മധുരമായ കുട്ടികളേ -
നിങ്ങള് ബാബയുടെ അടുത്ത് വന്നിരിക്കുന്നത് തന്റെ സ്വഭാവം ശ്രേഷ്ഠമാക്കുന്നതിനാണ്,
നിങ്ങള്ക്കിപ്പോള് ദൈവീക സ്വഭാവം ഉണ്ടാക്കണം
ചോദ്യം :-
കണ്ണുകള് അടച്ചിരിക്കുരുത് എന്ന് നിങ്ങള് കുട്ടികളോട് പറയാനുളള കാരണമെന്താണ്?
ഉത്തരം :-
എന്തുകൊണ്ടെന്നാല് ദൃഷ്ടിയിലൂടെ സായൂജ്യമടയിക്കുന്ന ബാബ നിങ്ങളുടെ മുന്നിലുണ്ട്.
അഥവാ കണ്ണുകള് അടച്ചിരിക്കുകയാണെങ്കില് എങ്ങനെ സായൂജ്യമടയും. സ്കൂളില് കണ്ണുകള്
അടച്ചല്ല ഇരിക്കുക. കണ്ണുകള് അടച്ചാല് ഉറക്കം വരും. നിങ്ങള് കുട്ടികള് സ്കൂളില്
പഠിപ്പ് പഠിച്ചുകൊണ്ടിരിക്കുകയാണ്. ഇത് സമ്പാദ്യത്തിന്റെ ഉറവിടമാണ്.
ലക്ഷങ്ങളുടെയും, കോടികളുടെയും സമ്പാദ്യമുണ്ടായിക്കൊണ്ടിരിക്കുകയാണ്.
സമ്പാദ്യത്തില് ഒരിക്കലും അലസ്യമോ ഉദാസീനതയോ വരികയില്ല.
ഓംശാന്തി.
മധുര-മധുരമായ ആത്മീയ കുട്ടികളെ പ്രതി ബാബ മനസ്സിലാക്കിത്തരുന്നു. ഇത്
കുട്ടികള്ക്ക് അറിയാം ആത്മീയ അച്ഛന് പരംധാമത്തില് നിന്നും വന്ന് നമ്മെ
പഠിപ്പിച്ചുകൊണ്ടിരിക്കുകയാണ്. എന്താണ് പഠിപ്പിച്ചുകൊണ്ടിരിക്കുന്നത്?
ആത്മാവിന്റെ യോഗം ബാബയുമായി വെക്കാന് പഠിപ്പിക്കുകയാണ്, ഇതിനെയാണ് ഓര്മ്മയുടെ
യാത്രയെന്നു പറയുന്നത്. ഇതും മനസ്സിലാക്കിത്തന്നിട്ടുണ്ട് - മധുരമായ ആത്മീയ
കുട്ടികളേ ബാബയെ ഓര്മ്മിച്ച്-ഓര്മ്മിച്ച് നിങ്ങള് പവിത്രമായി തന്റെ പവിത്രമായ
ശാന്തിധാമത്തിലേക്ക് എത്തിച്ചേരുന്നു. എത്ര സഹജമായാണ് മനസ്സിലാക്കിത്തരുന്നത്.
സ്വയം ആത്മാവെന്നു മനസ്സിലാക്കൂ, തന്റെ പ്രിയതമനായ പരിധിയില്ലാത്ത ബാബയെ
ഓര്മ്മിക്കൂ എന്നാല് നിങ്ങളുടെ ജന്മ-ജന്മാന്തരത്തിലെ പാപങ്ങള്
ഭസ്മമായിത്തീരുന്നു. ഇതിനെയാണ് യോഗാഗ്നിയെന്നു പറയുന്നത്. ബാബ തന്നെ ഓരോ 5000
വര്ഷങ്ങള്ക്കു ശേഷവും വന്ന് പഠിപ്പിക്കുന്ന ഭാരതത്തിലെ പ്രാചീന രാജയോഗം ഇതാണ്.
