകൂടുന്നു അടികൂടുന്നു, കാര്യം ചോദിക്കുകയേ വേണ്ട. എത്ര
അഴുക്കാണ് നിറഞ്ഞിരിക്കുന്നത്. ഇതിനെയാണ് നരകം എന്നു പറയുന്നത്.
സ്വര്ഗ്ഗത്തിനാണെങ്കില് വളരെ വലിയ മഹിമയുണ്ട്. ബറോഡയിലെ മഹാറാണിയോട് ചോദിക്കൂ
മഹാരാജാവ് എവിടെപ്പോയി? അപ്പോള് പറയും സ്വര്ഗ്ഗവാസിയായെന്ന്. സ്വര്ഗ്ഗം എന്ന്
എന്തിനെയാണ് പറയുന്നത്- ഇത് ആര്ക്കും അറിയില്ല, എത്ര ഘോരാന്ധകാരമാണ്. നിങ്ങളും
ഘോരാന്ധകാരത്തിലാണ്. ഇപ്പോള് ബാബ പറയുന്നു നിങ്ങള്ക്ക് ഈശ്വരീയ ബുദ്ധി
നല്കുകയാണ്. സ്വയം ഈശ്വരീയ സന്താനമാണ്, പ്രഭുകുമാരനാണ് എന്ന് മനസ്സിലാക്കു.
പ്രഭു പഠിപ്പിക്കുകയാണ് രാജകുമാരനാക്കി മാറ്റുന്നതിനായി. ബാബ പഴഞ്ചൊല്ല്
കേള്പ്പിക്കാറുണ്ടല്ലോ- ആടെന്തറിഞ്ഞു അങ്ങാടി വാണിഭം...... ഇപ്പോള് നിങ്ങള്
മനസ്സിലാക്കുന്നുണ്ട്- എന്നാല് മനുഷ്യര് എല്ലാവരും ഈ ആടുകളെപ്പോലെയാണ്, ഒന്നും
അറിയില്ല. ഇരുന്ന് എന്തെല്ലാം ഉപമകളാണ് ചെയ്യുന്നത്. നിങ്ങളുടെ ബുദ്ധിയില് ആദി
മദ്ധ്യ അന്ത്യത്തിന്റെ രഹസ്യമുണ്ട്. നല്ല രീതിയില് ഓര്മ്മവേണം നമ്മള്
വിശ്വത്തില് സുഖവും ശാന്തിയും സ്ഥാപിക്കുകയാണ്. സഹായിയായി മാറുന്നത് ആരാണോ
അവരാണ് ഉയര്ന്ന പദവി നേടുന്നത്. ആരെല്ലാമാണ് സഹായിയായി മാറുന്നത് എന്നതും
നിങ്ങള് കാണുന്നുണ്ട്. ഓരോരുത്തരും തന്റെ ഹൃദയത്തോട് ചോദിക്കണം ഞാന് എന്താണ്
ചെയ്തുകൊണ്ടിരിക്കുന്നത്? ഞാന് ആടിനെപ്പോലെയല്ലല്ലോ? നോക്കൂ മനുഷ്യനില് എത്ര
അഹങ്കാരമാണ്, ഗുര് ഗുര് എന്ന് പറഞ്ഞുകൊണ്ടിരിക്കുന്നു. നിങ്ങള്ക്കാണെങ്കില്
ബാബയുടെ ഓര്മ്മയുണ്ടായിരിക്കണം. സേവനത്തില് അസ്ഥികള് നല്കണം, ആരെയും പിണക്കരുത്
പിണങ്ങുകയും അരുത്. അഹങ്കാരവും വരരുത്. ഞാന് ഇത് ചെയ്യുന്നുണ്ട്, ഞാന്
