മധുരമായകുട്ടികളേ -
തന്റെമംഗളംചെയ്യണമെങ്കില്എല്ലാപ്രകാരത്തിലുമുള്ളപത്ഥ്യംവെക്കൂ,
പുഷ്പമായിമാറുന്നതിന്വേണ്ടിപവിത്രകരങ്ങള്കൊണ്ടുണ്ടാക്കി
യശുദ്ധഭോജനംകഴിക്കൂ.
ചോദ്യം :-
21 ജന്മം വരെക്കും നിലനില്ക്കുന്ന ഏതൊരു പ്രാക്ടീസാണ് നിങ്ങള് കുട്ടികള് ഇവിടെ
നിന്ന് തന്നെ ചെയ്യുന്നത്?
ഉത്തരം :-
ശരീരവും,
മനസ്സും സദാ ആരോഗ്യമായിരിക്കുന്നതിന്റെ പ്രാക്ടീസ് നിങ്ങള് ഇവിടെ നിന്ന് തന്നെ
ചെയ്യുന്നു. നിങ്ങള്ക്ക് ദധീജി മഹര്ഷിയെപ്പോലെ യജ്ഞ സേവനത്തില് എല്ലുകള് നല്കണം
എന്നാല് ഹഠയോഗത്തിന്റെ കാര്യമില്ല. തന്റെ ശരീരത്തെ ദുര്ബലമാക്കരുത്. യോഗത്താല്
നിങ്ങള് 21 ജന്മത്തേക്ക് ആരോഗ്യമുള്ളവരായി മാറുന്നു, അതിന്റെ പ്രാക്ടീസ് ഇവിടെ
നിന്നുതന്നെ ചെയ്യുന്നു.
ഓംശാന്തി.
കോളേജ് അഥവാ യൂണിവേഴ്സിറ്റി ആകുമ്പോള് ടീച്ചറും വിദ്യാര്ത്ഥികളുടെ നേര്ക്ക്
നോക്കുന്നു, റോസാ പുഷ്പമെവിടെയാണ്, മുമ്പില് ആരാണിരിക്കുന്നത്? ഇതും
പൂന്തോട്ടമാണ് പക്ഷെ നമ്പര്വൈസാണ്. ഇവിടെത്തന്നെയാണ് റോസാപുഷ്പം കാണുന്നത്
പിന്നീട് കൈയ്യില് രത്നജ്യോതി. ഇടക്ക് എരിക്കിന് പൂവും കാണുന്നുണ്ട്.
പൂന്തോട്ടക്കാരന് നോക്കേണ്ടതുണ്ടല്ലോ. ആ തോട്ടക്കാരനെ ത്തന്നെയാണ്, വന്ന് ഈ
മുള്ളുകളുടെ കാടിനെ ഇല്ലാതാക്കി പുഷ്പങ്ങളുടെ ചെടി നടൂ എന്ന് പറഞ്ഞ്
വിളിക്കുന്നത്. നിങ്ങള് കുട്ടികള് പ്രാക്ടിക്കലായി എങ്ങനെയാണ് മുള്ളില് നിന്ന്
പൂക്കളുടെ തൈ നടുന്നതെന്ന് അറിയുന്നു. ഈ കാര്യങ്ങളെക്കുറിച്ച് ചിന്തനം
ചെയ്യുന്നത് നിങ്ങളിലും വളരെ കുറച്ചു പേരേയുള്ളൂ. ഇതും നിങ്ങള് കുട്ടികള്
മനസ്സിലാക്കുന്നു - ബാബ തോട്ടക്കാരനുമാണ്, തോണിക്കാരനുമാണ്, എല്ലാവരെയും
കൊണ്ടുപോകുന്നു. പൂക്കളെ കണ്ട് ബാബയും സന്തോഷിക്കുന്നു. എല്ലാവരും
മനസ്സിലാക്കുന്നു നമ്മള് മുള്ളില് നിന്നും പുഷ്പമായി മാറിക്കൊണ്ടിരിക്കയാണ്.
നോക്കൂ, ജ്ഞാനം എത്ര ഉയര്ന്നതാണ്. ഇത് മനസ്സിലാക്കുന്നതിനും വളരെ വലിയ ബുദ്ധി
വേണം. ഇത് കലിയുഗീ നരകവാസി തന്നെയാണ്. നിങ്ങള് സ്വര്ഗ്ഗവാസിയായി
മാറിക്കൊണ്ടിരിക്കുന്നു. സന്യാസിമാര് വീടെല്ലാം ഉപേക്ഷിച്ച് ഓടിപ്പോകുന്നു.
