മധുരമായ കുട്ടികളേ- ബാബ
ജ്ഞാന യോഗത്തിന്റെ ഔഷധം കഴിപ്പിച്ച് നിങ്ങളെ ഗംഭീരമായി സത്കരിക്കുന്നു.
അതുകൊണ്ട് സദാ സന്തോഷത്തോടെ ഇരിക്കൂ. ശ്രീമതമനുസരിച്ച് സര്വ്വരേയും സത്കരിക്കൂ.
ചോദ്യം :-
ഈ സംഗമയുഗത്തില് നിങ്ങളുടെ പക്കലുള്ള ഏറ്റവും സംരക്ഷിക്കേണ്ട വിലപിടിച്ച വസ്തു
ഏതാണ്?
ഉത്തരം :-
ഈ
സര്വ്വോത്തമ ബ്രാഹ്മണ ജന്മത്തില് താങ്കളുടെ ഈ ജീവിതം വളരെ അമൂല്യമാണ്. ഈ
ശരീരത്തെ തീര്ച്ചയായും സംരക്ഷിക്കണം. ഇതു മണ്ണുകൊണ്ടുള്ള പാവയല്ലേ, എപ്പോഴായാലും
നശിച്ചു പോകും അങ്ങനെ ചിന്തിക്കരുത്. ഇതിനെ ആരോഗ്യത്തോടെ വ്ക്കെണം.
ആര്ക്കെങ്കിലും അസുഖം വന്നാല് അവരോട് മടുപ്പ് തോന്നരുത്. അവരോടു പറയൂ- നിങ്ങള്
ശിവബാബയെ ഓര്മ്മിക്കൂ. എത്രത്തോളം ഓര്മ്മിക്കുന്നുവോ അത്രയും പാപം ഇല്ലാതാകും.
അവരുടേയും സേവനം ചെയ്യണം, ജീവിച്ചിരിക്കട്ടെ, ശിവബാബയെ ഓര്മ്മിക്കട്ടെ.
ഓംശാന്തി.
ജ്ഞാനത്തിന്റെ മൂന്നാമത്തെ നേത്രം നല്കുന്ന ആത്മീയ അച്ഛനിരുന്ന് ആത്മീയ
കുട്ടികള്ക്ക് മനസ്സിലാക്കിത്തരുന്നു. ബാബക്കല്ലാതെ മറ്റാര്ക്കും ജ്ഞാനത്തിന്റെ
മൂന്നാമത്തെ നേത്രം നല്കാന് സാധിക്കില്ല. ഇപ്പോള് നിങ്ങള് കുട്ടികള്ക്ക്
ജ്ഞാനത്തിന്റെ മൂന്നാമത്തെ നേത്രം ലഭിച്ചിരിക്കുകയാണ്. ഈ പഴയ ലോകം മാറുവാന്
പോകുകയാണ് എന്ന് നിങ്ങള് കുട്ടികള്ക്കറിയാം. ആരാണ് മാറ്റുന്നത് എങ്ങനെയാണ്
മാറ്റുന്നത് എന്ന് പാവങ്ങളായ മനുഷ്യര്ക്കറിയില്ല. കാരണം അവര്ക്ക് ജ്ഞാനത്തിന്റെ
മൂന്നാമത്തെ നേത്രം ഇല്ല. നിങ്ങള് കുട്ടികള്ക്ക് ജ്ഞാനത്തിന്റെ മൂന്നാമത്തെ
നേത്രം ലഭിച്ചിരിക്കുകയാണ്. അതിലൂടെ നിങ്ങള് സൃഷ്ടിയുടെ ആദി- മധ്യ -അന്ത്യത്തെ
അറിഞ്ഞു കഴിഞ്ഞു. ഇതാണ് ജ്ഞാനത്തിന്റെ സാക്രീന്. സാക്രിന്റെ ചെറിയൊരു കഷ്ണം പോലും
എത്ര മധുരമുള്ളതായിരിക്കും. ജ്ഞാനത്തിന്റെ ഒരേ ഒരു ശബ്ദമാണ് മന്മനാഭവ. സ്വയം
ആത്മാവാണെന്ന് മനസ്സിലാക്കി ബാബയെ ഓര്മ്മിക്കൂ. ബാബ ശാന്തിധാമത്തിന്റേയും
സുഖധാമത്തിന്റേയും വഴി പറഞ്ഞുതരികയാണ്. കുട്ടികള്ക്ക് സ്വര്ഗ്ഗത്തിന്റെ സമ്പത്ത്
നല്കുന്നതിന് വേണ്ടിയാണ് ബാബ വന്നിരിക്കുന്നത്. അപ്പോള് കുട്ടികള്ക്ക് എത്ര
മാത്രം സന്തോഷം വേണം. സന്തോഷം പോലൊരു ഔഷധം വേറെയില്ല എന്ന് പറയാറില്ലേ. സദാ
സന്തോഷത്തിലും ആനന്ദത്തിലും ഇരിക്കുന്നവര്ക്ക് അതൊരു ഔഷധം തന്നെയാണ്.
