മധുരമായകുട്ടികളേ -
നിങ്ങള്ക്ക്സ്മൃതിയുണര്ന്നുനമ്മള് 84 ജന്മങ്ങള്പൂര്ത്തിയാക്കി,
ഇപ്പോള്നമ്മുടെവീടായശാന്തിധാമത്തിലേക്ക്പോവുകയാണ്,
വീട്ടിലേക്ക്പോകാന്ഇനികുറച്ചുസമയമേബാക്കിയുള്ളു.
ചോദ്യം :-
ഏത് കുട്ടികള്ക്കാണോ വീട്ടിലേക്ക് പോകണം എന്ന സ്മൃതിയുള്ളത്, അവരുടെ അടയാളം
എന്തായിരിക്കും?
ഉത്തരം :-
അവര് ഈ പഴയ
ലോകത്തെ കണ്ടുകൊണ്ടും കാണില്ല. അവര്ക്ക് പരിധിയില്ലാത്ത വൈരാഗ്യം ഉണ്ടായിരിക്കും,
ജോലി കാര്യങ്ങള് ചെയ്തുകൊണ്ടും ഭാരരഹിതമായിരിക്കും. അവിടത്തെയും ഇവിടത്തെയും
വ്യര്ത്ഥമായ സംഭാഷണത്തില് തന്റെ സമയത്തെ നശിപ്പിക്കില്ല. സ്വയത്തെ ഈ ലോകത്തെ
അതിഥിയാണെന്ന് മനസ്സിലാക്കും.
ഓംശാന്തി.
നിങ്ങള് സംഗമയുഗീ ബ്രാഹ്മണ കുട്ടികള്ക്ക് മാത്രമേ നമ്മള് ഈ ലോകത്തിലെ അല്പ
സമയത്തിലേക്കുള്ള അതിഥികളാണ് എന്നത് അറിയൂ. നിങ്ങളുടെ സത്യമായ വീട്
ശാന്തിധാമമാണ്. അതിനെയാണ് മനുഷ്യര് വളരെയധികം ഓര്മ്മിക്കുന്നത്, മനസ്സിന് ശാന്തി
ലഭിക്കണം എന്ന് കരുതുന്നു. എന്നാല് മനസ്സ് എന്താണ്, ശാന്തി എന്താണ്, എങ്ങനെ
നമുക്ക് ലഭിക്കും, ഒന്നും മനസ്സിലാക്കുന്നില്ല. നിങ്ങള്ക്ക് അറിയാം ഇപ്പോള്
നമ്മുടെ വീട്ടിലേക്ക് പോകാന് കുറച്ച് സമയമേ ബാക്കിയുള്ളു. ലോകത്തിലെ മുഴുവന്
മനുഷ്യരും നമ്പര്വൈസ് ആയി അവിടേക്ക് പോകും. അതാണ് ശാന്തിധാമം, ഇത് ദുഃഖധാമമാണ്.
ഇത് ഓര്മ്മിക്കുന്നത് സഹജമല്ലേ. വൃദ്ധനായാലും യുവാവായാലും ശരി ഇത് ഓര്മ്മിക്കാന്
സാധിക്കുമല്ലോ. ഇതില് മുഴുവന് സൃഷ്ടിയുടേയും ജ്ഞാനമുണ്ട്. മുഴുവന് കാര്യങ്ങളും
ബുദ്ധിയില് വരുന്നു. ഇപ്പോള് നിങ്ങള് സംഗമയുഗത്തില് ഇരിക്കുകയാണ്,
നമ്മള്ഡ്രാമാപ്ലാന് അനുസരിച്ച് ശാന്തിധാമത്തിലേക്ക് പോവുകയാണ് എന്നത്
ബുദ്ധിയിലുണ്ട്. ഇത് ബുദ്ധിയിലുണ്ടെങ്കില് നിങ്ങള്ക്ക് സന്തോഷമുണ്ടാകുന്നു,
ഓര്മ്മയുണ്ടാകും. നമുക്ക് നമ്മുടെ 84 ജന്മങ്ങളുടെ ഓര്മ്മ വന്നു. ആ ഭക്തിമാര്ഗ്ഗം
വേറെയാണ്, ഇത് ജ്ഞാനമാര്ഗ്ഗത്തിലെ കാര്യങ്ങളാണ്. ബാബ മനസ്സിലാക്കിത്തരുകയാണ്-
മധുരമായ കുട്ടികളേ, ഇപ്പോള് തന്റെ വീട് ഓര്മ്മ വരുന്നുണ്ടോ? എത്ര കേള്ക്കുന്നു,
എത്രയധികം കാര്യങ്ങള് കേട്ടുകൊണ്ടിരിക്കുന്നു. ഒരു കാര്യമിതാണ് ഇപ്പോള് നമ്മള്
ശാന്തിധാമത്തിലേക്ക് പോകും, പിന്നീട് സുഖധാമത്തിലേക്ക് വരും. ബാബ
വന്നിരിക്കുന്നതുതന്നെ പാവനമായ ലോകത്തിലേക്ക് കൊണ്ടുപോകുന്നതിനായാണ്.