നിങ്ങള്ക്ക് ഓടേണ്ടതില്ല. ചില-ചില വീടുകളില് ഒരാള് മുള്ളാണെങ്കില് ഒരാള് പൂവാണ്.
ബാബയോട് ചിലര് ചോദിക്കുന്നു - ബാബാ, കുട്ടികളുടെ വിവാഹം നടത്തട്ടെ? ബാബ പറയും
വേണമെങ്കില് ചെയ്തോളൂ. വീട്ടില് നിര്ത്താം, സംരക്ഷിക്കാം. എന്നാലും ചോദിക്കുന്നു,
ഇതില് നിന്നുതന്നെ മനസ്സിലാക്കാം, ധൈര്യമില്ല. അതിനാല് ബാബയും പറയുന്നു
ആവശ്യമെങ്കില് ചെയ്തോളൂ. പറയുകയാണ് ഞങ്ങള് രോഗിയാകും പിന്നീട് മരുമകള് വരും,
അവരുടെ കൈയ്യില് നിന്ന് കഴിക്കേണ്ടി വരും. ബാബ പറയുകയാണ് കഴിക്കൂ. വേണ്ടെന്ന്
പറയുമോ! സാഹചര്യം അങ്ങനെയായിരിക്കും. കഴിക്കേണ്ടി വരും, കാരണം മോഹവുമുണ്ടല്ലോ.
വീട്ടില് മരുമകള് വന്നുവെങ്കില് ചോദിക്കേണ്ട കാര്യമില്ല ദേവി വന്നതുപോലെയാണ്.
ഇത്രയും സന്തോഷമുണ്ടാകുന്നു. ഇതിപ്പോള് മനസ്സിലാക്കേണ്ട കാര്യമാണ്. നമുക്ക്
പുഷ്പമായി മാറണമെങ്കില് പവിത്രമായ കൈയ്യില് നിന്ന് കഴിക്കണം. അതിന് വേണ്ടി
തന്റേതായ വ്യവസ്ഥ ഉണ്ടാക്കണം, ഇതില് ചോദിക്കേണ്ട ആവശ്യമില്ല. ബാബ
മനസ്സിലാക്കിത്തരുന്നു നിങ്ങള് ദേവതയായി മാറുന്നവരാണ്, ഇതില് ഈ പത്ഥ്യം
ആവശ്യമാണ്. എത്രയധികം പത്ഥ്യം വെക്കുന്നുവോ നിങ്ങള്ക്ക് അത്രയും മംഗളമുണ്ടാകും.
കൂടുതല് പത്ഥ്യം വെക്കുന്നതില് കുറച്ച് പരിശ്രമവും ഉണ്ട്. വഴിയില് വിശപ്പ്
അനുഭവപ്പെടുകയാണ്, ഭക്ഷണം കൂടെ കൊണ്ടുപോകൂ. എന്തെങ്കിലും ബുദ്ധിമുട്ട്
ഉണ്ടാവുകയാണ്, അത്യാവശ്യമാണെങ്കില് സ്റ്റേഷനില് നിന്ന് ഡബിള് റൊട്ടി വാങ്ങി
കഴിക്കൂ. കേവലം ബാബയെ ഓര്മ്മിക്കൂ. ഇതിനെത്തന്നെയാണ് യോഗബലമെന്ന് പറയുന്നത്.
ഇതില് ഹഠയോഗത്തിന്റെ ഒരു കാര്യവുമില്ല, ശരീരത്തെ ദുര്ബലമാക്കരുത്. ദധീജീ
മഹര്ഷിയെപ്പോലെ എല്ല്- എല്ല് നല്കണം, ഇതില് ഹഠയോഗത്തിന്റെ കാര്യമില്ല. ഇതെല്ലാം
ഭക്തിമാര്ഗ്ഗത്തിലെ കാര്യങ്ങളാണ്. ശരീരത്തെ തികച്ചും ആരോഗ്യത്തോടെ വെക്കണം.
യോഗത്തിലൂടെ 21 ജന്മത്തേക്ക് ആരോഗ്യമുള്ളതാക്കി മാറ്റണം. ഈ പ്രാക്ടീസ് ഇവിടെ
തന്നെ ചെയ്യണം. ബാബ മനസ്സിലാക്കിത്തരുന്നു ഇതില് ചോദിക്കേണ്ട ആവശ്യമില്ല.
