24.01.2025           Morning Malayalam Murli       Om Shanti           BapDada Madhuban


മധുരമായ കുട്ടികളേ - നിങ്ങള് ഒരു ബാബയുടെ നിര്ദ്ദേശമനുസരിച്ച് മുന്നോട്ട് പോകൂ, എങ്കില് നിങ്ങളുടെ ഉത്തരവാദിത്ത്വം ബാബക്കായിരിക്കും, ബാബയുടെ നിര്ദ്ദേശമാണ് നടക്കുമ്പോഴും, ചുറ്റിക്കറങ്ങുമ്പോഴും എന്നെ ഓര്മ്മിക്കൂ

ചോദ്യം :-
നല്ല ഗുണവാന്മാരായിട്ടുള്ള കുട്ടികളുടെ ലക്ഷണങ്ങള് എന്തെല്ലാമായിരിക്കും?

ഉത്തരം :-
നല്ല ഗുണവാന്മാരായിട്ടുള്ള കുട്ടികള് മുള്ളുകളെ പുഷ്പമാക്കി മാറ്റുന്ന സേവനം ചെയ്യും. അവര് ആരെയും മുള്ളുകൊണ്ട് കുത്തി മുറിവേല്പ്പിക്കില്ല, ഒരിക്കലും പരസ്പരം വഴക്കടിക്കില്ല. ആര്ക്കും ദുഃഖം കൊടുക്കില്ല. ദുഃഖം നല്കുന്നതും മുളളുകൊണ്ട് കുത്തി മുറിവേല്പ്പിക്കലാണ്.

ഗീതം :-
ഈ സമയം പൊയ്ക്കൊണ്ടിരിക്കുകയാണ്...

ഓംശാന്തി.  
മധുരമധുരമായ,വളരെക്കാലത്തിന് ശേഷം തിരികെ കിട്ടിയ ആത്മീയ കുട്ടികള് നമ്പര്വൈസ് പുരുഷാര്ത്ഥമനുസരിച്ച് ഈ ഗീതത്തിന്റെ അര്ത്ഥം മനസ്സിലാക്കുന്നു. നമ്പര്വൈസ് എന്ന് പറയുവാന് കാരണം, ചിലര് ഫസ്റ്റ് ഗ്രേഡില് മനസ്സിലാക്കുന്നുണ്ട്, ചിലര് സെക്കന്റ് ഗ്രേഡില് മനസ്സിലാക്കുന്നു, ചിലര് തേഡ് ഗ്രേഡിലും. ഓരോരുത്തര്ക്കും അവരവരുടേതായ വിവേകമാണ്. ഓരോരുത്തര്ക്കും അവരവരുടേതായ നിശ്ചയബുദ്ധിയുമുണ്ട്. ബാബ മനസ്സിലാക്കിത്തന്നുകൊണ്ടിരിക്കുകയാണ്, ശിവബാബ ഇദ്ദേഹത്തിലൂടെ നിര്ദ്ദേശങ്ങള് നല്കിക്കൊണ്ടിരിക്കുകയാണ് എന്ന് എപ്പോഴും മനസ്സിലാക്കണം. നിങ്ങള് അരകല്പം ആസുരീയ നിര്ദ്ദേശങ്ങളനുസരിച്ച് ജീവിച്ചുവന്നു, ഇപ്പോള് നമ്മള് ഈശ്വരീയ നിര്ദ്ദേശമനുസരിച്ച് മുന്നേറുന്നതിലൂടെ നമ്മുടെ തോണി മറുകരയെത്തും എന്ന നിശ്ചയം വേണം. ഇത് ഈശ്വരന്റെ നിര്ദ്ദേശങ്ങളല്ല മനുഷ്യമതമാണെന്ന് ചിന്തിച്ചാല് സംശയമുണ്ടാകും. ബാബ പറയുന്നു- എന്റെ നിര്ദ്ദേശമനുസരിച്ച് ജീവിച്ചാല് നിങ്ങളുടെ ഉത്തരവാദിത്ത്വം എനിക്കാണ്. ബ്രഹ്മാവിലൂടെ എന്തെല്ലാം സംഭവിക്കുന്നോ, ആ എല്ലാ കാര്യങ്ങളുടെയും ഉത്തരവാദിത്ത്വം എനിക്കാണ്, അത് ഞാന് ശരിപ്പെടുത്തും. നിങ്ങള് കേവലം എന്റെ നിര്ദ്ദേശമനുസരിക്കൂ. ബാബയെ വളരെയധികം ഓര്മ്മിക്കുന്നവരാണ് ബാബയുടെ നിര്ദ്ദേശമനുസരിക്കുന്നത്. ഓരോ ചുവടും ഈശ്വരന്റെ നിര്ദ്ദേശം പാലിക്കുകയാണെങ്കില് ഒരിക്കലും നഷ്ടമുണ്ടാകില്ല. നിശ്ചയത്തില്ത്തന്നെയാണ് വിജയമുള്ളത്. വളരെയധികം കുട്ടികള് ഈ കാര്യങ്ങളെക്കുറിച്ച് മനസ്സിലാക്കുന്നില്ല. കുറച്ച് ജ്ഞാനം മനസ്സിലാക്കിക്കഴിഞ്ഞാല് ദേഹാഭിമാനമുണ്ടാകുന്നു. യോഗവും വളരെ കുറവാണ്. ചരിത്രവും, ഭൂമിശാസ്ത്രവും അറിയുന്നതിനെയാണ് ജ്ഞാനമെന്ന് പറയുന്നത്, ഇത് സഹജമാണ്. ഇവിടെ മനുഷ്യര് ധാരാളം സയന്സ് പഠിക്കുന്നുണ്ട്. ഈ പഠിപ്പും വളരെ എളുപ്പമാണ്, യോഗത്തിലാണ് പരിശ്രമിക്കേണ്ടി വരുന്നത്.

