മധുരമായ കുട്ടികളേ -
ദേവതയാകുന്നതിനു മുമ്പ് നിങ്ങള്ക്ക് തീര്ച്ചയായും ബ്രാഹ്മണനായി മാറണം.
രാജയോഗത്തിന്റെ പഠിപ്പിലൂടെ ദേവതയായി മാറുന്ന ബ്രഹ്മാമുഖ വംശാവലീ സന്താനങ്ങള്
തന്നെയാണ് സത്യമായ ബ്രാഹ്മണര്.
ചോദ്യം :-
മറ്റുളള സത്സംഗങ്ങളില് നിന്നും നിങ്ങളുടെ ഈ സത്സംഗം ഏതൊരു കാര്യത്തിലാണ്
വിചിത്രമായിട്ടുളളത്?
ഉത്തരം :-
മറ്റുളള
സത്സംഗങ്ങളില് ലക്ഷ്യമൊന്നും തന്നെയില്ല. ധനവും സമ്പാദ്യങ്ങളുമെല്ലാം
നഷ്ടപ്പെടുത്തി അലഞ്ഞുകൊണ്ടിരിക്കുന്നു. ഈ സത്സംഗത്തില് നിങ്ങള് അലയുന്നില്ല.
ഇത് സത്സംഗത്തോടൊപ്പം വിദ്യാലയവുമാണ്. വിദ്യാലയത്തില് പഠിക്കുകയാണ് ചെയ്യുക
അലയുകയല്ല. പഠിപ്പ് അര്ത്ഥം സമ്പാദ്യം. എത്രത്തോളം നിങ്ങള് പഠിച്ച് ധാരണ
ചെയ്യുകയും ചെയ്യിപ്പിക്കുകയും ചെയ്യുന്നുവോ അത്രത്തോളം സമ്പാദ്യമാണ്. ഈ
സത്സംഗത്തിലേക്ക് വരുക അര്ത്ഥം നേട്ടം തന്നെ നേട്ടമാണ്.
ഓംശാന്തി.
ആത്മീയ അച്ഛന് ആത്മീയ കുട്ടികള്ക്ക് മനസ്സിലാക്കിത്തരികയാണ്. ആത്മീയ കുട്ടികള്
തന്നെയാണ് ഈ കാതുകളിലൂടെ കേള്ക്കുന്നത്. പരിധിയില്ലാത്ത അച്ഛന് കുട്ടികളോട്
പറയുകയാണ് - സ്വയം ആത്മാവാണെന്നു മനസ്സിലാക്കൂ. ഇത് ഇടയ്ക്കിടെ
കേള്ക്കുന്നതിലൂടെ ബുദ്ധിയുടെ അലച്ചില് അവസാനിച്ച് ബുദ്ധി സ്ഥിരതയുളളതാവുന്നു.
സ്വയത്തെ ആത്മാവാണെന്നു മനസ്സിലാക്കി ഇരിക്കും. കുട്ടികള് മനസ്സിലാക്കുന്നു
ഇവിടെ നമ്മള് വന്നിരിക്കുന്നത് ദേവതയായി മാറുന്നതിനുവേണ്ടിയാണ്. നമ്മള്
ദത്തെടുക്കപ്പെട്ട കുട്ടികളാണ്. നമ്മള് ബ്രാഹ്മണരാണ് പഠിക്കുന്നത്. എന്താണ്
പഠിക്കുന്നത്? ബ്രാഹ്മണനില് നിന്നും ദേവതയാകുന്നു. കുട്ടികള് കോളേജില്
പോകുമ്പോള് ഞങ്ങള് എന്ജിനിയര് അഥവാ ഡോക്ടറായി മാറുമെന്ന് മനസ്സിലാക്കുന്നത് പോലെ.
അവിടെപ്പോയി ഇരിക്കുമ്പോള് തന്നെ പെട്ടെന്നു മനസ്സിലാക്കും. നിങ്ങളും
ബ്രഹ്മാവിന്റെ കുട്ടികള് ബ്രാഹ്മണരാകുമ്പോള് തന്നെ മനസ്സിലാക്കുന്നു, നമ്മള്
ബ്രാഹ്മണനില് നിന്ന് ദേവതയാകും. ഇങ്ങനെയൊരു മഹിമയുണ്ട്- മനുഷ്യനില് നിന്നും
ദേവത..... എന്നാല് ആരാണ് ആകുന്നത്? ഹിന്ദുക്കള് എല്ലാവരും
ദേവതകളായിത്തീരുന്നില്ല. വാസ്തവത്തില് ഹിന്ദു എന്നു പറയുന്നത് ഒരു ധര്മ്മമല്ല.