പരിധിയില്ലാത്ത ബാബ തന്നെയാണ് ഭാരതത്തില്, ഈ സാധാരണ ശരീരത്തിലേക്ക് വന്ന്
നിങ്ങള് കുട്ടികള്ക്ക് മനസ്സിലാക്കിത്തരുന്നത്. ഈ ഓര്മ്മയിലൂടെ മാത്രമാണ്
നിങ്ങളുടെ ജന്മ-ജന്മാന്തരത്തിലെ പാപങ്ങള് നശിക്കുന്നത് കാരണം ബാബ പതിതപാവനനും
സര്വ്വശക്തനുമാണ്. നിങ്ങള് ആത്മാക്കളുടെ ബാറ്ററി ഇപ്പോള്
തമോപ്രധാനമായിരിക്കുകയാണ്. ബാറ്ററി ആദ്യം സതോപ്രധാനമായിരുന്നു, ഇനി നിങ്ങള്ക്ക്
സതോപ്രധാന ലോകത്തേക്ക് പോകാനായി അഥവാ ശാന്തിധാമമാകുന്ന വീട്ടിലേക്ക് പോകാനായി
ഇപ്പോള് വീണ്ടും എങ്ങനെ സതോപ്രധാനമായി മാറാന് സാധിക്കും. കുട്ടികള്ക്ക് ഇത്
നല്ല രീതിയില് ഓര്മ്മയില് വെക്കണം. ബാബ കുട്ടികള്ക്ക് ഈ ഒരേയൊരു ഡോസാണ്
നല്കുന്നത്. നിങ്ങള്ക്ക് എഴുന്നേല്ക്കുമ്പോഴും-ഇരിക്കുമ്പോഴും,
നടക്കുമ്പോഴും-കറങ്ങുമ്പോഴും ഈ ഓര്മ്മയുടെ യാത്ര ചെയ്യാന് സാധിക്കും. എത്ര
കഴിയുന്നുവോ ഗൃഹസ്ഥത്തില് വസിച്ചുകൊണ്ടും കമലപുഷ്പത്തിനു സമാനം പവിത്രമായി
ജീവിക്കണം. ബാബയെ ഓര്മ്മിക്കുകയും വേണം അതിനോടൊപ്പം ദൈവീകഗുണത്തെ ധാരണ ചെയ്യുകയും
വേണം, കാരണം ലോകത്തിലുളളവരുടേത് ആസുരീയമായ സംസ്കാരമാണ്. നിങ്ങള് കുട്ടികള്
ഇവിടേക്ക് വന്നിരിക്കുന്നത് ദൈവീക സംസ്കാരത്തെ ധാരണ ചെയ്യാനാണ്. ഈ
ലക്ഷ്മി-നാരായണന്റെ സംസ്കാരം വളരെയധികം മധുരമാണ്. ഭക്തിമാര്ഗ്ഗത്തില് അവരുടെ
തന്നെയാണ് മഹിമ പാടപ്പെട്ടിട്ടുളളത്. എപ്പോള് മുതല്ക്ക് ഭക്തിമാര്ഗ്ഗം
ആരംഭിക്കുന്നു എന്നുളളത് ആര്ക്കും തന്നെ അറിയില്ല. ഇപ്പോള് നിങ്ങള്ക്ക് ഇതെല്ലാം
തന്നെ മനസ്സിലായി, എപ്പോഴാണ് രാവണരാജ്യം ആരംഭിക്കുന്നത് എന്നുളളതും മനസ്സിലായി.
നിങ്ങള് കുട്ടികള്ക്ക് ഈ മുഴുവന് ജ്ഞാനവും ബുദ്ധിയില് വെക്കണം. കാരണം അറിയാം
നമ്മള് ജ്ഞാനസാഗരനായ ആത്മീയ അച്ഛന്റെ കുട്ടികളാണ്, ഇപ്പോള് ആത്മീയ അച്ഛനാണ്
നമ്മെ പഠിപ്പിക്കുന്നത്. ഇതും നിങ്ങള്ക്കറിയാം ഒരു സാധാരണ പിതാവല്ല. നമ്മെ
പഠിപ്പിക്കാനായി വന്നിരിക്കുന്നത് ആത്മീയ പിതാവാണ്. ബാബയുടെ നിവാസസ്ഥാനം സദാ
ബ്രഹ്മലോകമാണ്. എല്ലാവരുടെയും ലൗകിക അച്ഛന് ഇവിടെത്തന്നെയാണ്. ഇത് കുട്ടികള്ക്ക്
നല്ല രീതിയില് നിശ്ചയമുണ്ടായിരിക്കണം - നമ്മള് ആത്മാക്കളെ പഠിപ്പിക്കുന്നത്
പരമപിതാവായ പരമാത്മാവ് പരിധിയില്ലാത്ത പിതാവാണ്. ഭക്തിമാര്ഗ്ഗത്തില് ലൗകിക
പിതാവ് ഉണ്ടായിട്ടും പരമപിതാവായ പരമാത്മാവിനെ വിളിക്കാറുണ്ട്. ബാബയുടെ
യഥാര്ത്ഥമായ പേരാണ് ശിവന്. ബാബ സ്വയം മനസ്സിലാക്കിത്തരുന്നു - മധുരമധുരമായ
കുട്ടികളേ എനിക്ക് ശിവന് എന്ന ഒരേയൊരു പേര് മാത്രമാണുള്ളത്. അനേക പേരില് അനേക
ക്ഷേത്രങ്ങള് ഉണ്ടാക്കിയിട്ടുണ്ടെങ്കില് പോലും അതെല്ലാം തന്നെ
ഭക്തിമാര്ഗ്ഗത്തിലെ സാമഗ്രികളാണ്. എന്റെ യഥാര്ത്ഥമായ പേര് ശിവനെന്നാണ്. നിങ്ങള്
കുട്ടികളെയും ആത്മാക്കള് എന്നു തന്നെയാണ് പറയുക. സാളിഗ്രാമമെന്നും പറയാം.
