മധുരമായ കുട്ടികളേ-ബാബ
പൂന്തോട്ട ഉടമസ്ഥനാണ്, ഈ പൂന്തോട്ടക്കാരന്റെയടുത്ത് ഉദ്യാനപാലകരായ നിങ്ങള് വളരെ
നല്ല-നല്ല സുഗന്ധമുള്ള പുഷ്പങ്ങള് കൊണ്ടു വരണം, വാടിയ പുഷ്പങ്ങള് കൊണ്ടു വരരുത്.
ചോദ്യം :-
ബാബയുടെ ദൃഷ്ടി ഏതു കുട്ടികളിലാണ് പതിക്കുന്നത്, ആരിലാണ് പതിക്കാത്തത്?
ഉത്തരം :-
ആരാണോ നല്ല
സുഗന്ധമുള്ള പുഷ്പങ്ങള്, അനേകം മുള്ളുകളെ പുഷ്പമാക്കുന്ന സേവനം ചെയ്യുന്നവര്,
അവരെ കണ്ട്-കണ്ട് ബാബ സന്തോഷിക്കുന്നു. അവരിലേക്കാണ് ബാബയുടെ ദൃഷ്ടി പോകുന്നത്,
ആരുടെ ഭാവനയാണോ മോശമായുള്ളത്, കണ്ണുകള് ചതിക്കുന്നത്, അവരില് ബാബയുടെ ദൃഷ്ടി
പതിയുകയില്ല. ബാബ പറയും കുട്ടികളേ പുഷ്പമായി മാറി അനേകരെ പുഷ്പമാക്കൂ അപ്പോള്
സമര്ത്ഥനായ ഉദ്യാനപാലകരെന്ന് പറയും.
ഓംശാന്തി.
ഉദ്യാന നാഥനായ ബാബ വന്ന് തന്റെ പുഷ്പങ്ങളെ നോക്കുകയാണ് എന്തുകൊണ്ടെന്നാല്
മറ്റെല്ലാ സെന്റെറുകളിലും പുഷ്പങ്ങളും ഉദ്യാനപാലകരുമാണുള്ളത്, ഇവിടെ നിങ്ങള്
ഉദ്യാന നാഥന്റെ അടുത്ത് സുഗന്ധം നല്കുന്നതിനായി വന്നിരിക്കുന്നു. നിങ്ങള്
പുഷ്പങ്ങളല്ലേ. നിങ്ങള്ക്കുമറിയാം, ബാബയ്ക്കുമറിയാം മുള്ക്കാടിന്റെ ബീജരൂപനാണ്
രാവണന്. യഥാര്ത്ഥത്തില് മുഴുവന് വൃക്ഷത്തിന്റെയും ബീജം ഒന്നു തന്നെയാണ് എന്നാല്
പൂക്കളുടെ തോട്ടത്തില് നിന്ന് മുള്ളുകളുടെ കാടാക്കുന്ന ഒരാളും തീര്ച്ചയായും
ഉണ്ടായിരിക്കുമല്ലോ. അതാണ് രാവണന്. അപ്പോള് തീരുമാനിക്കൂ ബാബ ശരിയായല്ലേ
മനസ്സിലാക്കി തരുന്നത്. ദേവതകളാകുന്ന പുഷ്പങ്ങളുടെ പൂന്തോട്ടത്തിന്റെ ബീജരൂപമാണ്
ബാബ. നിങ്ങള് ഇപ്പോള് ദേവീ-ദേവതകളാകുകയല്ലേ. നമ്മള് ഏതുതരത്തിലുള്ള
പുഷ്പങ്ങളാണെന്ന് ഓരോരുത്തര്ക്കുമറിയാം. ഉദ്യാനനാഥനും പുഷ്പങ്ങളെ കാണുന്നതിനായി
ഇവിടെ തന്നെയാണ് വരുന്നത്. അവരെല്ലാവരും ഉദ്യാനപാലകരാണ്. അവരിലും അനേക
പ്രകാരത്തിലുള്ള തോട്ടക്കാരുണ്ട്. ആ ഉദ്യാനത്തിലും ഭിന്ന-ഭിന്ന പ്രകാരത്തിലുള്ള
പൂന്തോട്ടക്കാരുണ്ടാകും. ചിലര്ക്ക് 500 രൂപയായിരിക്കും പ്രതിഫലം, ചിലര്ക്ക്
1000 രൂപ, ചിലര്ക്ക് 2000 രൂപ. മുഗള് ഗാര്ഡനിലെ പൂന്തോട്ടക്കാരന് വളരെ
സാമര്ത്ഥനായിരിക്കും. അദ്ദേഹത്തിന്റെ ശമ്പളവും കൂടുതലായിരിക്കും. ഇത്
പരിധിയില്ലാത്ത വലിയ പൂന്തോട്ടമാണ്, ഇതിലും അനേക പ്രകാരത്തിലുള്ള
സംഖ്യാക്രമത്തിലുള്ള പൂന്തോട്ടക്കാരാണ്. ആരാണോ വളരെ നല്ല പൂന്തോട്ടക്കാര് അവര്
പൂന്തോട്ടത്തിനെ വളരെ ഭംഗിയുള്ളതാക്കും, നല്ല പുഷ്പങ്ങള് വെച്ചുപിടിപ്പിക്കും.