സുഖധാമത്തിലും ആത്മാക്കള് സുഖത്തിലും ശാന്തിയിലുമാണ് വസിക്കുക.
ശാന്തിധാമത്തിലാണെങ്കില് ശാന്തി മാത്രമേയുള്ളു, ഇവിടെയാണെങ്കില് വളരെയധികം
ബഹളങ്ങളല്ലേ. ഇവിടെ മധുബനില് നിന്നും നിങ്ങള് വീട്ടിലേക്ക് പോകുമ്പോള് ബുദ്ധി
വ്യര്ത്ഥമായതിലേക്കും, തന്റെ ജോലി കാര്യങ്ങളിലേക്കും പോകും. ഇവിടെയാണെങ്കില് ആ
പ്രശ്നം ഉണ്ടാകുന്നില്ല. നിങ്ങള്ക്കറിയാം നമ്മള് ആത്മാക്കള്
ശാന്തിധാമനിവാസികളാണ്. ഇവിടെ നമ്മള് പാര്ട്ട്ധാരികളായിരിക്കുന്നു, നമ്മള്
എങ്ങനെയാണ് പാര്ട്ട്ധാരികളാവുന്നത് എന്നത് മറ്റാര്ക്കും അറിയില്ല! നിങ്ങള്
കുട്ടികളെത്തന്നെയാണ് ബാബ വന്ന് പഠിപ്പിക്കുന്നത്, കോടികളില് ചിലരാണ്
പഠിക്കുന്നത്. എല്ലാവരും പഠിക്കില്ല. നിങ്ങള് ഇപ്പോള് എത്ര വിവേകശാലികളായി മാറി.
ആദ്യം വിവേകശൂന്യരായിരുന്നു. ഇപ്പോള് നോക്കൂ, വഴക്കും ബഹളവും എത്രയാണ്, ഇതിനെ
എന്തുപറയും? നമ്മള് പരസ്പരം സഹോദരങ്ങളാണ്, എന്നത് മറന്നുപോയി. സഹോദരന് തന്റെ
സഹോദരനെ കൊലപ്പെടുത്തുമോ? അതെ, കൊലചെയ്യുന്നത് വെറും സമ്പത്തിനുവേണ്ടിയാണ്.
ഇപ്പോള് നിങ്ങള്ക്ക് അറിയാം- നമ്മള് എല്ലാവരും ഒരു അച്ഛന്റെ മക്കള്,
സഹോദരങ്ങളാണ്. നിങ്ങള് പ്രാക്ടിക്കലില് മനസ്സിലാക്കുന്നുണ്ട്, നമ്മള് ആത്മാക്കളെ
ബാബ വന്ന് പഠിപ്പിക്കുകയാണ്. 5000 വര്ഷം മുന്പിലത്തേതുപോലെ വന്ന്
പഠിപ്പിക്കുകയാണ് എന്തുകൊണ്ടെന്നാല് ബാബ ജ്ഞാനസാഗരനാണ്, ഈ പഠിപ്പ് വേറെ ആര്ക്കും
അറിയില്ല. ഇതും നിങ്ങള് കുട്ടികള്ക്ക് അറിയാം- ബാബ തന്നെയാണ് സ്വര്ഗ്ഗത്തിന്റെ
രചയിതാവ്. സൃഷ്ടിയെ രചിക്കുന്നയാള് എന്ന് പറയില്ല. സൃഷ്ടി അനാദിയാണ്.
സ്വര്ഗ്ഗത്തെ രചിക്കുന്നയാള് എന്നാണ് പറയുക, അവിടെ മറ്റൊരു ഖണ്ഢവും
ഉണ്ടായിരുന്നില്ല. ഇവിടെയാണെങ്കില് വളരെ അധികം ഖണ്ഢങ്ങളാണ്. ഒരു ധര്മ്മം, ഒരു
ഖണ്ഢം മാത്രമായിരുന്നു. പിന്നീടാണ് വ്യത്യസ്ത ധര്മ്മങ്ങള് വന്നത്.
വ്യത്യസ്ത ധര്മ്മങ്ങള് എങ്ങനെയാണ് വരുന്നത് എന്ന് ഇപ്പോള് ബുദ്ധിയിലുണ്ട്.