ആദിസനാതന ധര്മ്മം ഹിന്ദുധര്മ്മമല്ല. ആരോടെങ്കിലും ചോദിക്കൂ,
ഹിന്ദുധര്മ്മത്തിന്റെ സ്ഥാപകന് ആരാണെന്ന്? അപ്പോള് ആശയക്കുഴപ്പത്തിലാകും. അജ്ഞത
കൊണ്ടാണ് ഈ പേരു വെച്ചത്. ഹിന്ദുസ്ഥാനില് വസിക്കുന്നവര് സ്വയത്തെ ഹിന്ദുക്കള്
എന്നു പറയുന്നു. വാസ്തവത്തില് ഭാരതം എന്നാണ് യഥാര്ത്ഥമായ പേര്. അല്ലാതെ
ഹിന്ദുസ്ഥാനെന്നല്ല. ഭാരതഖണ്ഢം എന്നാണ് പറയുന്നത്, ഹിന്ദുസ്ഥാന് ഖണ്ഢം എന്നല്ല
പറയുക. ഭാരതം തന്നെയാണല്ലോ. അപ്പോള് വാസ്തവത്തില് ഇത് ഏതു ഖണ്ഢമാണെന്നു തന്നെ
അവര്ക്ക് അറിയില്ല. അപവിത്രമായതു കാരണം സ്വയത്തെ ദേവതയെന്നു മനസ്സിലാക്കാന്
സാധിക്കുന്നില്ല. ദേവി-ദേവതകള് പവിത്രമാണ്. ഇപ്പോള് ആ ധര്മ്മമില്ല. മറ്റെല്ലാ
ധര്മ്മങ്ങളും ഇപ്പോഴുമുണ്ട് - ബുദ്ധന്റെ ബുദ്ധധര്മ്മം, ഇബ്രാഹിമിന്റെ
ഇസ്ലാംധര്മ്മം, ക്രിസ്തുവിന്റെ ക്രിസ്തു ധര്മ്മം. ബാക്കി ഹിന്ദു ധര്മ്മത്തിന്
സ്ഥാപകനായി ആരും തന്നെയില്ല. ഈ ഹിന്ദുസ്ഥാന് എന്ന പേരു വെച്ചത് വിദേശികളാണ്.
പതിതമായതുകൊണ്ട് സ്വയത്തെ ദേവതാധര്മ്മത്തിലുളളവരാണെന്ന് അംഗീകരിക്കുന്നില്ല.
ബാബ മനസ്സിലാക്കിത്തരുന്നു, ആദിസനാതന ദേവീ- ദേവതാധര്മ്മമാണ് ഏറ്റവും പുരാതനം.
ഏറ്റവും ആരംഭത്തിലുളള ധര്മ്മം ഏതാണ്? ദേവീ-ദേവതാ. ഹിന്ദു എന്ന് പറയില്ല. ഇപ്പോള്
നിങ്ങള് ബ്രഹ്മാവിന്റെ ദത്തെടുക്കപ്പെട്ട കുട്ടികള് ബ്രാഹ്മണരാണ്. ബ്രാഹ്മണനില്
നിന്നും ദേവതയായിത്തീരുന്നതിനാണ് പഠിക്കുന്നത്. അല്ലാതെ ഹിന്ദുവില് നിന്നും
ദേവതയായിത്തീരുന്നതിനല്ല പഠിക്കുന്നത്. ബ്രാഹ്മണനില് നിന്നും ദേവതയായിത്തീരുന്നു.
ഇത് നല്ല രീതിയില് ധാരണ ചെയ്യണം. ഇപ്പോള് നോക്കൂ എത്രയധികം ധര്മ്മങ്ങളാണ്.
കൂടിക്കൊണ്ടിരിക്കുന്നു. എപ്പോള് എവിടെയെങ്കിലും പ്രഭാഷണം ചെയ്യുമ്പോള് ഇതെല്ലാം
തന്നെ മനസ്സിലാക്കി കൊടുക്കുന്നത് നല്ലതാണ്. ഇപ്പോള് കലിയുഗമാണ്, എല്ലാ
ധര്മ്മങ്ങളും ഇപ്പോള് തമോപ്രധാനമാണ്. നിങ്ങള് ചിത്രം വെച്ച് മനസ്സിലാക്കി
കൊടുക്കുകയാണെങ്കില്, ഞാന് ഇന്നാളാണ്, അതാണ്, ഇതാണ്..... എന്നെല്ലാമുള്ള അഭിമാനം
ഇല്ലാതാവും. മനസ്സിലാക്കും നമ്മള് തമോപ്രധാനരാണ്. ആദ്യമാദ്യം ബാബയുടെ പരിചയം
നല്കി പിന്നീട് കാണിക്കണം, ഈ പഴയ ലോകം ഇപ്പോള് പരിവര്ത്തനപ്പെടാന് പോവുകയാണ്.