ഏതെങ്കിലും വലിയ കാര്യമാണ്, അതില് സംശയമുണ്ട് എങ്കില് ചോദിക്കണം. ചെറിയ-ചെറിയ
കാര്യങ്ങള് ബാബയോട് ചോദിക്കുന്നതില് എത്ര സമയമാണ് പോകുന്നത്. വലിയ ആളുകള്
വളരെക്കുറച്ച് സംസാരിക്കുന്നു. ശിവബാബയെ സദ്ഗതി ദാതാവ് എന്നാണ് പറയുന്നത്.
രാവണനെ സദ്ഗതി ദാതാവെന്ന് പറയില്ല. അഥവാ പറയുകയാണെങ്കില് രാവണനെ എന്തിനാണ്
കത്തിക്കുന്നത്? കുട്ടികള് മനസ്സിലാക്കുന്നുണ്ട് രാവണന് പ്രസിദ്ധനാണ്. രാവണനില്
ബലവും, ശക്തിയുമെല്ലാം ഒരുപാടുണ്ട്, പക്ഷെ ശത്രുവാണല്ലോ. പകുതി കല്പം
രാവണരാജ്യമാണ്. പക്ഷെ എപ്പോള് മഹിമ കേള്ക്കുന്നു? ഒന്നും തന്നെയില്ല.
നിങ്ങള്ക്കറിയാം 5 വികാരങ്ങളെയാണ് രാവണനെന്ന് പറയുന്നത്. സാധൂ-സന്യാസിമാര്
പവിത്രമായി മാറുമ്പോള് അവരുടെ മഹിമ ചെയ്യാറുണ്ടല്ലോ. ഈ സമയത്തെ എല്ലാ മനുഷ്യരും
പതിതമാണ്. ആരു വന്നാലും മനസ്സിലാക്കൂ, ഏതെങ്കിലും വലിയ ആളുകള് വരുകയാണ്,
ബാബയുമായി കൂടിക്കാഴ്ച നടത്തട്ടേ എന്ന് ചോദിച്ചാല് ബാബ അവരോട് എന്ത് ചോദിക്കും?
അവരോട് ചോദിക്കും, രാമരാജ്യവും, രാവണരാജ്യവും എന്ന് കേട്ടിട്ടുണ്ടോ?... മനുഷ്യനും,
ദേവതയും എപ്പോഴായിരുന്നുവെന്നറിയുമോ?.... ഈ സമയം മനുഷ്യരുടെ രാജ്യമാണോ അതോ
ദേവതകളുടെ രാജ്യമാണോ?... മനുഷ്യനാരാണ്, ദേവതയാരാണ്?... ദേവത ഏത്
രാജ്യത്തിലായിരുന്നു?... ദേവതകള് സത്യയുഗത്തിലാണുണ്ടാകുന്നത്. അവിടെ എങ്ങനെയാണോ
രാജാവും, റാണിയും അതുപോലെതന്നെയാണ് പ്രജയും......... നിങ്ങള്ക്ക് ചോദിക്കാന്
കഴിയും, ഇത് പുതിയ സൃഷ്ടിയാണോ അതോ പഴയതാണോ?... സത്യയുഗത്തില് ആരുടെ
രാജ്യമായിരുന്നു?.. ഇപ്പോള് ആരുടെ രാജ്യമാണ്?... ചിത്രം മുന്നിലുണ്ട്.
ഭക്തിയെന്താണ്, ജ്ഞാനമെന്താണ്? ഇത് ബാബ തന്നെയാണ് ഇരുന്ന്
മനസ്സിലാക്കിത്തരുന്നത്.
ചില കുട്ടികള് പറയുന്നു, ബാബാ ധാരണ ഉണ്ടാകുന്നില്ല.. അവരോട് ബാബ പറയുന്നു,
അല്ലാഹുവിനെയും സമ്പത്തിനെയും ഓര്മ്മിക്കുന്നത് സഹജമല്ലേ. അല്ലാഹുവായ ബാബ
തന്നെയാണ,് അച്ഛനായ എന്നെ ഓര്മ്മിക്കൂ എങ്കില് സമ്പത്ത് ലഭിക്കും എന്ന്
പറയുന്നത്. ഭാരതത്തില് ശിവജയന്തിയും ആഘോഷിക്കുന്നു പക്ഷെ ഭാരതത്തില് എപ്പോഴാണ്
വന്ന് സ്വര്ഗ്ഗമുണ്ടാക്കിയത്? ഭാരതം സ്വര്ഗ്ഗമായിരുന്നു - ഇത് അറിയില്ല, മറന്നു
പോയിരിക്കുന്നു. നിങ്ങള് പറയും, നമ്മള് സ്വര്ഗ്ഗത്തിന്റെ
അധികാരിയായിരുന്നുവെന്നൊന്നും ഞങ്ങള്ക്കും അറിയുമായിരുന്നില്ല. ഇപ്പോള്
ബാബയിലൂടെ നമ്മള് വീണ്ടും ദേവതയായി മാറിക്കൊണ്ടിരിക്കുന്നു.
