03.03.26 Punjabi Morning Murli Om Shanti BapDada Madhuban
ਮਿੱਠੇ ਬੱਚੇ:- ਤੁਸੀਂ
ਰੂਪ ਬਸੰਤ ਹੋ , ਤੁਹਾਡੇ ਮੁੱਖ ਤੋਂ ਹਮੇਸ਼ਾ ਗਿਆਨ ਰਤਨ ਹੀ ਨਿਕਲਣੇ ਚਾਹੀਦੇ ਹਨ , ਜਦੋੰ ਵੀ ਨਵਾਂ
ਕੋਈ ਆਵੇ ਤਾਂ ਉਸ ਨੂੰ ਬਾਪ ਦੀ ਪਹਿਚਾਣ ਦੇਵੋ ”
ਪ੍ਰਸ਼ਨ:-
ਆਪਣੀ ਅਵਸਥਾ
ਨੂੰ ਇੱਕਰਸ ਬਣਾਉਣ ਦਾ ਸਾਧਨ ਕਿਹੜਾ ਹੈ?
ਉੱਤਰ:-
ਸੰਗ ਦੀ ਸੰਭਾਲ
ਕਰੋ ਤਾਂ ਅਵਸਥਾ ਇੱਕਰਸ ਬਣਦੀ ਜਾਵੇਗੀ। ਹਮੇਸ਼ਾ ਚੰਗੇ ਸਰਵਿਸੇਬਲ ਸਟੂਡੈਂਟ ਦਾ ਸੰਗ ਕਰਨਾ ਚਾਹੀਦਾ
ਹੈ। ਜੇਕਰ ਕੋਈ ਗਿਆਨ ਅਤੇ ਯੋਗ ਦੇ ਸਿਵਾਏ ਉਲਟੀ ਗੱਲਾਂ ਕਰਦੇ ਹਨ, ਮੁੱਖ ਤੋਂ ਰਤਨਾਂ ਦੇ ਬਦਲੇ
ਪੱਥਰ ਨਿਕਾਲਦੇ ਹਨ ਤਾਂ ਉਨ੍ਹਾਂ ਦੇ ਸੰਗ ਤੋਂ ਹਮੇਸ਼ਾ ਸਾਵਧਾਨ ਰਹਿਣਾ ਚਾਹੀਦਾ ਹੈ।
ਗੀਤ:-
ਰਾਤ ਕੇ ਰਾਹੀ...
ਓਮ ਸ਼ਾਂਤੀ
ਗਿਆਨ ਅਤੇ ਵਿਗਿਆਨ। ਇਸ ਨੂੰ ਕਹਾਂਗੇ ਅਲਫ਼ ਅਤੇ ਬੇ। ਬਾਪ ਗਿਆਨ ਦਿੰਦੇ ਹਨ ਅਲਫ਼ ਅਤੇ ਬੇ ਦਾ। ਦਿੱਲੀ
ਵਿੱਚ ਵਿਗਿਆਨ ਭਵਨ ਹੈ ਪਰ ਉਹ ਕੋਈ ਅਰਥ ਨਹੀਂ ਜਾਣਦੇ। ਤੁਸੀਂ ਬੱਚੇ ਜਾਣਦੇ ਹੋ ਗਿਆਨ ਅਤੇ ਯੋਗ।
ਯੋਗ ਨਾਲ ਅਸੀਂ ਪਵਿੱਤਰ ਬਣਦੇ ਹਾਂ, ਗਿਆਨ ਨਾਲ ਸਾਡੀ ਚੋਲੀ ਰੰਗਦੀ ਹੈ। ਅਸੀਂ ਸਾਰੇ ਚੱਕਰ ਨੂੰ
ਜਾਣ ਜਾਂਦੇ ਹਾਂ। ਯੋਗ ਦੀ ਯਾਤਰਾ ਦੇ ਲਈ ਵੀ ਇਹ ਗਿਆਨ ਮਿਲਦਾ ਹੈ। ਉਹ ਕੋਈ ਯੋਗ ਦੇ ਲਈ ਗਿਆਨ ਨਹੀਂ
ਦਿੰਦੇ ਹਨ। ਉਹ ਤਾਂ ਸਥੂਲ ਵਿੱਚ ਡਰਿਲ ਆਦਿ ਸਿਖਾਉਂਦੇ ਹਨ। ਇਹ ਹੈ ਸੂਕ੍ਸ਼੍ਮ ਅਤੇ ਮੂਲ ਗੱਲ। ਗੀਤ
ਵੀ ਉਨ੍ਹਾਂ ਨਾਲ ਤਾਲੁਕ (ਸੰਬੰਧ) ਰੱਖਦੇ ਹਨ। ਬਾਪ ਕਹਿੰਦੇ ਹਨ ਹੇ ਬੱਚਿਓ, ਹੇ ਮੁਲਵਤਨ ਦੇ ਰਾਹੀ,
ਪਤਿਤ - ਪਾਵਨ ਬਾਪ ਹੀ ਸਰਵ ਦਾ ਸਦਗਤੀ ਦਾਤਾ ਹੈ। ਉਹ ਹੀ ਸਭ ਨੂੰ ਰਸਤਾ ਦੱਸਣਗੇ ਘਰ ਜਾਣ ਦੇ ਲਈ।
ਤੁਹਾਡੇ ਕੋਲ ਮਨੁੱਖ ਆਉਂਦੇ ਹਨ ਸਮਝਣ ਦੇ ਲਈ। ਕਿਸ ਦੇ ਕੋਲ ਆਉਂਦੇ ਹਨ? ਪ੍ਰਜਾਪਿਤਾ ਬ੍ਰਹਮਾਕੁਮਾਰ
ਕੁਮਾਰੀਆਂ ਦੇ ਕੋਲ ਆਉਂਦੇ ਹਨ ਤਾਂ ਤੁਹਾਨੂੰ ਉਨ੍ਹਾਂ ਤੋਂ ਪੁੱਛਣਾ ਚਾਹੀਦਾ ਹੈ - ਤੁਸੀਂ ਕਿਸ ਦੇ
ਕੋਲ ਆਏ ਹੋ? ਮਨੁੱਖ ਸਾਧੂ ਸੰਤ ਮਹਾਤਮਾ ਦੇ ਕੋਲ ਜਾਂਦੇ ਹਨ। ਉਨ੍ਹਾਂ ਦਾ ਨਾਮ ਵੀ ਰਹਿੰਦਾ ਹੈ -
ਫਲਾਣੇ ਮਹਾਤਮਾ ਜੀ। ਇੱਥੇ ਤਾਂ ਨਾਮ ਹੀ ਹੈ ਪ੍ਰਜਾਪਿਤਾ ਬ੍ਰਹਮਾਕੁਮਾਰ ਕੁਮਾਰੀ। ਬੀ. ਕੇ. ਤਾਂ
ਢੇਰ ਹਨ। ਤੁਹਾਨੂੰ ਪੁੱਛਣਾ ਹੈ - ਕਿਸ ਦੇ ਕੋਲ ਆਏ ਹੋ? ਪ੍ਰਜਾਪਿਤਾ ਬ੍ਰਹਮਾ ਤੁਹਾਡਾ ਕੀ ਲੱਗਦਾ
ਹੈ? ਉਹ ਤਾਂ ਸਭ ਦਾ ਬਾਪ ਠਹਿਰਿਆ ਨਾ। ਕੋਈ ਕਹਿੰਦੇ ਹਨ ਤੁਹਾਡੇ ਮਹਾਤਮਾ ਜੀ, ਗੁਰੂ ਜੀ ਦਾ ਦਰਸ਼ਨ
ਕਰੀਏ। ਬੋਲੋ, ਤੁਸੀਂ ਗੁਰੂ ਕਿਵੇਂ ਕਹਿੰਦੇ ਹੋ। ਨਾਮ ਹੀ ਰੱਖਿਆ ਹੋਇਆ ਹੈ ਪ੍ਰਜਾਪਿਤਾ
ਬ੍ਰਹਮਾਕੁਮਾਰੀ ਤਾਂ ਉਹ ਬਾਪ ਹੋਇਆ ਨਾ, ਨਾ ਕਿ ਗੁਰੂ। ਪ੍ਰਜਾਪਿਤਾ ਬ੍ਰਹਮਾਕੁਮਾਰ - ਬ੍ਰਹਮਾਕੁਮਾਰੀ
ਮਾਨਾ ਹੀ ਇਨ੍ਹਾਂ ਦਾ ਕੋਈ ਬਾਪ ਹੈ। ਉਹ ਤਾਂ ਤੁਹਾਡਾ ਵੀ ਬਾਪ ਠਹਿਰਿਆ। ਬੋਲੋ, ਅਸੀਂ ਬੀ. ਕੇ. ਦੇ
ਬਾਪ ਨੂੰ ਮਿਲਣਾ ਚਾਹੁੰਦੇ ਹਾਂ। ਪ੍ਰਜਾਪਿਤਾ ਦਾ ਨਾਮ ਕਦੀ ਸੁਣਿਆ ਹੈ? ਇੰਨੇ ਬੱਚੇ ਅਤੇ ਬੱਚੀਆਂ
ਹਨ। ਬਾਪ ਦਾ ਪਤਾ ਪਵੇ ਤੱਦ ਸਮਝਣ ਬੇਹੱਦ ਦਾ ਬਾਪ ਹੈ। ਪ੍ਰਜਾਪਿਤਾ ਬ੍ਰਹਮਾ ਦਾ ਵੀ ਜਰੂਰ ਕੋਈ ਬਾਪ
ਹੋਵੇਗਾ। ਤਾਂ ਕੋਈ ਵੀ ਆਉਂਦੇ ਹਨ ਉਨ੍ਹਾਂ ਤੋਂ ਪੁੱਛਣਾ ਹੈ ਕਿਸ ਦੇ ਕੋਲ ਆਏ ਹੋ? ਬੋਰਡ ਤੇ ਕੀ
ਲਿਖਿਆ ਹੋਇਆ ਹੈ? ਜਦੋਂਕਿ ਇੰਨੇ ਢੇਰ ਸੈਂਟਰਜ਼ ਹਨ। ਬ੍ਰਹਮਾਕੁਮਾਰ ਕੁਮਾਰੀ ਇੰਨੇ ਹਨ ਤਾਂ ਜਰੂਰ
ਬਾਪ ਹੋਵੇਗਾ। ਗੁਰੂ ਹੋ ਨਾ ਸਕੇ। ਪਹਿਲੇ ਤਾਂ ਇਹ ਬੁੱਧੀ ਤੋਂ ਨਿਕਲੇ, ਸਮਝਣ ਕਿ ਇਹ ਘਰ ਹੈ, ਕੋਈ
ਫੈਮਿਲੀ ਵਿੱਚ ਆਇਆ ਹਾਂ। ਅਸੀਂ ਪ੍ਰਜਾਪਿਤਾ ਬ੍ਰਹਮਾ ਦੀ ਸੰਤਾਨ ਹਾਂ ਤਾਂ ਜਰੂਰ ਤੁਸੀਂ ਵੀ ਹੋਵੋਗੇ।
ਅੱਛਾ ਉਹ ਬ੍ਰਹਮਾ ਫਿਰ ਕਿਸ ਦਾ ਬੱਚਾ ਹੈ? ਬ੍ਰਹਮਾ, ਵਿਸ਼ਨੂੰ, ਸ਼ੰਕਰ ਦਾ ਰਚਤਾ ਤਾਂ ਪਰਮਪਿਤਾ
ਪਰਮਾਤਮਾ ਸ਼ਿਵ ਹੈ। ਉਹ ਹੈ ਹੀ ਬਿੰਦੀ। ਉਨ੍ਹਾਂ ਦਾ ਨਾਮ ਹੈ ਸ਼ਿਵ। ਉਹ ਸਾਡਾ ਦਾਦਾ ਹੈ। ਤੁਹਾਡੀ
ਆਤਮਾ ਵੀ ਉਨ੍ਹਾਂ ਦੀ ਸੰਤਾਨ ਹੈ। ਬ੍ਰਹਮਾ ਦੀ ਤੁਸੀਂ ਵੀ ਸੰਤਾਨ ਹੋ। ਤਾਂ ਤੁਸੀਂ ਇਵੇਂ ਕਹੋ ਕਿ
ਅਸੀਂ ਬਾਪਦਾਦਾ ਨੂੰ ਮਿਲਣਾ ਚਾਹੁੰਦੇ ਹਾਂ। ਉਨ੍ਹਾਂ ਨੂੰ ਇਵੇਂ ਸਮਝਾਉਣਾ ਚਾਹੀਦਾ ਹੈ ਜੋ ਉਨ੍ਹਾਂ
ਦੀ ਬੁੱਧੀ ਚਲੀ ਜਾਵੇ ਬਾਪ ਦੇ ਵੱਲ। ਸਮਝਣ ਕਿ ਮੈਂ ਕਿਸ ਦੇ ਕੋਲ ਆਇਆ ਹਾਂ। ਪ੍ਰਜਾਪਿਤਾ ਬ੍ਰਹਮਾ
ਸਾਡਾ ਬਾਪ ਹੈ। ਉਹ ਹੈ ਸਭ ਆਤਮਾਵਾਂ ਦਾ ਬਾਪ। ਤਾਂ ਪਹਿਲੇ ਇਹ ਸਮਝੋ ਅਸੀਂ ਕਿਸ ਦੇ ਕੋਲ ਆਏ ਹਾਂ।
ਇਵੇਂ ਯੁਕਤੀ ਨਾਲ ਸਮਝਾਉਣਾ ਹੈ ਜੋ ਉਨ੍ਹਾਂ ਨੂੰ ਪਤਾ ਪਵੇ ਕਿ ਇਹ ਸ਼ਿਵਬਾਬਾ ਦੀ ਸੰਤਾਨ ਹਨ। ਇਹ
ਇੱਕ ਫੈਮਿਲੀ ਹੈ। ਉਨ੍ਹਾਂ ਨੂੰ ਬਾਪ ਅਤੇ ਦਾਦਾ ਦਾ ਪਰਿਚੈ ਹੋ ਜਾਵੇ। ਤੁਸੀਂ ਸਮਝਾ ਸਕਦੇ ਹੋ -
ਸ੍ਰਵ ਦਾ ਸਦਗਤੀ ਦਾਤਾ ਨਿਰਾਕਾਰ ਬਾਪ ਹੈ। ਉਹ ਪ੍ਰਜਾਪਿਤਾ ਬ੍ਰਹਮਾ ਦਵਾਰਾ ਸ੍ਰਵ ਦੀ ਸਦਗਤੀ ਕਰਦੇ