21ജന്മത്തേക്ക് ആനന്ദത്തോടെ ഇരിക്കുവാനുള്ള ഒരു ശക്തമായ ഔഷധമാണിത്. ഈ ഔഷധം
എല്ലായ്പ്പോഴും കഴിപ്പിക്കൂ. ഇതാണ് പരസ്പരം ചെയ്യാവുന്ന ഏറ്റവും ഗംഭീരമായ
സത്കാരം. ഇങ്ങിനെയൊരു സത്കാരം ഒരു മനുഷ്യനും മറ്റൊരാള്ക്ക് നല്കാന് സാധിക്കില്ല.
നിങ്ങള് കുട്ടികള് ശ്രീമതമനുസരിച്ച് സര്വ്വരുടേയും ആത്മീയ പാലന ചെയ്യുന്നു.
ആര്ക്കെങ്കിലും ബാബയുടെ പരിചയം നല്കുക എന്നതാണ് സത്യം സത്യമായ സുഖവിവരം.
മധുരമായ കുട്ടികള്ക്കറിയാം, പരിധിയില്ലാത്ത ബാബയില് നിന്നും ജീവന്മുക്തിയുടെ
ഉപഹാരം നമുക്ക് ലഭിച്ചിരിക്കുകയാണ്. സത്യയുഗത്തില് ഭാരതം ജീവന്മുക്തമായിരുന്നു
പാവനമായിരുന്നു. ബാബ വളരെ ഉയര്ന്ന ഔഷധം കഴിപ്പിക്കുന്നു, അതുകൊണ്ടാണ്
അതീന്ദ്രിയസുഖം എന്തെന്നറിയണമെങ്കില് ഗോപ ഗോപികമാരോടു ചോദിക്കൂ എന്ന് പാടുന്നത്.
ജ്ഞാന യോഗത്തിന്റെ അതിശയകരമായ ഫസ്റ്റ്ക്ളാസ്സ് ഔഷധമാണിത്, ഈ ഔഷധം ഒരേ ഒരു
ആത്മീയ സര്ജന്റെ പക്കല് മാത്രമാണുള്ളത്. മറ്റാര്ക്കും ഈ
ഔഷധത്തെക്കുറിച്ചറിയില്ല. ബാബ പറയുന്നു മധുരമായ കുട്ടികളേ, നിങ്ങള്ക്ക് വേണ്ടി
കൈവെള്ളയില് ഉപഹാരവുമായി വന്നിരിക്കുകയാണ്. മുക്തിയുടേയും ജീവന്മുക്തിയുടേയും ഈ
ഉപഹാരം എന്റെ പക്കല് മാത്രമാണുള്ളത്. കല്പ-കല്പം ഞാന് വന്ന് ഈ ഉപഹാരം തരുന്നു
പിന്നീട് രാവണന് അതു തട്ടിയെടുക്കുന്നു. ഇപ്പോള് നിങ്ങള് കുട്ടികള്ക്ക് എത്ര
ഉയര്ന്ന സന്തോഷം ഉണ്ടായിരിക്കണം. നിങ്ങള് കുട്ടികള്ക്കറിയാം നമ്മുടെ ഒരേയൊരു
അച്ഛനും, ടീച്ചറും, സദ്ഗുരുവുമായ ബാബ നമ്മളെ ഒപ്പം കൊണ്ടു പോകുവാന് വേണ്ടി
വന്നിരിക്കുന്നു. ഏറ്റവും പ്രിയപ്പെട്ട ബാബയില് നിന്നും വിശ്വത്തിന്റെ
ചക്രവര്ത്തീ പദവി ലഭിക്കുന്നു. ഇതു കുറഞ്ഞകാര്യമാണോ? കുട്ടികള് സദാ
ഹര്ഷിതരായിരിക്കണം. ഗോഡ്ലി സ്റ്റുഡന്റ് ലൈഫ് ഈസ് ദി ബെസ്റ്റ് (ഈശ്വരീയ
വിദ്യാര്ത്ഥി ജീവിതമാണ് ഏറ്റവും നല്ല ജീവിതം). ഇത് ഈ സമയത്തെ മഹിമയാണ്. പിന്നീട്
പുതിയ ലോകത്തില് നിങ്ങള് സദാ സന്തോഷം ആഘോഷിച്ചുകൊണ്ടിരിക്കും. മനുഷ്യര്ക്ക്
സത്യയുഗത്തെക്കുറിച്ചുള്ള ജ്ഞാനമില്ല അതുകൊണ്ട് ഇവിടെ തന്നെ ആഘോഷിക്കുന്നു.
പക്ഷേ ഈ പഴയ തമോപ്രാധാന ലോകത്തില് സന്തോഷം എവിടെ ലഭിക്കാനാണ്. ഇവിടെ അറിയില്ല,
അറിയില്ല എന്ന് പറഞ്ഞുകൊണ്ടിരിക്കുന്നു. എത്ര ദു:ഖം നിറഞ്ഞ ലോകമാണ്.
