മധുരമായ കുട്ടികളേ-
ശരീരസഹിതം എന്തെല്ലാം കാണുന്നുവോ, അതെല്ലാം വിനാശമാകാനുള്ളതാണ്, നിങ്ങള്
ആത്മാക്കള്ക്ക് ഇപ്പോള് വീട്ടിലേക്ക് തിരിച്ചുപോകണം, അതുകൊണ്ട് പഴയ ലോകത്തെ
മറക്കൂ.
ചോദ്യം :-
നിങ്ങള് കുട്ടികള്ക്ക് ഏത് വാക്കുകള് കൊണ്ട് എല്ലാവര്ക്കും ബാബയുടെ സന്ദേശം
കേള്പ്പിക്കാന് കഴിയും?
ഉത്തരം :-
എല്ലാവരോടും
പറയൂ, പരിധിയില്ലാത്ത ബാബ പരിധിയില്ലാത്ത സമ്പത്ത് നല്കാന് വന്നിരിക്കുകയാണ്.
ഇപ്പോള് പരിധിയുള്ള സമ്പത്തിന്റെ സമയം പൂര്ത്തിയായിക്കഴിഞ്ഞു, അതായത് ഭക്തി
പൂര്ത്തിയായി. ഇപ്പോള് രാവണരാജ്യം അവസാനിക്കുകയാണ്. ബാബ വന്നിരിക്കുകയാണ്
നിങ്ങളെ രാവണന്റെ അഞ്ച് വികാരങ്ങളാകുന്ന ജയിലില്നിന്നും മോചിപ്പിക്കാന്. ഇത്
പുരുഷോത്തമ സംഗമയുഗമാണ്, ഇവിടെ പുരുഷാര്ത്ഥം ചെയ്ത് ദൈവീകഗുണമുള്ളവരായി മാറണം.
കേവലം പുരുഷോത്തമസംഗമയുഗമാണെന്ന് മനസ്സിലാക്കിയാല് തന്നെ സ്ഥിതി ശ്രേഷ്ഠമാക്കാന്
കഴിയും.
ഓംശാന്തി.
ഇപ്പോള് ആത്മീയ കുട്ടികള് എന്താണ് ചെയ്തുകൊണ്ടിരിക്കുന്നത്? ഒന്നിന്റെ മാത്രം
ഓര്മ്മയിലാണോ ഇരിക്കുന്നത്. ഒന്ന് ഏകദൈവാരാധന, രണ്ടാമത്തേത് ബഹുദൈവാരാധന.
ഒന്നിന്റെ മാത്രം ഓര്മ്മ അതായത് ഏകദൈവാരാധന എപ്പോള് ആദ്യം ആരംഭിക്കുന്നുവോ
അപ്പോള് എല്ലാവരും ശിവന്റെ പൂജ ചെയ്യുന്നു. ഉയര്ന്നതിലും ഉയര്ന്ന ഭഗവാന് ശിവനാണ്,
ബാബ പിതാവുമാണ് ശിക്ഷകനുമാണ്. പഠിപ്പിക്കുകയാണ്. എന്താണ് പഠിപ്പിക്കുന്നത്?