ਹਨ। ਉਨ੍ਹਾਂ ਨੂੰ ਸਭ ਪੁਕਾਰਦੇ ਹਨ। ਵੇਖਦੇ ਹੋ ਨਾ - ਕਿੰਨੇ ਬੱਚੇ ਹਨ ਜੋ ਆਕੇ ਬਾਪ ਤੋਂ ਵਰਸਾ
ਲੈਂਦੇ ਹਨ। ਪਹਿਲੇ ਉਨ੍ਹਾਂ ਨੂੰ ਬਾਪ ਦਾ ਪਰਿਚੈ ਮਿਲੇ ਤਾਂ ਸਮਝਣ ਅਸੀਂ ਬਾਪਦਾਦਾ ਨੂੰ ਮਿਲਣ ਆਏ
ਹਾਂ। ਬੋਲੋ, ਅਸੀਂ ਉਨ੍ਹਾਂ ਨੂੰ ਬਾਪਦਾਦਾ ਕਹਿੰਦੇ ਹਾਂ। ਨਾਲੇਜਫੁਲ, ਪਤਿਤ - ਪਾਵਨ ਉਹ ਸ਼ਿਵਬਾਬਾ
ਹੈ ਨਾ। ਫਿਰ ਸਮਝਾਉਣਾ ਚਾਹੀਦਾ ਹੈ - ਭਗਵਾਨ ਸ੍ਰਵ ਦਾ ਸਦਗਤੀ ਦਾਤਾ ਨਿਰਾਕਾਰ ਹੈ ਉਹ ਗਿਆਨ ਦਾ
ਸਾਗਰ ਹੈ। ਬ੍ਰਹਮਾ ਦਵਾਰਾ ਬੇਹੱਦ ਦਾ ਵਰਸਾ ਲੈ ਰਹੇ ਹਾਂ। ਤਾਂ ਉਹ ਸਮਝਣ ਇਹ ਬ੍ਰਹਮਾਕੁਮਾਰ
ਕੁਮਾਰੀਆਂ ਸ਼ਿਵਬਾਬਾ ਦੀ ਸੰਤਾਨ ਹੈ, ਉਹ ਹੀ ਸਭ ਦਾ ਬਾਪ ਹੈ। ਭਗਵਾਨ ਇੱਕ ਹੈ। ਉਹ ਹੀ ਆਦਿ ਸਨਾਤਨ
ਦੇਵੀ ਦੇਵਤਾ ਧਰਮ ਦੀ ਸਥਾਪਨਾ ਕਰਦੇ ਹਨ। ਉਹ ਸ੍ਵਰਗ ਦਾ ਰਚਤਾ, ਸਰਵ ਦਾ ਬਾਪ ਵੀ ਹੈ, ਟੀਚਰ ਵੀ
ਹੈ, ਗੁਰੂ ਵੀ ਹੈ। ਸ੍ਰਿਸ਼ਟੀ ਦੇ ਆਦਿ - ਮੱਧ - ਅੰਤ ਦਾ ਰਾਜ ਸਮਝਾਉਂਦੇ ਹਨ ਮਤਲਬ ਤ੍ਰਿਕਾਲਦਰਸ਼ੀ
ਬਣਾਉਂਦੇ ਹਨ। ਜੋ ਵੀ ਵੇਖੋ - ਸਮਝਣ ਲਾਇਕ ਹੈ ਤਾਂ ਉਨ੍ਹਾਂ ਨੂੰ ਇਹ ਸਮਝਾਉਣਾ ਚਾਹੀਦਾ ਹੈ। ਪਹਿਲੇ
ਤਾਂ ਪੁੱਛੋ - ਤੁਹਾਡੇ ਬਾਪ ਕਿੰਨੇ ਹਨ? ਲੌਕਿਕ ਅਤੇ ਪਾਰਲੌਕਿਕ। ਬਾਪ ਤਾਂ ਸ੍ਰਵਵਿਆਪੀ ਹੋ ਨਾ ਸਕੇ।
ਲੌਕਿਕ ਬਾਪ ਤੋਂ ਇਹ ਵਰਸਾ ਮਿਲਦਾ ਹੈ, ਪਾਰਲੌਕਿਕ ਤੋਂ ਇਹ ਵਰਸਾ ਮਿਲਦਾ ਹੈ। ਫਿਰ ਉਨ੍ਹਾਂ ਨੂੰ
ਸ੍ਰਵਵਿਆਪੀ ਕਿਵੇਂ ਕਹਿ ਸਕਦੇ ਹਾਂ। ਇਹ ਅੱਖਰ ਨੋਟ ਕਰਕੇ ਧਾਰਨ ਕਰੋ। ਇਹ ਸਮਝਾਉਣਾ ਜਰੂਰ ਪੈਂਦਾ
ਹੈ। ਸਮਝਾਉਣ ਵਾਲੇ ਤੁਸੀਂ ਠਹਿਰੇ। ਇਹ ਘਰ ਹੈ, ਸਾਡਾ ਗੁਰੂ ਨਹੀਂ ਹੈ। ਵੇਖਦੇ ਹੋ ਇਹ ਸਭ
ਬ੍ਰਹਮਾਕੁਮਾਰ ਕੁਮਾਰੀਆਂ ਹਨ। ਵਰਸਾ ਸਾਨੂੰ ਨਿਰਾਕਾਰ ਸ਼ਿਵਬਾਬਾ ਹੀ ਦਿੰਦੇ ਹਨ ਜੋ ਸ੍ਰਵ ਦਾ ਸਦਗਤੀ
ਦਾਤਾ ਹੈ। ਬ੍ਰਹਮਾ ਨੂੰ ਸ੍ਰਵ ਦਾ ਸਦਗਤੀ ਦਾਤਾ ਪਤਿਤ - ਪਾਵਨ ਲਿਬਰੇਟਰ ਨਹੀਂ ਕਿਹਾ ਜਾ ਸਕਦਾ। ਇਹ
ਸ਼ਿਵਬਾਬਾ ਦੀ ਹੀ ਮਹਿਮਾ ਹੈ ਜੋ ਵੀ ਆਏ ਉਨ੍ਹਾਂ ਨੂੰ ਇਹ ਸਮਝਾਵੋ ਕਿ ਇਹ ਸਰਵ ਦਾ ਬਾਪਦਾਦਾ ਹੈ। ਉਹ
ਹੀ ਬਾਪ ਸ੍ਵਰਗ ਦਾ ਰਚਤਾ ਹੈ। ਬ੍ਰਹਮਾ ਦਵਾਰਾ ਵਿਸ਼ਨੂੰਪੁਰੀ ਦੀ ਸਥਾਪਨਾ ਕਰਦੇ ਹਨ। ਇਵੇਂ ਤੁਸੀਂ
ਕਿਸੇ ਨੂੰ ਵੀ ਸਮਝਾਓਗੇ ਤਾਂ ਫਿਰ ਬਾਪ ਦੇ ਕੋਲ ਆਉਣ ਦੀ ਲੋੜ ਹੀ ਨਹੀਂ ਰਹੇਗੀ। ਉਹ ਤਾਂ ਹਿਰੇ ਹੋਏ
ਹਨ (ਆਦਤ ਪਈ ਹੋਈ ਹੈ), ਕਹਿਣਗੇ ਗੁਰੂ ਜੀ ਦਾ ਦਰਸ਼ਨ ਕਰੀਏ...। ਭਗਤੀ ਮਾਰਗ ਵਿੱਚ ਗੁਰੂ ਦੀ ਬਹੁਤ