ചിലര് പറയാറുണ്ട്, ബാബാ ഞങ്ങള് വളരെ ലഹരിയോടുകൂടി യോഗം ചെയ്യാറുണ്ട്, എന്നാല് ബാബ അത് അംഗീകരിക്കില്ല. കാരണം ബാബ ഓരോരുത്തരുടേയും പെരുമാറ്റവും കാണുന്നുണ്ട്. ബാബയെ ഓര്മ്മിക്കുന്നവര് വളരെയധികം സ്നേഹികളായിരിക്കും. ഓര്മ്മിക്കുന്നില്ലായെങ്കില് തെറ്റായ കര്മ്മങ്ങള് ഉണ്ടാകുന്നു. രാത്രിയും, പകലും തമ്മിലുള്ള വ്യത്യാസമാണ്. ഇപ്പോള് നിങ്ങള്ക്ക് ഈ ഏണിപ്പടിയുടെ ചിത്രത്തിലൂടെയും വളരെ നല്ല രീതിയില് മനസ്സിലാക്കിക്കൊടുക്കാന് സാധിക്കും. ഈ സമയം മുള്ളുകളുടെ കാടാണ്. ഇത് പൂന്തോട്ടമല്ല. ഭാരതം പുഷ്പങ്ങളുടെ പൂന്തോട്ടമായിരുന്നു എന്നത് വളരെ വ്യക്തമായി പറഞ്ഞുകൊടുക്കണം. പൂന്തോട്ടത്തില് വന്യമൃഗങ്ങളുണ്ടായിരിക്കുമോ? അവിടെ ദേവീ ദേവതകളാണ് വസിക്കുന്നത്. ബാബ ഏറ്റവും ഉയര്ന്ന അധികാരിയാണ്, ഈ പ്രജാപിതാ ബ്രഹ്മാവും ഏറ്റവും ഉയര്ന്ന അധികാരിയാണ്. ഈ ദാദ (ബ്രഹ്മാവ്) ഏറ്റവും ഉയര്ന്ന അധികാരിയാണ്. ശിവനും പ്രജാപിതാബ്രഹ്മാവും. ആത്മാക്കളെല്ലാം പരമാത്മാവായ ശിവന്റെ കുട്ടികളാണ് പിന്നീട് സാകാരത്തില് പ്രജാപിതാ ബ്രഹ്മാവിന്റെ കുട്ടികളായ നമ്മള് എല്ലാവരും സഹോദരന്മാരും സഹോദരിമാരുമാണ്. ബ്രഹ്മാബാബ സര്വ്വരുടെയും ഗ്രേറ്റ് ഗ്രേറ്റ് ഗ്രാന്റ് ഫാദറാണ്. ഇങ്ങനെയുള്ള ഉയര്ന്ന അധികാരിയായിട്ടുള്ള ബാബക്ക് കെട്ടിടം ആവശ്യമാണ് എന്ന് നിങ്ങള് കത്തെഴുതൂ, പിന്നീട് അവരുടെ ബുദ്ധിയില് എന്തെങ്കിലും തോന്നുന്നുണ്ടോ എന്ന് നോക്കൂ.

