27.01.2025           Morning Malayalam Murli       Om Shanti           BapDada Madhuban


മധുരമായ കുട്ടികളേ - നിങ്ങള്ക്കെപ്പോഴാണോ കര്മ്മാതീത അവസ്ഥ ഉണ്ടാകുന്നത് അപ്പോള് വിഷ്ണുപുരിയിലേക്ക് പോകും, ബഹുമതികളോടെ വിജയിക്കുന്ന കുട്ടികളാണ് കര്മ്മാതീതമായി മാറുന്നത്

ചോദ്യം :-
നിങ്ങള് കുട്ടികളുടെ മേല് രണ്ട് അച്ഛന്മാരും ഏത് പരിശ്രമമാണ് ചെയ്യുന്നത്?

ഉത്തരം :-
കുട്ടികള് സ്വര്ഗ്ഗത്തിന് യോഗ്യരായി മാറണം. സര്വ്വഗുണസമ്പന്നരും, 16 കലാ സമ്പൂര്ണ്ണരുമാക്കി മാറ്റാനുള്ള പരിശ്രമം ബാബയും, ദാദയും രണ്ടുപേരും ചെയ്യുന്നു. ഇത് നിങ്ങള്ക്ക് ഡബിള് എന്ജിന് ലഭിച്ചിരിക്കുന്നത് പോലെയാണ്. ഇങ്ങനെയുള്ള അത്ഭുതകരമായ പഠിപ്പാണ് പഠിപ്പിക്കുന്നത്, ഇതിലൂടെ നിങ്ങള് 21 ജന്മത്തിലേക്കുള്ള ചക്രവര്ത്തി പദവി നേടും.

ഗീതം :-
ബാല്യകാല ദിനങ്ങള് മറക്കരുത്...

ഓംശാന്തി.  
മധുര മധുരമായ കളഞ്ഞുപോയി തിരികെക്കിട്ടിയ കുട്ടികള് ഗീതം കേട്ടു. ഡ്രാമയുടെ നിയമമനുസരിച്ച് ഇങ്ങനെയൊക്കെയുള്ള പാട്ടുകള് തിരഞ്ഞെടുത്തിട്ടുണ്ട്. മനുഷ്യര് ആശ്ചര്യപ്പെടും. എന്താ നാടകത്തിലെ പാട്ടുകള് വെച്ചിട്ടാണോ മുരളി കേള്പ്പിക്കുന്നത്. ഇത് ഏതു പ്രകാരത്തിലുള്ള ജ്ഞാനമാണ്! ശാസ്ത്രങ്ങളും, വേദങ്ങളും, ഉപനിഷത്തുകളും ഇവയെല്ലാം ഉപേക്ഷിച്ചു, ഇപ്പോള് ഇങ്ങനെയുള്ള പാട്ടുകള് വെച്ച് മുരളി കേള്പ്പിക്കുന്നു! നിങ്ങള് കുട്ടികളുടെ ബുദ്ധിയിലുണ്ട് നമ്മള് പരിധിയില്ലാത്ത ബാബയുടേതായി മാറി. ഇതിലൂടെ അതീന്ദ്രിയസുഖം ലഭിക്കുകയാണ്. ഇങ്ങനെയുള്ള ബാബയെ മറക്കരുത്. ബാബയുടെ ഓര്മ്മയിലൂടെത്തന്നെയാണ് ജന്മജന്മാന്തരങ്ങളിലെ പാപം ഭസ്മമാകുന്നത്. ഓര്മ്മ തന്നെ ഉപേക്ഷിച്ച് പാപം അങ്ങനെത്തന്നെ അവശേഷിക്കുക, ഇങ്ങനെ ഉണ്ടാകരുത്. അപ്പോള് പദവി കുറയും. ബാബയെ നല്ലരീതിയില് ഓര്മ്മിക്കാനുള്ള പുരുഷാര്ത്ഥം ചെയ്യണം. എങ്ങനെയാണോ വിവാഹനിശ്ചയം കഴിഞ്ഞാല് പരസ്പരം ഓര്മ്മിക്കാറുള്ളത്. നിങ്ങളുടേയും വിവാഹനിശ്ചയം കഴിഞ്ഞു. ഇനി എപ്പോള് നിങ്ങള് കര്മ്മാതീതാവസ്ഥ നേടുന്നുവോ അപ്പോള് വിഷ്ണുപുരിയിലേക്ക് പോകും. ഇപ്പോള് ശിവബാബയുമുണ്ട് പ്രജാപിതാ ബ്രഹ്മാവുമുണ്ട്. രണ്ട് എന്ജിന് ലഭിച്ചിരിക്കുകയാണ്- ഒന്ന് നിരാകാരി, മറ്റൊന്ന് സാകാരി. രണ്ടുപേരും കുട്ടികളെ സ്വര്ഗ്ഗത്തിന്റെ അധികാരിയാക്കി മാറ്റാന് പരിശ്രമിക്കുകയാണ്. സര്വ്വഗുണസമ്പന്നരും 16 കലാ സമ്പൂര്ണ്ണരുമായി