ਮਹਿਮਾ ਕਰਦੇ ਹਨ। ਵੇਦ ਸ਼ਾਸਤਰ ਯਾਤਰਾ ਆਦਿ ਸਭ ਗੁਰੂ ਹੀ ਸਿਖਾਉਂਦੇ ਹਨ। ਤੁਹਾਨੂੰ ਸਮਝਾਉਣਾ ਹੈ
ਮਨੁੱਖ ਗੁਰੂ ਹੋ ਨਹੀਂ ਸਕਦੇ। ਅਸੀਂ ਬ੍ਰਹਮਾ ਨੂੰ ਵੀ ਗੁਰੂ ਨਹੀਂ ਕਹਿੰਦੇ। ਸਤਿਗੁਰੂ ਇੱਕ ਹੈ।
ਕੋਈ ਮਨੁੱਖ ਗਿਆਨ ਦਾ ਸਾਗਰ ਹੋ ਨਹੀਂ ਸਕਦਾ। ਉਹ ਸਭ ਹੈ ਭਗਤੀਮਾਰਗ ਦੇ ਸ਼ਾਸਤਰ ਪੜ੍ਹਨ ਵਾਲੇ। ਉਨ੍ਹਾਂ
ਨੂੰ ਸ਼ਾਸਤਰਾਂ ਦਾ ਗਿਆਨ ਕਿਹਾ ਜਾਂਦਾ ਹੈ, ਜਿਸ ਨੂੰ ਫਿਲਾਸਫੀ ਕਹਿੰਦੇ ਹਨ। ਇੱਥੇ ਸਾਨੂੰ ਗਿਆਨ
ਸਾਗਰ ਬਾਪ ਪੜ੍ਹਾਉਂਦੇ ਹਨ। ਇਹ ਸਪ੍ਰਿਚੂਅਲ ਨਾਲੇਜ ਹੈ। ਗਿਆਨ ਸਾਗਰ ਬ੍ਰਹਮਾ ਵਿਸ਼ਨੂੰ ਸ਼ੰਕਰ ਨੂੰ
ਨਹੀਂ ਕਹਿ ਸਕਦੇ, ਤਾਂ ਮਨੁੱਖ ਨੂੰ ਕਿਵੇਂ ਕਹਿ ਸਕਦੇ ਹਾਂ। ਗਿਆਨ ਦੀ ਅਥਾਰਿਟੀ ਮਨੁੱਖ ਹੋ ਨਾ ਸਕੇ।
ਸ਼ਾਸਤਰਾਂ ਦੀ ਅਥਾਰਿਟੀ ਵੀ ਪਰਮਪਿਤਾ ਪਰਮਾਤਮਾ ਨੂੰ ਕਿਹਾ ਜਾਂਦਾ ਹੈ। ਵਿਖਾਉਂਦੇ ਹਨ, ਪਰਮਪਿਤਾ
ਪਰਮਾਤਮਾ ਬ੍ਰਹਮਾ ਦਵਾਰਾ ਸਾਰੇ ਵੇਦਾਂ ਸ਼ਾਸਤਰਾਂ ਦਾ ਸਾਰ ਇਨ੍ਹਾਂ ਦੇ ਦਵਾਰਾ ਸਮਝਾਉਂਦੇ ਹਨ। ਬਾਪ
ਕਹਿੰਦੇ ਹਨ ਮੈਨੂੰ ਕੋਈ ਜਾਣਦੇ ਹੀ ਨਹੀਂ ਤਾਂ ਵਰਸਾ ਕਿੱਥੇ ਤੋਂ ਮਿਲੇ। ਬੇਹੱਦ ਦਾ ਵਰਸਾ ਬੇਹੱਦ
ਦੇ ਬਾਪ ਦਵਾਰਾ ਹੀ ਮਿਲਦਾ ਹੈ। ਹੁਣ ਇਹ ਬਾਬਾ ਕੀ ਕਰ ਰਹੇ ਹਨ? ਇਹ ਹੋਲੀ ਅਤੇ ਧੁਰਿਆ ਹੈ ਨਾ।
ਗਿਆਨ ਅਤੇ ਵਿਗਿਆਨ ਅੱਖਰ ਸਿਰਫ ਦੋ ਹਨ। ਮਨਮਨਾਭਵ ਦਾ ਵੀ ਗਿਆਨ ਦਿੰਦੇ ਹਨ। ਮੈਨੂੰ ਯਾਦ ਕਰੋ ਤਾਂ
ਤੁਹਾਡੇ ਵਿਕਰਮ ਵਿਨਾਸ਼ ਹੋਣਗੇ। ਤਾਂ ਇਹ ਗਿਆਨ ਵਿਗਿਆਨ ਹੈ - ਹੌਲ਼ੀ ਅਤੇ ਧੁਰਿਆ। ਮਨੁੱਖਾਂ ਵਿੱਚ
ਗਿਆਨ ਨਾ ਹੋਣ ਦੇ ਕਾਰਨ ਉਹ ਤਾਂ ਇੱਕ ਦੋ ਦੇ ਮੁੱਖ ਵਿੱਚ ਧੂਲ ਪਾਉਂਦੇ ਹਨ। ਹੈ ਵੀ ਇਵੇਂ। ਗਤੀ
ਸਦਗਤੀ ਕਿਸੇ ਦੀ ਵੀ ਹੁੰਦੀ ਨਹੀਂ। ਧੂਲ ਹੀ ਮੁੱਖ ਵਿੱਚ ਪਾਉਂਦੇ ਹਨ। ਗਿਆਨ ਦਾ ਤੀਜਾ ਨੇਤਰ ਕਿਸ
ਨੂੰ ਵੀ ਹੈ ਨਹੀਂ। ਦੰਤ ਕਥਾਵਾਂ ਸੁਣਦੇ ਆਏ ਹਨ। ਉਨ੍ਹਾਂ ਨੂੰ ਕਿਹਾ ਜਾਂਦਾ ਹੈ ਬਲਾਇੰਡ ਫੇਥ।
ਹੁਣ ਤੁਸੀਂ ਆਤਮਾਵਾਂ
ਨੂੰ ਗਿਆਨ ਦਾ ਤੀਜਾ ਨੇਤਰ ਮਿਲਿਆ ਹੈ। ਤੁਸੀਂ ਬੱਚਿਆਂ ਨੂੰ ਬਾਪ ਤੋਂ ਵਰਸੇ ਦੀ ਪ੍ਰਾਪਤੀ ਦੇ ਲਈ
ਰਾਏ ਦੇਣੀ ਹੈ ਤਾਂ ਉਨ੍ਹਾਂ ਨੂੰ ਪਤਾ ਪਵੇ। ਇਹ ਵਰਸਾ ਲੈ ਰਹੇ ਹਨ, ਬ੍ਰਹਮਾ ਦਵਾਰਾ ਹੋਰ ਕਿਸੇ
ਦਵਾਰਾ ਮਿਲ ਨਹੀਂ ਸਕਦਾ। ਸਭ ਸੈਂਟਰਜ਼ ਤੇ ਇਹ ਨਾਮ ਲਿਖਿਆ ਹੋਇਆ ਹੈ - ਪ੍ਰਜਾਪਿਤਾ ਬ੍ਰਹਮਾਕੁਮਾਰ -
ਕੁਮਾਰੀਆਂ। ਜੇਕਰ ਗੀਤਾ ਪਾਠਸ਼ਾਲਾ ਲਿਖੀਏ ਤਾਂ ਕਾਮਨ ਗੱਲ ਹੋ ਜਾਂਦੀ ਹੈ। ਹੁਣ ਤੁਸੀਂ ਵੀ ਬੀ. ਕੇ.
