മധുരമായ കുട്ടികളേ-
ഓര്മ്മയിലൂടെയും പഠിപ്പിലൂടെയും മാത്രമേ ഇരട്ടക്കിരീടം ലഭിക്കൂ, അതിനാല് തന്റെ
ലക്ഷ്യത്തെ മുന്നില് വെച്ച് ദൈവീക ഗുണങ്ങള് ധാരണ ചെയ്യൂ.
ചോദ്യം :-
വിശ്വ രചയിതാവായ ബാബ നിങ്ങള് കുട്ടികളുടെ എന്ത് സേവനമാണ് ചെയ്യുന്നത്?
ഉത്തരം :-
1.
കുട്ടികള്ക്ക് പരിധിയില്ലാത്ത സമ്പത്ത് നല്കി സന്തോഷിപ്പിക്കുന്ന സേവനം.
ബാബയെപ്പോലെ നിഷ്കാമ സേവനം ചെയ്യാന് ആര്ക്കും സാധിക്കില്ല. 2. പരിധിയില്ലാത്ത
ബാബ ഇരിപ്പിടം വാടകയ്ക്ക് എടുത്ത് നിങ്ങളെ വിശ്വസിംഹാസനധാരികളാക്കി മാറ്റുന്നു.
സ്വയം അധികാരത്തിന്റെ സിംഹാസനത്തില് ഇരിക്കുന്നില്ല എന്നാല് കുട്ടികളെ
അധികാരത്തിന്റെ സിംഹാസനത്തില് ഇരുത്തുകയാണ്. ബാബയ്ക്കായി ജഢക്ഷേത്രങ്ങളാണ്
നിര്മ്മിക്കുന്നത്, അതില് ബാബയ്ക്ക് എന്ത് രസമാണുണ്ടാവുക. ആസ്വദിക്കുന്നത്
കുട്ടികളാണ് കാരണം നിങ്ങളാണ് സ്വര്ഗ്ഗത്തിന്റെ രാജ്യഭാഗ്യം എടുക്കുന്നത്.
ഓംശാന്തി.
മധുര മധുരമായ ആത്മീയ കുട്ടികളോട് ബാബ പറയുകയാണ് സ്വയം ആത്മാവാണെന്ന്
മനസ്സിലാക്കി ബാബയെ ഓര്മ്മിക്കു. ഓംശാന്തി എന്നതിന്റെ അര്ത്ഥം കുട്ടികള്ക്ക്
മനസ്സിലാക്കിത്തന്നിട്ടുണ്ട്. ബാബയും പറയുന്നുണ്ട് ഒപ്പം കുട്ടികളും
പറയുന്നുണ്ട് ഓംശാന്തി, എന്തെന്നാല് ആത്മാവിന്റെ സ്വധര്മ്മമാണ് ശാന്തി. നിങ്ങള്
ഇപ്പോള് മനസ്സിലാക്കി നമ്മള് ശാന്തിധാമത്തില് നിന്നും ആദ്യമാദ്യം ഇവിടെ
സുഖധാമത്തിലേയ്ക്കാണ് വരുന്നത്, പിന്നീട് 84 പുനര്ജന്മങ്ങള് എടുത്ത് എടുത്ത്
ദുഃഖധാമത്തിലെത്തുന്നു. ഇത് ഓര്മ്മയുണ്ടല്ലോ. കുട്ടികള് 84 ജന്മങ്ങള്
എടുക്കുന്നു, ജീവാത്മാവായി മാറുന്നു. ബാബ ജീവാത്മാവായി മാറുന്നില്ല. പറയുന്നു
ഞാന് താല്ക്കാലികമായി ഇദ്ദേഹത്തെ ആശ്രയിക്കുകയാണ്. ഇല്ലെങ്കില് പിന്നെങ്ങിനെ
പഠിപ്പിക്കും? മന്മനാഭവയായിരിക്കൂ, തന്റെ രാജധാനിയെ ഓര്മ്മിക്കൂ എന്നെല്ലാം
കൂടെക്കൂടെ എങ്ങനെ പറയും? ഇതിനെയാണ് പറയുന്നത് സെക്കന്റില് വിശ്വത്തിന്റെ
രാജ്യപദവി. പരിധിയില്ലാത്ത ബാബയല്ലേ അതിനാല് തീര്ച്ചയായും പരിധിയില്ലാത്ത
സന്തോഷവും പരിധിയില്ലാത്ത സമ്പത്തുമാണ് നല്കുക. ബാബ വളരെ സഹജമായ വഴി
പറഞ്ഞുതരുന്നു. പറയുന്നു ഇപ്പോള് ഈ ദുഃഖധാമത്തെ ബുദ്ധിയില് നിന്നും