ശിവബാബയും, പ്രജാപിതാബ്രഹ്മാവും, ആത്മാക്കളുടെ പിതാവും, സര്വ്വ മനുഷ്യരുടെ പിതാവുമാണ്. ഈ പോയിന്റ് വളരെ നല്ല രീതിയില് മനസ്സിലാക്കിക്കൊടുക്കേണ്ടതാണ്. എന്നാല് കുട്ടികള് പൂര്ണ്ണമായും മനസ്സിലാക്കിക്കൊടുക്കുന്നില്ല, മറന്നുപോകുന്നു, ജ്ഞാനത്തിന്റെ അഭിമാനമുണ്ടാകുന്നു. ബാപ്ദാദയെക്കാളും ഉയര്ന്നവരാണ് എന്ന് കരുതുന്നു. ബ്രഹ്മാബാബ പറയുന്നു, ഞാന് പറയുന്നത് നിങ്ങള് കേള്ക്കുന്നില്ലെങ്കിലും സാരമില്ല. ശിവബാബയാണ് പറഞ്ഞുതരുന്നതെന്ന് എപ്പോഴും മനസ്സിലാക്കൂ, ശിവബാബയുടെ നിര്ദ്ദേശമനുസരിച്ച് മുന്നേറൂ. നേരിട്ട് ഈശ്വരന് വന്ന് നിര്ദ്ദേശങ്ങള് നല്കുകയാണ്, ഇങ്ങനെയിങ്ങനെ ചെയ്യൂ, അപ്പോള് അതിന്റെ ഉത്തരവാദിത്ത്വവും ബാബക്കാണ്. ഈശ്വരീയ മതമനുസരിക്കൂ. ബ്രഹ്മാവ് ഈശ്വരനല്ല, നിങ്ങള്ക്ക് ഈശ്വരനില് നിന്നുമല്ലേ പഠിക്കേണ്ടത്. ഈ നിര്ദ്ദേശങ്ങള് നല്കുന്നത് ഈശ്വരനാണ് എന്ന് എപ്പോഴും മനസ്സിലാക്കണം. ഈ ലക്ഷ്മി-നാരായണനും ഭാരതത്തിലുണ്ടായിരുന്ന മനുഷ്യരായിരുന്നു. ദേവതകളെല്ലാവരും മനുഷ്യര് തന്നെയാണ്. എന്നാല് അവര് ശിവാലയത്തില് വസിക്കുന്നവരായതുകൊണ്ടാണ് സര്വ്വരും അവരെ നമിക്കുന്നത്. എന്നാല് കുട്ടികള് പൂര്ണ്ണമായും മനസ്സിലാക്കിക്കൊടുക്കുന്നില്ല, തന്റെതായ ദേഹാഭിമാനത്തിലിരിക്കുന്നു. കുറവുകള് ധാരാളം പേരിലുണ്ട്. പൂര്ണ്ണമായും യോഗമുണ്ടാകുമ്പോഴാണ് വികര്മ്മം നശിക്കുന്നത്. വിശ്വത്തിന്റെ അധികാരിയാവുക എന്നത് ചിറ്റമ്മയുടെ വീട്ടിലേക്ക് പോകുന്നത് പോലെ അത്ര എളുപ്പമല്ല. ബാബ കാണുന്നുണ്ട്, മായ ഒറ്റയടിക്ക് മൂക്കിമ്പിടിച്ച് അഴുക്കുചാലിലേക്ക് തള്ളിയിടുന്നു. ബാബയുടെ ഓര്മ്മയില് വളരെ സന്തോഷത്തോടെ പ്രസന്നമായിരിക്കണം. നമ്മുടെ മുന്നില്ത്തന്നെ ലക്ഷ്യവുമുണ്ട്, നമ്മള് ഈ ലക്ഷ്മീ-നാരായണനായിക്കൊണ്ടിരിക്കുകയാണ്. ഈ കാര്യം മറന്നു പോകുമ്പോള് സന്തോഷവും നഷ്ടപ്പെടുന്നു. ഞങ്ങളെ യോഗത്തിലിരുത്തൂ, പുറത്തായിരിക്കുമ്പോള് ഓര്മ്മിക്കാന് സാധിക്കുന്നില്ല