മധുരമായ കുട്ടികളേ - തന്റെ
മേല് ദയ കാണിക്കൂ, ബാബ ഏത് നിര്ദ്ദേശമാണോ നല്കിയിരിക്കുന്നത് അതിലൂടെ
നടക്കുകയാണെങ്കില് അപാര സന്തോഷമുണ്ടായിരിക്കും, മായയുടെ ശാപത്തില് നിന്നും
രക്ഷപ്പെടും.
ചോദ്യം :-
എന്തുകൊണ്ടാണ് മായയുടെ ശാപമേല്ക്കുന്നത്? ശപിക്കപ്പെട്ട ആത്മാവിന്റെ
ഗതിയെന്തായിരിക്കും?
ഉത്തരം :-
1.
ബാബയുടെയും പഠിപ്പിന്റെയും(ജ്ഞാന രത്നങ്ങളുടെ) അനാദരവ് ചെയ്യുന്നതിലൂടെ, തന്റെ
മതത്തിലൂടെ നടക്കുന്നതിലൂടെ മായയുടെ ശാപമേല്ക്കുന്നു, 2. ആസൂരീയ സ്വഭാവമാണ്,
ദൈവീക ഗുണം ധാരണ ചെയ്യുന്നില്ലെങ്കില് തന്റെ മേല് തന്നെ അകൃപ കാണിക്കുകയാണ്.
ബുദ്ധിക്ക് പൂട്ട് വീഴുന്നു. അവര്ക്ക് ബാബയുടെ ഹൃദയത്തില് കയറാന് സാധിക്കില്ല.
ഓംശാന്തി.
ആത്മീയ കുട്ടികള്ക്കിപ്പോള് ഇത് നിശ്ചയമുണ്ടായിരിക്കണം നമുക്ക് ആത്മാഭിമാനിയായി
മാറണം, ബാബയെ ഓര്മ്മിക്കണം. മായാരാവണന് നമ്മളെ ശപിക്കപ്പെട്ടവരും ദുഃഖിയുമാക്കി
മാറ്റുന്നു. ശാപം എന്ന വാക്ക് തന്നെ ദുഃഖത്തിന്റേതാണ്, സമ്പത്ത് എന്ന വാക്ക്
സുഖത്തിന്റേതാണ്. വിശ്വസ്തരും ആജ്ഞാകാരിയുമായ കുട്ടികള് ആരാണോ അവര് നല്ല
രീതിയില് മനസ്സിലാക്കുന്നു. ആരാണോ ആജ്ഞാകാരികളല്ലാത്തത്, അവര് മക്കളല്ല. അവര്
തന്നെക്കുറിച്ച് എന്ത് തന്നെ മനസ്സിലാക്കിയാലും ബാബയുടെ ഹൃദയത്തില് കയറാന്
സാധിക്കില്ല, സമ്പത്ത് നേടാനും സാധിക്കില്ല. ആരാണോ മായ പറയുന്നതിലൂടെ നടന്ന്
ബാബയെ ഓര്മ്മിക്കുക പോലും ചെയ്യാത്തത്, അവര്ക്ക് ആര്ക്കും മനസ്സിലാക്കി
കൊടുക്കാന് സാധിക്കില്ല. അവര് അവരെ തന്നെ ശപിക്കുന്നു. മായ വളരെ
സൂത്രശാലിയാണെന്ന് കുട്ടികള്ക്കറിയാം. അഥവാ പരിധിയില്ലാത്ത ബാബയെ
അംഗീകരിക്കുന്നില്ല എങ്കില് മായയെ അംഗീകരിക്കുന്നു എന്നാണ്. മായക്ക്
വശപ്പെടുന്നു. പഴഞ്ചൊല്ലുണ്ടല്ലോ - പ്രഭുവിന്റെ ആജ്ഞ ശിരസാ വഹിക്കണം. അതിനാല്
ബാബ പറയുകയാണ് കുട്ടികളെ, പുരുഷാര്ത്ഥം ചെയ്ത് ബാബയെ ഓര്മ്മിക്കൂ അപ്പോള്
മായയുടെ മടിയില് നിന്നും ഇറങ്ങി പ്രഭുവിന്റെ മടിയിലേയ്ക്ക് വരാന് സാധിക്കും.
ബാബ ബുദ്ധിവാന്മാരുടെയും ബുദ്ധിവാനാണ്. ബാബയെ അംഗീകരിക്കുന്നില്ലായെങ്കില്
ബുദ്ധിയുടെ പൂട്ട് അടയ്ക്കപ്പെടും. പൂട്ട് തുറക്കുന്നത് ഒരേയൊരു ബാബയാണ്.
