മധുരമായ കുട്ടികളേ - ബാബ
എന്താണോ, എങ്ങനെയാണോ അതുപോലെ ബാബയെ യഥാര്ത്ഥ രീതിയില് അറിഞ്ഞ് ഓര്മ്മിക്കുക,
ഇതാണ് മുഖ്യമായ കാര്യം, മനുഷ്യര്ക്ക് ഈ കാര്യങ്ങള് വളരെ യുക്തിപൂര്വ്വം
മനസ്സിലാക്കിക്കൊടുക്കണം.
ചോദ്യം :-
മുഴുവന് വിശ്വത്തിനുവേണ്ടിയുള്ളതും, എന്നാല് നിങ്ങള്ക്ക് ഇവിടെ നിന്നുമാത്രം
ലഭിക്കുന്നതുമായ പഠിപ്പ് ഏതാണ്?
ഉത്തരം :-
മുഴുവന്
വിശ്വത്തിനും വേണ്ടിയുള്ള പഠിപ്പ് ഇതാണ് അതായത് നിങ്ങള് എല്ലാവരും ആത്മാക്കളാണ്.
ആത്മാവാണെന്ന് മനസ്സിലാക്കി ബാബയെ ഓര്മ്മിക്കു എങ്കില് പാവനമായി മാറും. മുഴുവന്
വിശ്വത്തിന്റേയും പിതാവ് ആരാണോ അവര് ഒരേയൊരു തവണയാണ് എല്ലാവരേയും പാവനമാക്കി
മാറ്റാന് വരുന്നത്. ബാബ തന്നെയാണ് രചനയുടേയും രചയിതാവിന്റേയും ജ്ഞാനം നല്കുന്നത്
അതിനാല് വാസ്തവത്തില് ഈ ഒരേയൊരു യൂണിവേഴ്സിറ്റിയേയുള്ളു, ഈ കാര്യം കുട്ടികള്
സ്പഷ്ടമായി മനസ്സിലാക്കിക്കൊടുക്കണം.
ഓംശാന്തി.
ഭഗവാനുവാചാ- ഭഗവാന് ആരാണ് എന്നത് ഇപ്പോള് ആത്മീയ കുട്ടികള് മനസ്സിലാക്കുന്നുണ്ട്.
ഭാരതത്തിലെ ആര്ക്കും യഥാര്ത്ഥ രീതിയില് അറിയില്ല. പറയുന്നു - ഞാന് എന്താണോ,
എങ്ങനെയാണോ അതുപോലെ എന്നെ യഥാര്ത്ഥ രീതിയില് ആര്ക്കും അറിയില്ല. നിങ്ങളും
നമ്പര്വൈസാണ്. നമ്പര്വൈസ് പുരുഷാര്ത്ഥരനുസരിച്ച് തിരിച്ചറിയുന്നു. തീര്ച്ചയായും
ഇവിടെ ഇരിക്കുന്നുണ്ട് എന്നാല് യഥാര്ത്ഥ രീതിയില് അറിയുന്നില്ല. യഥാര്ത്ഥ
രീതിയില് അറിഞ്ഞ് ബാബയെ ഓര്മ്മിക്കുക, ഇത് വളരെ ബുദ്ധിമുട്ടാണ്. കുട്ടികള് വളരെ
സഹജമാണ് എന്ന് പറയാറുണ്ട് എന്നാല്ഞാന് എന്താണെന്ന് മനസ്സിലാക്കി, എനിക്ക്
നിരന്തരം ബാബയെ ഓര്മ്മിക്കണം എന്ന യുക്തി ബുദ്ധിയിലുണ്ടാകണം. ഞാന് ആത്മാവ് വളരെ
ചെറുതാണ്. എന്റെ ബാബയും ചെറിയ ബിന്ദുവാണ്. അരക്കല്പം ആരും ഭഗവാന്റെ പേരുപോലും
പറയില്ല. അല്ലയോ ഭഗവാനേ.. എന്ന് ദുഃഖത്തിലാണ് ഓര്മ്മിക്കുന്നത്. ഇപ്പോള് ഭഗവാന്
ആരാണ് എന്നത് ഒരു മനുഷ്യനും അറിയുന്നില്ല. അതുകൊണ്ട് മനുഷ്യര്ക്ക് എങ്ങനെ
മനസ്സിലാക്കിക്കൊടുക്കും- ഇതില് വിചാര സാഗര മഥനം ചെയ്യണം. പ്രജാപിതാ
ബ്രഹ്മാകുമാരീസ് ഈശ്വരീയ വിശ്വവിദ്യാലയം എന്ന് പേരും എഴുതിയിട്ടുണ്ട്. ഇതില്
നിന്നുപോലും ഇത് പരിധിയില്ലാത്ത ആത്മീയ അച്ഛന്റെ ഈശ്വരീയ വിശ്വവിദ്യാലയമാണ്
എന്ന് മനസ്സിലാക്കുന്നില്ല. മനുഷ്യന് പെട്ടെന്ന് മനസ്സിലാക്കാന് ഇപ്പോള് എന്ത്
പേരുവെയ്ക്കും? ഇത് യൂണിവേഴ്സിറ്റിയാണ് എന്നത് എങ്ങനെ മനുഷ്യര്ക്ക്
മനസ്സിലാക്കിക്കൊടുക്കും? യൂണിവേഴ്സ് എന്നതില് നിന്നാണ് യൂണിവേഴ്സിറ്റി എന്ന
വാക്ക് വന്നത്. യൂണിവേഴ്സ് അര്ത്ഥം മുഴുവന് വിശ്വം, അതിന്റെ പേര്
വെച്ചിരിക്കുന്നു-യൂണിവേഴ്സിറ്റി, ഇതില് എല്ലാ മനുഷ്യര്ക്കും പഠിക്കാന് സാധിക്കും.