ആദ്യമാദ്യം ആദി സനാതന ദേവീ ദേവതാ ധര്മ്മമാണ്, സനാതന ധര്മ്മം എന്ന് ഇവിടെ
പറയാറുണ്ട്. പക്ഷേ അര്ത്ഥം ഒന്നും മനസ്സിലാക്കുന്നില്ല. നിങ്ങള് എല്ലാവരും ആദി
സനാതന ധര്മ്മത്തിലേതാണ്, പതീതമായി എന്നുമാത്രം, സതോപ്രധാനത്തില് നിന്നും സതോ-രജോ-
തമോയിലേക്ക് വന്നു. നിങ്ങള് മനസ്സിലാക്കുന്നുണ്ട്, നാം ആദി സനാതന ദേവീദേവതാ
ധര്മ്മത്തിലേതാണ്, നാം വളരെ പവിത്രമായിരുന്നു, ഇപ്പോള് പതീതമായി മാറിയതാണ്.
നിങ്ങള് പവിത്രമായ ലോകത്തിന്റെ അധികാരിയായി മാറുന്നതിനായി ബാബയില് നിന്നും
സമ്പത്ത് എടുത്തിരുന്നു. അറിയാം, നാം ആദ്യം പവിത്രമായ
ഗൃഹസ്ഥധര്മ്മത്തിലേതായിരുന്നു, ഇപ്പോള് ഡ്രാമ അനുസരിച്ച് നമ്മള് രാവണ
രാജ്യത്തില് പതീത പ്രവൃത്തി മാര്ഗ്ഗത്തിലേതായി മാറി. നിങ്ങള് തന്നെയാണ്
വിളിച്ചത് - അല്ലയോ പതിത പാവനാ, ഞങ്ങളെ സുഖധാമത്തിലേക്ക് കൊണ്ടുപോകൂ. ഇന്നലത്തെ
കാര്യമാണ്. ഇന്നലെ നിങ്ങള് പവിത്രമായിരുന്നു, ഇന്ന് അപവിത്രമായി മാറി
വിളിക്കുന്നു. ആത്മാവ് പതിതമായിരിക്കുന്നു. ആത്മാവ് വിളിക്കുന്നു ബാബാ, വന്ന്
ഞങ്ങളെ വീണ്ടും പാവനമാക്കി മാറ്റൂ... ബാബ പറയുന്നു, ഈ അന്തിമ ജന്മത്തില്
പവിത്രമായി മാറൂ പിന്നീട് 21 ജന്മങ്ങളിലേക്ക് വളരെ സുഖിയായി മാറും. ബാബ വളരെ
നല്ലകാര്യങ്ങളാണ് കേള്പ്പിക്കുന്നത്. മോശമായ കാര്യങ്ങളില് നിന്നും രക്ഷിക്കുന്നു,
നിങ്ങള് ദേവതയായിരുന്നില്ലേ. ഇപ്പോള് വീണ്ടും ആയിത്തീരണം. പവിത്രമായി മാറൂ.
എത്ര സഹജമാണ്. സമ്പാദ്യം വളരെ ഭാരിച്ചതാണ്. നിങ്ങള് കുട്ടികളുടെ ബുദ്ധിയിലുണ്ട്
ശിവബാബ വന്നിരിക്കുന്നു, ഓരോ 5000 വര്ഷങ്ങള്ക്ക് ശേഷവും വരുന്നു. പഴയ ലോകത്തില്
നിന്നും തീര്ച്ചയായും പുതിയലോകമാകും. ഇത് മറ്റാര്ക്കും പറയാന് കഴിയില്ല.
ശാസ്ത്രത്തില് കലിയുഗത്തിന്റെ ആയുസ്സിനെ വളരെ വലുതാക്കി. ഇതെല്ലാം ഡ്രാമയിലെ
കാര്യങ്ങളാണ്.
ഇപ്പോള് നിങ്ങള് കുട്ടികള് പാപങ്ങളില് നിന്നും മുക്തമാകുന്നതിനുള്ള പുരുഷാര്ത്ഥം
ചെയ്യുന്നു, ഇനി ഒരു പാപവും ഉണ്ടാകരുത് ഇതില് ശ്രദ്ധ വേണം. ദേഹാഭിമാനത്തില്
വരുന്നതിനാലാണ് മറ്റു വികാരങ്ങള് വരുന്നത്, ഇതിലൂടെയാണ് പാപങ്ങളുണ്ടാകുന്നത്
അതിനാല് ഭൂതങ്ങളെ ഓടിക്കണം. ഈ ലോകത്തിലെ ഒരു വസ്തുവിനോടും മോഹം ഉണ്ടായിരിക്കരുത്.