എടുത്തുമാറ്റു. സ്വര്ഗ്ഗത്തിന്റെ അധികാരിയായി മാറണമെങ്കില് അതിന്റെ സ്ഥാപന
ചെയ്യുന്ന എന്നെ ഓര്മ്മിക്കൂ എങ്കില് നിങ്ങളുടെ പാപം മുറിയും. നിങ്ങള് വീണ്ടും
സതോപ്രധാനമായി മാറും, ഇതിനെയാണ് സഹജമായ ഓര്മ്മ എന്നു പറയുന്നത്. എങ്ങനെയാണോ
കുട്ടികള് ലൗകിക പിതാവിനെ വളരെ സഹജമായി ഓര്മ്മിക്കുന്നത് അതുപോലെ നിങ്ങള്
കുട്ടികള് പരിധിയില്ലാത്ത ബാബയെ ഓര്മ്മിക്കണം. ബാബയാണ് ദുഃഖത്തില് നിന്നും
പുറത്തെടുത്ത് സുഖധാമത്തിലേയ്ക്ക് കൊണ്ടുപോകുന്നത്. അവിടെ ദുഃഖത്തിന്റെ പേരോ
അടയാളമോ പോലും ഉണ്ടാകില്ല. വളരെ സഹജമായ കാര്യമാണ് പറയുന്നത്- തന്റെ
ശാന്തിധാമത്തെ ഓര്മ്മിക്കു, ബാബയുടെ വീട് ഏതാണോ അത് നിങ്ങളുടേയും വീടാണ് പിന്നെ
പുതിയ ലോകത്തെ ഓര്മ്മിക്കു, അത് നിങ്ങളുടെ രാജധാനിയാണ്. ബാബ നിങ്ങള് കുട്ടികളുടെ
നിഷ്കാമ സേവനം എത്രമാത്രം ചെയ്യുന്നു. നിങ്ങള് കുട്ടികളെ സുഖിയാക്കി
മാറ്റിയിട്ട് പിന്നീട് വാനപ്രസ്ഥത്തില് പരമധാമത്തില് പോയിരിക്കുന്നു. നിങ്ങള്
പരമധാമ നിവാസികളാണ്. അതിനെ നിര്വ്വാണധാമം, വാനപ്രസ്ഥം എന്നും പറയാറുണ്ട്. ബാബ
വരുന്നത് കുട്ടികളുടെ സേവനം ചെയ്യുന്നതിനായാണ് അര്ത്ഥം സമ്പത്ത് നല്കാനാണ്.
ബ്രഹ്മാവും ബാബയില് നിന്നും സമ്പത്ത് എടുക്കുകയാണ്. ശിവബാബ ഉയര്ന്നതിലും
ഉയര്ന്ന ഭഗവാനാണ്, ശിവബാബയുടെ ക്ഷേത്രങ്ങളുമുണ്ട്. ബാബയ്ക്ക് ടീച്ചറോ ഗുരുവോ
ഇല്ല. മുഴുവന് സൃഷ്ടിയുടേയും ആദി മദ്ധ്യ അന്ത്യത്തിന്റെ ജ്ഞാനം ബാബയുടെ
പക്കലാണുള്ളത്. എവിടെ നിന്നാണ് വന്നത്? എന്താ ഏതെങ്കിലും വേദശാസ്ത്രങ്ങള്
മുതലായവ പഠിച്ചിട്ടുണ്ടോ? ഇല്ല. ബാബ ജ്ഞാനസാഗരനാണ്, സുഖ ശാന്തിയുടെ സാഗരനാണ്.
ബാബയുടെ മഹിമയും ദൈവീകഗുണങ്ങളുള്ള മനുഷ്യരുടെ മഹിമയും തമ്മില് വ്യത്യാസമുണ്ട്.
നിങ്ങള് ദൈവീക ഗുണങ്ങള് ധാരണ ചെയ്ത് ദേവതയായി മാറുന്നു. മുമ്പ്
ആസുരീയഗുണങ്ങളായിരുന്നു. അസുരനില് നിന്നും ദേവതയാക്കി മാറ്റണം- ഇത് ബാബയുടെ
തന്നെ ജോലിയാണ്. ലക്ഷ്യവും മുന്നിലുണ്ട്. തീര്ച്ചയായും അവര് ഇങ്ങനെയുള്ള
ശ്രേഷ്ഠകര്മ്മങ്ങള് ചെയ്തിട്ടുണ്ടാകും. കര്മ്മം- അകര്മ്മം- വികര്മ്മം എന്നിവയുടെ
ഗതി, അതുപോലെ ഓരോ കാര്യങ്ങളും മനസ്സിലാക്കിത്തരാന് ഒരു സെക്കന്റ് മതി.
ബാബ പറയുന്നു മധുര മധുരമായ കുട്ടികള്ക്ക് പാര്ട്ട് അഭിനയിക്കുക തന്നെ വേണം. ഈ
പാര്ട്ട് നിങ്ങള്ക്ക് അനാദിയും അവിനാശിയുമായി ലഭിച്ചിട്ടുള്ളതാണ്. നിങ്ങള് എത്ര
തവണ ഈ സുഖ ദുഃഖത്തിന്റെ കളിയില് വന്നിട്ടുണ്ട്. എത്ര തവണ നിങ്ങള് വിശ്വത്തിന്റെ
അധികാരിയായി മാറിയിട്ടുണ്ട്. ബാബ എത്ര ഉയര്ന്നവരാക്കി മാറ്റുന്നു. സുപ്രീം
സോളായ പരമാത്മാവും വളരെ ചെറുതാണ്. ആ ബാബ ജ്ഞാനസാഗരനാണ്. അതിനാല് ആത്മാക്കളേയും
തനിക്കു സമാനമാക്കി മാറ്റുന്നു. നിങ്ങള് സ്നേഹത്തിന്റെ സാഗരവും, സുഖത്തിന്റെ
സാഗരവുമായി മാറുന്നു. ദേവതകള്ക്ക് പരസ്പരം എത്ര സ്നേഹമാണ്. ഒരിയ്ക്കലും
വഴക്കടിക്കുന്നില്ല. അതിനാല് ബാബ വന്ന് നിങ്ങളെ ബാബയ്ക്ക് സമാനമാക്കി
മാറ്റുകയാണ്. ബാക്കിയാര്ക്കും ഇങ്ങനെയാക്കി മാറ്റാന് സാധിക്കില്ല. കളി
സ്ഥൂലവതനത്തിലാണ് നടക്കുന്നത്. ആദ്യം ആദി സനാതന ദേവീ ദേവതാധര്മ്മം പിന്നീട്
ഇസ്ലാമികള്, ബൗദ്ധികള് എന്നിവര് നമ്പര് അനുസരിച്ച് ഈ വേദിയില് അഥവാ
നാടകശാലയിലേയ്ക്ക് വരുന്നു. 84 ജന്മങ്ങള് എടുക്കുന്നത് നിങ്ങളാണ്. പാട്ടുമുണ്ട്
ആത്മാക്കളും പരമാത്മാവും ഒരുപാടുകാലം വേര്പെട്ടിരുന്നു............. അച്ഛന്
പറയുന്നു മധുര മധുരമായ കുട്ടികളേ, ആദ്യമാദ്യം വിശ്വത്തില് പാര്ട്ട് അഭിനയിക്കാന്
വന്നത് നിങ്ങളാണ്. ഞാനാണെങ്കില് കുറച്ച് സമയത്തേയ്ക്കായി ഇവരില് പ്രവേശിക്കുന്നു.
ഇതാണെങ്കില് പഴയ ചെരുപ്പാണ്. ഭാര്യ മരിച്ചാല് ഭര്ത്താവ് പറയും ഒരു പഴയ ചെരുപ്പ്
പോയി, ഇനി പുതിയത് എടുക്കണം. ഇതും പഴയ ശരീരമല്ലേ. 84 ജന്മങ്ങളുടെ ചക്രം
കറങ്ങിയിട്ടുണ്ട്. തതത്വം(താങ്കളും), അതിനാല് ഞാന് വന്ന് ഈ രഥത്തിന്റെ
ആധാരമെടുക്കുകയാണ്. പാവനലോകത്തില് ഞാന് ഒരിയ്ക്കലും വരുന്നതേയില്ല. നിങ്ങള്
പതിതമാണ്, വന്ന് പാവനമാക്കി മാറ്റൂ എന്നുപറഞ്ഞ് എന്നെ വിളിക്കുന്നു. അവസാനം
നിങ്ങളുടെ ഓര്മ്മയ്ക്ക് ഫലം ലഭിക്കുമല്ലോ. എപ്പോഴാണോ പഴയ ലോകത്തിന്റെ
അവസാനമാകുന്നത് ആ സമയത്താണ് ഞാന് വരുന്നത്. ബ്രഹ്മാവിലൂടെ സ്ഥാപന. ബ്രഹ്മാവിലൂടെ
അര്ത്ഥം ബ്രാഹ്മണരിലൂടെ. ആദ്യം കുടുമയായ ബ്രാഹ്മണര്, പിന്നീട് ക്ഷത്രിയര്.......