മാറണം. ഇവിടെ പരീക്ഷ പാസ്സാകണം. ഈ കാര്യങ്ങള് ഒരു ശാസ്ത്രങ്ങളിലുമില്ല. ഈ പഠിപ്പ് വലിയ അത്ഭുതമാണ് - ഭാവിയിലെ 21 ജന്മങ്ങളിലേക്ക് വേണ്ടി. മറ്റു പഠിപ്പെല്ലാം മൃത്യുലോകത്തിനുവേണ്ടിയുള്ളതാണ്, ഈ പഠിപ്പ് അമരലോകത്തിലേക്കുള്ളതാണ്. അവിടേക്ക് പോകുന്നതിനുവേണ്ടി ഇവിടെയല്ലേ പഠിക്കുന്നത്. ആത്മാവ് പവിത്രമായി മാറാത്തിടത്തോളം സത്യയുഗത്തിലേക്ക് പോകാന് സാധിക്കില്ല. അതുകൊണ്ട് ബാബ സംഗമയുഗത്തിലേക്കാണ് വരുന്നത്, ഇതിനെയാണ് പുരുഷോത്തമ കല്യാണകാരിയുഗമെന്ന് പറയുന്നത്. നിങ്ങള് കക്കയില്നിന്ന് വജ്രമായി മാറുന്നവരാണ്. അതുകൊണ്ട് ശ്രീമതമനുസരിച്ച് നടക്കൂ. ശ്രീ ശ്രീ എന്ന് ശിവബാബയെ മാത്രമാണ് പറയുന്നത്. മാലയുടെ അര്ത്ഥവും കുട്ടികള്ക്ക് മനസ്സിലാക്കിത്തന്നിരിക്കുകയാണ്. ഏറ്റവും മുകളില് പൂവായി ശിവബാബ. അടുത്തത് ജോഡി. പ്രവൃത്തിമാര്ഗ്ഗമല്ലേ. പിന്നീടാണ് മുത്തുകള്, ആരാണോ വിജയം നേടിയവര്, അവരുടേതാണ് രുദ്രമാലയും, പിന്നീട് വിഷ്ണുമാലയും ഉണ്ടാകുന്നത്. ഈ മാലയുടെ അര്ത്ഥം ആരും അറിയുന്നില്ല. നിങ്ങള് കുട്ടികള്ക്ക് കക്കയില്നിന്നും വജ്രം പോലെയായി മാറണം. 63 ജന്മങ്ങള് നിങ്ങള് ബാബയെ ഓര്മ്മിച്ചുകൊണ്ടേ വന്നു. നിങ്ങളിപ്പോള് ഒരു പ്രിയതമന്റെ പ്രിയതമകളാണ്. എല്ലാവരും ഒരു ഭഗവാന്റെ ഭക്തരാണ്. പതിമാരുടേയും പതിയും, പിതാക്കന്മാരുടേയും പിതാവും ബാബ ഒരാള് മാത്രമാണ്. നിങ്ങള് കുട്ടികളെ രാജാക്കന്മാരുടേയും രാജാവാക്കി മാറ്റുകയാണ്. സ്വയം രാജാവായി മാറുന്നില്ല. ബാബ വീണ്ടും വീണ്ടും മനസ്സിലാക്കിത്തരികയാണ് - ബാബയുടെ ഓര്മ്മയിലൂടെ മാത്രമാണ് നിങ്ങളുടെ ജന്മജന്മാന്തരങ്ങളിലെ പാപം ഭസ്മമാകുന്നത്. സാധു സന്യാസിമാര് പറയുന്നുണ്ട് ആത്മാവ് നിര്ലേപമാണ്. ബാബ മനസ്സിലാക്കിത്തരുന്നു സംസ്കാരം നല്ലതായാലും, മോശമായാലും ആത്മാവ് തന്നെയാണ് കൊണ്ടുപോകുന്നത്. ലോകത്തിലുള്ളവര് പറയും എവിടെ നോക്കിയാലും എല്ലാം ഭഗവാന് തന്നെ ഭഗവാന്. ഭഗവാന്റെയാണ് ഈ ലീലകളെല്ലാം. വാമമാര്ഗ്ഗത്തില് വീണ് പൂര്ണ്ണമായും മോശമായി മാറിയിരിക്കുന്നു. ഇങ്ങനെയുള്ള വഴികളിലൂടെയും ലക്ഷക്കണക്കിന് മനുഷ്യര് നടന്നുകൊണ്ടിരിക്കുന്നു. ഇതും ഡ്രാമയില് അടങ്ങിയതാണ്. എപ്പോഴും ബുദ്ധിയില് 3 ധാമത്തെ ഓര്മ്മ വെക്കൂ - ശാന്തിധാമം അവിടെയാണ് ആത്മാക്കള് വസിക്കുന്നത്, നിങ്ങള് എവിടേക്കുവേണ്ടിയാണോ പുരുഷാര്ത്ഥം ചെയ്യുന്നത്, അത് സുഖധാമം. പകുതി