മുഴുവന് ലോകത്തിനും പഠിക്കാന് വേണ്ടിയാണ് യൂണിവേഴ്സിറ്റി. യൂണിവേഴ്സിന്
പഠിക്കാനാണ് യൂണിവേഴ്സിറ്റി. ഇപ്പോള് യൂണിവേഴ്സിനുവേണ്ടി ഒരേയൊരു ബാബയാണ്
വരുന്നത്, ബാബയുടെ യൂണിവേഴ്സിറ്റി ഇതൊന്നേയുള്ളു. മുഖ്യ ലക്ഷ്യവും ഒന്നേയുള്ളൂ.
ബാബ തന്നെയാണ് വന്ന് മുഴുവന് വിശ്വത്തേയും പാവനമാക്കി മാറ്റുന്നത്, യോഗം
പഠിപ്പിക്കുന്നത്. ഇത് സര്വ്വ ധര്മ്മത്തിലുള്ളവര്ക്കും വേണ്ടിയുള്ളതാണ്.
പറയുന്നു സ്വയം ആത്മാവാണെന്ന് മനസ്സിലാക്കു, മുഴുവന് ലോകത്തിന്റേയും പിതാവാണ്-
ഇന്കോര്പ്പേറിയല് (നിരാകാരന്) ഗോഡ് ഫാദര്. അതിനാല് എന്തുകൊണ്ട് ഇതിന്റെ പേര്
സ്പിരിച്വല് യൂണിവേഴ്സിറ്റി ഓഫ് സ്പിരിച്വല് ഇന്കോര്പ്പേറിയല് ഗോഡ് ഫാദര് എന്ന്
വെച്ചുകൂടാ. ചിന്തിക്കാവുന്നതല്ലേ. മനുഷ്യര് ഇങ്ങനെയാണ്, മുഴുവന് ലോകത്തിലും
ഒരാള്ക്കുപോലും ബാബയെ അറിയില്ല. രചയിതാവിനെ അറിഞ്ഞാല് രചനയേയും അറിയും.
രചയിതാവിലൂടെയേ രചനയെ അറിയാന് സാധിക്കൂ. ബാബ കുട്ടികള്ക്ക് എല്ലാം
മനസ്സിലാക്കിത്തരും. മറ്റാര്ക്കുമറിയില്ല. ഋഷി മുനിമാരും ഇതല്ല ഇതല്ല എന്നാണ്
പറഞ്ഞത്. അതിനാല് ബാബ പറയുന്നു, നിങ്ങള്ക്ക് ആദ്യം ഈ രചയിതാവിന്റേയും രചനയുടേയും
ജ്ഞാനമു ണ്ടായിരുന്നില്ല. ഇപ്പോഴാണ് രചയിതാവ് മനസ്സിലാക്കിത്തന്നത്. ബാബ
പറയുന്നു, വന്ന് ഞങ്ങള്ക്ക് സുഖവും ശാന്തിയും നല്കൂ എന്ന് പറഞ്ഞ് എല്ലാവരും
എന്നെ വിളിക്കുന്നു എന്തുകൊണ്ടെന്നാല് ഇപ്പോള് ദുഃഖവും അശാന്തിയുമാണ്. ബാബയുടെ
പേരുതന്നെ ദുഃഖ ഹര്ത്താവ് -സുഖ കര്ത്താവ് എന്നാണ്. ഇത് ആരാണ്? ഭഗവാന്. ബാബ
എങ്ങനെയാണ് ദുഃഖത്തെ ഇല്ലാതാക്കി സുഖം നല്കുന്നത്, എന്നത് ആര്ക്കും അറിയില്ല.