ശ്രീമതത്തിലൂടെ നടക്കുന്നില്ലായെങ്കില് അവരുടെ അവസ്ഥയെന്താവും. മായയുടെ
മതത്തിലൂടെ ഒരു പദവിയും നേടാന് സാധിക്കില്ല. കേവലം കേള്ക്കുന്നു എന്നാല് ധാരണ
ചെയ്യാന് സാധിക്കുന്നില്ല, ചെയ്യിക്കാനും സാധിക്കുന്നില്ല അപ്പോള് അവരുടെ
അവസ്ഥയെന്താവും! ബാബ ഏഴകളുടെ നാഥനാണ്. മനുഷ്യര് പാവപ്പെട്ടവര്ക്ക് ദാനം
ചെയ്യുന്നു, ബാബയും വന്ന് എത്ര പരിധിയില്ലാത്ത ദാനമാണ് ചെയ്യുന്നത്. അഥവാ
ശ്രീമതത്തിലൂടെ നടക്കുന്നില്ലായെങ്കില് ബുദ്ധിയുടെ പൂട്ട് പെട്ടെന്ന്
അടയ്ക്കപ്പെടുന്നു. പിന്നെന്ത് പ്രാപ്തി നേടും! ശ്രീമതത്തിലൂടെ നടക്കുന്നവര്
തന്നെയാണ് ബാബയുടെ കുട്ടികള്. ബാബ ദയാഹൃദയനാണ്. പുറത്തുപോയാല് മായ ഒറ്റയടിക്ക്
ഇല്ലാതാക്കുമെന്ന് അറിയാം. ചിലര് ജീവത്യാഗം ചെയ്യുന്നു അപ്പോള് അതും തന്റെ
സത്യനാശം ചെയ്യലാണ്. ബാബയാണെങ്കില് മനസ്സിലാക്കി തന്നുകൊണ്ടേയിരിക്കുന്നു -
തന്റെ മേല് ദയ കാണിക്കൂ, ശ്രീമതത്തിലൂടെ നടക്കൂ, തന്റെ മതത്തിലൂടെ നടക്കരുത്.
ശ്രീമതത്തിലൂടെ നടക്കുകയാണെങ്കില് സന്തോഷത്തിന്റെ രസം ഉയരും. ലക്ഷ്മീ നാരായണന്റെ
മുഖം നോക്കൂ എത്ര സന്തുഷ്ടരാണ്. അതിനാല് പുരുഷാര്ത്ഥം ചെയ്ത് അതുപോലെ ഉയര്ന്ന
പദവി നേടേണ്ടേ. ബാബ അവിനാശി ജ്ഞാന രത്നങ്ങളാണ് നല്കുന്നത് അപ്പോള് എന്തിന് ബാബയെ
അനാദരിക്കണം! രത്നങ്ങളാല് സഞ്ചി നിറയ്ക്കണം. കേള്ക്കുന്നുണ്ട് എന്നാല് സഞ്ചി
നിറയ്ക്കുന്നില്ല എന്തുകൊണ്ടെന്നാല് ബാബയെ ഓര്മ്മിക്കുന്നില്ല. ആസൂരീയ രീതിയില്
പെരുമാറുന്നു. ബാബ ഇടയ്ക്കിടയ്ക്ക് മനസ്സിലാക്കി തന്നുകൊണ്ടിരിക്കുകയാണ് - തന്റെ
മേല് ദയ കാണിക്കൂ, ദൈവീക ഗുണം ധാരണ ചെയ്യൂ. അവര് ആസൂരീയ സമ്പ്രദായികളാണ്. ബാബ
വന്ന് ഇതിനെ സ്വര്ഗ്ഗമാക്കി മാറ്റുന്നു. പരിസ്ഥാന് എന്ന് സ്വര്ഗ്ഗത്തെയാണ്
പറയുന്നത്. മനുഷ്യര് എത്ര ബുദ്ധിമുട്ട് അനുഭവിച്ചുകൊണ്ടിരിക്കുന്നു.
സന്യാസിമാരുടെയെല്ലാം അടുത്തേയ്ക്ക് പോകുന്നു, മനസ്സിന് ശാന്തി ലഭിക്കുമെന്ന്
മനസ്സിലാക്കുന്നു. വാസ്തവത്തില് ഈ അക്ഷരം തന്നെ തെറ്റാണ്, ഇതിന് ഒരര്ത്ഥവുമില്ല.