ਲਿਖੋ ਤਾਂ ਹੀ ਬਾਪ ਦਾ ਪਰਿਚੈ ਦੇ ਸਕੋ। ਮਨੁੱਖ ਬੀ. ਕੇ. ਨਾਮ ਸੁਣਕੇ ਡਰ ਜਾਂਦੇ ਹਨ ਇਸਲਈ ਗੀਤਾ
ਪਾਠਸ਼ਾਲਾ ਨਾਮ ਲਿਖਦੇ ਹਨ। ਪਰ ਇਸ ਵਿੱਚ ਡਰਨ ਦੀ ਕੋਈ ਗੱਲ ਨਹੀਂ। ਬੋਲੋ ਇਹ ਘਰ ਹੈ। ਤੁਸੀਂ ਜਾਣਦੇ
ਹੋ ਕਿਸ ਦੇ ਘਰ ਆਏ ਹੋ? ਇਨ੍ਹਾਂ ਸਭ ਦਾ ਬਾਪ ਹੈ ਪ੍ਰਜਾਪਿਤਾ ਬ੍ਰਹਮਾ। ਭਾਰਤਵਾਸੀ ਪ੍ਰਜਾਪਿਤਾ
ਬ੍ਰਹਮਾ ਨੂੰ ਮੰਨਦੇ ਹਨ। ਕ੍ਰਿਸ਼ਚਨ ਵੀ ਸਮਝਦੇ ਹਨ ਆਦਿ ਦੇਵ ਹੋਕੇ ਗਏ ਹਨ, ਜਿਸ ਦੇ ਇਹ ਮੁੱਖ
ਵੰਸ਼ਾਵਲੀ ਹਨ। ਬਾਕੀ ਉਹ ਮੰਨਣਗੇ ਤਾਂ ਆਪਣੇ ਕ੍ਰਾਈਸਟ ਨੂੰ ਹੀ, ਕ੍ਰਾਈਸਟ ਨੂੰ, ਬੁੱਧ ਨੂੰ ਫਾਦਰਸ
ਸਮਝਦੇ ਹਨ। ਸਿਜਰਾ ਹੈ ਨਾ। ਅਸਲ ਵਿੱਚ ਬਾਪ ਨੇ ਬ੍ਰਹਮਾ ਦਵਾਰਾ ਆਦਿ ਸਨਾਤਨ ਦੇਵੀ - ਦੇਵਤਾ ਧਰਮ
ਦੀ ਸਥਾਪਨਾ ਕੀਤੀ ਹੈ। ਉਹ ਹੋ ਗਿਆ ਗ੍ਰੇਟ ਗ੍ਰੇਟ - ਗ੍ਰੈੰਡ ਫਾਦਰ। ਪਹਿਲੇ ਬਾਪ ਦਾ ਪਰਿਚੈ ਦੇਣਾ
ਹੈ। ਉਹ ਕਹਿਣ ਅਸੀਂ ਤੁਹਾਡੇ ਬਾਪ ਨੂੰ ਮਿਲਣਾ ਚਾਹੁੰਦੇ ਹਾਂ। ਬੋਲੋ, ਵਰਸਾ ਸ਼ਿਵਬਾਬਾ ਤੋਂ ਮਿਲਦਾ
ਹੈ, ਨਾ ਕਿ ਬ੍ਰਹਮਾ ਬਾਬਾ ਤੋਂ। ਤੁਹਾਡਾ ਬਾਪ ਕੌਣ ਹੈ? ਗੀਤਾ ਦਾ ਭਗਵਾਨ ਕੌਣ ਹੈ? ਆਦਿ ਸਨਾਤਨ
ਦੇਵੀ ਦੇਵਤਾ ਧਰਮ ਦੀ ਸਥਾਪਨਾ ਕਿਸ ਨੇ ਕੀਤੀ? ਬਾਪ ਨਾਮ ਕਹਿਣ ਨਾਲ ਸਮਝਣਗੇ ਇਹ ਸਭ ਬ੍ਰਹਮਾਕੁਮਾਰ
ਕੁਮਾਰੀਆਂ ਸ਼ਿਵਬਾਬਾ ਦੀ ਔਲਾਦ ਹੈ। ਵਰਸਾ ਮਿਲਦਾ ਹੈ ਸ਼ਿਵ ਤੋਂ ਬ੍ਰਹਮਾ ਦਵਾਰਾ ਗਤੀ ਜਾਂ ਸਦਗਤੀ
ਦਾ। ਉਹ ਇਸ ਸਮੇਂ ਸਾਨੂੰ ਜੀਵਨਮੁਕਤੀ ਦੇ ਰਹੇ ਹਨ। ਬਾਕੀ ਸਭ ਮੁਕਤੀ ਵਿੱਚ ਚਲੇ ਜਾਣਗੇ। ਇਹ ਗਿਆਨ
ਤੁਸੀਂ ਬੱਚਿਆਂ ਦੀ ਬੁੱਧੀ ਵਿੱਚ ਰਹਿਣਾ ਚਾਹੀਦਾ ਹੈ। ਕੋਈ ਵੀ ਆਵੇ ਤਾਂ ਉਸ ਨੂੰ ਸਮਝਾਵੋ, ਕਿਸ
ਨੂੰ ਮਿਲਣਾ ਚਾਹੁੰਦੇ ਹੋ? ਉਹ ਤਾਂ ਸਾਡਾ ਵੀ ਅਤੇ ਤੁਹਾਡਾ ਵੀ ਬਾਪ ਹੈ। ਗੁਰੂ ਗੋਸਾਈ ਤਾਂ ਹੈ ਹੀ
ਨਹੀਂ। ਇਹ ਤਾਂ ਤੁਸੀਂ ਸਮਝਦੇ ਹੋ। ਜਿਵੇਂ ਕਿ ਹੋਲੀ ਧੁਰਿਆ ਕਰਵਾਉਂਦੇ ਹੋ। ਨਹੀਂ ਤਾਂ ਹੋਲੀ
ਧੁਰਿਆ ਦਾ ਕੋਈ ਅਰਥ ਨਹੀਂ ਨਿਕਲਦਾ ਹੈ। ਗਿਆਨ ਨਾਲ ਚੋਲੀ ਰੰਗਦੇ ਹਨ। ਆਤਮਾ ਇਸ ਚੋਲੇ ਦੇ ਅੰਦਰ
ਹੈ। ਉਹ ਪਵਿੱਤਰ ਬਣਨ ਨਾਲ ਸ਼ਰੀਰ ਵੀ ਪਵਿੱਤਰ ਮਿਲੇਗਾ। ਇਹ ਤਾਂ ਪਵਿੱਤਰ ਸ਼ਰੀਰ ਨਹੀਂ ਹੈ। ਇਹ ਖਲਾਸ
ਹੋ ਜਾਣਾ ਹੈ। ਗੰਗਾ ਸਨਾਨ ਸ਼ਰੀਰ ਨੂੰ ਕਰਾਉਂਦੇ ਹਨ ਪਰ ਪਤਿਤ - ਪਾਵਨ ਬਾਪ ਦੇ ਸਿਵਾਏ ਕੋਈ ਹੈ ਨਹੀਂ।