അനേകാനേക സാളിഗ്രാമുകളുണ്ട്. പക്ഷേ ശിവന് ഒന്നു മാത്രമാണ്. ബാബ പരിധിയില്ലാത്ത
അച്ഛനാണ്, ബാക്കിയെല്ലാവരും ബാബയുടെ കുട്ടികളാണ്. ഇതിനു മുമ്പായി നിങ്ങള്
പരിധിയുളള പിതാവിന്റെ പക്കലുളള പരിധിയുളള കുട്ടികളായിരുന്നു. അപ്പോള് ജ്ഞാനം
ഒന്നും തന്നെയുണ്ടായിരുന്നില്ല. ബാക്കി അനേക പ്രകാരത്തിലുളള ഭക്തി ചെയ്തിരുന്നു.
അരക്കല്പം ഭക്തി ചെയ്തു. ദ്വാപരയുഗം മുതല് ഭക്തി ചെയ്തു വന്നു. രാവണരാജ്യവും
ആരംഭിച്ചു. ഇതെല്ലാം തന്നെ വളരെയധികം സഹജമായ കാര്യങ്ങളാണ്. പക്ഷേ ഇത്രയ്ക്കും
സഹജമായ കാര്യങ്ങളും ചിലപ്പോള് ബുദ്ധിമുട്ടിയാണ് മനസ്സിലാക്കുന്നത്. എപ്പോള്
മുതല്ക്ക് രാവണരാജ്യം ആരംഭിക്കുന്നു എന്നുളളത് ആര്ക്കും തന്നെ അറിയുന്നില്ല.
നിങ്ങള് മധുരമായ കുട്ടികള്ക്ക് അറിയാം - ബാബ തന്നെയാണ് ജ്ഞാനസാഗരന്. എന്ത്
ജ്ഞാനമാണോ ബാബയിലുളളത് അത് വന്ന് കുട്ടികള്ക്ക് നല്കുന്നു. ശാസ്ത്രങ്ങള്
ഭക്തിമാര്ഗ്ഗത്തിലേതാണ്.
ഇപ്പോള് നിങ്ങള് മനസ്സിലാക്കിക്കഴിഞ്ഞു - ജ്ഞാനം ഭക്തി പിന്നീടാണ് വൈരാഗ്യം. ഈ
മൂന്നും മുഖ്യമാണ്. സന്യാസിമാര്ക്കും അറിയാം - ജ്ഞാനവും, ഭക്തിയും,
വൈരാഗ്യവുമെന്ന്. പക്ഷേ സന്യാസിമാരുടേത് പരിധിയ്ക്കുളളിലുളള സന്യാസമാണ്.
അവര്ക്ക് ഈ പരിധിയില്ലാത്ത സന്യാസം പഠിക്കാന് സാധിക്കില്ല. രണ്ടു
പ്രകാരത്തിലുളള വൈരാഗ്യമുണ്ട് - ഒന്ന് പരിധിയുളളത്, രണ്ട് പരിധിയില്ലാത്തത്. അത്
ഹഠയോഗി സന്യാസിമാരുടെ വൈരാഗ്യമാണ്. ഇത് പരിധിയില്ലാത്ത വൈരാഗ്യമാണ്. നിങ്ങളുടേത്
രാജയോഗമാണ്, മറ്റുളളവര് വീടും കുടുംബവും ഉപേക്ഷിച്ച് കാട്ടിലേക്ക് പോകുന്നു
അതുകൊണ്ടാണ് അവരുടെ പേര് സന്യാസി എന്നായത്. ഹഠയോഗികള് വീടും കുടുംബവും
ഉപേക്ഷിക്കുന്നത് പവിത്രമായിരിക്കുന്നതിനാണ്. ഇതും നല്ലതു തന്നെയാണ്. ബാബ
പറയുന്നു - ഭാരതം വളരെയധികം പവിത്രമായിരുന്നു. ഇത്രയും പവിത്രമായ ഖണ്ഡം
മറ്റൊന്നുമുണ്ടായിരുന്നില്ല. ഭാരതത്തിന്റെ മഹിമ തന്നെ വളരെ ഉയര്ന്നതാണ്.
ഇതേക്കുറിച്ച് സ്വയം ഭാരതവാസികള് തന്നെ അറിയുന്നില്ല. ബാബയെ മറന്നതു കാരണം
സര്വ്വതും മറന്നു പോയി. അതായത് നാസ്തികരും നിര്ധനരുമായിത്തീര്ന്നു.
സത്യയുഗത്തില് എത്ര സുഖവും ശാന്തിയുമായിരുന്നു. ഇപ്പോള് എത്ര ദുഃഖവും
അശാന്തിയുമാണ്. മൂലവതനത്തെയാണ് ശാന്തിധാമം എന്ന് പറയുന്നത്, അവിടെയാണ്
ആത്മാക്കള് വസിക്കുന്നത്. ആത്മാക്കള് തന്റെ വീട്ടില് നിന്നും ഇവിടേക്ക് വരുന്നത്
പരിധിയില്ലാത്ത പാര്ട്ട് അഭിനയിക്കുന്നതിനായാണ്. ഇപ്പോള് പുരുഷോത്തമ സംഗമയുഗമാണ്.