ഓരോ ദിവസം കൂടുന്തോറും ചിത്രവും ശോഭനീയമാകും. വിദ്യാലയത്തില് ഭൂപടം വെച്ച്
കുട്ടികളുടെ ബുദ്ധിയില് മനസ്സിലാക്കി കൊടുക്കുന്നത് പോലെ. നിങ്ങളുടെ ബുദ്ധിയില്
ഈ ചിത്രം ഉണ്ടായിരിക്കണം. നമ്പര്വണ് ഭൂപടം ഇതാണ്, മുകളിലായി ത്രിമൂര്ത്തിയുണ്ട്,
സത്യയുഗത്തിന്റെയും കലിയുഗത്തിന്റെയും രണ്ട് ഗോളങ്ങളുമുണ്ട്. ഇപ്പോള് നമ്മള്
പുരുഷോത്തമ സംഗമയുഗത്തിലാണ്. ഈ പഴയ ലോകത്തിന് വിനാശം സംഭവിക്കും. ഒരേയൊരു
ആദിസനാതന ദേവതാധര്മ്മത്തിന്റെ സ്ഥാപന നടന്നുകൊണ്ടിരിക്കുന്നു. നിങ്ങള് ആദിസനാതന
ദേവതാധര്മ്മത്തിലുള്ളവരാണ്. ഹിന്ദു എന്നൊരു ധര്മ്മമില്ല. എതുപോലെയാണോ
സന്യാസിമാര്, വസിക്കുന്ന സ്ഥാനമായ ബ്രഹ്മത്തെ ഈശ്വരന് എന്നു മനസ്സിലാക്കിയത്.
അതുപോലെ ഹിന്ദുസ്ഥാനില് വസിക്കുന്നവരെ ഹിന്ദുധര്മ്മത്തിലുളളവരെന്നു മനസ്സിലാക്കി.
അവരുടേതിലും വ്യത്യാസമുണ്ട് നിങ്ങളുടേതിലും വ്യത്യാസമുണ്ട്. ദേവി-ദേവതകള് എന്ന
പേര് എത്ര ഉയര്ന്നതാണ്. പറയാറുണ്ട് ഇവര് ദേവതകളെപ്പോലെയാണെന്ന്. ആരിലാണോ നല്ല
ഗുണങ്ങളുളളത് - പറയാറുണ്ട്-ഇവരില് ദേവതാ ഗുണമുണ്ട്.
നിങ്ങള് മനസ്സിലാക്കുന്നു - ഈ കൃഷ്ണനും രാധയും സ്വയം വരത്തിനു ശേഷം
ലക്ഷ്മി-നാരായണനായിത്തീരുന്നു. അവരെയാണ് വിഷ്ണു എന്ന് പറയുന്നത്. എല്ലാവരുടെയും
ചിത്രങ്ങളുണ്ട് പക്ഷേ ആരും തന്നെ അറിയുന്നില്ല. നിങ്ങള്ക്ക് ബാബ
മനസ്സിലാക്കിത്തരുന്നു, എല്ലാവരും ബാബയെത്തന്നെയാണ് ഓര്മ്മിക്കുന്നത്. ഭഗവാനേ...
എന്നു വിളിക്കാത്ത ഒരു മനുഷ്യനും ഉണ്ടാവില്ല. ഭഗവാനെ നിരാകാരനെന്നാണ് പറയുന്നത്.
