മധുരമായ കുട്ടികളേ -
ബഹുമതികളോടു കൂടി വിജയിക്കുന്നതിന് വേണ്ടി ശ്രീമതമനുസരിച്ചു നടക്കൂ, കുസംഗത്തില്
നിന്നും മായയുടെ കൂട്ടുകെട്ടില് നിന്നും സ്വയത്തെ സംരക്ഷിക്കൂ.
ചോദ്യം :-
കുട്ടികള്ക്ക് വേണ്ടി ബാബ ചെയ്തതും, കുട്ടികള് ചെയ്യേണ്ടതുമായ സേവനം എന്താണ്?
ഉത്തരം :-
ബാബ ഓമന
മക്കളേ എന്നുവിളിച്ച് കുട്ടികളെ വജ്ര സമാനമാക്കുന്നതിന്റെ സേവനം ചെയ്യ്തു.
നമ്മള് കുട്ടികളും ഇതു പോലെ തന്റെ മധുരമായ സഹോദരങ്ങളെ വജ്ര സമാനമാക്കുന്നതിന്റെ
സേവനം ചെയ്യണം. ഇതില് ബുദ്ധിമുട്ടുള്ള ഒരു കാര്യവുമില്ല, കേവലം അവരോടു പറഞ്ഞാല്
മാത്രം മതി ബാബയെ ഓര്മ്മിക്കൂ, എങ്കില് വജ്ര സമാനമാകും.
ചോദ്യം :-
ബാബ തന്റെ
കുട്ടികള്ക്ക് ഏതൊരാജ്ഞയാണ് നല്കിയിരിക്കുന്നത്?
ഉത്തരം :-
കുട്ടികളേ,
നിങ്ങള് സത്യമായ സമ്പാദ്യം നേടൂ, മറ്റുള്ളവര്ക്കും നേടിക്കൊടുക്കൂ. നിങ്ങള്ക്ക്
ആരില് നിന്നും കടം വാങ്ങുന്നതിനുള്ള അനുവാദമില്ല.
ഗീതം :-
ഈ
പാപത്തിന്റെ ലോകത്തില് നിന്നും....
ഓംശാന്തി.
പുതിയ ലോകത്തിലേക്ക് പോകുന്ന മധുര-മധുരമായ കുട്ടികള്ക്ക് ഗുഡ്മോര്ണിംഗ്
പറയുകയാണ്. നമ്പര്വൈസ് പുരുഷാര്ത്ഥമനുസരിച്ച് ആത്മീയകുട്ടികള് മനസ്സിലാക്കുന്നു
നമ്മള് ഈ ലോകത്തില് നിന്നും ദൂരേക്ക് പോയിക്കൊണ്ടിരിക്കുന്നു. എവിടേക്ക്? തന്റെ
സ്വീറ്റ് സൈലന്സ് ഹോമിലേക്ക്. ശാന്തിധാമം വളരെ ദൂരെയാണ്, അവിടെ നിന്നുമാണ്
നമ്മള് ആത്മാക്കള് വരുന്നത്. അതാണ് മൂലവതനം, ഇതാണ് സ്ഥൂലവതനം. അത് നമ്മള്
ആത്മാക്കളുടെ വീടാണ്. തന്റെ വീട്ടിലേക്ക് ബാബയല്ലാതെ മറ്റാരും കൊണ്ടു പോകില്ല.
നിങ്ങള് ബ്രാഹ്മണ ബ്രാഹ്മണിമാരെല്ലാം ആത്മീയ സേവനം ചെയ്തുകൊണ്ടിരിക്കുകയാണ്.
ആരാണ് പഠിപ്പിച്ചത്? ദൂരേക്കു കൊണ്ടു പോകുന്ന ബാബ. ദൂരേക്ക് എത്ര പേരെ കൊണ്ടു
പോകുന്നു? അളവറ്റവരെ കൊണ്ടുപോകുന്നു. വഴി കാട്ടിയായ ഒരു ബാബയുടെ കുട്ടികളായ
നിങ്ങള് എല്ലാവരും വഴികാട്ടികളാണ്. നിങ്ങളുടെ പേര് തന്നെ പാണ്ഡവസേന എന്നാണ്.
ഒരോരുത്തരേയും ദൂരേക്കു കൊണ്ടു പോകുന്നതിന് നിങ്ങള് കുട്ടികള് യുക്തി
പറഞ്ഞുകൊടുക്കുന്നുണ്ട് - മന്മാനാഭവ, ബാബയെ ഓര്മ്മിക്കൂ. പറയുന്നുമുണ്ട് ബാബാ,
ഞങ്ങളെ ദൂരെ എങ്ങോട്ടെങ്കിലും കൊണ്ടു പോകൂ. പുതിയ ലോകത്തില് ഇങ്ങനെ പറയില്ല.