ഈ സമയത്താണ് പുതിയലോകത്തേക്ക് കൊണ്ടുപോകുന്നതിനായി ബാബ വരുന്നത്. ബാബ വന്ന്
ഉത്തമനിലും ഉത്തമനാക്കി മാറ്റുന്നു. ഭഗവാനെ ഉയര്ന്നതിലും ഉയര്ന്നതെന്ന് പറയുന്നു.
പക്ഷേ ഭഗവാന് ആരാണ്, എന്താണ് എന്നത് ആര്ക്കും തന്നെ അറിയില്ല. ഒരു വലിയ
ശിവലിംഗത്തെ ഉണ്ടാക്കി വെച്ച്, നിരാകാരനായ പരമാത്മാവെന്നാണ് മനസ്സിലാക്കുന്നത്.
നമ്മള് ആത്മാക്കളുടെ പിതാവാണെന്നു പോലും മനസ്സിലാക്കുന്നില്ല, കേവലം
പൂജിക്കുന്നു. എപ്പോഴും ശിവബാബ എന്നാണ് പറയുന്നത്, രുദ്ര ബാബ അഥവാ ബബുള്നാഥനായ
ബാബ എന്നോ പറയില്ല. നിങ്ങള് എഴുതാറുളളതും ശിവബാബയെ ഓര്മ്മയുണ്ടോ എന്നാണ്.
സമ്പത്തിനെ ഓര്മ്മയുണ്ടോ? ഈ സ്ലോഗനുകള്ഓരോ വീട്ടിലും ഉണ്ടായിരിക്കണം - ശിവബാബയെ
ഓര്മ്മിക്കുകയാണെങ്കില് പാപം നശിക്കുന്നു, കാരണം പതിതപാവനന് ഒരേയൊരു ബാബയാണ്. ഈ
പതിതലോകത്തില് ഒരാളെപ്പോലും പാവനം എന്ന് പറയാന് സാധിക്കില്ല. പാവന ലോകത്ത് ഒര്
പതിതന് പോലും ഉണ്ടാവുക സാധ്യമല്ല. ശാസ്ത്രങ്ങളിലാണെങ്കില്എല്ലാ സമയങ്ങളിലും
പതിതരുണ്ടെന്നാണ് എഴുതപ്പെട്ടിട്ടുളളത്. ത്രേതായുഗത്തില് പറയുന്നു
രാവണനുണ്ടായിരുന്നു, സീതയെ മോഷ്ടിച്ചുകൊണ്ടുപോയി എന്ന്. കൃഷ്ണനോടൊപ്പം
ജരാസന്ധനെയും, കംസനെയും ഹിരണ്യാക്ഷനെയും കാണിച്ചിട്ടുണ്ട്. കൃഷ്ണനു മേല്
കളങ്കമുണ്ടാക്കി വെച്ചു. പക്ഷേ സത്യയുഗത്തില് ഇതൊന്നും തന്നെ ഉണ്ടായിരിക്കില്ല.
എത്ര അസത്യമായ കളങ്കമാണ് ഉണ്ടാക്കി വെച്ചത്. ബാബയിലും ദേവതകളിലും
കളങ്കമുണ്ടാക്കി. എല്ലാവരെയും ആക്ഷേപിച്ചു. ഇപ്പോള് ബാബ പറയുന്നു ആത്മാവിനെ
പവിത്രമാക്കുന്നതിനായാണ് ഈ ഓര്മ്മയുടെ യാത്ര. പാവനമായി പിന്നീട് പാവനലോകത്തേക്ക്
പോകണം. ബാബ 84 ജന്മത്തിന്റെ ചക്രവും മനസ്സിലാക്കിത്തന്നു. ഇപ്പോള് നിങ്ങളുടേത്
അന്തിമജന്മമാണ് ഇപ്പോള് തിരികെ വീട്ടിലേക്ക് പോകണം. വീട്ടിലേക്ക് പോകുമ്പോള്
ശരീരമുണ്ടാകില്ലല്ലോ. എല്ലാ ആത്മാക്കള്ക്കും പോകണം അതുകൊണ്ട് മധുരമധുരമായ
ആത്മീയ സന്താനങ്ങളേ, സ്വയത്തെ ആത്മാവെന്നു മനസ്സിലാക്കൂ, ദേഹമാണെന്നു
മനസ്സിലാക്കരുത്. മറ്റുളള സത്സംഗങ്ങളില് നിങ്ങള് ദേഹാഭിമാനിയായിരിക്കുന്നു.
ഇവിടെ ബാബ പറയുന്നു ദേഹിഅഭിമാനിയായിരിക്കൂ. ഏതുപോലെയാണോ ബാബയിലുളള സംസ്കാരം,
ബാബ ജ്ഞാന സാഗരനാണ്.... അതുപോലെ കുട്ടികള്ക്കും ബാബയ്ക്ക് സമാനമായിത്തീരണം.