ഗവണ്മെന്റ് ഹൗസിന്റെ മുഗള് ഗാര്ഡന് എത്ര മനോഹരമാണ്. ഇത് പരിധിയില്ലാത്ത
പൂന്തോട്ടമാണ്. ഒന്നാണ് ഉദ്യാനത്തിന്റെ നാഥന്. ഇപ്പോള് മുള്ക്കാടിന്റെ ബീജം
രാവണനും പൂന്തോട്ടത്തിന്റെ ബീജം ശിവബാബയുമാണ്. സമ്പത്ത് ലഭിക്കുന്നത് ബാബയില്
നിന്നുമാണ്. രാവണനില് നിന്നും സമ്പത്ത് ലഭിക്കുകയില്ല. രാവണനില് നിന്നും
ലഭിക്കുന്നത് ശാപമാണ്. എപ്പോഴാണോ ശാപിതരാകുന്നത് അപ്പോള് സുഖം നല്കുന്ന ആളെ
എല്ലാവരും ഓര്മ്മിക്കുന്നു എന്തുകൊണ്ടെന്നാല് ബാബ സുഖദാതാവാണ്, സദാ സുഖം
നല്കുന്നവന്. പൂന്തോട്ടക്കാരും ഭിന്ന-ഭിന്ന പ്രകാരത്തിലുള്ളവ രുണ്ട്,
ഉദ്യാനനാഥന് വന്ന് ഉദ്യാനപാലകരെയും നോക്കുന്നു എങ്ങനെയുള്ള ചെറുതും-വലുതുമായ
പൂന്തോട്ടമാണ് നിര്മ്മിക്കുന്നത്. എന്തൊക്കെ പുഷ്പങ്ങളുണ്ട്, അതിനെക്കുറിച്ചും
ചിന്തിക്കുന്നു. ഇടക്കിടക്ക്-ഇടക്കിടക്ക് വളരെ നല്ല-നല്ല പൂന്തോട്ടക്കാരും
വരുന്നു, അവരുടെ പൂക്കള് വളരെ നല്ലവണ്ണം ഒരുക്കുന്നു. അപ്പോള് പൂന്തോട്ടത്തിന്റെ
ഉടമസ്ഥനും സന്തോഷമുണ്ടാകുന്നു- കൊള്ളാമല്ലോ! ഈ പൂന്തോട്ടാക്കാരന് വളരെ നല്ലതാണ്,
നല്ല-നല്ല പുഷ്പങ്ങളെ കൊണ്ടു വന്നിട്ടുണ്ട്. ഇത് പരിധിയില്ലാത്ത ബാബയാണ് ആ
ബാബയുടെ കാര്യവും പരിധിയില്ലാത്തതാണ്. നിങ്ങള് കുട്ടികള്ക്ക് മനസ്സ് കൊണ്ട്
അറിയാം ബാബ പറയുന്നത് പൂര്ണ്ണമായും സത്യമാണ്. അര കല്പം രാവണ രാജ്യം നടക്കുന്നു.
പുഷ്പങ്ങളുടെ പൂന്തോട്ടത്തിനെ മുള്ളുകളുടെ കാടാക്കിയത് രാവണനാണ്. കാട്ടില്
മുള്ളുകള് തന്നെ മുള്ളായിരിക്കും. വളരെ ദുഃഖമായിരിക്കും.
പൂന്തോട്ടത്തിന്റെയിടയില് മുള്ളുണ്ടാകുമോ, ഒന്നു പോലും ഉണ്ടാകില്ല.