ശാന്തി ആത്മാവിനാണല്ലോ വേണ്ടത്. ആത്മാവ് സ്വയം ശാന്ത സ്വരൂപമാണ്. ഇങ്ങനെയും
പറയാന് സാധിക്കില്ല ആത്മാവിനെങ്ങനെ ശാന്തി ലഭിക്കും? പറയുന്നു മനസ്സിനെങ്ങനെ
ശാന്തി ലഭിക്കും? ഇപ്പോള് മനസ്സെന്താണ്, ബുദ്ധിയെന്താണ്, ആത്മാവെന്താണ്, ഒന്നും
അറിയുകയില്ല. എന്തെല്ലാം ചെയ്യുന്നുണ്ടോ അഥവാ പറയുന്നുണ്ടോ അതെല്ലാം ഭക്തി
മാര്ഗ്ഗത്തിലുള്ളതാണ്. ഭക്തി മാര്ഗ്ഗത്തിലുള്ളവര് പടി ഇറങ്ങിയിറങ്ങി തമോ
പ്രധാനമായി മാറിയിരിക്കുന്നു. ആര്ക്കെങ്കിലും കൂടുതല് ധനം, സ്വത്ത്
മുതലായവയുണ്ടെങ്കിലും രാവണരാജ്യത്തിലാണല്ലോ. നിങ്ങള് കുട്ടികള്ക്ക് ചിത്രങ്ങളുടെ
മേല് മനസ്സിലാക്കികൊടുക്കുന്നതിന് നല്ല പരിചയമുണ്ടായിരിക്കണം. ബാബ എല്ലാ
സെന്ററുകളിലുമുള്ള കുട്ടികള്ക്ക് മനസ്സിലാക്കി കൊടുത്തുകൊണ്ടിരിക്കുന്നു,
നമ്പര്വൈസാണല്ലോ. ചില കുട്ടികള് രാജാവിന്റെ പദവി നേടുന്നതിനുള്ള പുരുഷാര്ത്ഥം
ചെയ്യുന്നില്ല പിന്നീട് പ്രജയില് പോയി എന്താവാനാണ്! സേവനം ചെയ്യുന്നില്ല,
ഞാനെന്താകും തന്റെ മേല് ദയ വരുന്നില്ല, പിന്നീട് മനസ്സിലാക്കാം ഡ്രാമയില് ഇവരുടെ
പാര്ട്ട് ഇത്രയാണ്. തന്റെ മംഗളത്തിന് വേണ്ടി ജ്ഞാനത്തോടൊപ്പം യോഗവും വേണം.
യോഗത്തില് ഇരിക്കുന്നില്ലായെങ്കില് ഒരു മംഗളവും ഉണ്ടാകില്ല. യോഗമില്ലാതെ
പാവനമായി മാറാന് സാധിക്കില്ല. ജ്ഞാനം വളരെ സഹജമാണ് എന്നാല് തന്റെ മംഗളവും
ചെയ്യണം. യോഗത്തിലിരിക്കാത്തതുകൊണ്ട് ഒരു മംഗളവും ഉണ്ടാകുന്നില്ല. യോഗമില്ലാതെ
എങ്ങനെ പാവനമായി മാറും? ജ്ഞാനം വേറെ വസ്തുവാണ്, യോഗം വേറെ വസ്തുവാണ്. യോഗത്തില്
വളരെ അപക്വമാണ്. ഓര്മ്മിക്കുന്നതിനുള്ള ബുദ്ധി പോലും വരുന്നില്ല.
ഓര്മ്മിക്കാതെങ്ങനെ വികര്മ്മം വിനാശമാകും. പിന്നീട് ഒരുപാട് ശിക്ഷ
അനുഭവിക്കേണ്ടി വരുന്നു, വളരെയധികം പശ്ചാതാപം ഉണ്ടാകുന്നു. ആ സ്ഥൂലമായ
സമ്പത്തുണ്ടാക്കുന്നില്ലെങ്കില് ഒരു ശിക്ഷയും അനുഭവിക്കേണ്ടി വരില്ല,
ഇതിലാണെങ്കില് പാപത്തിന്റെ ഭാരം തലയ്ക്കുമുകളിലാണ്, അതിന്റെ ഒരുപാട് ശിക്ഷ
അനുഭവിക്കേണ്ടി വരും. കുട്ടിയായി മാറി പിന്നെ മര്യാദയില്ലാത്തവരാവുകയാണെങ്കില്
ഒരുപാട് ശിക്ഷ ലഭിക്കുന്നു. ബാബയാണെങ്കില് പറയുന്നു - തന്റെ മേല് ദയ കാണിക്കൂ,
യോഗത്തിലിരിക്കൂ. ഇല്ലായെങ്കില് വെറുതെ തന്റെ അമംഗളം ചെയ്യുകയാണ്. എങ്ങനെയാണോ
ചിലര് മുകളില് നിന്ന് വീഴുന്നു, എന്നാല് മരിക്കുന്നില്ല അതിനാല് ഹോസ്പിറ്റലില്
പോയി നിലവിളിച്ചുകൊണ്ടിരിക്കും. അനാവശ്യമായി സ്വയത്തെ മുറിവേല്പ്പിക്കുന്നു,
മരിക്കുന്നില്ല, ബാക്കി എന്തിന് കൊള്ളും. ഇവിടെയും അങ്ങനെയാണ്. വളരെ
ഉയരത്തിലേയ്ക്ക് കയറണം. ശ്രീമതത്തിലൂടെ നടക്കുന്നില്ലായെങ്കില് വീണു പോകുന്നു.
മുന്നോട്ട് പോകുമ്പോള് ഓരോരുത്തര്ക്കും തന്റെ പദവി കാണാന് സാധിക്കും ഞാന്
എന്തായി മാറും? ആരാണോ സര്വ്വീസബിള്, ആജ്ഞാകാരികള്, അവര് ഉയര്ന്ന പദവി നേടും.