അതിനാല് ഇത്രയും വ്യക്തമായി എഴുതൂ, അതിലൂടെ നിരാകാരനായ ഗോഡ് ഫാദറാണ് ഈ ജ്ഞാനം
നല്കുന്നത് എന്നത് മനുഷ്യര് മനസ്സിലാക്കണം. ഇങ്ങനെ ഇങ്ങനെ വിചാരസാഗര മഥനം
ചെയ്യണം. ബാബ പറയുന്നു മനുഷ്യര് എല്ലാവരും കല്ലുബുദ്ധികളാണ്. ഇപ്പോള് നിങ്ങളെ
പവിഴബുദ്ധിയാക്കുകയാണ്. ആര്ക്കാണോ 50ന് മുകളില്മാര്ക്കുള്ളത് അവരെയാണ്
വാസ്തവത്തില് പവിഴബുദ്ധി എന്നു പറയുന്നത്. തോറ്റുപോകുന്നവര് പവിഴബുദ്ധികളല്ല.
രാമനും കുറഞ്ഞ മാര്ക്കാണ് വാങ്ങിച്ചതിനാലാണ് ക്ഷത്രിയനായി കാണിക്കുന്നത്. രാമന്
ബാണം എന്തിനാണ് നല്കിയത് എന്നത് മനുഷ്യര് മനസ്സിലാക്കുന്നില്ല. ശ്രീകൃഷ്ണന്
സ്വദര്ശന ചക്രം കാണിച്ചിരിക്കുന്നു അതായത് കൃഷ്ണന് എല്ലാവരേയും കൊന്നു അതുപോലെ
രാമന് ബാണവും നല്കിയിരിക്കുന്നു. ഒരു പ്രധാനപ്പെട്ട മാസിക ഇറങ്ങുന്നുണ്ട് അതില്
എങ്ങനെയാണ് കൃഷ്ണന് അകാസുരനേയും, ബകാസുരനേയും കൊന്നത് എന്ന് കാണിച്ചിരിക്കുന്നു.
രണ്ടുപേരെയും ഹിംസകരാക്കി മാറ്റിയിരിക്കുന്നു പിന്നെ ഡബിള് ഹിംസകരാക്കി
മാറ്റിയിരിക്കുന്നു. അവര്ക്കും കുട്ടികള് ജനിച്ചിരുന്നല്ലോ എന്ന് ചോദിക്കുന്നു.
അല്ല, അവര് നിര്വ്വികാരീ ദേവീദേവതകളാണ്. അവിടെ രാവണരാജ്യമേയില്ല. ഈ സമയത്തെയാണ്
രാവണ സമ്പ്രദായം എന്നു പറയുന്നത്.
ഇപ്പോള് നിങ്ങള് മനസ്സിലാക്കുന്നുണ്ട് നമ്മള് യോഗബലത്തിലൂടെ വിശ്വത്തിന്റെ
ചക്രവര്ത്തീ പദവി നേടുകയാണ്, എങ്കില് എന്താ യോഗബലത്തിലൂടെ കുഞ്ഞിന് ജന്മം
നല്കാന് സാധിക്കില്ലേ. അത് നിര്വ്വികാരി ലോകമാണ്. ഇപ്പോള് നിങ്ങള് ശൂദ്രനില്
നിന്നും ബ്രാഹ്മണനായി മാറുകയാണ്. മനുഷ്യര് ഇവരുടെ പക്കല് പൂര്ണ്ണ ജ്ഞാനമുണ്ട്
എന്ന് കരുതത്തക്ക വിധത്തില് ഇങ്ങനെ നല്ലരീതിയില് മനസ്സിലാക്കിക്കൊടുക്കണം.