മനുഷ്യനെ ദേവതയാക്കി മാറ്റുകയാണ്. ദേവതയില്നിന്നും മനുഷ്യനായി മാറാന് നിങ്ങള്
കുട്ടികള്ക്ക് 84 ജന്മം എടുക്കേണ്ടതായി വന്നു, എന്നാല് മനുഷ്യനില്നിന്നും
ദേവതയായി മാറാന് ഒരു സെക്കന്റു മതി. ഇത് കുട്ടികള്ക്കറിയാം - നമ്മള് ബാബയുടെ
ഓര്മ്മയിലാണ് ഇരിക്കുന്നത്. ബാബ നമ്മുടെ ടീച്ചറുമാണ്, സദ്ഗുരുവുമാണ്. ഒന്നിന്റെ
മാത്രം ഓര്മ്മയിലിരിക്കൂ എന്ന യോഗം പഠിപ്പിക്കുകയാണ്. ബാബ സ്വയം പറയുകയാണ്-
അല്ലയോ ആത്മാക്കളേ, അല്ലയോ കുട്ടികളേ ദേഹത്തിന്റെ എല്ലാ സംബന്ധങ്ങളെയും
ഉപേക്ഷിക്കൂ, ഇപ്പോള് തിരിച്ചുപോകണം. ഈ പഴയ ലോകം
പരിവര്ത്തനപ്പെട്ടുകൊണ്ടിരിക്കുകയാണ്. ഇപ്പോള് ഇവിടെ ഇരിക്കേണ്ടതില്ല. പഴയ
ലോകത്തിന്റെ വിനാശത്തിനുവേണ്ടിയാണ് ഈ വെടിക്കോപ്പുകളെല്ലാം
ഉണ്ടാക്കിയിരിക്കുന്നത്. പ്രകൃതിക്ഷോഭവും സഹായിക്കും. തീര്ച്ചയായും വിനാശം
ഉണ്ടാകും. നിങ്ങള് പുരുഷോത്തമസംഗമയുഗത്തിലാണ്. ആത്മാക്കള്ക്കറിയാം നമ്മള്
ഇപ്പോള് തിരിച്ചുപൊയ്ക്കൊണ്ടിരിക്കുകയാണ്. അതുകൊണ്ട് ബാബ പറയുകയാണ് ഈ പഴയ
ലോകത്തേയും, പഴയ ദേഹത്തെയും ഉപേക്ഷിക്കണം. ദേഹസഹിതം എന്തെല്ലാം ഈ ലോകത്തില്
കാണുന്നുണ്ടോ, ഇതെല്ലാം വിനാശമാകാനുള്ളതാണ്. ശരീരവും ഇല്ലാതാകും. ഇപ്പോള് നമ്മള്
ആത്മാക്കള്ക്ക് വീട്ടിലേക്ക് മടങ്ങണം. തിരിച്ചുപോകാതെ പുതിയ ലോകത്തിലേക്ക് വരാന്
സാധിക്കില്ല. ഇപ്പോള് നിങ്ങള് പുരുഷോത്തമനായി മാറാനുള്ള പുരുഷാര്ത്ഥം
ചെയ്തുകൊണ്ടി രിക്കുകയാണ്. പുരുഷോത്തമര് ഈ ദേവതകളാണ്. ഏറ്റവും ഉയര്ന്നതിലും
ഉയര്ന്നത് നിരാകാരനായ ബാബയാണ്. മനുഷ്യസൃഷ്ടിയിലേക്ക് വരുമ്പോള് ഇവിടെ ഉയര്ന്നത്
ദേവതകളാണ്. ദേവതകളും മനുഷ്യരാണ് പക്ഷേ ദൈവീക ഗുണങ്ങളുള്ളവരാണ്. വീണ്ടും അവര്
തന്നെ ആസുരീയ അവഗുണങ്ങളുള്ളവരായി മാറുന്നു. ഇപ്പോള് വീണ്ടും
ആസുരീയഅവഗുണങ്ങളില്നിന്നും ദൈവീകഗുണങ്ങളിലേക്ക് പോകണം. സത്യയുഗത്തിലേക്ക് പോകണം.
ആര്ക്ക് ? നിങ്ങള് കുട്ടികള്ക്ക്. നിങ്ങള് കുട്ടികള് പഠിച്ചുകൊണ്ടിരിക്കുകയാണ്
മറ്റുള്ളവരേയും പഠിപ്പിക്കണം. കേവലം ബാബയുടെ സന്ദേശം കൊടുക്കണം. പരിധിയില്ലാത്ത
ബാബ പരിധിയില്ലാത്ത സമ്പത്ത് തരാന് വന്നിരിക്കുകയാണ്. ഇപ്പോള് പരിധിയുള്ള
സമ്പത്ത് പൂര്ത്തിയായി.