ഇവിടെ രാവണ രാജ്യമാണ്, അതുകൊണ്ട് പറയുന്നു ഇവിടെ നിന്നും ദൂരേക്കു കൊണ്ടു പോകൂ.
ഇവിടെ ശാന്തിയില്ല. ഇതിന്റെ പേര് തന്നെ ദുഖഃധാമം എന്നാണ്. ഇപ്പോള് ബാബ
നിങ്ങള്ക്ക് ഒരു ബുദ്ധിമുട്ടും നല്കുന്നില്ല. ഭക്തിമാര്ഗത്തില് ബാബയെ
അന്വേഷിച്ച് നിങ്ങള് ഒരുപാടലഞ്ഞു. ബാബ സ്വയം പറയുന്നു, ഞാന് ഗുപ്തം തന്നെയാണ്.
ഈ കണ്ണുകള് കൊണ്ട് ആര്ക്കും എന്നെ കാണാന് സാധിക്കില്ല. കൃഷ്ണ ക്ഷേത്രത്തില്
നമസ്ക്കരിക്കുന്നതിനായി മെതിയടി വെച്ചിട്ടുണ്ട്, ശിരസ്സ് തട്ടിച്ച്
നമസ്ക്കരിക്കുന്നതിനായി എനിക്ക് കാലേയില്ല. നിങ്ങളോടുപറയുന്നു, ഓമനമക്കളേ,
നിങ്ങളും മറ്റുള്ളവരോടു പറയുന്നു- മധുരമായ സഹോദരങ്ങളേ, പാരലൗകിക ബാബയെ
ഓര്മ്മിക്കുകയാണെങ്കില് വികര്മ്മം വിനാശമാകും. മറ്റൊരു ബുദ്ധിമുട്ടുമില്ല. ബാബ
വജ്രസമാനമാക്കി മാറ്റുന്നതു പോലെ കുട്ടികളും മറ്റുള്ളവരെ വജ്രസമാനമാക്കി
മാറ്റുന്നു. മനുഷ്യരെ എങ്ങനെ വജ്രസമാനമാക്കി മാറ്റാം - ഇത് പഠിക്കണം.
ഡ്രാമയനുസരിച്ച് കല്പ-കല്പം, കല്പത്തിന് മുന്പത്തേതുപോലെ ബാബ വന്ന് നമ്മളെ
പഠിപ്പിക്കുന്നു. പിന്നീട് നമ്മള് മറ്റുള്ളവരെ പഠിപ്പിക്കുന്നു. ബാബ
വജ്രസമാനമാക്കി മാറ്റുന്നു. നിങ്ങള്ക്കറിയാം ഖോജകളുടെ ഗുരുവായ ആഗാഖാന് സ്വര്ണ്ണം,
വെള്ളി, വജ്രം എന്നിവകൊണ്ട് തുലാഭാരം നടത്തിയിരുന്നു. നെഹ്റുവിന് സ്വര്ണ്ണത്തില്
തുലാഭാരം നടത്തിയിട്ടുണ്ട്. ഇപ്പോള് അവരാരും തന്നെ വജ്രസമാനമാക്കി
മാറ്റിയിരുന്നില്ല. ബാബ നിങ്ങളെ വജ്രസമാനമാക്കി മാറ്റുന്നു, ബാബക്ക്
നിങ്ങളെങ്ങനെ തുലാഭാരം നടത്തും? നിങ്ങള് വജ്രങ്ങള് വച്ച് എന്തു ചെയ്യും.
നിങ്ങള്ക്കിതിന്റെ ആവശ്യമില്ല. ആളുകള് മത്സരങ്ങളില് ഒരു പാടു കാശ് നേടാറുണ്ട്.