എന്ന് ചിലര് പറയാറുണ്ട്. ഓര്മ്മിക്കാത്തതുകാരണമാണ് ഇടക്കിടക്ക് ബാബയും യോഗത്തിന്റെ പ്രോഗ്രാമുകള് നല്കുന്നത്, എന്നാല് ആരും തന്നെ ഓര്മ്മിക്കുന്നില്ല, ബുദ്ധി അവിടെയുമിവിടെയുമൊക്കെ അലഞ്ഞുകൊണ്ടിരിക്കുന്നു. ബ്രഹ്മാബാബ തന്റെ ഉദാഹരണം പറയുകയാണ് - നാരായണന്റെ വളരെ വലിയ ഭക്തനായിരുന്നു, എവിടെ പോകുമ്പോഴും നാരായണന്റെ ചിത്രം ഒപ്പമുണ്ടായിരുന്നു. എന്നിട്ടും പൂജ ചെയ്യുന്ന സമയത്ത് ബുദ്ധി അവിടെയുമിവിടെയുമൊക്കെ അലയുമായിരുന്നു. ഇവിടെയും അങ്ങനെ തന്നെയാണ്. ബാബ പറയുന്നു നടക്കുമ്പോഴും ചുറ്റിക്കറങ്ങുമ്പോഴും ബാബയെ ഓര്മ്മിക്കൂ, എന്നാല് ചിലര് പറയാറുണ്ട്- സഹോദരിമാര് ഞങ്ങളെ യോഗത്തിലിരുത്തണം. യോഗം എന്നതിന് വേറെ അര്ത്ഥമൊന്നുമില്ല. ബാബ എപ്പോഴും പറയുന്നത് ഓര്മ്മയിലിരിക്കൂ എന്നാണ്, എന്നാല് പലകുട്ടികളും യോഗത്തിലിരിക്കെ സാക്ഷാത്കാരത്തിക്ക്േ പോകുന്നു. അതില് ജ്ഞാനമോ, യോഗമോ ഒന്നുമില്ല. അല്ലെങ്കില് ഉറക്കം തൂങ്ങുന്നു. വളരെപേര്ക്ക് ഇതൊരു ശീലമായി മാറിയിരിക്കുകയാണ്. കാരണം ഇതും അല്പകാലത്തേക്ക് ലഭിക്കുന്ന ശാന്തിയാണല്ലോ, അഥവാ ബാക്കി എല്ലാ സമയവും അശാന്തമാണ് എന്നര്ത്ഥം. നടക്കുമ്പോഴും, ചുറ്റിക്കറങ്ങുമ്പോഴുമെല്ലാം ബാബയെ ഓര്മ്മിച്ചില്ലെങ്കില് എങ്ങനെ പാപങ്ങളുടെ ഭാരം ഇല്ലാതാക്കും? അരക്കല്പത്തെ ഭാരമുണ്ട്. ഇതില്ത്തന്നെയാണ് പ്രയത്നവും. സ്വയം ആത്മാവാണെന്ന് മനസ്സിലാക്കി ബാബയെ ഓര്മ്മിക്കൂ. ബാബക്ക് ഒരുപാട് കുട്ടികള് കത്തയക്കാറുണ്ട്, ബാബാ, ഞങ്ങള് ഇത്രയും സമയം ഓര്മ്മിച്ചു- എന്നാല് അത്രയും സമയമൊന്നും ഓര്മ്മിക്കുന്നില്ല. ചാര്ട്ട് എന്താണെന്ന് പോലും അറിയുന്നില്ല. ബാബ പരിധിയില്ലാത്ത അച്ഛനും, പതിതപാവനനുമാണ് എന്ന സന്തോഷത്തിലിരിക്കണം. നമ്മള് ശിവബാബയുടേതു തന്നെയല്ലേ എന്ന് വിചാരിച്ച് യോഗം ചെയ്യാതിരിക്കരുത്. നമ്മള് ബാബയുടേതല്ലേ എന്ന് കരുതി ഓര്മ്മിക്കാത്തവരും ധാരാളമുണ്ട്. അഥവാ ഓര്മ്മിച്ചുവെങ്കില് ആദ്യ നമ്പറിലേക്ക് വരണമല്ലോ. മറ്റുള്ളവര്ക്ക് മനസ്സിലാക്കിക്കൊടുക്കുവാനും വളരെ നല്ല