കല്പത്തിനുശേഷം ആരംഭിക്കുന്നത് ദുഃഖധാമം. ഭഗവാനെ സ്വര്ഗ്ഗം സ്ഥാപിക്കുന്ന പിതാവ് എന്നു പറയുന്നു. നരകം ബാബ സ്ഥാപിക്കുന്നില്ല. ബാബ പറയുന്നു, ഞാന് സുഖധാമത്തിന്റെ സ്ഥാപനയാണ് ചെയ്യുന്നത്. ഇത് ജയപരാജയത്തിന്റെ കളിയാണ്. നിങ്ങള് കുട്ടികള് ശ്രീമതമനുസരിച്ച് നടന്ന് ഇപ്പോള് മായയാകുന്ന രാവണന്റെ മേല് വിജയം നേടുന്നു. പിന്നീട് പകുതി കല്പത്തിനുശേഷം രാവണരാജ്യം ആരംഭിക്കുന്നു. നിങ്ങള് കുട്ടികള് ഇപ്പോള് യുദ്ധമൈതാനത്തിലാണ്. ഇത് ബുദ്ധിയില് ധാരണ ചെയ്യണം പിന്നീട് മറ്റുള്ളവര്ക്ക് മനസ്സിലാക്കിക്കൊടുക്കണം. അന്ധന്മാര്ക്ക് ഊന്നുവടിയായി മാറി വീട്ടിലേക്കുള്ള വഴി പറഞ്ഞുകൊടുക്കണം. കാരണം ആ വീട് എല്ലാവരും മറന്നുപോയി. പറയാറില്ലേ ഇതൊരു നാടകമാണ്. എന്നാല് ഇതിന്റെ ആയുസ്സ് ലക്ഷക്കണക്കിനു വര്ഷങ്ങളെന്ന് പറയുന്നു. ബാബ മനസ്സിലാക്കിത്തരികയാണ് രാവണന് നിങ്ങളെ എത്ര അന്ധന്മാരാക്കി മാറ്റിയിരിക്കുന്നു. ഇപ്പോള് ബാബ എല്ലാ കാര്യങ്ങളും മനസ്സിലാക്കിത്തന്നുകൊണ്ടിരിക്കുകയാണ്. ബാബയെത്തന്നെയാണ് ജ്ഞാനത്തിന്റെ സാഗരനെന്ന് പറയുന്നത്. ഇതിന്റെ അര്ത്ഥം ഓരോരുത്തരുടേയും മനസ്സിനെ അറിയുന്നു എന്നല്ല. അത് സിദ്ധികളുടെ പിറകെപോകുന്നവരാണ് പഠിക്കുന്നത്. എന്നിട്ട് നിങ്ങളുടെ ഉള്ളിലെ കാര്യങ്ങള് കേള്പ്പിക്കുന്നു. ജ്ഞാനത്തിന്റെ സാഗരന് എന്നാല് ഇതല്ല അര്ത്ഥം. ഇത് ബാബയുടെ മാത്രം മഹിമയാണ്. ബാബ ജ്ഞാനത്തിന്റെ സാഗരമാണ്, ആനന്ദത്തിന്റേയും സാഗരമാണ്. മനുഷ്യര് പറയുന്നു ഭഗവാന് അന്തര്യാമിയാണ്. ഇപ്പോള് നിങ്ങള് കുട്ടികള് മനസ്സിലാക്കി ബാബ ടീച്ചറാണ്, നമ്മളെ പഠിപ്പിക്കുകയാണ്. ബാബ ആത്മീയ പിതാവുമാണ് ആത്മീയ സദ്ഗുരുവുമാണ്. ലോകത്തില് ഭൗതികമായ ടീച്ചറും ഗുരുവും വേറെവേറെയായിരിക്കും, മൂന്നും ഒരാളാകില്ല. ചിലരുടെ അച്ഛന് ടീച്ചറായിരിക്കും. പക്ഷേ ഗുരുവാകില്ല. അവര് മനുഷ്യരാണ്. ഇവിടെ സുപ്രീം ആത്മാവ് പരമപിതാവായ പരമാത്മാവ് പഠിപ്പിക്കുകയാണ്. ആത്മാവിനെ പരമാത്മാവെന്ന് പറയാന് സാധിക്കില്ല. ഇതാരും മനസ്സിലാക്കുന്നില്ല. പറയാറുണ്ട് പരമാത്മാവ് അര്ജ്ജുനന് സാക്ഷാത്കാരം നല്കി. അര്ജ്ജുനന് പറഞ്ഞു നിര്ത്തൂ, ഇത്രയും തേജോമയമായ പ്രകാശത്തെ സഹിക്കാന് സാധിക്കുന്നില്ല. ഇത് കേട്ടവരെല്ലാം മനസ്സിലാക്കിയിരിക്കുന്നത് പരമാത്മാവ് ഇത്രയും തേജോമയമായ രൂപമാണെന്നാണ്. മുമ്പ് ബാബയുടെ അടുത്ത് വന്നിട്ടുണ്ടായിരുന്നവര് സാക്ഷാത്കാരത്തിലേക്ക് പോകുമായിരുന്നു. അവരും പറഞ്ഞിരുന്നു നിര്ത്തൂ. വളരെ തേജസ്സുള്ളതാണ്, ഞങ്ങള്ക്ക് സഹിക്കാന് സാധിക്കുന്നില്ല. എന്താണോ കേട്ടിട്ടുള്ളത് അത് ഭാവനയായി ബുദ്ധിയിലുണ്ടായിരിക്കും. ബാബ പറയുന്നു, ആര് ഏത് ഭാവനയോടെ ഓര്മ്മിക്കുന്നുവോ, ഞാന് അവരുടെ ഭാവന പൂര്ത്തീകരിക്കും. ചിലര് ഗണേശന്റെ പൂജ ചെയ്യുന്നു. അവര്ക്ക് ഗണേശന്റെ സാക്ഷാത്കാരം നല്കുന്നു. സാക്ഷാത്കാരം ലഭിക്കുമ്പോള് ചിന്തിക്കുന്നു - അതെ, മുക്തിധാമത്തിലെത്തിച്ചേര്ന്നു. പക്ഷേ ഇല്ല, മുക്തിധാമത്തിലേക്ക് പോകാന് സാധിക്കില്ല. നാരദന്റേയും ഉദാഹരണമുണ്ടല്ലോ. നാരദന് ഭക്തശിരോമണിയെന്ന് പാടപ്പെടുന്നു. എനിക്ക് ലക്ഷ്മിയെ വരിക്കാന് സാധിക്കുമോ എന്നു ചോദിച്ചപ്പോള് സ്വന്തം മുഖം നോക്കൂ എന്നു പറഞ്ഞു. ഭക്തരുടേയും മാലയുണ്ടല്ലോ. സ്ത്രീകളില് മീരയും, പുരുഷന്മാരില് നാരദനും മുഖ്യമായ ഭക്തരെന്നു പാടപ്പെടുന്നു. ഇവിടെ ജ്ഞാനമാര്ഗ്ഗത്തില് മുഖ്യ ശിരോമണി സരസ്വതിയാണ്. എല്ലാവരും സംഖ്യാക്രമമാണല്ലോ.

ബാബ മനസ്സിലാക്കിത്തരികയാണ് ,മായയില്നിന്ന് വളരെ കരുതലോടെയിരിക്കണം. മായ തല തിരിഞ്ഞ കര്മ്മങ്ങള് ചെയ്യിക്കും. പിന്നീട് അന്തിമസമയത്ത് വളരെ കരയും, പശ്ചാത്തപിക്കേണ്ടതായിവരും- ഭഗവാന് വന്നു ഞങ്ങള്ക്ക് സമ്പത്തെടുക്കാന് സാധിച്ചില്ല! പിന്നീട് പ്രജകളില് ദാസദാസിയായി മാറും. അവസാനം പഠിപ്പ് പൂര്ത്തിയാകുമ്പോള്, വളരെയധികം പേര്ക്കും പശ്ചാത്താപമുണ്ടാകും അതുകൊണ്ട് ബാബ ആദ്യമേ തന്നെ മനസ്സിലാക്കിത്തരികയാണ് പശ്ചാത്തപിക്കാന് ഇട വരരുത്. എത്രത്തോളം ബാബയെ ഓര്മ്മിക്കുന്നുവോ അത്രയും യോഗാഗ്നിയിലൂടെ പാപം ഭസ്മമാകും. ആത്മാവ് സതോപ്രധാനമായിരുന്നു. പിന്നീട് ക്ലാവ് പിടിച്ച് തമോപ്രധാനമായി മാറി. സ്വര്ണ്ണം, വെള്ളി, ചെമ്പ്, ഇരുമ്പ് ഇങ്ങനെ പേരുകളുമുണ്ടല്ലോ. ഇപ്പോള് ഇരുമ്പുയുഗത്തില്നിന്നും വീണ്ടും നിങ്ങള്ക്ക് സ്വര്ണ്ണിമയുഗത്തിലേക്ക് പോകണം. പവിത്രതയില്ലാതെ പോകാന് സാധിക്കില്ല. സത്യയുഗത്തില് പവിത്രതയുണ്ടായിരുന്നു, ശാന്തിയും സമൃദ്ധിയും ഉണ്ടായിരുന്നു. ഇവിടെ പവിത്രതയില്ല. അതിനാല് ശാന്തിയും സമൃദ്ധിയുമില്ല. രാത്രിയും പകലും തമ്മിലുള്ള വ്യത്യാസമാണ്. ബാബ മനസ്സിലാക്കിത്തരികയാണ്, ഈ ബാല്യകാലം മറക്കരുത്. ബാബ ദത്തെടുത്തിരിക്കുകയല്ലേ. ബ്രഹ്മാബാബയിലൂടെ ദത്തെടുക്കുന്നു. ഇത് ദത്തെടുക്കലാണ്. സ്ത്രീയെ ദത്തെടുക്കുകയല്ലേ. പിന്നിട് കുട്ടികള്ക്ക് ജന്മം നല്കുന്നു. സ്ത്രീയെ രചനയെന്ന് പറയില്ല. ഇവിടെ ബാബയും ദത്തെടുത്തിരിക്കുകയാണ്. നിങ്ങള് എന്റെ അതേ കുട്ടികളാണ്. ആരെയാണോ കഴിഞ്ഞ കല്പത്തിനുമുമ്പും ദത്തെടുത്തത്. ദത്തെടുത്ത കുട്ടികള്ക്കു മാത്രമാണ് ബാബയില് നിന്നും സമ്പത്ത് ലഭിക്കുന്നത്. ഉയര്ന്നതിലും ഉയര്ന്ന ബാബയിലൂടെ ഉയര്ന്നതിലും ഉയര്ന്ന സമ്പത്ത് ലഭിക്കുന്നു. ആദ്യം ഭഗവാന്. പിന്നീട് സെക്കന്റ് നമ്പറില് ലക്ഷ്മീനാരായണന് സത്യയുഗത്തിന്റെ അധികാരി. ഇപ്പോള് നിങ്ങള്സത്യയുഗത്തിന്റെ അധികാരിയായി മാറിക്കൊണ്ടിരിക്കുകയാണ്. ഇപ്പോള് സമ്പൂര്ണ്ണരായി മാറിയിട്ടില്ല, മാറിക്കൊണ്ടിരിക്കുകയാണ്.

പാവനമായി മാറി പാവനമാക്കി മാറ്റണം, ഇതാണ് സത്യമായ ആത്മീയ സേവനം. നിങ്ങളിപ്പോള് ആത്മീയ സേവനം ചെയ്യുന്നവരാണ്. അതുകൊണ്ട് നിങ്ങള് വളരെ ഉയര്ന്നവരാണ്. ശിവബാബ പതിതരെ പാവനമാക്കി മാറ്റുന്നു. നിങ്ങളും പാവനമാക്കി മാറ്റുന്നു. രാവണന് നിങ്ങളെ എത്ര തുച്ഛബുദ്ധിയുള്ളവരാക്കി മാറ്റി, ഇപ്പോള് ബാബ വീണ്ടും യോഗ്യരാക്കി മാറ്റി വിശ്വത്തിന്റെ അധികാരിയാക്കി മാറ്റുകയാണ്. ഇങ്ങനെയുള്ള ബാബയെ കല്ലിലും മുള്ളിലും ഉണ്ടെന്ന് എങ്ങനെ പറയാന് സാധിക്കും? ബാബ പറയുന്നു ഈ കളി ഉണ്ടാക്കപ്പെട്ടതാണ്. കല്പത്തിനുശേഷം വീണ്ടും ഉണ്ടാകും. ഇപ്പോള് ഡ്രാമയുടെ നിയമമനുസരിച്ച് നിങ്ങള്ക്ക് മനസ്സിലാക്കിത്തരാന് ഞാന് വന്നിരിക്കുകയാണ് . ഇതില് അല്പം പോലും വ്യത്യാസമുണ്ടായിരിക്കില്ല. ബാബ ഒരു സെക്കന്റു പോലും വൈകിക്കുന്നില്ല. എങ്ങനെയാണോ ബാബ അവതരിക്കുന്നത്, അതുപോലെ നിങ്ങള് കുട്ടികളും അവതരിച്ചിരിക്കുകയാണ്. ആത്മാവ് ഇവിടെ വന്ന് സാകാരത്തില് പാര്ട്ട് അഭിനയിക്കുന്നു, ഇതിനെയാണ് അവതരണമെന്ന് പറയുന്നത്. മുകളില്നിന്ന് താഴെ വന്നിരിക്കുകയാണ് പാര്ട്ട് അഭിനയിക്കാന്. ബാബയുടേത് ദിവ്യവും, അലൗകികവുമായ ജന്മമാണ്. ബാബ സ്വയം പറയുന്നു എനിക്കും പ്രകൃതിയുടെ ആധാരം എടുക്കേണ്ടതായിട്ടുണ്ട്. ഞാന് ഈ ശരീരത്തിലേക്ക് പ്രവേശിക്കുന്നു. ഇത് എന്റെ വാടക ശരീരമാണ്. ഇത് വണ്ടര്ഫുള്ളായ കളിയാണ്. ഈ നാടകത്തില് ഓരോരുത്തരിലും എന്ത് പാര്ട്ടാണോ അടങ്ങിയിട്ടുള്ളത് അത് അഭിനയിച്ചുകൊണ്ടിരിക്കുകയാണ്. 