നിരാകാരന്റെ അര്ത്ഥത്തെ തന്നെ മനസ്സിലാക്കുന്നില്ല. ഇപ്പോള് നിങ്ങള് സര്വ്വതും
അറിയുന്നു. കല്ലുബുദ്ധിയില് നിന്നും പവിഴബുദ്ധിയായിത്തീരുന്നു. ഈ ജ്ഞാനം നിങ്ങള്
ഭരതവാസികള്ക്കുളളതാണ്, അല്ലാതെ അന്യധര്മ്മത്തിലുളളവര്ക്കല്ല. ബാക്കി ഇത്
മനസ്സിലാക്കിക്കൊടുക്കാന് സാധിക്കും എങ്ങനെ ഇത്രയും വൃദ്ധി പ്രാപിച്ചു, മറ്റുളള
ഖണ്ഡങ്ങളും എങ്ങനെ വന്നു. അവിടെ ഭാരതഖണ്ഢമല്ലാതെ മറ്റൊരു ഖണ്ഢവും
ഉണ്ടായിരിക്കില്ല. ഇപ്പോള് സനാതനധര്മ്മം മാത്രമില്ല, മറ്റെല്ലാ
ധര്മ്മങ്ങളുമുണ്ട്. ആല് വൃക്ഷത്തിന്റെ ഉദാഹരണം വളരെ കൃത്യമാണ്. ആദിസനാതന
ദേവീ-ദേവതാധര്മ്മത്തിന്റെ അടിത്തറയില്ല, ബാക്കി മുഴുവന് വൃക്ഷവും
നില്ക്കുന്നുണ്ട്. അതുകൊണ്ട് പറയാം ആദിസനാതന ദേവീ-ദേവതാധര്മ്മമുണ്ടായിരുന്നു,
അല്ലാതെ ഹിന്ദുധര്മ്മമല്ല. നിങ്ങള് ഇപ്പോള് ബ്രാഹ്മണരാണ്, ദേവതയാകുന്നതിനു
വേണ്ടി ആദ്യം തീര്ച്ചയായും ബ്രാഹ്മണനായിത്തീരണം. ശൂദ്രവര്ണ്ണമെന്നും,
ബ്രാഹ്മണവര്ണ്ണമെന്നും പറയുന്നു. ശൂദ്ര രാജപരമ്പയെന്ന് പറയില്ല. രാജധാനിയില്
രാജാക്കന്മാരും-റാണിമാരുമുണ്ട്. ആദ്യം ദേവതകള് മഹാരാജാ-മഹാറാണിമാരായിരുന്നു.
ഇവിടെ ഹിന്ദു മഹാരാജാ-മഹാറാണിയെന്ന് പറയും. ഭാരതം അഖണ്ഢമായിരുന്നു പിന്നീടെങ്ങനെ
വേറെ-വേറെയായി? അവരുടെ പേരും അടയാളവുമെല്ലാം തന്നെ അപ്രത്യക്ഷമാക്കി കേവലം
ചിത്രങ്ങള് മാത്രമുണ്ട്. നമ്പര്വണ് സൂര്യവംശിയാണ്. രാമനെ സൂര്യവംശി എന്നു
പറയില്ല. ഇപ്പോള് നിങ്ങള് വന്നിരിക്കുന്നതു തന്നെ സൂര്യവംശിയായിത്തീരാനാണ്.
അല്ലാതെ ചന്ദ്രവംശിയാകുന്നതിനായല്ല. ഇത് രാജയോഗമല്ലേ. നിങ്ങളുടെ ബുദ്ധിയിലുണ്ട്
നമ്മള് ഈ ലക്ഷ്മീ- നാരായണനാകും. ഹൃദയത്തില് സന്തോഷമുണ്ടാകണം - ബാബ നമ്മളെ
പഠിപ്പിക്കുന്നു, മഹാരാജാ-മഹാറാണിയാക്കി മാറ്റാന്. സത്യനാരായണന്റെ സത്യം
സത്യമായ കഥയിതാണ്. ഇതിനുമുമ്പ് ജന്മ-ജന്മാന്തരം നിങ്ങള് സത്യനാരായണന്റെ കഥ
കേട്ടു വന്നു. പക്ഷേ അതൊന്നും തന്നെ സത്യമായ കഥയല്ല. ഭക്തിമാര്ഗ്ഗത്തിലൂടെ
ഒരിക്കലും മനുഷ്യനില് നിന്നും ദേവതയാകാന് സാധിക്കില്ല. മുക്തി-ജീവന്മുക്തി
പ്രാപിക്കാന് കഴിയില്ല. എല്ലാ മനുഷ്യരും തീര്ച്ചയായും മുക്തി-ജീവന്മുക്തി നേടുക
തന്നെ ചെയ്യും. ഇപ്പോള് എല്ലാവരും ബന്ധനത്തിലാണ്. മുകളില് നിന്ന് ഇന്നും ആത്മാവ്
വന്നാല് പോലും അവര് ജീവന്മുക്തിയിലേക്കാണ് വരിക അല്ലാതെ ജീവന്
ബന്ധനത്തിലേക്കല്ല. പകുതി സമയം ജീവന്മുക്തിയിലും പകുതി സമയം ജീവന്
ബന്ധനത്തിലേക്കും പോകും. ഈ കളി ഉണ്ടാക്കപ്പെട്ടിട്ടുളളതാണ്. ഈ പരിധിയില്ലാത്ത