സമര്ത്ഥനാണ്, ഈ ചിന്ത വരുന്നതും ദേഹാഭിമാനമാണ്. അവരുടെ ചലനങ്ങള്
ഇങ്ങനെയുള്ളതായിരിക്കും, അതിനാല് ലജ്ജ തോന്നും. ഇല്ലെങ്കില് നിങ്ങളെപ്പോലെ സുഖം
മറ്റാര്ക്കും ലഭിക്കുക സാദ്ധ്യമല്ല. ഇത് ബുദ്ധിയില് ഉണ്ടെങ്കില് നിങ്ങള്
തിളങ്ങിക്കൊണ്ടിരിക്കും. സെന്ററില് നല്ല മഹാരഥികളുമുണ്ട്, കുതിര
സവാരിക്കാരുമുണ്ട് അതുപോലെ കാല്നട യാത്ര ചെയ്യുന്നവരുമുണ്ട്. ഇതില് വളരെ
വിശാലമായ ബുദ്ധി ആവശ്യമാണ്. എങ്ങനെ എങ്ങനെയെല്ലാമുള്ള ബ്രാഹ്മണിമാരാണ്, ചിലര്
വളരെ സഹായികളാണ്, സേവനത്തില് എത്ര സന്തുഷ്ടരായിരിക്കുന്നു. നിങ്ങള്ക്ക്
ലഹരിയുണ്ടായിരിക്കണം. സേവനമില്ലാതെ എന്ത് പദവി നേടാനാണ്. അമ്മയ്ക്കും അച്ഛനും
മക്കളോട് ബഹുമാനമുണ്ടാകും പക്ഷേ കുട്ടികള് സ്വയം തന്നെത്താന്
ബഹുമാനിച്ചില്ലെങ്കില് ബാബ എന്തു പറയും.
നിങ്ങള് കുട്ടികള് കുറഞ്ഞ വാക്കുകളില് തന്നെ ബാബയുടെ പരിചയം എല്ലാവര്ക്കും
നല്കണം. പറയൂ, ബാബ പറയുന്നു മന്മനാഭവ. ഗീതയിലും കുറച്ച് കാര്യങ്ങളുണ്ട് ആട്ടയില്
ഉപ്പുചേര്ത്തതുപോലെ. ഈ വലിയ ലോകം എത്ര വിശാലമാണ്, ഇത് ബുദ്ധിയില് വരണം. എത്ര
വലിയ ലോകമാണ്, എത്ര മനുഷ്യരാണ്, പിന്നീട് ഇത് ഒന്നും ഉണ്ടാകില്ല. ഒരു
ഖണ്ഢത്തിന്റേയും പേരോ അടയാളമോ പോലും ശേഷിക്കില്ല. നമ്മള് സ്വര്ഗ്ഗത്തിന്റെ
അധികാരിയായി മാറുകയാണ് ഈ സന്തോഷം രാവും പകലും ഉണ്ടായിരിക്കണം. ജ്ഞാനം വളരെ
സഹജമാണ്, എന്നാല് മനസ്സിലാക്കിക്കൊടുക്കുന്നയാള് വളരെ സമര്ത്ഥരായിരിക്കണം. അനേക
പ്രകാരത്തിലുള്ള യുക്തികളുണ്ട്. ബാബ പറയുന്നു ഞാന് നിങ്ങളെ വളരെ വലിയ
നയതന്ത്രജ്ഞന്മാരാക്കി മാറ്റുകയാണ്. അവര് നയതന്ത്രജ്ഞന് എന്ന് അംബാസഡറെയാണ്
പറയുന്നത്. അതിനാല് കുട്ടികളുടെ ബുദ്ധിയില് എപ്പോഴും ഓര്മ്മയുണ്ടായിരിക്കണം. ആഹാ!