ਪਤਿਤ ਆਤਮਾ ਬਣਦੀ ਹੈ ਤਾਂ ਆਤਮਾ ਪਾਣੀ ਦੇ ਸਨਾਨ ਨਾਲ ਪਾਵਨ ਹੋ ਨਹੀਂ ਸਕਦੀ। ਇਹ ਕਿਸੇ ਨੂੰ ਪਤਾ
ਨਹੀਂ। ਉਹ ਤਾਂ ਆਤਮਾ ਸੋ ਪਰਮਾਤਮਾ ਕਹਿ ਦਿੰਦੇ ਹਨ। ਆਤਮਾ ਨਿਰਲੇਪ ਹੈ। ਹੁਣ ਜੋ ਸੈਂਸੀਬਲ ਬਣੇ ਹਨ,
ਉਹ ਹੀ ਧਾਰਨ ਕਰ ਅਤੇ ਕਰਵਾ ਸਕਦੇ ਹਨ। ਜਿਨ੍ਹਾਂ ਬੱਚਿਆਂ ਦੇ ਮੁੱਖ ਤੋਂ ਹਮੇਸ਼ਾ ਰਤਨ ਹੀ ਨਿਕਲਦੇ
ਹਨ, ਉਨ੍ਹਾਂ ਨੂੰ ਰੂਪ - ਬਸੰਤ ਕਿਹਾ ਜਾਂਦਾ ਹੈ। ਸਿਵਾਏ ਗਿਆਨ ਵਿਗਿਆਨ ਦੇ ਬਾਕੀ ਆਪਸ ਵਿੱਚ ਕੁਝ
ਵੀ ਲੈਣ - ਦੇਣ ਕਰਦੇ ਹਨ ਗੋਇਆ ਪੱਥਰ ਹੀ ਮਾਰਦੇ ਹਨ। ਸਰਵਿਸ ਬਦਲੇ ਡਿਸਸਰਵਿਸ ਕਰਦੇ ਹਨ। 63 ਜਨਮ
ਇੱਕ ਦੋ ਨੂੰ ਪੱਥਰ ਮਾਰਦੇ ਆਏ ਹਨ। ਹੁਣ ਬਾਪ ਕਹਿੰਦੇ ਹਨ ਤੁਹਾਨੂੰ ਗਿਆਨ ਵਿਗਿਆਨ ਦੀਆਂ ਗੱਲਾਂ ਕਰ
ਦਿਲ ਨੂੰ ਖੁਸ਼ ਕਰਨਾ ਹੈ। ਝਰਮੁਈ ਝਗਮੁਈ ਦੀ ਗੱਲਾਂ ਨਹੀਂ ਸੁਣਨੀਆਂ ਚਾਹੀਦੀਆਂ। ਇਹ ਗਿਆਨ ਹੈ ਨਾ।
ਪੱਥਰ ਤਾਂ ਸਾਰੀ ਦੁਨੀਆਂ ਇੱਕ ਦੋ ਨੂੰ ਮਾਰਦੀ ਹੈ। ਤੁਸੀਂ ਬੱਚੇ ਤਾਂ ਰੂਪ - ਬਸੰਤ ਹੋ। ਤੁਹਾਨੂੰ
ਗਿਆਨ ਵਿਗਿਆਨ ਦੇ ਸਿਵਾਏ ਨਾ ਕੁਝ ਸੁਣਨਾ ਹੈ, ਨਾ ਸੁਣਾਉਣਾ ਹੈ। ਜੋ ਉਲਟੀਆਂ ਗੱਲਾਂ ਕਰਦੇ ਹਨ
ਉਨ੍ਹਾਂ ਦਾ ਸੰਗ ਹੀ ਖਰਾਬ ਹੈ। ਜੋ ਬਹੁਤ ਸਰਵਿਸ ਕਰਨ ਵਾਲੇ ਹਨ, ਉਨ੍ਹਾਂ ਦਾ ਸੰਗ ਤਾਰੇ… ਕੋਈ
ਬ੍ਰਾਹਮਣ ਰੂਪ ਬਸੰਤ ਹੈ, ਕੋਈ ਬ੍ਰਾਹਮਣ ਬਣ ਕੇ ਫਿਰ ਉਲਟੀ ਸੁਲਟੀ ਗੱਲਾਂ ਕਰਦੇ ਹਨ। ਇਵੇਂ ਦਾ ਸੰਗ
ਨਹੀਂ ਕਰਨਾ ਚਾਹੀਦਾ ਹੋਰ ਹੀ ਨੁਕਸਾਨ ਕਰ ਦੇਣਗੇ। ਬਾਬਾ ਬਾਰ - ਬਾਰ ਸਾਵਧਾਨੀ ਦਿੰਦੇ ਹਨ। ਉਲਟੀ
ਸੁਲਟੀ ਗੱਲਾਂ ਇੱਕ ਦੋ ਵਿੱਚ ਕਦੀ ਨਾ ਕਰੋ। ਨਹੀਂ ਤਾਂ ਆਪਣੀ ਵੀ ਸਤਿਆਨਾਸ਼, ਦੂਜੇ ਦੀ ਵੀ ਸਤਿਆਨਾਸ਼
ਕਰ ਦਿੰਦੇ ਹਨ ਤਾਂ ਫਿਰ ਪਦਵੀ ਭ੍ਰਿਸ਼ਟ ਹੋ ਪੈਂਦੀ ਹੈ। ਬਾਬਾ ਕਿੰਨਾ ਸਹਿਜ ਸੁਣਾਉਂਦੇ ਹਨ। ਸ਼ੋਕ
ਹੋਣਾ ਚਾਹੀਦਾ ਹੈ, ਬਾਬਾ ਅਸੀਂ ਜਾਕੇ ਬਹੁਤਿਆਂ ਨੂੰ ਇਹ ਨਾਲੇਜ ਦਿੰਦੇ ਹਾਂ। ਉਹ ਹੀ ਬਾਪ ਦੇ ਸੱਚੇ
ਬੱਚੇ ਹਨ। ਸਰਵਿਸੇਬਲ ਬੱਚਿਆਂ ਦੀ ਬਾਪ ਵੀ ਮਹਿਮਾ ਕਰਦੇ ਹਨ। ਉਨ੍ਹਾਂ ਦਾ ਸੰਗ ਕਰਨਾ ਚਾਹੀਦਾ ਹੈ।
ਕੌਣ ਚੰਗੇ ਸਟੂਡੈਂਟ ਦਾ ਸੰਗ ਰੱਖਦੇ ਹਨ, ਬਾਬਾ ਤੋਂ ਪੁੱਛੋ ਤਾਂ ਦੱਸ ਸਕਦੇ ਹਨ, ਕਿਸ ਦਾ ਸੰਗ ਕਰਨਾ