ബാബ മനസ്സിലാക്കിത്തരികയാണ് - 5 വികാരങ്ങളാകുന്ന രാവണന്റെ ജയിലിലാണ് എല്ലാ
മനുഷ്യരും. എല്ലാവരും ദുഃഖമാണ് അനുഭവിക്കുന്നത്. വെറും ഉണക്കചപ്പാത്തിയാണ്
ലഭിക്കുന്നത്. ബാബ വന്ന് എല്ലാവരേയും രാവണന്റെ ജയിലില്നിന്നും മോചിപ്പിച്ച് സദാ
സുഖിയാക്കി മാറ്റുകയാണ്. ബാബയ്ക്കല്ലാതെ മനുഷ്യരെ ദേവതയാക്കി മാറ്റാന് വേറെ
ആര്ക്കും സാധിക്കില്ല. നിങ്ങള് ഇവിടെ ഇരിക്കുന്നത്, മനുഷ്യനില്നിന്നും ദേവതയായി
മാറുന്നതിനുവേണ്ടിയാണ്. ഇപ്പോള് കലിയുഗമാണ്. വളരെയധികം മതങ്ങളാണ്. നിങ്ങള്
കുട്ടികള്ക്ക് രചയിതാവിന്റേയും രചനയുടേയും പരിചയം സ്വയം ബാബ പറഞ്ഞുതരികയാണ്.
നിങ്ങള് വെറുതെ ഈശ്വരനെന്നും, പരമാത്മാവെന്നും പറയുക മാത്രം ചെയ്തു. നിങ്ങള്ക്ക്
അറിയുമായിരുന്നില്ല ബാബ നമുക്ക് പിതാവാണ്, ടീച്ചറാണ് ഗുരു കൂടിയാണ്. ബാബയെ
സദ്ഗുരുവെന്ന് പറയുന്നു. അകാലമൂര്ത്തിയെന്നും പറയുന്നു. നിങ്ങള് ആത്മാവിനെ
ജീവാത്മാവെന്ന് പറയുന്നു. അകാലമൂര്ത്തിയായ ബാബ ഈ ദേഹമാകുന്ന
സിംഹാസനത്തിലിരിക്കുന്നു. ബാബ ജന്മങ്ങളെടുക്കുന്നില്ല. അകാലമൂര്ത്തിയായ ബാബ
കുട്ടികള്ക്ക് മനസ്സിലാക്കിത്തരികയാണ് - എനിക്ക് എന്റെതായ രഥം ഇല്ല, ഞാന്
നിങ്ങള് കുട്ടികളെ എങ്ങനെ പാവനമാക്കി മാറ്റും! എനിക്കും രഥം ആവശ്യമല്ലേ.
അകാലമൂര്ത്തിക്കും സിംഹാസനം വേണം. അകാലമായ സിംഹാസനം മനുഷ്യര്ക്കാണ് ഉള്ളത്, വേറെ
ആര്ക്കും ഇല്ല. നിങ്ങള് ഓരോരുത്തര്ക്കും സിംഹാസനം വേണം. അകാലമൂര്ത്തിയായ ബാബ
ഇവിടെയാണ് വസിക്കുന്നത്. ബാബ എല്ലാവര്ക്കും പിതാവാണ്, മഹാകാലനെന്ന് ബാബയെ
പറയുന്നു, ബാബ പുനര്ജ്ജന്മത്തിലേക്ക് വരുന്നില്ല. നിങ്ങള് ആത്മാക്കള്
പുനര്ജ്ജന്മത്തിലേക്ക് വരുന്നുണ്ട്. ഞാന് വരുന്നത് കല്പത്തിലെ
സംഗമയുഗത്തിലേക്കാണ്. ഭക്തിയെ രാത്രിയെന്നും, ജ്ഞാനത്തെ പകലെന്നും പറയുന്നു. ഇത്
പക്കായായി ഓര്മ്മിക്കൂ. മുഖ്യമായത് 2 കാര്യങ്ങളാണ് - ബാബയും ചക്രവര്ത്തി പദവിയും.
ബാബ വന്ന് ചക്രവര്ത്തി പദവി നല്കുന്നു. ചക്രവര്ത്തിയാകാന് പഠിപ്പിക്കുന്നു.