ഇങ്ങനെ കുട്ടിക്കരണം മറിഞ്ഞ് കളിക്കുകയാണ്. ഇപ്പോള് ദേഹാഭിമാനത്തെ ഇപേക്ഷിച്ച്
ദേഹീ അഭിമാനിയായി മാറണം. നിങ്ങള് 84 ജന്മങ്ങള് എടുക്കുന്നുണ്ട്. ഞാന് ഒരേയൊരു
തവണയാണ് ഈ ശരീരം ലോണായി എടുക്കുന്നത്. വാടകയ്ക്ക് എടുക്കുകയാണ്. ഞാന് ഈ
കെട്ടിടത്തിന്റെ ഉടമസ്ഥനല്ല. ഇതിനെ ഞാന് പിന്നീട് ഉപേക്ഷിക്കും. വാടക
കൊടുക്കേണ്ടി വരുമല്ലോ. ബാബയും പറയുന്നു, ഞാന് കെട്ടിടത്തിന്റെ വാടക
നല്കുന്നുണ്ട്. പരിധിയില്ലാത്ത ബാബയാണ്, അതിനാല് വാടകയായി എന്തെങ്കിലും
കൊടുക്കുന്നുണ്ടാകും തീര്ച്ച. ഈ ഇരിപ്പിടം ഉപയോഗിക്കുകയാണ് നിങ്ങള്ക്ക്
മനസ്സിലാക്കിത്തരാന് വേണ്ടി. വിശ്വത്തിന്റെ രാജ്യസിംഹാസനത്തിന് യോഗ്യരാക്കുന്ന
തരത്തില് നിങ്ങള്ക്ക് മനസ്സിലാക്കിത്തരുന്നു. സ്വയം പറയുന്നു, ഞാന് ആകുന്നില്ല.
സിംഹാസനധാരി അര്ത്ഥം അധികാരത്തിന്റെ സിംഹാസനത്തിലാണ് ഇരുത്തുന്നത.് ശിവബാബയുടെ
ഓര്മ്മയ്ക്കായാണ് സോമനാഥ ക്ഷേത്രം നിര്മ്മിച്ചിരിക്കുന്നത്. ബാബ പറയുന്നു ഇതില്
നിന്ന് എനിക്ക് എന്ത് രസമാണ് ലഭിക്കുക. ജഢമൂര്ത്തിയെ വെക്കുന്നു. നിങ്ങള്
കുട്ടികളാണ് സ്വര്ഗ്ഗത്തില് ആസ്വദിക്കുന്നത്. ഞാനാണെങ്കില് സ്വര്ഗ്ഗത്തിലേയ്ക്ക്
വരുന്നേയില്ല. പിന്നീട് ഭക്തി മാര്ഗ്ഗം ആരംഭിക്കുമ്പോള് ഈ ക്ഷേത്രങ്ങളെല്ലാം
നിര്മ്മിക്കാന് എത്ര ചിലവാണ് ചെയ്തത്. എന്നിട്ടും കള്ളന് കൊള്ളയടിച്ചുകൊണ്ടുപോയി.
രാവണ രാജ്യത്തില് നിങ്ങളുടെ ധനവും സമ്പത്തും എല്ലാം നശിക്കുന്നു. ഇപ്പോള് ആ
അധികാരത്തിന്റെ സിംഹാസനമുണ്ടോ? ബാബ പറയുന്നു എന്റെ ക്ഷേത്രം നിര്മ്മിച്ചതിനെ
മുഹമ്മദ് ഗസ്നി വന്ന് കൊള്ളയടിച്ച് കൊണ്ടുപോയി.
ഭാരതത്തെപ്പോലെ സമ്പന്നമായ മറ്റൊരു ദേശമില്ല. ഇതുപോലൊരു തീര്ത്ഥസ്ഥാനം
മറ്റൊന്നുണ്ടാവുക സാദ്ധ്യമല്ല. പക്ഷേ ഇന്നാണെങ്കില് ഹിന്ദു ധര്മ്മത്തിന് അനേകം
തീര്ത്ഥസ്ഥാനങ്ങളുണ്ട്. വാസ്തവത്തില് ഭാരതത്തിന്റെ സദ്ഗതി ചെയ്യുന്ന ബാബയുടെ
തീര്ത്ഥസ്ഥാനമാണ് ഉണ്ടാകേണ്ടത്. ഇതും ഡ്രാമയില് അടങ്ങിയതാണ്. മനസ്സിലാക്കുവാന്
വളരെ സഹജമാണ്. പക്ഷേ നമ്പര്വൈസായേ മനസ്സിലാക്കൂ കാരണം രാജധാനിയാണ്
സ്ഥാപിക്കുന്നത്. സ്വര്ഗ്ഗത്തിന്റെ അധികാരികള് ഈ ലക്ഷ്മീ നാരായണന്മാരാണ്. ഇവരാണ്
ഉത്തമരിലും ഉത്തമരായ പുരുഷന്മാര് ഇവരെയാണ് പിന്നീട് ദേവതകള് എന്ന് വിളിക്കുന്നത്.