കുട്ടികള്ക്കറിയാം. രാവണന് ദേഹ-അഭിമാനത്തില് കൊണ്ടു വരുന്നു. ഏറ്റവും വലിയ
മുള്ള് എന്ന് പറയുന്നത് ദേഹ-അഭിമാനമാണ്.
ബാബാ രാത്രയിലും മനസ്സിലാക്കി തരുന്നു ചിലരുടെ ദൃഷ്ടി മോശമായിട്ടുള്ളതാണ്,
ചിലരുടേത് കുറച്ച് മോശമായിട്ടുള്ളതാണ്. ചില പുതിയവരും വരുന്നുണ്ട് ആദ്യമൊക്കെ
വളരെ നന്നായി നടക്കുന്നു, വികാരത്തില് ഒരിക്കലും പോകില്ല എന്ന് വിചാരിക്കും,
പവിത്രമായിരിക്കും. ആ സമയം ശ്മശാന വൈരാഗ്യം വരുന്നു. പിന്നീട് വീട്ടില്
എത്തുമ്പോള് മോശമാകുന്നു. ദൃഷ്ടി മോശമാകുന്നു. ഇവിടെ ചിലരെ നല്ല-നല്ല
പുഷ്പമാണെന്ന് കരുതി ഉദ്യാനനാഥന്റെയടുത്ത് കൊണ്ടു വരുന്നു, ബാബാ ഇത് വളരെ നല്ല
പുഷ്പമാണ്, ചില-ചില പൂന്തോട്ടക്കാര് വന്ന് കാതില് പറയുന്നു ഇത് ഇന്ന പുഷ്പമാണ്.
പൂന്തോട്ടക്കാരന് തീര്ച്ചയായും പറയുമല്ലോ. അല്ലാതെ ബാബ അന്തര്യാമിയൊന്നുമല്ല,
പൂന്തോട്ടക്കാരന് ഓരോരുത്തരുടേയും സ്വഭാവ-പെരുമാറ്റത്തെക്കുറിച്ച് പറയുന്നു ബാബ
ഇവരുടെ ദൃഷ്ടി നല്ലതല്ല, ഇവരുടെ പെരുമാറ്റം റോയലല്ല, ഇവര് 10-20 ശതമാനം
മാറിയിട്ടുണ്ട്. മുഖ്യമായത് കണ്ണാണ്, അത് വളരെ ചതിക്കുന്നു. ഉദ്യാനപാലകന് വന്ന്
ഉദ്യാനനാഥനെ എല്ലാം കേള്പ്പിക്കുന്നു. ബാബ ഓരോരുത്തരോടും ചോദിക്കുകയാണ് പറയൂ
കുട്ടി എങ്ങനെയുള്ള പുഷ്പമാണ് കൊണ്ടു വന്നത്? ചിലര് റോസാപുഷ്പമായിരിക്കും, ചിലര്
മുല്ലപ്പൂവായിരിക്കും, ചിലര് എരിക്കിന് പൂവും കൊണ്ടു വരുന്നുണ്ട്. ഇവിടെ വളരെ
ജാഗ്രതയോടെ ഇരിക്കുന്നു. കാട്ടില് പോകുമ്പോള് വീണ്ടും വാടിപ്പോകുന്നു. ഇത്
എപ്രകാരമുള്ള പുഷ്പമാണെന്ന് ബാബ നോക്കുകയാണ്. മായ ഇങ്ങനെയാണ് അത് ഉദ്യാനപാലകനെ
പോലും വളരെ ശക്തമായി പ്രഹരിക്കുന്നു, അതിലൂടെ ഉദ്യാനപാലകന് പോലും മുള്ളാകുന്നു.
ഉദ്യാനനാഥന് വരുമ്പോള് ആദ്യമാദ്യം പൂന്തോട്ടത്തിനെ നോക്കുന്നു, പിന്നീട് ബാബ
അവരെ അലങ്കരിക്കുന്നു. കുട്ടികളേ, ജാഗ്രതയോടെ കഴിയൂ, കുറവുകളെ ഇല്ലാതാക്കൂ,
ഇല്ലെങ്കില് പിന്നീട് ഒരുപാട് പശ്ചാത്തപിക്കും. ബാബ വന്നിരിക്കുന്നത്
ലക്ഷ്മീ-നാരായണനാക്കുന്നതിന് വേണ്ടിയാണ്, അതിന് പകരം നമ്മള് ജോലിക്കാരായാല്!
നമ്മള് അത്രയും ഉയര്ന്നവരും യോഗ്യതയുള്ളവരുമായോ എന്ന് പരിശോധിച്ചു നോക്കണം.