മനസ്സിലാക്കിത്തരുന്നത് ഞാന് തന്നെയാണ്. സെക്കന്റില് ജീവന്മുക്തിയെന്ന്
പാടാറുണ്ട്. പക്ഷെ ഇതിന്റെയും അര്ത്ഥം അറിയുകയില്ല. സെക്കന്റില് നിങ്ങള്
സ്വര്ഗ്ഗത്തിലെ മാലാഖ യാവുമല്ലോ. ഇതിനെ ഇന്ദ്രസഭയെന്നും പറയുന്നു, അവര് പിന്നെ
മഴ പെയ്യിക്കുന്ന ആളെ ഇന്ദ്രനെന്ന് മനസ്സിലാക്കുന്നു. ഇപ്പോള് മഴ
പെയ്യിക്കുന്നവരുടെ ഏതെങ്കിലും സഭയുണ്ടാകുമോ? ഇന്ദ്രസഭ, എന്തെല്ലാമാണ്
കേള്പ്പിക്കുന്നത്.
ഇന്ന് വീണ്ടും ഈ പുരുഷാര്ത്ഥം ചെയ്തുകൊണ്ടിരിക്കുന്നു, പഠിപ്പാണല്ലോ.
വക്കീലാകാന് പഠിക്കുമ്പോള് മനസ്സിലാക്കുന്നു നാളെ നമ്മള് വക്കീലാകും. നിങ്ങള്
ഇന്ന് പഠിക്കുന്നു, നാളെ ശരീരം ഉപേക്ഷിച്ച് പോയി രാജകുടുംബത്തില് ജന്മമെടുക്കും.
നിങ്ങള് ഭാവിയിലേക്ക് വേണ്ടി പ്രാപ്തി നേടുന്നു. ഇവിടെ നിന്ന് പഠിച്ച് പോകും
പിന്നീട് നമ്മള് സത്യയുഗത്തില് ജനിക്കും. ലക്ഷ്യം ഇതാണ് - രാജകുമാരനും,
രാജകുമാരിയുമാകണം. രാജയോഗമാണല്ലോ. ചിലര് പറയുകയാണ് ബാബാ, ഞങ്ങളുടെ ബുദ്ധി
തുറക്കുന്നില്ല, നിങ്ങളുടെ ഭാഗ്യം അങ്ങനെയുള്ളതാണ്. ഡ്രാമയില് പാര്ട്ട്
അങ്ങനെയാണ്. ബാബക്കെങ്ങനെ അതിനെ മാറ്റാന് കഴിയും. സ്വര്ഗ്ഗത്തിന്റെ
അധികാരിയാകുന്നതിന് വേണ്ടി എല്ലാവര്ക്കും അധികാരമുണ്ട്. എന്നാല്
സംഖ്യാക്രമമായല്ലേ സംഭവിക്കുക. എല്ലാവരും ചക്രവര്ത്തിയായി മാറും എന്നല്ല. ചിലര്
പറയുന്നു ഈശ്വരീയ ശക്തിയുണ്ടെങ്കില് എല്ലാവരെയും ചക്രവര്ത്തിയാക്കി മാറ്റും.
പിന്നീട് പ്രജ എവിടെ നിന്ന് വരും. ഇത് വിവേകത്തിന്റെ കാര്യമാണല്ലോ. ഈ ലക്ഷ്മീ
നാരായണന്റെ രാജ്യമായിരുന്നു. ഇപ്പോള് പേരിന് മാത്രം മഹാരാജാ-മഹാറാണിയാണ്.
ടൈറ്റിലും നല്കുന്നു. രണ്ട് ലക്ഷം കൊടുത്താല് രാജാ-റാണിയുടെ പദവി ലഭിക്കുന്നു,
പിന്നീട് പെരുമാറ്റവും അങ്ങനെയാകും.