ദൈവീക ഗുണങ്ങള് നിറഞ്ഞവരെയാണ് ദേവത എന്നു വിളിക്കുന്നത്. ഉയര്ന്ന ദേവതാ
ധര്മ്മത്തിലുള്ള ഇവര് പ്രവൃത്തി മാര്ഗ്ഗത്തിലുള്ളവരാണ്. ആ സമയത്ത് നിങ്ങളുടെ
പ്രവൃത്തി മാര്ഗ്ഗം മാത്രമേ ഉണ്ടാകൂ. ബാബ നിങ്ങളെ ഇരട്ടക്കിരീടധാരികളാക്കി
മാറ്റി. രാവണന് പിന്നീട് രണ്ട് കിരീടവും നഷ്ടപ്പെടുത്തി. ഇപ്പോള് കിരീടമേയില്ല,
പവിത്രതയുടെ കിരീടവുമില്ല, ധനത്തിന്റെ കിരീടവുമില്ല, രണ്ടും രാവണന്
നഷ്ടപ്പെടുത്തി. പിന്നീട് ബാബ വന്ന് ഈ പഠിപ്പിലൂടെയും ഓര്മ്മയിലൂടെയും
നിങ്ങള്ക്ക് രണ്ട് കിരീടങ്ങളും നല്കുന്നു അതിനാലാണ് പാടുന്നത്- ഓ ഗോഡ് ഫാദര്
വന്ന് ഞങ്ങളുടെ വഴികാട്ടിയാകൂ, മുക്തിയും നല്കൂ. അപ്പോള് നിങ്ങള്ക്കും വഴികാട്ടി
എന്ന് പേരുവെച്ചിരിക്കുന്നു. പാണ്ഢവരും കൗരവരും യാദവരും എന്താണ് ചെയ്യുന്നത്.
പറയുന്നു ബാബാ ഞങ്ങളെ ദുഃഖത്തിന്റെ ലോകത്തില് നിന്നും രക്ഷിച്ച്
കൂടെക്കൊണ്ടുപോകൂ. ബാബയാണ് സത്യഖണ്ഢത്തിന്റെ സ്ഥാപന ചെയ്യുന്നത്, ഇതിനെയാണ്
സ്വര്ഗ്ഗം എന്നു പറയുന്നത്. പിന്നീട് രാവണന് അസത്യ ഖണ്ഢമാക്കി മാറ്റുന്നു. അവര്
പറയുന്നു കൃഷ്ണഭഗവാനു വാചാ. ബാബ പറയുന്നു ശിവഭഗവാനുവാച. ഭാരതവാസികള് പേര് മാറ്റി
അതിനാല് മുഴുവന് ലോകവും പേരിനെ മാറ്റി. കൃഷ്ണന് ദേഹധാരിയാണ്, വിദേഹിയായത് ഒരേ
ഒരു ശിവബാബയാണ്. ഇപ്പോള് ബാബയിലൂടെ നിങ്ങള് കുട്ടികള്ക്ക് ശക്തി ലഭിക്കുന്നു.
മുഴുവന് വിശ്വത്തിനും നിങ്ങള് അധികാരിയായി മാറുന്നു. മുഴുവന് ആകാശവും ഭൂമിയും
നിങ്ങള്ക്ക് ലഭിക്കുന്നു. മുക്കാല് കല്പത്തിലേയ്ക്ക് ഇത് നിങ്ങളില് നിന്നും
തട്ടിയെടുക്കാന് ആരിലും ശക്തിയുണ്ടാകില്ല. അവരുടെ വൃദ്ധി ഉണ്ടായി
കോടിക്കണക്കിനുപേരാകുമ്പോഴാണ് അവര് സൈന്യവുമായി വന്ന് നിങ്ങളുടെ മേല് വിജയം
നേടുന്നത്. ബാബ കുട്ടികള്ക്ക് എത്ര സുഖമാണ് നല്കുന്നത്. ബാബയുടെ മഹിമതന്നെ
ദുഃഖഹര്ത്താവ്, സുഖകര്ത്താവ് എന്നതാണ്. ഈ സമയത്ത് ബാബ ഇരുന്ന് നിങ്ങള്ക്ക്
കര്മ്മം - അകര്മ്മം- വികര്മ്മം എന്നിവയുടെ ഗതിയെക്കുറിച്ച്
മനസ്സിലാക്കിത്തരുകയാണ്. രാവണരാജ്യത്തില് കര്മ്മം വികര്മ്മമായി മാറുന്നു.