മുള്ളുകളാകുന്ന കാടിന്റെ ബീജം രാവണനാണെന്ന് അറിയാം, പൂക്കളുടെ തോട്ടത്തിന്റെ
ബീജം രാമനാണ്. ഈ കാര്യങ്ങളെല്ലാം ബാബ വന്ന് മനസ്സിലാക്കി തരികയാണ്. ബാബ സ്കൂളിലെ
പഠനത്തിന്റെ മഹിമ പാടുകയാണ്, ആ പഠിപ്പ് അല്പമെങ്കിലും നല്ലതാണ്, എന്തെന്നാല് അത്
വരുമാനത്തിനുള്ള മാര്ഗ്ഗമാണ്. ലക്ഷ്യവുമുണ്ട്. ഇതും പാഠശാലയാണ്, ഇവിടെയും
ലക്ഷ്യമുണ്ട്. പിന്നീട് മറ്റൊരിടത്തും ഈ ലക്ഷ്യം ഉണ്ടാകില്ല. നരനില് നിന്നും
നാരായണനാകാനുള്ള ലക്ഷ്യം മാത്രമേ നിങ്ങള്ക്കുള്ളൂ. ഭക്തിമാര്ഗ്ഗത്തില് സത്യ
നാരായണന്റെ കഥ ധാരാളം കേള്ക്കുന്നു, ഓരോ മാസവും ബ്രാഹ്മണനെ വിളിക്കുന്നു,
ബ്രാഹ്മണന് ഗീത കേള്പ്പിക്കുന്നു. ഇന്നത്തെക്കാലത്ത് ഗീത എല്ലാവരും
കേള്പ്പിക്കുന്നുണ്ട്, സത്യം-സത്യമായ ബ്രാഹ്മണര് ആരുമില്ല. നിങ്ങള്
സത്യം-സത്യമായ ബ്രാഹ്മണരാണ്. സത്യമായ ബാബയുടെ കുട്ടികളാണ്. നിങ്ങള്
സത്യം-സത്യമായ കഥ കേള്പ്പിക്കുന്നു. സത്യ നാരായണന്റെ കഥയുമുണ്ട്, അമരകഥയുമുണ്ട്,
തീജരിയുടെ (മുക്കണ്ണിന്റെ) കഥയുമുണ്ട്. ഭഗവാനുവാച-ഞാന് നിങ്ങളെ
രാജാക്കന്മാരുടെയും രാജാവാക്കും, ഞാന് സ്വയമാകില്ല? ഇങ്ങനെ എപ്പോഴെങ്കിലും
കേട്ടിട്ടുണ്ടോ? ഇത് ഒരേ ഒരു ബാബയാണ് കുട്ടികളുടെ അടുത്ത് വന്നിട്ട്
മനസ്സിലാക്കി തരുന്നത്. കുട്ടികള്ക്കറിയാം ഇവിടെ ഉദ്യാനനാഥന്റെ അടുത്ത്
വന്നിരിക്കുന്നത് റിഫ്രഷാകുന്നതിനാണ്. ഉദ്യാനപാലകരുമാകുന്നു, പൂക്കളുമാകുന്നു.
ഉദ്യാനപാലകരായി തീര്ച്ചയായും മാറണം. വിവിധ തരത്തിലുള്ള ഉദ്യാനപാലകരുണ്ട്. സേവനം
ചെയ്തില്ലെങ്കില് എങ്ങനെ നല്ല പുഷ്പമായി മാറും? ഞാന് ഏതു തരത്തിലുള്ള പുഷ്പമാണ്?
ഏത് തരത്തിലുള്ള പൂന്തോട്ടക്കാരനാണ്? ഓരോരുത്തരും തന്റെ ഹൃദയത്തോട് ചോദിക്കണം.
കുട്ടികള്ക്ക് വിചാര സാഗര മഥനം ചെയ്യണം. ബ്രാഹ്മണിമാര്ക്കറിയാം- ഉദ്യാനപാലകരും
പലപ്രകാരത്തിലുണ്ടല്ലോ. ചില നല്ല-നല്ല പൂന്തോട്ടക്കാരും വരാറുണ്ട്, അവര്ക്ക്
വലിയ പൂന്തോട്ടം ഉണ്ടായിരിക്കും. ഏതുപോലെ ഉദ്യാനപാലകന് നല്ലതാണോ അപ്പോള്
പൂന്തോട്ടവും നല്ലതായിരിക്കും. നല്ല-നല്ല പൂക്കളെ കൊണ്ടു വരുന്നത്, കാണുമ്പോള്
മനസ്സിന് സന്തോഷം വരുന്നു. ചിലരാണെങ്കില് കുറഞ്ഞ പൂക്കളെയും കൊണ്ടു വരുന്നു.