ਚਾਹੀਦਾ ਹੈ। ਕੌਣ ਬਾਬਾ ਦੇ ਦਿਲ ਤੇ ਚੜ੍ਹੇ ਹੋਏ ਹਨ, ਉਹ ਝੱਟ ਦੱਸਣਗੇ। ਸਰਵਿਸ ਕਰਨ ਵਾਲਿਆਂ ਦਾ
ਬਾਬਾ ਨੂੰ ਵੀ ਰਿਗਾਰ੍ਡ ਹੈ। ਕੋਈ - ਕੋਈ ਤਾਂ ਸਰਵਿਸ ਵੀ ਨਹੀਂ ਕਰ ਸਕਦੇ ਹਨ। ਇਵੇਂ ਬਹੁਤਿਆਂ ਨੂੰ
ਖਰਾਬ ਸੰਗ ਮਿਲਣ ਨਾਲ ਅਵਸਥਾ ਥੱਲੇ ਉੱਪਰ ਹੋ ਜਾਂਦੀ ਹੈ। ਹਾਂ ਕੋਈ ਸਥੂਲ ਸਰਵਿਸ ਵਿੱਚ ਚੰਗੇ ਹਨ,
ਉਹ ਵੀ ਚੰਗਾ ਵਰਸਾ ਪਾ ਲੈਂਦੇ ਹਨ। ਅਲਫ਼ ਅਤੇ ਬੇ ਸਮਝਣਾ ਤਾਂ ਬੜਾ ਸਹਿਜ ਹੈ। ਕੋਈ ਨੂੰ ਵੀ ਸਿਰਫ
ਬੋਲੋ - ਬਾਪ ਨੂੰ ਅਤੇ ਵਰਸੇ ਨੂੰ ਯਾਦ ਕਰੋ। ਬਸ ਅੱਖਰ ਹੀ ਦੋ ਹਨ - ਅਲਫ਼ ਅਤੇ ਬੇ। ਇਹ ਤਾਂ
ਬਿਲਕੁਲ ਸਹਿਜ ਹੈ। ਕੋਈ ਵੀ ਆਏ ਤਾਂ ਉਨ੍ਹਾਂ ਨੂੰ ਸਿਰਫ ਕਹੋ - ਬਾਬਾ ਦਾ ਫਰਮਾਨ ਹੈ ਮਾਮੇਕਮ ਯਾਦ
ਕਰੋ, ਬਸ। ਸਭ ਤੋਂ ਵੱਡੀ ਖ਼ਾਤਰੀ ਇਹ ਹੈ। ਬਾਪ ਕਹਿੰਦੇ ਹਨ ਮੈਨੂੰ ਯਾਦ ਕਰੋ ਤਾਂ ਤੁਹਾਨੂੰ ਸ੍ਵਰਗ
ਦਾ ਵਰਸਾ ਮਿਲ ਜਾਵੇਗਾ। ਹਰ ਸੈਂਟਰ ਵਿੱਚ ਇਵੇਂ ਦੇ ਨੰਬਰਵਾਰ ਹਨ। ਕੋਈ ਤਾਂ ਡਿਟੇਲ ਵਿੱਚ ਸਮਝਾ
ਸਕਦੇ ਹਨ। ਨਹੀਂ ਸਮਝਾ ਸਕਦੇ ਹਨ ਤਾਂ ਸਿਰਫ ਇਹ ਦੱਸੋ। ਕਲਪ ਪਹਿਲੇ ਵੀ ਬਾਪ ਨੇ ਕਿਹਾ ਸੀ ਕਿ
ਮਾਮੇਕਮ ਯਾਦ ਕਰੋ ਅਤੇ ਕੋਈ ਵੀ ਦੇਹਧਾਰੀ ਦੇਵਤਾ ਆਦਿ ਨੂੰ ਵੀ ਯਾਦ ਨਾ ਕਰੋ। ਬਾਕੀ ਝਰਮੁਈ ਝਗਮੁਈ,
ਫਲਾਣਾ ਇਵੇਂ ਕਹਿੰਦੇ ਹਨ, ਇਹ ਕਰਦੇ ਹਨ… ਕੁਝ ਵੀ ਨਹੀਂ ਕਰੋ। ਇਹ ਬਾਬਾ ਨੇ ਤੁਹਾਨੂੰ ਹੋਲੀ ਅਤੇ
ਧੁਰਿਆ ਖਿਲਾਇਆ। ਬਾਕੀ ਰੰਗ ਆਦਿ ਲਗਾਉਣਾ ਤਾਂ ਆਸੁਰੀ ਮਨੁੱਖਾਂ ਦਾ ਕੰਮ ਹੈ। ਕੋਈ ਕਿਸੇ ਦੀ ਗਲਾਨੀ
ਬੈਠ ਸੁਣਾਏ ਤਾਂ ਨਹੀਂ ਸੁਣਨਾ ਚਾਹੀਦਾ ਹੈ। ਬਾਬਾ ਕਿੰਨੀਆਂ ਚੰਗੀਆਂ ਗੱਲਾਂ ਸੁਣਾਉਂਦੇ ਹਨ -
ਮਨਮਨਾਭਵ, ਮੱਧਿਆਜੀ ਭਵ। ਕੋਈ ਵੀ ਆਏ ਤਾਂ ਉਸ ਨੂੰ ਸਮਝਾਵੋ - ਸ਼ਿਵਬਾਬਾ ਸਭ ਦਾ ਬਾਪ ਹੈ, ਉਹ ਤਾਂ
ਕਹਿੰਦੇ ਹਨ ਮੈਨੂੰ ਯਾਦ ਕਰੋ ਤਾਂ ਸ੍ਵਰਗ ਦਾ ਵਰਸਾ ਮਿਲੇਗਾ। ਗੀਤਾ ਦਾ ਭਗਵਾਨ ਵੀ ਉਹ ਹੈ। ਮੌਤ
ਸਾਹਮਣੇ ਖੜਿਆ ਹੈ। ਤਾਂ ਤੁਸੀਂ ਬੱਚਿਆਂ ਦਾ ਕੰਮ ਹੈ ਸਰਵਿਸ ਕਰਨਾ। ਬਾਪ ਦੀ ਯਾਦ ਦਿਲਾਉਣਾ। ਇਹ ਹੈ
ਮਹਾਨ ਮੰਤਰ, ਜਿਸ ਨਾਲ ਰਾਜਧਾਨੀ ਦਾ ਤਿਲਕ ਮਿਲ ਜਾਵੇਗਾ। ਕਿੰਨੀ ਸਹਿਜ ਗੱਲ ਹੈ ਬਾਪ ਨੂੰ ਯਾਦ ਕਰੋ
ਅਤੇ ਕਰਾਵੋ ਤਾਂ ਬੇੜਾ ਪਾਰ ਹੋ ਜਾਵੇਗਾ। ਅੱਛਾ!