അല്പമെങ്കിലും ഇത് മനസ്സിലാക്കിയാല് ഇവര് ബ്രാഹ്മണ കുലത്തിലേതാണ് എന്ന്
മനസ്സിലാക്കാം. ചിലരെ പെട്ടെന്ന് തന്നെ ഇവര് ബ്രാഹ്മണകുലത്തിലേതല്ല - എന്ന്
അറിയാന് സാധിക്കും. അനേക പ്രകാരത്തിലുള്ളവര് വരുന്നുണ്ടല്ലോ. അതിനാല് നിങ്ങള്
സ്പിരിച്വല് യൂണിവേഴ്സിറ്റി ഓഫ് സ്പിരിച്വല് ഇന്കോര്പ്പേറിയല് ഗോഡ് ഫാദര് എന്ന്
എഴുതിയിട്ട് എന്താണ് സംഭവിക്കുന്നത് എന്ന് നോക്കൂ. വിചാര സാഗരമഥനം ചെയ്ത്
വാക്കുകള് കണ്ടെത്തണം, ഇത് എഴുതാന് വളരെ അധികം യുക്തി വേണം. ഇവിടെ ഈ ജ്ഞാനം
മനസ്സിലാക്കിത്തരുന്നത് അഥവാ രാജയോഗം പഠിപ്പിച്ചുതരുന്നത് ഗോഡ്ഫാദറാണ് എന്നത്
മനുഷ്യര് മനസ്സിലാക്കണം. ഈ വാക്കും സാധാരണമാണ്. ദൈവീക രാജധാനിയിലേക്കുള്ള
ജീവന്മുക്തി സെക്കന്റിലാണ് ലഭിക്കുന്നത്. മനുഷ്യരുടെ ബുദ്ധിയില് നില്ക്കുന്ന
തരത്തിലുള്ള വാക്കുകളായിരിക്കണം. ബ്രഹ്മാവിലൂടെ വിഷ്ണുപുരിയുടെ
സ്ഥാപനയുണ്ടാവുകയാണ്. മന്മനാഭവയുടെ അര്ത്ഥം ഇതാണ്- ബാബയേയും, സമ്പത്തിനേയും
ഓര്മ്മിക്കൂ.... നിങ്ങള് ബ്രഹ്മാമുഖവംശാവലി ബ്രാഹ്മണകുല ഭൂഷണരാണ്, സ്വദര്ശന
ചക്രധാരികളാണ്. ഇപ്പോള് അവര് സ്വദര്ശന ചക്രം വിഷ്ണുവിനാണ് നല്കിയിരിക്കുന്നത്.
കൃഷ്ണനും 4 കൈകള് കാണിക്കുന്നു. ഇപ്പോള് അവര്ക്ക് എങ്ങനെ 4 കൈകള് ഉണ്ടാകും? ബാബ
എത്ര നല്ലരീതിയിലാണ് മനസ്സിലാക്കിത്തരുന്നത്. കുട്ടികള് വിശാലബുദ്ധിയുള്ളവരും,
പവിഴബുദ്ധിയുമായി മാറണം. സത്യയുഗത്തില് എങ്ങനെയാണോ രാജാവും റാണിയും അതുപോലെ
പ്രജകളും പവിഴബുദ്ധികളാണ് എന്നല്ലേ പറയുക. അത് പവിഴത്തിന്റെ ലോകമാണ്, ഇത്
കല്ലിന്റേയും. നിങ്ങള്ക്ക് ഈ ജ്ഞാനം ലഭിക്കുന്നത് മനുഷ്യനില് നിന്നും
ദേവതയാകാനാണ്. നിങ്ങള് ശ്രീമതത്തിലൂടെ വീണ്ടും നിങ്ങളുടെ രാജ്യം സ്ഥാപിക്കുകയാണ്.
ബാബ നമുക്ക് യുക്തി പറഞ്ഞുതരികയാണ് അതായത് എങ്ങനെ രാജാവും മഹാരാജാവും ആവാന്
സാധിക്കും? മറ്റുള്ളവര്ക്ക് മനസ്സിലാക്കിക്കൊടുക്കാനായി നിങ്ങളുടെ ബുദ്ധിയില് ഈ
ജ്ഞാനം നിറയുന്നു. ചക്രം ഉപയോഗിച്ച് മനസ്സിലാക്കിക്കൊടുക്കുന്നതും വളരെ സഹജമാണ്.
നോക്കൂ ഈ സമയത്തെ ജനസംഖ്യ എത്രയാണെന്ന്! സത്യയുഗത്തില് എത്ര കുറവായിരിക്കും.
സംഗമം ഉണ്ടല്ലോ. ബ്രാഹ്മണര് കുറച്ചല്ലേ ഉണ്ടാകൂ. ബ്രാഹ്മണരുടെ യുഗം തന്നെ
ചെറുതാണ്. ബ്രാഹ്മണര്ക്കുശേഷമാണ് ദേവതകള്. പിന്നീട് വൃദ്ധി ഉണ്ടാകുന്നു.