അതുകൊണ്ടാണ് ഇത് പാഠശാലയെന്ന് പറയപ്പെടുന്നത്. ഭഗവാനുവാചയാണ്, ഭഗവാന്
നിരാകാരനാണ്. ബാബക്കും പാര്ട്ട് വേണം. ഉയര്ന്നതിലും ഉയര്ന്നത് ഭഗവാനാണ്,
എല്ലാവരും ആ ഭഗവാനെത്തന്നെയാണ് ഓര്മ്മിക്കുന്നത്. ബാബ പറയുകയാണ് ഭക്തിയില്
ഈശ്വരനെ ഓര്മ്മിക്കാത്തവരായി ഒരു മനുഷ്യരുമുണ്ടാകില്ല . ഹൃദയം കൊണ്ട് എല്ലാവരും
വിളിക്കുകയാണ് - അല്ലയോ ഭഗവാന്, അല്ലയോ മുക്തിദാതാവേ, ഓ ഗോഡ് ഫാദര്. കാരണം ബാബ
എല്ലാ ആത്മാക്കളുടേയും പിതാവാണ്, തീര്ച്ചയായും പരിധിയില്ലാത്ത സുഖമാണ്
നല്കുന്നത്. പരിധിയുള്ള പിതാവ് പരിധിയുള്ള സുഖമാണ് നല്കുന്നത്. ഇതാര്ക്കും
അറിയുന്നില്ല. ഇപ്പോള് ബാബ വന്നിരിക്കുകയാണ്, പറയുന്നു - കുട്ടികളേ, മറ്റെല്ലാ
സംഗങ്ങളും ഉപേക്ഷിച്ച് എന്നെ മാത്രം ഓര്മ്മിക്കണം. ഇതും ബാബ പറഞ്ഞിട്ടുണ്ട്
നിങ്ങള് ദേവീദേവതകള് പുതിയ ലോകത്തില് ഇരുന്നവരാണ്. അവിടെ അപാരമായ സുഖമാണ്.
സുഖത്തിന് പരിധിയുണ്ടായിരിക്കില്ല. പുതിയ കെട്ടിടത്തില് സദാ സുഖമായിരിക്കും,
പഴയതില് ദുഃഖവും ആയിരിക്കും. അപ്പോഴാണ് ബാബ കുട്ടികള്ക്കുവേണ്ടി പുതിയ കെട്ടിടം
ഉണ്ടാക്കുന്നത്. കുട്ടികള്ക്ക് ബുദ്ധിയോഗം പുതിയ കെട്ടിടത്തിലേക്ക് പോകണം.
ഇപ്പോള് പരിധിയില്ലാത്ത ബാബ പുതിയ ലോകം ഉണ്ടാക്കിക്കൊണ്ടിരിക്കുകയാണ്. പഴയ
ലോകത്തില് എന്തെല്ലാം കാണുന്നുണ്ടോ അതെല്ലാം നശിക്കാനുള്ളതാണ്. ഇപ്പോള്
ദേവലോകത്തിന്റെ സ്ഥാപന നടന്നുകൊണ്ടിരിക്കുകയാണ്. നിങ്ങള് സംഗമയുഗത്തിലാണ്.
നിങ്ങള്ക്ക് കലിയുഗവും കാണാന് കഴിയുന്നുണ്ട്, സത്യയുഗവും കാണാന് കഴിയുന്നുണ്ട്.
നിങ്ങള് സംഗമയുഗത്തില് എല്ലാം സാക്ഷിയായി കാണുന്നു. പ്രദര്ശിനിയിലേക്ക് അഥവാ
മ്യൂസിയത്തിലേക്ക് ജിജ്ഞാസുക്കള് വരുമ്പോള് അവിടേയും നിങ്ങള് സംഗമയുഗത്തില് അവരെ
നിര്ത്തി പറയൂ, ഒരു ഭാഗം കലിയുഗം, മറുഭാഗം സത്യയുഗം, നമ്മള് നടുക്ക്. ബാബ പുതിയ
ലോകത്തിന്റെ സ്ഥാപന ചെയ്യുന്നു. അവിടെ വളരെക്കുറച്ച് മനുഷ്യരേ ഉള്ളു. വേറെ ഒരു
മതത്തിലുള്ളവരും വരുന്നില്ല. കേവലം നിങ്ങള് മാത്രമാണ് ആദ്യമാദ്യം വരുന്നത്.
നിങ്ങളിപ്പോള് സ്വര്ഗ്ഗത്തിലേക്ക് പോകാനുള്ള പുരുഷാര്ത്ഥം
ചെയ്തുകൊണ്ടിരിക്കുകയാണ്. പാവനമായി മാറുന്നതിനുവേണ്ടിയാണ് എന്നെ വിളിച്ചത്.
അല്ലയോ ബാബാ, ഞങ്ങളെ പാവനമാക്കി മാറ്റി പാവനലോകത്തിലേക്ക് കൊണ്ടുപോകൂ.