സത്യയുഗത്തില് കര്മ്മം അകര്മ്മമായി മാറുന്നു. ഇപ്പോള് നിങ്ങള്ക്ക് ഒരു
സദ്ഗുരുവിനെ ലഭിച്ചിരിക്കുന്നു, ആരെയാണോ പതിമാരുടേയും പതി എന്ന് വിളിക്കുന്നത്
എന്തുകൊണ്ടെന്നാല് എല്ലാ പതിമാരും ബാബയെത്തന്നെയാണ് ഓര്മ്മിക്കുന്നത്. അതിനാല്
ബാബ മനസ്സിലാക്കിത്തരുകയാണ് ഇത് എത്ര അത്ഭുതകരമായ ഡ്രാമയാണ്. ഇത്രയും ചെറിയ
ആത്മാവില് അവിനാശിയായ പാര്ട്ട് നിറഞ്ഞിട്ടുണ്ട്, അത് ഒരിയ്ക്കലും നശിക്കില്ല.
ഇതിനെയാണ് അനാദി അവിനാശി ഡ്രാമ എന്നു പറയുന്നത്. ഈശ്വരന് ഒന്നേയുള്ളു. രചന അഥവാ
ഏണിപ്പടിയും ചക്രവും എല്ലാം ഒന്നുതന്നെയാണ്. രചയിതാവിനേയോ രചനയേയോ ആര്ക്കും
അറിയില്ല. ഋഷി മുനിമാര് പോലും പറയുന്നത് ഞങ്ങള്ക്ക് അറിയില്ല എന്നാണ്. ഇപ്പോള്
നിങ്ങള് സംഗമത്തിലാണ് ഇരിക്കുന്നത്, നിങ്ങളുടെ യുദ്ധം മായയുമായാണ്. മായ
വിടുന്നേയില്ല. കുട്ടികള് പറയുന്നു- ബാബാ, മായയുടെ അടികൊണ്ടു. ബാബ പറയുന്നു-
കുട്ടികളേ, ഉണ്ടാക്കിയ സമ്പാദ്യം നഷ്ടപ്പെടുത്തി! നിങ്ങളെ ഭഗവാന്
പഠിപ്പിക്കുകയാണ് അതിനാല് നല്ല രീതിയില് പഠിക്കണം. ഇങ്ങനെയുള്ള പഠിപ്പ് ഇനി
5000 വര്ഷങ്ങള്ക്കുശേഷമേ ലഭിക്കൂ. ശരി!
വളരെക്കാലത്തെ വേര്പാടിനുശേഷം തിരികെക്കിട്ടിയ ഓമന സന്താനങ്ങള്ക്ക് മാതാവും
പിതാവുമായ ബാപ്ദാദയുടെ സ്നേഹ സ്മരണകളും പുലര്കാല വന്ദനവും. ആത്മീയ പിതാവിന്റെ
ആത്മീയ കുട്ടികള്ക്ക് നമസ്ക്കാരം.
ധാരണയ്ക്കുള്ള മുഖ്യ സാരം:-
1. ഈ
ദുഃഖധാമത്തില് നിന്നും ബുദ്ധിയോഗത്തെ എടുത്തുമാറ്റി പുതിയ ലോകത്തിന്റെ സ്ഥാപന
ചെയ്യുന്ന ബാബയെ ഓര്മ്മിക്കണം, സതോപ്രധാനമായി മാറണം.
2. ബാബയ്ക്കു സമാനം സ്നേഹ
സാഗരനും ശാന്തിയുടേയും സുഖത്തിന്റേയും സാഗരനും ആകണം. കര്മ്മം, അകര്മ്മം,
വികര്മ്മം എന്നിവയുടെ ഗതിയെ മനസ്സിലാക്കി സദാ ശ്രേഷ്ഠ കര്മ്മം ചെയ്യണം.
വരദാനം :-
സദാ
ഉന്മേഷ-ഉത്സാഹത്തിലിരുന്ന് മനസ്സില് സന്തോഷത്തിന്റെ ഗീതം പാടുന്ന അവിനാശിയായ
ഭാഗ്യശാലികളായി ഭവിക്കട്ടെ.
താങ്കള് ഭാഗ്യശാലികളായ
കുട്ടികള് അവിനാശീ വിധിയിലൂടെ അവിനാശിയായ സിദ്ധികള് പ്രാപ്തമാക്കുന്നവരാണ്.