പരിധിയില്ലാത്ത അച്ഛനും പരിധിയുളള അച്ഛനും തമ്മിലുളള വ്യത്യാസത്തെ
മനസ്സിലാക്കിത്തരികയാണ്. പരിധിയില്ലാത്ത അച്ഛനിരുന്ന് നിങ്ങള്ക്ക് മുഴുവന്
ജ്ഞാനവും മനസ്സിലാക്കിത്തരുന്നു. ആദ്യം ഇതൊന്നും തന്നെ നിങ്ങള്ക്ക്
അറിയുമായിരുന്നില്ല. ഇപ്പോള് സൃഷ്ടിചക്രം എങ്ങനെ കറങ്ങുന്നു എന്നതിനെക്കുറിച്ചും,
ആദി-മധ്യ-അന്ത്യത്തെക്കുറിച്ചും, ചക്രത്തിന്റെ ആയുസ്സിനെക്കുറിച്ചുമുളള എല്ലാ
ജ്ഞാനവും ബാബ മനസ്സിലാക്കിത്തരുന്നു. ഭക്തിമാര്ഗ്ഗത്തില് കല്പത്തിന്റെ ആയുസ്സിനെ
ലക്ഷക്കണക്കിനു വര്ഷങ്ങളാണെന്നു പറഞ്ഞ് ഘോരാന്ധകാരത്തില് അകപ്പെടുത്തി. ഇതിലൂടെ
താഴേക്ക് അധപതിച്ചുവന്നു. ഇങ്ങനെ പറയാറുണ്ട് എത്രത്തോളം നമ്മള് ഭക്തി
ചെയ്യുന്നുവോ അത്രത്തോളം ബാബയെ നമ്മള് താഴേക്ക് വരാന് ആകര്ഷിക്കുകയാണ്. ബാബ
വന്ന് നമ്മെ പാവനമാക്കി മാറ്റുന്നു. ബാബയെ താഴേക്ക് ആകര്ഷിക്കുകയാണ് കാരണം
പതിതരാണ്, അതി ദുഃഖിയായിത്തീര്ന്നിരിക്കുകയാണ്. ബാബയെ താഴേക്ക് വിളിക്കുന്നു
എന്നാണ് പറയുന്നത്. കുട്ടികള് തീര്ത്തും ദുഃഖികളും തമോപ്രധാനവുമായിക്കഴിഞ്ഞു,
5000 വര്ഷങ്ങള് പൂര്ത്തിയായി എന്നു കാണുമ്പോള് ബാബയും താഴേക്ക് ഇറങ്ങി വരുന്നു.
ഈ പഠിപ്പ് പഴയലോകത്തേക്കു വേണ്ടിയുളളതല്ല. ഈ പഠിപ്പിനെ നിങ്ങള് ആത്മാക്കള് ധാരണ
ചെയ്ത് കൂടെക്കൊണ്ടു പോകുന്നു. എങ്ങനെയാണോ ബാബ ജ്ഞാനസാഗരന് അതുപോലെ നിങ്ങള്
ജ്ഞാന നദികളാണ്. ഈ ജ്ഞാനം ഈ ലോകത്തേക്കു വേണ്ടിയുളളതല്ല. ഇത് മോശമായ ലോകമാണ്,
മോശമായ ശരീരമാണ്, അതിനെ നിങ്ങള് ഉപേക്ഷിക്കണം. ഈ ശരീരം ഇവിടെ ഒരിക്കലും
പവിത്രമാവുകയില്ല. ഞാന് ആത്മാക്കളുടെ അച്ഛനാണ്. ആത്മാക്കളെ പവിത്രമാക്കാനാണ്
വന്നിരിക്കുന്നത്. ഈ കാര്യങ്ങളെക്കുറിച്ച് മനുഷ്യര് ഒന്നും തന്നെ
മനസ്സിലാക്കുന്നില്ല. തീര്ത്തും കല്ലുബുദ്ധികളാണ്, പതിതരാണ്, അതുകൊണ്ടാണ്
ഇങ്ങനെയൊരു മഹിമ പാടുന്നത് പതിത-പാവനാ... ആത്മാക്കളാണ് പതിതമായിത്തീരുന്നത്.
ആത്മാക്കളാണ് സര്വ്വതും ചെയ്യുന്നത്. ഭക്തിയും ആത്മാവാണ് ചെയ്യുന്നത്.
ശരീരമെടുക്കുന്നതും ആത്മാവാണ്.