പരിധിയില്ലാത്ത ബാബ നമുക്ക് നിര്ദ്ദേശം നല്കുകയാണ്, നിങ്ങള് ധാരണ ചെയ്ത്
പിന്നീട് മറ്റുള്ളവര്ക്കും ബാബയുടെ പരിചയം നല്കുന്നു. നിങ്ങള് ഒഴികെ
ബാക്കിയുള്ള മുഴുവന് ലോകവും നാസ്തികരാണ്. നിങ്ങളിലും നമ്പര്വൈസാണ്. നാസ്തികരായും
ചിലരില്ലേ. ബാബയെ ഓര്മ്മിക്കുന്നേയില്ല. സ്വയം പറയുന്നു ബാബാ ഞാന് ഓര്മ്മിക്കാന്
മറന്നുപോകുന്നു, എങ്കില് നാസ്തികരല്ലേ. പ്രഭുകുമാരനാക്കി മാറ്റുന്ന ബാബയെ
ഓര്മ്മ വരുന്നില്ലേ! ഇത് മനസ്സിലാക്കുന്നതിനും വളരെ വിശാലമായ ബുദ്ധി വേണം. ബാബ
പറയുന്നു ഞാന് ഓരോ 5000 വര്ഷങ്ങള്ക്ക് ശേഷവും വരുന്നു. നിങ്ങളിലൂടെ തന്നെയാണ്
കാര്യങ്ങള് ചെയ്യുന്നത്. നിങ്ങള് എത്ര നല്ല യോദ്ധാക്കളാണ്. വന്ദേമാതരം എന്ന്
നിങ്ങള് പാടാറില്ലേ. നിങ്ങള് തന്നെയായിരുന്നു പൂജ്യരായിരുന്നത് പിന്നീട് നിങ്ങള്
തന്നെ പൂജാരിയായി മാറി. ഇപ്പോള് ശ്രീമതത്തിലൂടെ വീണ്ടും പൂജ്യരായി മാറുകയാണ്.
അതിനാല് നിങ്ങള് കുട്ടികള് വളരെ ശാന്തമായി സേവനം ചെയ്യണം. നിങ്ങള് ഒരിയ്ക്കലും
അശാന്തരാകരുത്. ആരുടെയാണോ ഓരോ നാഡികളിലും ഭൂതം നിറഞ്ഞിരിക്കുന്നത് അവര് എന്ത്
പദവി നേടാനാണ്. ലോപവും വലിയ ഭൂതമാണ്. ബാബ ഓരോരുത്തരുടേയും പെരുമാറ്റം
എങ്ങനെയുള്ളതാണ് എന്ന് കണ്ടുകൊണ്ടിരിക്കുന്നുണ്ട്. ബാബ എത്ര ലഹരി കയറ്റുന്നു
എന്നിട്ടും ചിലര് സേവനം ചെയ്യുന്നില്ല, കേവലം കഴിച്ചും കുടിച്ചും ഇരിക്കുന്നു
പിന്നീട് 21 ജന്മങ്ങളിലേയ്ക്ക് സേവനം ചെയ്യേണ്ടതായി വരും. ദാസ ദാസിയായും
മാറുമല്ലോ. അവസാന സമയത്ത് എല്ലാവര്ക്കും സാക്ഷാത്ക്കാരം ഉണ്ടാകും. സേവനയുക്തരായ
കുട്ടികളാണ് ഹൃദയത്തില് കയറുക. എല്ലാവരേയും അമരലോകവാസികളാക്കി മാറ്റുക ഇതാണ്
നിങ്ങളുടെ സേവനം. ബാബ വളരെ അധികം ധൈര്യം നല്കുന്നുണ്ട്, ധാരണചെയ്യൂ, ദേഹ
അഭിമാനമുള്ളവര്ക്ക് ധാരണയുണ്ടാവുക സാദ്ധ്യമല്ല. നിങ്ങള്ക്ക് അറിയാം നമ്മള് ബാബയെ
ഓര്മ്മിച്ച് വേശ്യാലയത്തില് നിന്നും ശിവാലയത്തിലേയ്ക്ക് പോവുകയാണ്, അതിനാല്
അതുപോലെയായിമാറി കാണിക്കണം.
ബാബ കത്തുകളില് എഴുതാറുണ്ട്- ഓമനകളായ ആത്മീയ പ്രഭുകുമാരന്മാരെ, ഇപ്പോള്
ശ്രീമതത്തിലൂടെ നടക്കൂ, മഹാരഥിയാവുകയാണെങ്കില് തീര്ച്ചയായും രാജകുമാരനായി മാറും.