21 ജന്മത്തിന്റെ പാര്ട്ടും ഇങ്ങനെതന്നെ അഭിനയിക്കും. നിങ്ങള്ക്ക് സംഖ്യാക്രമമായ പുരുഷാര്ത്ഥമനുസരിച്ച് സ്പഷ്ടമായ ജ്ഞാനം ലഭിച്ചിരിക്കുകയാണ്. മഹാരഥികളുടെ മഹിമ ബാബ ചെയ്യാറില്ലേ. പാണ്ഢവരുടേയും കൗരവരുടേയും യുദ്ധം നടന്നതായി കാണിച്ചിരിക്കുന്നു. ഇതെല്ലാം കെട്ടിച്ചമച്ച കഥകളാണ്. ഇപ്പോള് നിങ്ങള് മനസ്സിലാക്കി അവര് ഭൗതികമായ ഡബിള് ഹിംസ ചെയ്യുന്നവര്, നിങ്ങള് ആത്മീയ ഡബിള് അഹിംസകര്. ചക്രവര്ത്തിപദവി നേടുന്നതിനുവേണ്ടി നോക്കൂ നിങ്ങള് എങ്ങിനെയാണ് ഇരിക്കുന്നത്. നിങ്ങള്ക്കറിയാം ബാബയുടെ ഓര്മ്മയിലൂടെ വികര്മ്മം വിനാശമാകും. ഈ ചിന്തയില് മുഴുകണം. പരിശ്രമം മുഴുവനും ഓര്മ്മയുടെ കാര്യത്തില് മാത്രമാണ്. അതുകൊണ്ടാണ് ഭാരതത്തിന്റെ പ്രാചീന യോഗമെന്ന് പാടപ്പെടുന്നത്. വിദേശീയര് പോലും ഈ ഭാരതത്തിന്റെ പ്രാചീനയോഗം പഠിക്കാന് ആഗ്രഹിക്കുന്നു. അവര് മനസ്സിലാക്കിയിരിക്കുന്നത് സന്യാസിമാര് ഞങ്ങള്ക്ക് ഈ യോഗം പഠിപ്പിക്കുമെന്നാണ്. വാസ്തവത്തില് അവര് ഒന്നും പഠിപ്പിക്കുന്നില്ല. അവരുടെ സന്യാസം ഹഠയോഗത്തിന്റേതാണ്. നിങ്ങള് പ്രവൃത്തിമാര്ഗ്ഗത്തിലുള്ളവരാണ്. ആരംഭത്തില് നിങ്ങളുടെ രാജധാനിയുണ്ടായിരുന്നു. ഇപ്പോള് അവസാനമാണ്. ഇപ്പോള് പഞ്ചായത്തിരാജ് ആണ്. ലോകത്തില് ഇരുട്ട് വളരെ കൂടുതലാണ്. നിങ്ങള്ക്കറിയാം ഇനി രക്തപ്പുഴയൊഴുകുന്ന കളിയുണ്ടാകും. രക്തപ്പുഴയൊഴുകുന്നതും ഒരു കളിയായി കാണിക്കുന്നു. ഇതാണെങ്കില് പരിധിയില്ലാത്ത കാര്യമാണ്, ധാരാളം രക്തമൊഴുകും, പ്രകൃതിക്ഷോഭവും ഉണ്ടാകും. എല്ലാവര്ക്കും മരണം സംഭവിക്കും. ഇതിനെയാണ് രക്തപ്പുഴയെന്ന് പറയുന്നത്. ഇത് കാണാന് വളരെ ധൈര്യം വേണം. ഭീരുക്കള് പെട്ടെന്ന് ബോധരഹിതരാകും. ഇവിടെ വളരെ നിര്ഭയരായിരിക്കണം. നിങ്ങള് ശിവശക്തികളല്ലേ. ശിവബാബയാണ് സര്വ്വശക്തിവാന്. നമ്മള് ബാബയില്നിന്ന് ശക്തിയെടുക്കുന്നു, പതിതത്തില്നിന്ന് പാവനമായി മാറാനുള്ള യുക്തി ബാബയാണ് പറഞ്ഞുതരുന്നത്. ബാബ വളരെ സഹജമായ നിര്ദ്ദേശങ്ങളാണ് നല്കുന്നത് - കുട്ടികളേ, നിങ്ങള് സതോപ്രധാനമായിരുന്നു, ഇപ്പോള് തമോപ്രധാനമായി മാറിയിരിക്കുന്നു, ഇപ്പോള് ബാബ പറയുകയാണ് എന്നെ ഓര്മ്മിക്കൂ, നിങ്ങള് പതിതത്തില് നിന്നും പാവനവും, സതോപ്രധാനവുമായി മാറുന്നു. ആത്മാവ് ബാബയുമായി യോഗം വെക്കുകയാണെങ്കില് പാപം ഭസ്മമാകും. സര്വ്വശക്തിവാന് ബാബ മാത്രമാണ്. ചിത്രത്തില് കാണിച്ചിട്ടുണ്ട് - വിഷ്ണുവിന്റെ നാഭിയില്നിന്നും ബ്രഹ്മാവുണ്ടായി. ബ്രഹ്മാവിലൂടെ ബാബ എല്ലാ വേദശാസ്ത്രങ്ങളുടേയും രഹസ്യം മനസ്സിലാക്കിത്തരികയാണ്. ഇപ്പോള് നിങ്ങള്ക്കറിയാം