ഇപ്പോള് ബാബ പറയുന്നു ഞാന് നിങ്ങള് ആത്മാക്കളെ കൊണ്ടുപോകാന് വേണ്ടിയാണ്
വന്നിരിക്കുന്നത്. നിങ്ങള് ആത്മാക്കള് വിളിച്ചിട്ടാണ്, പരിധിയില്ലാത്ത പിതാവായ
ഞാന് വന്നിരിക്കുന്നത്. നിങ്ങള് എത്ര എന്നെ വിളിച്ചുകൊണ്ടിരുന്നു. ഇപ്പോഴും
വിളിച്ചുകൊണ്ടിരിക്കുന്നുണ്ട് - അല്ലയോ പതിത പാവനാ, അല്ലയോ ഗോഡ്ഫാദര് വരൂ, വന്ന്
ഈ പഴയ ലോകത്തിന്റെ ദുഖത്തില് നിന്നും, വികാരത്തില് നിന്നും മുക്തമാക്കൂ, എന്നാല്
ഞങ്ങള്ക്കെല്ലാവര്ക്കും വീട്ടിലേക്കു പോകാം. മറ്റാര്ക്കും തന്നെ ഇത് അറിയില്ല -
നമ്മുടെ വീട് എവിടെയാണ്? വീട്ടിലേക്ക് എങ്ങനെ പോകണം? മുക്തിയിലേക്കു
പോകുന്നതിനായി ഓരോരുത്തരും എത്രയാണ് ബുദ്ധിമുട്ടുന്നത്, എത്രയെത്ര
ഗുരുക്കന്മാരുടെ സമീപത്തേക്കാണ് പോകുന്നത്. ജന്മ-ജന്മാന്തരം ഇതിനു വേണ്ടി ധാരാളം
പരിശ്രമിച്ചു വന്നു. മറ്റുളള ഗുരുക്കന്മാര്ക്ക് ജീവന്മുക്തിയുടെ
സുഖത്തെക്കുറിച്ച് അറിയില്ല. അവര് ആഗ്രഹിക്കുന്നത് മുക്തിയാണ്. വിശ്വത്തില്
എങ്ങനെ ശാന്തിയുണ്ടാകും എന്നാണ് ചോദിക്കുന്നത്. സന്യാസിമാര്ക്കും
മുക്തിയെക്കുറിച്ചാണ് അറിയുക. ജീവന്മുക്തിയെക്കുറിച്ച് അറിയില്ല. പക്ഷേ
മുക്തി-ജീവന്മുക്തി രണ്ട് സമ്പത്തും നല്കുന്നത് ബാബയാണ്. നിങ്ങള് കുട്ടികള്
എപ്പോഴാണോ ജീവന്മുക്തിയിലിരിക്കുന്നത് അപ്പോള് മറ്റെല്ലാവരും മുക്തയിലേക്കു
പോകുന്നു. ഇപ്പോള് നിങ്ങള് ഇങ്ങനെയായിത്തീരുന്നതിനുളള ജ്ഞാനം
നേടിക്കൊണ്ടിരിക്കുകയാണ്. നിങ്ങള് തന്നെയാണ് ഏറ്റവും കൂടുതല് സുഖം
അനുഭവിക്കുന്നത്, ഏറ്റവും കൂടുതല് ദുഖം അനുഭവിക്കുന്നതും നിങ്ങള് തന്നെയാണ്.
ആദിസനാതനാ ദേവിദേവതാ ധര്മ്മത്തിലുളള നിങ്ങള് തന്നെയാണ് ധര്മ്മഭ്രഷ്ടരും
കര്മ്മഭ്രഷ്ടരുമായിരിക്കുന്നത്. നിങ്ങള് പവിത്രമായ പ്രവൃത്തി
മാര്ഗ്ഗത്തിലുളളവരായിരുന്നു. ലക്ഷ്മി-നാരായണന്മാര് പവിത്ര പ്രവൃത്തി
മാര്ഗ്ഗത്തിലുളളവരാണ്. വീടും കുടുംബവും ഉപേക്ഷിക്കുക എന്നുളളത് സന്യാസിമാരുടെ
ധര്മ്മമാണ്. സന്യാസിമാരും ആദ്യം നല്ലതായിരുന്നു. നിങ്ങളും ആദ്യം വളരെ
നല്ലതായിരുന്നു. ഇപ്പോള് തമോപ്രധാനമായിരിക്കുകയാണ്. ബാബ പറയുന്നു ഡ്രാമയുടെ കളി
ഇങ്ങനെയാണ്. ബാബ മനസ്സിലാക്കിത്തരുന്നു - ഈ പഠിപ്പ് തന്നെ പുതിയ
ലോകത്തേക്കുളളതാണ്. പതിത ശരീരത്തില്, ഈ പതിത ലോകത്തില് ഡ്രാമയനുസരിച്ച് വീണ്ടും
5000 വര്ഷങ്ങള്ക്കു ശേഷം വരേണ്ടി വരുന്നു. കല്പത്തിന് ലക്ഷക്കണക്കിന്
വര്ഷങ്ങളൊന്നുമില്ല, ഞാന് സര്വ്വവ്യാപിയുമല്ല. ഇത് നിങ്ങള് എന്നെ
അധിക്ഷേപിച്ചതാണ്. ഞാന് പിന്നീട് നിങ്ങള്ക്ക് എത്ര ഉപകാരമാണ് ചെയ്യുന്നത്.