പ്രധാന ലക്ഷ്യംതന്നെ ഇതാണ്. ഒരേയൊരു സത്യമായ ബാബയാണ് നിങ്ങള്ക്ക് എല്ലാ
കാര്യങ്ങളും നല്ല രീതിയില് മനസ്സിലാക്കിത്തരുന്നത്. സേവനം ചെയ്ത് മറ്റുള്ളവരുടെ
മംഗളവും ചെയ്തുകൊണ്ടിരിക്കൂ. യോഗബലമില്ലെങ്കില് പിന്നെ ഇതുവേണം, അതുവേണം
എന്നിങ്ങനെ ആഗ്രഹങ്ങള് ഉണ്ടായിക്കൊണ്ടിരിക്കും. അവര്ക്ക് സന്തോഷമുണ്ടാകില്ല,
പറയാറുണ്ട് സന്തോഷം പോലൊരു ടോണിക്ക് വേറെയില്ല. പ്രഭുകുമാരന്മാര്ക്ക് വളരെ അധികം
സന്തോഷം ഉണ്ടായിരിക്കണം. സന്തോഷമില്ലെങ്കില് പിന്നെ അനേകം പ്രകാരത്തിലുള്ള
പ്രശ്നങ്ങള് വന്നുകൊണ്ടിരിക്കും. ബാബ നിങ്ങള്ക്ക് വിശ്വസാമ്രാജ്യം നല്കുന്നു,
ബാക്കി ഇനി എന്താണ് വേണ്ടത്! ഓരോരുത്തരും തന്റെ ഹൃദയത്തോട് ചോദിക്കണം ഞാന്
ഇത്രയും മധുരമായ ബാബയുടെ എന്ത് സേവനമാണ് ചെയ്യുന്നത്? ബാബ പറയുന്നു - പ്രഭു
വന്നിരിക്കുന്നു എന്ന സന്ദേശം എല്ലാവര്ക്കും നല്കിക്കൊണ്ടേപോകൂ. വാസ്തവത്തില്
നിങ്ങള് എല്ലാവരും സഹോദരങ്ങളാണ്. നമ്മള് എല്ലാവരും സഹോദരങ്ങളാണ് നമ്മള് പരസ്പരം
സഹായിക്കണം എന്നെല്ലാം പറയാറുണ്ട്. പക്ഷേ സഹായിക്കണം എന്ന ചിന്തയിലാണ് അവര്
ഇങ്ങനെ പറയുന്നത്. എന്നാല് ഇവിടെ ബാബ പറയുന്നു നിങ്ങള് എല്ലാവരും ഒരു അച്ഛന്റെ
മക്കളാണ് അതിനാല് പരസ്പരം സഹോദരങ്ങളാണ്. ബാബ തന്നെയാണ് സ്വര്ഗ്ഗത്തിന്റെ സ്ഥാപന
ചെയ്യുന്നയാള്. കുട്ടികളിലൂടെ സ്വര്ഗ്ഗമുണ്ടാക്കുകയാണ്. സേവനത്തിനുള്ള യുക്തികള്
അനേകം പറഞ്ഞുതരുന്നു. മിത്ര സംബന്ധികള്ക്കും മനസ്സിലാക്കിക്കൊടുക്കണം. നോക്കൂ
വിദേശത്തുള്ള മക്കളും സേവനം ചെയ്യുന്നുണ്ട്. ദിനം പ്രതിദിനം മനുഷ്യര് ആപത്തുകള്
കണ്ട് മനസ്സിലാക്കും- മരിക്കുന്നതിനുമുമ്പ് സ്വര്ഗ്ഗം നേടണം. കുട്ടികള് തന്റെ
മിത്ര സംബന്ധികളേയും ഉണര്ത്തുന്നുണ്ട്. പവിത്രമായും ഇരിക്കുന്നു. പക്ഷേ നിരന്തരം
സഹോദരങ്ങളാണ് എന്ന സ്മൃതിയുണ്ടാവുക, അത് ബുദ്ധിമുട്ടാണ്. ബാബയാണെങ്കില്
കുട്ടികള്ക്ക് പ്രഭു കുമാരന് എന്ന എത്രനല്ല ടൈറ്റിലാണ് നല്കിയിരിക്കുന്നത്.