ഇല്ലായെങ്കില് ദാസ-ദാസി മുതലായവരായി മാറും. പിന്നീട് വളരെ കടുത്ത ശിക്ഷയും
ലഭിക്കും. ആ സമയം രണ്ടു പേരും ധര്മ്മ രാജന്റെ രൂപത്തിലാവുന്നു. എന്നാല്
കുട്ടികള് മനസ്സിലാക്കുന്നില്ല, തെറ്റ് ചെയ്തുകൊണ്ടേയിരിക്കുന്നു. ശിക്ഷ ഇവിടെ
അനുഭവിക്കണമല്ലോ. ആര് എത്ര സര്വ്വീസ് ചെയ്യുന്നുവോ, ശോഭിക്കും. ഇല്ലായെങ്കില്
ഒന്നിനും കൊള്ളാത്തവരായി മാറും. ബാബ പറയുകയാണ് മറ്റുള്ളവരുടെ മംഗളം ചെയ്യാന്
സാധിക്കുന്നില്ലായെങ്കില് തന്റെയെങ്കിലും മംഗളം ചെയ്യൂ. ബന്ധനസ്ഥര് പോലും തന്റെ
മംഗളം ചെയ്തുകൊണ്ടിരിക്കുന്നു. ബാബ വീണ്ടും കുട്ടികളോട് പറയുകയാണ്
ശ്രദ്ധയോടെയിരിക്കൂ. നാമ-രൂപത്തില് കുടുങ്ങുന്നതുകൊണ്ട് മായ വളരെ ബുദ്ധിമുട്ട്
തരുന്നു. ബാബാ ഇന്നയാളെ കാണുമ്പോള് എന്നില് മോശമായ സങ്കല്പം വരുന്നുവെന്ന്
പറയുന്നു. ബാബ മനസ്സിലാക്കി തരുകയാണ് - കര്മ്മേന്ദ്രിയങ്ങള് കൊണ്ട് ഒരിക്കലും
മോശമായ കര്മ്മം ചെയ്യരുത്. ഏതെങ്കിലും മോശമായ ആള് അവരുടെ പെരുമാറ്റം
ശരിയല്ലായെങ്കില് അവരെ സെന്ററില് വരാന് അനുവദിക്കരുത്. സ്ക്കൂളില് ആരെങ്കിലും
മോശമായി പെരുമാറുന്നുവെങ്കില് അവര് വളരെയധികം ശിക്ഷ അനുഭവിക്കുന്നു. ടീച്ചര്
എല്ലാവരുടെ മുന്നിലും പറയുന്നു ഇയാള് ഇങ്ങനെ മോശമായി പെറുമാറിയിരിക്കുന്നു,
അതുകൊണ്ട് ഇയാളെ സ്ക്കൂളില് നിന്ന് പുറത്താക്കുകയാണ്. നിങ്ങളുടെ സെന്ററിലും
ഇങ്ങനെ മോശമായ ദൃഷ്ടിയുള്ളവര് വരുകയാണെങ്കില്, അവരെ ഓടിക്കണം. ബാബ പറയുന്നു
ഒരിക്കലും കുദൃഷ്ടി വെയ്ക്കരുത്. സേവനം ചെയ്യുന്നില്ല, ബാബയെ
ഓര്മ്മിക്കുന്നില്ലായെങ്കില് തീര്ച്ചയായും ഏതെങ്കിലും തരത്തിലുള്ള അശുദ്ധിയുണ്ട്.
ആരാണോ നല്ല സേവനം ചെയ്യുന്നത്, അവരുടെ പേര് പ്രസിദ്ധമാകുന്നു. കുറച്ചെങ്കിലും
സങ്കല്പം വന്നു, കുദൃഷ്ടിയുണ്ടെങ്കില് മായയുടെ യുദ്ധമുണ്ടെന്ന് മനസ്സിലാക്കണം.
പെട്ടെന്ന് ഉപേക്ഷിക്കണം. ഇല്ലായെങ്കില് വൃദ്ധി നേടി ബുദ്ധിമുട്ട് നല്കും. ബാബയെ
ഓര്മ്മിക്കുകയാണെങ്കില് രക്ഷപ്പെട്ടുകൊണ്ടിരിക്കും. ബാബ എല്ലാ കുട്ടികള്ക്കും
മുന്നറിപ്പ് നല്കുകയാണ് - ജാഗ്രതയോടെയിരിക്കൂ, എവിടെയും തന്റെ കുലത്തിന്റെ പേര്
മോശമാക്കരുത്. ചിലര് ഗന്ധര്വ്വ വിവാഹം ചെയ്ത് ഒരുമിച്ചിരിക്കുന്നു അതിനാല് പേര്
വളരെ പ്രിസിദ്ധമാക്കുന്നു, ചിലര് വീണ് മോശമായി മാറുന്നു. ഇവിടെ നിങ്ങള്
വന്നിരിക്കുന്നത് തന്റെ സദ്ഗതി ചെയ്യാനാണ്, ദുര്ഗതി ചെയ്യാനല്ല. മോശത്തിലും
മോശമായത് കാമമാണ്, പിന്നീട് ക്രോധം. ബാബയില് നിന്ന് സമ്പത്ത് നേടാനാണ് വരുന്നത്
എന്നാല് മായ യുദ്ധം ചെയ്ത് ശാപം നല്കുന്നു പെട്ടെന്ന് വീണ് പോകുന്നു. പോയി സ്വയം
ശപിക്കുന്നു. അതിനാല് ബാബ മനസ്സിലാക്കി തരുകയാണ് വളരെയധികം സംരക്ഷിക്കണം,
ഇങ്ങനെയുള്ള ആരെങ്കിലും വരുകയാണെങ്കില് അവരെ പെട്ടെന്ന് തിരിച്ചയക്കണം.