നാടകത്തിലെ അഭിനേതാക്കളാണ് നമ്മള്. ഇവിടെ വരുന്നതു തന്നെ അഭിനയിക്കാനാണ്. നമ്മള്
ആത്മാക്കള് ഇവിടെ വസിക്കുന്നവരല്ല. എങ്ങനെ വരുന്നു എന്ന കാര്യങ്ങളെല്ലാം തന്നെ
മനസ്സിലാക്കിത്തരുന്നു. പല ആത്മാക്കളും ഇവിടെത്തന്നെ പുനര്ജന്മങ്ങള്
എടുത്തുകൊണ്ടിരിക്കുന്നു. നിങ്ങള് കുട്ടികളുടെ ബുദ്ധിയില് ഈ സൃഷ്ടിയുടെ ആദ്യം
മുതല് അവസാനം വരെയുളള ചരിത്രവും ഭൂമിശാസ്ത്രവും ഉണ്ട്. പരിധിയില്ലാത്ത ബാബ
മുകളിലിരുന്നുകൊണ്ട് എന്താണ് ചെയ്യുന്നത്, ഇതൊന്നും തന്നെ അറിയുന്നില്ല,
അതുകൊണ്ടാണ് അവരെ തുച്ഛ ബുദ്ധികളെന്നു പറയുന്നത്. നിങ്ങളും തുച്ഛ
ബുദ്ധികളായിരുന്നു. ഇപ്പോള് ബാബ നിങ്ങള്ക്ക് രചയിതാവിന്റെയും രചനയുടെയും ആദി
മദ്ധ്യ അന്ത്യത്തിന്റെ രഹസ്യത്തെക്കുറിച്ച് മനസ്സിലാക്കിത്തന്നു. നിങ്ങള്
പാവപ്പെട്ട സാധാരണക്കാരായ കുട്ടികള്ക്ക് എല്ലാം തന്നെ അറിയാം. നിങ്ങള്
സ്വച്ഛബുദ്ധികളാണ്. സ്വച്ഛമെന്ന് പവിത്രമായതിനെയാണ് പറയുന്നത്. തുച്ഛബുദ്ധി
അപവിത്രമാണ്. നിങ്ങള് ഇപ്പോള് നോക്കൂ എന്തായിക്കൊണ്ടിരിക്കുകയാണ്!
വിദ്യാലയത്തിലും പഠിപ്പിലൂടെയാണ് ഉയര്ന്ന പദവി നേടാന് സാധിക്കുക. നിങ്ങളുടെ
പഠിപ്പ് ഉയര്ന്നതിലും ഉയര്ന്നതാണ്. ഇതിലൂടെയാണ് നിങ്ങള് രാജ്യപദവി നേടുന്നത്.
അവര് ദാന-പുണ്യകര്മ്മങ്ങള് ചെയ്യുന്നതിലൂടെയാണ് രാജാവിന്റെ അടുത്തു പോയി
ജന്മമെടുത്ത് പിന്നീട് രാജാവായിത്തീരുന്നത്. പക്ഷേ നിങ്ങള് ഈ പഠിപ്പിലൂടെയാണ്
രാജാവായിത്തീരുന്നത്. ബാബ തന്നെയാണ് പറയുന്നത്, ഞാന് നിങ്ങള് കുട്ടികളെ രാജയോഗം
പഠിപ്പിക്കുന്നു എന്ന്. ബാബയ്ക്കല്ലാതെ മറ്റാര്ക്കും തന്നെ രാജയോഗം
പഠിപ്പിക്കാന് സാധിക്കില്ല. ബാബ തന്നെയാണ് രാജയോഗം പഠിപ്പിക്കുന്നത്. നിങ്ങള്
പിന്നീട് മറ്റുളളവര്ക്ക് മനസ്സിലാക്കി കൊടുക്കുന്നു. ബാബ പഠിപ്പിക്കുന്നത്
നിങ്ങളെ പതിതത്തില് നിന്നും പാവനമാക്കുന്നതിനായാണ്. സ്വയം ആത്മാവെന്നു
മനസ്സിലാക്കി നിരാകാരനായ ബാബയെ ഓര്മ്മക്കുകയാണെങ്കില് നിങ്ങള്
പാവനമായിത്തീരുന്നു. ചക്രത്തെ അറിയുന്നതിലൂടെ നിങ്ങള് ചക്രവര്ത്തി
രാജാവായിത്തീരുന്നു. ഇത് മനസ്സിലാക്കാന് വളരെയധികം സഹജമാണ്. ഇപ്പോള് ആരും തന്നെ
ദേവതാധര്മ്മത്തിലുളളവരില്ല. എല്ലാവരും മറ്റുളള ധര്മ്മത്തിലേക്ക്
പരിവര്ത്തനപ്പെട്ടിരിക്കുന്നു. നിങ്ങള് ആര്ക്കു മനസ്സിലാക്കി
കൊടുക്കുകയാണെങ്കിലും ആദ്യമാദ്യം ബാബയുടെ പരിചയം നല്കണം. ബാബ
മനസ്സിലാക്കിത്തരുന്നു, എത്ര പേരാണ് മറ്റുളളധര്മ്മത്തിലേക്ക് പോയത്. ഒരുപാടു
പേര് ബുദ്ധധര്മ്മത്തിലും മുസ്ലീംധര്മ്മത്തിലുമായി പരിവര്ത്തനപ്പെട്ടിട്ടുണ്ട്.