ബ്രഹ്മാവില്നിന്ന് വിഷ്ണുവും, വിഷ്ണുവില്നിന്ന് ബ്രഹ്മാവുമുണ്ടാകുന്നു. ബ്രഹ്മാവിലൂടെ സ്ഥാപന ചെയ്യുന്നു. പിന്നീട് എന്തിന്റെ സ്ഥാപനയാണോ നടന്നത് അതിന്റെ പാലനയും തീര്ച്ചയായും ചെയ്യണമല്ലോ. ഇതെല്ലാം നല്ലരീതിയില് മനസ്സിലാക്കിത്തരികയാണ്, ആരു മനസ്സിലാക്കിയോ അവര്ക്ക് ഈ ചിന്തയുണ്ടായിരിക്കും ഈ ആത്മീയ ജ്ഞാനം എല്ലാവര്ക്കും എങ്ങനെ കൊടുക്കണം. എന്റെ പക്കലുള്ള ധനം കൊണ്ട് എന്തുകൊണ്ട് സെന്ററുകള് തുറന്നുകൂടാ. ബാബ പറയുന്നു നല്ല വാടകയില്ത്തന്നെ കെട്ടിടമെടുക്കൂ, അതില് ഹോസ്പിറ്റലും, യൂണിവേഴ്സിറ്റിയും തുറക്കൂ. യോഗത്തിലൂടെ മുക്തിയും, ജ്ഞാനത്തിലൂടെ ജീവന്മുക്തിയും. രണ്ട് സമ്പത്ത് ലഭിക്കുന്നു. ഇതിന് കേവലം മൂന്നടി മണ്ണ് വേണം, വേറൊന്നും വേണ്ട. ഈശ്വരന്റെ വിശ്വവിദ്യാലയം തുറക്കൂ. വിശ്വ വിദ്യാലയം അഥവാ സര്വ്വകലാശാല, കാര്യം ഒന്നുതന്നെയാണ്. ഇത് മനുഷ്യനില്നിന്നും ദേവതയാകാനുള്ള എത്ര വലിയ യൂണിവേഴ്സിറ്റിയാണ് പലരും ചോദിക്കാറുണ്ട് താങ്കളുടെ ചിലവ് എങ്ങനെയാണ് നടക്കുന്നത്? ബി.കെ.കളുടെ ബാബയ്ക്ക് എത്രമാത്രം കുട്ടികളുണ്ട്, നിങ്ങള്ക്ക് സംശയമോ!... ബോര്ഡ് നോക്കൂ, എന്താണ് എഴുതിവച്ചിരിക്കുന്നത്? അത്ഭുതകരമായ ജ്ഞാനമാണ്. ബാബയും അത്ഭുതമല്ലേ. വിശ്വത്തിന്റെ അധികാരിയായി നിങ്ങള് എങ്ങനെ മാറുന്നു? ശിവബാബയെയാണ് ശ്രീ ശ്രീ എന്ന് പറയുന്നത്. കാരണം ഉയര്ന്നതിലും ഉയര്ന്നതല്ലേ. ലക്ഷ്മീനാരായണനെ ശ്രീലക്ഷ്മിയെന്നും, ശ്രീനാരായണനെന്നും പറയും ഇതെല്ലാം നല്ലരീതിയില് ധാരണ ചെയ്യേണ്ട കാര്യങ്ങളാണ്. ബാബ പറയുന്നു ഞാന് നിങ്ങളെ രാജയോഗം പഠിപ്പിക്കുകയാണ്. ഇതാണ് സത്യം സത്യമായ അമരകഥ. കേവലം ഒരു പാര്വ്വതിക്കുമാത്രമല്ല അമരകഥ കേള്പ്പിക്കുന്നത്. ധാരാളം മനുഷ്യര് അമര്നാഥിലേക്ക് പോകുന്നു. നിങ്ങള് കുട്ടികള് ബാബയുടെയടുക്കലേക്ക് വന്നിരിക്കുകയാണ് റിഫ്രഷ് ആകാന്. പിന്നീട് എല്ലാവര്ക്കും മനസ്സിലാക്കിക്കൊടുക്കണം. പോയി റിഫ്രഷ് ആക്കണം, സെന്റര് തുറക്കണം. ബാബ പറയുന്നു കേവലം മൂന്നടി മണ്ണെടുത്ത് ഹോസ്പിറ്റലും, യൂണിവേഴ്സിറ്റിയും തുറന്നുകൊണ്ടേയിരിക്കൂ. വളരെയധികം പേരുടെ മംഗളമുണ്ടാകും. ഇതിന് ചിലവൊന്നുമില്ല, ആരോഗ്യം, സമ്പത്ത്, സന്തോഷം ഒരു സെക്കന്റില് ലഭിക്കും. കുട്ടി ജന്മമെടുത്തു, അവകാശിയായി മാറി. നിങ്ങള്ക്ക് നിശ്ചയമുണ്ടാകണം, വിശ്വത്തിന്റെ അധികാരിയായി മാറണം. എല്ലാത്തിന്റേയും ആധാരം പുരുഷാര്ത്ഥമാണ്. ശരി!