കരണംമറിച്ചിലിന്റെ കളിയല്ലേ. അതിനാല് ഏണിപ്പടിയോടൊപ്പം വിരാടരൂപത്തിന്റെ
ചിത്രമുണ്ടെങ്കില് മനസ്സിലാക്കിക്കൊടുക്കുന്നത് സഹജമാകും. നിങ്ങളുടെ
കുലത്തിലുള്ളവരുടെ ബുദ്ധിയില് രചയിതാവിന്റേയും, രചനയുടേയും ജ്ഞാനം സഹജമായും
ഇരിക്കും. അവരുടെ മുഖഭാവത്തിലൂടെ തന്നെ മനസ്സിലാക്കാന് സാധിക്കും അവര് നമ്മുടെ
കുലത്തിലേതാണോ അതോ അല്ലയോ എന്ന്. അഥവാ അല്ലെങ്കില് ഇരുമ്പുചട്ടി പോലെയായിരിക്കും
കേള്ക്കുക. വിവേകശാലികളാണെങ്കില് ശ്രദ്ധയോടെ കേള്ക്കും. ഒരു തവണ ഒരാളുടെ
ലക്ഷ്യത്തില് അമ്പ് കൊണ്ടാല് പിന്നെ അവര് വന്നുകൊണ്ടിരിക്കും. ചിലര് ചോദ്യം
ചോദിക്കും, വേറെ ചിലര് നല്ല പുഷ്പമാണെങ്കില് ദിവസവും സ്വതവേ വന്ന് മുഴുവനും
മനസ്സിലാക്കിയിട്ട് പോകും. ചിത്രങ്ങളിലൂടെ ആര്ക്കും മനസ്സിലാക്കാം. ഇവിടെ
ദേവീദേവതാ ധര്മ്മത്തിന്റെ സ്ഥാപന ബാബ ചെയ്യുകയാണ്. ചിലര് ചോദിക്കാതെ തന്നെ സ്വയം
മനസ്സിലാക്കും. ചിലര് ഒരുപാട് ചോദിക്കും, ഒന്നും മനസ്സിലാക്കില്ല. വീണ്ടും
മനസ്സിലാക്കിക്കൊടുക്കണം, ബഹളമുണ്ടാക്കരുത്. പിന്നീട് പറയും ഈശ്വരന് നിങ്ങളുടെ
രക്ഷപോലും ചെയ്യുന്നില്ല! ഇപ്പോള് ഭഗവാന് എന്ത് രക്ഷയാണ് ചെയ്യുന്നത് എന്ന്
നിങ്ങള്ക്കറിയാം. കര്മ്മങ്ങളുടെ കണക്കുകള് എല്ലാവര്ക്കും ഇല്ലാതാക്കണം. ഇങ്ങനെ
ഒരുപാടുപേരുണ്ട്, ആരോഗ്യം മോശമായാല് രക്ഷിക്കൂ എന്ന് പറയും. ബാബ പറയുന്നു, ഞാന്
വരുന്നത് പതിതത്തില് നിന്നും പാവനമാക്കാനാണ്. ഈ ജോലി നിങ്ങളും പഠിക്കൂ. ബാബ 5
വികാരങ്ങളുടെമേല് വിജയം നേടിത്തരുകയാണ് അതിനാല് അവ ഇതിലും ശക്തിയില് നിങ്ങളെ
നേരിടും. വികാരത്തിന്റെ കൊടുങ്കാറ്റ് വളരെ ശക്തിയോടെ വരും. ബാബ പറയുന്നു
ബാബയുടേതായി മാറുന്നതിലൂടെ ഈ അസുഖങ്ങള്ക്കെല്ലാം ശക്തികൂടും. കൊടുങ്കാറ്റ്
ശക്തിയോടെ വരും. പൂര്ണ്ണമായും ബോക്സിങ്ങാണ്. നല്ല നല്ല യോദ്ധാക്കളേയും
തോല്പ്പിക്കും. പറയുന്നു- ആഗ്രഹിക്കാതെതന്നെ കുദൃഷ്ടി ഉണ്ടാകുന്നു, രജിസ്റ്റര്
മോശമാകും. കുദൃഷ്ടിയുള്ളവരോട് സംസാരിക്കരുത്. ബാബ എല്ലാ സെന്ററിലുമുള്ള
കുട്ടികള്ക്കും മനസ്സിലാക്കിത്തരുകയാണ് അതായത് കുദൃഷ്ടിയുള്ളവര് ഒരുപാടുപേരുണ്ട്,
പേര് എടുത്തുപറഞ്ഞാല് കൂടുതല് കുലദ്രോഹികളാവും. തന്റെ നാശം ചെയ്യുന്നവര്
തെറ്റായ കാര്യങ്ങള് ചെയ്യാന് തുടങ്ങും. കാമ വികാരം മൂക്കിന് പിടിക്കും. മായ
വിടുന്നില്ല, കര്മ്മവും ദൃഷ്ടിയും വാക്കുകളും എല്ലാം മോശമായതാണ് ഉണ്ടാവുക
അതിനാല് വളരെ വളരെ ശ്രദ്ധ വെയ്ക്കണം.