വാളിന്റെ ശക്തിയിലൂടെയും (ആയുധ ശക്തി) ധാരാളം പേര് മുസ്ലീം ധര്മ്മത്തിലേക്ക്
പോയിട്ടുണ്ട്. ബുദ്ധമതത്തിലേക്കും ധാരാളം പരിവര്ത്തനപ്പെട്ടിട്ടുണ്ട്. ഒരു
പ്രാവശ്യത്തെ പ്രഭാഷണത്തിലൂടെ തന്നെ ആയിരക്കണക്കിനാളുകള് ബുദ്ധമതത്തിലേക്ക് പോയി.
ക്രിസ്ത്യാനികളും അതേപോലെ വന്ന് പ്രഭാഷണം നടത്തുന്നുണ്ട്. ഏറ്റവും കൂടുതല്
ജനസംഖ്യ ഇന്ന് ക്രിസ്ത്യാനികളുടെയാണ്. ഇപ്പോള് നിങ്ങളുടെ ബുദ്ധിയില് മുഴുവന്
സൃഷ്ടി ചക്രത്തിന്റെ ജ്ഞാനം കറങ്ങിക്കൊണ്ടിരിക്കുന്നുണ്ട്, അപ്പോഴാണ് നിങ്ങള്
സ്വദര്ശനചക്രധാരിയായിത്തീരുന്നത്. വിഷ്ണുവിന്റെ കൈയ്യിലാണ് സ്വദര്ശനചക്രത്തെ
കാണിക്കുന്നത്. വിഷ്ണുവിന് ഇത് എന്തിനാണ് നല്കിയിരിക്കുന്നതെന്ന് മനുഷ്യര്ക്ക്
അറിയില്ല. അവര് സ്വദര്ശനചക്രധാരിയെന്ന് വിഷ്ണു അഥവാ നാരായണനെയാണ് പറയുന്നത്.
അവര് തമ്മില് എന്താണ് സംബന്ധം എന്നുളളതും നിങ്ങള് മനസ്സിലാക്കി കൊടുക്കണം. ഇവര്
ഒന്നാണ്. വാസ്തവത്തില് സ്വദര്ശനചക്രം നിങ്ങള് ബ്രാഹ്മണര്ക്കുളളതാണ്.
ജ്ഞാനത്തിലൂടെയാണ് സ്വദര്ശന ചക്രധാരിയായിത്തീരുന്നത്. ബാക്കി സ്വദര്ശന
ചക്രത്തിലൂടെ ആരെയും വധിക്കുവാന് സാധിക്കില്ല. ഇതെല്ലാം തന്നെ ജ്ഞാനത്തിന്റെ
കാര്യങ്ങളാണ്. എത്രത്തോളം നിങ്ങളുടെ ഈ ജ്ഞാനത്തിന്റെ ചക്രം കറങ്ങുന്നുവോ
അത്രത്തോളം നിങ്ങളുടെ പാപം നശിക്കുന്നു. ബാക്കി തല വെട്ടുന്ന കാര്യമൊന്നും
തന്നെയില്ല. ഇത് ഹിംസകമായ ചക്രമല്ല. ഈ ചക്രം നിങ്ങളെ അഹിംസികരാക്കി മാറ്റുന്നു.
എവിടെയുളള കാര്യം എവിടേക്കു കൊണ്ടു വന്നു. ഇതൊന്നും തന്നെ ബാബയ്ക്കല്ലാതെ
മറ്റാര്ക്കും തന്നെ മനസ്സിലാക്കിത്തരാന് സാധിക്കില്ല.