ബാബ നിങ്ങള് കുട്ടികള്ക്ക് എത്ര സഹജമായ വഴി പറഞ്ഞു തരുന്നു. ഗൃഹസ്ഥ
വ്യവഹാരത്തിലിരുന്ന് കമലപുഷ്പ സമാനമാകൂ. ജോലിക്കാര്യങ്ങളെല്ലാം ചെയ്തുകൊണ്ടും
എന്നെ ഓര്മ്മിക്കൂ. പ്രിയതമനും പ്രിയതമയും പരസ്പരം ഓര്മ്മിച്ചുകൊണ്ടിരിക്കുന്നതു
പോലെ. ഒരു പ്രിയതമന് ഒരു പ്രിയതമയായിരിക്കും. ഇവിടെ അങ്ങനെയല്ല. ഇവിടെ നിങ്ങള്
എല്ലാവരും ഒരു പ്രിയതമന്റെ ജന്മജന്മാന്തരങ്ങളിലെ പ്രിയതമകളാണ്. ബാബ ഒരിക്കലും
നിങ്ങളുടെ പ്രിയതമയാകുന്നില്ല. നിങ്ങള് ആ പ്രിയതമന് വരുന്നതിന് വേണ്ടി
ഓര്മ്മിച്ചു കൊണ്ടേയിരുന്നു. ദു:ഖം കൂടുമ്പോള് കൂടുതല് ഓര്മ്മിക്കുമായിരുന്നു.
അതുകൊണ്ടാണ് പറയുന്നത് ദു:ഖത്തില് സര്വ്വരും സ്മരിക്കും സുഖത്തില് ആരും
സ്മരിക്കുന്നില്ല. ഈ സമയം ബാബയെപ്പോലെ മായയും ദിനപ്രതിദിനം
സര്വ്വശക്തിവാനാകുന്നു. തമോപ്രാധാനമാക്കുന്നു അതുകൊണ്ടിപ്പോള് ബാബ പറയുന്നു
മധുരമായ കുട്ടികളേ,ദേഹി അഭിമാനിയാകൂ. സ്വയം ആത്മാവാണെന്ന് മനസ്സിലാക്കി ബാബയെ
ഓര്മ്മിക്കൂ, ഒപ്പം ദൈവീക ഗുണങ്ങളും ധാരണ ചെയ്യൂ. എങ്കില് നിങ്ങളീ ലക്ഷ്മീ-
നാരായണനെപ്പോലെയാകും. ഈ പഠനത്തില് മുഖ്യമായ കാര്യം ഓര്മ്മ തന്നെയാണ്.
ഉയര്ന്നതിലും ഉയര്ന്ന ബാബയെ വളരെ സ്നേഹത്തോടെ ഓര്മ്മിക്കണം. ഉയര്ന്നതിലും,
ഉയര്ന്ന ബാബ തന്നെയാണ് പുതിയ ലോകം സ്ഥാപിക്കുന്നത്. ബാബ പറയുന്നു, നിങ്ങള്
കുട്ടികളെ വിശ്വത്തിന്റെ അധികാരികളാക്കുന്നതിന് വേണ്ടി ഞാന് വന്നിരിക്കുകയാണ്.
ഇപ്പോള് എന്നെ ഓര്മ്മിക്കൂ, എങ്കില് അനേക ജന്മങ്ങളിലെ പാപം ഇല്ലാതാകും. പതിത
പാവനനായ ബാബ പറയുന്നു നിങ്ങള് വളരെ പതിതമായിപ്പോയി അതുകൊണ്ട് എന്നെ ഓര്മ്മിക്കൂ
എങ്കില് നിങ്ങള് പാവനമായി പാവന ലോകത്തിന്റെ അധികാരിയാകും. പതിതപാവനന് എന്ന്
ബാബയെ മാത്രമാണ് വിളിക്കുന്നത്. ഇപ്പോള് ബാബ വന്നിരിക്കുന്നു അതുകൊണ്ട്
പാവനമാകുക തന്നെ വേണം. ബാബ ദുഖത്തെ ഇല്ലാതാക്കി സുഖം നല്കുന്നു. സത്യയുഗത്തില്
പാവനലോകം ഉണ്ടായിരുന്നപ്പോള് സര്വ്വരും സുഖികളായിരുന്നു. ഇപ്പോള് ബാബ വീണ്ടും
പറയുന്നു, കുട്ടികളേ, ശാന്തിധാമത്തേയും സുഖധാമത്തിനേയും ഓര്മ്മിക്കൂ. ഇപ്പോള്
സംഗമയുഗമാണ്. തോണിക്കാരന് നിങ്ങളെ ഇക്കരെയില് നിന്നും അക്കരയിലേക്കു കൊണ്ടു
പോകുന്നു. വെറുമൊരു തോണിയല്ല, മുഴുവന് ലോകവും ഒരു കപ്പലു പോലെയാണ്. അതിനെ
അക്കരെയെത്തിക്കുന്നു.
നിങ്ങള് മധുരമധുരമായ കുട്ടികള്ക്ക് എത്ര മാത്രം സന്തോഷം ഉണ്ടായിരിക്കണം.