ഈ പഴയ ലോകത്തോട് വൈരാഗ്യം ഉണ്ടാകണം. തീര്ച്ചയായും കാണുന്നുണ്ട്, പഴയ വീട്ടിലാണ്
ഇരിക്കുന്നത് എങ്കിലും ബുദ്ധി പുതിയ ലോകത്തില് മുഴുകിയിരിക്കണം. എപ്പോള് പുതിയ
വീട്ടിലേക്ക് പോകുന്നുവോ അപ്പോള് പുതിയതിനെത്തന്നെയല്ലേ കാണുക. എപ്പോള് ഈ പഴയ
ലോകം നശിക്കുന്നുവോ അതുവരേക്കും പഴയ ലോകത്തെ കണ്ണുകള് കൊണ്ട് കണ്ടുകൊണ്ടും
പുതിയതിനെ ഓര്മ്മിക്കണം. പിന്നീട് പശ്ചാത്തപിക്കേണ്ടി വരുന്ന തരത്തിലുള്ള ഒരു
കാര്യവും ചെയ്യരുത്. ഇന്ന് ഇന്നയാള്ക്ക് ദുഃഖം നല്കി, ഇന്ന പാപം ചെയ്തു എങ്കില്
ബാബയോട് ചോദിക്കാന് പറ്റും ഇത് പാപമാണോ? എന്തിന് കോട്ടുവായ ഇടണം.
ചോദിക്കുന്നില്ലെങ്കില് കോട്ടുവായ ഇട്ടുകൊണ്ടിരിക്കും. ബാബയോട് ചോദിച്ചാല് ബാബ
പെട്ടെന്ന് ഭാരം ഇല്ലാതാക്കും. നിങ്ങള് വളരെ ഭാരിച്ചവരാണ്. പാപങ്ങളുടെ ഭാരം വളരെ
കടുത്തതാണ്. 21 ജന്മങ്ങളിലേക്ക് പിന്നീട് പാപഭാരത്തില് നിന്നും മുക്തമാകും.
ജന്മ ജന്മാന്തരങ്ങളിലെ ഭാരം തലയിലുണ്ട്. എത്രത്തോളം ഓര്മ്മയില് ഇരിക്കുന്നുവോ
അത്രയും ഭാരം കുറയും. അഴുക്ക് ഇളകും പിന്നീട് സന്തോഷം വര്ദ്ധിക്കും.
സത്യയുഗത്തില് നിങ്ങള് വളരെ സന്തോഷത്തിലായിരുന്നു പിന്നീട് കല കുറഞ്ഞു വരുമ്പോള്
നിങ്ങളുടെ സന്തോഷം കാണാതായി. സത്യയുഗം മുതല് കലിയുഗം വരെയുള്ള നിങ്ങളുടെ
യാത്രക്ക് 5000 വര്ഷങ്ങള് എടുക്കുന്നു. സ്വര്ഗ്ഗത്തില് നിന്നും നരകത്തിലേക്ക്
വരുന്നതിനുള്ള യാത്രയെക്കുറിച്ച് നിങ്ങള്ക്കിപ്പോള് മനസ്സിലായി. നമ്മള്
എങ്ങനെയാണ് സ്വര്ഗ്ഗത്തില് നിന്നും നരകത്തിലെത്തിയത് എന്നത് നിങ്ങള്ക്ക് അറിയാം.
ഇപ്പോള് നിങ്ങള് വീണ്ടും നരകത്തില് നിന്നും സ്വര്ഗ്ഗത്തിലേക്ക് പോവുകയാണ്. ഒരു
സെക്കന്റില് ജീവന്മുക്തി. ബാബയെ മനസ്സിലാക്കി. ബാബ വന്നിട്ടുണ്ട് അപ്പോള്
തീര്ച്ചയായും നമ്മെ സ്വര്ഗ്ഗത്തിലേക്ക് കൊണ്ടുപോകും. കുട്ടികള് ജനിച്ചു ഉടന്
സമ്പത്തിന് അധികാരിയായി. ബാബയുടേതായി മാറിയെങ്കില് പിന്നെ ലഹരി കയറണമല്ലോ.
എന്തുകൊണ്ടാണ് ഇറങ്ങുന്നത്. നിങ്ങള് വലിയവരല്ലേ. പരിധിയില്ലാത്ത അച്ഛന്റെ
കുട്ടികളായിയെങ്കില് പരിധിയില്ലാത്ത രാജധാനിയില് നിങ്ങള്ക്ക് അവകാശമുണ്ട്
അതിനാല് മഹിമയുമുണ്ട്- അതീന്ദ്രിയസുഖം എന്താണെന്നറിയണമെങ്കില് ഗോപീവല്ലഭന്റെ
ഗോപ-ഗോപികമാരോട് ചോദിക്കണം. വല്ലഭന് ബാബയല്ലേ, ബാബയോട് ചോദിക്കൂ. നമ്പര്വൈസ്
പുരുഷാര്ത്ഥം അനുസരിച്ച് സന്തോഷം വര്ദ്ധിക്കുന്നു. ചിലര് പെട്ടെന്ന്
തനിക്കുസമാനമാക്കി മാറ്റും. കുട്ടികളുടെ ജോലി തന്നെ ഇതാണ്, എല്ലാത്തിനേയും
മറപ്പിച്ച് തന്റെ രാജധാനിയുടെ ഓര്മ്മ ഉണര്ത്തണം.