എത്രത്തോളം നിങ്ങള് ശിവബാബയെ അധിക്ഷേപിച്ചിട്ടുണ്ടോ അത്രയും മറ്റാരെയും തന്നെ
നിങ്ങള് അധിക്ഷേപിച്ചിട്ടില്ല. നിങ്ങളെ വിശ്വത്തിന്റെ അധികാരിയാക്കി മാറ്റുന്ന
ബാബയെ തന്നെ നിങ്ങള് സര്വ്വവ്യാപിയെന്നു പറഞ്ഞു. എപ്പോഴാണോ അധിക്ഷേപിക്കുന്നതിലും
അതിരുണ്ടാകുന്നത് അപ്പോഴാണ് ഞാന് വന്ന് ഉപകാരം ചെയ്യുന്നത്. ഇത് പുരുഷോത്തമ
സംഗമയുഗമാണ്, മംഗളകാരിയുഗമാണ്. ഈ സമയത്താണ് നിങ്ങളെ പവിത്രമാക്കി മാറ്റാനായി
വരുന്നത്. പാവനമാകുന്നതിനായുളള എത്ര സഹജമായ യുക്തിയാണ് പറഞ്ഞു തരുന്നത്. നിങ്ങള്
ഭക്തിമാര്ഗ്ഗത്തില് ധാരാളം ബുദ്ധിമുട്ടി, കുളത്തില് പോയി സ്നാനം ചെയ്തു,
ഇതിലൂടെയെല്ലാം പാവനമാകും എന്നു മനസ്സിലാക്കി. ഇപ്പോള് വെളളത്തിലൂടെ
പാവനമാകുന്ന കാര്യവും, പതിതപാവനനായ ബാബയും തമ്മില് എത്ര വ്യത്യാസമാണുളളത്.
അതെല്ലാം തന്നെ ഭക്തിമാര്ഗ്ഗമാണ്, ഇത് ജ്ഞാനമാര്ഗ്ഗവും. മനുഷ്യര് എത്ര ഘോരമായ
അന്ധകാരത്തിലാണ്. കുംഭകര്ണ്ണ നിദ്രയിലാണ് ഉറങ്ങി കിടക്കുന്നത്. ഈ കാര്യം
നിങ്ങള്ക്കറിയാം. ഇങ്ങനെ പറയാറുണ്ട്- വിനാശകാലെ വിപരീത ബുദ്ധി വിനശയന്തി.
ഇപ്പോള് നിങ്ങള്ക്കും നമ്പര്വൈസ് പുരുഷാര്ത്ഥമനുസരിച്ചാണ് പ്രീതബുദ്ധി.
പൂര്ണ്ണമായും ആയിട്ടില്ല കാരണം മായ ഇടയ്ക്കിടെ മറപ്പിക്കുന്നു. ഇത് പഞ്ച
വികാരങ്ങളുമായുളള യുദ്ധമാണ്. രാവണനെയാണ് പഞ്ച വികാരങ്ങള് എന്നു പറയുന്നത്.
രാവണനു മേല് കഴുതയുടെ തല കാണിച്ചിട്ടുണ്ട്.
ബാബ ഇതും മനസ്സിലാക്കി തന്നിട്ടുണ്ട് - സ്കൂളിലിരിക്കുമ്പോള് ഒരിക്കലും കണ്ണുകള്
അടച്ചിരിക്കരുത്. ഭക്തിമാര്ഗ്ഗത്തിലാണ് ഇതുപോലെ ഭഗവാനെ ഓര്മ്മിക്കുന്നതിനായി
കണ്ണുകള് അടച്ചിരിക്കുന്നതിനായുളള പഠിപ്പ് നല്കുന്നത്. ഇവിടെ ബാബ പറയുന്നു,
ഇതൊരു സ്കൂളാണ്. ഇങ്ങനെ പറയാറുമുണ്ട്, ദൃഷ്ടിയിലൂടെ സായൂജ്യം... ഇവിടെ
മായാജാലമാണെന്നു പറയും. അങ്ങനെയൊരു മഹിമയുണ്ടാകാനുളള കാരണം, ദേവതകളുടെ
ദൃഷ്ടിയിലൂടെയും സായൂജ്യമടയുന്നതുകൊണ്ടാണ്. ദൃഷ്ടിയിലൂടെ തന്നെ മനുഷ്യനില്
നിന്നും ദേവതയാക്കി മാറ്റുക എന്നത് മായാജാലമല്ലേ. ബാബ ബാറ്ററി ചാര്ജ്ജ്
ചെയ്തുകൊണ്ടിരിക്കുമ്പോള് കുട്ടികള് കണ്ണുകള് അടച്ചിരിക്കുന്നതു ശരിയാണോ.
സ്കൂളില് ഒരിക്കലും കണ്ണുകള് അടച്ചിരിക്കുകയില്ല. കണ്ണുകള് അടച്ചിരുന്നാല്
ഉറക്കം വരും. പഠിപ്പ് സമ്പാദ്യത്തിന്റെ ഉറവിടമാണ്. ലക്ഷക്കണക്കിന്
കോടിക്കണക്കിന് സമ്പാദ്യമാണ്. സമ്പാദിക്കുമ്പോള് ഒരിക്കലും കോട്ടുവായ് വരില്ല.