കെട്ടിടവും ഭൂമിയുമെല്ലാം ഉണ്ടാക്കിക്കൊണ്ടിരിക്കുന്നു. നിങ്ങള് കുട്ടികള്
സത്യമായ സമ്പാദ്യം നേടിക്കൊണ്ടിരിക്കുന്നു. നിങ്ങള് ആരില് നിന്നെങ്കിലും കടം
വാങ്ങിയാല് പിന്നീട് 21 ജന്മത്തേക്ക് നിറച്ചുകൊടുക്കേണ്ടി വരും. നിങ്ങള്ക്ക്
ആരില് നിന്നും കടം വാങ്ങുന്നതിനുള്ള അനുവാദമില്ല. നിങ്ങള്ക്കറിയാം ഈ സമയം എല്ലാം
അസത്യമായ സമ്പാദ്യമാണ്, ഇതെല്ലാം നശിക്കും. (ബ്രഹ്മാ)ബാബ നോക്കിയപ്പോള്
ഇവിടെയെല്ലാം കക്കകളാണ്, എനിക്ക് വജ്രം ലഭിക്കാന് പോകുന്നു പിന്നെ ഈ കക്കകള്
കൊണ്ട് എന്ത് ചെയ്യാനാണ്. ബാബയില് നിന്നും എന്തുകൊണ്ട് പരിധിയില്ലാത്ത സമ്പത്ത്
എടുത്തു കൂടാ? ആഹാരം ലഭിക്കുക തന്നെ ചെയ്യും. ഒരു പഴഞ്ചൊല്ലുണ്ട്- ആരുടെ കൈയാണോ
ഇങ്ങനെ (കൊടുക്കുന്ന രൂപത്തില്)... അവര് ആദ്യ നമ്പര് നേടുന്നു. ബാബയെ
പഴയവസ്തുക്കളുടെ വ്യാപാരിയെന്നും വിളിക്കുന്നു. ബാബ പറയുന്നു, നിങ്ങളുടെ പഴയ
വസ്തുക്കളെല്ലാം ഞാന് എക്സ്ചെയിഞ്ച് ചെയ്യുന്നു. ആരെങ്കിലും മരിച്ചാല് പഴയ
സാധനങ്ങളെല്ലാം അത് വാങ്ങിക്കുന്നവര്ക്ക് നല്കാറുണ്ട്. ബാബ പറയുന്നു ഞാന്
നിങ്ങളില് നിന്നും എന്തെടുക്കാനാണ്, ഉദാഹരണവും നോക്കൂ. ദ്രൗപദി ഒരാളല്ല.
നിങ്ങളെല്ലാവരും ദ്രൗപദിമാരാണ്. ബാബാ ഞങ്ങളെ അപമാനിതരാകുന്നതില് നിന്നും
രക്ഷിക്കൂ ഇങ്ങനെ ധാരാളം പേര് വിളിക്കുന്നുണ്ട്. ബാബ വളരെ സ്നേഹത്തോടെ
മനസ്സിലാക്കിത്തരുന്നു - കുട്ടികളേ, ഈ അന്തിമജന്മം പവിത്രമായിരിക്കൂ. അച്ഛന്
തന്റെ മക്കളോട് പറയാറില്ലേ, എന്റെ താടിയുടെ മാനം കാക്കൂ. കുലത്തിന് കളങ്കം
വരുത്തരുത്. നിങ്ങള് മധുര-മധുരമായ കുട്ടികള് എത്ര ലഹരിയുള്ളവരായിരിക്കണം. ബാബ
നമ്മെ വജ്രസമാനമാക്കി മാറ്റുന്നു, ഇദ്ദേഹത്തേയും ബാബ വജ്രസമാനമാക്കി മാറ്റുന്നു.
ഓര്മ്മിക്കേണ്ടത് ശിവബാബയെയാണ്. ഈ ബ്രഹ്മാബാബ പറയുന്നു, എന്നെ ഓര്മ്മിച്ചാല്
നിങ്ങളുടെ വികര്മ്മം വിനാശമാകില്ല. ഞാന് നിങ്ങളുടെ ഗുരുവല്ല. ബാബ എന്നെ
പഠിപ്പിക്കുന്നു, ഞാന് പിന്നീട് നിങ്ങളെ പഠിപ്പിക്കുന്നു. വജ്രസമാനമാകണമെങ്കില്
ബാബയെ ഓര്മ്മിക്കൂ.
ബാബ മനസ്സിലാക്കിത്തരുന്നു - ഭക്തിമാര്ഗത്തില് ദേവതകളുടെ ഭക്തി ചെയ്തിരുന്നു. ആ
സമയവും ബുദ്ധി കടയിലും, ജോലിയിലും അലഞ്ഞു തിരിയുമായിരുന്നു. കാരണം അവിടെ നിന്നും
വരുമാനമുണ്ടല്ലോ. ബാബ തന്റെ അനുഭവം കേള്പ്പിക്കാറുണ്ട്, ബുദ്ധി പലയിടങ്ങളിലും
അലയുമ്പോള് സ്വയം തന്നെ ശിക്ഷിക്കുമായിരുന്നു - എന്തിനാണിതൊക്കെ ഓര്മ്മ വരുന്നത്?