നിങ്ങള് സ്വര്ഗ്ഗത്തിന്റെ അധികാരികളായിരുന്നു. ഇപ്പോള് കലിയുഗീ പഴയ ലോകമാണ്
പിന്നീട് പുതിയ ലോകമുണ്ടാകും. ഇപ്പോള് നിങ്ങള് കുട്ടികളുടെ ബുദ്ധിയിലുണ്ട് ഓരോ
5000 വര്ഷങ്ങള്ക്ക് ശേഷവും ബാബ ഭാരതത്തിലാണ് വരുന്നത്. ബാബയുടെ ജയന്തിയും
ആഘോഷിക്കുന്നു. നിങ്ങള്ക്ക് അറിയാം ബാബ നമുക്ക് രാജധാനി നല്കിയിട്ട് പോകുന്നു
പിന്നീട് ഓര്മ്മിക്കേണ്ട ആവശ്യമില്ല പിന്നീട് എപ്പോഴാണോ ഭക്തി ആരംഭിക്കുന്നത്
അപ്പോഴാണ് ഓര്മ്മിക്കുന്നത്. ആത്മാവ് സമ്പത്ത് മുഴുവന് കാലിയാക്കി, അതിനാലാണ്
ഓര്മ്മിക്കുന്നത്,ബാബാ വീണ്ടും വന്ന് ഞങ്ങളെ ശാന്തിധാമം സുഖധാമത്തിലേക്ക്
കൊണ്ടുപോകൂ. ഇപ്പോള് നിങ്ങള് കുട്ടികള് മനസ്സിലാക്കുന്നുണ്ട്- ബാബ നമ്മുടെ
അച്ഛനും, ടീച്ചറും, സദ്ഗുരുവുമാണ്. സൃഷ്ടിയുടെ ആദി-മദ്ധ്യ-അന്ത്യ ചക്രത്തിന്റെ,
84 ജന്മങ്ങളുടെ ജ്ഞാനം നിങ്ങളുടെ ബുദ്ധിയിലുണ്ട്. എണ്ണാന് പറ്റാത്തത്രയും തവണ
84 ജന്മങ്ങള് എടുത്തിട്ടുണ്ട് വീണ്ടും എടുത്തുകൊണ്ടുമിരിക്കും. ഇതിന് ഒരിക്കലും
അവസാനമുണ്ടാകില്ല. നിങ്ങളുടെ ബുദ്ധിയില് ഈ ചക്രം, സ്വദര്ശന ചക്രം എന്നിവ
മിനിറ്റിന് മിനിറ്റിന് ഓര്മ്മ വരണം. ഇതാണ് മന്മനാഭവ, എത്രത്തോളം ബാബയെ
ഓര്മ്മിക്കുന്നുവോ അത്രയും പാപം ഭസ്മമാകും.
നിങ്ങള് എപ്പോള് കര്മ്മാതീത അവസ്ഥയുടെ അടുത്ത് എത്തുന്നുവോ അപ്പോള് നിങ്ങളില്
നിന്നും ഒരു വികര്മ്മവും ഉണ്ടാകില്ല. ഇപ്പോള് കുറച്ച് കുറച്ച് വികര്മ്മങ്ങള്
ഉണ്ടാകുന്നുണ്ട്. സമ്പൂര്ണ്ണ കര്മ്മാതീത അവസ്ഥ ഇപ്പോള് ഉണ്ടായിട്ടില്ല. ഈ ബാബയും
നിങ്ങളോടൊപ്പമുള്ള വിദ്യാര്ത്ഥിയാണ്. പഠിപ്പിക്കുന്നയാള് ശിവബാബയാണ്.
തീര്ച്ചയായും ഇവരിലാണ് പ്രവേശിക്കുന്നത്, എങ്കിലും ഇവരും വിദ്യാര്ത്ഥിയാണ്.
ഇതാണ് പുതിയ പുതിയ കാര്യങ്ങള്. ഇപ്പോള് നിങ്ങള് ബാബയേയും സൃഷ്ടി ചക്രത്തേയും
മാത്രം ഓര്മ്മിക്കു. അത് ഭക്തിമാര്ഗ്ഗമാണ്, ഇതാണ് ജ്ഞാനമാര്ഗ്ഗം. രാത്രിയും പകലും
പോലുള്ള വ്യത്യാസമുണ്ട്! അവിടെ എത്ര വാദ്യങ്ങള് മുഴക്കുന്നു. ഇവിടെ
ഓര്മ്മിച്ചാല് മാത്രം മതി. ആത്മാവ് അമരനാണ്, അകാലസിംഹാസനവും ഉണ്ട്. അകാലമൂര്ത്തി
ബാബ മാത്രമാണ് എന്നല്ല. നിങ്ങളും അകാലമൂര്ത്തികളാണ്. അകാലമൂര്ത്തിയായ
ആത്മാവിന്റെ സിംഹാസനമാണ് ഭൃകുടി. തീര്ച്ചയായും ഭൃകുടിയില്ത്തന്നെയാണ് ഇരിക്കുക.