ബുദ്ധി ആവശ്യമാണ്. നമ്മള് ഭാരതത്തിന്റെ മഹിമയാണ് പറയുന്നത്. പുതിയ ലോകത്തില് ആദി സനാതന ദേവീ ദേവതകളുടെ രാജ്യമായിരുന്നു. ഇപ്പോള് പഴയ ലോകം ഇരുമ്പുയുഗമാണ്. അത് സുഖധാമവും, ഇത് ദുഃഖധാമവുമാണ്. ഭാരതം സുവര്ണ്ണയുഗമായിരുന്നപ്പോള് ദേവതകളുടെ രാജ്യമായിരുന്നു. മറ്റുളളവര് ചോദിക്കാറുണ്ട് , ഇവരുടെ രാജ്യമുണ്ടായിരുന്നുവെന്ന് ഞങ്ങള് എങ്ങനെ വിശ്വസിക്കും? ഈ ജ്ഞാനം വളരെ അത്ഭുതകരമാണ്. ആരുടെ ഭാഗ്യത്തില് എന്താണുള്ളതെന്നും, അവര് എത്രമാത്രം പുരുഷാര്ത്ഥം ചെയ്യുന്നുണ്ടെന്നും പുറമെകാണാന് സാധിക്കുമല്ലോ. നിങ്ങള്ക്ക് പെരുമാറ്റത്തിലൂടെ അറിയുവാന് സാധിക്കും, കലിയുഗത്തിലുള്ളവരും മനുഷ്യരാണ് സത്യയുഗത്തിലുള്ളവരും മനുഷ്യരാണ്. പിന്നെ എന്തിനാണ് ദേവതകളുടെ മുന്നില് പോയി തല കുനിക്കുന്നത്? ഇവരെ സ്വര്ഗ്ഗത്തിന്റെ അധികാരികള് എന്നല്ലേ പറയുന്നത്. ആരെങ്കിലും മരിച്ചു കഴിഞ്ഞാല് അവര് സ്വര്ഗ്ഗവാസിയായി എന്ന് പറയാറുണ്ട്, ഇത് പോലും ആരും അറിയുന്നില്ല. ഈ സമയം സര്വ്വരും നരകവാസികളാണ്. തീര്ച്ചയായും പുനര്ജന്മവും ഇവിടെത്തന്നെ എടുക്കുന്നു. ബാബ ഓരോരുത്തരുടെയും പെരുമാറ്റത്തിലൂടെ കാണുന്നുണ്ട്. ബാബക്ക് എത്രമാത്രം സാധാരണ രീതിയിലാണ് പലരോടും സംസാരിക്കേണ്ടി വരുന്നത്. സംരംക്ഷിക്കേണ്ടതായി വരുന്നു. ബാബ എത്ര വ്യക്തമായാണ് മനസ്സിലാക്കി ത്തരുന്നത്. പറയുന്ന കാര്യമെല്ലാം ശരി തന്നെയാണെന്ന് അറിയുന്നുണ്ട് എന്നിട്ടും എന്തുകൊണ്ടാണ് വലിയ വലിയ മുള്ളുകളായി മാറുന്നത്. പരസ്പരം ദുഃഖം കൊടുക്കുന്നതിലൂടെ മുള്ളുകളായി മാറുന്നു. ചിലര് ആ ശീലം തന്നെ ഉപേക്ഷിക്കുന്നില്ല. ഇപ്പോള് തോട്ടക്കാരനായ ബാബ പൂന്തോട്ടം വെച്ചുപിടിപ്പിക്കുകയാണ്. മുള്ളുകളെ പുഷ്പങ്ങളാക്കിക്കൊണ്ടിരിക്കുന്നു. ബാബയുടെ കര്ത്തവ്യം തന്നെ ഇതാണ്. സ്വയം മുള്ളായിട്ടിരിക്കുന്നവര് എങ്ങനെ മറ്റുള്ളവരെ പുഷ്പമാക്കി മാറ്റും? പ്രദര്ശിനി ഉണ്ടാകുമ്പോള് ആരെയെങ്കിലും സേവനത്തിനായി പറഞ്ഞയക്കുന്നതും വളരെയധികം ശ്രദ്ധിച്ചായിരിക്കണം.