ഇപ്പോള് നിങ്ങള് കുട്ടികള്ക്കറിയാം, നമ്മള് ശ്രീമതത്തിലൂടെ തന്റെ രാജ്യം
സ്ഥാപിച്ചുകൊണ്ടിരിക്കുന്നു. അവിടെ എല്ലാവരും വെളുത്ത സുന്ദരന്മാരായിരിക്കും. ഈ
ലക്ഷ്മീ നാരായണന്റെ രാജ്യമായിരുന്നല്ലോ. ശാസ്ത്രങ്ങളില് കല്പത്തിന്റെ ആയുസ്സ്
വളരെ വലുതാക്കി എഴുതിയതുകൊണ്ട് മനുഷ്യര് മറന്നു പോയിരിക്കുന്നു. ഇപ്പോള് നിങ്ങള്
, കറുപ്പില് നിന്ന് സുന്ദരനായി മാറുന്നതിനുള്ള പുരുഷാര്ത്ഥം
ചെയ്തുകൊണ്ടിരിക്കുന്നു. ഇപ്പോള് ദേവതകള് കറുപ്പാണോ? കൃഷ്ണനെ കറുത്തതായും, രാധയെ
വെളുത്തതായും കാണിച്ചിരിക്കുന്നു. ഇപ്പോള് സുന്ദരമാണെങ്കില് രണ്ടു പേരും
സുന്ദരമായിരിക്കുമല്ലോ. പിന്നീട് കാമചിതയില് വീണ് രണ്ടു പേരും കറുത്തതായി
മാറുന്നു. അവിടെ മനോഹര ലോകത്തിന്റെ അധികാരി, ഇവിടെ കറുത്ത ലോകത്തിന്റെ. നിങ്ങള്
കുട്ടികള്ക്ക് ഒന്ന് ഉള്ളില് സന്തോഷമുണ്ടായിരിക്കണം കൂടാതെ ദൈവീക ഗുണവും ധാരണ
ചെയ്യണം. ചിലര് പറയുന്നു ബീഡി ഉപേക്ഷിക്കാന് കഴിയുന്നില്ല. ബാബ പറയും, ശരി,
ഒരുപാട് വലിച്ചോളൂ... ചോദിക്കുമ്പോള് പിന്നെ എന്ത് പറയാനാണ്?... പത്ഥ്യത്തിലൂടെ
നടന്നില്ലെങ്കില് വീണ് പോകും. സ്വയം തന്റെ അറിവ് വേണമല്ലോ. നമ്മള് ദേവതയായി
മാറുന്നുവെങ്കില് നമ്മുടെ പെരുമാറ്റം, കഴിക്കല്-കുടിക്കല് എങ്ങനെയാവണം?...
എല്ലാവരും പറയുന്നു, ഞങ്ങള് ലക്ഷ്മിയെ, നാരായണനെ വരിക്കും. നല്ലത്, സ്വയം നോക്കൂ
അങ്ങനെയുള്ള ഗുണമുണ്ടോ? ഞാന് ബീഡി വലിക്കുന്നു, നാരായണനായി മാറാന് കഴിയുമോ?
നാരദന്റെയും കഥയുണ്ടല്ലോ. നാരദന് ഒരാള് മാത്രമല്ലല്ലോ. എല്ലാ മനുഷ്യരും
ഭക്തരാണ്(നാരദന്). ബാബ പറയുന്നു - ദേവതയായി മാറുന്ന കുട്ടികള് അന്തര്മുഖിയായി
മാറി സ്വയം തന്നോട് സംസാരിക്കൂ, ഞാന് ദേവതയായി മാറുന്നുവെങ്കില് എന്റെ
പെരുമാറ്റം എങ്ങനെയുള്ളതായിരിക്കണം? നമ്മള് ദേവതയായി മാറുന്നവരാണ് അതിനാല് മദ്യം
കഴിക്കാന് സാധിക്കില്ല, ബീഡി വലിക്കാന് സാധിക്കില്ല, വികാരത്തില് പോകാന്
സാധിക്കില്ല, പതിതരുടെ കൈയ്യില് നിന്നും കഴിക്കാന് സാധിക്കില്ല. ഇല്ലായെങ്കില്
അവസ്ഥയില് പ്രഭാവമുണ്ടാകും. ഈ കാര്യങ്ങളെല്ലാം ബാബയിരുന്ന്
മനസ്സിലാക്കിത്തരുന്നു. ഡ്രാമയുടെ രഹസ്യവും ആരും അറിയുന്നില്ല. ഇത് നാടകമാണ്,
എല്ലാവരും പാര്ട്ട്ധാരികളാണ്. നമ്മള് ആത്മാക്കള് മുകളില് നിന്ന് വരുന്നു,
പാര്ട്ട് ലോകത്തിലെ മുഴുവന് അഭിനേതാക്കളും അഭിനയിക്കണം. എല്ലാവര്ക്കും
അവരവരുടേതായ പാര്ട്ടുണ്ട്. എത്ര പാര്ട്ട്ധാരികളാണുള്ളത്, എങ്ങനെ
പാര്ട്ടഭിനയിക്കുന്നു, ഇത് വ്യത്യസ്ത ധര്മ്മങ്ങളുടെ വൃക്ഷമാണ്. ഒരു മാവിനെ
വെറൈറ്റി വൃക്ഷമെന്ന് പറയില്ല. ആ വൃക്ഷത്തില് മാങ്ങകള് മാത്രമാണുണ്ടാവുക. ഇത്
മനുഷ്യസൃഷ്ടിയുടെ വൃക്ഷമാണ് ഇതിന്റെ പേരാണ് - വെറൈറ്റി ധര്മ്മങ്ങളുടെ വൃക്ഷം.