വയറ്റില് ഇരിക്കില്ലല്ലോ. അകാലമൂര്ത്തിയായ ആത്മാവിന്റെ സിംഹാസനം എവിടെയാണ്
എന്നത് നിങ്ങള്ക്കിപ്പോള് അറിയാം. ഈ ഭൃഗുടിക്ക് നടുവില് നമ്മുടെ സിംഹാസനമുണ്ട്.
അമൃത്സറിലും, അകാല സിംഹാസനമുണ്ടല്ലോ. അര്ത്ഥമൊന്നും മനസ്സിലാക്കുന്നില്ല.
അകാലമൂര്ത്തി എന്നുപറഞ്ഞ് മഹിമയും പാടുന്നുണ്ട്. അവരുടെ അകാല സിംഹാസനം ഏതാണ്
എന്നത് ആര്ക്കും അറിയില്ല. ഇപ്പോള് നിങ്ങള്ക്ക് മനസ്സിലായി, സിംഹാസനം
ഇതുതന്നെയാണ്, ഇതില് ഇരുന്നാണ് കേള്പ്പിക്കുന്നത്. അതിനാല് ആത്മാവ് അവിനാശിയാണ്
എന്നാല് ശരീരം വിനാശിയാണ്. ഇത് ആത്മാവിന്റെ അകാല സിംഹാസനമാണ്, സദാ ഈ
അകാലസിംഹാസനം ഉണ്ടാകും. ഇത് നിങ്ങള് മനസ്സിലാക്കുന്നുണ്ട്. അവര് പിന്നീട് ആ
സിംഹാസനം നിര്മ്മിച്ച് പേരുവെച്ചു. വാസ്തവത്തില് അകാലനായ ആത്മാവ് ഇവിടെയാണ്
ഇരിക്കുന്നത്. നിങ്ങള് കുട്ടികളുടെ ബുദ്ധിയില് അര്ത്ഥമുണ്ട്, ഒരേയൊരു ഓംകാരം...
ഇതിന്റെ അര്ത്ഥം നിങ്ങള് മനസ്സിലാക്കുന്നുണ്ട്. മനുഷ്യര് ക്ഷേത്രങ്ങളില് ചെന്ന്
അച്യുതം കേശവം... എന്ന് പാടുന്നു അര്ത്ഥമറിയാതെ ഇങ്ങനെതന്നെ
സ്തുതിച്ചുകൊണ്ടിരിക്കുന്നു. അച്യുതം കേശവം രാമനാരായണം.... ഇപ്പോള് രാമനെവിടെ,
നാരായണനെവിടെ. ബാബ പറയുന്നു, അതെല്ലാം ഭക്തിമാര്ഗ്ഗമാണ്. ജ്ഞാനം വളരെ സഹജമാണ്,
ബാക്കി കാര്യങ്ങള് ചോദിക്കുന്നതിനുമുമ്പ് അച്ഛനേയും, സമ്പത്തിനേയും ഓര്മ്മിക്കണം,
ഈ പരിശ്രമം ആരും ചെയ്യുന്നില്ല, മറന്നുപോകുന്നു. ഒരു നാടകവുമുണ്ട്- മായ ഇങ്ങനെ
ചെയ്യുന്നു, ഭഗവാന് അങ്ങനെ ചെയ്യുന്നു. നിങ്ങള് ബാബയെ ഓര്മ്മിക്കുന്നു, മായ
നിങ്ങളെ മറ്റു കൊടുങ്കാറ്റുകളിലേക്ക് കൊണ്ടുവരുന്നു. മായയുടെ ആജ്ഞയിതാണ്- വളരെ
ശക്തിശാലിയായി യുദ്ധം ചെയ്യൂ, നിങ്ങളെല്ലാവരും യുദ്ധമൈതാനത്തിലാണ്. ഇതില്
ഏതെല്ലാം പ്രകാരത്തിലുള്ള യോദ്ധാക്കളുണ്ട് എന്നും അറിയാം. ചിലര് വളരെ ബലഹീനമാണ്,
ചിലര് അല്പം ബലഹീനമാണ് എന്നാല് ചിലര് വളരെ തീക്ഷ്ണമാണ്. എല്ലാവരും മായയുമായി
യുദ്ധം ചെയ്യുന്നവരാണ്. ഗുപ്തത്തിലും ഗുപ്തമായി അണ്ടര്ഗ്രൗണ്ടിലാണ്. അവരും
അണ്ടര്ഗ്രൗണ്ടില് ബോംബുകളുടെ ട്രയല് നടത്തുന്നു. ഇതും നിങ്ങള് കുട്ടികള്ക്കറിയാം,
തന്റെ മരണത്തിനുവേണ്ടിയാണ് എല്ലാം ചെയ്യുന്നത്. നിങ്ങള് തീര്ത്തും ശാന്തമായി
ഇരിക്കുന്നു, അവരുടേത് സയന്സിന്റെ ബലമാണ്. പ്രകൃതിയുടെ ആപത്തുകളും ഒരുപാടാണ്.