നല്ല ഗുണവാന്മാരായ കുട്ടികള് മുള്ളുകളെ പുഷ്പമാക്കി മാറ്റുന്നതിന്റെ നല്ല സേവനം ചെയ്യുന്നു. ആരെയും മുള്ളുകള് കൊണ്ട് വേദനിപ്പിക്കില്ല അഥവാ ആര്ക്കും ദുഃഖം കൊടുക്കുന്നില്ല. ഒരിക്കലും പരസ്പരം വഴക്കടിക്കില്ല. നിങ്ങള് കുട്ടികള് വളരെ കൃത്യമായി മനസ്സിലാക്കിക്കൊടുക്കുന്നു. ഇതില് ആരെയും നിന്ദിക്കുന്ന കാര്യമൊന്നുമില്ല. ഇപ്പോള് ശിവജയന്തിയും വരാന് പോകുന്നു. നിങ്ങള് ധാരാളം ചിത്രപ്രദര്ശിനികള് ചെയ്യണം. ചെറിയ ചെറിയ പ്രദര്ശിനികളിലൂടെയും മനസ്സിലാക്കിക്കൊടുക്കാന് സാധിക്കും. ഒരു സെക്കന്റില് സ്വര്ഗ്ഗവാസിയാകൂ... അതായത് പതിത ഭ്രഷ്ഠാചാരിയില് നിന്നും പാവന ശ്രേഷ്ഠാചാരിയാകൂ. ഒരു സെക്കന്റില് ജീവന്മുക്തി പ്രാപ്തമാക്കൂ... ജീവന്മുക്തിയുടെ അര്ത്ഥം തന്നെ അറിയുന്നില്ല. നിങ്ങളും ഇപ്പോഴാണ് മനസ്സിലാക്കുന്നത്. ബാബയിലൂടെ സര്വ്വര്ക്കും മുക്തിയും, ജീവന്മുക്തിയും ലഭിക്കുന്നു. എന്നാല് ഡ്രാമയേയും അറിയേണ്ടതുണ്ട്. എല്ലാ ധര്മ്മത്തിലുള്ളവരും സ്വര്ഗ്ഗത്തിലേക്ക് വരില്ല. അവര് പിന്നീട് പരംധാമത്തില് അവരവരുടെ സെക്ഷനുകളിലേക്ക് പോകും. പിന്നീട് അവരവരുടെ സമയത്ത് വന്ന് സ്ഥാപന നിര്വ്വഹിക്കുന്നു. ഈ വൃക്ഷത്തിന്റെ ചിത്രത്തില് എത്ര വ്യക്തമാണ്. ഒരു സത്ഗുരുവിനല്ലാതെ മറ്റാര്ക്കും സത്ഗതി ദാതാവാകുവാന് സാധിക്കില്ല. ബാക്കി ഭക്തി പഠിപ്പിക്കുന്ന ഗുരുക്കന്മാര് അനേകരുണ്ട്. മനുഷ്യഗുരുവിന് ഒരിക്കലും സത്ഗതി നല്കാന് സാധിക്കില്ല. എന്നാല് മനസ്സിലാക്കിക്കൊടുക്കാനുളള ബുദ്ധിയും ആവശ്യമാണ്. ഇതില് ബുദ്ധി പ്രയോഗിക്കണം. ഡ്രാമയുടെ കളി എത്ര അത്ഭുതമാണ്. നിങ്ങളിലും കുറച്ചുപേര് മാത്രമാണ് ഈ ലഹരിയിലിരിക്കുന്നവര്. ശരി!