അതുകൊണ്ട് നമ്മള് ആത്മാക്കള്ക്ക് ഒരു ബാബയെ മാത്രം ഓര്മ്മിക്കണം. എന്നാല് മായ
അടിക്കടിക്ക് മറപ്പിക്കും, മര്ദ്ദിക്കുമായിരുന്നു. മായ ബുദ്ധിയോഗം
വിടുവിപ്പിക്കുന്നു. ഇങ്ങനെയിങ്ങനെ അവനവനോടു സംസാരിക്കണം. ബാബ പറയുന്നു ഇപ്പോള്
തന്റേയും മറ്റുള്ളവരുടേയും മംഗളം ചെയ്യൂ, സെന്ററുകള് തുറക്കൂ. ചില കുട്ടികള്
ചോദിക്കാറുണ്ട് ബാബാ, ഇന്ന സ്ഥലത്ത് സെന്റര് തുറക്കട്ടേ? ബാബ പറയുന്നു ഞാന്
ദാതാവാണ്. എനിക്കൊന്നിന്റേയും ആവശ്യമില്ല. ഈ കെട്ടിടങ്ങളൊക്കെ നിങ്ങള്
കുട്ടികള്ക്ക് വേണ്ടിയാണ് ഉണ്ടാക്കുന്നത്. ശിവബാബ നിങ്ങളെ വജ്രസമാനമാക്കി
മാറ്റുന്നതിന് വേണ്ടി വന്നിരിക്കുന്നു. നിങ്ങള് എന്തെല്ലാം ചെയ്യുന്നുവോ അതെല്ലാം
നിങ്ങള്ക്ക് തന്നെ ഉപകാരപ്പെടും. ശിഷ്യന്മാരെ തയാറാക്കുന്ന ഒരു ഗുരുവല്ല ഇത്.
കുട്ടികള് തങ്ങള്ക്ക് താമസിക്കുവാന് വേണ്ടി കെട്ടിടങ്ങള് പണിയുന്നു. പിന്നീട്
കെട്ടിടം നിര്മ്മിച്ച് തന്നവര് വരുമ്പോള് സത്ക്കരിക്കുന്നു - താങ്കള് മുകളില്
പുതിയ കെട്ടിടത്തില് താമസിക്കൂ. ചിലര് പറയുന്നു, ഞാനെന്തിന് പുതിയ വീട്ടില്
താമസിക്കണം, എനിക്ക് പഴയ വീടു തന്നെയാണിഷ്ടം. ഞാന് ബാബ കഴിയുന്നതു പോലെ
കഴിഞ്ഞോളാം എന്ന് പറയുന്നു. ഞാന് ദാതാവാണ് എന്ന അഹങ്കാരമൊന്നും എനിക്കില്ല.
ബാപ്ദാദ പുതിയ കെട്ടിടത്തില് താമസിക്കുന്നില്ലെങ്കില് ഞാനുമെന്തിന് താമസിക്കണം.
എന്നെയും ബാബയോടൊപ്പം ചേര്ക്കൂ. എത്രത്തോളം ബാബയോടൊപ്പം ഇരിക്കാന് സാധിക്കുമോ
അത്രയും നല്ലതാണ്.
ബാബ പറയുന്നു പുരുഷാര്ത്ഥം ചെയ്യുന്നതിനനുസരിച്ച് സുഖധാമത്തില് ഉയര്ന്ന പദവി
നേടാം. സ്വര്ഗത്തില് സര്വ്വരും പോകുമല്ലോ. ഭാരതവാസികള്ക്കറിയാം ഭാരതം
പുണ്യാത്മാക്കളുടെ ലോകമായിരുന്നു, പാപത്തിന്റെ പേരു പോലും ഉണ്ടായിരുന്നില്ല.
ഇപ്പോള് പാപത്മാക്കളായി. ഇത് രാവണരാജ്യമാണ്. സത്യയുഗത്തില് രാവണനില്ല.
അരകല്പത്തിന് ശേഷമാണ് രാവണരാജ്യം ആരംഭിക്കുന്നത്. ബാബ എത്ര
മനസ്സിലാക്കിത്തന്നാലും മനസ്സിലാക്കുന്നില്ല. കല്പ-കല്പം ഇങ്ങിനെതന്നെയാണ്
സംഭവിക്കുന്നത്. പുതിയ കാര്യമല്ല. നിങ്ങള് പ്രദര്ശിനികള് നടത്തുമ്പോള്
എത്രപേരാണ് വരുന്നത്. പ്രജകള് ധാരാളം തയ്യാറാകും. വജ്ര സമാനമാകുന്നതില് സമയം
എടുക്കും. പ്രജകള് തയ്യാറായാലും നല്ലതാണ്. ഇപ്പോള് അന്തിമസമയമാണ്. സര്വ്വരുടേയും
കര്മ്മക്കണക്ക് തീരണം. ബഹുമതിയോടെ വിജയിക്കുന്ന ആകുന്ന 8 പേരുടെ മാലയുണ്ട്. 8
മുത്തുകള് തന്നെയാണ് നമ്പര്വണ്ണിലേക്കു വരുന്നത്, അവര്ക്ക് അല്പം പോലും ശിക്ഷ
ലഭിക്കില്ല. കര്മ്മാതീതാവസ്ഥയെ പ്രാപ്തമാക്കുന്നു. അതിന് ശേഷം 108 പേര്.