ഇവര് എന്തൊല്ലാം പദവി നേടുമെന്ന് ഉദ്യാനനാഥനും മനസ്സിലാക്കാന് കഴിയും. ഇപ്പോള്
സമയമുണ്ട്. ഓരോരോ മുള്ളിനേയും പുഷ്പങ്ങളാക്കുവാന് പരിശ്രമിക്കേണ്ടതായുണ്ട്.
ചിലര് പൂക്കളാവാന് ആഗ്രഹിക്കുന്നതേയില്ല, മുള്ളുകളായിരിക്കുവാന് തന്നെയാണ്
അവര്ക്ക് ഇഷ്ടം. കണ്ണുകളുടെ ഭാവന വളരെ മോശമായിരിക്കുന്നു. ഇവിടെ വരുന്നുണ്ട്
എന്നാല് പോലും അവരില് നിന്നും സുഗന്ധമുണ്ടാകുന്നില്ല. എന്റെ മുന്നില്
പുഷ്പങ്ങളാണിരിക്കുന്നതെങ്കില് നല്ലതാണ് എന്ന് ഉദ്യാനനാഥനും ആഗ്രഹിക്കുന്നുണ്ട്,
അവരെ കാണുമ്പോള് സന്തോഷം തോന്നുന്നു. ഇവരുടെ വൃത്തി അങ്ങനെയുള്ളതാണ് എന്ന് കണ്ട്
കഴിഞ്ഞാല് പിന്നെ അവരിലേക്ക് ദൃഷ്ടിയേ പോകില്ല അതുകൊണ്ട് ഓരോരുത്തരേയും
നോക്കുന്നു, എന്റെ ഈ പുഷ്പം ഏത് പ്രകാരത്തിലുള്ളതാണ്? എത്രമാത്രം സുഗന്ധം
നല്കുന്നുണ്ട്? മുള്ളില് നിന്നും പുഷ്പമായോ അതോ ഇല്ലയോ? നമ്മള് എത്രമാത്രം
പുഷ്പമായി മാറിയിട്ടുണ്ടെന്നും എത്രമാത്രം പുരുഷാര്ത്ഥം ചെയ്യുന്നുണ്ടെന്നും
ഓരോരുത്തര്ക്കും സ്വയം മനസ്സിലാക്കാവാന് സാധിക്കും. ബാബാ ഞങ്ങള് അങ്ങയെ
മറന്നുപോകുന്നു, യോഗത്തിലിരിക്കുവാന് സാധിക്കുന്നില്ല എന്ന് ഇടക്കിടക്ക്
പറയുന്നു. ഓര്മ്മിച്ചില്ലെങ്കില് എങ്ങനെ പുഷ്പമാകും? ഓര്മ്മിക്കുകയാണെങ്കില്
പാപങ്ങള് ഇല്ലാതായി പുഷ്പങ്ങളാകാം ഒപ്പം മറ്റുള്ളവരേയും പുഷ്പമാക്കാം, അപ്പോള്
ഉദ്യാനപാലകനെന്ന പേര് ലഭിക്കും. ബാബ ഉദ്യാനപാലകരെ അന്വേഷിച്ച് കൊണ്ടിരിക്കുകയാണ്.
ഉദ്യാനപാലകരായി ആരെങ്കിലുമുണ്ടോ? എന്തുകൊണ്ട് പൂന്തോട്ടക്കാരനായിമാറിക്കൂടാ?
ബന്ധനങ്ങള് ഉപേക്ഷിക്കണം. ഉള്ളില് ലഹരി വരണം. സേവനം ചെയ്യുവാനുള്ള ഉത്സാഹം വേണം.