ബീജം ഒന്ന് മാത്രമാണ്, മനുഷ്യരെ നോക്കൂ എത്ര വെറൈറ്റിയാണ്. ചിലര് അങ്ങിനെ, ചിലര്
ഇങ്ങിനെ. ഇത് ബാബയിരുന്ന് മനസ്സിലാക്കിത്തരുന്നു, മനുഷ്യര്ക്ക് ഒന്നും തന്നെ
അറിയില്ല. മനുഷ്യരെ ബാബ തന്നെയാണ് പവിഴബുദ്ധിയാക്കി മാറ്റുന്നത്. നിങ്ങള്
കുട്ടികള്ക്കറിയാം, ഈ പഴയ ലോകത്തില് ബാക്കി കുറച്ച് ദിവസങ്ങളേയുള്ളൂ കല്പം
മുന്പത്തെപ്പോലെ തൈകള് നട്ടുകൊണ്ടിരിക്കുന്നു. നല്ല പ്രജകള്, സാധാരണ പ്രജകള്,
ഇവരുടെയൊക്കെ തൈ നടുന്നു. ഇവിടെത്തന്നെയാണ് രാജധാനിയുടെ സ്ഥാപന
നടന്നുകൊണ്ടിരിക്കുന്നത്. കുട്ടികള്ക്ക് ഓരോ കാര്യത്തിലും ബുദ്ധി
പ്രവര്ത്തിപ്പിക്കണം. മുരളി കേട്ടിട്ടും കേള്ക്കാതിരിക്കുക, ഇങ്ങനെയാകരുത്.
ഇവിടെ ഇരുന്നും ബുദ്ധി പുറത്ത് അലഞ്ഞുകൊണ്ടിരിക്കുന്നു. ഇങ്ങനെയുമുണ്ട് -
ചിലര്ക്കാണെങ്കില് സന്മുഖത്തിരുന്ന് മുരളി കേട്ട് വളരെ ഗദ്ഗദമുണ്ടാകുന്നു.
മുരളിക്ക് വേണ്ടി ഓടി വരുന്നു. ഭഗവാന് പഠിപ്പിക്കുകയാണ്, അതിനാല് അങ്ങനെയുള്ള
പഠിപ്പ് ഉപേക്ഷിക്കരുത്. ടേപ്പില് കൃത്യമായി നിറക്കുന്നു, കേള്ക്കണം. സമ്പന്നര്
വാങ്ങുകയാണെങ്കില് പാവങ്ങള് കേള്ക്കും. എത്ര പേരുടെ മംഗളമുണ്ടാകും. നിര്ദ്ധനരായ
കുട്ടികള്ക്കും തന്റെ ഭാഗ്യം വളരെ ഉയര്ന്നതാക്കി മാറ്റാന് സാധിക്കുന്നു. ബാബ
കുട്ടികള്ക്ക് വേണ്ടിയാണ് കെട്ടിടങ്ങള് ഉണ്ടാക്കുന്നത്, പാവങ്ങള് രണ്ട് രൂപ
മണിയോര്ഡര് അയക്കുന്നു, ബാബാ, ഇതിന്റെ ഒരു ഇഷ്ടിക കെട്ടിടത്തില് വെക്കണം... ഒരു
രൂപ യജ്ഞത്തില് ഉപയോഗിക്കണം. പിന്നീട് ഭണ്ഡാരം നിറക്കുന്നവരും ഉണ്ടാകുമല്ലോ.