ശാന്തിധാമത്തിലേക്ക് കൊണ്ടുപോകൂ എന്നല്ല പറഞ്ഞത്. പരംധാമത്തെ പറയുന്നത് മധുരമായ
വീടെന്നാണ്. ഇപ്പോള്നമുക്ക് വീട്ടിലേക്ക് പോകണം, ഇതിനെയാണ് മുക്തിധാമമെന്ന്
പറയുന്നത്. ഇതിനുവേണ്ടിയാണ് സന്യാസിമാരും പഠിപ്പിച്ചത്. അവര്ക്ക് സുഖധാമത്തിന്റെ
ജ്ഞാനം കൊടുക്കാന് സാധിക്കില്ല. അവര് നിവൃത്തിമാര്ഗ്ഗത്തിലുള്ളവരാണ്. നിങ്ങള്
കുട്ടികള്ക്ക് മനസ്സിലാക്കിത്തരികയാണ് - ആര് ഏത് ധര്മ്മത്തിലേക്ക് എപ്പോള്
വരുന്നു. മനുഷ്യസൃഷ്ടിയാകുന്ന വൃക്ഷത്തിന്റെ ആദ്യത്തെ അടിത്തറ നിങ്ങളാണ്.
ബീജത്തെയാണ് പറയുന്നത് വൃക്ഷപതിയെന്ന്. ബാബ പറയുന്നു ഞാന് വൃക്ഷപതി മുകളിലാണ്
വസിക്കുന്നത്. എപ്പോഴാണോ ഈ വൃക്ഷം പൂര്ണ്ണമായും ജീര്ണ്ണിക്കുന്നത്, അപ്പോഴാണ്
ഞാന് വരുന്നത്. ദേവതാധര്മ്മത്തിന്റെ സ്ഥാപന ചെയ്യാന്. ആല്മരം വളരെ അദ്ഭുതകരമായ
വൃക്ഷമാണ്. തടിമരമില്ലാതെ മുഴുവന് വൃക്ഷവും നില്ക്കുന്നു. ഈ പരിധിയില്ലാത്ത
വൃക്ഷത്തില് ആദിസനാതന ദേവീദേവതാധര്മ്മമില്ല. ബാക്കിയെല്ലാ ധര്മ്മങ്ങളും ഉണ്ട്.
നിങ്ങള് മൂലവതനത്തില് വസിച്ചവരായിരുന്നു. ഇവിടെ പാര്ട്ട്
അഭിനയിക്കുന്നതിനുവേണ്ടി വന്നവരാണ്. നിങ്ങള് കുട്ടികള് ഓള്റൗണ്ട് പാര്ട്ട്
അഭിനയിക്കുന്നവരാണ്. അതുകൊണ്ട് മാക്സിമം 84 ജന്മം. മിനിമം ഒരു ജന്മം. മനുഷ്യര്
പറയുന്നത് 84 ലക്ഷം ജന്മത്തെക്കുറിച്ചാണ്. അതും ആര്ക്കാണുണ്ടാകുന്നത് - ഇത്
മനസ്സിലാക്കുന്നില്ല. ബാബ വന്ന് നിങ്ങള് കുട്ടികള്ക്ക് മനസ്സിലാക്കിത്തരികയാണ്
- 84 ജന്മം നിങ്ങളെടുക്കുന്നു. ആദ്യമാദ്യം എന്നില്നിന്നും വേര്പെട്ടവര്
നിങ്ങളാണ്. സത്യയുഗത്തില് ദേവതകളാണ് ആദ്യം ഉണ്ടാകുന്നത്. എപ്പോഴാണോ
ദേവാത്മാക്കള് ഇവിടെ പാര്ട്ട് അഭിനയിക്കാന് വരുന്നത് അപ്പോള് ബാക്കി
ആത്മാക്കളെല്ലാം എവിടെപ്പോയി? ഇതും നിങ്ങള്ക്കറിയാം - ബാക്കി എല്ലാ ആത്മാക്കളും
ശാന്തിധാമത്തിലുണ്ടാകും. ശാന്തിധാം വേറെയാണല്ലോ. ലോകം ഇവിടെയാണ്. പാര്ട്ട്