കാണിച്ചിട്ടുമുണ്ടല്ലോ - അമൃത് കുടിക്കാന് വന്നു പിന്നീട് പുറത്ത് പോയി അസുരനായി
മാറി മോശം പ്രവൃത്തി ചെയ്തു. അവര്ക്ക് പിന്നീട് ഈ ജ്ഞാനം കേള്ക്കാന്
സാധിക്കില്ല. പൂട്ട് ബന്ധിക്കപ്പെടുന്നു. ബാബ പറയുന്നു തന്റെ സേവനത്തില് മാത്രം
താത്പരരായി കഴിയണം. ബാബയെ ഓര്മ്മിച്ചോര്മ്മിച്ച് പിന്നീട് വീട്ടിലേയ്ക്ക്
തിരിച്ച് പോകണം. ഗീതവുമുണ്ടല്ലോ - രാത്രിയിലെ യാത്രക്കാരാ ക്ഷീണിക്കരുത്...
ആത്മാവിന് വീട്ടിലേയ്ക്ക് പോകണം. ആത്മാവ് തന്നെയാണ് യാത്രക്കാരന്. ആത്മാവിന്
ദിവസവും മനസ്സിലാക്കി കൊടുക്കുകയാണ് ഇപ്പോള് നിങ്ങള് ശാന്തിധാമിലേയ്ക്ക്
പോകുന്ന യാത്രക്കാരനാണ്. അതിനാല് ഇപ്പോള് ബാബയേയും, വീടിനേയും, സമ്പത്തിനെയും
ഓര്മ്മിച്ചുകൊണ്ടേയിരിക്കൂ. സ്വയം നോക്കണം മായ എവിടെയും ബുദ്ധിമുട്ട്
നല്കുന്നില്ലല്ലോ? ഞാന് എന്റെ അച്ഛനെ ഓര്മ്മിക്കുന്നുണ്ടോ?
ഉയര്ന്നതിലും ഉയര്ന്ന ബാബയുടെ നേരെ ദൃഷ്ടി ഉണ്ടായിരിക്കണം - ഇതാണ് ഏറ്റവും
ഉയര്ന്ന പുരുഷാര്ത്ഥം. ബാബ പറയുകയാണ് - കുട്ടികളെ, കുദൃഷ്ടി ഉപേക്ഷിക്കൂ.
ദേഹാഭിമാനം അര്ത്ഥം കുദൃഷ്ടി, ദേഹീ-അഭിമാനി അര്ത്ഥം ശുദ്ധമായ ദൃഷ്ടി. അതിനാല്
കുട്ടികളുടെ ദൃഷ്ടി ബാബയുടെ നേര്ക്കായിരിക്കണം. സമ്പത്ത് വളരെ ഉയര്ന്നതാണ് -
വിശ്വത്തിന്റെ ചക്രവര്ത്തി, ചെറിയ കാര്യമാണോ! പഠിപ്പിലൂടെ, യോഗത്തിലൂടെ
വിശ്വത്തിന്റെ ചക്രവര്ത്തിയാകാന് സാധിക്കുമെന്ന് ആരുടെയും സ്വപ്നത്തില് പോലും
ഉണ്ടായിരിക്കില്ല. പഠിച്ച് ഉയര്ന്ന പദവി നേടുമ്പോള് ബാബയും സന്തോഷിക്കും,
ടീച്ചറും സന്തോഷിക്കും, സദ്ഗുരുവും സന്തോഷിക്കും.
ഓര്മ്മിച്ചുകൊണ്ടിരിക്കുകയാണെങ്കില് ബാബയും വാത്സല്യം തന്നുകൊണ്ടിരിക്കും. ബാബ
പറയുന്നു - കുട്ടികളെ, ഈ കുറവുകള് ഇല്ലാതാക്കൂ. ഇല്ലായെങ്കില് വെറുതെ പേര്
മോശമാകും. ബാബയാണെങ്കില് വിശ്വത്തിന്റെ അധികാരിയാക്കി മാറ്റി, സൗഭാഗ്യം
തുറക്കുന്നു. ഭാരത വാസികള് തന്നെയാണ് 100 ശതമാനം സൗഭാഗ്യ ശാലികളായിരുന്നത്
പിന്നീട് 100 ശതമാനം ദുര്ഭാഗ്യശാലികളായി മാറിയിരിക്കുന്നു വീണ്ടും നിങ്ങള്ക്ക്
സൗഭാഗ്യശാലിയാകുന്നതിന് വേണ്ടി പഠിക്കേണ്ടതുണ്ട്.