സംഖ്യാക്രമം തന്നെയാണ്. ഇത് അനാദിയായി നിര്മ്മിച്ചിരിക്കുന്ന നാടകമാണ്, ആര്
നല്ല പുരുഷാര്ത്ഥം ചെയ്യുന്നു, ഏതെല്ലാം കുട്ടികളാണ് പിറകേ വരുന്നത്,
ശ്രീമതമനുസരിച്ച് നടക്കുന്നത് ഇതെല്ലാം സാക്ഷിയായി കാണണം. പിന്നീട് മുന്നോട്ട്
പോകുമ്പോള് ചിലപ്പോള് ഗ്രഹപ്പിഴയും വരുന്നുണ്ട്. ഈ കയറ്റവും ഇറക്കവും
എല്ലാവര്ക്കും സംഭവിക്കുന്നുണ്ട്. ഇത് സമ്പാദ്യമാണ്. ചിലപ്പോള് വളരെയധികം
സന്തോഷിക്കും, ചിലപ്പോള് സന്തോഷം കുറയും. മായയുടെ കൊടുങ്കാറ്റ് അല്ലെങ്കില്
മോശമായ കൂട്ടുകെട്ട് പുറകിലേക്ക് വലിക്കുന്നു. സന്തോഷം നഷ്ടപ്പെടുന്നു.
പറയാറുണ്ട് - നല്ല കൂട്ടുകെട്ട് ഉയര്ത്തും മോശമായ കൂട്ടുകെട്ട് താഴ്ത്തും.
ഇപ്പോള് രാവണന്റെ കൂട്ടുകെട്ട് താഴ്ത്തും, രാമന്റെ കൂട്ടുകെട്ട് ഉയര്ത്തും.
രാവണന്റെ മതമനുസരിച്ച് ഇങ്ങനെയായി. ദേവതകള് പോലും വാമമാര്ഗത്തിലേക്ക് പോകുന്നു.
ദേവതകളുടെ എത്ര മോശമായ ചിത്രങ്ങളാണ് കാണിച്ചിരിക്കുന്നത്. വാമമാര്ഗത്തിലേക്കു
പോകുന്നതിന്റെ അടയാളങ്ങളാണിത്. ഭാരതത്തില് രാമരാജ്യം ഉണ്ടായിരുന്നു, അതേ
ഭാരതത്തില്ത്തന്നെയാണ് ഇപ്പോള് രാവണരാജ്യവും. രാവണരാജ്യത്തില് 100 ശതമാനം
ദുഃഖികളാണ്. ഇത് കളിയാണ്. ഈ ജ്ഞാനം ആര്ക്കും മനസ്സിലാക്കി കൊടുക്കുന്നത് വളരെ
സഹജമാണ്.
(ഒരു നഴ്സ് ബാബയുടെ മുന്നില് ഇരിക്കുക്കുന്നുണ്ടായിരുന്നു) ബാബ ഈ കുട്ടിയോടു
പറയുകയാണ്, നഴ്സല്ലേ, ആ സേവനവും ചെയ്തോളൂ, ഒപ്പം തന്നെ ഈ സേവനവും ചെയ്യാന്
സാധിക്കും. രോഗികള്ക്കും ഈ ജ്ഞാനം കേള്പ്പിച്ചുകൊണ്ടിരിക്കൂ - ബാബയെ
ഓര്മ്മിക്കുകയാണെങ്കില് വികര്മ്മം വിനാശമാകും, 21 ജന്മത്തേക്ക് നിങ്ങള്
രോഗിയാകില്ല. യോഗത്തിലൂടെ ആരോഗ്യവും, 84ന്റെ ചക്രത്തെ മനസ്സിലാക്കുന്നതിലൂടെ
സമ്പത്തും ലഭിക്കുന്നു. നിങ്ങള്ക്ക് വളരെപ്പേരുടെ സേവനം ചെയ്യാന് സാധിക്കും.
വളരെപ്പേരുടെ മംഗളം ചെയ്യും. ലഭിക്കുന്ന പണവും ഈ സേവനത്തില് ഉപയോഗിക്കാം.