ഇവിടെയാണ് അഭിനയിക്കുന്നത്. പുതിയ ലോകത്തില് സുഖത്തിന്റെ പാര്ട്ട്, പഴയ
ലോകത്തില് ദുഃഖത്തിന്റെ പാര്ട്ട് അഭിനയിക്കേണ്ടിവരുന്നു. സുഖദുഃഖത്തിന്റെ
കളിയാണിത്. സത്യയുഗം രാമരാജ്യമാണ്. ലോകത്തില് ഏതു മനുഷ്യര്ക്കും അറിയുന്നില്ല
സൃഷ്ടിചക്രം എങ്ങിനെയാണ് കറങ്ങുന്നത്. രചയിതാവിനെക്കുറിച്ചോ രചനയുടെ
ആദിമധ്യഅന്ത്യത്തെക്കുറിച്ചോ അറിയുന്നില്ല. ജ്ഞാനസാഗരന് എന്ന് ഒരു ബാബയെയാണ്
പറയുന്നത്. രചയിതാവിന്റേയോ രചനയുടെ ആദിമധ്യഅന്ത്യത്തിന്റെയോ ജ്ഞാനം ഒരു
ശാസ്ത്രങ്ങളിലുമില്ല. ഞാന് നിങ്ങള്ക്ക് കേള്പ്പിക്കുകയാണ്. പിന്നീട് ഇതിന്
പ്രായഃലോപം സംഭവിക്കുന്നു. സത്യയുഗത്തില് ഈ ജ്ഞാനം ഉണ്ടായിരിക്കില്ല.
ഭാരതത്തിന്റെ പ്രാചീനമായ സഹജരാജയോഗം എന്ന് മഹിമയുണ്ടല്ലോ. ഗീതയിലാണ്
രാജയോഗത്തിന്റെ പേര് വരുന്നത്. ബാബ നിങ്ങളെ രാജയോഗം പഠിപ്പിച്ച് രാജ്യപദവിയുടെ
സമ്പത്ത് നല്കുന്നു. ബാക്കി രചനയില്നിന്നും സമ്പത്ത് ലഭിക്കില്ല. സമ്പത്ത്
ലഭിക്കുന്നത് രചയിതാവായ ബാബയില്നിന്നാണ്. ഓരോ മനുഷ്യരും രചയിതാവാണ്, കുട്ടികളെ
രചിക്കുന്നു. അത് പരിധിയുള്ള ബ്രഹ്മാവ്, ഇത് പരിധിയില്ലാത്ത ബ്രഹ്മാവാണ്. ബാബ
നിരാകാരനായ ആത്മാക്കളുടെ പിതാവാണ,് പിന്നെ ലൗകിക പിതാവ്, മറ്റൊന്ന് പ്രജാപിതാവ്.
പ്രജാപിതാവ് എപ്പോഴാണ് വേണ്ടത്? സത്യയുഗത്തിലാണോ? അല്ല.
പുരുഷോത്തമസംഗമയുഗത്തിലാണ് വേണ്ടത്. മനുഷ്യര്ക്കറിയുന്നില്ല സത്യയുഗം എപ്പോഴാണ്
ഉണ്ടാകുന്നത്. മനുഷ്യന് സത്യയുഗത്തിനും കലിയുഗത്തിനും ലക്ഷക്കണക്കിന് വര്ഷം
കൊടുത്തു. ബാബ മനസ്സിലാക്കിത്തരികയാണ് 1250 വര്ഷമാണ് ഒരു യുഗം. 84 ജന്മത്തിന്റെ
കണക്ക് വേണമല്ലോ. പടികള്ക്കും കണക്ക് വേണമല്ലോ - നമ്മള് എങ്ങിനെയാണ് ഇറങ്ങുന്നത്.
ആദ്യത്തെ അടിത്തറ ദേവീദേവതകളാണ്. അതിനുശേഷം വരുന്നവരാണ് ഇസ്ലാം, ബുദ്ധിസ്റ്റുകള്.
ബാബ വൃക്ഷത്തിന്റെ രഹസ്യം പറഞ്ഞുതരികയാണ്. ബാബക്കല്ലാതെ വേറെ ആര്ക്കും
പഠിപ്പിച്ചുതരാന് സാധിക്കില്ല. നിങ്ങള്പറയണം ഈ ചിത്രമെല്ലാം എങ്ങിനെ ഉണ്ടാക്കി?