താങ്കളുടെ മനസ്സില് സദാ ആഹാ-ആഹായുടെ സന്തോഷത്തിന്റെ ഗീതം
മുഴങ്ങിക്കൊണ്ടിരിക്കുന്നു. ആഹാ ബാബാ! ആഹാ ഭാഗ്യം! ആഹാ മധുരമായ പരിവാരം! ആഹാ
ശ്രേഷ്ഠ സംഗമത്തിന്റെ സ്വര്ണ്ണിമ സമയം. ഓരോ കര്മ്മവും ആഹാ-ആഹാ ആണ്, അതിനാല്
താങ്കള് അവിനാശീ ഭാഗ്യശാലികളാണ്. താങ്കളുടെ മനസ്സില് ഒരിക്കലും എന്തുകൊണ്ട്,
ഞാന് ഇവ വരികയില്ല. എന്തുകൊണ്ട് എന്നതിന് പകരം ആഹാ-ആഹായും ഞാന് എന്നതിന് പകരം
ബാബാ-ബാബാ എന്നതുമേ വരൂ.
സ്ലോഗന് :-
എന്ത്
സങ്കല്പ്പം ചെയ്യുന്നുവോ അതിന്മേല് അവിനാശീ ഗവണ്മെന്റിന്റെ സ്റ്റാമ്പ് വെക്കൂ
എങ്കില് അചഞ്ചലമായിരിക്കും.
മാതേശ്വരിയുടെ മധുര
മഹാവാക്യങ്ങള്-
ജീവിതത്തിലെ ആഗ്രഹങ്ങള്
പൂര്ത്തിയാകുന്നതിനുള്ള സ്വര്ണ്ണിമ സമയം.
നമ്മള് എല്ലാ
ആത്മാക്കളുടേയും ഒരുപാടുകാലമായുള്ള ആഗ്രഹമാണ് ജീവിതത്തില് സദാ സുഖവും ശാന്തിയും
ലഭിക്കണം എന്നത്, വളരെ അധികം ജന്മങ്ങളായുള്ള ആഗ്രഹം എപ്പോഴെങ്കിലും
പൂര്ത്തിയാകുമല്ലോ. ഇപ്പോള് ഇതാണ് നമ്മുടെ അന്തിമ ജന്മം, ഈ അന്തിമ
ജന്മത്തിന്റേയും അന്തിമ സമയമാണ്. ഞാന് ഇപ്പോഴും ചെറുപ്പമാണ് എന്ന് ആരും കരുതരുത്,
ചെറിയവരായാലും വലിയവരായാലും സുഖം എല്ലാവര്ക്കും വേണമല്ലോ, പക്ഷേ ദുഃഖം എന്തില്
നിന്നാണ് ലഭിക്കുന്നത് എന്നതിന്റെ ജ്ഞാനം ആദ്യം വേണം. ഇപ്പോള് നിങ്ങള്ക്ക്
ജ്ഞാനം ലഭിച്ചു അതായത് ഈ 5 വികാരങ്ങളില് കുടുങ്ങിയ കാരണത്താലാണ് ഈ
കര്മ്മബന്ധനങ്ങള് ഉണ്ടായത്, അവയെ പരമാത്മാവിന്റെ ഓര്മ്മയുടെ അഗ്നിയില്
ഭസ്മമാക്കണം, ഇതാണ് കര്മ്മബന്ധനങ്ങളില് നിന്നും രക്ഷപ്പെടാനുള്ള സഹജമായ ഉപായം.
സര്വ്വശക്തിവാനായ ബാബയെ നടക്കുമ്പോഴും കറങ്ങുമ്പോഴും ശ്വാസ ശ്വാസങ്ങളില്
ഓര്മ്മിക്കൂ. ഇപ്പോള് ഈ ഉപായം പറഞ്ഞുതരുന്നതിനുള്ള സഹായം സ്വയം പരമാത്മാവ് വന്ന്
ചെയ്യുന്നു, പക്ഷേ ഇതില് ഓരോ ആത്മാവിനും പുരുഷാര്ത്ഥം ചെയ്യണം. പരമാത്മാവ്
അച്ഛന്, ടീച്ചര്, ഗുരു എന്നീ രൂപങ്ങളില് വന്ന് നമുക്ക് സമ്പത്ത് നല്കുന്നു.
അതിനാല് ആദ്യം ആ അച്ഛന്റേതായി മാറണം, പിന്നീട് ടീച്ചറില് നിന്നും പഠിക്കണം ഈ
പഠിപ്പിലൂടെ ഭാവിയിലെ ജന്മ ജന്മാന്തരങ്ങളിലേയ്ക്കുള്ള സുഖത്തിന്റെ പ്രാലബ്ധം
ഉണ്ടാകുന്നു അര്ത്ഥം ജീവന്മുക്തിയുടെ പദവിയില് പുരുഷാര്ത്ഥം അനുസരിച്ച് ഭാഗ്യം
ലഭിക്കുന്നു. മാത്രമല്ല ഗുരുവിന്റെ രൂപത്തില് പവിത്രമാക്കി മാറ്റി മുക്തിയും
നല്കുന്നു, അതിനാല് ഈ രഹസ്യത്തെ മനസ്സിലാക്കി ഇങ്ങനെയുള്ള പുരുഷാര്ത്ഥം ചെയ്യണം.