നിങ്ങള്ക്ക് സദാ സന്തോഷം തന്നെ സന്തോഷമാണ്. പരിധിയില്ലാത്ത ബാബ നമ്മളെ
പഠിപ്പിച്ചു കൊണ്ടിരിക്കുകയാണ്. ആഹാ! ഇങ്ങനെയൊരിക്കലും കേട്ടിട്ടുമില്ല,
വായിച്ചിട്ടുമില്ല. ഭഗവാനുവാച: ഞാന് നിങ്ങള് ആത്മീയ കുട്ടികളെ രാജയോഗം
പഠിപ്പിച്ചു കൊണ്ടിരിക്കുന്നു. അതുകൊണ്ട് പൂര്ണ്ണമായും പഠിക്കണം, ധാരണ ചെയ്യണം.
പൂര്ണ്ണമായ രീതിയില് പഠിക്കണം. പഠനത്തില് സാധാരണയായി നമ്പര്വാറായിരിക്കും. സ്വയം
നോക്കണം, ഞാന് ഉത്തമനാണോ, മധ്യമനാണോ, അതോ കനിഷ്ഠനാണോ എന്ന്. ബാബ പറയുന്നു സ്വയം
നോക്കൂ ഞാന് ഉയര്ന്ന പദവി നേടുവാന് യോഗ്യനായോ? ആത്മീയ സേവനം ചെയ്യുന്നുണ്ടോ?
കാരണം ബാബ പറയുന്നു കുട്ടികളേ, സര്വ്വീസബിളാകൂ, ഫോളോ ചെയ്യൂ. ഞാന്
വന്നിരിക്കുന്നതു തന്നെ സേവനം ചെയ്യുന്നതിന് വേണ്ടിയാണ്. ദിവസവും സേവനം
ചെയ്യുന്നു അതുകൊണ്ടാണ് ഈ രഥം സ്വീകരിച്ചിരിക്കുന്നത്. ഇദ്ദേഹത്തിന്റെ രഥത്തിന്
അസുഖം വന്നാല് ഞാന് ഇതിലിരുന്ന് മുരളി എഴുതും. സംസാരിക്കുവാന്
സാധിക്കുന്നില്ലെങ്കില് ഞാന് എഴുതുന്നു. കാരണം കുട്ടികള്ക്ക് മുരളി മുടങ്ങുവാന്
പാടില്ല അതുകൊണ്ട് ഞാനും സേവനത്തില് തന്നെയാണ്. ഇതാണ് ആത്മീയ സേവനം. അതുകൊണ്ട്
നിങ്ങള് കുട്ടികളും സേവനത്തില് മുഴുകൂ. ഓണ് ഗോഡ്ഫാദര്ലി സര്വ്വീസ്. നല്ല
പുരുഷാര്ത്ഥം ചെയ്യുന്നവരെ, നല്ല സേവനം ചെയ്യുന്നവരെ മഹാവീരന് എന്ന്
വിളിക്കുന്നു. ബാബയുടെ നിര്ദ്ദേശം അനുസരിച്ചു നടക്കുന്ന എത്ര മഹാവീരന്മാരുണ്ട്
എന്ന് നോക്കാറുണ്ട്. ബാബയുടെ ആജ്ഞയാണ് സ്വയം ആത്മാവാണെന്ന് മനസ്സിലാക്കി
സഹോദരന്മാരെ നോക്കൂ. ഈ ശരീരത്തെ മറക്കൂ. ബാബയും ശരീരത്തെ നോക്കുന്നില്ല. ബാബ
പറയുന്നു ഞാന് ആത്മാവിനെയാണ് നോക്കുന്നത്. ആത്മാവിന് ശരീരമില്ലാതെ
സംസാരിക്കുവാന് സാധിക്കില്ല എന്ന ജ്ഞാനമുണ്ടല്ലോ. ഞാനും ഈ ശരീരത്തില്
വന്നിരിക്കുകയാണ്, ലോണെടുത്തിരിക്കുകയാണ്. ശരീരത്തിനോടൊപ്പമേ ആത്മാവിന്
പഠിക്കുവാന് സാധിക്കൂ. ബാബയുടെ ഇരിപ്പിടവും ഈ ഭൃകുടി തന്നെയാണ്. ഇതാണ് അകാല
സിംഹാസനം. ആത്മാവ് അകാലമൂര്ത്തിയാണ്. ആത്മാവ് ഒരിക്കലും ചെറുതും വലുതുമാകില്ല.
ശരീരം ചെറുതും വലുതുമാകുന്നു. ഏതെല്ലാം ആത്മാക്കളാണോ ഉള്ളത് സര്വ്വരുടേയും
സിംഹാസനം ഈ ഭൃകുടി തന്നെയാണ്. ഓരോരുത്തര്ക്കും വേറെവേറെ ശരീരങ്ങളുണ്ട്. ചിലരുടെ
അകാല സിംഹാസനം പുരുഷന്റേതായിരിക്കും ചിലരുടെ അകാല സിംഹാസനം സ്ത്രീയുടേതായിരിക്കും.