മധുര മധുരമായ കുട്ടികള്ക്ക് അളവറ്റ സന്തോഷമുണ്ട്. ഇപ്പോള് നിങ്ങള്
ആത്മാക്കളാണെന്നു മനസ്സിലാക്കുന്നു. ആദ്യം നിങ്ങള് സ്വയത്തെ ആത്മാവാണെന്നുളളതും
മറന്നു, തന്റെ വീടിനെക്കുറിച്ചും മറന്നിരിക്കുകയായിരുന്നു. ആത്മാവിനെ
ആത്മാവെന്നു തന്നെയാണ് പറയുന്നത്. പരമാത്മാവിനെയാണ് കല്ലിലും മുളളിലുമുണ്ടെന്നു
പറഞ്ഞത്. ആത്മാക്കളുടെ പിതാവിനെ എത്രത്തോളം ആക്ഷേപിച്ചു. ബാബ പിന്നീട് വന്ന്
ആത്മാക്കള്ക്ക് ജ്ഞാനം നല്കുന്നു. ആത്മാക്കളെക്കുറിച്ച് കല്ലിലും മുളളിലും
ഉണ്ടെന്ന് ഒരിക്കലും പറയില്ല. മൃഗങ്ങളുടെ കാര്യം വേറെയാണ്. മനുഷ്യരാണ്
പഠിക്കുന്നത്. ഇപ്പോള് നിങ്ങള് മനസ്സിലാക്കുന്നു, ഞങ്ങള് ഇത്ര ജന്മങ്ങള്
എന്തെല്ലാമായിരുന്നു. 84 ജന്മങ്ങള് പൂര്ത്തിയായി. 84 ലക്ഷം ജന്മങ്ങളല്ല.
മനുഷ്യര് എത്ര അജ്ഞതയാകുന്ന അന്ധകാരത്തിലാണ്, അതുകൊണ്ടാണ് പറയുന്നത്
ജ്ഞാനസൂര്യന് ഉദിച്ചു..... അരക്കല്പം ദ്വാപര-കലിയുഗത്തില് അജ്ഞതയാകുന്ന
അന്ധകാരമാണ്. അരക്കല്പം സത്യ-ത്രേതായുഗത്തില് പ്രകാശവും. രാത്രിയും പകലും,
പ്രാകാശത്തിന്റെയും അന്ധകാരത്തിന്റെയും ജ്ഞാനമാണ്. ഇത് പരിധിയില്ലാത്ത കാര്യമാണ്.
അരക്കല്പം അന്ധകാരത്തില് എത്ര ബുദ്ധിമുട്ടുകളാണ് സഹിച്ചത്. വളരെയധികം
അലയേണ്ടതായി വന്നു. വിദ്യാലയത്തില് പഠിക്കുന്നതിനെ അലയുക എന്നു പറയുകയില്ല.
സത്സംഗങ്ങളില് മനുഷ്യര് എത്രയാണ് അലയുന്നത്. പ്രാപ്തി ഒന്നും തന്നെ
ഉണ്ടാകുന്നില്ല, വീണ്ടും നഷ്ടം സംഭവിക്കുന്നു. അതുകൊണ്ടാണ് അതിനെ അലച്ചില് എന്നു
പറയുന്നത്. അലഞ്ഞലഞ്ഞ് ധനവും സമ്പത്തും സര്വ്വതും നഷ്ടപ്പെടുത്തി
പാപ്പരായിത്തീര്ന്നു. ഇപ്പോള് ഈ പഠിപ്പില് ആര് എത്രത്തോളം ധാരണ ചെയ്യുന്നുവോ
ചെയ്യിപ്പിക്കുന്നുവോ അത്രത്തോളം നേട്ടം തന്നെ നേട്ടമാണ്. ബ്രാഹ്മണനായി അര്ത്ഥം
പ്രാപ്തി മാത്രമാണ്. കാരണം നിങ്ങള്ക്ക് അറിയാം നമ്മള് ബ്രാഹ്മണരാണ്
സ്വര്ഗ്ഗവാസികളായിത്തീരുന്നത്. എല്ലാവരും സ്വര്ഗ്ഗവാസികളാകുന്നു. പക്ഷേ നിങ്ങള്
അതില് ഉയര്ന്ന പദവി നേടാനുളള പുരുഷാര്ത്ഥം ചെയ്യുന്നു.