ആരു പഠിപ്പിച്ചു? പറയൂ, ബാബ നമുക്ക് ധ്യാനത്തില് കാണിച്ചുതന്നു, പിന്നീട് അത്
ഞങ്ങള് ഇവിടെ ഉണ്ടാക്കി. ബാബ ഈ രഥത്തിലേക്ക് വന്ന് ഇങ്ങിനെ ഇങ്ങിനെ ഉണ്ടാക്കൂ
എന്ന് തിരുത്തലുകള് ചെയ്തു . ബാബ സ്വയം തിരുത്തലുകള് നടത്തി.
കൃഷ്ണനെ ശ്യാമസുന്ദരനെന്ന് പറയും, പക്ഷേ എന്തുകൊണ്ടാണ് പറയുന്നത് എന്ന്
മനുഷ്യര്ക്ക് മനസ്സിലാക്കാന് കഴിയുന്നില്ല. വൈകുണ്ഠത്തിന്റെ അധികാരിയായിരുന്നു.
വെളുത്ത് സുന്ദരനായിരുന്നു പിന്നീട് കറുത്ത നിറമായി, അതുകൊണ്ടാണ്
ശ്യാമസുന്ദരനെന്ന് പറയുന്നത്. ആദ്യം വരുന്നത് കൃഷ്ണനാണ്. ഈ ലക്ഷ്മീ-നാരായണന്റെ
രാജധാനിയാണ്. ആദിസനാതന ദേവീദേവതാധര്മ്മത്തിന്റെ സ്ഥാപന ആരാണ് ചെയ്യുന്നത്?
ഇതാര്ക്കും അറിയുന്നില്ല. ഭാരതം എന്ന പേരുപോലും മറന്ന് ഹിന്ദുസ്ഥാനില്
വസിക്കുന്നവരെ ഹിന്ദുക്കളെന്ന് പറയുന്നു. ഞാന് ഭാരതത്തിലേക്കാണ് വരുന്നത്.
ഭാരതത്തിലാണ് ദേവതകളുടെ രാജ്യം ഉണ്ടാകുന്നത്. അതിനിപ്പോള് പ്രായഃലോപം സംഭവിച്ചു.
അതിന്റെ സ്ഥാപന ചെയ്യാനാണ് ഞാന് വീണ്ടും വരുന്നത്. ആദ്യമാദ്യം
ആദിസനാതനദേവീദേവതാധര്മ്മമാണ്. പിന്നീട് ഈ വൃക്ഷം വലുതാകുന്നു. പുതിയ പുതിയ ഇലകള്
- മഠങ്ങളും മാര്ഗ്ഗങ്ങളും ഉണ്ടാകുന്നു. അതും വൃക്ഷത്തിന്റെ ശോഭയാണ്. പിന്നീട്
അന്തിമത്തില് എപ്പോഴാണോ മുഴുവന് വൃക്ഷവും ജീര്ണ്ണതയില് എത്തുന്നത് അപ്പോള് ഞാന്
വീണ്ടും വരുന്നു. യദാ യദാ ഹി.... ആത്മാവ് തന്നെക്കുറിച്ചും അറിയുന്നില്ല,
ബാബയേയും അറിയുന്നില്ല. സ്വയം ആക്ഷേപിക്കുന്നു, ബാബയേയും ദേവതകളേയും
ആക്ഷേപിക്കുന്നു. അങ്ങിനെ തമോപ്രധാനവും, ബുദ്ധിശൂന്യരും ആകുമ്പോഴാണ് ഞാന്
വരുന്നത്. പതിതമായ ലോകത്തിലേക്ക് വരേണ്ടിവരുന്നു. നിങ്ങള് മനുഷ്യര്ക്ക് ജീവദാനം
നല്കാന് അതായത് മനുഷ്യനെ ദേവതയാക്കി മാറ്റാന്. പകുതി കല്പ്പത്തേക്ക് എല്ലാ
ദുഃഖങ്ങളില്നിന്നും ദൂരെയാക്കുന്നു. വന്ദേ മാതരം എന്ന് പാടാറില്ലേ. എങ്ങനെയുള്ള
അമ്മമാര്ക്കാണ് വന്ദനം? മുഴുവന് സൃഷ്ടിയേയും സ്വര്ഗ്ഗമാക്കി മാറ്റുന്ന നിങ്ങള്
അമ്മമാര്ക്കുള്ള വന്ദനമാണ്. പുരുഷന്മാരും ഉണ്ട്. എന്നാല് ഭൂരിപക്ഷം മാതാക്കളാണ്.