ചിലരുടെ അകാല സിംഹാസനം കുട്ടികളുടേതായിരിക്കും. ബാബയിരുന്ന് കുട്ടികളെ
ആത്മീയഡ്രില് പഠിപ്പിക്കുന്നു. ആരോടെങ്കിലും സംസാരിക്കുമ്പോള് ആദ്യം സ്വയം
ആത്മാവാണെന്ന് മനസ്സിലാക്കൂ. ഞാന് ആത്മാവ് ഇന്ന സഹോദരനോടു സംസാരിക്കുകയാണ്.
ബാബയുടെ സന്ദേശം കൊടുക്കുന്നു- ശിവബാബയെ ഓര്മ്മിക്കൂ. ഓര്മ്മയിലൂടെ തന്നെയാണ്
അഴുക്ക് ഇളകി പോകുന്നത്. സ്വര്ണ്ണത്തില് എപ്പോഴാണോ കലര്പ്പ് ചേരുന്നത് അപ്പോള്
സ്വര്ണ്ണത്തിന്റെ മൂല്ല്യം കുറയുന്നു. നിങ്ങള് ആത്മാക്കളിലും അഴുക്കു
പിടിച്ചതുകാരണം മൂല്ല്യമില്ലാത്തവരായി മാറി. ഇപ്പോള് വീണ്ടും പാവനമാകണം. നിങ്ങള്
ആത്മാക്കള്ക്ക് ഇപ്പോള് ജ്ഞാനത്തിന്റെ മൂന്നാമത്തെ നേത്രം ലഭിച്ചിരിക്കുകയാണ്.
ആ നേത്രത്തിലൂടെ തന്റെ സഹോദരന്മാരെ നോക്കൂ. സഹോദരന്മാരെ നോക്കിയാല് ദൃഷ്ടി
ചഞ്ചലമാകില്ല. രാജ്യഭാഗ്യം നേടണം വിശ്വത്തിന്റെ അധികാരിയാകണമെങ്കില്
ഇങ്ങനെയെല്ലാം പരിശ്രമിക്കണം. സഹോദരങ്ങളാണെന്ന് മനസ്സിലാക്കി സര്വ്വര്ക്കും
ജ്ഞാനം നല്കൂ. പിന്നീട് ഈ ശീലം ഉറക്കും. നിങ്ങള് സര്വ്വരും സത്യമായ സഹോദന്മാരാണ്.
ബാബയും മുകളില് നിന്ന് വന്നിരിക്കുകയാണ്, നിങ്ങളും വന്നിരിക്കുകയാണ്. നിങ്ങള്
കുട്ടികള് ഉള്പ്പെടെയുള്ളവരുടെ സേവനം ചെയ്തുകൊണ്ടിരിക്കുകയാണ്. സേവനം
ചെയ്യുവാനുള്ള ധൈര്യം ബാബ നല്കുന്നു. ധൈര്യശാലി കുട്ടികളെ ബാബ സഹായിക്കുന്നു.
അതുകൊണ്ട് നിങ്ങള് ഈ പ്രാക്ടീസ് ചെയ്യണം. ഞാന് ആത്മാവ് സഹോദരനെയാണ്
പഠിപ്പിക്കുന്നത്. ആത്മാവല്ലെ പഠിക്കുന്നത്. ഇതിനെ സ്പിരിച്വല് നോളെജ് എന്ന്
പറയുന്നു, ജ്ഞാനം ആത്മീയ അച്ഛനില് നിന്നാണ് ലഭിക്കുന്നത്. സംഗമയുഗത്തില് ബാബ
വന്ന് സ്വയം ആത്മാവാണെന്ന് മനസ്സിലാക്കൂ എന്ന ജ്ഞാനം നല്കുന്നു. നിങ്ങള്
വിവസ്ത്രരായാണ് വന്നത്. പിന്നീട് ഇവിടെ ശരീരം ധാരണ ചെയ്ത് നിങ്ങള് 84
ജന്മങ്ങളുടെ പാര്ട്ടഭിനയിച്ചു. ഇപ്പോള് തിരിച്ചു മടങ്ങണം അതുകൊണ്ട് സ്വയം
ആത്മാവാണെന്ന് മനസ്സിലാക്കി സഹോദര-സഹോദര ദൃഷ്ടിയില് കാണണം. ഇങ്ങനെ പരിശ്രമിക്കണം.