മനുഷ്യര് ഹോസ്പിറ്റല് മുതലായവ നിര്മ്മിക്കുന്നു, എത്ര ചിലവ് ചെയ്യുന്നു,
സമ്പന്നര് സര്ക്കാരിന് വളരെയധികം സഹായം ചെയ്യുന്നു, അവര്ക്ക് എന്ത് ലഭിക്കുന്നു!
അല്പകാലത്തെ സുഖം. ഇവിടെ നിങ്ങള് എന്ത് ചെയ്യുന്നുവോ അത് 21 ജന്മത്തേക്ക്
വേണ്ടിയാണ്. കാണുന്നുണ്ട് ബാബ എല്ലാം നല്കിയിട്ടുണ്ട്, വിശ്വത്തിന്റെ അധികാരി
ഒന്നാം നമ്പറാക്കി. 21 ജന്മത്തേക്ക് ഇങ്ങനെയൊരു വ്യാപാരം ആര് ചെയ്യാതിരിക്കും.
ഭോലാനാഥനെന്ന് അതുകൊണ്ടാണല്ലോ പറയുന്നത്. ഇപ്പോഴത്തെ കാര്യമാണ്. എത്ര
നിഷ്കളങ്കനാണ്, പറയുന്നു എന്തെങ്കിലും ചെയ്യണമെങ്കില് ചെയ്യൂ. എത്ര നിര്ദ്ധനരായ
പെണ്കുട്ടികളാണുള്ളത്, തയ്യല് ചെയ്ത് ജീവിക്കുന്നു. ബാബക്കറിയാം, ഇവര് വളരെ
ഉയര്ന്ന പദവി നേടുന്നവരാണ്. സുദാമാവിന്റെ ഉദാഹരണവുമുണ്ടല്ലോ. ഒരുപിടി അവലിന്
പകരം 21 ജന്മത്തേക്ക് കൊട്ടാരം ലഭിക്കും. നിങ്ങള് ഈ കാര്യങ്ങളെല്ലാം നമ്പര്വൈസ്
പുരുഷാര്ത്ഥമനുസരിച്ച് അറിയുന്നു. ബാബ പറയുന്നു, ഞാന് ഭോലാനാഥനുമാണല്ലോ. ഈ ദാദ
ഭോലാനാഥനല്ല. ഇതും പറയുന്നു ഭോലാനാഥന് ശിവബാബയാണ് അതിനാല് ശിവബാബയെ വ്യാപാരി,
രത്നാകരന്, ഇന്ദ്രജാലക്കാരന് എന്നെല്ലാം പറയുന്നു. നിങ്ങള് വിശ്വത്തിന്റെ
അധികാരിയാകുന്നു. ഇവിടെ ഭാരതം പട്ടിണിയിലാണ്, പ്രജ സമ്പന്നരാണ്, സര്ക്കാര്
ദരിദ്രമാണ്. ഇപ്പോള് നിങ്ങള് മനസ്സിലാക്കി ഭാരതം വളരെ ഉയര്ന്നതായിരുന്നു.
സ്വര്ഗ്ഗമായിരുന്നു. അതിന്റെ അടയാളങ്ങളുമുണ്ട്. സോമനാഥ ക്ഷേത്രം എത്രയധികം
വജ്രങ്ങളും, വൈഢൂര്യങ്ങളും കൊണ്ട് അലങ്കരിക്കപ്പെട്ടതായിരുന്നു. വജ്രങ്ങളും,
വൈഢൂര്യങ്ങളുമൊക്കെ ഒട്ടകപ്പുറത്ത് കയറ്റിക്കൊണ്ടുപോയി. നിങ്ങള്
കുട്ടികള്ക്കറിയാം, ഇപ്പോള് ഈ ലോകം മാറുമെന്നത് തീര്ച്ചയാണ്. അതിന് വേണ്ടി
നിങ്ങള് തയ്യാറെടുപ്പ് നടത്തിക്കൊണ്ടിരിക്കുന്നു. ആര് ചെയ്യുന്നോ അവര് നേടും.
മായയുടെ എതിരിടല് വളരെയധികം ഉണ്ടാകുന്നു. നിങ്ങള് ഈശ്വരന്റെ ശിഷ്യരാണ്, ബാക്കി
എല്ലാവരും രാവണന്റെ ശിഷ്യരാണ്, നിങ്ങള് ശിവബാബയുടേതാണ്. ശിവബാബ നിങ്ങള്ക്ക്
സമ്പത്ത് നല്കുന്നു. ബാബയുടേതല്ലാതെ മറ്റാരുടെയും കാര്യം ബുദ്ധിയില് വരരുത്. ശരി!