വളരെക്കാലത്തെ വേര്പാടിനു ശേഷം തിരിച്ചു കിട്ടിയ മധുരമധുരമായ കുട്ടികള്ക്ക് മാതാവും, പിതാവുമായ ബാപ്ദാദയുടെ സ്നേഹസ്മരണയും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1) അന്തിമസമയത്ത് രക്തപ്പുഴയുടെ ദൃശ്യം കാണുന്നതിനുവേണ്ടി വളരെ വളരെ നിര്ഭയരും, ശിവശക്തികളുമായി മാറണം. സര്വ്വശക്തിവാനായ ബാബയുടെ ഓര്മ്മയിലൂടെ ശക്തി നേടണം.

2) പാവനമായി മാറി പാവനമാക്കി മാറ്റാനുള്ള സത്യമായ ആത്മീയ സേവനം ചെയ്യണം. ഡബിള് അഹിംസകരായി മാറണം. അന്ധന്മാര്ക്ക് ഊന്നുവടിയായി മാറി എല്ലാവര്ക്കും വീട്ടിലേക്കുള്ള വഴി പറഞ്ഞുകൊടുക്കണം.

വരദാനം :-
ഞാന്,എന്റേത് എന്നതിനെ സമാപ്തമാക്കി സമാനതയെയും, സമ്പൂര്ണ്ണതയെയും അനുഭവം ചെയ്യുന്ന സത്യമായ ത്യാഗിയായി ഭവിക്കട്ടെ.

ഓരോ സെക്കന്റിലും, ഓരോ സങ്കല്പത്തിലും ബാബാ..ബാബാ.. എന്നുമാത്രം ഓര്മ്മയുണ്ടാകണം,ഞാനെന്നഭാവം സമാപ്തമാകണം. ഞാന് ഇല്ലാതാകുമ്പോള് ഞാനെന്നഭാവവും ഇല്ലാതാകും.എന്റെ സ്വഭാവം,എന്റെ സംസ്ക്കാരം, എന്റെ രീതി,എന്റെ ജോലി,എന്റെ ഡ്യൂട്ടി, എന്റെ പേര്,എന്റെ പദവി... ഇങ്ങിനെയുള്ള ഞാനെന്ന ഭാവങ്ങളും, എന്റേതെന്ന ഭാവങ്ങളും സമാപ്തമാകുന്നതുതന്നെയാണ് സമാനതയും,സമ്പൂര്ണ്ണതയും. ഈ ഞാന്,എന്റേത് എന്നിവയുടെ ത്യാഗം തന്നെയാണ് ഏറ്റവും വലിയ സൂക്ഷ്മത്യാഗം. ഈ ഞാനെന്നഭാവത്തിന്റെ അംശത്തെ അശ്വമേധയജ്ഞത്തില് സ്വാഹാ ചെയ്യൂ, അപ്പോള് അന്തിമ ആഹൂതി ഉണ്ടാവുകയും, വിജയത്തിന്റെ പെരുമ്പറ മുഴങ്ങുകയും ചെയ്യും.

സ്ലോഗന് :-
ശരി..ചെയ്യാം(ഹാം ജി)എന്നു പറഞ്ഞ് സഹയോഗത്തിന്റെ കൈ നീട്ടുകയെന്നാല് ആശീര്വാദങ്ങളുടെ മാലകള് അണിയുക എന്നാണര്ത്ഥം.

തന്റെ ശക്തിശാലിയായ മനോസ്ഥിതിയിലൂടെ സകാശ് നല്കുന്ന സേവനം ചെയ്യൂ...

എപ്പോഴാണോ നിരന്തരമായി ഏകരസസ്ഥിതിയില് ഇരിക്കാനുള്ള അഭ്യാസം ചെയ്യുന്നത് അപ്പോഴേ മനസാ സകാശ് നല്കാന് കഴിയുകയുള്ളൂ.ഇതിനായി ആദ്യം വ്യര്ത്ഥസങ്കല്പങ്ങളെ ശുദ്ധസങ്കല്പങ്ങളിലേക്ക് പരിവര്ത്തനം ചെയ്യൂ,അതിനുശേഷം മായ കൊണ്ടുവരുന്ന അനേകപ്രകാരത്തിലുള്ള വിഘ്നങ്ങളെ ഈശ്വരീയ ലഹരിയുടെ ആധാരത്തില് സമാപ്തമാക്കൂ.എന്റേത് ഒരേയൊരു ബാബ,രണ്ടാമതൊരാളില്ല.... എന്ന പാഠത്തിലൂടെ ഏകാഗ്രതയുടെ ശക്തിയെ വര്ദ്ധിപ്പിക്കൂ.