തനിക്കു വേണ്ടി പരിശ്രമിക്കണം. മറ്റുള്ളവരെ നോക്കേണ്ട ആവശ്യമില്ല. ചാരിറ്റി
ബിഗിന്സ് അറ്റ് ഹോം (സേവനം വീട്ടില് നിന്നാരംഭിക്കണം). അര്ത്ഥം ആദ്യം സ്വയം
ആത്മാവാണെന്ന് മനസ്സിലാക്കി പിന്നീട് സഹോദരങ്ങള്ക്ക് പറഞ്ഞു കൊടുക്കണം. അപ്പോള്
നല്ല രീതിയില് അമ്പു തറക്കും. മൂര്ച്ച കൂട്ടണം. പരിശ്രമിച്ചാലേ ഉയര്ന്ന പദവി
ലഭിക്കൂ. ഇക്കാര്യത്തില് അല്പം സഹിക്കേണ്ടിയും വരും. ആരെങ്കിലും ആവശ്യമില്ലാത്ത
കാര്യങ്ങള് സംസാരിച്ചാല് നിങ്ങള് നിശബ്ദരായിരിക്കൂ. നിങ്ങള് നിശബ്ദമായിരുന്നാല്
പിന്നീട് മറ്റുള്ളവര് എന്തു ചെയ്യാനാണ്? രണ്ടു കൈയ്യും അടിക്കുമ്പോഴാണ്
ശബ്ദമുണ്ടാകുന്നത്. ഒരാള് വായ് കൊണ്ടു ശബ്ദമുണ്ടാക്കുമ്പോള് അടുത്തയാള്
നിശബ്ദനായിരുന്നാല് അവരും സ്വതവേ നിശബ്ദരാകും. രണ്ടു കൈയ്യടിക്കുമ്പോഴാണ്
ശബ്ദമുണ്ടാകുന്നത്. കുട്ടികള്ക്ക് പരസ്പരം മംഗളം ചെയ്യണം. ബാബ
മനസ്സിലാക്കിത്തരുന്നു, കുട്ടികളേ സദാ സന്തോഷത്തില് ഇരിക്കുവാന്
ആഗ്രഹിക്കുന്നുവെങ്കില് മന്മനാഭവയാകൂ. സ്വയം ആത്മാവാണെന്ന് മനസ്സിലാക്കി ബാബയെ
ഓര്മ്മിക്കൂ. സഹോദരങ്ങളെ കാണൂ. കുട്ടികള്ക്ക് ആത്മീയ യാത്ര ചെയ്യുന്ന ശീലം
കൊണ്ടു വരണം. ഇതെല്ലാം നിങ്ങള്ക്ക് തന്നെ നേട്ടമുണ്ടാക്കുന്ന കാര്യങ്ങളാണ്.
ബാബയുടെ ശിക്ഷണം സഹോദരങ്ങള്ക്ക് നല്കണം. ബാബ പറയുന്നു, ഞാന് നിങ്ങള്ക്ക് ജ്ഞാനം
നല്കിക്കൊണ്ടിരിക്കുകയാണ്. ആത്മാവിനെ തന്നെ കാണണം. മനുഷ്യര് മനുഷ്യരോടു
സംസാരിക്കുമ്പോള് മുഖത്തു നോക്കാറില്ലേ. നിങ്ങള് ആത്മാക്കളോടു സംസാരിക്കുമ്പോള്
ആത്മാവിനെ തന്നെ നോക്കണം. ശരീരത്തിലൂടെയാണ് ജ്ഞാനം നല്കുന്നത് എന്നാല്
ശരീരത്തിന്റെ ബോധം ഉപേക്ഷിക്കണം. നിങ്ങള് ആത്മാക്കള്ക്കറിയാം പരമാത്മാവായ പിതാവ്
നമുക്ക് ജ്ഞാനം നല്കിക്കൊണ്ടിരിക്കുകയാണ്. ബാബയും പറയുന്നു, ഞാന് ആത്മാക്കളെ
മാത്രമാണ് കാണുന്നത്. ആത്മാക്കളും പറയുന്നു ഞങ്ങള് പരമാത്മാവിനെ തന്നെയാണ്
നോക്കിക്കൊണ്ടിരിക്കുന്നത്. ബാബയില് നിന്നും ജ്ഞാനം എടുത്തുകൊണ്ടിരിക്കുകയാണ്
ആത്മീയ ജ്ഞാനത്തിന്റെ കൊടുക്കല് വാങ്ങല് എന്ന് ഇതിനെയാണ് പറയുന്നത്. ആത്മാവ്
ആത്മാവുമായി കൊടുക്കല് വാങ്ങല് നടത്തുന്നു. ആത്മാവില് തന്നെയാണ് ജ്ഞാനമുള്ളത്.
ആത്മാവിന് തന്നെയാണ് ജ്ഞാനം നല്കേണ്ടതും. ഇത് ശരിക്കും മൂര്ച്ച കൂട്ടുന്നതു
പോലെയാണ്. നിങ്ങളുടെ ജ്ഞാനത്തില് ഈ മൂര്ച്ച നിറയും. അങ്ങനെ ആര്ക്ക് ഈ ജ്ഞാനം
പറഞ്ഞുകൊടുത്താലും ക്ഷണത്തില് അമ്പേക്കും. ബാബ പറയുന്നു പ്രാക്ടീസ് ചെയ്തു
നോക്കൂ, അമ്പേല്ക്കുമല്ലോ? ഈയൊരു പുതിയ ശീലം കൊണ്ടു വന്നാല് ശരീരത്തിന്റെ ബോധം
ഇല്ലാതാകും. മായയുടെ കൊടുങ്കാറ്റും കുറയും. മോശമായ സങ്കല്പങ്ങള് വരില്ല.