തന്റെ ചിറകുകളെ സ്വതന്ത്രമാക്കുവാന് പരിശ്രമിക്കേണ്ടതായുണ്ട്. എന്തിനോടാണോ
സ്നേഹമുള്ളത് അതിനെ ഉപേക്ഷിക്കുവാന് തോന്നുമോ? ബാബയുടെ സേവനത്തിന് വേണ്ടി
പുഷ്പങ്ങളായി മറ്റുള്ളവരേയും പുഷ്പങ്ങളാക്കുന്നില്ല എങ്കില് എങ്ങനെ ഉയര്ന്ന പദവി
നേടും? 21 ജന്മങ്ങളിലേക്കാണ് ഉയര്ന്ന പദവി. മഹാരാജാക്കന്മാരും, രാജാക്കന്മാരും
വലിയ-വലിയ ധനവാന്മാരുമൊക്കെയുണ്ട്. ക്രമമനുസരിച്ച് അത്രയും സമ്പന്നര്
അല്ലാത്തവരും പ്രജകളുമൊക്കെയുണ്ട്. നമ്മള് എന്താകും? ഇപ്പോള് ആര് പുരുഷാര്ത്ഥം
ചെയ്യുന്നുവോ അവര് കല്പ-കല്പാന്തരം ആയിത്തീരും. ഇപ്പോള് വളരെ തീവ്രമായി
പുരുഷാര്ത്ഥം ചെയ്യേണ്ടതുണ്ട്. നരനില് നിന്നും നാരായണനാകണം, നല്ല
രീതിയില്പുരുഷാര്ത്ഥം ചെയ്യുന്നവര് പ്രാവര്ത്തികമാക്കും. ദിവസവുമുള്ള വരുമാനവും
നഷ്ടവും നോക്കണം. 12 മാസത്തെ കാര്യമല്ല, ദിവസവും തന്റെ നഷ്ടവും ലാഭവും നോക്കണം.
നഷ്ടമുണ്ടാക്കരുത്. അങ്ങനെയായാല് മൂന്നാം തരത്തിലുള്ളവരായി മാറും. സ്കൂളിലും
നമ്പര്വാര് ഉണ്ടല്ലോ അല്ലേ.
നമ്മുടെ ബീജം വൃക്ഷപതിയാണ് എന്ന് മധുര മധുരമായ കുട്ടികള്ക്കറിയാം, ആ വൃക്ഷ്പതി
വരുന്നതിലൂടെ നമ്മളില് ബൃഹസ്പതിയുടെ ദശ ഉണ്ടാകുന്നു. രാവണന്റെ രാജ്യത്തില്
രാഹുവിന്റെ ദശയാണ്. അത് വളരെ ഉയര്ന്നതും ഇത് വളരെ താഴ്ന്നതുമാണ്. ശിവാലയത്തില്
നിന്നും വേശ്യാലയമായി മാറുന്നു. ഇപ്പോള് നിങ്ങള് കുട്ടികള്ക്ക് രാഹുവിന്റെ
ദശയാണ്. ആദ്യം പുതിയ വൃക്ഷമായിരിക്കും. പതുക്കെ പഴയതാകാന് തുടങ്ങുന്നു. ഉദ്യാന
നാഥനുമുണ്ട്, ഉദ്യാന പാലകരുടെ വൃദ്ധിയും ഉണ്ടായികൊണ്ടിരിക്കുന്നു. ഉദ്യാന
നാഥന്റെ അടുത്ത് കൊണ്ട് പോകുന്നു. ഓരോ ഉദ്യാനപാലകരും പുഷ്പങ്ങള് കൊണ്ട് വരുന്നു.
ബാബയുടെ അടുക്കല് പോകണം എന്ന് വളരെയധികം ആഗ്രഹിക്കുന്ന നല്ല പൂക്കളെ ചിലര്
കൊണ്ട് വരുന്നു. എന്തെല്ലാം യുക്തികള് പറഞ്ഞാണ് കുട്ടികള് വരുന്നത്. വളരെ നല്ല
പുഷ്പങ്ങളെ കൊണ്ട് വരൂ എന്ന് ബാബയും പറയും. ചില പൂന്തോട്ടക്കാര് സെക്കന്റ്
ക്ലാസ്സായിരിക്കും, പൂന്തോട്ടക്കാരെക്കാളും പുഷ്പം വളരെ നല്ലതായിരിക്കും -
നമ്മള് ഇത്രയും ഉയര്ന്ന വിശ്വത്തിന്റെ അധികാരിയാകുന്ന ശിവബാബയുടെ അടുക്കല്
പോകുവാന് വളരെയധികം ആഗ്രഹിക്കുന്നു. വീട്ടില് വളരെയധികം അടികൊള്ളേണ്ടി വന്നാലും
ശിവബാബാ ഞങ്ങളെ രക്ഷിക്കൂ എന്ന് വിളിക്കുന്നു. അവരെ തന്നെയാണ് സത്യമായ ദ്രൗപദി
എന്ന് പറയുന്നത്. എന്താണോ കഴിഞ്ഞ് പോയത് അത് വീണ്ടും ആവര്ത്തിക്കണം. ഇന്നലെ
നിങ്ങള് വിളിച്ചിരുന്നു, ഇന്ന് രക്ഷപ്പെടുവാനുള്ള യുക്തികള് പറഞ്ഞ് തരാന് ബാബ
വന്നിരിക്കുന്നു. നിങ്ങള് ഭ്രമരി വണ്ടാണ്, അവര് പ്രാണികളും. അവരില് ഭൂം-ഭൂം
ചെയ്ത് കൊണ്ടിരിക്കൂ. ഭഗവാന് പറയുന്നത് കാമം മഹാശത്രുവാണ് അതിനെ ജയിക്കുന്നവര്
വിശ്വത്തിന്റെ അധികാരികളാകും എന്ന് പറഞ്ഞ് കൊടുക്കണം. ചില സമയത്ത് അബലകളുടെ
വാക്ക് ഏല്ക്കുമ്പോള് തണുക്കുന്നു. അപ്പോള് പറയുന്നു - ശരി പൊയ്ക്കൊള്ളൂ.