പഴയ കണക്കുകള് അവസാനിപ്പിച്ച് പുതിയ ജീവിതം നിര്മ്മിക്കുന്നതിനുള്ള സമയം
ഇതുതന്നെയാണ്, ഈ സമയത്ത് എത്രത്തോളം പുരുഷാര്ത്ഥം ചെയ്ത് തന്റെ ആത്മാവിനെ
പവിത്രമാക്കി മാറ്റുന്നുവോ അത്രത്തോളം ശുദ്ധമായ റെക്കോര്ഡ് നിറയും പിന്നീട്
മുഴുവന് കല്പവും അത് നടക്കും, അതിനാല് മുഴുവന് കല്പത്തിന്റേയും ആധാരം ഈ സമയത്തെ
സമ്പാദ്യമാണ്. നോക്കൂ, ഈ സമയത്താണ് നിങ്ങള്ക്ക് ആദി, മദ്ധ്യ, അന്ത്യത്തിന്റെ
ജ്ഞാനം ലഭിക്കുന്നത്, നമുക്ക് ദേവതയായി മാറണം പിന്നെ നമ്മുടേതാണ് ഉയരുന്ന കല
പിന്നീട് നമ്മള് അവിടെച്ചെന്ന് പ്രാലബ്ധം അനുഭവിക്കും. അവിടെ ദേവതകള്ക്ക് നമ്മള്
വീണുപോകും എന്ന കാര്യം അറിയുകപോലുമില്ല, അഥവാ സുഖം അനുഭവിച്ച് പിന്നീട്
താഴേയ്ക്ക് വീഴും എന്ന് അറിഞ്ഞുകഴിഞ്ഞാല് പിന്നെ താഴേയ്ക്ക് വീഴും എന്ന ചിന്ത
കാരണം സുഖം അനുഭവിക്കാനേ സാധിക്കില്ല. അതിനാല് ഇത് ഈശ്വരന് രചിച്ച നിയമമാണ്
അതായത് മനുഷ്യന് സദാ കയറുന്നതിനുള്ള പുരുഷാര്ത്ഥമാണ് ചെയ്യുന്നത് അര്ത്ഥം
സുഖത്തിനുവേണ്ടിയാണ് സമ്പാദിക്കുന്നത്. പക്ഷേ ഡ്രാമയില് പകുതി പകുതിയായാണ്
പാര്ട്ട് ഈ രഹസ്യം നമുക്ക് അറിയാം, പക്ഷേ ഏത് സമയത്താണോ സുഖം ലഭിക്കുന്നത് ആ
സമയത്ത് പുരുഷാര്ത്ഥം ചെയ്ത് സുഖം എടുക്കണം, ഇതാണ് പുരുഷാര്ത്ഥത്തിന്റെ മഹത്വം.
അഭിനേതാവിന്റെ ജോലിയാണ് അഭിനയിക്കേണ്ട സമയത്ത് സമ്പൂര്ണ്ണമായി പാര്ട്ട്
അഭിനയിക്കുക, കാണുന്നവര് ആഹാ ആഹാ എന്നു പറയണം, അതിനാലാണ് ഹീറോ ഹീറോയിന് പാര്ട്ട്
ദേവതകള്ക്ക് ലഭിച്ചിരിക്കുന്നത് അവരുടെ ഓര്മ്മ ചിത്രങ്ങളാണ് പൂജിക്കപ്പെടുന്നത്,
അവരുടെ മഹിമയാണ് പാടുന്നത്. നിര്വ്വികാരിയായി പ്രവൃത്തി മാര്ഗ്ഗത്തില് ഇരുന്ന്
കമലപുഷ്പത്തിനു സമാനമായ അവസ്ഥയുണ്ടാക്കിയെടുക്കുക, ഇതാണ് ദേവതകളുടെ വിശേഷത. ഈ
വിശേഷതയെ മറന്നതിനാലാണ് ഭാരതത്തിന് ഇത്രയും മോശമായ സ്ഥിതി ഉണ്ടായത്, ഇപ്പോള്
വീണ്ടും ഇതുപോലുള്ള ജീവിതം ഉണ്ടാക്കുന്നതിനായി സ്വയം പരമാത്മാവ് വന്നിരിക്കുന്നു,
ഇപ്പോള് ഭഗവാന്റെ കൈപിടിക്കുന്നതിലൂടെ ജീവിതമാകുന്ന തോണി അക്കരെയെത്തും. ഓം
ശാന്തി.