അതില് ആരുടേയും പ്രയത്നം ഫലപ്രദമാകുന്നില്ല. ഇപ്പോള് കൃത്രിമമായ മഴക്കുവേണ്ടിയും
പ്രയത്നിക്കുന്നു. കൃത്രിമമഴയുണ്ടെങ്കില് വിളവ് കൂടുതലാകുമല്ലോ. നിങ്ങള്
കുട്ടികള്ക്ക് അറിയാം എത്ര തന്നെ മഴ പെയ്താലും പിന്നെയും പ്രകൃതിക്ഷോഭങ്ങള്
ഉണ്ടാവുകതന്നെ ചെയ്യും. തുടര്ച്ചയായി മഴ പെയ്താല് പിന്നെ എന്തുചെയ്യാന് സാധിക്കും.
ഇതിനെയാണ് പ്രകൃതിക്ഷോഭം എന്ന് പറയുന്നത്. സത്യയുഗത്തില് ഇതുണ്ടാവില്ല.
ഇവിടെയുണ്ടാകുന്നത് പിന്നീട് വിനാശത്തിന് സഹായിക്കുന്നു.
നിങ്ങളുടെ ബുദ്ധിയിലുണ്ട്, നമ്മള് സത്യയുഗത്തിലാകുമ്പോള് യമുനയുടെ തീരത്ത്
സ്വര്ണ്ണക്കൊട്ടാരങ്ങളിലായിരിക്കും. നമ്മള് കുറച്ച് പേരായിരിക്കും അവിടെ
വസിക്കുന്നത്. കല്പ കല്പം ഇങ്ങനെ സംഭവിച്ചുകൊണ്ടിരിക്കും. ആദ്യം കുറച്ചുപേരേ
ഉണ്ടാകൂ പിന്നീട് വൃക്ഷം വളരുന്നു, അവിടെ മോശമായ ഒരു വസ്തുവും ഉണ്ടാവില്ല. ഇവിടെ
നോക്കൂ പക്ഷികള് പോലും അഴുക്കാക്കുന്നു, അവിടെ അഴുക്കിന്റെ കാര്യമേയില്ല, അതിനെ
പറയുന്നത് സ്വര്ഗ്ഗം എന്നാണ്. ഇപ്പോള് നമ്മള് ദേവതയാവുകയാണ് എന്ന്
മനസ്സിലാക്കുന്നുണ്ട് എങ്കില് ഉള്ളില് എത്ര സന്തോഷം ഉണ്ടാകണം. ബാബ പറയുന്നു,
മായയാകുന്ന ജിന്നില് നിന്നും രക്ഷപ്പെടുന്നതിനായി കുട്ടികളേ ഈ ആത്മീയ ജോലിയില്
മുഴുകൂ, മന്മനാഭവ.... അത്രയേയുള്ളു. ഇതില് ജിന്നായി മാറൂ. ജിന്നിന്റെ ഉദാഹരണം
നല്കാറുണ്ടല്ലോ. ജോലി നല്കണം എന്നു പറഞ്ഞു......... അപ്പോള് ബാബയും ജോലി
നല്കുകയാണ്. ഇല്ലെങ്കില് മായ തിന്നുകളയും. ബാബയുടെ പരിപൂര്ണ്ണ സഹായിയായി മാറണം.
ബാബ ഒറ്റക്ക് ചെയ്യില്ല. ബാബ രാജ്യം പോലും ഭരിക്കുന്നില്ല. നിങ്ങള് സേവനം
ചെയ്യുന്നു, രാജ്യവും നിങ്ങള്ക്കുള്ളതാണ്. ബാബ പറയുന്നു, ഞാനും മഗധദേശത്തിലാണ്
വരുന്നത്. മായയും മുതലയാണ്, എത്രയധികം മഹാരഥികളെയാണ് വിഴുങ്ങുന്നത്. ഇതെല്ലാം
ശത്രുവാണ്. തവളയുടെ ശത്രുവല്ലേ പാമ്പ്, അതുപോലെയാണ്. നിങ്ങള്ക്കറിയാം,
ഇങ്ങനെയുള്ള നിങ്ങളുടെ ശത്രുവാണ് മായ. ശരി.
വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക്
മാതാവും പിതാവുമായ ബാപ്ദാദയുടെ സ്നേഹസ്മരണകളും, പുലര്കാല വന്ദനവും. ആത്മീയ
പിതാവിന്റെ ആത്മീയ കുട്ടികള്ക്ക് നമസ്ക്കാരം.
ധാരണയ്ക്കുള്ള മുഖ്യ സാരം:-
1) സ്വയം
തന്നെ പാപങ്ങളില് നിന്നും മുക്തമാക്കുന്നതിനുള്ള പുരുഷാര്ത്ഥം ചെയ്യണം,
ദേഹാഭിമാനത്തിലേക്ക് ഒരിക്കലും വരരുത്. ഈ ലോകത്തിലെ ഒരു വസ്തുവിനോടും മോഹം
വെക്കരുത്.
2) മായയാകുന്ന ജിന്നില്
നിന്നും രക്ഷപ്പെടുന്നതിനായി ബുദ്ധിയെ ആത്മീയ ജോലിയില് ബിസിയാക്കി വെക്കണം.
ബാബയുടെ പരിപൂര്ണ്ണ സഹായിയായി മാറണം.
വരദാനം :-
സര്വ്വഖജനാക്കളേയും സമയത്ത് ഉപയോഗിച്ചുകൊണ്ട് നിരന്തരമായ സന്തോഷത്തിന്റെ അനുഭവം
ചെയ്യുന്ന ഭാഗ്യശാലി ആത്മാവായി ഭവിക്കട്ടെ.
ബാപ്ദാദയില്നിന്നും
ബ്രാഹ്മണജന്മം ലഭിച്ചയുടന്തന്നെ മുഴുവന്ദിവസത്തേക്കുമായി അനേകം ശ്രേഷ്ഠതനിറഞ്ഞ
സന്തോഷത്തിന്റെ ഖജനാവുകള് പ്രാപ്തമാകുന്നുണ്ട്.അതിനാല് താങ്കളുടെ
പേരില്നിന്നുപോലും ഇപ്പോഴത്തെ അനേകം ഭക്ത ആത്മാക്കള്ക്ക് അല്പകാലത്തേക്ക്
സന്തോഷം ലഭിക്കുന്നു.താങ്കളുടെജഢചിത്രങ്ങളെ നോക്കി സന്തോഷനൃത്തം ചെയ്യാന്
തുടങ്ങുന്നു.ഇങ്ങിനെയുള്ള താങ്കള് എല്ലാവരും ഭാഗ്യശാലികളാണ്.ധാരാളം ഖജനാവുകള്
ലഭിച്ചിട്ടുണ്ട്, അവയെ സമയത്ത് ഉപയോഗിക്കണം. ചാവിയെ സദാ കൂടെ വെക്കൂ അഥവാ
സദാസ്മൃതി ഉണ്ടാകട്ടെ,ഇതിനൊപ്പം സ്മൃതിയെ സ്വരൂപത്തിലേക്ക് കൊണ്ടുവന്നാല്
നിരന്തരമായ സന്തോഷത്തിന്റെ അനുഭവവും ഉണ്ടായിക്കൊണ്ടിരിക്കും.
സ്ലോഗന് :-
ബാബയുടെ
ശ്രേഷ്ഠ ആശകളാകുന്ന ദീപത്തെ തെളിയിക്കുന്നവര് തന്നെയാണ് കുലദീപങ്ങള്.
അവ്യക്തസൂചന-ആത്മസ്ഥിതിയില് ഇരിക്കുന്നതിന്റെ അഭ്യാസം ചെയ്യൂ, അന്തര്മുഖിയാകൂ...
ആത്മസ്ഥിതിയില്
ഇരുന്നുകൊണ്ട് ബഹിര്മുഖതയെ ഉപേക്ഷിച്ചാല് പരിശ്രമത്തില് നിന്നും മുക്തമാകാം
മാത്രമല്ല അനുഭവങ്ങളുടെ സാഗരത്തില് അലിയാം. ഒന്നോരണ്ടോ അനുഭവങ്ങളല്ല, അളവറ്റ
അനുഭവങ്ങള് ലഭിക്കും. ഒന്നോ രണ്ടോ അനുഭവങ്ങളിലൂടെ, അനുഭവങ്ങളുടെ തടാകത്തില്
മാത്രമേ മുങ്ങാനാവൂ. സാഗരന്റെ കുട്ടികള് അനുഭവങ്ങളുടെ സാഗരത്തിലാണ് അലിയേണ്ടത്.