നിങ്ങള് കുട്ടികള് പ്രദര്ശിനികള് വെക്കുമ്പോള് ആര്ക്കും സഹജമായി മനസ്സിലാക്കാന്
സാധിക്കുന്ന തരത്തിലുള്ള യുക്തികള് രചിക്കൂ. ഈ ഗീതാജ്ഞാനം സ്വയം ബാബ
പഠിപ്പിക്കുന്നതാണ്, ഇതില് ശാസ്ത്രങ്ങളുടെ ഒരു കാര്യവുമില്ല. ഇത് പഠിപ്പാണ്.
ഗീതയുടെ പുസ്തകം ഇവിടെയില്ല. ബാബ പഠിപ്പിക്കുന്നു. പുസ്തകം കയ്യില്
എടുക്കുന്നുണ്ടോ. പിന്നെ ഈ ഗീതയെന്ന പേര് എവിടെ നിന്നുവന്നു? ഈ മുഴുവന്
ധര്മ്മശാസ്ത്രങ്ങളും ഉണ്ടാകുന്നത് ഇതിനുശേഷമാണ്. ധാരാളം മഠങ്ങളും
ആശ്രമങ്ങളുമുണ്ട്. എല്ലാവര്ക്കും അവരവരുടെ ശാസ്ത്രങ്ങളുണ്ട്. കൊമ്പും ചില്ലകളും
പോലെ എന്തെല്ലാമുണ്ടോ, ചെറിയ ചെറിയ മഠങ്ങളും ആശ്രമങ്ങളും, അവര്ക്കുപോലും
സ്വന്തമായി ശാസ്ത്രങ്ങളുണ്ട്. അതുകൊണ്ട് അതെല്ലാം കുട്ടികളാണ്. അതില് നിന്നും
മുക്തി ലഭിക്കില്ല. സര്വ്വശാസ്ത്രങ്ങളുടേയും ശിരോമണിയും മാതാവുമാകുന്നത് ഗീതയാണ്
എന്ന് പാടപ്പെട്ടിട്ടുണ്ട്. ഗീതാജ്ഞാനം കേള്പ്പിക്കാനും ഒരാള് ഉണ്ടാകുമല്ലോ.
അതിനാല് ഈ ജ്ഞാനം ബാബയാണ് വന്ന് കേള്പ്പിക്കുന്നത്. ഏതെങ്കിലും ശാസ്ത്രം
കൈയ്യിലുണ്ടോ. ഞാന് ശാസ്ത്രം പഠിച്ചിട്ടില്ല, നിങ്ങളേയും പഠിപ്പിക്കുന്നില്ല.
അവര് പഠിക്കുന്നുണ്ട്, പഠിപ്പിക്കുന്നുമുണ്ട്. ഇവിടെ ശാസ്ത്രങ്ങളുടെ കാര്യമില്ല.
ബാബ ജ്ഞാനസാഗരമാണ്. ഞാന് നിങ്ങള്ക്ക് മുഴുവന് വേദങ്ങളുടേയും ശാസ്ത്രങ്ങളുടേയും
സാരം കേള്പ്പിക്കുന്നു. മുഖ്യമായത് 4 ധര്മ്മങ്ങളും അവയുടെ
ധര്മ്മശാസ്ത്രങ്ങളുമാണ്. ബ്രാഹ്മണ ധര്മ്മത്തിന് എന്തെങ്കിലും പുസ്തകമുണ്ടോ?