ബാബ മനസ്സിലാക്കി തന്നിട്ടുണ്ട് ഓരോ ധര്മ്മത്തിലെയും ഉയര്ന്നവര്, അവരും
നിങ്ങളുടെയടുത്ത് വരും. യോഗം പഠിച്ച് പോകും. മ്യൂസിയത്തില് ഏതെങ്കിലും
ടൂറിസ്റ്റ് വന്നാല്, അവര്ക്കും നിങ്ങള്ക്ക് മനസ്സിലാക്കി കൊടുക്കാന് സാധിക്കും
- ഇപ്പോള് സ്വര്ഗ്ഗത്തിന്റെ കവാടം തുറക്കുകയാണ്. വൃക്ഷത്തിന് മേല് മനസ്സിലാക്കി
കൊടുക്കൂ, നോക്കൂ നിങ്ങള് ഇന്ന സമയത്ത് വരുന്നു. ഭാരതവാസികളുടെ പാര്ട്ട് ഇന്ന
സമയത്താണ്. നിങ്ങള് ഈ ജ്ഞാനം കേള്ക്കൂ പിന്നീട് തന്റെ ദേശത്ത് പോയി പറയൂ ബാബയെ
ഓര്മ്മിക്കൂ എങ്കില് തമോപ്രധാനത്തില് നിന്നും സതോപ്രധാനമായി മാറും. അവരും
യോഗത്തിന് വേണ്ടി ആഗ്രഹം വെയ്ക്കുന്നു. ഹഠയോഗി, സന്യാസിമാര്ക്കൊന്നും ഈ യോഗം
പഠിപ്പിക്കാന് സാധിക്കില്ല. നിങ്ങളുടെ ദൗത്യവും പുറത്ത് പോകും. മനസ്സിലാക്കി
കൊടുക്കുന്നതിന് വളരെ വലിയ യുക്തി ആവശ്യമാണ്. ധര്മ്മത്തിലെ ഉയര്ന്നവര്ക്ക് വരിക
തന്നെ വേണം. നിങ്ങളില് നിന്ന് ആരെങ്കിലും ഒരാള് ഈ ജ്ഞാനം എടുത്ത്
പോവുകയാണെങ്കില് ഒരാളില് നിന്ന് അനേകം പേര് മനസ്സിലാക്കും. ഒരാളുടെ ബുദ്ധിയില്
വന്നാല് പിന്നെ ദിന പത്രങ്ങളിലെല്ലാം ഇടും. ഇതും ഡ്രാമയിലടങ്ങിയിട്ടുള്ളതാണ്.
ഇല്ലായെങ്കില് എങ്ങനെ ബാബയെ ഓര്മ്മിക്കാന് പഠിക്കും. ബാബയുടെ പരിചയം
എല്ലാവര്ക്കും ലഭിക്കുന്നു. ആരെങ്കിലുമെല്ലാം വരും. മ്യൂസിയത്തില് വളരെ പഴയ
വസ്തുക്കള് കാണാന് പോകുന്നു. ഇവിടെ നിങ്ങളുടെ പഴയ ജ്ഞാനം കേള്ക്കും. അനേകര് വരും.
അവരില് ചിലര് നല്ല രീതിയില് മനസ്സിലാക്കും. ഇവിടെ നിന്ന് തന്നെ ദൃഷ്ടി ലഭിക്കും
അതോടെ ദൗത്യം പുറത്തേയ്ക്ക് പോകും. നിങ്ങള് പറയും ബാബയെ ഓര്മ്മിക്കൂ എങ്കില്
തന്റെ ധര്മ്മത്തില് ഉയര്ന്ന പദവി നേടാം. പുനര്ജന്മം എടുത്തെടുത്ത് എല്ലാവരും
താഴെയിറങ്ങി വന്നിരിക്കുകയാണ്. താഴെ ഇറങ്ങുക അര്ത്ഥം തമോ പ്രധാനമായി മാറുക.