വാസ്തവത്തില് നിങ്ങളെല്ലാവരും നഴ്സുമാര്തന്നെയല്ലേ. മോശമായ മനുഷ്യരെ
ദേവതയാക്കുക ,ഇത് നഴ്സ് ചെയ്യുന്നതു പോലുള്ള സേവനം തന്നെയല്ലേ. ബാബയും പറയുന്നു
എന്നെ പതിത മനുഷ്യരാണ് വിളിക്കുന്നത് വന്ന് പാവനമാക്കി മാറ്റൂ. നിങ്ങളും ഈ
രോഗികളുടെ സേവനം ചെയ്യൂ എങ്കില് നിങ്ങളില് ബലിയര്പ്പണമാകും. നിങ്ങളിലൂടെ
സാക്ഷാത്കാരവും ഉണ്ടാകും. അഥവാ യോഗയുക്തരാണെങ്കില് വലിയ വലിയ സര്ജന്മാര് പോലും
നിങ്ങളുടെ പാദങ്ങളില് വന്ന് വീഴും. നിങ്ങള് ചെയ്തു നോക്കൂ. ഇവിടെ
റിഫ്രെഷാകുന്നതിന് വേണ്ടി മേഘങ്ങള് വരുന്നു. പിന്നീട് തിരിച്ചുപോയി മഴ
പെയ്യിപ്പിച്ച് മറ്റുള്ളവരേയും റിഫ്രെഷാക്കുന്നു. മഴ എങ്ങനെയാണ് പെയ്യുന്നതെന്ന്
പോലും ചില കുട്ടികള്ക്കറിയില്ല. ഇന്ദ്രനാണ് മഴ പെയ്യിപ്പിക്കുന്നത് എന്ന്
വിചാരിക്കുന്നു. ഇന്ദ്രധനുസ്സെന്നും പറയാറില്ലേ. ശാസ്ത്രങ്ങളില് എന്തെല്ലാം
കാര്യങ്ങള് എഴുതി വച്ചിരിക്കുന്നു. ബാബ പറയുന്നു, ഡ്രാമയില് ഉള്ള കാര്യങ്ങള്
വീണ്ടും നടക്കും. നമ്മള് ആരേയും കുറ്റപ്പെടുത്തുന്നില്ല, ഇതു തയ്യാറാക്കി
വച്ചിരിക്കുന്ന അനാദി നാടകമാണ്. ഇതു ഭക്തിമാര്ഗമാണെന്ന് മനസ്സിലാക്കിത്തരുന്നു.
ജ്ഞാനം, ഭക്തി, വൈരാഗ്യം എന്ന് പറയുന്നുമുണ്ട്. ഈ പഴയ ലോകത്തിനോട് നിങ്ങള്
കുട്ടികള്ക്ക് വൈരാഗ്യമാണ്. താങ്കള് മരിച്ചാല് ലോകവും മരിച്ചു. ആത്മാവു
ശരീരത്തില് നിന്നും വേറിട്ടു കഴിഞ്ഞാല് ലോകവും അവസാനിച്ചു.
ബാബ കുട്ടികള്ക്ക് മനസ്സിലാക്കി തരുന്നു - മധുരമായ കുട്ടികളേ, പഠനത്തില്
അശ്രദ്ധരാകരുത്. മുഴുവന് ആധാരവും പഠിപ്പാണ്. ചില വക്കീലന്മാര് ഒരു ലക്ഷം
സമ്പാദിക്കുന്നുണ്ടെങ്കില് ചിലര്ക്ക് കോട്ടുവാങ്ങാനുള്ള കാശുപോലും
കിട്ടുന്നില്ല. പഠിപ്പ് തന്നെയാണ് എല്ലാത്തിന്റേയും ആധാരം. ഈ പഠിപ്പ് വളരെ
സഹജമാണ്. സ്വദര്ശന ചക്രധാരിയാകുക അര്ത്ഥം 84 ജന്മങ്ങളുടെ ആദി മധ്യ
അന്ത്യത്തെക്കുറിച്ചു മനസ്സിലാക്കുക. ഇപ്പോള് ഈ മുഴുവന് വൃക്ഷവും
ജീര്ണ്ണാവസ്ഥയിലാണ്, അടിത്തറയില്ല. ബാക്കി മുഴുവന് വൃക്ഷവും നില്ക്കുന്നുണ്ട്.
തായ്ത്തടിയായിരുന്ന ആദി സനാതന ദേവീ ദേവതാ ധര്മ്മം ഇപ്പോള് ഇല്ല. ധര്മ്മഭ്രഷ്ടവും
കര്മ്മഭ്രഷ്ടവുമായിരിക്കുന്നു. ആര്ക്കും സദ്ഗതി നല്കുവാന് മനുഷ്യര്ക്ക്
സാധിക്കില്ല. ബാബ ഇക്കാര്യങ്ങളെല്ലാം മനസ്സിലാക്കി തരുന്നു. നിങ്ങള് സദാ
കാലത്തേക്കു സുഖികളായി മാറുന്നു. ഒരിക്കലും അകാലമരണം സംഭവിക്കില്ല. ഇന്നയാള്
മരിച്ചു പോയി എന്ന അക്ഷരം അവിടെയില്ല. ബാബ വഴി പറഞ്ഞു തരുന്നു, വളരെപ്പേര്ക്ക്
വഴി പറഞ്ഞുകൊടുക്കുകയാണെങ്കില് അവര് നിങ്ങളില് ബലിയാകും. ചിലര്ക്ക്
സാക്ഷാത്കാരവും ലഭിക്കും. ലക്ഷ്യത്തിന്റെ സാക്ഷാത്കാരമാണ് ലഭിക്കുന്നത്. അതിന്
വേണ്ടി പഠിക്കുകയും വേണമല്ലോ. പഠിക്കാതെ ആരും വക്കീലാകില്ല. സാക്ഷാത്കാരം
കിട്ടിയാലുടനെ മുക്തമായി എന്നല്ല. മീരക്ക് സാക്ഷാത്കാരമുണ്ടായി, എന്നാല്
കൃഷ്ണപുരിയിലേക്ക് പോയില്ലല്ലോ? തീവ്ര ഭക്തി ചെയ്യുമ്പോള് സാക്ഷാത്കാരം
ലഭിക്കുന്നു. ഇവിടെ പരിശ്രമം ഓര്മ്മയാണ്. സന്യാസിമാര് ബ്രഹ്മജ്ഞാനികളും
തത്വജ്ഞാനികളുമാണ്. ബ്രഹ്മത്തില് ലീനമാകുക, അത്രയും മതിയവര്ക്ക്. എന്നാല്
ബ്രഹ്മം പരമാത്മാവല്ലല്ലോ?