അതുകൊണ്ടാണ് ബാബ മാതാക്കളുടെ മഹിമ പാടുന്നത്. ബാബ വന്ന് നിങ്ങളെ ഇത്രയും
മഹിമക്ക് യോഗ്യരാക്കി മാറ്റുന്നു. ശരി,
വളരെക്കാലത്തെ വേര്പാടിന്നുശേഷം തിരിച്ചു കിട്ടിയ മധുരമധുരമായ കുട്ടികളെ പ്രതി
മാതാവും പിതാവുമായ ബാപ്ദാദയുടെ സ്നേഹസ്മരണയും പുലര്കാല വന്ദനവും ആത്മീയ അച്ഛന്റെ
ആത്മീയ കുട്ടികള്ക്ക് നമസ്കാരം.
ധാരണയ്ക്കുള്ള മുഖ്യ സാരം:-
1. അപാരമായ
സുഖത്തിന്റെ ലോകത്തിലേക്ക് പോകുന്നതിനുവേണ്ടി സംഗമയുഗത്തില് നില്ക്കണം.
സാക്ഷിയായി എല്ലാം കാണുമ്പോഴും ബുദ്ധിയോഗം പുതിയ ലോകത്തില് വെക്കണം.
ബുദ്ധിയിലുണ്ടായിരിക്കണം, ഇപ്പോള് ഞങ്ങള് തിരിച്ച് വീട്ടിലേക്ക്
പൊയ്ക്കൊണ്ടിരിക്കുകയാണ്.
2. എല്ലാവര്ക്കും ജീവദാനം
കൊടുക്കണം. മനുഷ്യനില്നിന്നും ദേവതയാക്കി മാറ്റാനുള്ള സേവനം ചെയ്യണം.
പരിധിയില്ലാത്ത ബാബയില്നിന്നും പഠിച്ച് മറ്റുള്ളവരെ പഠിപ്പിക്കണം. ദൈവീക
ഗുണങ്ങളെ ധാരണ ചെയ്യണം, ചെയ്യിപ്പിക്കണം.
വരദാനം :-
സദാ
ശ്രേഷ്ഠ സമയമനുസരിച്ച് ശ്രേഷ്ഠ കര്മ്മം ചെയ്ത് ആഹാ ആഹാ എന്ന ഗീതം പാടുന്ന
ഭാഗ്യശാലി ആത്മാവായി ഭവിയ്ക്കട്ടെ.
ഈ ശ്രേഷ്ഠ സമയത്ത് സദാ
ശ്രേഷ്ഠ കര്മ്മം ചെയ്ത് ആഹാ ആഹാ എന്ന ഗീതം ഹൃദയത്തില് നിന്നും
പാടിക്കൊണ്ടിരിക്കൂ. ആഹാ എന്റെ ശ്രേഷ്ഠ കര്മ്മം അഥവാ ആഹാ ശ്രേഷ്ഠ കര്മ്മം
പഠിപ്പിക്കുന്ന ബാബാ.... അപ്പോള് സദാ ആഹാ പാട്ട് പാടിക്കൊണ്ടിരിക്കൂ.
ഒരിക്കലെങ്കിലും തെറ്റായി പോലും ദുഖത്തിന്റെ ദൃശ്യം കാണുമ്പോള് അയ്യോ എന്ന
വാക്ക് വരരുത്. ആഹാ ഡ്രാമ ആഹാ. ആഹാ ബാബാ ആഹാ. സ്വപ്നത്തില് പോലും ഉണ്ടാകാത്ത
ഭാഗ്യമാണ് വീട്ടിലിരുന്നു കൊണ്ട് തന്നെ ലഭിച്ചത്. ഈ ഭാഗ്യത്തിന്റെ
ലഹരിയിലിരിക്കൂ.
സ്ലോഗന് :-
മനസ്സിനെയും
ബുദ്ധിയെയും ശക്തിശാലിയാക്കുകയാണെങ്കില് ഏതൊരു ഇളക്കത്തിന്റെ പരിതസ്ഥിതിയിലും
അചഞ്ചലവും ദൃഢവുമായിരിക്കുവാന് സാധിക്കും.