ബാബയെ ഓര്മ്മിക്കൂ എന്ന് പോപ്പ് മുതലായവര്ക്കൊന്നും പറയാന് സാധിക്കില്ല. ബാബയെ
അറിയുന്നേയില്ല. നിങ്ങളുടെയടുത്ത് വളരെ നല്ല ജ്ഞാനമാണ്. ചിത്രവും നല്ലത്
ഉണ്ടാക്കി കൊണ്ടിരിക്കുന്നു. മനോഹരമായ വസ്തുക്കളുണ്ടെങ്കില് മ്യൂസിയം ഒന്നുകൂടി
മനോഹരമാകും. കാണുന്നതിന് വേണ്ടി അനേകര് വരും. എത്ര വലിയ ചിത്രമുണ്ടോ അത്രയും
നന്നായി മനസ്സിലാക്കി കൊടുക്കാന് സാധിക്കും. ഞങ്ങള് ഇങ്ങനെ മനസ്സിലാക്കി
കൊടുക്കുമെന്ന താല്പര്യമുണ്ടായിരിക്കണം. സദാ നിങ്ങളുടെ ബുദ്ധിലുണ്ടായിരിക്കണം
നമ്മള് ബ്രാഹ്മണരായി മാറിയിരിക്കുന്നു അതിനാല് എത്ര സേവനം ചെയ്യുന്നുണ്ടോ അത്രയും
ഉയര്ന്ന അംഗീകാരവും ഉണ്ടാകും. ഇവിടെ അംഗീകാരമുണ്ടെങ്കില് അവിടെയും
അംഗീകാരമുണ്ടാകും. നിങ്ങള് പൂജ്യരായി മാറും. ഈ ഈശ്വരീയ ജ്ഞാനം ധാരണ ചെയ്യണം.
ബാബ പറയുകയാണ് സേവനത്തിന് ഓടികൊണ്ടിരിക്കൂ. ബാബ സേവനത്തിനായി എവിടെ അയച്ചാലും,
അതില് മംഗളമുണ്ട്. മുഴുവന് ദിവസവും ബുദ്ധിയില് സേവനത്തിന്റെ ചിന്ത നടക്കണം.
വിദേശിയര്ക്കും ബാബയുടെ പരിചയം നല്കണം. അതിസ്നേഹിയായ ബാബയെ ഓര്മ്മിക്കൂ, ഏതൊരു
ദേഹധാരിയേയും ഗുരുവാക്കരുത്. സര്വ്വരുടെയും സദ്ഗതി ദാതാവ് ആ ഒരു ബാബയാണ്.
ഇപ്പോള് ഹോള്സെയിലായി മരണം മുന്നില് നില്ക്കുകയാണ്, ഹോള്സെയിലും റീട്ടെയിലും
വ്യാപാരവുമുണ്ടല്ലോ. ബാബ ഹോള്സെയിലാണ്, സമ്പത്തും ഹോള്സെയിലായി നല്കുന്നു. 21
ജന്മത്തയ്ക്ക് വിശ്വത്തിന്റെ രാജ്യഭാഗ്യമെടുക്കൂ. മുഖ്യമായ ചിത്രമാണ്
ത്രിമൂര്ത്തി, സൃഷ്ടി ചക്രം, കല്പ വൃക്ഷം, ഏണിപ്പടി, വിരാട രൂപത്തിന്റെ ചിത്രം,
പിന്നെ ഗീതയുടെ ഭഗവാനാരാണ്?... ഈ ചിത്രമാണെങ്കില് ഒന്നാന്തരമാണ്, ഇതില് ബാബയുടെ
മഹിമ പൂര്ണ്ണമാണ്. കൃഷ്ണനെ ഇങ്ങനെയാക്കിയത് ബാബ തന്നെയാണ്, ഈ സമ്പത്ത് ഗോഡ്
ഫാദര് നല്കിയതാണ്. കലിയുഗത്തില് ഇത്രയധികം മനുഷ്യരാണ്, സത്യയുഗത്തില് കുറവാണ്.
ഈ വ്യത്യാസം വരുത്തിയത് ആരാണ്? തീര്ത്തും ആര്ക്കും അറിയില്ല. ഒരുപാട്
ടൂറിസ്റ്റുകള് വലിയ വലിയ പട്ടണങ്ങളിലേയ്ക്ക് പോകുന്നുണ്ട്. അവരും വന്ന് ബാബയുടെ
പരിചയം നേടും. സേവനത്തിനുള്ള അനേകം പോയിന്റുകള് ലഭിച്ചുകൊണ്ടേയിരിക്കുന്നു.
വിദേശത്തേയ്ക്കും പോകണം. ഒരു ഭാഗത്ത് നിങ്ങള് ബാബയുടെ പരിചയം നല്കികൊണ്ടിരിക്കും,
മറുഭാഗത്ത് കലഹവും നടന്നുകൊണ്ടിരിക്കും. സത്യയുഗത്തില് കുറച്ച് മനുഷ്യരെ
ഉണ്ടായിരിക്കൂ അതിനാല് ബാക്കി തീര്ച്ചയായും വിനാശമാകണമല്ലോ. ലോകത്തിന്റെ
ചരിത്രവും ഭൂമിശാസ്ത്രവും ആവര്ത്തിക്കുന്നു. എന്താണോ കഴിഞ്ഞു പോയത് അത് വീണ്ടും
ആവര്ത്തിക്കും. എന്നാല് ആര്ക്കെങ്കിലും മനസ്സിലാക്കി കൊടുക്കാനുള്ള ബുദ്ധിയും
ഉണ്ടായിരിക്കണം. ശരി!