ഇവിടെ ആത്മാക്കളെ ഉദ്ധരിക്കണം. ഈ ലക്ഷ്യമാണുളളത്. ദേവതകളുടെ രാജധാനി
കാണണമെങ്കില് ദില്വാഡയിലേക്ക് പോകൂ. അത് ജഡമായ ക്ഷേത്രമാണ്, ഇത് ചൈതന്യ ദില്വാഡാ
ക്ഷേത്രവും. ദേവതകളുമുണ്ട്, സ്വര്ഗ്ഗവുമുണ്ട്. എല്ലാവരുടെയും സദ്ഗതി ദാതാവ്
അബുവിലാണ് വരുന്നത് അതുകൊണ്ടാണ് അബുവിനെ ഏറ്റവും വലിയ തീര്ത്ഥസ്ഥാനമെന്നു
പറയുന്നത്. ഏതെല്ലാം തന്നെ ധര്മ്മസ്ഥാപകരും ഗുരുക്കന്മാരുമുണ്ടോ, എല്ലാവരുടെയും
സദ്ഗതി ചെയ്യുന്നത് ബാബ ഇവിടെ വന്നിട്ടാണ്. ഇത് ഏറ്റവും വലിയ തീര്ത്ഥസ്ഥലമാണ്,
പക്ഷേ വളരെ ഗുപ്തവുമാണ്. ഇതേക്കുറിച്ച് ആരും തന്നെ അറിയുന്നില്ല. ശരി!
വളരെക്കാലത്തെ വേര്പാടിനു ശേഷം തിരിച്ചു കിട്ടിയ മധുരമധുരമായ കുട്ടികള്ക്ക്
മാതാവും പിതാവുമായ ബാപ്ദാദയുടെ സ്നേഹസ്മരണയും സുപ്രഭാതവും. ആത്മീയ അച്ഛന്റെ
ആത്മീയ കുട്ടികള്ക്ക് നമസ്കാരം.
ധാരണയ്ക്കുള്ള മുഖ്യ സാരം:-
1) ഏതൊരു
സംസ്കാരമാണോ ബാബയിലുളളത് അതു തന്നെ ധാരണ ചെയ്യണം. ബാബയ്ക്കു സമാനം
ജ്ഞാനസാഗരനായിത്തീരണം. ദേഹി-അഭിമാനിയാകുന്നതിനുളള അഭ്യാസം ചെയ്യണം.
2) ആത്മാവാകുന്ന ബാറ്ററിയെ
സതോപ്രധാനമാക്കി മാറ്റുന്നതിനായി നടക്കുമ്പോഴും ചുറ്റിക്കറങ്ങുമ്പോഴും
ഓര്മ്മയുടെ യാത്രയിലിരിക്കണം. ദൈവീക സംസ്കാരത്തെ ധാരണ ചെയ്യണം. വളരെയധികം
മധുരമായിത്തീരണം.
വരദാനം :-
ത്രികാലദര്ശിയായി ദിവ്യ ബുദ്ധിയുടെ വരദാനത്തെ കാര്യത്തില് കൊണ്ട് വരുന്ന സഫലതാ
സമ്പന്നരായി ഭവിക്കട്ടെ.
ബാപ്ദാദ ഓരോ കുട്ടിക്കും
ദിവ്യ ബുദ്ധിയാകുന്ന വരദാനം നല്കിയിട്ടുണ്ട്. ദിവ്യ ബുദ്ധിയിലൂടെ മാത്രമാണ്
ബാബയേയും സ്വയത്തെയും മൂന്ന് കാലങ്ങളേയും സ്പഷ്ടമായി മനസിലാക്കാന് സാധിക്കുന്നത്.
സര്വശക്തികളേയും ധാരണ ചെയ്യാന് സാധിക്കുന്നു. ദിവ്യബുദ്ധികളായ ആത്മാക്കള് ഏതൊരു
സങ്കല്പ്പവും കര്മ്മത്തില് അല്ലെങ്കില് വാക്കില് കൊണ്ട് വരുന്നതിന് മുമ്പ് ഓരോ
വാക്കിന്റെ അല്ലെങ്കില് കര്മ്മത്തിന്റെ മൂന്ന് കാലങ്ങളും മനസിലാക്കി
പ്രാവര്ത്തികമാക്കുന്നു. അവര്ക്ക് മുന്നില് ഏത് പോലെ വര്ത്തമാന കാലം സ്പഷ്ടമാണോ
അത് പോലെ ഭൂതകാലവും ഭാവിയും സ്പഷ്ടമായിരിക്കും. ഇങ്ങനെയുള്ള ദിവ്യബുദ്ധികള്
ത്രികാലദര്ശികളായത് കാരണം സദാ സഫലതാ സമ്പന്നരായിരിക്കും.
സ്ലോഗന് :-
സമ്പൂര്ണ്ണ
പവിത്രത ധാരണ ചെയ്യുന്നവര് തന്നേയാണ് പരമാനന്ദത്തിന്റെ അനുഭവം ചെയ്യുന്നത്.