വളരെക്കാലത്തെ വേര്പാടിനു ശേഷം തിരിച്ചു കിട്ടിയ മധുര മധുരമായ കുട്ടികള്ക്ക്
മാതാവും പിതാവുമായ ബാപ്ദാദയുടെ സ്നേഹസ്മരണയും,സുപ്രഭാതവും. ആത്മീയ അച്ഛന്റെ
ആത്മീയകുട്ടികള്ക്ക് നമസ്കാരം.
ധാരണയ്ക്കുള്ള മുഖ്യ സാരം:-
1)
അന്തര്മുഖിയായി മാറി സ്വയം സ്വയത്തോട് സംസാരിക്കണം , ദേവതകളാകുവാന് പോകുന്ന
എന്റെ പെരുമാറ്റം എങ്ങനെയുള്ളതാണ്!... അശുദ്ധമായ ഭക്ഷണ-പാനീയങ്ങളൊന്നും
തന്നെയില്ലല്ലോ!...
2) തന്റെ ഭാവിയിലെ 21
ജന്മങ്ങളും ഉയര്ന്നതാക്കി മാറ്റണമെങ്കില് സുദാമാവിനെപ്പോലെ എന്തെല്ലാമുണ്ടോ
ഭോലാനാഥനായ ബാബക്ക് സമര്പ്പിക്കൂ. പഠനത്തിന് ഒഴിവുകഴിവ് നല്കരുത്.
വരദാനം :-
തന്റെ ആദി-
അനാദി സ്വരൂപത്തിന്റെ സ്മൃതിയിലൂടെ,തന്റെ സ്വാഭാവിക സ്വധര്മ്മത്തെ
സ്വായത്തമാക്കുന്ന പവിത്ര യോഗിയായി ഭവിക്കട്ടെ.
ബ്രാഹ്മണരുടെ സ്വാഭാവിക
സ്വധര്മ്മമാണ് പവിത്രത, അപവിത്രത പരധര്മ്മമാണ്. ഏത് പവിത്രതയെ
സ്വന്തമാക്കുന്നതാണോ ആളുകള് ബുദ്ധിമുട്ടായി കാണുന്നത് അത് താങ്കള് കുട്ടികള്ക്ക്
അതിസഹജമാണ്, എന്തെന്നാല് നമ്മുടെ യഥാര്ത്ഥമായ ആത്മസ്വരൂപം അതിപവിത്രമാണെന്ന
സ്മൃതി വന്നുകഴിഞ്ഞു,അനാദി സ്വരൂപത്തില് പവിത്ര ആത്മാക്കളും, ആദിസ്വരൂപത്തില്
പവിത്രദേവതകളുമാണ് നമ്മള്. ഇപ്പോഴത്തേത് അന്തിമജന്മവും പവിത്ര
ബ്രാഹ്മണജന്മവുമാണ്. അതിനാല് പവിത്രത തന്നെയാണ് ബ്രാഹ്മണജീവിതത്തിന്റെ
വ്യക്തിത്വം. ആരാണോ പവിത്രമായിരിക്കുന്നത് അവര് തന്നെയാണ് യോഗികള്.
സ്ലോഗന് :-
സഹജയോഗിയാണ്
എന്നുപറഞ്ഞ് അശ്രദ്ധയെ വിളിച്ചുവരുത്തരുത്, ശക്തിസ്വരൂപമായി മാറൂ..
അവ്യക്തസൂചന-ആത്മസ്ഥിതിയില് ഇരിക്കുന്നതിന്റെ അഭ്യാസം ചെയ്യൂ,അന്തര്മുഖിയാകൂ....
അന്തര്മുഖി സദാസുഖി
എന്നാണ് പറയാറുള്ളത്. അന്തര്മുഖികളെ പുറമേയുള്ള ആകര്ഷണങ്ങള്ക്ക് ആകര്ഷിതരാക്കാന്
കഴിയില്ല.ചിലപ്പോള് മന്മത്, ചിലപ്പോള് പരമത് ഇങ്ങിനെയും ആകര്ഷിക്കാനാവില്ല.
അന്തര്മുഖികള് സദാ സുഖം അനുഭവം ചെയ്യുന്നവരും, സുഖദാതാവിന്റെ കുട്ടികളായ
മാസ്റ്റര് സുഖദാതാക്കളുമായിരിക്കും. അവര് ബാഹ്യലോകത്തെ കാര്യങ്ങളില്
തല്പരരായിരിക്കില്ല.