വളരെക്കാലത്തെ വേര്പാടിനു ശേഷം തിരിച്ചു കിട്ടിയ മധുര മധുരമായ കുട്ടികള്ക്ക്
മാതാവും പിതാവുമായ ബാപ്ദാദയുടെ സ്നേഹ സ്മരണയും സുപ്രഭാതവും. ആത്മീയ അച്ഛന്റെ
ആത്മീയ കുട്ടികള്ക്ക് നമസ്കാരം.
ധാരണയ്ക്കുള്ള മുഖ്യ സാരം:-
1) സദാ ഒരു
ബാബയിലേക്ക് മാത്രം ദൃഷ്ടി വെയ്ക്കണം. ദേഹീ അഭിമാനിയാകുന്നതിനുള്ള പുരുഷാര്ത്ഥം
ചെയ്ത് മായയുടെ അടിയില് നിന്നും രക്ഷപ്പെടണം. ഒരിക്കലും കുദൃഷ്ടി വെച്ച് തന്റെ
കുലത്തിന്റെ പേര് മോശമാക്കരുത്.
2) സേവനത്തിന് വേണ്ടി ഓടി
കൊണ്ടിരിക്കണം. സര്വ്വീസബിളും ആജ്ഞാകാരിയുമായി മാറണം. തന്റെയും മറ്റുള്ളവരുടെയും
മംഗളം ചെയ്യണം. മര്യാദപൂര്വ്വമല്ലാത്ത ഒരു പെരുമാറ്റവും ഉണ്ടാകരുത്.
വരദാനം :-
ഫുള്സ്റ്റോപ്പിന്റെ സ്ഥിതിയിലൂടെ പ്രകൃതിയുടെ ചഞ്ചലതകളെ സ്റ്റോപ്പ് ചെയ്യുന്ന
മാസ്റ്റര് പ്രകൃതിപതിയായി ഭവിക്കട്ടെ.
വര്ത്തമാനസമയം ചഞ്ചലത
വര്ദ്ധിക്കുന്ന സമയമാണ്. ഫൈനല് പേപ്പറില് ഒരു ഭാഗത്ത് പ്രകൃതിയുടെയും മറുഭാഗത്ത്
അഞ്ച് വികാരങ്ങളുടെയും വികരാള രൂപമായിരിക്കും. തമോഗുണീ ആത്മാക്കളുടെ യുദ്ധവും
പഴയ സംസ്കാരങ്ങളും......എല്ലാം അവസാന സമയത്ത് തങ്ങളുടെ ചാന്സെടുക്കും.
അങ്ങനെയുള്ള സമയത്ത് ഉള്ളിലൊതുക്കുവാനുള്ള ശക്തിയിലൂടെ ഇപ്പോഴിപ്പോള് സാകാരി,
ഇപ്പോഴിപ്പോള് ആകാരി, ഇപ്പോഴിപ്പോള് നിരാകാരി സ്ഥിതിയില് സ്ഥിതി ചെയ്യാനുള്ള
അഭ്യാസം വേണം. കണ്ടുകൊണ്ടും കാണരുത്, കേട്ടുകൊണ്ടും കേള്ക്കരുത്. എപ്പോള്
അങ്ങനെയുള്ള ഫുള്സ്റ്റോപ്പിന്റെ സ്ഥിതിയുണ്ടാകുന്നുവോ അപ്പോള് പ്രകൃതിപതിയായി
പ്രകൃതിയുടെ ഇളക്കങ്ങളെ സ്റ്റോപ്പ് ചെയ്യാന് സാധിക്കും.
സ്ലോഗന് :-
നിര്വ്വിഘ്ന രാജ്യാധികാരിയാകുന്നതിന് വേണ്ടി നിര്വ്വിഘ്ന സേവാധാരിയാകൂ.
അവ്യക്ത സൂചനകള്:-
കമ്പൈന്റ് രൂപത്തിന്റെ സ്മൃതിയിലൂടെ സദാ വിജയിയാകൂ.
സദാ ഈ
സ്മൃതിയുണ്ടായിരിക്കണം ഞാന് ആത്മാവ് ആ പരമാത്മാവിനോടൊപ്പം കമ്പൈന്റാണ്.
പരമാത്മാവിന് ആത്മാവായ എന്നെ കൂടാതെ ഇരിക്കാന് കഴിയില്ല, മാത്രമല്ല എനിക്കും
പരമാത്മാവില്ലാതെ വേറിട്ടിരിക്കാന് സാധിക്കില്ല. അങ്ങിനെ ഓരോ സെക്കന്റും യജമാനനെ
ഹാജര് അനുഭവം ചെയ്യുന്നതിലൂടെ ആത്മീയ സുഗന്ധത്തില് അവിനാശിയും ഏകരസവുമായിരിക്കാം.