ഇപ്പോള് ബാബ പറയുന്നു ശരീരനിര്വ്വാഹത്തിന് വേണ്ടി ട്രസ്റ്റിയാണെന്ന്
മനസ്സിലാക്കി തന്റെ ജോലിക്കാര്യങ്ങളെല്ലാം ചെയ്തോളൂ, അപ്പോള് ഉയര്ന്ന പദവി
ലഭിക്കും. പിന്നീട് മമത്വം ഇല്ലാതാകും. ബാബ ഇതെല്ലാം എടുത്ത് എന്ത് ചെയ്യാനാണ്?
ഈ ബ്രഹ്മാബാബ ഇതെല്ലാം ഉപേക്ഷിച്ചതല്ലേ. വീടോ കൊട്ടാരമോ ഒന്നും പണിയാനില്ല. ഈ
വീടുകളൊക്കെ പണിയുന്നത് ഒരുപാടു കുട്ടികള് വരും എന്നുള്ളതുകൊണ്ടാണ്. ആബുറോഡു
മുതല് ഇവിടെ വരെ ക്യൂ ഉണ്ടാകും. ഇപ്പോള് നിങ്ങളുടെ പ്രഭാവം ഉണ്ടായാല് തല കേട്
വരും. പ്രസിദ്ധരായ ആളുകള് വന്നാല് തിരക്ക് വര്ദ്ധിക്കും. അതിനാല് അന്തിമത്തില്
നിങ്ങളുടെ പ്രഭാവം ഉണ്ടാകും, ഇപ്പോഴല്ല. ബാബയെ ഓര്മ്മിക്കുവാന് അഭ്യസിച്ചാല്
പാപം ഇല്ലാതാകും. ഇങ്ങനെ ഓര്മ്മയില് ശരീരം ഉപേക്ഷിക്കണം. സത്യയുഗത്തിലും ശരീരം
ഉപേക്ഷിക്കും. ഒരു ശരീരം ഉപേക്ഷിച്ച് പുതിയ ശരീരം എടുക്കുമെന്ന് മനസ്സിലാക്കും.
ഇവിടെ എത്രയാണ് ദേഹാഭിമാനം. വ്യത്യാസമുണ്ടല്ലോ. ഇക്കാര്യങ്ങളെല്ലാം നോട്ട്
ചെയ്യണം, ചെയ്യിക്കണം. മറ്റുള്ളവരേയും തനിക്കു സമാനം വജ്രമാക്കേണ്ടി വരും.
പുരുഷാര്ത്ഥം എത്രത്തോളം ചെയ്യുന്നു എന്നതിനനുസരിച്ച് ഉയര്ന്ന പദവി ലഭിക്കും.
ഇതു മനസ്സിലാക്കിത്തരുന്നത് ബാബയാണ്, മുനിയോ, സന്യാസിയോ അല്ല.
ഈ ജ്ഞാനം വളരെ രസകരമാണ്. നല്ല രീതിയില് ഇത് ധാരണ ചെയ്യണം. ബാബ പറഞ്ഞത്
ഇവിടെത്തന്നെ കളഞ്ഞു പോകുന്ന രീതിയാകരുത്. ഗീതത്തിലും കേട്ടില്ലേ, ഒപ്പം കൊണ്ടു
പോകൂ എന്ന്. ഇക്കാര്യങ്ങളൊന്നും നിങ്ങള്ക്ക് മുന്പ് അറിയില്ലായിരുന്നു, ഇപ്പോള്
ബാബ മനസ്സിലാക്കിത്തരുന്നു അപ്പോഴാണ് മനസ്സിലാക്കുന്നത്. ശരി!
വളരെക്കാലത്തെ വേര്പാടിനുശേഷം തിരിച്ചുകിട്ടിയ മധുരമധുരമായ കട്ടികള്ക്ക് മാതാവും
പിതാവുമായ ബാപ്ദാദയുടെ സ്നേഹസ്മരണയും സുപ്രഭാതവും. ആത്മീയ അച്ഛന്റെ ആത്മീയ
കുട്ടികള്ക്ക് നമസ്കാരം.