ഇങ്ങനെയാക്കി മാറ്റുന്ന ആളുടെ അടുത്തേക്ക് പൊയ്ക്കൊള്ളൂ. എന്റെ ഭാഗ്യത്തില്
ഇല്ല നിങ്ങള് പൊയ്ക്കൊളൂ. ഇങ്ങനെ ദ്രൗപദിമാര് വിളിക്കുന്നുണ്ട്. ഭൂം-ഭൂം ചെയ്യൂ
എന്ന് ബാബ എഴുതുന്നു. ചില പത്നിമാരും ഇങ്ങനെയുള്ളവരുണ്ട് അവരെയാണ്
ശൂര്പ്പണകയെന്നും പൂതനയെന്നും വിളിക്കുന്നത്. പതിമാര് അവരെ ഭൂം-ഭൂം ചെയ്യുന്നു,
അവര് കീടങ്ങളാകുന്നു, വികാരം ഇല്ലാതെ അവര്ക്ക് ജീവിക്കാന് സാധിക്കില്ല.
ഉദ്യാനനാഥന്റെ അടുക്കല് ഏതെല്ലാം തരത്തിലുള്ളവരാണ് വരുന്നത്, കാര്യം തന്നെ
പറയേണ്ട. ചില കന്യകമാരും മുള്ളുകളായി മാറുന്നു. അതുകൊണ്ടാണ് ബാബ പറയുന്നത്,
തന്റെ ജീവിത കഥ പറയൂ. ബാബയോട് പറയാതെ ഒളിപ്പിച്ച് വയ്ക്കുകയാണെങ്കില് അത് വൃദ്ധി
പ്രാപിച്ച് കൊണ്ടിരിക്കും. അസത്യത്തിന് മുന്നോട്ട് പോകാന് സാധിക്കില്ല.
നിങ്ങളുടെ വൃത്തി മോശമായിക്കൊണ്ടിരിക്കും. ബാബയെ കേള്പ്പിക്കുന്നതിലൂടെ നിങ്ങള്
രക്ഷപ്പെടും. സത്യം പറയണം അല്ലെങ്കില് മഹാരോഗിയായി മാറും. ബാബ പറയുന്നു
വികാരികളാക്കുന്നവരുടെ മുഖം കറുത്ത് പോകുന്നു. മുഖം കറുക്കുക അര്ത്ഥം പതീതമാകുക.
കൃഷ്ണനെയും ശ്യാമസുന്ദരന് എന്ന് വിളിക്കുന്നു. കൃഷ്ണനെയും കറുത്തതായി
കാണിച്ചിരിക്കുന്നു. രാമനേയും നാരായണനേയും കറുത്തതായി കാണിക്കുന്നു. അര്ത്ഥം
ഒന്നും തന്നെ മനസ്സിലാക്കുന്നില്ല. നിങ്ങളുടെ അടുക്കല് നാരായണന്റെ സുന്ദരമായ
വെളുത്ത ചിത്രമുണ്ട്, ഇതാണ് നിങ്ങളുടെ ലക്ഷ്യം. കറുത്ത നാരായണനായല്ല നിങ്ങള്ക്ക്
മാറേണ്ടത്. ഈ ക്ഷേത്രങ്ങളില് ഉണ്ടാക്കിയിരിക്കുന്നത് പോലെ അല്ല. വികാരത്തില്
വീഴുന്നതിലൂടെ മുഖം കറുത്ത് പോകുന്നു. ആത്മാവ് കറുത്ത് പോയി. അയണ് ഏജില് നിന്നും
ഗോള്ഡന് ഏജിലേക്ക് പോകണം. സ്വര്ണ്ണ പക്ഷിയാകണം. കല്ക്കത്തയിലെ കാളി എന്നൊക്കെ
പറയുന്നുണ്ട്, എത്ര ഭയങ്കരമായ മുഖമാണ് കാണിച്ചിരിരിക്കുന്നത്. കാര്യമേ പറയേണ്ട.