വളരെക്കാലത്തെ വേര്പാടിനുശേഷം തിരിച്ചുകിട്ടിയ മധുരമധുരമായ കുട്ടികള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണയും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1) ഒരു ബാബയുടെ ഓര്മ്മയിലൂടെ വളരെ സ്നേഹിയായി മാറണം.നടക്കുമ്പോഴും, ചുറ്റിക്കറങ്ങുമ്പോഴും കര്മ്മം ചെയ്യുമ്പോഴും ബാബയുടെ ഓര്മ്മയിലിരിക്കാന് അഭ്യസിക്കണം. ബാബയുടെ ഓര്മ്മയിലും സന്തോഷത്തിലും പ്രസന്നരായി ഇരിക്കണം.

2) ഓരോ ചുവടിലും ഈശ്വരീയ നിര്ദ്ദേശമനുസരിച്ച് ഓരോ കര്മ്മവും ചെയ്യണം. തന്റെ ദേഹാഭിമാനത്തിന്റെ ലഹരി കാണിക്കരുത്. തലകീഴായ ഒരു കര്മ്മവും ചെയ്യരുത്. സംശയമുണ്ടാകരുത്.

വരദാനം :-
സാധാരണ കര്മ്മം ചെയ്തുകൊണ്ടും ഉയര്ന്ന അവസ്ഥയില് സ്ഥിതി ചെയ്യുന്ന സദാ ഡബിള്ലൈറ്റ് ആയി ഭവിക്കട്ടെ.

എങ്ങിനെയാണോ ബാബ സാധാരണ ശരീരം എടുത്ത് താങ്കളെപ്പോലെതന്നെ സംസാരിക്കുകയും,നടക്കുകയുമൊക്കെ ചെയ്യുകയും ഒപ്പം ഉയര്ന്നസ്ഥിതിയിലിരുന്നുകൊണ്ട് സാധാരണ കര്മ്മങ്ങള് ചെയ്യുന്നത് അതുപോലെതന്നെ താങ്കള് കുട്ടികളും സദാ ഉയര്ന്ന അവസ്ഥയില് ഇരുന്നുകൊണ്ട് എല്ലാ കര്മ്മങ്ങളും ചെയ്യൂ.എന്നാല് ഞാന് ശ്രേഷ്ഠ കര്മ്മങ്ങള് ചെയ്യാനായി അവതരിതമായിരിക്കുന്നു എന്ന ഓര്മ്മ സദാ ഉണ്ടായിരിക്കണം.അപ്പോള് സാധാരണകര്മ്മങ്ങള് അലൗകിക കര്മ്മങ്ങളായി പരിവര്ത്തനപ്പെടാന് ആരംഭിക്കും.

സ്ലോഗന് :-
ആത്മീയദൃഷ്ടി,വൃത്തി എന്നിവ അഭ്യസിക്കുന്നവര്ക്ക് പവിത്രത സഹജമായി ധാരണ ചെയ്യാന് സാധിക്കുന്നു.

തന്റെ ശക്തിശാലിയായ മനോസ്ഥിതിയിലൂടെ സകാശ് നല്കുന്നതിനുള്ള സേവനം ചെയ്തുകൊണ്ടിരിക്കൂ.

എത്രത്തോളം സ്വയത്തെ മനസാ സേവനത്തില് ബിസിയാക്കിവെക്കുന്നുവോ അത്രത്തോളം സഹജമായി മായാജീത് ആയി മാറുന്നു.ഇതിനായി,അവനവനെ മാത്രമല്ല മറ്റുള്ളവരെയും ശുഭഭാവന,ശുഭകാമനയിലൂടെ പരിവര്ത്തനം ചെയ്യുന്ന സേവനം ചെയ്യൂ. ഭാവനയും ജ്ഞാനവും,സ്നേഹവും യോഗവും രണ്ടിന്റെയും ബാലന്സ് ഉണ്ടാകണം.താങ്കള് മംഗളകാരികളായി മാറിക്കഴിഞ്ഞു,ഇനി പരിധിയില്ലാത്ത വിശ്വമംഗളകാരികളായി മാറൂ.