ക്രിമിനല് ദൃഷ്ടി വരില്ല. നമ്മള് ആത്മാക്കള് 84ന്റെ ചക്രം കറങ്ങിവന്നു. ഇപ്പോള്
നാടകം പൂര്ത്തിയായി. ഇപ്പോള് ബാബയുടെ ഓര്മ്മയില് ഇരിക്കണം. ഓര്മ്മയിലൂടെ
തന്നെയാണ് തമോപ്രധാനത്തില് നിന്നും സതോപ്രധാനമായി, സതോപ്രധാന ലോകത്തിന്റെ
അധികാരിയാകുന്നത്. എത്ര സഹജമാണ്. കുട്ടികള്ക്ക് ഈ ശിക്ഷണം നല്കുക എന്നത് എന്റെ
പാര്ട്ടാണ് എന്ന് ബാബക്കറിയാം. പുതിയ കാര്യമൊന്നുമല്ല. ഓരോ 5000 വര്ഷത്തിന്
ശേഷവും എനിക്കു വരേണ്ടി വരുന്നു. ഞാന് ബന്ധിക്കപ്പെട്ടിരിക്കുന്നു.
കുട്ടികള്ക്കിരുന്ന് മനസ്സിലാക്കിത്തരുന്നു, മധുരമായ കുട്ടികളേ, ആത്മീയമായ
ഓര്മ്മയുടെ യാത്രയില് ഇരിക്കൂ എങ്കില് അന്തിമസമയത്തെ ബുദ്ധിപോലെ ഗതിയും ഉണ്ടാകും.
ഇത് അന്തിമകാലമല്ലേ! എന്നെ മാത്രം ഓര്മ്മിക്കൂ എങ്കില് നിങ്ങളുടെ സദ്ഗതിയുണ്ടാകും.
ഓര്മ്മയുടെ യാത്രയിലൂടെ അടിത്തറ ശക്തിശാലിയാകും. ദേഹീ അഭിമാനിയാകുവാനുള്ള
ശിക്ഷണം ഒരൊറ്റം പ്രാവശ്യം മാത്രമാണ് നിങ്ങള്ക്ക് ലഭിക്കുന്നത്. എത്ര
അതിശയകരമായ ജ്ഞാനമാണിത്. ഒരിക്കലും ആര്ക്കും പറയുവാന് സാധിക്കില്ല. ഇപ്പോള്
തിരിച്ചു വീട്ടിലേക്കു പോകണം അതുകൊണ്ട് ബാബ പറയുന്നു മധുരമായ കുട്ടികളേ ,ഇത്
അഭ്യസിക്കൂ. സ്വയം ആത്മാവാണെന്ന് മനസ്സിലാക്കി ആത്മാവിന് ജ്ഞാനം നല്കൂ.
മൂന്നാമത്തെ നേത്രത്തിലൂടെ സഹോദരനെ നോക്കൂ. ഇത് വളരെ പരിശ്രമമുള്ള കാര്യമാണ്.
നിങ്ങള് ബ്രാഹ്മണരുടെ സര്വ്വോത്തമമായ ഉയര്ന്നതിലും ഉയര്ന്ന കുലമാണിത്. ഈ സമയത്ത്
നിങ്ങളുടെ ജീവിതം വളരെ അമൂല്യമായതാണ്. അതുകൊണ്ട് ഈ ശരീരത്തെ നന്നായി
സംരക്ഷിക്കണം. തമോപ്രധാനമായതു കാരണം ശരീരത്തിന്റെ ആയുസ്സും
കുറഞ്ഞുപോയിരിക്കുന്നു. നിങ്ങളിപ്പോള് എത്രത്തോളം യോഗം ചെയ്യുന്നുവോ അത്രത്തോളം
ആയുസ്സും വര്ദ്ധിക്കും. സത്യയുഗത്തില് നിങ്ങളുടെ ഉയര്ന്ന ആയുസ്സ് 150
വര്ഷമായിരിക്കും. അതുകൊണ്ട് ശരീരത്തെ നന്നായി സംരക്ഷിക്കണം. ഇതു മണ്ണുകൊണ്ടുള്ള
പാവയാണ്, അങ്ങ് നശിച്ചു പോകട്ടെ, അങ്ങനെ ചിന്തിക്കരുത്. ശരീരത്തെ
ജീവസ്സുറ്റതാക്കി വയ്ക്കണം. ഇത് അമൂല്യമായ ജീവിതമല്ലേ? ആര്ക്കെങ്കിലും അസുഖം
വന്നലും അവരെപ്രതി മടുപ്പ് തോന്നരുത്. ശിവബാബയെ ഓര്മ്മിക്കൂ എന്ന് അവരോടും പറയൂ.
ബാബയെ എത്രത്തോളം ഓര്മ്മിക്കുന്നുവോ അത്രയും പാപം ഇല്ലാതാകും. അവരുടെയും സേവനം
ചെയ്യണം. ജീവിച്ചിരിക്കട്ടെ, ശിവബാബയെ ഓര്മ്മിക്കട്ടേ. ഞാന് ബാബയെയാണ്
ഓര്മ്മിക്കുന്നത് എന്ന വിവേകമുണ്ടല്ലോ? ആത്മാവ് സമ്പത്ത് പ്രാപ്തമാക്കുന്നതിന്
വേണ്ടി ബാബയെ ഓര്മ്മിക്കുന്നു. ശരി!