സ്വയം നോക്കണം. സേവനം ചെയ്യുന്നില്ലെങ്കില് നമ്മള് എന്താകും? അഥവാ ആരെങ്കിലും
സമ്പാദിച്ചു പിന്നീട് അതില് നിന്നും കഴിച്ച് കഴിച്ച് അത് ഇല്ലാതായെങ്കില്
പിന്നീട് അതെല്ലാം അവരുടെ കണക്കില്തന്നെ വരും. സേവനം ചെയ്യുന്നവര്ക്ക്
ഒരിയ്ക്കലും ഇങ്ങനെയുള്ള ചിന്ത വരരുത് അതായത് ഞങ്ങള് ഇത്ര ചെയ്തു, അവരിലൂടെയാണ്
എല്ലാവരുടേയും പാലന നടക്കുന്നത് എങ്കില് അവര്ക്കും പ്രാധാന്യം നല്കും, അവര്
കഴിപ്പിക്കുന്നവരാണ് എന്ന് മനസ്സിലാക്കിക്കൊടുക്കണം. ആത്മീയ കുട്ടികളാണ് നിങ്ങളെ
കഴിപ്പിക്കുന്നത്. നിങ്ങള് അവരുടെ സേവനം ചെയ്യുന്നു, ഇത് വളരെ വലിയ കണക്കാണ്.
മനസ്സാ, വാചാ, കര്മ്മണാ അവരുടെ സേവനം ചെയ്യുന്നില്ലെങ്കില് ആ സന്തോഷം എങ്ങനെ
ഉണ്ടാകും. ശിവബാബയെ ഓര്മ്മിച്ച് ഭക്ഷണം ഉണ്ടാക്കിയാല് അതിലൂടെ ശക്തി ലഭിക്കും.
ഞാന് എല്ലാവരേയും പ്രീതിപ്പെടുത്തുന്നുണ്ടോ? എന്ന് ഹൃദയത്തോട് ചോദിക്കണം.
മഹാരഥികളായ കുട്ടികള് എത്ര സേവനം ചെയ്യുന്നുണ്ട്. ബാബ റെക്സിന് ഷീറ്റില്
ചിത്രങ്ങള് നിര്മ്മിക്കുന്നു, ഈ ചിത്രങ്ങള് ഒരിയ്ക്കലും കീറുകയോ ഒടിയുകയോ
ചെയ്യില്ല. ബാബയുടെ കുട്ടികള് ഇരിക്കുന്നുണ്ട്, അവര് സ്വയം അയയ്ക്കും. അല്ലാതെ
ബാബ എവിടെ നിന്ന് പൈസ കൊണ്ടുവരും. ഈ മുഴുവന് സെന്ററുകളും എങ്ങനെയാണ് നടക്കുന്നത്?
കുട്ടികള് തന്നെയല്ലേ നടത്തുന്നത്. ശിവബാബ പറയുന്നു എന്റെ കൈയ്യില് ഒരുരൂപപോലും
ഇല്ല. മുന്നോട്ട് പോകവേ സ്വയംതന്നെ ആളുകള് വന്ന് പറയും ഞങ്ങളുടെ കെട്ടിടം
നിങ്ങള് ഉപയോഗിച്ചോളൂ. നിങ്ങള് പറയും ഇപ്പോള് വളരെ വൈകിപ്പോയി. ബാബ പാവങ്ങളുടെ
തോഴനാണ്. പാവങ്ങളുടെ അടുത്ത് എവിടെ നിന്ന് വരാനാണ്. ചിലര് കോടിപതികളും, നൂറുകോടി
ആസ്തിയുള്ളവരുമാണ്. അവര്ക്ക് ഇതുതന്നെയാണ് സ്വര്ഗ്ഗം. ഇതാണ് മായയുടെ മടിത്തട്ട്.
മായയുടെ അധഃപതനം ഉണ്ടാവുകയാണ്. ബാബ പറയുന്നു നിങ്ങള് ആദ്യം
പ്രഭുകുമാരന്മാരായിരിക്കുന്നു ഇനി ചെന്ന് രാജകുമാരന്മാരാകും. പക്ഷേ അത്രയും
സേവനവും ചെയ്തു കാണിക്കൂ. വളരെ സന്തോഷത്തോടെ ഇരിക്കണം. നമ്മള് പ്രഭു
കുമാരന്മാരാണ് ഇനി രാജകുമാരന്മാരായി മാറുന്നവരാണ്. വളരെ അധികംപേരുടെ സേവനം
ചെയ്യുമ്പോഴാണ് രാജകുമാരനായി മാറുന്നത്. സന്തോഷത്തിന്റെ അതിര് എത്ര കവിയണം. ശരി!