എത്ര മനസ്സിലാക്കേണ്ട കാര്യമാണ്. ഇതെല്ലാം ബാബയിരുന്ന് വിസ്തരിച്ച്
മനസ്സിലാക്കിത്തരികയാണ്. മനുഷ്യരെല്ലാവരും കല്ലുബുദ്ധികളാണ് അതിനാലാണ് ഇത്രയും
ദരിദ്രരായി മാറിയത്. ദേവതകള് ഗോള്ഡന് ഏജിലായിരുന്നു, അവിടെ
സ്വര്ണ്ണക്കൊട്ടാരങ്ങള് ഉണ്ടായിരുന്നു, സ്വര്ണ്ണഖനികള് ഉണ്ടായിരുന്നു. ഇപ്പോള്
സത്യമായ സ്വര്ണ്ണം തന്നെയില്ല. മുഴുവന് കഥകളും ഭാരതത്തെക്കുറിച്ചാണ്. നിങ്ങള്
ദേവീദേവതകള് പവിഴബുദ്ധികളായിരുന്നു, വിശ്വത്തില് രാജ്യം ഭരിച്ചിരുന്നു. ഇപ്പോള്
ഓര്മ്മവന്നു, നമ്മള് സ്വര്ഗ്ഗത്തിന്റെ അധികാരികളായിരുന്നു പിന്നീട് നരകത്തിന്റെ
അധികാരികളായി മാറി. ഇപ്പോള് വീണ്ടും പവിഴബുദ്ധിയായി മാറുകയാണ്. ഈ ജ്ഞാനം നിങ്ങള്
കുട്ടികളുടെ ബുദ്ധിയിലുണ്ട്, ഇത് മറ്റുള്ളവര്ക്ക് മനസ്സിലാക്കിക്കൊടുക്കണം.
ഡ്രാമയനുസരിച്ച് പാര്ട്ട് നടന്നുകൊണ്ടിരിക്കും, ഏതെല്ലാം സമയം കടന്നുപോയോ അത്
കൃത്യമായി വീണ്ടും ആവര്ത്തിക്കും എങ്കിലും പുരുഷാര്ത്ഥം ചെയ്യണമല്ലോ. സ്വയം
ഭഗവാന് നമ്മെ സ്വര്ഗ്ഗത്തിന്റെ അധികാരിയാക്കാന് പുരുഷാര്ത്ഥം ചെയ്യിക്കുകയാണ്
എന്ന ലഹരി ഏത് കുട്ടികള്ക്കാണോ ഉള്ളത് അവരുടെ മുഖം സദാ സന്തോഷം കൊണ്ട്
ഒന്നാന്തരമായിരിക്കും. ബാബ വരുന്നതുതന്നെ കുട്ടികളെ പുരുഷാര്ത്ഥം ചെയ്യിക്കാനാണ്,
പ്രാലബ്ധത്തിനായി. ഇതും ലോകത്തിന് അറിയില്ല എന്നും നിങ്ങള്ക്കറിയാം.
സ്വര്ഗ്ഗത്തിന്റെ അധികാരിയാക്കി മാറ്റാന് ഭഗവാന് പുരുഷാര്ത്ഥം
ചെയ്യിക്കുന്നുവെങ്കില് സന്തോഷം ഉണ്ടാകണം. മുഖം ഒന്നാന്തരവും,
സന്തോഷമുള്ളതുമായിരിക്കണം. ബാബയുടെ ഓര്മ്മയില് നിങ്ങള് സദാ ഹര്ഷിതരായിരിക്കും.
ബാബയെ മറക്കുന്നതുകൊണ്ടാണ് ക്ഷീണം തോന്നുന്നത്. ബാബയേയും, സമ്പത്തിനേയും
ഓര്മ്മിക്കുന്നതിലൂടെ സന്തോഷവാനായി മാറും. ഓരോരുത്തരുടേയും സേവനം കണ്ടാല് അറിയാം.
ബാബക്ക് കുട്ടികളുടെ സുഗന്ധം ലഭിക്കുമല്ലോ. തെളിവ് നല്കുന്ന കുട്ടികളുടെ സുഗന്ധം
വരും, കുപുത്രരാണെങ്കില് ദുര്ഗന്ധമായിരിക്കും വരിക. പൂന്തോട്ടത്തില് നിന്നും
സുഗന്ധമുള്ള പുഷ്പങ്ങള് പറിക്കാനല്ലേ ആഗ്രഹമുണ്ടാവുക. എരിക്കിനെ ആര് പറിക്കും!
ബാബയെ യഥാര്ത്ഥരീതിയില് ഓര്മ്മിച്ചാലേ വികര്മ്മം വിനാശമാകൂ. ശരി!
വളരെക്കാലത്തെ വേര്പാടിനുശേഷം തിരികെക്കിട്ടിയ മധുര-മധുരമായ കുട്ടികള്ക്ക്
മാതാവും പിതാവുമായ ബാപ്ദാദയുടെ സ്നേഹ സ്മരണകളും, സുപ്രഭാതും. ആത്മീയ അച്ഛന്റെ
ആത്മീയ കുട്ടികള്ക്ക് നമസ്ക്കാരം.