ധാരണയ്ക്കുള്ള മുഖ്യ സാരം:-
1)
പഠിപ്പില് പിഴവു വരുത്തരുത്. സ്വദര്ശന ചക്രധാരിയായി ഇരിക്കണം. വജ്ര
സമാനമാക്കുന്നതിന്റെ സേവനം ചെയ്യണം.
2) സത്യമായ സമ്പാദ്യം
നേടണം, നേടിക്കൊടുക്കണം. തന്റെ എല്ലാ പഴയ വസ്തുക്കളും എക്സ്ചേഞ്ച് ചെയ്യണം.
മോശമായ കൂട്ടുകെട്ടില് നിന്നും സ്വയം സംരക്ഷിക്കണം.
വരദാനം :-
വിശ്വത്തിലെ
ഏറ്റവും അമൂല്യമായ രത്നമായി മാറി, ഭക്തര്ക്ക് ദൃഷ്ടിയിലൂടെ സായൂജ്യം നല്കുന്ന
ദര്ശനീയമൂര്ത്തിയായി ഭവിക്കട്ടെ.
മുഴുവന് വിശ്വവും താങ്കള്
അമൂല്യമായ ദൃഷ്ടിയുള്ളവരുടെ ദര്ശനം ലഭിക്കാന് കാത്തിരിക്കുകയാണ്.എപ്പോഴാണോ
ലോകത്തിലെ ഏറ്റവും വിലപിടിപ്പുള്ള രത്നങ്ങളായ താങ്കള് സമ്പൂര്ണ്ണസ്റ്റേജിലേക്ക്
എത്തിച്ചേരുന്നത് അഥവാ താങ്കള് സമ്പൂര്ണ്ണതയുടെ ദൃഷ്ടി നല്കുന്നത് അപ്പോള് ഈ
വിശ്വം പരിവര്ത്തനമാകുകയും, താങ്കള് ദര്ശനം നല്കാന് യോഗ്യരായ ആത്മാക്കള്ക്ക്
തങ്ങളുടെ ദൃഷ്ടിയിലൂടെ ഭക്ത ആത്മാക്കള്ക്ക് സായൂജ്യം നല്കാന് സാധിക്കുകയും
ചെയ്യും. ദൃഷ്ടിയിലൂടെ സായൂജ്യം ലഭിക്കാനായി വരുന്നവരുടെ നീണ്ട നിര തന്നെ
ഉണ്ടാകും.അതിനാല് സമ്പൂര്ണ്ണതയുടെ ദൃഷ്ടി എപ്പോഴും തുറന്നുവെക്കണം.കണ്ണുകള്
ഇടറുകയും,സങ്കല്പങ്ങളില് അലസതയും, അശ്രദ്ധയും ഉണ്ടാകുകയും ചെയ്യുന്നതിനെ
ഇല്ലാതാക്കിയാല് മാത്രമേ ദര്ശനം നല്കാന്, യോഗ്യരായി മാറാന് സാധിക്കുകയുള്ളൂ.
സ്ലോഗന് :-
നിര്മ്മല
സ്വഭാവം വിനയത്തിന്റെ അടയാളമാണ്,നിര്മ്മലരായി മാറുന്നവര്ക്ക് സഫലത ലഭിക്കുന്നു.
തന്റെ ശക്തിശാലിയായ
മനോസ്ഥിതിയിലൂടെ സകാശ് നല്കുന്നതിനുള്ള സേവനം ചെയ്യൂ
മനസ്സിനെയും, ബുദ്ധിയെയും
ഏകാഗ്രമാക്കുന്നതിനായി മന്മനാഭവ മന്ത്രത്തെ സദാ സ്മൃതിയില്
വെക്കണം.പ്രാക്ടിക്കല് ആയി ധാരണ ചെയ്യുന്നതിലൂടെ ആദ്യത്തെ റാങ്കില്
എത്തിച്ചേരാനാകും.മനസ്സിന്റെ ഏകാഗ്രതയെന്നാല് ഒരേയൊരാളുടെ ഓര്മ്മയില് ഏകാഗ്രമായി
ഇരിക്കുക.ഇതിനെത്തന്നെയാണ് ഒരേയൊരാളുടെ ഓര്മ്മയില് ലയിച്ചുചേരുക എന്നു
പറയുന്നത്.എപ്പോഴാണോ എല്ലാ ആകര്ഷണങ്ങളുടെയും വൈബ്രേഷനില് നിന്നും
അന്തര്മുഖരാകുന്നത് അപ്പോള് തന്റെ മനോസ്ഥിതിയിലൂടെ മുഴുവന് വിശ്വത്തിനും സകാശ്
നല്കുന്നതിനുള്ള സേവനം ചെയ്യാന് കഴിയും.