വളരെക്കാലത്തെ വേര്പാടിന്നുശേഷം തിരിച്ചു കിട്ടിയ മധുര-മധുരമായ കുട്ടികളെ പ്രതി
മാതാവും പിതാവുമായ ബാപ്ദാദയുടെ സ്നേഹസ്മരണയും പുലര്കാല വന്ദനവും, ആത്മീയ
അച്ഛന്റെ ആത്മീയ കുട്ടികള്ക്ക് നമസ്കാരം.
ധാരണയ്ക്കുള്ള മുഖ്യ സാരം:-
1. ആരെയും
ഒരിയ്ക്കലും പിണക്കരുത് അതുപോലെ സ്വയം പിണങ്ങാനും പാടില്ല. തന്റെ
സാമര്ത്ഥ്യത്തിന്റെ അഥവാ താന് സേവനം ചെയ്യുന്നതിന്റെ അഹങ്കാരം കാണിക്കരുത്.
എങ്ങനെ ബാബ കുട്ടികള്ക്ക് ബഹുമാനം നല്കുന്നുവോ അതുപോലെ കുട്ടികളും തന്നെത്താനെ
ബഹുമാനിക്കണം.
2. യോഗബലത്തിലൂടെ തന്റെ
മുഴുവന് ആഗ്രഹങ്ങളേയും സമാപ്തമാക്കണം. സദാ ഈ സന്തോഷത്തില് അഥവാ ലഹരിയില്
ഇരിക്കണം അതായത് നമ്മള് പ്രഭുകുമാരന്മാരാണ് രാജകുമാരന്മാരായി മാറുന്നവരാണ്. സദാ
ശാന്തമായി സേവനം ചെയ്യണം. ഓരോ നാഡികളിലുമുള്ള ഭൂതങ്ങളെ പുറത്ത് കളയണം.
വരദാനം :-
ബ്രാഹ്മണജീവിതത്തില് ബാബ മുഖേന ലൈറ്റിന്റെ കിരീടം പ്രാപ്തമാക്കുന്ന
മഹാഭാഗ്യവാനായ ആത്മാവായി ഭവിക്കട്ടെ.
സംഗമയുഗീ ബ്രാഹ്മണ
ജീവിതത്തിന്റെ വിശേഷതയാണ് ڇപവിത്രതڈ. പവിത്രതയുടെ അടയാളം- ലൈറ്റിന്റെ കിരീടമാണ്,
അത് ഓരോ ആത്മാവിനും ബാബ മുഖേന പ്രാപ്തമാകുന്നതാണ്. പവിത്രതയുടെ ലൈറ്റിന്റെ ഈ
കിരീടം ആ രത്ന-ജടിതമായ കിരീടത്തേക്കാള് അതി ശ്രേഷ്ഠമാണ്. മഹാനാത്മാ, പരമാത്മാ
ഭാഗ്യവാനാത്മാ, ഉയര്ന്നതിലും ഉയര്ന്ന ആത്മാവിന്റെ അടയാളമാണ് ഈ കിരീടം. ബാപ്ദാദ
ഓരോ കുട്ടികള്ക്കും ജനിക്കുമ്പോള് തന്നെ ڇപവിത്രഭവڈ എന്ന വരദാനം നല്കുന്നു,
അതിന്റെ അടയാളമാണ് ലൈറ്റിന്റെ കിരീടം.
സ്ലോഗന് :-
പരിധിയില്ലാത്ത വൈരാഗ്യവൃത്തിയിലൂടെ ഇച്ഛകള്ക്ക് വശപ്പെട്ട് പരവശരായ
ആത്മാക്കളുടെ പരവശത ദൂരീകരിക്കൂ.