ധാരണയ്ക്കുള്ള മുഖ്യ സാരം:-
1) മായയുടെ
ബോക്സിംങില് തോറ്റുപോകരുത്. വായിലൂടെ മോശമായ വാക്കുകള് വരരുത്, മോശമായ
ദൃഷ്ടിയുണ്ടാകരുത്, മോശമായ പെരുമാറ്റമോ മോശമായ കര്മ്മമോ ഉണ്ടാകരുത് ഇതില്
ശ്രദ്ധിക്കണം.
2) സുഗന്ധമുള്ള ഒന്നാന്തരം
പുഷ്പമായി മാറണം. സ്വയം ഭഗവാന് നമ്മെ പഠിപ്പിക്കുകയാണ് എന്ന ലഹരിയുണ്ടാകണം.
ബാബയുടെ ഓര്മ്മയില് സദാ ഹര്ഷിതമായിരിക്കണം, ഒരിയ്ക്കലും വാടരുത്.
വരദാനം :-
വെല്ലുവിളികളേയും ,യാഥാര്ത്ഥ്യങ്ങളെയും ഒരുപോലെ കണ്ട് സ്വയത്തെ പാപങ്ങളില്നിന്നും
സുരക്ഷിതമാക്കി വെക്കുന്ന വിശ്വസേവാധാരിയായി ഭവിക്കട്ടെ.
താങ്കള് കുട്ടികള് ഏത്
വെല്ലുവിളികളെയാണോ (ചലഞ്ച് ) സ്വീകരിക്കുന്നത് അവ താങ്കളുടെ യതാര്ത്ഥ
ജീവിതവുമായി പൊരുത്തമുള്ളവയായിരിക്കണം.അല്ലെങ്കില് പുണ്യാത്മാവിനു പകരം
പാപാത്മാവായി മാറും.ഈ പുണ്യത്തിന്റെയും, പാപത്തിന്റെയും ഗതിയെ മനസ്സിലാക്കി
സ്വയത്തെ സുരക്ഷിതമാക്കി വെക്കൂ.എന്തെന്നാല് സങ്കല്പത്തില്പ്പോലും ആരുടെയെങ്കിലും
ദുര്ബലത,വ്യര്ത്ഥമായ സംസാരം,വ്യര്ത്ഥഭാവന,വെറുപ്പ്,ഈര്ഷ്യ എന്നിവയുടെ
ഭാവനയുണ്ടെങ്കില് അവ പാപത്തിന്റെ ശേഖരത്തെ വര്ദ്ധിപ്പിക്കും.അതിനാല്
പുണ്യാത്മാഭവഃ എന്ന വരദാനത്തിലൂടെ സ്വയത്തെ സുരക്ഷിതമാക്കി വെച്ചുകൊണ്ട്
വിശ്വസേവാധാരിയായി മാറൂ..കൂട്ടായ്മയില് ഏകാഭിപ്രായം,ഏകരസസ്ഥിതി എന്നിവയുടെ
അനുഭവം ചെയ്യൂ.
സ്ലോഗന് :-
പവിത്രതയാകുന്ന ദീപത്തെ നാനാഭാഗത്തും തെളിയിക്കൂ...അപ്പോള് ബാബയെ സഹജമായി
കാണുവാന് സാധിക്കും.
അവ്യക്തസൂചന-ഏകാന്തപ്രിയരായിമാറു...ഏകതയും,ഏകാഗ്രതയും സ്വന്തമാക്കൂ...
പ്രത്യക്ഷതയുടെ പതാക
വീശുന്നതിനുമുന്പായി,രണ്ടുവാക്കുകള് കര്മ്മത്തിലേക്ക്
കൊണ്ടുവരൂ,സര്വ്വസംബന്ധത്തിലും,സമ്പര്ക്കങ്ങളിലും പരസ്പരം ഐക്യം
കൊണ്ടുവരുക.അനേകസംസ്ക്കാരങ്ങളിലും,അനേകതയില് ഏകതയും, ദൃഢതയും
കൊണ്ടുവരുന്നതുതന്നെയാണ് സഫലതക്കുള്ള മാര്ഗ്ഗങ്ങള്.ചിലപ്പോഴൊക്കെ ഐക്യത്തിന്
ഇളക്കം സംഭവിക്കാറുണ്ട്.അവര് ചെയ്യുന്നതുപോലെ എനിക്കും ചെയ്യണം....ഇങ്ങിനെ
ചിന്തിക്കരുത്.താങ്കളുടെ സ്ളോഗന് സ്വപരിവര്ത്തനത്തിലൂടെ വിശ്വപരിവര്ത്തനം
എന്നതാണ്,അല്ലാതെ വിശ്വപരിവര്ത്തനത്തിലൂടെ സ്വപരിവര്ത്തനം എന്നല്ല.