ਮਿੱਠੇ- ਮਿੱਠੇ ਸਿੱਕੀਲਧੇ
ਬੱਚਿਆਂ ਪ੍ਰਤੀ ਮਾਤ ਪਿਤਾ ਬਾਪ ਦਾਦਾ ਦਾ ਯਾਦ ਪਿਆਰ ਅਤੇ ਗੁਡਮੋਰਨਿੰਗ । ਰੂਹਾਨੀ ਬਾਪ ਦੀ ਰੂਹਾਨੀ
ਬੱਚਿਆਂ ਨੂੰ ਨਮਸਤੇ।
ਧਾਰਨਾ ਲਈ ਮੁੱਖ
ਸਾਰ:-
1. ਸੈਂਸੀਬਲ ਬਣ
ਸਭ ਨੂੰ ਬਾਪ ਦਾ ਪਰਿਚੈ ਦੇਣਾ ਹੈ। ਮੁੱਖ ਤੋਂ ਕਦੀ ਪੱਥਰ ਨਿਕਾਲ ਡਿਸਸਰਵਿਸ ਨਹੀਂ ਕਰਨੀ ਹੈ। ਗਿਆਨ
- ਯੋਗ ਦੇ ਸਿਵਾਏ ਦੂਜੀ ਕੋਈ ਚਰਚਾ ਨਹੀਂ ਕਰਨੀ ਹੈ।
2. ਜੋ ਰੂਪ - ਬਸੰਤ ਹਨ,
ਸਰਵਿਸੇਬਲ ਹਨ ਉਨ੍ਹਾਂ ਦਾ ਹੀ ਸੰਗ ਕਰਨਾ ਹੈ। ਜੋ ਉਲਟੀ - ਸੁਲਟੀ ਗੱਲਾਂ ਸੁਣਾਉਣ ਉਨ੍ਹਾਂ ਦਾ ਸੰਗ
ਨਹੀਂ ਕਰਨਾ ਹੈ।
ਵਰਦਾਨ:-
ਨਾਲੇਜ ਦ੍ਵਾਰਾ ਰਾਵਣ ਦੇ ਬਹੁਤ ਰੂਪਾਂ ਨੂੰ ਜਾਣਕੇ ਉਸ ਦੀ ਅਟ੍ਰੇਕਸ਼ਨ ਤੋਂ ਮੁਕਤ ਰਹਿਣ ਵਾਲੇ
ਹਿੰਮਤਵਾਨ ਭਵ।
ਸਲੋਗਨ:-
ਸੇਵਾਵਾਂ ਵਿੱਚ
ਸਫਲਤਾ ਪ੍ਰਾਪਤ ਕਰਨੀ ਹੈ ਤਾਂ ਨਿਰਮਾਣਚਿਤ ਦੀ ਵਿਸ਼ੇਸ਼ਤਾ ਨੂੰ ਧਾਰਨ ਕਰੋ।
ਜੋ ਬੱਚੇ ਨਾਲੇਜ ਦ੍ਵਾਰਾ
ਰਾਵਣ ਦੇ ਬਹੁਤ ਰੂਪਾਂ ਨੂੰ ਚੰਗੀ ਤਰ੍ਹਾਂ ਨਾਲ ਜਾਣ ਗਏ ਹਨ, ਉਨ੍ਹਾਂ ਦੇ ਅੱਗੇ ਉਹ ਨੇੜੇ ਵੀ ਨਹੀਂ
ਆ ਸਕਦਾ। ਭਾਵੇਂ ਸੋਨੇ ਦਾ, ਭਾਵੇਂ ਹੀਰੇ ਦਾ ਰੂਪ ਧਾਰਨ ਕਰ ਲਵੋ ਪਰ ਉਸਦੀ ਅਟ੍ਰੇਕਸ਼ਨ ਵਿਚ ਨਹੀਂ
ਆਵੇਗਾ। ਅਜਿਹੀਆਂ ਸੱਚੀਆਂ ਸੀਤਾ ਬਣ ਲਕੀਰ ਦੇ ਅੰਦਰ ਰਹਿਣ ਦਾ ਲਕਸ਼ ਰੱਖ, ਹਿੰਮਤਵਾਨ ਬਣੋ। ਫਿਰ
ਇਹ ਰਾਵਣ ਦੀ ਬਹੁਤ ਸੈਨਾ ਵਾਰ ਕਰਨ ਦੀ ਬਜਾਏ ਤੁਹਾਡੀ ਸਹਿਯੋਗੀ ਬਣ ਜਾਵੇਗੀ। ਪ੍ਰਾਕ੍ਰਿਤੀ ਦੇ ਪੰਜ
ਤੱਤਵ ਅਤੇ ਪੰਜ ਵਿਕਾਰ ਟਰਾਂਸਫਰ ਹੋਕੇ ਤੁਹਾਡੀ ਸੇਵਾ ਦੇ ਲਈ ਆਉਣਗੇ।
ਇਹ ਅਵਿਅਕਤ ਇਸ਼ਾਰੇ -
“ਨਿਸ਼ਚੇ ਦੇ ਫਾਉਂਡੇਸ਼ਨ ਨੂੰ ਮਜ਼ਬੂਰ ਕਰ ਸਦਾ ਨਿਰਭੇ ਅਤੇ ਨਿਸ਼ਚਿੰਤ ਰਹੋ”
ਵਿਜੇਈ ਬਣਨ ਦਾ ਫਾਉਂਡੇਸ਼ਨ ਹੈ “ ਨਿਸ਼ਚੇ”, ਦਾ ਫਾਉਂਡੇਸ਼ਨ ਜੇਕਰ ਪੱਕਾ ਹੈ ਤਾਂ ਬਿਲਡਿੰਗ ਹਿੱਲ
ਨਹੀਂ ਸਕਦੀ, ਨਿਸ਼ਚਿੰਤ ਰਹਿੰਦੇ ਹਨ। ਜੇਕਰ ਫਾਉਂਡੇਸ਼ਨ ਕੱਚਾ ਹੈ ਤਾਂ ਥੋੜ੍ਹਾ ਜਿਹਾ ਵੀ ਤੂਫਾਨ
ਆਵੇਗਾ, ਥੋੜ੍ਹੀ ਵੀ ਧਰਤੀ ਹਿੱਲੇਗੀ ਤਾਂ ਡਰ ਹੋਵੇਗਾ ਇਹ ਬਿਲਡਿੰਗ ਸਾਡੀ ਡਿੱਗ ਨਾ ਜਾਵੇ ਜਾਂ
ਦਰਾਰ ਨਹੀਂ ਹੋ ਜਾਵੇ। ਲੇਕਿਨ ਨਿਸ਼ਚੇ ਦਾ ਫਾਉਂਡੇਸ਼ਨ ਪੱਕਾ ਹੋਵੇਗਾ ਤਾਂ ਨਿਰਭਓ ਅਤੇ ਨਿਸ਼ਚਿੰਤ
ਰਹੋਗੇ।