വളരെക്കാലത്തെ വേര്പാടിനുശേഷം തിരിച്ചുകിട്ടിയ മധുര-മധുരമായ കുട്ടികള്ക്ക്
മാതാവും പിതാവുമായ ബാപ്ദാദയുടെ സ്നേഹസ്മരണയും സുപ്രഭാതവും. ആത്മീയ അച്ഛന്റെ
ആത്മീയ കുട്ടികള്ക്ക് നമസ്കാരം.
ധാരണയ്ക്കുള്ള മുഖ്യ സാരം:-
1) സ്വയം
നോക്കണം ഞാന് പുരുഷാര്ത്ഥത്തില് ഉത്തമനാണോ? മധ്യമനാണോ? അതോ കനിഷ്ഠനാണോ? ഞാന്
ഉയര്ന്ന പദവി നേടുവാന് യോഗ്യനാണോ? ഞാന് ആത്മീയ സേവനം ചെയ്യുന്നുണ്ടോ?
2) മൂന്നാമത്തെ
നേത്രത്തിലൂടെ ആത്മാവിനെ, സഹോദരനെ നോക്കൂ. സഹോദരനാണെന്ന് മനസ്സിലാക്കി
സര്വ്വര്ക്കും ജ്ഞാനം കൊടുക്കൂ. ആത്മീയ സ്ഥിതിയില് ഇരിക്കുന്നതിന്റെ ശീലം കൊണ്ടു
വരൂ എങ്കില് കര്മ്മേന്ദ്രിയങ്ങള് ചഞ്ചലമാകില്ല.
വരദാനം :-
ബ്രഹ്മാബാബക്കുസമാനം മഹാത്യാഗത്തിലൂടെ മഹാഭാഗ്യമുണ്ടാക്കുന്ന, ഫരിഷ്തയില്നിന്നും
വിശ്വമഹാരാജനാകുന്നവരായി ഭവിക്കട്ടെ.
ആരാണോ ബ്രഹ്മാബാബയുടെ
ഓരോകര്മ്മങ്ങളാകുന്ന ചുവടുകളെയും പിന്തുടരുന്നത്, അവര്ക്കാണ ്ഫരിഷ്തയില്നിന്നും
വിശ്വമഹാരാജനാകുന്നതിനുള്ള വരദാനം ലഭിക്കുന്നത്. അവരുടെ മനസ്സ്,
ബുദ്ധി,സംസ്ക്കാരം എന്നിവ സദാ ബാബയില് സമര്പ്പണമായിരിക്കും. എങ്ങിനെയാണോ
ബ്രഹ്മാബാബ മഹാത്യാഗത്തിലൂടെ മഹാഭാഗ്യത്തെ പ്രാപ്തമാക്കിയത് അഥവാ സമ്പൂര്ണ്ണ
ഫരിഷ്തയും,നമ്പര്വണ് വിശ്വമഹാരാജനുമായിമാറിയത്,അങ്ങിനെ ബ്രഹ്മാബാബയുടെ ചുവടുകളെ
പിന്തുടരുന്ന കുട്ടികളും മഹാത്യാഗികളും, സര്വസ്വത്യാഗികളുമായി മാറുന്നു.
സംസ്ക്കാരങ്ങളിലെ വികാരങ്ങളുടെ അംശത്തെപ്പോലും അവര് ത്യാഗം ചെയ്യുന്നു.
സ്ലോഗന് :-
ഇപ്പോള്എല്ലാആശ്രയങ്ങളും ഇല്ലാതാകുന്നതാണ്,അതിനാല്ഒരേയൊരു ബാബയില് അഭയം
പ്രാപിക്കൂ.
തന്റെ ശക്തിശാലിയായ
മനസ്സിലൂടെ സകാശ് നല്കുന്ന സേവനം ചെയ്യൂ..
ഇത്രയും വലിയ പ്രകൃതിയെ
പരിവര്ത്തനം ചെയ്യുക,തമോഗുണിസംസ്ക്കാരങ്ങളുള്ള ആത്മാക്കളുടെ തമോഗുണി
വൈബ്രേഷന്സിനെ മാറ്റുക, മാത്രമല്ല അവനവനെയും ഈ രക്തച്ചൊരിച്ചിലിന്റെ
വായുമണ്ഢലത്തിന്റെ വൈബ്രേഷനില് നിന്നും സുരക്ഷിതമാക്കി വെക്കുകയും, ആ
ആത്മാക്കള്ക്കും സഹയോഗം നല്കുകയും ചെയ്യുക. ഇങ്ങിനെയുള്ള വിശാലമായകാര്യങ്ങള്
ചെയ്യുന്നതിനായി മനസ്സിനെ ശുഭഭാവനകളാല് സമ്പന്നവും,ശക്തിശാലിയുമാക്കി മാറ്റണം.