ഇപ്പോള് നിങ്ങള് എല്ലാവരുടെയും വാനപ്രസ്ഥ അവസ്ഥയാണ്. നിങ്ങള് സ്വയം പറഞ്ഞിരുന്നു
- ബാബാ, ഞങ്ങളെ വാനപ്രസ്ഥ അവസ്ഥ അഥവാ പവിത്രലോകത്തിലേക്കു കൊണ്ടുപോകൂ എന്ന്. അത്
ആത്മാക്കളുടെ ലോകമാണ്. നിരാകാരി ലോകം എത്ര ചെറുതാണ്. ഇവിടെ ഭൂമിയില്
ചുറ്റിക്കറങ്ങാനായി എത്ര സ്ഥലങ്ങളാണ്. അവിടെ ഈ കാര്യങ്ങളൊന്നും തന്നെയില്ല,
ശരീരമില്ല, പാര്ട്ടില്ല. നക്ഷത്രങ്ങളെപ്പോലെ ആത്മാക്കള് വസിക്കുന്നു. ഇതാണ്
പ്രകൃതി. സൂര്യന്, ചന്ദ്രന്, നക്ഷത്രങ്ങള് ഇവയെല്ലാം തന്നെ എങ്ങനെയാണ് മുകളില്
നില്ക്കുന്നത്. ആത്മാക്കളും ബ്രഹ്മതത്വത്തില് സ്വന്തം ആധാരത്തില് സ്വാഭാവികമായി
നില്ക്കുന്നു. ശരി!
വളരെക്കാലത്തെ വേര്പാടിന്നുശേഷം തിരിച്ചു കിട്ടിയ മധുര-മധുരമായ കുട്ടികളെ പ്രതി
മാതാവും പിതാവുമായ ബാപ്ദാദയുടെ സ്നേഹസ്മരണയും സുപ്രഭാതവും ആത്മീയ അച്ഛന്റെ
ആത്മീയ കുട്ടികള്ക്ക് നമസ്കാരം
ധാരണയ്ക്കുള്ള മുഖ്യ സാരം:-
1.
ജ്ഞാനത്തെ സ്മരിച്ചുകൊണ്ട് സ്വദര്ശന ചക്രധാരിയായിത്തീരണം. സ്വദര്ശനചക്രം കറക്കി
പാപത്തെ ഇല്ലാതാക്കണം. ഡബിള് അഹിംസകരായിമാറണം.
2. തന്റെ ബുദ്ധിയെ
സ്വച്ഛവും പവിത്രവുമാക്കി മാറ്റി രാജയോഗത്തിന്റെ പഠിപ്പ് പഠിച്ച് ഉയര്ന്ന പദവി
നേടണം. ഹൃദയത്തില് സദാ ഈ സന്തോഷം ഉണ്ടായിരിക്കണം, നമ്മള് സത്യനാരായണന്റെ സത്യം
സത്യമായ കഥ കേട്ട് മനുഷ്യരില് നിന്നും ദേവതയായിമാറുന്നു.
വരദാനം :-
മനസ്സിനെയും
ബുദ്ധിയെയും ആജ്ഞയനുസരിച്ച് വിധിപൂര്വ്വം കാര്യങ്ങളില് ഉപയോഗിക്കുന്ന
നിരന്തരയോഗിയായി ഭവിക്കട്ടെ.
നിരന്തരയോഗി അര്ത്ഥം
സ്വരാജ്യ അധികാരി ആകാനുള്ള വിശേഷ ഇന്ദ്രിയങ്ങള് മനസ്സും ബുദ്ധിയുമാണ്. മന്ത്രം
തന്നെ മന്മനാഭവ എന്നതാണ്. യോഗത്തെ ബുദ്ധിയോഗം എന്നാണ് പറയുക. അതുകൊണ്ട് ഈ വിശേഷ
ആധാരസ്തംഭം സ്വയത്തിന്റെ അധികാരത്തിലാണ്, അതായത് ആജ്ഞാനുസരണം വിധിപൂര്വ്വം
കാര്യങ്ങള് നടത്തുന്നു. ഏത് സങ്കല്പം എപ്പോള് ചെയ്യാന് ആഗ്രഹിക്കുന്നുവോ
അപ്രകാരം സങ്കല്പം ചെയ്യാന് കഴിയണം, എവിടെ ബുദ്ധിയെ വെക്കാന് ആഗ്രഹിക്കുന്നുവോ
അവിടെ വെക്കാന് കഴിയണം, ബുദ്ധി രാജാവായ താങ്കളെ അലയിപ്പിക്കരുത്. വിധിപ്രകാരം
കാര്യങ്ങള് ചെയ്യൂ അപ്പോള് പറയാം നിരന്തരയോഗി.
സ്ലോഗന് :-
മാസ്റ്റര്
വിശ്വ-ശിക്ഷകരാകൂ, സമയത്തെ ശിക്ഷകനാക്കരുത്.