ബാബ പറയുന്നു- കുട്ടികളേ, ഇതെല്ലാം ഭക്തി മാര്ഗ്ഗമാണ്. ഇപ്പോള് നിങ്ങള്ക്ക്
ജ്ഞാനം ലഭിച്ചിരിക്കുകയാണ്. ശരി!
വളരെക്കാലത്തെ വേര്പാടിനുശേഷം തിരിച്ചു കിട്ടിയ മധുരമധുരമായ കുട്ടികളെ പ്രതി
മാതാവും പിതാവുമായ ബാപ്ദാദയുടെ സ്നേഹസ്മരണയും സുപ്രഭാതവും. ആത്മീയ അച്ഛന്റെ
ആത്മീയ കുട്ടികള്ക്ക് നമസ്കാരം.
ധാരണയ്ക്കുള്ള മുഖ്യ സാരം:-
1. തന്റെ
ചിറകുകളെ സ്വതന്ത്രമാക്കുവാന് വേണ്ടി പരിശ്രമിക്കണം, ബന്ധനങ്ങളില് നിന്നും
മുക്തമായി സമര്ത്ഥനായ തോട്ടക്കാരനാകണം. മുള്ളുകളെ പുഷ്പമാക്കുവാനുള്ള സേവനം
ചെയ്യണം.
2. ഞാന് എത്രമാത്രം
സുഗന്ധമുള്ള പുഷ്പമായി മാറി എന്നത് സ്വയം തന്നെ നോക്കണം. എന്റെ വൃത്തി ശുദ്ധമാണോ?
കണ്ണുകള് ചതിക്കുന്നില്ലല്ലോ? തന്റെ സ്വഭാവത്തിന്റെയും പെരുമാറ്റത്തിന്റെയും
കണക്കുകള് നോക്കി കുറവുകള് ഇല്ലാതാക്കണം.
വരദാനം :-
സ്വരാജ്യ
അധികാരിയുടെ ലഹരിയോടെയും നിശ്ചയത്തോടെയും സദാ ശക്തിശാലിയായി മാറുന്ന സഹജയോഗിയും
നിരന്തരയോഗിയുമായി ഭവിക്കട്ടെ.
സ്വരാജ്യ അധികാരി അര്ത്ഥം
ഓരോ കര്മ്മേന്ദ്രിയത്തിനുമേലും തന്റെ രാജ്യാധികാരം. ഒരിക്കലും സങ്കല്പ്പത്തില്
പോലും കര്മ്മേന്ദ്രിയങ്ങള് ചതിക്കരുത്. ചിലപ്പോള് അല്പമെങ്കിലും ദേഹാഭിമാനം
വന്നാല് ആവേശം അല്ലെങ്കില് കോപം സഹജമായി വരുന്നു, എന്നാല് ആര് സ്വരാജ്യ
അധികാരിയാണോ അവര് സദാ നിരഹങ്കാരിയായി സദാ വിനയത്തോടെ സേവനം ചെയ്യുന്നു. അതിനാല്
ഞാന് സ്വരാജ്യ അധികാരി ആത്മാവാണ്- ഈ ലഹരിയോടെയും നിശ്ചയത്തോടെയും ശക്തിശാലിയായി
മായാജീത്തും ജഗത്ജീത്തുമാകൂ എങ്കില് സഹജയോഗിയും നിരന്തരയോഗിയുമായി മാറും.
സ്ലോഗന് :-
ലൈറ്റ്
ഹൗസായി മാറി മനോ-ബുദ്ധിയിലൂടെ പ്രകാശം പരത്തുന്നതില് ബിസിയായിരിക്കൂ എങ്കില്
ഏതൊരു കാര്യത്തിലും ഭയം തോന്നുകയില്ല.